អ្វីដែលកាន់តែពិសេសទៀតនោះ នៅក្នុងវីដេអូបង្ហាញសកម្មភាពទាត់បាល់យ៉ាងស្វិតស្វាញនៅលើទីលានអមដោយបទចម្រៀងរបស់ខ្មែរ, ក្លឹបបាល់ទាត់ inter ក៏បានសរសេរអក្សរខ្មែរនៅលើវីដេអូទៀតផង។ សម្រាប់ការយកបទចម្រៀងនេះ ទៅកាត់ដាក់ផ្សាយបង្ហាញដល់អ្នកគាំទ្រក្លឹបបាល់ទាត់ inter គឺជាជោគជ័យធំណាស់ សម្រាប់លោកឧកញ៉ា ខេមរៈ សិរីមន្ដ ផ្ទាល់ និងប្រជាជនកម្ពុជាទាំងមូល។

ថ្លែងប្រាប់គេហទំព័រឧកញ៉ាញូស៍ នៅរសៀលថ្ងៃទី១១ ខែឧសភា ឆ្នាំ២០២៦ ឧកញ៉ា ខេមរៈ សិរីមន្ដ បានលើកឡើងថា « ខ្ញុំពិតជាមានក្តីរំភើបខ្លាំងណាស់ ព្រោះឥឡូវនេះបទចង់បានប្រពន្ធខ្មែរត្រូវបានក្លឹបបាល់ទាត់ពិភពលោក inter ប្រើផេកផ្លូវការមានអ្នក Follow រហូតដល់ 36M និង tik tok 20M។» លោកឧកញ៉ា បន្ថែមថា « នេះជាកិត្តិយសសម្រាប់ខ្ញុំនឹងប្រជាជនខ្មែរ»។

សូមជម្រាបជូនថា បទ«ចង់បានប្រពន្ធខ្មែរ» របស់កំពូលតារាចម្រៀង ឧកញ៉ា ខេមរៈ សិរីមន្ដ តាំងតែពីចេញផ្លូវការមក គឺទទួលបានការគាំទ្រយ៉ាងខ្លាំងពីសំណាក់ប្រជាជនខ្មែរ ទាំងក្នុងនិងក្រៅប្រទេស៕

The post បទចម្រៀង«ចង់បានប្រពន្ធខ្មែរ» របស់កំពូលតារាចម្រៀង ឧកញ៉ា ខេមរៈ សិរីមន្ដ ត្រូវបានក្លឹបបាល់ទាត់ដ៏ធំលើពិភពលោក inter យកទៅប្រើក្នុងផេកផ្លូវការ appeared first on .

ពិធីសូត្រមន្តឧទ្ទិសកុសលវិញ្ញាណក្ខន្ធជូនដល់វីរៈកងទ័ព នាព្រឹកថ្ងៃពុធនេះ មានការអញ្ជើញចូលរួមពី អ្នកឧកញ៉ា ឡេង ប្រុស, ឧកញ៉ា ហ៊ួត ជា, ឧកញ៉ា ភិរម្យ វិចិត្រដារ៉ា ព្រមទាំងតារាចម្រៀង និងក្រុមការងាររបស់ផលិតកម្ម Galaxy Navatra ផងដែរ។

លោកឧកញ៉ា ខេមរៈ សិរីមន្ត បានថ្លែងប្រាប់ដល់ Oknha News បែបនេះថា៖ “កម្មវិធីថ្ងៃនេះ គឺជាកម្មវិធីនិមន្តព្រះ​សង្ឃចំនួន ១០០អង្គ និមន្តបិណ្ឌបាតឧទ្ទិសកុសលជូនដល់វីរៈកងទ័ព ដែលបានបូជាពលីចំពោះជាតិមាតុភូមិ​របស់​យើង ជាមួយនឹងការឈ្លានពានរបស់ថៃ មកលើខ្មែរយើង ទាំងលើកទី១ និងលើកទី២ រួមទាំងបុព្វបុរសខ្មែរទាំងអស់​គ្រប់ជំនាន់ដែលបានបូជាពលីការពារទឹកដីខ្មែររបស់យើង។ សូមឧទ្ទិសជូនដល់ពួកគាត់ សូមបានទៅកាន់សុគតិភព និងបានទៅកាន់ឋានសួគ៌”។

កំពូលតារាចម្រៀងឧកញ៉ា ខេមរៈ សិរីមន្ត បានបញ្ជាក់បន្ថែមថា តាំងពីសង្គ្រាមលើកទី១ លោកពិតជារន្ធត់ចិត្ត មាន​អារម្មណ៍សង្វែក និងស្រណោះស្រណោកដល់វីរៈកងទ័ព ដែលបានពលីខ្លាំងមែនទែន ហើយលោកបានតាំងចិត្ត​ថា នៅពេលស្ថានភាពធូរស្បើយ នឹងរៀបចំពិធីនិមន្តព្រះសង្ឃឧទ្ទិសកុសលវិញ្ញាណក្ខន្ធជូនដល់ពួកគាត់៕

The post អ្នកឧកញ៉ា ឧកញ៉ាៗច្រើនរូប ចូលរួមពិធីសូត្រមន្តឧទ្ទិសកុសលវិញ្ញាណក្ខន្ធជូនដល់វីរៈកងទ័ព នៅភូមិគ្រឹះឧកញ៉ា ខេមរៈ សិរីមន្ត appeared first on .

តាមរយៈទំព័រហ្វេសប៊ុក នៅព្រលប់ថ្ងៃចន្ទនេះ លោកឧកញ៉ា បានលើកឡើងបែបនេះថា៖ “ខ្ញុំដឹងថាពូមីងបងប្អូនក៏មានអារម្មណ៍មិនខុសពីខ្ញុំទេ កាលពីសង្គ្រាមឈ្លានពានថៃមកលើខ្មែរយើង មានក្តីរន្ធត់ស្រណោះដល់វីរៈទ័ពដែលបានខិតខំការពារទឹកដីរហូតពលីជីវិត ដើម្បីជាតិមាតុភូមិខ្លាំងណាស់។ នៅថ្ងៃទី១ ខែមេសានេះ ខ្ញុំនឹងនិមន្តព្រះសង្ឃ ១០០ អង្គឧទ្ទិសកុសលវិញ្ញាណក្ខនពួកគាត់ សូមពូមីងបងប្អូនជនរួមជាតិខ្មែរនៅទីជិតទីឆ្ងាយអញ្ជើញចូលរួមរាប់បាត្រនិងអនុមោទនាបុណ្យទាំងអស់គ្នា”។

សូមជម្រាបថាបើតាម ឧកញ៉ា ខេមរៈ សិរីមន្ត ពិធីរាប់បាត្រព្រះសង្ឃ ចំនួន ១០០អង្គ ឧទិសកុសលជូនវីរៈកងទ័ព ដែលបានពលីដើម្បីជាតិ នឹងត្រូវធ្វើឡើងនៅថ្ងៃពុធ ទី១ ខែមេសា ឆ្នាំ២០២៦ ដោយជួបជុំពុទ្ធបរិស័ទ នៅម៉ោង ០៧:០០ ព្រឹក និងម៉ោង ០៨:០០ ព្រឹក ចាប់ផ្តើមរាប់បាត្រ ហើយកម្មវិធីនឹងបញ្ចប់ បន្ទាប់ពីពុទ្ធបរិស័ទ រាប់បាត្ររួចរាល់។ ចំពោះកម្មវិធីនឹងធ្វើឡើងនៅគេហដ្ឋានរបស់លោកឧកញ៉ាផ្ទាល់ ស្ថិតនៅទល់មុខសួនសុបិន្ត ចំការព្រីង ក្បែរវត្តសំរោងអណ្ដែត ខណ្ឌសែនសុខ រាជធានីភ្នំពេញ៕

The post ឧកញ៉ា ខេមរៈ សិរីមន្ត គ្រោងនិមន្តព្រះសង្ឃ ១០០អង្គ ឧទ្ទិសកុសលវិញ្ញាណក្ខន្ធជូនដល់វីរៈកងទ័ព ដែលពលីជីវិតការពារជាតិមាតុភូមិ appeared first on .

ដូចដែលមហាជនបានឃើញស្រាប់ហើយថា ភាគច្រើនកំពូលតារាចម្រៀង ខេមរៈ សិរីមន្ត តែងតែមានវត្តមាននៅក្នុងការប្រគំតន្រ្តីធំៗតាមបណ្តាខេត្តក្រុងនានា និងនៅក្នុងពិធីធំៗប៉ុណ្ណោះ លោកកម្រនឹងមានវត្តមាននៅតាមផាប់កម្សាន្តនានាណាស់ ។

ឆ្លើយតបទៅនិងការចង់បានរបស់អ្នកគាំទ្រស្រាប់តែថ្មីៗនេះស្រាបៀ Greet បានត្រៀមលេងឈុតធំ និងចំណាយមិនធម្មតាទេ ដោយបានអញ្ជើញកំពូលតារាចម្រៀង ខេមរៈ សិរីមន្ត ច្រៀងតាមៀផាប់ធំៗជាង ៥០ កន្លែង ជុំវិញខេត្តក្រុង ។

គ្រាន់តែដឹងដំណឹងថាកំពូលតារាចម្រៀង ខេមរៈ សិរីមន្ត ត្រៀមនឹងមានវត្តមាននៅក្នុងផាប់តាមការអញ្ជើញរបស់ស្រាបៀ Greet បានធ្វើឱ្យអ្នកគាំទ្រជាច្រើនសម្តែងនូវការត្រេអរក៏ដូចជាការរង់ចាំមើលថា តើ Idol របស់ពួកគេនឹងលេចមុខជាលើកដំបូងនៅទីណា ?
 
បើចង់ជួបផ្ទាល់ជាមួយកំពូលតារាចម្រៀង ខេមរៈ សិរីមន្ត ឬ Idol របស់បងប្អូន កុំភ្លេចចូលរួមជាមួយ ស្រាបៀ Greet ទាំងអស់គ្នា ដើម្បីទទួលបានភាពសប្បាយរីករាយ និងបានរាំលេងកម្សាន្តជុំគ្នាសប្បាយៗ … ៕

The post ស្រាបៀGreet លេងឈុតធំ ! ឧកញ៉ា ខេមរៈ សិរីមន្ត មិនចេញច្រៀងតាមផាប់ ឥឡូវស្រាប់ Greet លេង 50 ផាប់តែម្ដង ! appeared first on .

កន្លងមកកំពូលតារាចម្រៀងឧកញ៉ា ខេមរៈ សិរីមន្ត បាននាំបទចម្រៀងល្បីៗជាច្រើនរបស់ខ្លួនឡើងទៅឆាកអន្តរជាតិរួចមកហើយ ថែមទាំងផ្ទុះការគាំទ្រខ្លាំងពីសំណាក់អ្នកគាំទ្រទាំងក្នុងនិងក្រៅប្រទេស រហូតមានអ្នកគាំទ្រជាច្រើនបានសំណូមពរឱ្យរូបលោកបញ្ចេញនូវបទចម្រៀងបែបនោះទៅលើឆាកអន្តរជាតិឱ្យបានច្រើនថែមទៀត។

អ្វីដែលទស្សនិកជនទន្ទឹងរង់ចាំនោះគឺបានមកដល់ហើយកំពូលតារាចម្រៀង ឧកញ៉ា ខេមរៈ សិរីមន្ត ទើបតែបង្ហើបប្រាប់អំពីដំណឹងល្អដែលរូបលោកបានចាប់ដៃគ្នាជាមួយតារាចម្រៀង អាមេរិក C-Tru ដែលធ្លាប់ច្រៀងរួមគ្នាជាមួយ Snoop dogg ស្តេចរ៉េបរបស់អាមេរិក បានផលិត MV ចម្រៀងថ្មីមួយរួចរាល់ហើយ រង់ចាំតែថ្ងៃល្អមកដល់ និងទម្លាក់នៅលើទីផ្សារជាតិ និងអន្តរជាតិ ។

កំពូលតារាចម្រៀង ឧកញ៉ា ខេមរៈ សិរីមន្ត នៅថ្ងៃទី២៤មករានេះបានបញ្ជាក់ច្បាស់ៗថា « ខ្ញុំបានច្រៀងរួមគ្នានិងថត MV រួចរាល់តាំងពីមុនសង្រ្គាមម្ល៉េះ ប៉ុន្តែបន្ទាប់ពីមានសង្រ្គាមយើងមិនអាចចេញលើទីផ្សារបានទេ តើពេលនេះពួកយើងខ្ញុំអាចេញបទនេះនៅលើទីផ្សារជាតិ និងអន្តរជាតិបានដែរឬទេបងប្អូន ? ព្រោះចេតនាពួកយើងចង់រួមចំណែកផ្សព្វផ្សាយវិស័យចម្រៀងខ្មែរឱ្យបានទូលំទូលាយ ទៅកាន់ពិភពលោកតែប៉ុណ្ណោះ »។

ថ្វីដ្បិតតែបង្ហាញពីសមិទ្ធផលថ្មីរបស់ខ្លួនជាមួយតារាចម្រៀង អាមេរិក C-Tru ក៏ពិតមែន ប៉ុន្តែកំពូលតារាចម្រៀង ឧកញ៉ា ខេមរៈ សិរីមន្ត នៅពុំទាន់បង្ហាញប្រាប់ពីពេលវេលាច្បាស់លាស់នៅក្នុងការទំលាក់ MV ថ្មីរបស់ខ្លួននៅពេលណាមួយនៅឡើយទេ ដើម្បីទុក Surprise អ្នកកាំទ្រខ្លួន ។

ទោះជាយ៉ាងនេះក្តី ឧកញ៉ា ខេមរៈ សិរីមន្ត បានបង្ហើបប្រាប់អ្នកគាំទ្ររបស់ខ្លួនថា MV ចម្រៀងរបស់ខ្លួននិង C-Tru ចេញក្នុងពេលឆាប់ៗ …៕

The post ឡើងឆាកអន្តរជាតិទៀតហើយ! កំពូលតារាចម្រៀងឧកញ៉ា ខេមរៈ សិរីមន្ត ត្រៀមបញ្ចេញ MV ជាមួយតារាចម្រៀងអាមេរិក C-Tru ជម្រុញវិស័យចម្រៀងខ្មែរទៅកាន់ពិភពលោក appeared first on .

កាលពីយប់ថ្ងៃទី១១ខែតុលា ឆ្នាំ២០២៥ កំពូលតារាចម្រៀង តន់ ចាន់សីម៉ា បានប្រកាសលើបណ្តាញសង្គមយ៉ាងដូច្នេះថា «យើងខ្ញុំ សូមប្រកាសថ្កោលទោសយ៉ាងខ្លាំងចំពោះទង្វើរំលោភបំពានរបស់កម្លាំងចម្រុះថៃ លើបូរណភាពទឹកដី និងអធិបតេយ្យកម្ពុជានិងរំលោភបំពានសិទ្ធិមនុស្សយ៉ាងធ្ងន់ធ្ងរនៅភូមិព្រៃចាន់»។ ដោយរំលោភលើ៖

ទី1 រំលោភលើកិច្ចព្រមព្រៀងឈប់បាញ់

ទី2 រំលោភលើស្មារតីនៃកិច្ចប្រជុំ GBC និង RBC

ទី3 រំលោភលើអនុស្សរណៈនៃការយោគយល់គ្នា ត្រង់ចំណុចទី 2 មាត្រាទី 4 នៃ MOUឆ្នាំ 2000

ទី4 ជាសកម្មភាពរំលោភលើសិទ្ធិមនុស្សនិងច្បាប់មនុស្សធម៌អន្តរជាតិ សិទ្ធិក្នុងការទទួលលំនៅឋាននិងជីវភាពសមរម្យ។

កំពូលតារាចម្រៀង ឧកញ៉ា ខេមរៈសិរីមន្ដ រួមទាំងកូនស្រី ក៏បានប្រកាសសូមអំពាវនាវ ឱ្យសហគមន៍អន្តរជាតិ ថ្កោលទោសទង្វើរំលោភបំពានរបស់ថៃនិងចាត់វិធានការចាំបាច់ ដើម្បីឲ្យប្រទេសនេះបញ្ឈប់ទង្វើឈ្លានពានដែនអធិបតេយ្យភាព បូរណភាពទឹកដីកម្ពុជាយ៉ាងក៏គឃ្លើនបែបនេះតទៅទៀត៕

The post កំពូលតារាចម្រៀង ឧកញ៉ា ខេមរៈសិរីមន្ដ នឹងកូនស្រី ប្រកាសថ្កោលទោសចំពោះទង្វើរំលោភបំពានរបស់ថៃ លើបូរណភាពទឹកដី អធិបតេយ្យកម្ពុជា និងសិទ្ធិមនុស្ស នៅព្រៃចាន់ appeared first on .

ឧកញ៉ា ខេមរៈ សីមន្ត កំពូលតារាចម្រៀងប្រចាំផលិតកម្ម Galaxy Navatra បានអំពាវនាវទៅកាន់ប្រធានាធិបតីសហរដ្ឋអាមេរិក ដូណាល់ ត្រាំ ប្រធានាធិបតីចិន ស៊ី ជីនពីង និងមេដឹកនាំអាស៊ាន ឲ្យបញ្ឈប់សកម្មភាពរបស់ប្រទេសថៃជាបន្ទាន់ ដោយបញ្ជាក់ថា ការល្មើសកិច្ចព្រមព្រៀងឈប់បាញ់ គឺជាការរំលោភសន្តិភាព និងច្បាប់អន្តរជាតិដ៏ធ្ងន់ធ្ងរ។ នៅក្នុងវីដេអូ លោកឧកញ៉ាបានបញ្ជាក់ថា ប្រទេសកម្ពុជាប្រកាន់ខ្ជាប់ជានិច្ចនូវការរក្សាសន្តិភាព និងច្បាប់អន្តរជាតិ។

ក្រសួងការពារជាតិ បានឲ្យដឹងថា យោធាថៃបានចាប់ផ្តើមធ្វើការបាញ់ប្រហារមុនមកលើទីតាំងកងកម្លាំងកម្ពុជាចំនួនពីរលើក នៅថ្ងៃទី២៧ ខែកញ្ញ ឆ្នាំ២០២៥ នៅតំបន់អានសេះ ស្ថិតក្នុងភូមិ អានសេះ ឃុំជាំក្សាន្ត ស្រុកជាំក្សាន្ត ខេត្តព្រះវិហារ។ នៅពេលនេះកងទ័ពកម្ពុជាបាននឹងបន្តតាមដានលើការវិវត្តន៍នេះយ៉ាងប្រុងប្រយ័ត្ន និងយកចិត្តទុកដាក់ខ្ពស់បំផុត និងត្រៀមលក្ខណៈរួចជាស្រេច ដើម្បីការពារបូរណភាពទឹកដី៕

The post កំពូលតារាចម្រៀង ឧកញ៉ា ខេមរៈ សិរីមន្ត ចេញវីដេអូអំពាវនាវប្រធានាធិបតីអាមេរិក និងចិន រួមទាំងប្រធានអាស៊ាន ឲ្យទាហានថៃបញ្ឈប់សកម្មភាពឈ្លានពានកម្ពុជា appeared first on .

ថ្លែងប្រាប់គេហទំព័រ ឧកញ៉ាញូស៍ នៅពេលថ្មីៗនេះ លោកឧកញ៉ា ខេមរៈ សិរីមន្ដ បានឱ្យដឹងថា ការដែលវីដេអូរបស់លោកលោតលើគេបង្អស់នៅក្នុងអាខោនរបស់ប្រធានាធិបតី អាមេរិក ដែលមានអ្នកហ្វូឡូ 37M នេះ គឺជារឿងដ៏ល្អខ្លាំងណាស់ ព្រោះថា យើងបានធ្វើឱ្យពិភពលោកបានដឹងអំពីព័ត៌មានសង្រ្គាមខ្មែរនិងថៃ។

លោកឧកញ៉ា បានបន្ដថា ប្រសិនបើវីដេអូរបស់លោកលោតលើគេបង្អស់បែបនេះ គឺមានន័យថា ប្រធានាធិបតី donald trump ក៏គាត់បានមើលវីដេអូនេះដែរ, ដែលជាជ្រុងមួយសម្រាប់ឲ្យគាត់ពិចារណាលើការបញ្ឈប់ចំពោះការឈ្លានពានរបស់សៀមមកលើខ្មែរយើង។

ទន្ទឹមនឹងនោះ លោកឧកញ៉ា បានសង្កត់ធ្ងន់ថា ការធ្វើវីដេអូអំពីភាពរងគ្រោះរបស់កម្ពុជា ដែលថៃបានបង្ករបែបនេះ គឺជាជ្រុងល្អណាស់ ហើយលោកឧកញ៉ា ក៏បានជំរុញ និងលើកទឹកចិត្ដដល់អ្នកធ្វើវីដេអូទាំងអស់ ខិតខំធ្វើបន្ថែមទៀតអំពីបញ្ហានេះផងដែរ។

សូមជម្រាបជូនថា តាមរយៈវីដេអូនេះ លោកឧកញ៉ា បានគូសបញ្ជាក់ដោយប្រើភាសាបេះដូងថា កម្ពុជាត្រូវការសន្ដិភាព ប៉ុន្ដែថៃស្រេកឈ្លានសង្រ្គាម ព្រោះថា បន្ទាប់ពីមានបទឈប់បាញ់ហើយ ថៃបានប្រើល្បិចចាប់ទាហានខ្មែរ២០នាក់ទៅធ្វើទារុណកម្មយ៉ាងសាហាវបំផុត និងបានបញ្ជូនទាហានឱ្យមករាយបន្លាលួសនៅពាសពេញទឹកដីកម្ពុជា។

លោកឧកញ៉ា ក៏បានបញ្ជាក់ពីភាពអត់ធ្មត់របស់កម្ពុជា ពីព្រោះស្រឡាញ់សន្ដិភាព និងគោរពបទឈប់បាញ់។ ប៉ុន្ដែថៃបានបន្ដប្រើល្បិចឱ្យទាហានយកជំពាមមកបាញ់ទាហានខ្មែរលើប្រាសាទតាមាន់ទៀត ដោយមានបំណងបញ្ឆេះកំហឹងទាហានកម្ពុជា ឱ្យផ្ទុះអាវុធ។ សកម្មភាពគឃ្លើនរបស់ថៃ នៅមិនអស់តែប៉ុណ្ណេះ ថៃបានបន្ដប្រើល្បិចលាបពណ៌មកលើកម្ពុជា តាមរយៈការសម្ដែងដាក់មីន ដើរជាន់មីន និងប្រកាសប្រាប់គេថា កម្ពុជាជាអ្នកធ្វើ។

លោកឧកញ៉ា ខេមរៈ​ សិរីមន្ដ បានចាត់ទុកទង្វើរបស់ថៃ គឺស្រេកឃ្លានសង្រ្គាម ចង់បង្ករសង្រ្គាម ហើយថៃកំពុងតែចង់ធ្វើមហាអំណាចលេខ១លើលោក ព្រោះថៃមិនគោរពតាមការណែនាំរបស់មហាអំណាចឡើយ។ ប្រសិនបើបណ្ដោយឱ្យថៃធ្វើតាមចិត្ដ នោះផែនទីពិភពលោក ច្បាប់អន្ដរជាតិគ្មានប្រយោជន៍ទៀតនោះទេ។ ប្រសិនបើប្រទេសធំ ធ្វើបាបប្រទេសតូចបានស្រេចតែចិត្ដ អ៊ីចឹងសណ្ដាប់ធ្នាប់និងសន្ដិភាពពិភពលោកគឺចប់តែម្ដង។

ខាងក្រោមនេះ គឺជាវីដេអូដែលលោកឧកញ៉ា ខេមរៈ សិរីមន្ដ និងកូនប្រុស បាននិយាយអំពីសង្រ្គាមដែលថៃជាអ្នកផ្ដើមបង្ករឡើងមកលើកម្ពុជា៖

The post វីដេអូឧកញ៉ា ខេមរៈ សិរីមន្ដ និយាយអំពីសង្រ្គាមកម្ពុជា-ថៃ កំពុងផ្ទុះខ្លាំងលោតលើគេបង្អស់នៅក្នុង account ប្រធានាធិបតីអាមេរិក លោក donald trump ដែលមានអ្នកហ្វូឡូ 37M appeared first on .

សូមជម្រាបជូនថា មកដល់ពេលនេះ ទោះបីជាមានការអន្ដាគមន៍ ក៏ដូចជាមានការអំពាវនាវពីក្រុមប្រឹក្សាសន្ដិសុខ អង្គការសហប្រជាជាតិ ស្នើឱ្យភាគីកម្ពុជានិងថៃ មានភាពអត់ធ្មត់ខ្ពស់បំផុត និងដោះស្រាយដោយសន្ដិវិធីក៏ដោយ ក៏ថៃនៅតែគឃ្លើន ឈ្លានពានកម្ពុជា បន្ដបាញ់រះមកលើប្រទេសកម្ពុជាដដែល។

ថៃបានបន្ដបាញ់មកលើកម្ពុជា ដោយប្រើប្រាស់យន្ដហោះទម្លាក់គ្រាប់បែក គ្រាប់បែកចង្កោម និងប្រើប្រាស់អាវុធធំៗជាច្រើនទៀត ដោយបានបំផ្លិតបំផ្លាញហេដ្ឋារចនាសម្ព័ន្ធកម្ពុជាយ៉ាងច្រើន មានបំផ្លាញវត្ដអារាម សម្លាប់ប្រជាជនស្លូតត្រង់របស់កម្ពុជា បំផ្លាញផ្ទះសម្បែងរបស់ប្រជាពលរដ្ឋកម្ពុជាជាច្រើនផងដែរ។

គួរបញ្ជាក់ថា នៅពេលដែលថៃបាននិងកំពុងឈ្លានពានកម្ពុជានេះ ប្រជាជនកម្ពុជាជាច្រើនម៉ឺននាក់ បានចាកចេញពីផ្ទះសម្បែង រត់ទៅរកទីកន្លែងមានសុវត្ថិ ក្រោមការឧបត្ថម្ភគាំទ្រពីសំណាក់រាជរដ្ឋាភិបាល និងថ្នាក់ដឹកនាំខេត្ដ ជាមួយគ្នានោះ អ្នកឧកញ៉ា ឡេង ណាវ៉ាត្រា ក៏បានដឹកនាំក្រុមការងារសហព័ន្ធយុវជនការពារយុត្ដិធម៌ ទៅចម្អិតម្ហូប ផ្គត់ផ្គង់ប្រជាជនភៀសសឹកទាំងអស់ផងដែរ៕

The post រួមគ្នាក្នុងបេះដូងតែមួយ! លោកឧកញ៉ា ខេមរៈ សិរីមន្ដ បានដឹកនាំក្រុមសិល្បករ សិល្បការិនី ប្រកាសប្រាប់ពិភពលោកថា « ថៃជាអ្នកផ្ដើមសង្រ្គាម, កម្ពុជារងគ្រោះពីសង្គ្រាមឈ្លានពានរបស់ថៃ» appeared first on .

នៅលើបណ្ដាញសង្គមផ្ទាល់ខ្លួនរបស់លោកឧកញ៉ា ខេមរៈ សិរីមន្ដ កាលពីថ្ងៃទី១៧ ខែកក្កដា ឆ្នាំ២០២៥ បានបង្ហោះរូបជាច្រើនសន្លឹកដែលបង្ហាញពីការក្រុងពាលី ដើម្បីបួងសួងដល់បុព្វបុរសគ្រប់ជំនាន់ វត្ថុស័ក្ដិសិទ្ធិទាំអស់ជួយដល់កងទ័ពរបស់កម្ពុជាឈ្នះអស់មាសត្រូវ និងសកម្មភាពថត MV បទ «មនសិការខ្មែរ» ដែលគ្រាន់តែមើលរូបភាព ធ្វើឱ្យមហាជនគ្រប់គ្នាព្រឺសម្បុរតែម្ដង។

បន្ទាប់ពីឃើញសកម្មភាព អង់អាច ក្លាហានក្នុងការថត MV អមដោយការបង្ហាញអត្ដសញ្ញាណជាតិខ្មែរនេះ បងប្អូនមហាជនបានលើកឡើងបង្ហាញពីអារម្មណ៍រំភើប ត្រេកអរ មានមោទនភាពយ៉ាងខ្លាំង ដោយមានអ្នកខ្លះ លើកឡើងថា« ខ្ញុំជាកូនខ្មែរមួយរូប ខ្ញុំមានមោទនភាពខ្លាំងណាស់ដែលបងប្រុងឧកញ៉ាលះបង់ទាំងកាយទាំងចិត្ដធ្វើអ្វីៗដើម្បីជាតិយើង។ បងឧកញ៉ា គឺជានិមិត្ដរូបនៃសិល្បៈជំនាន់ក្រោយ! យើងគាំទ្រជាតិយើងទាំងអស់គ្នា កុំឱ្យខ្មាំងសត្រូវមកមើលងាយប្រទេសយើង»។

បងប្អូនខ្លះទៀត បានលើកឡើងថា «ព្រួញមួយបាញ់បានចាបពីរបង ១, ជួយកម្លាំងផ្លូវចិត្ដបងជួរមុខ ២, ជួយផ្សព្វផ្សាយឱ្យប្រទេសផ្សេងបានដឹងពីអរិយធម៌ វប្បធម៌ខ្មែរ», « គាំទ្រអាយដល ដែលចេញមុខបង្ហាញពីការស្រឡាញ់ជាតិ», «គាំទ្របង ១លាន%»។

មានបងប្អូនមហាជនខ្លះទៀត បានបង្ហាញបំណងឱ្យលោកឧកញ៉ា ខេមរៈ សិរីមន្ដ ទៅថតMV នៅប្រាសាទតាមាន់ធំ កាន់តែអស្ចារ្យ។ ជាមួយគ្នានោះ ហ្វេនៗជាច្រើនពាន់នាក់បានបង្ហាញពីភាពអន្ទះសារចង់ឱ្យ MV បទ «មនសិការខ្មែរ» ចេញឆាប់ៗផងដែរ។

សូមជម្រាបជូនថា ដើម្បីចូលរួមគាំទ្រដល់កងទ័ពជួរមុខដែលកំពុងឈរជើងការពារព្រំដែនពីការឈ្លានពានរបស់សត្រូវ និងការពារដែនអធិបតេយ្យភាពជាតិមិនឱ្យបាត់បង់ គឺបងប្អូនខ្មែរយើងទូទាំងប្រទេសបានចូលរួមគ្រប់សកម្មភាពទាំងអស់ដោយមានទាំងសកម្មភាពដើរថ្មើជើង, ការផ្ដល់ជូនជាសម្ភារៈប្រើប្រាស់ គ្រឿងឧបភោគបរិភោគ, ការច្រៀងចម្រៀងរួមគ្នា និងការសម្ដែងសិល្បៈ ថតបទចម្រៀង និងសកម្មភាពជាច្រើនទៀតផងដែរ៕

The post មិនទាន់ចេញ MVផ្លូវការផង! ទស្សនីយភាពនៃការថតMV បទ «មនសិការខ្មែរ» របស់ឧកញ៉ា ខេមរៈ សិរីមន្ដ ផ្ទុះការគាំទ្រដូចទឹកបាក់ទំនប់ appeared first on .