ក្រុមហ៊ុន រ៉ូយ៉ាល់ គ្រុប (Royal Group) ដែលជាក្រុមហ៊ុនវិនិយោគឈានមុខគេមួយនៅកម្ពុជា បង្កើតឡើងតាំង​ឆ្នាំ១៩៩១ បានប្រកាសតែងតាំង ឧកញ៉ា គិត ស៊ូឡា ជាអគ្គនាយករង ជាផ្លូវការ ចាប់ពីថ្ងៃទី ២៦ ខែកក្កដា ឆ្នាំ ២០២៦ តទៅ។

ក្រោយឃើញកូនច្បងទទួលបានការតែងតាំងមុខតំណែងជាថ្នាក់ដឹកនាំជាន់ខ្ពស់របស់ក្រុមហ៊ុនបែបនេះ អ្នកឧកញ៉ា គិត ម៉េង នៅថ្ងៃទី២៧ ខែកក្កដា បានបង្ហោះសារលើបណ្តាញសង្គមហ្វេសប៊ុកថា ក្នុងដំណើរការដឹកនាំធុរកិច្ច មានពេលវេលាខ្លះគឺមានន័យពិសេសជាងថ្ងៃធម្មតា។ ថ្ងៃនេះគឺជាពេលវេលាមួយក្នុងចំណោមពេលវេលាទាំងនោះ។ ថ្ងៃនេះ លោកមានកិត្តិយសក្នុងការតែងតាំងកូនប្រុស គិត ស៊ូឡា ជាអគ្គនាយករងក្រុមហ៊ុន រ៉ូយ៉ាល់ គ្រុប។

អ្នកឧកញ៉ាបន្តថា ក្នុងនាមជាឪពុក លោកពិតជាមានមោទនភាពក្រៃលែង ប៉ុន្តែក្នុងឋានៈជាអគ្គនាយកក្រុមហ៊ុន ការតែងតាំងនេះផ្អែកលើទំនួលខុសត្រូវដ៏ធំរបស់លោក មិនមែនផ្អែកលើអារម្មណ៍ផ្ទាល់ខ្លួននោះទេ។ ការតែងតាំង​នេះសឲ្យឃើញពីទំនុកចិត្តដែលគាត់ទទួលបាន ដោយសារការប្តេជ្ញាចិត្ត ការប្រកាន់ខ្ជាប់វិន័យ និងឆន្ទៈរបស់គាត់​ក្នុងការបម្រើប្រយោជន៍ក្រុមហ៊ុនធំជាងប្រយោជន៍ផ្ទាល់ខ្លួន។

ភាពជាអ្នកដឹកនាំពិតប្រាកដមិនមែនកើតទ្បើងដោយសារទទួលបានតំណែង ឬមរតកនោះទេ។ ភាពជាអ្នកដឹកនាំ​ពិតប្រាកដត្រូវបានកសាងឡើងតាមរយៈបទពិសោធ ការរៀនសូត្រ ការស្តាប់យោបល់អ្នកដទៃ ការសម្រេចចិត្ត​លើបញ្ហាលំបាកៗ និងការទទួលខុសត្រូវចំពោះលទ្ធផលនៃការសម្រេចចិត្តរបស់ខ្លួន។

«ខ្ញុំបានឃើញភាពរីកចម្រើនរបស់ ស៊ូឡា មិនត្រឹមតែក្នុងនាមជាកូនប្រុសរបស់ខ្ញុំប៉ុណ្ណោះទេ ប៉ុន្តែក៏ក្នុងនាមជា​អ្នកដឹកនាំម្នាក់ដែលតែងតែប្រកួតប្រជែងជាមួយខ្លួនឯង ទទួលយកទំនួលខុសត្រូវថ្មីៗ និងផ្តល់អាទិភាពខ្ពស់​ចំពោះផលប្រយោជន៍របស់បុគ្គលិក និងធុរកិច្ចរបស់ក្រុមហ៊ុនជានិច្ច។ ការទទួលតំណែងថ្មីនេះមិនមែន​ជាការឈាន​ដល់គោលដៅចុងក្រោយនោះទេ ប៉ុន្តែជាការចាប់ផ្តើមនៃដំណាក់កាលថ្មី ដែលត្រូវមានទំនួលខុសត្រូវកាន់តែខ្ពស់ និងត្រូវបំពេញការងារកាន់តែច្រើន»។ អ្នកឧកញ៉ា បានបន្ថែម។

អ្នកឧកញ៉ា ក៏បានបង្ហាញពីទំនុកចិត្តយ៉ាងមុតមាំថា ស៊ូឡា នឹងដឹកនាំដោយភាពទន់ភ្លន់ សុចរិតភាព និងមានចក្ខុវិស័យច្បាស់លាស់ ហើយនឹងបន្តរួមគ្នាកសាងក្រុមហ៊ុន រ៉ូយ៉ាល់ គ្រុប ឲ្យកាន់តែមានវឌ្ឍនភាពរឹងមាំ​សម្រាប់មនុស្សជំនាន់ក្រោយទៀត។

អ្នកឧកញ៉ា គិត ម៉េង សូមអបអរសាទរ ស៊ូឡា ដែលស័ក្តិសមនឹងតំណែងនេះដោយសារការខិតខំប្រឹងប្រែង និងសមត្ថភាពរបស់ខ្លួន។ អ្នកឧកញ៉ា ក៏សូម​ឲ្យថ្នាក់ដឹកនាំ និងសហការីទាំងអស់ក្នុងក្រុមគ្រួសារ រ៉ូយ៉ាល់ គ្រុប បន្តគាំទ្រ និងសហការជាមួយ ស៊ូឡា ដើម្បីបន្តដំណើរទៅមុខជាមួយគ្នា ដោយមានចក្ខុវិស័យតែមួយ ក្រុមការងារ​តែមួយ និងការប្តេជ្ញាចិត្តរួមគ្នាមួយ ដើម្បីកសាងអនាគតកម្ពុជាឲ្យរឹងមាំ៕

The post អ្នកឧកញ៉ា គិត ម៉េង៖ ឧកញ៉ា គិត ស៊ូឡា ស័ក្តិសមទទួលបានតំណែង «អគ្គនាយករង» ក្រុមហ៊ុន រ៉ូយ៉ាល់ គ្រុប ដោយសារកត្តាសំខាន់ៗមួយចំនួន appeared first on .

យោងតាមលិខិតក្រុមហ៊ុន រ៉ូយ៉ាល់ គ្រុប ចុះថ្ងៃទី២៦ ខែកក្កដា ឆ្នាំ២០២៦ បានបញ្ជាក់ឱ្យដឹងថា ក្នុងតួនាទីថ្មីនេះ ឧកញ៉ា គិត ស៊ូឡា នឹងរាយការណ៍ដោយផ្ទាល់ទៅកាន់ អ្នកឧកញ៉ា គិត ម៉េង និងធ្វើការយ៉ាងជិតស្និទ្ធជាមួយលោក ក្នុងការត្រួតពិនិត្យ និងដឹកនាំអាជីវកម្មទាំងមូលរបស់ក្រុមហ៊ុន រ៉ូយ៉ាល់ គ្រុប។ ភារកិច្ចសំខាន់ៗរបស់លោកឧកញ៉ា រួមមានការគាំទ្រដល់ការរៀបចំ និងការអនុវត្តយុទ្ធសាស្ត្រសំខាន់ៗរបស់ក្រុមហ៊ុន តាមដានលទ្ធផលអាជីវកម្ម​របស់ក្រុមហ៊ុនបុត្រសម្ព័ន្ធទាំងអស់ ដឹកនាំគម្រោង និងគំនិតផ្តួចផ្តើមសំខាន់ៗ ជំរុញកិច្ចសហការរវាង​ក្រុមហ៊ុន​បុត្រសម្ព័ន្ធ និងតំណាងឱ្យអ្នកឧកញ៉ា គិត ម៉េង ក្នុងកិច្ចការយុទ្ធសាស្ត្រ ព្រមទាំងភារកិច្ចពិសេសនានា តាមការ​ប្រគល់សិទ្ធិ។

តួនាទីរបស់ ឧកញ៉ា គិត ស៊ូឡា នឹងមានសារៈសំខាន់ក្នុងការចូលរួមពង្រឹងអភិបាលកិច្ចល្អ ជំរុញការផ្លាស់ប្តូរ​អាជីវកម្ម និងជំរុញការរីកចម្រើនប្រកបដោយចីរភាពរបស់ក្រុមហ៊ុន រ៉ូយ៉ាល់ គ្រុប ដែលមានអាយុកាល​ជាង​៣៥ឆ្នាំ។ អ្នកឧកញ៉ា គិត ម៉េង មានទំនុកចិត្តយ៉ាងមុតមាំថា ឧកញ៉ា គិត ស៊ូឡា នឹងបំពេញតួនាទី និងការទទួល​ខុសត្រូវដ៏សំខាន់នេះ ដោយប្រកាន់ខ្ជាប់នូវស្ដង់ដារខ្ពស់បំផុតនៃភាពជាអ្នកដឹកនាំ សុចរិតភាព និងវិជ្ជាជីវៈ ដើម្បីរួម​គ្នាកសាងក្រុមហ៊ុន រ៉ូយ៉ាល់ គ្រុប ឱ្យក្លាយជាក្រុមហ៊ុនឈានមុខ និងទទួលជោគជ័យបំផុតមួយនៅក្នុងតំបន់។

ក្រៅពីសមត្ថភាពដឹកនាំក្រុមហ៊ុនលោកឧកញ៉ា គិត ស៊ូឡា ក៏ជាឧកញ៉ាសប្បុរសធម៌មួយរូប​នៅកម្ពុជាក្នុងការ​បរិច្ចាគថវិកា និងសម្ភារៈជាច្រើនដល់កាកបាទក្រហម ក៏ដូចជាចូលរួមបរិច្ចាកដល់រាជរដ្ឋាភិបាលផងដែរ។

ក្រុមហ៊ុន រ៉ូយ៉ាល់ គ្រុប ក៏បានអំពាវនាវដល់បុគ្គលិកទាំងអស់ផ្ដល់នូវការគាំទ្រយ៉ាងពេញទំហឹងដល់លោកឧកញ៉ា គិត ស៊ូឡា ដើម្បីឱ្យលោកអាចបំពេញតួនាទីដ៏សំខាន់នេះប្រកបដោយជោគជ័យ៕

The post ក្រុមហ៊ុន រ៉ូយ៉ាល់ គ្រុប សម្រេចតែងតាំង ឧកញ៉ា គិត ស៊ូឡា ជាអគ្គនាយករងថ្មី ដើម្បីជំរុញការរីកចម្រើន និងភាពជោគជ័យ​រយៈពេលវែង appeared first on .

«យុទ្ធនាការ ១ម៉ឺនរៀល ១ម៉ឺននាក់» ជាយុទ្ធនាការប្រចាំឆ្នាំដ៏ធំ និងសំខាន់មួយរបស់មូលនិធិគន្ធបុប្ផាកម្ពុជា ដែលត្រូវបានរៀបចំឡើង ដើម្បីចូលរួមអបអរសាទរ ទិវាកុមារអន្តរជាតិ ១ មិថុនា និងបំផុសចលនាសប្បុរសធម៌ ក៏ដូចជាដើម្បីរម្លឹកឱ្យមានការចូលរួមបរិច្ចាគ ក្នុងស្មារតី “ខ្មែរជួយខ្មែរ” ក្នុងគោលបំណងរួមគ្នានាំក្ដីសង្ឃឹម និងភាពញញឹមដល់ទារក និងកុមារ ព្រមទាំងស្ត្រីមានផ្ទៃពោះ ដែលត្រូវការសេវាពិនិត្យ ព្យាបាល និងសម្ភព ដោយឥតគិតថ្លៃ ប្រកបដោយគុណភាព និងមិនមានការរើសអើង នៅមន្ទីរពេទ្យគន្ធបុប្ផា ទាំងនៅរាជធានីភ្នំពេញ និងនៅខេត្តសៀមរាប។

ការបរិច្ចាគពីសំណាក់សប្បុរសជននានា ទោះតិចក្ដីច្រើនក្ដី សុទ្ធតែមានតម្លៃដ៏ធំធេង ក្នុងការចូលរួមសង្គ្រោះ​ជីវិតទារក និងកុមារនៅកម្ពុជា រាប់លានករណីក្នុងមួយឆ្នាំៗ។

ដើម្បីចូលរួមក្នុង «យុទ្ធនាការ ១ម៉ឺនរៀល ១ម៉ឺននាក់» សូមបរិច្ចាគតាមរយៈលេខគណនី របស់មូលនិធិគន្ធ​បុប្ផាកម្ពុជា នៅតាមបណ្ដាគ្រឹះស្ថានហិរញ្ញវត្ថុជាដៃគូរបស់មូលនិធិ (ដូចមានក្នុងរូបភាពជូនភ្ជាប់) ឬ ធ្វើការទំនាក់ទំនង តាមរយៈលេខទូរសព្ទ៖ ០១២ ២៣៥ ៥៨២, ០៩៩ ៣៣៣ ១៣៣, ០១២ ៩២៩ ៧២៧, ០១៦ ៨០៨ ៩០៥, ឬ ០៧០ ២០៦ ៧៤៦៕

The post ឧកញ៉ា គិត ស៊ូឡា បរិច្ចាគថវិកាជាង ៤៥ម៉ឺនដុល្លារ ក្នុងយុទ្ធនាការ ១ម៉ឺនរៀល ១ម៉ឺននាក់ ឆ្នាំ២០២៦ របស់មូលនិធិគន្ធបុប្ផាកម្ពុជា appeared first on .

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បាននាំនូវព្រះរាជបណ្តាំរបស់ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ព្រះប្រធានកិត្តិយស និងប្រសាសន៍សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលផ្តាំផ្ញើសួរសុខទុក្ខ និងថ្លែងអំណរគុណយ៉ាងជ្រាលជ្រៅ ចំពោះទឹកដ៏សប្បុរសនិងសទ្ធាជ្រះថ្លា​របស់ក្រុមហ៊ុន រ៉ូយ៉ាល់គ្រុប (ROYAL GROUP) ដឹកនាំដោយ ឧកញ៉ា គិត ស៊ូឡា ដែលបានបរិច្ចាគថវិកាចំនួន ១,៥៥៥.៥៥៥ ដុល្លាអាម៉េរិក ដែលចំនួននេះបើធៀបនឹងឆ្នាំមុនមានការកើនឡើង។

ការណ៍នេះសបញ្ជាក់មួយឲ្យឃើញនូវភាពរីកចម្រើនរបស់ក្រុមហ៊ុន បើទោះបីជាស្ថិតក្នុងបរិបទសកលលោកកំពុង​មានបញ្ហាប្រឈមក៏ដោយ ក៏ក្រុមហ៊ុន រ៉ូយ៉ាល់គ្រុប បានបង្កើនការជួយដល់កាកបាទក្រហមកម្ពុជា ។ ថវិកា​ក្រុមហ៊ុន រ៉ូយ៉ាល់គ្រុបនេះ និងរួមជាមួយសប្បុរសជន បានធ្វើឲ្យកាកបាទក្រហមកម្ពុជា តែងតែមានមុខភ្លាមៗ​ក្នុងការជួយ​ដល់ប្រជាពលរដ្ឋរងគ្រោះ និងងាយរងគ្រោះទាំងអស់។

ទាក់ទងថវិកាទិវា ៨ ឧសភា ២០២៦នេះដែរ គិតត្រឹមយប់ថ្ងៃទី៥ ឧសភា ទទួលបានការបរិច្ចាគដោយសទ្ធាជ្រះថ្លា និងតាមការស្ម័គ្រចិត្តរបស់សប្បុរសជនគ្រប់មជ្ឈដ្ឋានបានជិត៩លានដុល្លាអាម៉េរិក ចំនួននេះគឺច្រើនជាងការរពឹង​ទុកកាលពីដើម​ឆ្នាំ២០២៦មកនេះ ។ នេះដោយសារកាកបាទក្រហមកម្ពុជាខិតខំប្រឹងប្រែង​ជានិច្ចក្នុងការជួយ​ដល់ប្រជាពលរដ្ឋដែលត្រូវការឲ្យកាកបាទក្រហមកម្ពុជាជួយជាចាំបាច់។ ដូច្នេះលោកជំទាវបណ្ឌិត សង្ឃឹមជឿជាក់ថាសប្បុរសជននឹងនៅបន្តចូលរួមជួយគាំទ្រ​បន្ថែមទៀតដល់កាកបាទ​ក្រហម​កម្ពុជា ដែលជាការចែករំលែកក្តីស្រលាញ់ជាមួយប្រជាពលរដ្ឋ​រងគ្រោះនិងងាយរងគ្រោះបំផុត​តាមរយៈ​កាកបាទក្រហមកម្ពុជា ។

ក្នុងឱកាសនោះ លោកជំទាវបណ្ឌិត បានបញ្ជាក់ជូនពីសកម្មភាពសំខាន់ៗរបស់កាកបាទក្រហមកម្ពុជា តាមរយៈវិស័យអាទិភាពទាំង៤ រួមមាន ១. ការគ្រប់គ្រងគ្រោះមហន្តរាយ វិបត្តិភ័យ និងការប្រែប្រួលអាកាសធាតុ ២. សុខភាព និងការថែទាំសុខភាពតាមសហគមន៍ ៣. ការលើកកម្ពស់គោលការណ៍គ្រឹះ តម្លៃមនុស្សធម៌ និងសុខុមាលភាពសង្គម និង៤. ការអភិវឌ្ឍស្ថាប័ន។ លោកជំទាវបណ្ឌិត បានគោរពជូនពរដល់ អ្នកឧកញ៉ា ឧកញ៉ា អ្នកនាង ព្រមទាំងគណៈប្រតិភូទាំងអស់ សូមមានសុខភាពល្អ និងទទួលបានជោគជ័យនិងរីកចម្រើនជាបន្តទៀត។

ជាការឆ្លើយតបឧកញ៉ា គិត ស៊ូឡា បានថ្លែងអំណរគុណយ៉ាងជ្រាលជ្រៅចំពោះកាកបាទក្រហមកម្ពុជា ក្រោមការ​ដឹកនាំប្រកបដោយគតិបណ្ឌិតរបស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន ដែលបានអនុញ្ញាតឱ្យ​ក្រុមហ៊ុនរ៉ូយ៉ាល់គ្រុប បានចូលរួមសកម្មភាពមនុស្សធម៌ជាមួយកាកបាទក្រហមកម្ពុជា។

ឧកញ៉ា គិត ស៊ូឡា បានជម្រាបជូនអំពីវឌ្ឍនភាពក្រុមហ៊ុន ដោយក្នុងក្រុមហ៊ុនរ៉ូយ៉ាល់គ្រុប មានវត្តមាន​អ្នកជំនាញៗជនបរទេសជាច្រើនហើយមានអ្នកខ្លះរស់នៅធ្វើការជិត២០ឆ្នាំ អញ្ចឹងអ្នកទាំងនោះគឺជាទូត សម្រាប់​ប្រទេសរបស់គាត់ម្នាក់ៗ និងជាសាក្សីដឹងពីភាពរីកចម្រើនរបស់ប្រទេសកម្ពុជានាពេលបច្ចុប្បន្ន ដូច្នេះអ្វីជាការរីក​ចម្រើន​ក្នុងព្រះរាជាណាចក្រកម្ពុជាគឺឧកញ៉ា គិត ស៊ូឡា សូមថ្លែងអំណរគុណរដ្ឋាភិបាលកម្ពុជា​ដែលតែងតែ​យកចិត្តទុកដាក់ដល់ការអភិវឌ្ឍ ជាពិសេសរដ្ឋាភិបាលមានស្ថិរភាព ទាំងនេះបានបង្កលក្ខណៈរីកចម្រើន​ដល់ក្រុមហ៊ុន ហើយក្រុមហ៊ុនមានឱកាសក្នុងការចូលរួមនៅក្នុងសង្គមជាតិ ចូលរួមកាត់បន្ថយភាពក្រីក្រ ចូលរួមក្នុងការអភិវឌ្ឍប្រទេសជាតិ ទន្ទឹមនេះថវិកាដែលជួយដល់កាកបាទក្រហមកម្ពុជាមិនមែនតែត្រឹមប៉ុណ្ណឹងទេ គឺនៅមានចំណែកផ្សេងទៀតខាងសភាពាណិជ្ជកម្ម និងទៅដល់សាខាទាំង២៥រាជធានីខេត្តផងដែរ។ នេះជាការ​ចូលរួមចែករំលែកក្តីស្រលាញ់ និងនូវអ្វីដែលមាន អ្វីដែលបានដល់ប្រជាពលរដ្ឋដែលត្រូវការឲ្យ​ជួយជា​ចាំបាច់​តាមរយះកាកបាទក្រហមកម្ពុជា ។

សូមបញ្ជាក់ថា គណៈប្រតិភូក្រុមហ៊ុន រ៉ូយ៉ាល់គ្រុប (ROYAL GROUP) ដឹកនាំដោយឧកញ៉ា គិត សូឡា បានឧបត្ថម្ភថវិកាចំនួន ១.៥៥៥.៥៥៥ ដុល្លារអាម៉េរិក។ គិតចាប់ពីឆ្នាំ១៩៩៥ មកដល់បច្ចុប្បន្ននេះ ក្រុមហ៊ុន រ៉ូយ៉ាល់គ្រុប បានឧបត្ថម្ភដល់កាកបាទក្រហមកម្ពុជា ចំនួន ៣២លើក មានថវិកាសរុប ៧.៥៣៣.៥៥២ ដុល្លាអាម៉េរិក អង្ករ ២០០តោន និងរថយន្ត ២គ្រឿង៕

The post ឧកញ៉ា គិត ស៊ូឡា អគ្គនាយកប្រតិបត្តិ នៃក្រុមហ៊ុន ROYAL GROUP បរិច្ចាគថវិកា ១,៥៥៥,៥៥៥ ដុល្លារអាម៉េរិក ជូនកាកបាទក្រហមកម្ពុជា ដើម្បីជួយដល់ប្រជាពលរដ្ឋរងគ្រោះ appeared first on .

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា សូមថ្លែងអំណរគុណយ៉ាងជ្រាលជ្រៅ​បំផុតចំពោះ ឧកញ៉ា គិត ស៊ូឡា អគ្គនាយកប្រតិបត្តិក្រុមហ៊ុន Royal Group International Company ដែលបាន​ឧបត្ថម្ភ​ថវិកាចំនួន ១,៥៥៥,៥៥៥ដុល្លារ ជូនកាកបាទក្រហមកម្ពុជា ក្នុងឱកាសខួបទី១៦៣ ទិវាពិភពលោកកាក​បាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៦ ក្រោមមូលបទ «បន្តរួមកម្លាំងគ្នា​ ដើម្បីមនុស្សធម៌​»។

កាកបាទក្រហមកម្ពុជា សូមអំពាវនាវចំពោះ សម្តេច ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា លោក លោកស្រី អ្នកនាងកញ្ញា សប្បុរសជន មកពីគ្រប់មជ្ឈដ្ឋានទាំងក្នុងវិស័យរដ្ឋ និងវិស័យឯកជន ចូលរួមបរិច្ចាគ​ថវិកា សម្ភារ ជូនកាកបាទក្រហមកម្ពុជា ដោយសទ្ធាជ្រះថ្លា និងតាមការស្ម័គ្រចិត្ត។ ការចូលរួមឧបត្ថម្ភគាំទ្រការងារ​មនុស្សធម៌ តាមរយៈកាកបាទក្រហមកម្ពុជា គឺពិតជាមានគុណតម្លៃណាស់ក្នុងការ​លើកកម្ពស់ស្មារតីវប្បធម៌​នៃការ​ចែករំលែក ដែលជាការផ្សារភ្ជាប់រវាងសប្បុរសជនជាមួយអ្នកទទួលផល៕

The post ឧកញ៉ា គិត ស៊ូឡា បរិច្ចាគថវិកា ១,៥៥៥,៥៥៥ដុល្លារ ជូនកាកបាទក្រហមកម្ពុជា ដើម្បីអបអរទិវា ៨ឧសភា ២០២៦ appeared first on .

តាមរយៈសារលើទំព័រហ្វេសប៊ុកផ្លូវការ នាព្រឹកថ្ងៃអង្គារនេះ អ្នកឧកញ៉ា គិត ម៉េង បានលើកឡើងបែបនេះថា៖ “រីករាយថ្ងៃខួបកំណើតគម្រប់២០ឆ្នាំ កូនប្រុសច្បងរបស់យើង គិត ស៊ូឡា! កូនប្រុស ថ្ងៃនេះ កូនឈានជើងចូលទៅក្នុងទសវត្សរ៍ថ្មីនៃជីវិត។ កូនលែងជាក្មេងចំទង់ទៀតហើយ ប៉ុន្តែជាបុរសវ័យក្មេង ដែលពោរពេញដោយសមត្ថភាព និងសក្តានុពលនៅក្នុងដំណើរជីវិត។ នៅអាយុត្រឹមតែ២០ឆ្នាំ កូនមានចិត្តមោះមុត មានភាពច្បាស់លាស់ និងមានការខិតខំប្រឹងប្រែង បីដូចជាកូនមានបទពិសោធច្រើនជាងអាយុកូនទៅទៀត។ ប៉ាមានមោទនភាពក្រៃលែងចំពោះបុគ្គលិកលក្ខណៈរបស់កូននាពេលនេះ”។

អ្នកឧកញ៉ា បានបន្តថា៖ “ការមើលឃើញកូនរីកលូតលាស់ទៅជាមនុស្សម្នាក់ដែលមានចក្ខុវិស័យខ្ពស់ មានក្តីមេត្តា និងគោលបំណងដ៏មុតមាំ គឺជាពរជ័យមួយដ៏អស្ចារ្យបំផុតនៅក្នុងជីវិតប៉ា។ នៅឆ្នាំនេះ នៅពេលដែលកូនមានទំនួលខុសត្រូវកាន់តែច្រើនក្នុងអាជីវកម្មគ្រួសាររបស់យើង ប៉ានឹកដល់ដំណើរជីវិតផ្ទាល់ខ្លួនរបស់ប៉ា គឺចាប់ផ្តើមពីតូច មានក្តីស្រមៃធំ ហើយបានកសាងអ្វីដែលយើងមានសព្វថ្ងៃនេះ។ ប៉ាពិតជាត្រេកអរដែលឃើញកូនចូលរួមជាផ្នែកមួយសំខាន់នៃធុរកិច្ចដ៏មានតម្លៃនេះតទៅមុខ”។

ក្នុងវ័យឈានដល់អាយុ២០ឆ្នាំ អ្នកឧកញ៉ា គិត ម៉េង គូសរំលេចឱ្យដឹងថា ឧកញ៉ា គិត ស៊ូឡា នឹងយល់ដឹងអ្វីៗជាច្រើនដូចជា៖

-យល់ដឹងថាភាពជោគជ័យមិនមែនវាស់វែងដោយអ្វីដែលសម្រេចបាននោះទេ។ ភាពជោគជ័យគឺជាការអភិវឌ្ឍបុគ្គលិកលក្ខណៈ។
-នឹងយល់ដឹងថាអ្នកដឹកនាំល្អគឺជាអ្នកស្តាប់ច្រើនជាងនិយាយ ជាអ្នកផ្តល់ជំនួយ និងការគាំទ្រជាជាងបង្គាប់បញ្ជា។
-នឹងយល់ដឹងថាបរាជ័យមិនមែនជាទីបញ្ចប់ទេ ប៉ុន្តែជារឿយៗ បរាជ័យជាការចាប់ផ្តើមអ្វីមួយដ៏មានឥទ្ធិពលបំផុត។
-នឹងយល់ថាភាពឆ្លាតវៃ ឬទេពកោសល្យគឺសំខាន់ ប៉ុន្តែអ្វីដែលធ្វើឲ្យយើងខ្លាំងរឹងមាំពិតប្រាកដនោះ គឺភាពធន់ គុណតម្លៃ និងទឹកចិត្ត។

ជាចុងបញ្ចប់ អ្នកឧកញ៉ា គិត ម៉េង បានផ្តាំផ្ញើបែបនេះទៀតថា៖ “កូនប្រុស កូនត្រូវមានក្តីស្រមៃធំ។ ចូរកូនធ្វើជាអ្នកដឹកនាំប្រកបដោយក្តីសប្បុរស។ ចូរកូនរស់ក្នុងជីវិតមួយប្រកបដោយភាពសាមញ្ញ និងសុចរិត ដោយយកគុណតម្លៃទាំងនេះធ្វើជាអ្នកដឹកនាំកូន។ ចូរកូនបន្តធ្វើជាអ្នកចង់ចេះចង់ដឹង រក្សាឫករមទម និងបន្តអភិវឌ្ឍខ្លួនរហូត។ កូនទើបតែចាប់ផ្តើមដំណាក់កាលដ៏អស្ចារ្យនៃភាពពេញវ័យ ហើយប៉ាដឹងថាសកម្មភាពរបស់កូននឹងមានឥទ្ធិពល ឋិតឋេរ និងមានន័យ។ យើងជាឪពុកម្តាយ ជាគ្រួសាររបស់កូន មានមោទនភាពយ៉ាងខ្លាំងចំពោះកូន។ នេះជាដំណើរឆ្ពោះទៅមុខរបស់កូន។ រីករាយថ្ងៃខួបកំណើតគម្រប់២០ឆ្នាំ កូនប្រុស គិត ស៊ូឡា! វត្តមានរបស់កូននឹងធ្វើឲ្យយើងទាំងអស់គ្នាកាន់តែប្រសើរទ្បើង”៕

The post អ្នកឧកញ៉ា គិត ម៉េង ផ្ញើសារពិសេសក្នុងឱកាសខួបកំណើត២០ឆ្នាំ កូនប្រុសច្បង ឧកញ៉ា គិត ស៊ូឡា ដែលឈានជើងចូលទសវត្សរ៍ថ្មីនៃជីវិត appeared first on .

បើតាមក្រុមហ៊ុន សែលកាត បានឱ្យដឹងថា ពិធីចុះហត្ថលេខាលើភាពជាដៃគូ រវាងក្រុមហ៊ុនទាំងពីរ បានធ្វើឡើងនៅមជ្ឈមណ្ឌលបទពិសោធអតិថិជន សែលកាត រ៉ូយ៉ាល់ រេលវេ ដែលនឹងនាំមកជូននូវការមើលហុងស៊ុយផ្ទាល់ខ្លួនតាមរយៈបច្ចេកវិទ្យាឌីជីថល។

នៅក្នុងប្រទេសកម្ពុជា ដែលកំពុងបោះជំហានកាន់តែខ្លាំងក្នុងវិស័យឌីជីថល ក្រុមហ៊ុន សែលកាត យល់ច្បាស់អំពី ឥទ្ធិពលនៃបញ្ញាសិប្បនិម្មិត (AI) និងសក្តានុពលរបស់AI ក្នុងការបង្កើនភាពងាយស្រួល ក្នុងការប្រើប្រាស់តាមរយៈបណ្តាញដ៏ទំនើប របស់ក្រុមហ៊ុន សែលកាត។ ទោះបីជាជីវិតរស់នៅប្រចាំថ្ងៃរបស់យើងត្រូវបានផ្លាស់ប្តូរទៅជាឌីជីថល ហើយថែមទាំងអាចដំណើរការដោយស្វ័យប្រវត្តិក៏ដោយ ក៏ក្រុមហ៊ុន សែលកាត ជឿជាក់យ៉ាងមុតមាំថា ហុងស៊ុយបែបវិទ្យាសាស្រ្ត គឺមិនអាចជំនួសបានដោយបញ្ញាសិប្បនិម្មិត ឬដោយការធ្វើដោយស្វ័យប្រវត្តិនោះឡើយ។

ចំណុចនេះហើយ ដែលឧកញ៉ាសាស្ត្រាចារ្យហុងស៊ុយ ឡុង ណាលី និងកម្មវិធី My Destiny វាសនាខ្ញុំ ដែលទើបនឹងសម្ពោធថ្មីៗ បានដើរតួនាទីសំខាន់។ ដោយយល់ឃើញថា ពេលបច្ចុប្បន្ននេះ មានបញ្ហាប្រឈមជាច្រើន ជាពិសេស សម្រាប់យុវជន ក្នុងកំឡុងយុគ៩ ក្រុមហ៊ុន សែលកាត និងឧកញ៉ាសាស្ត្រាចារ្យ ឡុង ណាលី បានចាប់ដៃគូ ជាយុទ្ធសាស្ត្រ ដើម្បីផ្តល់នូវលេខហុងស៊ុយ ដែលបានរៀបចំយ៉ាងពិសេស សម្រាប់ផ្តល់នូវតុល្យភាព ភាពសុខដុមរមនា និងថាមពលវិជ្ជមានសម្រាប់ជីវិត រួមជាមួយនឹងកញ្ចប់យុគ៩ ដែលភ្ជាប់មកជាមួយជម្រើស កញ្ចប់ប្រចាំសប្តាហ៍ និង ប្រចាំខែ ព្រមទាំងការចូលប្រើក្នុងកម្មវិធី My Destiny វាសនាខ្ញុំដោយឥតគិតថ្លៃផងដែរ៕

The post ឧកញ៉ា គិត ស៊ូឡា ចូលរួមពិធីចុះ MOU រវាងក្រុមហ៊ុន សែលកាត និងក្រុមហ៊ុនហ្វេង ស៊ុយ សេនធ័រ ខេមបូឌា appeared first on .

ពិធីជួបសម្តែងការគួរសម និងគោរពជូនពរសម្តេចតេជោ ប្រធានព្រឹទ្ធសភា បានធ្វើឡើងនៅភូមិគ្រឹះរបស់សម្តេចផ្ទាល់ នៅឯក្រុងតាខ្មៅ ខេត្តកណ្តាល។ ក្នុងជំនួបនេះរួមមាន អ្នកឧកញ៉ា គិត ម៉េង និងលោកជំទាវអ្នកឧកញ៉ា ម៉ៅ ចំណាន ព្រមទាំងកូនប្រុសស្រីរបស់អ្នកឧកញ៉ាទាំងអស់ រួមទាំងកូនប្រុសច្បង ឧកញ៉ា គិត ស៊ូឡា នាយកគ្រប់គ្រងផ្នែកប្រតិបត្តិការនៃក្រុមហ៊ុន រ៉ូយ៉ាល់គ្រុប អន្តរជាតិ។

ក្នុងថ្ងៃសែនចូលឆ្នាំថ្មីប្រពៃណីចិន កាលពីថ្ងៃទី២៨ ខែមករា កន្លងទៅនេះ អ្នកឧកញ៉ា គិត ម៉េង បានលើកឡើងថា ទោះបីពិធីបុណ្យចូលឆ្នាំប្រពៃណីចិនមិនមែនចេញមកពីទំនៀមទម្លាប់ប្រពៃណីខ្មែរក៏ដោយ ប៉ុន្តែសម្រាប់ប្រជាពលរដ្ឋជាច្រើននៅក្នុងប្រទេសកម្ពុជា ជាពិសេសសម្រាប់ប្រជាជនខ្មែរជាប់សែស្រទ្បាយចិន ពិធីបុណ្យនេះមានអត្ថន័យលើសពីប្រពៃណីទៅទៀត។ បុណ្យចូលឆ្នាំចិនត្រូវបានបញ្ចូលទៅដោយទំនៀមទម្លាប់ជាច្រើនរបស់ជនជាតិចិន ជាការបង្រួបបម្រួបនៃវប្បធម៌ខ្មែរ ជាពេលវេលាដែលត្រូវលើកតម្កើងប្រវត្តិសាស្ត្រ និងពង្រឹងចំណងទាក់ទង និងការគាំទ្រគ្នាទៅវិញទៅមក។ តាំងពីដើមរហូតមកដល់បច្ចុប្បន្ន សហគមន៍ខ្មែរ-ចិនបន្តច្របាច់បញ្ចូលគ្នានូវវប្បធម៌ទាំងពីរ ដោយបង្ហាញឱ្យឃើញនូវប្រវត្តិសាស្ត្រដ៏ផូរផង់ និងបេតិកភណ្ឌវប្បធម៌ដ៏មានតម្លៃរួមគ្នារបស់យើង។

សូមជម្រាបថា ពិធីបុណ្យចូលឆ្នាំថ្មីប្រពៃណីចិន ឆ្នាំ២០២៥នេះ មានរយៈពេល៤ថ្ងៃ ចាប់ពីថ្ងៃទី ២៨ ដល់ថ្ងៃទី ៣១ ខែមករា។ តាមជំនឿរបស់ជនជាតិចិន ការជូនកាដូ ជូនអាំងប៉ាវ (ស្រោមសំបុត្រពណ៌ក្រហម) ក្នុងឱកាសបុណ្យចូលឆ្នាំថ្មី គឺបង្កប់អត្ថន័យដូចជា ចម្រុងចម្រើន រកស៊ីមានបាន សប្បាយ សុភមង្គល រុងរឿង និងមានលាភសក្ការៈផងដែរ៕

The post អ្នកឧកញ៉ា គិត ម៉េង និងក្រុមគ្រួសារ ចូលជួបគោរពជូនពរសម្តេចតេជោ ហ៊ុន សែន ដល់ភូមិគ្រឹះសម្តេច ក្នុងឱកាសបុណ្យចូលឆ្នាំចិន appeared first on .

ក្រុមហ៊ុន រ៉ូយ៉ាល់គ្រុប បាន​បង្ហោះរូបភាព​ភ្ជាប់​ជាមួយ​សារ​អបអរសាទរ​នៅ​លើ​ទំព័រហ្វេសប៊ុក នា​​ព្រឹក​ថ្ងៃសៅរ៍​នេះ​យ៉ាង​ដូច្នេះថា៖ “ក្រុមហ៊ុន រ៉ូយ៉ាល់គ្រុប សូមចូលរួមអបអរសាទរដល់ ឧកញ៉ា គិត ស៊ូឡា នាយកគ្រប់គ្រងផ្នែក​ប្រតិបត្តិការនៃក្រុមហ៊ុន រ៉ូយ៉ាល់គ្រុប អន្តរជាតិ ចំពោះសមិទ្ធិផលដ៏អស្ចារ្យនេះ ក្នុងការបញ្ចប់ការសិក្សា! សមិទ្ធិផល​នេះគឺជាសក្ខីភាពមួយចំពោះការខិតខំប្រឹងប្រែងជាបន្តបន្ទាប់របស់ឧកញ៉ា គិត ស៊ូឡា ដែលផ្តល់ការ​បំផុសគំនិតដល់យើងនៅក្រុមហ៊ុន រ៉ូយ៉ាល់គ្រុប”។

គួររំឭកថា កាលខែមេសា ឆ្នាំ២០២៤ ក្រុមប្រឹក្សាភិបាលនិងគណៈគ្រប់គ្រងធនធានមនុស្ស របស់ក្រុមហ៊ុន រ៉ូយ៉ាល់ គ្រុប បានតែងតាំង លោកឧកញ៉ា គិត ស៊ូឡា ជានាយកគ្រប់គ្រងផ្នែកប្រតិបត្តិការនៃក្រុមហ៊ុន រ៉ូយ៉ាល់​គ្រុប អន្តរជាតិ។

អ្នកឧកញ៉ា គិត ម៉េង ដែលជាអ្នកដឹកនាំប្រកបដោយចក្ខុវិស័យ នៅពីក្រោយក្រុមហ៊ុន រ៉ូយាល់ គ្រុប បានថ្លែងថា៖ “ជាងបី​ទសវត្សរ៍មកនេះ ខ្ញុំបានកសាងក្រុមហ៊ុនរ៉ូយ៉ាល់គ្រុប ឱ្យ​ក្លាយជាក្រុមហ៊ុនពហុផលិតផលឈានមុខគេ ដែលមានម៉ាក​យីហោ​ត្រូវបានទទួលស្គាល់បំផុតនៅក្នុងប្រទេស។ ថ្ងៃនេះ ខ្ញុំមានមោទនភាពក្នុងការប្រកាសថា គិត ស៊ូឡា នឹងចូលរួម​ជាមួយ ក្រុមហ៊ុន រ៉ូយ៉ាល់គ្រុប”។

សូមជម្រាបថា ឧកញ៉ា គិត ស៊ូឡា វ័យ​១៩ឆ្នាំ បានទទួលការអប់រំនៅសាលាអន្តរជាតិន័រប្រ៊ីដ ក្នុងប្រទេសកម្ពុជា និងបាន​បន្ត​​ការ​សិក្សា នៅសាលាអន្តរជាតិ Hwa Chong ដែលជាសាលាដ៏ល្បីល្បាញមួយក្នុងប្រទេសសិង្ហបុរី។ ក្នុងតួនាទីថ្មី របស់លោកជានាយក គ្រប់គ្រងផ្នែកប្រតិបត្តិការ លោកឧកញ៉ា គិត ស៊ូឡា នឹងកាន់តំណែង​សំខាន់​នេះ ក្នុងការបង្កើតឱ្យ​កាន់តែមានភាពចម្រុះ និងធ្វើឱ្យ​ចំណូល​ក្រុមហ៊ុន​ប្រសើរទ្បើងនៅក្នុងពិភពឌីជីថល៕

The post ឧកញ៉ា គិត ស៊ូឡា បញ្ចប់ការសិក្សាពីសាលាដ៏ល្បីល្បាញរបស់ប្រទេសសិង្ហបុរី HCIS appeared first on .

ខេត្តកំពង់ឆ្នាំង ថ្ងៃទី ១៤ ខែមិថុនា ឆ្នាំ ២០២៤៖  ធនាគារ វីង (ខេមបូឌា) ម.ក បានបោះជំហានទៅមុខដ៏សំខាន់មួយទៀតជាមួយនឹងការបើកសម្ពោធសាខាថ្មីរបស់ខ្លួនស្ថិតនៅចំកណ្តាលក្រុងកំពង់ឆ្នាំងតែម្តង។ យុទ្ធសាស្ត្រនៃការពង្រីកខ្លួននេះ គឺនាំមកនូវសេវាធនាគារដ៏សម្បូរបែប ក៏ដូចជាដំណោះស្រាយហិរញ្ញវត្ថុដែល​មានភាពច្នៃប្រឌិត ដើម្បី​ផ្តល់អំណាច​និង​គាំទ្រ​ទៅដល់សហគមន៍ តាមរយៈ​ការ​រួមចំណែកជំរុញបរិយាបន្នហិរញ្ញវត្ថុកាន់តែប្រសើរបន្ថែមទៀត។

ពិធីនេះប្រព្រឹត្តទៅយ៉ាងអធិកអធម ក្រោមអធិបតីភាព​នៃ ឯកឧត្តម ស៊ុន សុវណ្ណារិទ្ធិ​ អភិបាល នៃគណៈអភិបាលខេត្តកំពង់ឆ្នាំង, លោក  ឈាង តុលា នាយកសាខាធនាគារជាតិ នៃកម្ពុជា ខេត្តកំពង់ឆ្នាំង តំណាងដ៏ខ្ពង់ខ្ពស់របស់លោកជំទាវបណ្ឌិត ជា សិរី​ អគ្គទេសាភិបាល ធនាគារជាតិនៃកម្ពុជា, ព្រមទាំង​ឯកឧត្តមបណ្ឌិត ម៉ី វ៉ាន់​ រដ្ឋលេខាធិការ ក្រសួងសេដ្ឋកិច្ច និងហិរញ្ញវត្ថុ​ និងជាអគ្គលេខាធិការ នៃអគ្គលេខាធិការដ្ឋានអាជ្ញាធរសេវាហិរញ្ញវត្ថុមិនមែនធនាគារ។

ពិធីនេះក៏មានការចូលរួមពីអ្នកឧកញ៉ា គិត ម៉េង ប្រធានក្រុមប្រឹក្សាភិបាល ធនាគារ វីង និងជាអគ្គនាយកក្រុមហ៊ុន រ៉ូយ៉ាល់គ្រុប, លោកជំទាវអ្នកឧកញ៉ា ម៉ៅ ចំណាន នាយិកាប្រតិបត្តិការនៃធនាគារ វីង និងជាអនុប្រធានក្រុមប្រឹក្សាភិបាលក្រុមហ៊ុន រ៉ូយ៉ាល់គ្រុប ព្រមទាំង​ឧកញ៉ា គិត ស៊ូឡា ប្រធានផ្នែកប្រតិបត្តិការនៃក្រុមហ៊ុន រ៉ូយ៉ាល់គ្រុប អន្តរជាតិ ព្រមទាំង​ការអញ្ជើញ​ចូលរួមពីភ្ញៀវកិត្តិយសជាច្រើនទៀតផងដែរ។

ឯកឧត្តម ស៊ុន សុវណ្ណារិទ្ធិ អភិបាល នៃគណៈអភិបាលខេត្តកំពង់ឆ្នាំង បានបង្ហាញការកើតសរសើរចំពោះធនាគារ វីង ដែលទទួលបានការគាំទ្រ និងទំនុកចិត្តពីសាធារណជន និងបានពង្រីកខ្លួនជាបន្តបន្ទាប់។ ឯកឧត្តម ស៊ុន សុវណ្ណារិទ្ធិ បានថ្លែងថា៖ “ខ្ញុំសង្ឃឹមយ៉ាងមុតមាំថា ធនាគារ វីង នឹងដើរតួនាទីយ៉ាងសំខាន់ក្នុងការផ្តល់ជាដំណោះស្រាយ ក៏ដូចជា ឆ្លើយតបនឹងតម្រូវការផ្នែកហិរញ្ញវត្ថុដល់ប្រជាជនកម្ពុជា និងអាជីវកម្មក្នុងខេត្តកំពង់ឆ្នាំង​ទាំងមូលផងដែរ។”

ឆ្លៀតក្នុងឱកាសនោះផងដែរ លោក  ឈាង តុលា នាយកសាខាធនាគារជាតិ នៃកម្ពុជា ខេត្តកំពង់ឆ្នាំង តំណាងដ៏ខ្ពង់ខ្ពស់របស់លោកជំទាវបណ្ឌិត ជា សិរី អគ្គទេសាភិបាល ធនាគារជាតិនៃកម្ពុជា បានវាយតម្លៃខ្ពស់ដល់ការខិតខំប្រឹងប្រែងរបស់ធនាគារ វីង ក្នុងការពង្រីកបណ្តាញប្រតិបត្តិការអាជីវកម្មជាបន្តបន្ទាប់។ លោក  ឈាង តុលា បានថ្លែងថា៖ “សាខាថ្មីរបស់ធនាគារ វីង បានបង្ហាញឱ្យឃើញពីវឌ្ឍនភាព និងភាពរីកចម្រើន ដោយបានបង្កើតផលិតផល និងសេវាហិរញ្ញវត្ថុថ្មីៗ សម្បូរបែបបន្ថែមទៀត និងបានពង្រីកខ្លួនដល់ក្រុងកំពង់ឆ្នាំង សំដៅបង្ខិតសេវាហិរញ្ញវត្ថុជូនដល់សាធារណជន។ ”

ដោយមានទីតាំងចម្ងាយត្រឹមតែ ៥០ម៉ែត្រប៉ុណ្ណោះ ពីរង្វង់មូលវិមានឯករាជ្យនៃ​ក្រុងកំពង់ឆ្នាំង សាខាថ្មីរបស់ធនាគារ វីង ងាយស្រួលរកសម្រាប់អតិថិជនអញ្ជើញទៅទទួលសេវាហិរញ្ញវត្ថុ និង​ផលិតផលធនាគារជាច្រើន។

លោក ហាន ប៉េងក្វាង អគ្គនាយកធនាគារ វីង បានមានប្រសាសន៍ថា៖ “ខ្ញុំពិតជាមានសេចក្តីសោមនស្សក្រៃលែង ដោយសារតែធនាគារ វីង​ នឹងចាប់ផ្តើមរួមចំណែកដ៏សំខាន់ក្នុងការអភិវឌ្ឍខេត្តកំពង់ឆ្នាំង តាមរយៈការដាក់ឱ្យដំណើរការសាខាធនាគារដ៏ទំនើបរបស់យើងនៅទីនេះ។”

ក្រោមការដឹកនាំប្រកបដោយចក្ខុវិស័យរបស់អ្នកឧកញ៉ា គិត ម៉េង ធនាគារ វីង បានបោះជំហានឈាន​មុខគេក្នុងការប្រើប្រាស់ដំណោះស្រាយឌីជីថល ដែលជួយលើកកម្ពស់ជីវភាពរស់នៅរបស់ប្រជាជនកម្ពុជាអស់រយៈពេលជិត១៦ឆ្នាំមកនេះ។​

លោក ហាន ប៉េងក្វាង បានបន្ថែមថា៖ “យើងខ្ញុំបានប្តេជ្ញាចិត្តក្នុងការត្រៀមខ្លួនជាស្រេចដើម្បីផ្តល់សេវាធនាគារយ៉ាងពេញលេញ ដែលផ្តល់សិទ្ធអំណាចដល់សហគមន៍​ ដោយអនុញ្ញាតឱ្យពួកគាត់ងាយស្រួលក្នុងការទទួលបានដំណោះស្រាយហិរញ្ញវត្ថុចាំបាច់នានាសម្រាប់ជីវភាពរស់នៅប្រចាំថ្ងៃ។​ យើងរួមគ្នាដើម្បីកសាងអនាគតមួយដែលពលរដ្ឋគ្រប់រូបអាចរីកចម្រើន និងរុងរឿងបាន​។”

សាខាថ្មីនេះផ្តល់ជូនសេវាកម្មធនាគារសម្បូរ​បែប ដោយ​បើកដំណើរការពីថ្ងៃចន្ទ ដល់ថ្ងៃសុក្រ ចាប់ពីម៉ោង​ ៨ ព្រឹក ដល់ម៉ោង ៤រសៀល ដើម្បីធានាថាអតិថិជនងាយស្រួលក្នុងការទទួលបានដំណោះស្រាយហិរញ្ញវត្ថុនានា។ ​សេវាកម្មទាំងនេះរួមមាន៖ ប្រាក់បញ្ញើ, ប្រាក់កម្ចី, ធានារ៉ាប់រង, ផ្ទេរប្រាក់ក្នុងស្រុកនិងអន្តរជាតិ, ទូទាត់វិក្កយបត្រ, ម៉ាស៊ីនដកប្រាក់ និងដាក់ប្រាក់ ព្រមទាំង​មាន​សេវាកម្មជាច្រើនទៀត។ ខណៈពេលដែលកំពុង​រង់ចាំធ្វើប្រតិបត្តិការហិរញ្ញវត្ថុ​ផ្សេងៗ អតិថិជនអាច រីករាយជាមួយ​កន្លែងរង់ចាំដ៏មានផាសុកភាព និងទំនើបបំផុត ហើយក៏អាចរីករាយទទួល​ទាន​កាហ្វេ និងទឹកផ្លែឈើដ៏ឈ្ងុយឆ្ងាញ់ពី​ហាង​ ​Coffee Hub ដែលមានទីតាំងនៅខាងក្នុងសាខាតែម្តង។

ថ្លែងក្នុងកម្មវិធីសម្ពោធសាខាថ្មីរបស់ធនាគារ វីង​ ឧកញ៉ា គិត ស៊ូឡា បានលើកឡើងថា៖ “ធនាគារ វីង បានបង្ហាញពីការយកចិត្តទុកដាក់របស់ខ្លួនក្នុងការគាំទ្រចក្ខុវិស័យរបស់ក្រុមហ៊ុន រ៉ូយ៉ាល់គ្រុប អន្តរជាតិ ក្នុងការធ្វើពិពិធកម្ម និងលើកកម្ពស់ផលប័ត្រឌីជីថលរបស់ខ្លួន។ ការរួមបញ្ចូលគ្នានៃសេវាកម្មតាមឌីជីថល និងនៅតាមទីតាំងនានារបស់ខ្លួន បានជំរុញឱ្យធនាគារ វីង អាចបង្កើនភាពប្រកួតបប្រជែងរបស់ខ្លួនកាន់តែខ្លាំងជាងមុន ហើយនេះក៏ជាមោទនភាពមួយសម្រាប់រ៉ូយ៉ាល់គ្រុបផងដែរ។”

ឧកញ៉ា គិត ស៊ូឡា បានបន្ថែមថា៖ “រូបខ្ញុំផ្ទាល់ ខ្ញុំពិតជាមានមោទនភាពយ៉ាងខ្លាំងដែលឃើញសមាជិករបស់ក្រុមហ៊ុនរ៉ូយ៉ាល់គ្រុបមានការរីកចម្រើន និងបានប្រើប្រាស់ជំនាញរបស់ខ្លួនដើម្បីគាំទ្រសហគមន៍នានា។ វាជាសក្ខីភាពមួយចំពោះការខិតខំប្រឹងប្រែរបស់ធនាគារ វីង ហើយក៏ជាតម្លៃរួមមួយដែលពួកយើងប្រកាន់ខ្ជាប់ផងដែរ។”

ដោយមានទ្រព្យសកម្មជិត ២ពាន់លានដុល្លារអាមេរិក ភ្នាក់ងារវីង ១១.០០០ទីតាំង ដៃគូ​អាជីវកម្មប្រមាណ ១៦៥.០០០ ព្រមទាំង​មានអតិថិជនប្រើប្រាស់ជាង ១៤,៥លានគណនី ធនាគារ វីង បានក្លាយជាធនាគារឌីជីថលរីកចម្រើនយ៉ាងឆាប់រហ័សមួយនៅក្នុងប្រទេសកម្ពុជា។

កិច្ចសហការជាយុទ្ធសាស្ត្រជាមួយដៃគូធំៗជាច្រើនដូចជា៖​ ក្រុមហ៊ុនធានារ៉ាប់រងអាយុជីវិត Prudential (Cambodia) Life Assurance, ក្រុមហ៊ុន UnionPay, ក្រុមហ៊ុនវីសា, ក្រុមហ៊ុនម៉ាស្ទ័រកាត, ក្រុមហ៊ុន Alipay, ក្រុមហ៊ុន WeChat, ក្រុមហ៊ុន MoneyGram, ក្រុមហ៊ុន Western Union, ក្រុមហ៊ុន Ria និងក្រុមហ៊ុន Oracle ជាដើម បានជួយបង្កើនការប្តេជ្ញាចិត្តរបស់ធនាគារ វីង មួយកម្រិតបន្ថែមទៀតក្នុងការផ្តល់នូវសេវាកម្មហិរញ្ញវត្ថុមួយដែលផ្សាភ្ជាប់គ្នាទៅវិញទៅមកឥតអាក់ខាន។

សាខាថ្មីរបស់ធនាគារ វីង ក្នុងខេត្តកំពង់ឆ្នាំង ត្រៀមខ្លួនជាស្រេចដើម្បីដើរតួជាផ្នែកមួយដ៏សំខាន់ក្នុងការជំរុញភាពរីកចម្រើននៅក្នុងសហគមន៍ ក៏ដូចជាពង្រីកសេវាកម្មហិរញ្ញវត្ថុប្រកប​ដោយ​ភាព​ងាយស្រួលប្រើប្រាស់ ដែលនឹងជួយជំរុញខេត្តនេះឆ្ពោះទៅរកអនាគតដ៏រុងរឿង៕

The post ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង appeared first on .