សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា សូមថ្លែងអំណរគុណយ៉ាងជ្រាលជ្រៅ បំផុតចំពោះ លោកអ្នកឧកញ៉ា អ្នកឧកញ៉ា ឧកញ៉ា និងសប្បុរសជនទាំងអស់ ដែលបានបរិច្ចាគថវិកា ជូនកាកបាទ​ក្រហមកម្ពុជា ក្នុងឱកាសខួបលើកទី១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៦ ក្រោមមូលបទ «បន្តរួមកម្លាំងគ្នា ដើម្បីមនុស្សធម៌»។

កាកបាទក្រហមកម្ពុជា បានបញ្ជាក់ថា នឹងយកចិត្តទុកដាក់ប្រើប្រាស់អំណោយដ៏សប្បុរសនេះ ដើម្បីបម្រើ​សកម្មភាព​មនុស្សធម៌ជួយដល់ប្រជាពលរដ្ឋងាយរងគ្រោះបំផុត ជាពិសេសប្រជាជនភៀសសឹក និងគ្រួសារយុទ្ធជន​របួសនិងពលីក្នុងសមរភូមិ។

The post ឧកញ៉ាបណ្ឌិត ត្រាំង លី និងលោកជំទាវ សុខ ស្រីម៉ៅ បរិច្ចាគថវិកា ៥,០០០ ដុល្លារអាម៉េរិក ជូនកាកបាទក្រហមកម្ពុជា appeared first on .

សភាពាណិជ្ជកម្មកម្ពុជា ត្រូវបានបង្កើតឡើងក្នុងឆ្នាំ១៩៩៥ ដោយមានទំនាក់ទំនងនៅទូទាំងប្រទេស ព្រមទាំងដៃគូកម្រិតតំបន់ និងពិភពលោក។ បច្ចុប្បន្ន សភាពាណិជ្ជកម្មកម្ពុជា មានសភាពាណិជ្ជកម្ម រាជធានី-ខេត្ត ចំនួនសរុប១៨ ដែលស្ថិតនៅក្រោមសភាពាណិជ្ជកម្មកម្ពុជា។

សូមជម្រាបជូនថា សភាពាណិជ្ជកម្ម គឺជាស្ថាប័នមួយមិនសំដៅរកប្រាក់ចំណេញ ដែលសមាជិកភាពមាន​លក្ខណៈស្ម័គ្រចិត្ត និងជាស្ថាប័នតំណាងការពារផលប្រយោជន៍ជូនវិស័យឯកជនលើផ្នែកពាណិជ្ជកម្ម ឧស្សាហកម្ម សិប្បកម្ម សេវាកម្ម និងកសិកម្ម ដោយធ្វើសកម្មភាពបម្រើឲ្យសេដ្ឋកិច្ចជាតិ ក្នុងដែនសមត្ថកិច្ចរបស់ខ្លួន និងនៅ​ទូទាំងប្រទេស៕

The post អ្នកឧកញ៉ា គិត ម៉េង ចេញសេចក្តីសម្រេចតែងតាំង ឧកញ៉ាបណ្ឌិត ត្រាំង លី ជាទីប្រឹក្សាជាន់ខ្ពស់សភាពាណិជ្ជកម្ម​កម្ពុជា អាណត្តិទី៥ appeared first on .

The post ឧកញ៉ាបណ្ឌិត ត្រាំង លី និងលោកជំទាវ ចូលរួមបរិច្ចាគថវិកា ៥,០០០ដុល្លារ តាមរយៈសមាគមឧកញ៉ាកម្ពុជា គាំទ្រយ៉ាងមោះមុតដល់វីរកងទ័ពជួរមុខ appeared first on .

ថ្លែងក្នុងពិធីសំណេះសំណាល លោកឧកញ៉ាបណ្ឌិត ប្រធានក្រុមប្រឹក្សាភិបាលសាលា CIA First International School បាននាំនូវការផ្តាំផ្ញើ សាកសួរសុខទុក្ខពីលោក ឡាវ វ៉ាន់ និងបានបង្ហាញពីក្ដីសោមនស្ស​ក្នុងដំណើរ​បេសកកម្ម ដោយទទួលបានការកោតសរសើរ និងវាយតម្លៃខ្ពស់ ពីសំណាក់ថ្នាក់ដឹកនាំសាកលវិទ្យាល័យពីគុណវុឌ្ឍិ លទ្ធផលការសិក្សា និងសីលធម៌របស់និស្សិតកម្ពុជា ដែលនេះបានសបញ្ជាក់ពីភាពជោគជ័យរបស់និស្សិតកម្ពុជា ក្នុងតួនាទីជាទូតសុឆន្ទៈ តំណាងឱ្យប្រទេសកម្ពុជា។

ក្នុងឱកាសនោះដែរ លោកឧកញ៉ាបណ្ឌិត ត្រាំង លី បានលើកទឹកចិត្តឱ្យនិស្សិតបន្តខិតខំសិក្សារៀនសូត្រ ត្រូវ​ចេះ​សាមគ្គីគ្នា និងចូលរួមផ្សព្វផ្សាយ នៅលើឆាកអន្តរជាតិពីវប្បធម៌ អរិយធម៍ ប្រពៃណីជាតិខ្មែរ ជាពិសេសផ្សព្វផ្សាយ​ពីសុខសន្តិភាពនៅកម្ពុជា ក្រោមការដឹកនាំប្រកបដោយចក្ខុវិស័យដ៏ខ្ពង់ខ្ពស់របស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តី៕

The post ឧកញ៉ាបណ្ឌិត ត្រាំង លី ផ្តាំនិស្សិតខ្មែរចូលរួមផ្សព្វផ្សាយវប្បធម៌ អរិយធម៍ ប្រពៃណីជាតិខ្មែរ នៅលើឆាកអន្តរជាតិ appeared first on .

ក្នុងឱកាសនៃជំនួបនេះ ឧកញ៉ាបណ្ឌិត ត្រាំង លី បានលើកឡើងពីសក្តានុពលនិស្សិតកម្ពុជា ក្នុងការចាប់យក​ឱកាសអាហារូបករណ៍បន្តការសិក្សានៅសាធារណរដ្ឋប្រជាមានិតចិន ព្រមទាំងកិច្ចសហប្រតិបត្តិការ និងការ​ពង្រឹងទំនាក់ទំនងផ្នែកអប់រំ ដោយបានស្នើថ្នាក់ដឹកនាំសាកលវិទ្យាល័យ ពិនិត្យលទ្ធភាពផ្តល់អាហារូបករណ៍​សម្រាប់និស្សិតកម្ពុជា តាមរយៈ គណៈកម្មាធិការអាហារូបករណ៍ អ.ម.ត ដើម្បីបង្កើនឱកាសសិក្សា និងលើក​កម្ពស់ការផ្លាស់ប្តូរវប្បធម៌រវាងប្រទេសទាំងពីរ។

សូមជម្រាបថា ក្រុមការងារគណៈកម្មាធិការអាហារូបករណ៍ អ.ម.ត បាននិងកំពុង​​​ធ្វើដំណើរចេញទៅ​បំពេញ​បេសកកម្ម​ទៅកាន់សាធារណរដ្ឋប្រជាមានិតចិន តាំងពីថ្ងៃទី២៦ ខែតុលា ឆ្នាំ២០២៥។ បេសកកម្មទៅ​កាន់​សាធារណរដ្ឋប្រជាមានិតចិន របស់សមាគម អ.ម.ត ក្នុងគោលបំណងពង្រឹង និងពង្រីកវិសាលភាពអាហារូបករណ៍ អ.ម.ត ជូននិស្សិតខ្មែរ ជាមួយស្ថាប័ន និងគ្រឹះស្ថានសិក្សា នៃសាធារណរដ្ឋប្រជាមានិតចិន៕

The post ឧកញ៉ាបណ្ឌិត ត្រាំង លី ស្នើសាកលវិទ្យាល័យ Zhongnan University of Economics and Law ក្នុងខេត្តហ៊ូប៉ី ពិនិត្យលទ្ធភាពផ្តល់អាហារូបករណ៍សម្រាប់និស្សិតកម្ពុជា appeared first on .

ពិធីអាពាហ៍ពិពាហ៍គូស្វាមីភរិយាថ្មីនេះ កូនប្រុសឈ្មោះ អ៊ាង រិទ្ធី និងកូនស្រីឈ្មោះ តែ សូដាណេ ជាកូនស្រី ឧកញ៉ាបណ្ឌិត ត្រាំង លី ប្រធានក្រុមប្រឹក្សាភិបាល និងជាស្ថាបនិក នៃសាលា CIA First International School Cambodia Language Academy និងក្រុមហ៊ុន GA General Engineering ដែលវិនិយោគលើវិស័យអប់រំ ចំណេះទូទៅ មជ្ឈមណ្ឌលភាសាអង់គ្លេស ការផ្គត់ផ្គង់ម៉ាស៊ីនត្រជាក់ គ្រឿងបរិក្ខារ និងប្រព័ន្ធបឺតខ្យល់។

ពិធីមង្គលការរវាងកូនប្រុសស្រីគ្រួសារអ្នកជំនួញដ៏ធំ នាឆ្នាំ២០២៥នេះ ត្រូវបានអញ្ជើញចូលរួមជាកិត្តិយសពីសំណាក់ សម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា និងលោកជំទាវបណ្ឌិត ពេជ្រ ចន្ទមុនី, សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ ព្រមទាំងថ្នាក់ដឹកនាំ នៃរាជរដ្ឋាភិបាលកម្ពុជា ជាច្រើនរូប។

ក្នុងពិធីសិរីមង្គលនេះ ក៏មានវត្តមាន លោកអ្នកឧកញ៉ា អ្នកឧកញ៉ា ឧកញ៉ា ជាច្រើនរូបរួមមាន លោកអ្នកឧកញ៉ា លី យ៉ុងផាត់, លោកអ្នកឧកញ៉ា លាង ឃុន, អ្នកឧកញ៉ា សុខ ឆេង, អ្នកឧកញ៉ា ផែ ហុកឈួន, អ្នកឧកញ៉ា សៀ ឬទ្ធី, អ្នកឧកញ៉ា សំ អាង និងអ្នកឧកញ៉ា ឈុន លាង, អ្នកឧកញ៉ា ជីង សុគន្ធាវី, អ្នកឧកញ៉ា លី ឃុនថៃ, ជំទាវឧកញ៉ា ម៉ៅ ម៉ាល័យ កែគឹមយ៉ាន, ឧកញ៉ា លី ឆេង ព្រមទាំងអ្នកមុខអ្នកការ និងអ្នកជំនួញធំៗជាច្រើនរូបទៀតផងដែរ៕

រូបភាព៖ The Ring

The post លោកអ្នកឧកញ៉ា អ្នកឧកញ៉ា ឧកញ៉ាៗច្រើនរូប អញ្ជើញចូលរួមពិធីមង្គលការកូនស្រី ឧកញ៉ាបណ្ឌិត ត្រាំង លី ម្ចាស់សាលា CIA appeared first on .

ពិធីប្រកាសបង្ហាញខ្លួននេះ បានធ្វើឡើងក្នុងកិច្ចប្រជុំក្រុមប្រឹក្សាភិបាលពេញអង្គ លើកទី១០ អាណត្តិទី១ ត្រីមាសទី៣ ឆ្នាំ២០២៥ ក្រោមអធិបតីភាព លោកអ្នកឧកញ៉ា លី យ៉ុងផាត់ ប្រធានក្រុមប្រឹក្សាភិបាល និងជាប្រធានអង្គប្រជុំ ដោយមានវត្តមានចូលរួមពីសំណាក់ លោកអ្នកឧកញ៉ា អ្នកឧកញ៉ា និងឧកញ៉ា ដែលជាអនុប្រធាន និងសមាជិកក្រុមប្រឹក្សាភិបាល នៃសមាគមចំនួន ៣៩រូប។ 

គួរបញ្ជាក់ថា សម្រាប់អាណត្តិទី១នេះ សមាគមឧកញ៉ាកម្ពុជា មានសមាជិកក្រុមប្រឹក្សាភិបាលសរុបចំនួន ៥៣រូប។

ឧកញ៉ាបណ្ឌិត ត្រាំង លី គឺជាសមាជិកសកម្ម នៃសមាគមឧកញ៉ាកម្ពុជា និងជា ប្រធានក្រុមប្រឹក្សាភិបាល និងជាស្ថាបនិក នៃសាលា CIA First International School Cambodia Language Academy និងក្រុមហ៊ុន GA General Engineering ដែលវិនិយោគលើវិស័យអប់រំ ចំណេះទូទៅ មជ្ឈមណ្ឌលភាសាអង់គ្លេស ការផ្គត់ផ្គង់ម៉ាស៊ីនត្រជាក់ គ្រឿងបរិក្ខារ ប្រព័ន្ធបឺតខ្យល់ ជាដើម។ 

បច្ចុប្បន្ន ក្រុមហ៊ុនរបស់ឧកញ៉ាបណ្ឌិត បានផ្ដល់ការងារដល់ បុគ្គលិក សរុបចំនួនជាង ១០០០នាក់ ដែលបានរួមចំណែកបង្កើតការងារជាច្រើនជូនប្រជាពលរដ្ឋក្នុងសង្គម។ ឧកញ៉ាបណ្ឌិត ជាធុរជនពោរពេញដោយបទពិសោធជាង ៣០ឆ្នាំ និងមានវិជ្ជាជីវៈខ្ពស់ ដែលអាចប្រើប្រាស់ទាំងភាសាខ្មែរ អង់គ្លេស ចិន និងវៀតណាម និងបានបញ្ចប់ការសិក្សាថ្នាក់បណ្ឌិតពាណិជ្ជកម្ម និងគ្រប់គ្រង។ ក្រៅពីការងារធុរកិច្ច នាពេលកន្លងមក ឧកញ៉ាបណ្ឌិត បានចូលរួមចំណែកយ៉ាងសកម្មក្នុងការងារសង្គម និងសប្បុរសធម៌នានា តាមរយៈ ការបរិច្ចាគ ជួយ គាំទ្រ ជាមួយរាជរដ្ឋាភិបាលកម្ពុជាយ៉ាងច្រើនសន្ធឹកសន្ធាប់៕

The post ឧកញ៉ាបណ្ឌិត ត្រាំង លី បង្ហាញខ្លួនចូលជាសមាជិកក្រុមប្រឹក្សាភិបាលថ្មី នៃសមាគមឧកញ៉ាកម្ពុជា ជាផ្លូវការ appeared first on .

ឧកញ៉ាបណ្ឌិត ត្រាំង លី និងលោកជំទាវ កន្លងមកតែងតែចូលរួមឧបត្ថម្ភថវិកាជារៀងរាល់ឆ្នាំ ដល់កាកបាទក្រហមកម្ពុជាសម្រាប់ទិវា ៨ឧសភា។ កន្លងមកនេះ ក៏តែងតែបានចូលរួមឧបត្ថម្ភថវិកា ជួយដល់យុទ្ធនាការផ្សេងៗរបស់ប្រមុខរាជរដ្ឋាភិបាល ព្រមទាំងបានចូលរួមជួយឧបត្ថម្ភដល់កម្មវិធីសប្បុរសជាច្រើនទៀត។

ការចូលរួមឧបត្ថម្ភគាំទ្រជាថវិកា និងសម្ភារៈ តាមរយៈកាកបាទក្រហមកម្ពុជា គឺពិតជាមានគុណតម្លៃណាស់ ក្នុងការលើកកម្ពស់ស្មារតីវប្បធម៌នៃការចែករំលែក ដែលជាការផ្សារភ្ជាប់រវាងសប្បុរសជនជាមួយអ្នកទទួលផល។

គួររម្លឹកថាកាកបាទក្រហមកម្ពុជា ដែលមាន សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ជាព្រះប្រធានកិត្តិយស និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន នៅក្នុងឆ្នាំ២០២៤កន្លងទៅ បានជួយប្រជាពលរដ្ឋងាយគ្រោះដោយផ្ទាល់ និងតាមខ្នងផ្ទះ រួមទាំងប្រយោលជាង ២លាននាក់៕

The post ឧកញ៉ាបណ្ឌិត ត្រាំង លី និងលោកជំទាវ បរិច្ចាគថវិកាចំនួន ៥,០០០ ដុល្លារអាម៉េរិក ក្នុងឱកាសខួបទី១៦២ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៥ appeared first on .

ឧកញ៉ាបណ្ឌិត ត្រាំង លី សមាជិកក្រុមប្រឹក្សាភិបាល និងជាអនុប្រធានប្រតិបត្តិនៃគ្រឹះស្ថានឧត្តមសិក្សាកម្ពុជា (CHEA) ទទួល​បាន​ការ​​​បំពាក់គ្រឿងឥស្សរិយយស «ជាតូបការ» ពី​សម្តេច​តេជោ​នាយករដ្ឋមន្ត្រី ក្នុងឱកាស​សម្ដេច ទទួលជួបពិភាក្សាការងារជាមួយប្រតិភូគ្រឹះស្ថានឧត្តមសិក្សា ដែលដឹកនាំដោយលោក ហេង វ៉ាន់ដា ប្រធានក្រុមប្រឹក្សាភិបាលសមាគមគ្រឹះស្ថានឧត្តមសិក្សា នៅវិមានសន្តិភាព។ លោកឧកញ៉ា ត្រាំង លី ទទួល​បាន​មេដាយ​ខ្ពស់​បំផុត​របស់​ជាតិ​នេះ​ ជា​ការ​ឆ្លើយតប​ទៅ​នឹង​កិច្ចខិតខំប្រឹងប្រែង​របស់​លោក ក្នុង​ការ​ចូលរួមក្នុង​សកម្មភាពសង្គមជាតិ ជាពិសេសការកសាងថ្នាលអប់រំ និងការអភិវឌ្ឍធនធានមនុស្ស ដែល​ជា​អ្នកបន្ត​វេន​ជំនាន់​ក្រោយ។

ក្នុង​ពិធី​ជួបពិភាក្សាការងារជាមួយប្រតិភូគ្រឹះស្ថានឧត្តមសិក្សា សម្ដេចតេជោ ហ៊ុន សែន បានវាយតម្លៃខ្ពស់​ចំពោះ​វិធានការរបស់ក្រសួងអប់រំយុវជន និងកីឡា ក្នុងការជំរុញការសិក្សាតាមអនឡាញ នៅក្នុងអំឡុងពេលនៃ​វិបត្តិ​កូវីដ​១៩ កន្លងទៅនេះ។ សម្ដេចតេជោនាយករដ្ឋមន្ត្រី ក៏បានថ្លែងអំណរគុណ​ចំពោះសមាជិកគ្រឹះស្ថានឧត្ដម​សិក្សាទាំងអស់ ដែលបានចូលរួមយ៉ាងសកម្មនៅក្នុងការបណ្ដុះបណ្ដាលធនធានមនុស្សរបស់កម្ពុជា ជាពិសេស​នៅក្នុងកាលៈទេសៈ​នៃការរាតត្បាតជំងឺកូវីដ១៩។

សូម​ជម្រាប​ជូន​ថា សាលាអន្តរជាតិ ស៊ី អាយ អេ ហ្វឺសត៍ (CIA FIRST) ជា​សាលា​ដែល​មាន​ស្តង់ដា​កម្រិត​​ខ្ពស់​លំដាប់​អន្តរជាតិ​មួយ​នៅ​កម្ពុជា ដែល​លោក​ឧកញ៉ា​បណ្ឌិត ត្រាំង លី បាន​បង្កើត​ឡើង​ តាំង​ពី​ឆ្នាំ២០០៤។ សាលា​អន្តរជាតិ​នេះ​ មាន​ទទួល​សិស្ស​ចាប់ពី​ថ្នាក់​មតេយ្យ រហូត​ដល់​ថ្នាក់​វិទ្យាល័យ ហើយ​បច្ចុប្បន្ន​មាន​៣​​ទីតាំង​គឺ ១)CIA FIRST SENSOK ស្ថិត​នៅ​ផ្លូវ​២០០៤ សង្កាត់​ទឹកថ្លា​ ខណ្ឌ​សែនសុខ, ២)CIA FIRST SENSOK High School (ថ្នាក់ទី៩-ថ្នាក់ទី១២) ស្ថិត​នៅ​ផ្លូវ​ ដួងងៀប៣ ខណ្ឌ​សែនសុខ និង ៣)CIA FIRST Chbar Ampov ស្ថិត​នៅ​​ភូមិ​បឹងឈូក សង្កាត់​និរោធ ខណ្ឌ​ច្បារ​អំពៅ រាជធានីភ្នំពេញ៕

The post ឧកញ៉ា ត្រាំង លី ម្ចាស់សាលាអន្តរជាតិ CIA FIRST ទទួលការបំពាក់មេដាយ «ជាតូបការ» ពីសម្តេចតេជោ appeared first on .

ឧកញ៉ាបណ្ឌិត ត្រាំង លី ចែករំលែកយ៉ាងដូច្នេះថា៖ “ក្មួយៗជាទីស្រលាញ់រាប់អាន!ជោគជ័យនៅថ្ងៃនេះរបស់ក្មួយៗគឺជាផ្លែផ្កានៃការខិតខំប្រឹងប្រែងតស៊ូរៀនសូត្រ ដែលគួរឱ្យកោតសរសើរក្រៃលែង។

ចំពោះការបោះជំហានទៅមុខបន្តទៀត តាងនាមពូជាស្ថាបនិកនិងជាប្រធានក្រុមប្រឹក្សាភិបាលរបស់សាលាអន្តរជាតិ ស៊ី អាយ អេ ហ្វឺសត៍ ពូមានដំបូន្មានមួយចំនួនដែលគួរចែករំលែកជូនដល់ក្មួយៗ”។

គោលគំនិត និងគតិអប់រំ គួរត្រិះរិះពិចារណា សម្រាប់ប្អូនសិក្សានុសិស្សដែលត្រៀមខ្លួន ក្លាយជានិស្សិតក្នុងពេលខាងមុខ ពីឧកញ៉ាបណ្ឌិត ត្រាំង លី រួមមាន៖

១. ការកំណត់គោលដៅសិក្សានៅកម្រិតឧត្ដមសិក្សា និងអាជីពនាពេលខាងមុខ ត្រូវត្រិះរិះពិចារណា និងថ្លឹងថ្លែងឱ្យបានហ្មត់ចត់មុននឹងសម្រេចចិត្តជ្រើសរើសមុខវិជ្ជាណាមួយ ពិព្រោះថាការសម្រេចត្រូវ នឹងជួយសន្សំសំចៃពេលវេលា ថវិកា និងថាមពលរបស់ក្មួយៗ។ ចូរក្មួយស្រមៃមើលប្រសិនបើក្មួយជ្រើសរើសជំនាញខុសពីចំណង់ចំណូលចិត្តរបស់ខ្លួន រៀនតាមមិត្តភក្តិ ឬរៀនតាមការអូសទាញរបស់អ្នកដទៃដោយមិនស្វែងយល់ពីកត្តាផ្ទាល់ខ្លួន តើនឹងមានអ្វីកើតឡើងចំពោះពេលវេលា ថវិកា ថាមពលដែលក្មួយៗចំណាយលើការសិក្សា? ជាងនេះទៀត នៅពេលក្មួយៗចេញបម្រើការងារជាមួយជំនាញក្នុងវិស័យដែលក្មួយមិនមានចំណង់ចំណូលចិត្ត តើការបំពេញការងារ ៨ម៉ោងក្នុងមួយថ្ងៃ របស់ក្មួយៗ នឹងមានសភាពបែបណា? ពូមិនឆ្លើយលម្អិតទៅនឹងសំណួររបស់ពូនេះទេ តែពូគ្រាន់តែចង់បង្កើតជាសម្មតិកម្មសម្រាប់ក្មួយៗយកទៅគិតពិចារណាទាំងអស់គ្នា។

២. នៅសាលាអន្តរជាតិ ស៊ី អាយ អេ ហ្វឺសត៍ ពូក៏ដូចជាថ្នាក់ដឹកនាំសាលាទាំងអស់បាន បង្កើតឱ្យមានសេវាប្រឹក្សាការសិក្សានៅឧត្ដមសិក្សា និងអាជីពសម្រាប់សិស្សានុសិស្សទាំងអស់។ ជាក់ស្តែង សិស្សានុសិស្សនៅស៊ី អាយ អេ សុទ្ធតែបានកំណត់គោលដៅរបស់ខ្លួនរួចជាស្រេច នៅពេលពួកគេចូលរៀននៅកម្រិតវិទ្យាល័យ។

៣. ជ្រើសរើសសាកលវិទ្យាល័យដែលមានឯកទេស និងជំនាញដែលខ្លួនមានលទ្ធភាព និងពេញចិត្ត ទោះក្នុងស្រុក ឬក្រៅស្រុកក្ដី។ បើអាច គួរស្វែងរកអាហារូបករណ៍ទៅសិក្សានៅក្រៅប្រទេស។ ចូរមើលទៅពិភពខាងក្រៅឱ្យបានទូលំទូលាយ ដើម្បីត្រៀមយកគុណសម្បទា និងពុទ្ធិសម្បទាទៅប្រើប្រាស់ប្រកបដោយប្រសិទ្ធភាព និងប្រសិទ្ធផល។

៤. នៅសាលាអន្តរជាតិ ស៊ី អាយ អេ ហ្វឺសត៍ យើងមានសេវាប្រឹក្សាអាហារូបករណ៍ក្រៅប្រទេស។ រហូតមកដល់ពេលនេះ យើងមានសិស្សានុសិស្សជាច្រើនបានទៅសិក្សានៅបរទេស ដូចជាប្រទេសអាមេរិក កាណាដា អូស្ត្រាលី អង់គ្លេសជាដើម…។ល។

៥. អំឡុងពេលសិក្សា គួរប្រើប្រាស់ពេលវេលាឱ្យបានល្អ ដើម្បីឆ្លៀតធ្វើកិច្ចការសង្គម ការងារស្ម័គ្រចិត្ត និងការងារហាត់ការផ្សេងៗ ដើម្បីបានជាបទពិសោធន៍ក្នុងការអនុវត្តជំនាញ និងគុណតម្លៃភាពជានិស្សិត។

៦. បង្កើតបណ្តាញទំនាក់ទំនងល្អ ទាំងអំឡុងពេលសិក្សា និងហាត់ការ ដើម្បីជាស្ពានដ៏រឹងមាំសម្រាប់អនាគត នាពេលក្រោយបញ្ចប់ការសិក្សា។

៧. បន្តរៀនសូត្រជំនាញបច្ចេកវិទ្យាឱ្យបានច្រើន និងឥតឈប់ឈរ ដើម្បីតាមឱ្យទាន់ភាពរីកចម្រើននៃវិស័យបច្ចេកវិទ្យាពិភពលោក។

បន្ថែមពីនេះ ប្រធានក្រុមប្រឹក្សាភិបាល សាលាអន្តរជាតិ ស៊ី អាយ អេ ហ្វឺសត៍ ឧកញ៉ាបណ្ឌិត ត្រាំង លី បានបន្តថា៖ “ដំបូន្មានល្អៗនៅមានច្រើនទៀត ដែលពូទុកឱ្យក្មួយៗស្វែងយល់ដោយខ្លួនឯង ហើយចូរចងចាំថារាល់ការសម្រេចចិត្តបែបណាដែលធ្វើឱ្យសុបិនក្លាយជាពិត ពិតជារឿងពិសេសក្នុងជីវិត”។

សាលាអន្តរជាតិ ស៊ី អាយ អេ ហ្វឺសត៍ គឺជាស្ថាប័នអប់រំឯកជនដ៏ល្បីល្បាញនៅរាជធានីភ្នំពេញ មានទីតាំងនៅខណ្ឌសែនសុខ ។ គ្រប់ទីតាំងរបស់សាលា CIA សុទ្ធតែមានទីធ្លាធំទូលាយល្អ និងទំនើបកម្រិតស្តង់ដារ។ ឈរជើងក្នុងវិស័យអប់រំ និងបណ្ដុះបណ្ដាលនេះ អស់រយៈពេលជិត ២០ឆ្នាំ នៅកម្ពុជាកន្លងមកនេះ CIA FIRST International School បានបន្តបេសកកម្មអប់រំ និងបន្តវឌ្ឍភាពរបស់ខ្លួនឥតឈប់ឈរ រហូតក្លាយទៅជាស្ថាប័នអប់រំកម្រិតស្តង់ដារជាតិ និងអន្តរជាតិ ឈានមុខគេប្រកបដោយ គុណភាពខ្ពស់ ជាមួយនឹងតម្លៃសិក្សាសមរម្យសម្រាប់មាតាបិតា និងអាណាព្យាបាលសិស្សនៅកម្ពុជា។

កាលពីអំឡុងខែកញ្ញា ឆ្នាំ២០២០ កន្លងទៅនេះ សាលាអន្តរជាតិ ស៊ី អាយ អេ ហ្វឺសត៍ ក៏បានបើកឱ្យដំណើរការ ទីតាំងសិក្សាដ៏ទំនើបថ្មីមួយទៀត នៅខណ្ឌច្បារអំពៅ រាជធានីភ្នំពេញ ហើយបានទទួលសិស្សឱ្យចុះឈ្មោះចូលរៀន យ៉ាងច្រើនផងដែរ៕

The post ឧកញ៉ាបណ្ឌិត ត្រាំង លី ស្ថាបនិកសាលា​ CIA FIRST International School ផ្ដល់ដំបូន្មាន ៧ចំណុច ដល់សិស្សទើបជាប់បាក់ឌុប appeared first on .