ក្នុងថ្ងៃបើកសម្ពោធនេះ មានការចូលរួមពី អ្នកឧកញ៉ា ឧកញ៉ាៗជាច្រើនរូបរួមមាន អ្នកឧកញ៉ា ហេង សៀ, អ្នកឧកញ៉ា អុឹង សែ, ឧកញ៉ាបណ្ឌិត គីម ហ៊ាង និងលោកជំទាវឧកញ៉ា គង់ សំណាង, ឧកញ៉ា ស៊ិន ចន្ធី, ឧកញ៉ា ឈឹម បញ្ញា, ឧកញ៉ា អុឹង គឹមហុង, ឧកញ៉ា ឃន ឈុនដារ៉ា ព្រមទាំងអតិថិជនយ៉ាងច្រើនកុះករ ដែលបានអញ្ជើញមកគាំទ្រ និងរីករាយជាមួយរសជាតិភេសជ្ជៈដ៏ឈ្ងុយឆ្ងាញ់ និងសម្បូរបែប ដែលនេះសបញ្ជាក់ពីភាពជឿជាក់ និងការគាំទ្រយ៉ាងខ្លាំងក្លា ទៅដល់ម៉ាកយីហោខ្មែរមួយនេះ។

លើសពីនេះទៅទៀត អតិថិជនមានជម្រើសកាន់តែច្រើនក្នុងការកុម្ម៉ង់ភេសជ្ជៈពី ធ្យូបកាហ្វេ ដោយលោកអ្នកអាចធ្វើការកុម្ម៉ង់ផ្ទាល់នៅក្នុងហាង កុម្ម៉ង់តាមរយៈដៃគូដឹកជញ្ជូន ឬកុម្ម៉ង់តាមរយៈកម្មវិធីទូរសព្ទដៃ ធ្យូបកាហ្វេ ក៏បាន៕

The post អ្នកឧកញ៉ា ឧកញ៉ាៗច្រើនរូប ចូលរួមពិធីសម្ពោធបើកដំណើរការ ធ្យូបកាហ្វេ សាខា ៣៧១ appeared first on .

វត្តមានរបស់ ឯកអគ្គរដ្ឋទូតជប៉ុនប្រចាំកម្ពុជា និង ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានសរបញ្ជាក់អំពីការគាំទ្រ ដ៏សំខាន់ដល់ការលូតលាស់របស់ KYŌ Shabu ដែលបង្ហាញពីការជឿទុកចិត្តលើម៉ាក KYŌ Shabu ថែមទាំងបង្ហាញពីទំនាក់ទំនងដ៏មានន័យ ដែលបានលូតលាស់ជាមួយសហគមន៍ទូត រដ្ឋបាលរដ្ឋាភិបាល និងដៃគូដ៏មានតម្លៃ ដែលបានគាំទ្រភោជនីយដ្ឋានមកពីដើម។ អ្វីដែលសំខាន់ជាងគេ គឺវាបង្ហាញពីមិត្តភាពរឹងមាំ ការគោរពគ្នា និងការជឿទុកចិត្តដែលកើនឡើងរវាងប្រទេសកម្ពុជា និងប្រទេសជប៉ុន។ ភាពជាដៃគូដែលនៅតែរីកចម្រើនក្នុងវិស័យអាជីវកម្ម វិនិយោគ និងសហប្រតិបត្តិការអេកូណូមី។ KYŌ Shabu មានមោទនភាពយ៉ាងជ្រាលជ្រៅក្នុងការរួមចំណែក តាមរយៈវប្បធម៌ម្ហូបអាហារ ការផ្តល់សេវាកម្មដោយគុណភាព និងការយល់ឃើញចំពោះគុណភាព និងសិល្បៈកម្លាំងក្នុងការបង្កើត។

KYŌ Shabu ត្រូវបានបំផុសគំនិតពីបទពិសោធន៍នៃការទទួលទានស៊ុបសាប៊ូបែបជប៉ុនមួយពេលនៅតំបន់ Ginza ទូក្យូ ប្រទេសជប៉ុន ដែលធ្វើឲ្យ KYŌ មានចក្ខុវិស័យថ្មី ក្នុងការបង្កើតនូវម៉ាកស៊ុបជប៉ុន KYŌ Shabu បែបទំនើបថ្មី។ បទពិសោធន៍នោះ ចាប់ពីក្លិនរសជាតិស៊ុបកំពុងពុះ ការកាត់សាច់គោជប៉ុន wagyu ដោយភាពម៉ត់ចត់ រហូតដល់សេវាកម្មទទួលភ្ញៀវបែបជប៉ុន បានជះឥទ្ធិពលដ៏ជ្រាលជ្រៅដល់ក្រុមស្ថាបនិកក្នុងការនាំយកបទពិសោធន៍នេះមកកាន់ប្រទេសកម្ពុជា។

KYŌ Shabu មានចក្ខុវិស័យយ៉ាងរឹងមាំចំពោះ៖
១.ការជ្រើសរើសគ្រឿងផ្សំដែលមានគុណភាពខ្ពស់បំផុត ដើម្បីធានានូវគុណភាពនិងរសជាតិល្អឆ្ងាញ់ជារៀងរាល់ថ្ងៃ។
២.ស៊ុបដែលត្រូវបានចម្អិនថ្មីៗរៀងរាល់ថ្ងៃ ដែលត្រូវបានធ្វើដោយ Chef Kentaro ដែលជាជនជាតិជប៉ុននិងមានបទពិសោធន៍ជា ៣០ឆ្នាំ ក្នុងវិស័យម្ហូបអាហារជប៉ុនដែលធានាបាននូវគុណភាព រស់ជាតិបានល្អបំផុត។
៣.បទពិសោធន៍សេវាកម្មដែលមានកម្រិតខ្ពស់ បញ្ចូលគ្នារវាងរសជាតិជប៉ុនសម័យទំនើប និងភាពកក់ក្តៅក្នុងការស្វាគមន៍របស់ជនជាតិខ្មែរចំពោះអតិថិជន។

KYŌ Shabu ប្តេជ្ញាផ្តល់នូវសេវាកម្ម និងបទពិសោធន៍នៃការទទួលទានស៊ុបសាប៊ូ បែបជប៉ុនដែលមានកម្រិតខ្ពស់ ដោយផ្តោតលើភាពច្នៃប្រឌិត គុណភាពគ្រឿងផ្សំល្អៗ និងបទពិសោធន៍របស់អតិថិជនជាចម្បង។

ការបើកសាខាថ្មីទី២ នៅកោះពេជ្រ គឺជាជំហ៊ានសំខាន់មួយទៀតក្នុងការពង្រីកខ្លួនរបស់ KYŌ Shabu និងរួមចំណែកក្នុងការអភិវឌ្ឍទីប្រជុំជនថ្មីនៅតំបន់កោះពេជ្រ ដែលក្រុមហ៊ុន OCIC កំពុងបំផុសតំបន់នេះឲ្យក្លាយជាមជ្ឈមណ្ឌលវប្បធម៌ ភោជនីយដ្ឋាន និងសកម្មភាពសង្គមសំខាន់មួយសម្រាប់ប្រជាជននាពេលអនាគត។

KYŌ Shabu ជាម៉ាកដែលបង្កើតទ្បើងដោយកូនខ្មែរ ១០០% និងមានបំណងលើកកម្ពស់ស្ដង់ដារភោជនីយកម្មក្នុងស្រុក និងបង្ហាញវប្បធម៌ Shabu ជប៉ុនដល់សកលលោក។ គោលបំណងរយៈពេលវែងរបស់ក្រុមហ៊ុន គឺធ្វើឱ្យ KYŌ Shabu ក្លាយជាម៉ាកដែលអតិថិជនគ្រប់គ្នាគិតដល់ដំបូងបង្អស់ នៅពេលនិយាយពីស៊ុប Shabu ដែលមានគុណភាពខ្ពស់ បរិយាកាសល្អ និងសេវាកម្មដ៏កក់ក្តៅ។

សូមជម្រាបថា ភោជនីយដ្ឋានទំនើបបែបជប៉ុន មានឈ្មោះថា «ឃីយ៉ូ សាប៊ូ» (KYŌ Shabu) សាខាទី១ របស់លោកឧកញ៉ា ឃន ឈុនដារ៉ា បានបើកសម្ពោធជាផ្លូវការ កាលពីថ្ងៃទី៥ ខែតុលា ឆ្នាំ២០២៣ និងមានទីតាំងស្ថិតនៅសង្កាត់បឹងកក់ទី១ ខណ្ឌទួលគោក រាជធានីភ្នំពេញ៕

The post ឧកញ៉ា ឃន ឈុនដារ៉ា រៀបចំពិធីខួបអនុស្សាវរីយ៍ ២ឆ្នាំ ភោជនីយដ្ឋានទំនើបបែបជប៉ុន KYŌ Shabu និងបើកសម្ពោធសាខាថ្មីទី២ ជាផ្លូវការ នៅកោះពេជ្រ appeared first on .

ពិធីចុះអនុស្សរណៈនៃការយោគយល់គ្នានេះ ត្រូវបានចុះហត្ថលេខាដោយ លោក ទៀ ស្យាម ប្រធានក្រុមហ៊ុន PEACE Petroleum (Cambodia) និងកញ្ញា ស៊ូ មុន្នីពេជ្រ អគ្គនាយិកាក្រុមហ៊ុន ធ្យូបកាហ្វេ ព្រមទាំងមានការចូលរួមពីភ្ញៀវកិត្តិយសជាច្រើនផងដែរ។

លោក ទៀ ស្យាម ប្រធានក្រុមហ៊ុន ស្ថានីយប្រេងឥន្ធនៈ PEACE បានលើកឡើងថា នេះជាសញ្ញាបង្ហាញដ៏សំខាន់ អំពីចក្ខុវិស័យរួមគ្នារវាង PEACE Petroleum (Cambodia) និង Tube Coffee ដែលក្រុមហ៊ុនទាំងពីរ គឺជាស្នាដៃបង្កើតឡើងដោយកូនខ្មែរ ១០០% ដើម្បីបង្កើតនូវបទពិសោធន៍ថ្មីៗ និងសេវាកម្មល្អជូនអតិថិជនគ្រប់រូប។

សូមជម្រាបថា ក្រុមហ៊ុន PEACE Petroleum (Cambodia) ជាក្រុមហ៊ុនដែលបានប្រែក្លាយពីស្ថានីយប្រេងឥន្ធនៈ PTT និងហាងកាហ្វេ Amazon ដែលមានប្រភពពីប្រទេសថៃ ប៉ុន្តែក្រោយមានបញ្ហាព្រំដែនកម្ពុជា-ថៃ បានធ្វើឱ្យម្ចាស់ស្ថានីយជាច្រើនផ្លាស់ប្តូរមកជាស្ថានីយ PEACE វិញ។ កាលចុងខែសីហា ឆ្នាំ២០២៥ លោក ទៀ ស្យាម បានបញ្ជាក់ថា ស្ថានីយប្រេងឥន្ធនៈដែលបានផ្លាស់ប្ដូរជាផ្លូវការមកជាស្ថានីយ PEACE មានចំនួនសរុប ៣៥ ស្ថានីយហើយ ខណៈដែលក្រុមហ៊ុនខ្មែរថ្មីនេះ ត្រៀមសហការជាមួយក្រុមហ៊ុនប្រេងដ៏ធំ ExxonMobil របស់អាម៉េរិក លើការផ្គត់ផ្គង់ប្រេង និងឧស្ម័នគ្រប់ប្រភេទ ក្នុងពេលឆាប់ៗខាងមុខនេះ៕

The post ឧកញ៉ា ឃន ឈុនដារ៉ា ចូលរួមពិធីចុះ MOU រវាង Tube Coffee និងស្ថានីយប្រេងឥន្ធនៈ PEACE appeared first on .

ការដឹកនាំបុគ្គលិកជាច្រើននាក់របស់ ខយ តេ កម្ពុជា ដែលមានលោកឧកញ៉ា ឃន ឈុនដារ៉ា ផ្ទាល់ទៅកាន់ប្រទេសជប៉ុន ជាប្រទេសកោះមួយស្ថិតនៅតំបន់អាស៊ីបូព៌ា មានវប្បធម៌ដ៏សម្បូរបែប រួមទាំងប្រពៃណីបុរាណអាយុកាលរាប់សតវត្ស និងភាពជឿនលឿនផ្នែកបច្ចេកវិទ្យា ហេីយនេះគឺជាដំណើរកំសាន្តប្រចាំឆ្នាំរបស់ក្រុមហ៊ុន ក៏ដូចជាឲ្យបុគ្គលិកទទួលបានបទពិសោធន៍ថ្មី ព្រមទាំងជាកាដូសម្រាប់បុគ្គលិកដែលខិតខំធ្វើការផងដែរ។

ដំណើរកម្សាន្តរយៈពេលមួយសប្តាហ៍ពេញនៅប្រទេសជប៉ុន ក្រុមហ៊ុន ខយ តេ កម្ពុជា បាននាំបុគ្គលិកម្សាន្តនៅកន្លែងល្បីៗ និងពេញនិយមសម្រាប់ភ្ញៀវទេសចរដូចជា Niseko ជាតំបន់រមណីយដ្ឋានជិះស្គីដ៏ពេញនិយមដែលមានទីតាំងនៅភាគខាងជើងនៃកោះហុកកៃដូក្នុងប្រទេសជប៉ុន, Osaka ជារាជធានីនៃខេត្តអូសាកា មានវប្បធម៌រស់រវើក ស្ថាបត្យកម្មទំនើប និងប្រវត្តិសាស្រ្តដ៏សម្បូរបែប និង Kyoto ជាកន្លែងប្រវត្តិសាស្រ្តដ៏សម្បូរបែប វប្បធម៌ប្រពៃណី និងស្ថាបត្យកម្មដ៏អស្ចារ្យផងដែរ។

សូមបញ្ជក់ថា ក្រុមហ៊ុន ខយ តេ កម្ពុជា គឺជាម៉ាកភេសជ្ជៈតែគុជឈានមុខគេ និងធំជាងគេនៅកម្ពុជា ដែលមានលោកឧកញ៉ា ឃុន ឈនដារ៉ា ជាស្ថាបនិក។ ក្រុមហ៊ុន ខយតេ កម្ពុជា ត្រូវបានគេស្គាល់ដោយសារភេសជ្ជៈឈ្ងុយឆ្ងាញ់ សេវាកម្មរួសរាយរាក់ទាក់ ការតុបតែងស៊ីវីល័យ និងការផ្សព្វផ្សាយពោរពេញដោយភាពច្នៃប្រឌិត។ មិនតែប៉ុណ្ណោះ ខយ តេ ជាក្រុមហ៊ុនភេសជ្ជៈដ៏ល្បីល្បាញ ពេញនិយម និងបេីកដំណេីរកាលរយៈពេល ១១ ឆ្នាំនៅក្នុងព្រះរាជាណាចក្រកម្ពុជា តែងតែនាំយកនូវរសជាតិភេសជ្ជៈឈ្ងុយឆ្ងាញ់ កម្មវិធីប្លែកៗ សម្រាប់ជូនអតិថិជនរបស់ខ្លួន។

គួរជម្រាបបន្ថែមថា គិតមកដល់ពេលបច្ចុប្បន្ន ឧកញ៉ា ឃន ឈុនដារ៉ា កំពុងក្តោបក្តាប់មុខជំនួញជាច្រើនរួមមាន៖ នាយកក្រុមហ៊ុន ខេមបូភូរ៉ា ក្លាស ឯ.ក, នាយកប្រតិបត្តិនៃក្រុមហ៊ុន KOI Thé Cambodia, ស្ថាបនិក Tube Café ហាងលក់កាហ្វេ, ហាងលក់ Pizza Yellow cab , ហាងលក់ ស៊ុប Gege Hotpot, Orkin ដែលជាក្រុមហ៊ុនផ្ដល់សេវាកម្ម សម្លាប់សត្វល្អិតតាមផ្ទះ និងភោជនីយដ្ឋាន KYO ម្ហូបបែបជប៉ុនផងដែរ៕

The post ឧកញ៉ា ឃន ឈុនដារ៉ា អគ្គនាយកក្រុមហ៊ុន ខយតេ កម្ពុជា ដឹកនាំបុគ្គលិកមួយស្ថាប័នធ្វើដំណើរទៅទស្សនកិច្ច និងកម្សាន្តនៅប្រទេសជប៉ុន រយៈពេលមួយសប្ដាហ៍ appeared first on .

ក្រុមហ៊ុន ខយតេ​ កម្ពុជា ដែលជាក្រុមហ៊ុនភេសជ្ជៈដ៏ល្បីល្បាញ​ ពេញនិយម​ និងបេីកដំណេីរកាលរយៈពេល​ ១១​ ឆ្នាំនៅក្នុងព្រះរាជាណាចក្រកម្ពុជា តែងតែនាំយកនូវ​រសជាតិភេសជ្ជៈឈ្ងុយឆ្ងាញ់​ កម្មវិធីប្លែកៗ​ សម្រាប់ជូនអតិថិជន​របស់ខ្លួន។ សម្រាប់ឆ្នាំថ្មីនេះផងដែរ​ ក្រុមហ៊ុន ខយតេ​ បានណែនាំនូវភេសជ្ជៈថ្មី​ស្រឡាង​ តែបៃតងយ៉ាគុល​ (Yakult Green Tea) ដែលមានរសជាតិឈ្ងុយឆ្ងាញ់​ និងអត្ថប្រយោជន៍ជាច្រេីនសម្រាប់សុខភាព​ ដែលជាតម្រូវការចំបងសម្រាប់អតិថិជនទាំងអស់។

ការចុះហត្ថលេខាលើអនុស្សរណៈយោគយល់គ្នារវៀងរុមហ៊ុន ខយតេ​ កម្ពុជា ជាមួយក្រុមហ៊ុន អុីអន​ ខេមបូឌា ​បានបង្ហាញពីការប្តេជ្ញាចិត្តរួមគ្នា ដើម្បីផ្តល់ជូននូវផលិតផលថ្មី​ដែលមានរសជាតិ ឆ្ងាញ់ ប្លែក គួបផ្សំជាមួយកាប្រើប្រាស់គ្រឿងផ្សំដែលមានគុណភាពខ្ពស់ បង្កើតបាននូវផលិតផលដែលមានភាពច្នៃប្រឌិតថ្មីយ៉ាងគួរជាទីចាប់អារម្មណ៍។

ផលិតផលថ្មីនេះ​ ត្រូវបានបង្កើតឡើងដោយប្រើទឹកដោះគោជូរដែលមានគុណភាពខ្ពស់ ស្តង់ដាប្រទេសជប៉ុន​ ម៉ាក Yakult ដែលល្បីដោយសាររសជាតិឆ្ងាញ់ និង​សំបូរដោយសារធាតុបំប៉នជំនួយដល់សុខភាពជាច្រើន ជាមួយនឹង​ស្លឹកតែគុណភាពខ្ពស់នាំចូលពីតៃវ៉ាន់។ រសជាតិជូរអែម ស្រាលស្រទន់ ក្លិនតែឈ្ងុយ និងផ្តល់នូវអត្ថប្រយោជន៍ជាច្រើនសម្រាប់សុខភាព ជាពិសេសអតិថិជនក៏ទទួលបាននូវអារម្មណ៍ថ្មី​ និងបទពិសោធន៏ប្លែកផងដែរ។

ក្រុមហ៊ុន​ ខយតេ កម្ពុជា និងក្រុមហ៊ុន អុីអន ខេមបូឌា តំណាងឱ្យផលិតផល Yakult បានធ្វើការសហការ​ និងផ្តោតលើការនាំយកនូវផលិតផលដែលស័ក្តិសម សម្រាប់ប្រជាជនកម្ពុជានាយុគសម័យថ្មីនេះ និងបូករួមទាំងមានគុណភាព និងភាពច្នៃប្រឌិតមកទីផ្សារ ដោយចាប់ផ្តើមពីការបង្ហាញផលិតផលថ្មីដ៏លេចធ្លោគឺ តែបៃតង យ៉ាគុល (Yakult Green Tea) ដំបូងគេបង្អស់នៅកម្ពុជា៕

The post ក្រុមហ៊ុន KOI Thé និង​ AEON Cambodia ចុះហត្ថលេខាលើអនុស្សរណៈយោគយល់ដើម្បីចេញផលិតផលថ្មី​ តែបៃតង យ៉ាគុល (YAKULT GREEN TEA) appeared first on .

ក្នុង​ពិធីសម្ពោធហាង KOI សាខាផ្លូវ២០០៤ និងអគារការិយាល័យ Borvor លោកឧកញ៉ា ឃន ឈុនដារ៉ា បាន​លើកឡើង​លើ​បណ្តាញ​សង្គម​​ថា៖ “ជាក់ស្តែង​នៅ​ថ្ងៃនេះ ខ្ញុំមិនបាន​ពាក់ខោអាវធំ​ទេ គឺពាក់ជាមួយ​នឹង​អៀម។ អត្ថន័យ​ដែល​ខ្ញុំ​មាន​នៅក្នុង​ចិត្ត​ជាមួយ​នឹង​ការ​ប្រើប្រាស់​អៀម​នេះ ពីមុន​​ខ្ញុំ​ពាក់​អៀម​ដើម្បី​ធ្វើតែ​ឆ្ងាញ់​ជូន​អតិថិជន ប៉ុន្តែ​ថ្ងៃនេះ​ខ្ញុំ​ពាក់អៀម​ដើម្បី​បរិច្ចាគ​ឈាម​ជូន​សាធារណជន”។

លោកឧកញ៉ា បាន​បន្ថែមថា ការធ្វើកម្មវិធី​បរិច្ចាគ​ឈាម​នេះ គឺដើម្បី​ជួយ​ដោះស្រាយបញ្ហា​កង្វះខាតឈាម​នៅ​ទូទាំង​ប្រទេស ហើយ​លោក​គិតថា​នៅកម្ពុជា​មាន​អ្នក​ចង់​ចូលរួម​បរិច្ចាគ​ឈាម​ច្រើន ប៉ុន្តែ​​កង្វះខាត​ព័ត៌មាន និង​មាន​ភាព​លំបាក​ក្នុងការ​ស្វែងរក​ទីតាំង​ ឬមធ្យោបាយ​ទៅ​បរិច្ចាគ​ឈាម។ លោកឧកញ៉ាបន្តថា កម្មវិធី​បរិច្ចាគ​ឈាម​នេះ ជាការ​ជួយ​ផ្សព្វផ្សាយ​ឱ្យប្រជាជន​យល់ដឹង​បន្ថែម​ស៊ី​ជម្រៅ​ជាងមុន ហើយ​ថ្ងៃនេះ​ជាក់ស្តែង គឺជា​ថ្ងៃ​បើក​សម្ពោធ​ KOI សាខាផ្លូវ២០០៤ ដូច្នេះ​ទើប​លោក​គិត​ថា​ចង់​រក​អ្វី​មួយ​ដែលមាន​អត្ថន័យ​ជ្រៅ ទើប​យល់​ថា​ ការ​បរិច្ចាគ​ឈាម​​ជា​កម្មវិធី​មួយ​​ដ៏​មាន​សារសំខាន់​ដល់​សង្គម ពិសេស​ជួយ​សង្គ្រោះ​ជីវិតមនុស្សបានថែមទៀត។ ​

សូមជម្រាបថា តាមការ​បញ្ជាក់ពី​មជ្ឈមណ្ឌលជាតិផ្តល់ឈាម ការបរិច្ចាគឈាម មិនត្រឹមតែជួយដល់មនុស្សទេ តែទទួលបានអត្ថប្រយោជន៍ទៅដល់សុខភាពខ្លួនឯងទៀត ដូចជា៖ កាត់បន្ថយ​ឱកាស​កើតជម្ងឺ​មហារីក កាត់បន្ថយ​ការ​ដាច់សរសៃឈាម​ខួរក្បាល កាត់បន្ថយ​កូលេស្តេរ៉ុល ភាព​តានតឹង ទទួលបានអារម្មណ៍ល្អ កាត់បន្ថយ​កំហាប់​ឈាម និងលើស​ជាតិដែក​ដែលធ្វើឱ្យ​ប៉ះពាល់​ដល់​ថ្លើម និង​លំពែង ព្រមទាំង​មាន​មោទនភាព​ថា​បាន​រួមចំណែក​ជាមួយការងារ​សង្គមជាតិ៕

The post ឧកញ៉ា ឃន ឈុនដារ៉ា ប្រាប់ពីមូលហេតុមិនពាក់អាវធំ បែរជាពាក់អាវអៀម នៅថ្ងៃសម្ពោធហាងថ្មី appeared first on .

ការចូលរួមបរិច្ចាគថវិកាខាងលើ តបតាមការ​ប្រកាសរបស់ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា សម្រេចបង្កើត «មូលនិធិកសាង​ហេដ្ឋា​រចនាសម្ព័ន្ធតាមព្រំដែន» ក្នុងគោលបំណងដើម្បី​កៀរគរថវិកាបន្ថែម សម្រាប់កសាងហេដ្ឋារចនាសម្ព័ន្ធ​នានា នៅតាមបណ្តោយព្រំដែន ព្រមទាំងបានផ្តល់ឱកាស​ឱ្យប្រជាពលរដ្ឋខ្មែរគ្រប់មជ្ឈដ្ឋាន ទាំងក្នុង និងក្រៅ​ប្រទេស បានចូលរួមចំណែកដោយផ្ទាល់ជាមួយ រាជរដ្ឋាភិបាល​នៅក្នុងបុព្វហេតុការពារ និងអភិវឌ្ឍជាតិ ក្នុងស្មារតី​មហាសាមគ្គីជាតិខ្មែរ ដើម្បីថែរក្សា សុខ​សន្តិភាព អធិបតេយ្យ និងបូរណភាពទឹកដី ក៏ដូចជាការ​ជំរុញ​ការអភិវឌ្ឍ នៅតាមតំបន់ព្រំដែនឱ្យ​បានកាន់តែ​រឹងមាំ និងប្រកបដោយចីរភាព។

យោងតាមការជូនដំណឹងរបស់ខុទ្ធកាល័យសម្តេចធិបតី ហ៊ុន ម៉ាណែត នាព្រឹកថ្ងៃទី២៦ ខែសីហា ឆ្នាំ២០២៤ បានឱ្យដឹងថា ការបង្កើតមូលនិធិកសាងហេដ្ឋារចនាសម្ព័ន្ធតាមព្រំដែន ធ្វើឡើងក្នុងគោលបំណងដើម្បីកៀរគរ​ថវិកា​បន្ថែម សម្រាប់ កសាងហេដ្ឋារចនាសម្ព័ន្ធនានានៅតាមបណ្តោយព្រំដែន ព្រមទាំងបានផ្តល់ឱកាសឱ្យ​ប្រជាពលរដ្ឋ​ខ្មែរគ្រប់មជ្ឈដ្ឋាន ទាំងក្នុង និងក្រៅប្រទេស បានចូលរួមចំណែកដោយផ្ទាល់ជាមួយរាជរដ្ឋាភិបាល​នៅក្នុងបុព្វហេតុរួមគ្នាកសាងនិងការពារមាតុភូមិរបស់យើង។

ជាមួយនឹងការជូនដំណឹងនេះ សម្តេចធិបតី ហ៊ុន ម៉ាណែត ក៏បានអំពាវនាវដល់បងប្អូនប្រជាពលរដ្ឋខ្មែរទាំង​ក្នុងនិង​ក្រៅប្រទេស មេត្តាចូលរួមបរិច្ចាគវិភាគទានឱ្យបានផុលផុសតាមការស្ម័គ្រចិត្តក្នុង «មូលនិធិកសាង​ហេដ្ឋារចនាសម្ព័ន្ធ​តាមព្រំដែន» សំដៅរួមគ្នាក្នុងធ្លុងមហាសាមគ្គីជាតិខ្មែរដើម្បីថែរក្សាសុខសន្តិភាព អធិបតេយ្យ​ភាពជាតិ និងបូរណភាពទឹកដី ក៏ដូចជាការជំរុញការអភិវឌ្ឍតាមតំបន់ព្រំដែនឱ្យបានកាន់តែរឹងមាំ និងប្រកប​ដោយ​ចីរភាព៕

The post ឧកញ៉ា ឃន ឈុនដារ៉ា ចូលរួមបរិច្ចាគថវិកា ៥០០ដុល្លារ ដល់ «មូលនិធិកសាងហេដ្ឋារចនាសម្ព័ន្ធតាមព្រំដែន» appeared first on .

Denza ជាម៉ាកយីហោមួយរបស់ BYD ដែលជាប្រភេទរថយន្តអគ្គីសនី​កំពុង​ឈានមុខគេមួយ​នៅ​លើពិភពលោក។ កាលពីថ្ងៃទី១៥ ខែកក្កដា សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី​នៃប្រទេស​កម្ពុជា និងឧបនាយករដ្ឋមន្ត្រី ស៊ុន ចាន់ថុល បានជួបពិភាក្សាការងារជាមួយលោក Liu Xueliang អ្នកគ្រប់គ្រងទូទៅផ្នែកលក់នៃក្រុមហ៊ុន BYD Asia Pacific និងគណៈប្រតិភូអមដំណើរ និងលោកស្រី Gong Kun អ្នកតំណាងផ្នែកអាជីវកម្មក្រុមហ៊ុន Harmony BYD Cambodia។

លោក Liu Xueliang បានថ្លែងថា មជ្ឈមណ្ឌលតាំងបង្ហាញរថយន្តថ្មី Denza CITYMALL គឺជាមជ្ឈមណ្ឌល​តាំង​បង្ហាញក្នុងទីក្រុងដំបូងគេបង្អស់របស់ BYD នៅក្នុងទីផ្សាររថយន្តដៃឆ្វេងក្រៅប្រទេស លោកបានថ្លែង​អំណរគុណ​ដល់អតិថិជនកម្ពុជាសម្រាប់ការគាំទ្រ BYD ហើយសង្ឃឹមថាការមកដល់របស់ Denza D9 នឹងនាំ​មកនូវទិដ្ឋភាពជីវិតកាន់តែសម្បូរបែបដល់ម្ចាស់រថយន្តនៅកម្ពុជា។

ក្នុងពិធីបើកសម្ពោធនេះ​ រួមមានវត្តមាន​ លោក Ye Chenghui នាយកផ្នែកលក់ប្រចាំតំបន់រថយន្ដ BYD Asia Pacific, លោក Chen Yifei និង លោក Chen Daoyin ប្រធានផ្នែកលក់នៃផ្នែកលក់រថយន្ត BYD Asia Pacific, លោក Liang Xinyue អ្នកគ្រប់គ្រងទូទៅនៃក្រុមហ៊ុន Harmony BYD Asia Pacific និង លោកស្រី Gong Kun ប្រធានអ្នកតំណាងអាជីវកម្មរបស់ក្រុមហ៊ុន Harmony BYD Cambodia ឧកញ៉ា លឹម កុកឡុង នាយកប្រតិបត្តិ​ក្រុមហ៊ុន KHIEV Auto អញ្ជើញកាត់ខ្សែបូដើម្បីបើកសម្ពោធមជ្ឈមណ្ឌលតាំងបង្ហាញរថយន្តថ្មី។

សូមជម្រាបថា ឧកញ៉ា ឃន ឈុនដារ៉ា គឺជាម្ចាស់ហាង KOI និង Tube Coffee ព្រមទាំង​មាន​មុខជំនួយ​ជា​ច្រើន​ទៀត ខណៈដែល​ឧកញ៉ា​ អ៊ុក សំរិទ្ធិពេជ្រ ក៏​ជាម្ចាស់​ហាង​កាហ្វេ TUBE Coffee + នៅខណ្ឌទួលគោក និង​ជា​​ភាគទុនិក​ក្រុមហ៊ុន​លក់រថយន្តអគ្គិសនីដ៏ល្បីរបស់ចិន BYD សាខាព្រះមុន្នីវង្ស ផងដែរ៕

The post ឧកញ៉ា ឃន ឈុនដារ៉ា និងឧកញ៉ា អ៊ុក សំរិទ្ធិពេជ្រ ចូលរួមពិធីបើក​សម្ពោធក្រុមហ៊ុនរថយន្ត 𝗗𝗘𝗡𝗭𝗔 𝗖𝗔𝗠𝗕𝗢𝗗𝗜𝗔 appeared first on .

សមិទ្ធផលឆ្នើម និងកំណត់ត្រាដែលមិនធ្លាប់មានពីមុនមក

ខយ តេ កម្ពុជា បាននាំមកនូវភាពជោគជ័យដ៏ត្រចះត្រចង់គួរឱ្យកោតស្ញប់ស្ញែងមិនធ្លាប់មានពីមុនមក ដោយបានបង្កើតឯកត្តកម្មជាម៉ាកយីហោដែលលក់បានរហូតដល់ចំនួន ៤១៩៨ កែវក្នុងមួយថ្ងៃសម្រាប់សាខាមួយ ដែលជាកំណត់ត្រាលក់ខ្ពស់ជាងគេបំផុតសម្រាប់សាខាមួយ ជាមួយនឹងកំណត់ត្រានៃការបើកដំណើរការសាខា ខយ តេ ធំជាងគេបំផុតនៅក្នុងពិភពលោក ដែលធ្វើឱ្យមានការទទួលស្គាល់យ៉ាងទូលំទូលាយជាលក្ខណៈសកល។

បន្ថែមលើនេះ ខយ តេ កម្ពុជា ក៏បានធ្វើជាម្ចាស់ផ្ទះរៀបចំព្រឹត្តិការណ៍ប្រឡងក្រឡុកតែ (Shaker Master) ដែលជាកម្មវិធីប្រកួតក្រឡុកតែដ៏ធំជាងគេបំផុតមួយនៅក្នុងពិភពលោកដែលមានការចូលរួមពីបណ្តាប្រទេសជាង ១០ ដើម្បីពង្រឹង​វប្បធម៌ និងសិប្បកម្មតែជាលក្ខណៈសកល។

ការចូលរួមក្នុងសកម្មភាពសង្គម និងពានរង្វាន់ដែលបានទទួល

ខយ តេ កម្ពុជា តែងតែចូលរួមយ៉ាងសកម្មក្នុងសកម្មភាពសង្គមប្រកបដោយការប្តេជ្ញាចិត្តខ្ពស់។ ជាក់ស្តែង ក្នុងអំឡុងពេលគ្រោះធម្មជាតិ ខយ តេ កម្ពុជាបានផ្តល់ការឧបត្តម្ភគាំទ្រដល់គ្រួសាររងគ្រោះជាង ៤០០០គ្រួសារ និងការចែកភេសជ្ជៈ ខយ តេ ចំនួន ១ម៉ឺនកែវដោយឥតគិតថ្លៃជូនដល់ពលរដ្ឋកម្ពុជានៅគ្រប់ច្រកល្ហកទូទាំងប្រទេស ជាដើម។ តាមរយៈសមិទ្ធផល និងការរួមចំណែកទាំងនេះ ធ្វើឱ្យ ខយ តេ កម្ពុជា ត្រូវបានទទួលស្គាល់ និងបានទទួលនូវពានរង្វាន់កិត្តិយសកម្រិតជាតិ និងអន្តរជាតិជាច្រើន ដែលរួមមាន៖ 

• ពានរង្វាន់ប្រតិបត្តិការឆ្នើម ពី food​panda
• ពានរង្វាន់ម៉ាកតែដែលអតិថិជនពេញនិយមបំផុត ពី NHAM24
• ពានរង្វាន់ម៉ាកដែលមានឥទ្ធិពលបំផុត ពី E-Gets 
• ពានរង្វាន់សហគ្រិនវ័យក្មេងឆ្នើមកម្ពុជា ឆ្នាំ២០១៥ (ASEAN-CHINA)
• ពានរង្វាន់កន្លែងការងារល្អបំផុត ពីក្រសួងទេសចរណ៍
• វិញ្ញាបនបត្រអនុលោមភាពសារពើពន្ធប្រភេទ មាស ពីអគ្គនាយកដ្ឋានពន្ធដារ

ការសម្លឹងឆ្ពោះទៅអនាគត និងការអបអរសាទរខួបអនុស្សាវរីយ៍ ១០ ឆ្នាំ ក្រោមប្រធានបទ «វិថីដើរម៉ូដ»       

ដើម្បីអបអរសាទរចំពោះសមិទ្ធផលដែលសម្រេចបានរយៈពេល ១០ឆ្នាំមកនេះ ខយ តេ កម្ពុជា បានរៀបចំកម្មវិធីខួបអនុស្សាវរីយ៍គម្រប់ ១០ឆ្នាំរបស់ខ្លួន ក្រោមប្រធានបទ «វិថីដើរម៉ូដ» ដោយមានការដើរបង្ហាញម៉ូដសម្លៀកបំពាក់ដ៏ធំ ដែលមានគោលបំណងបង្ហាញពីចក្ខុវិស័យអនាគតរបស់ ខយ តេ កម្ពុជា ក្នុងការប្តេជ្ញារក្សានូវភាពលេចធ្លោ ភាពច្នៃប្រឌិត និងនវានុវត្តន៍របស់ខ្លួននៅលើវិថីតែគុជក្នុងប្រទេសកម្ពុជាឱ្យ​កាន់តែរឹងមាំ។ កម្មវិធីនេះ ក៏មានការចូលរួមពីសំណាក់ថ្នាក់ដឹកនាំជាន់ខ្ពស់របស់រាជរដ្ឋាភិបាលជាឧបនាយករដ្ឋមន្រ្តី ឯកឧត្តម លោកជំទាវ អ្នកឧកញ៉ា ឧកញ៉ា អគ្គនាយកនៃក្រុមហ៊ុន ខយ តេ គ្រុប, អ្នកបង្កើតមាតិកា, ថ្នាក់ដឹកនាំ និងបុគ្គលិក ខយ តេ កម្ពុជា ព្រមទាំងអ្នកគាំទ្រ ខយ តេ ជាច្រើននាក់ផងដែរ។

The post ខយ តេ​ កម្ពុជា៖ ១០ឆ្នាំនៃភាពច្នៃប្រឌិត, នវានុវត្តន៍ និងភាពជោគជ័យ appeared first on .

ចាប់តាំងពីថ្ងៃ​បើកដំណើរការជាសាធារណៈដំបូង ក្នុងខែវិច្ឆិកា ឆ្នាំ​២០២០ ភោគជនីយដ្ឋានជប៉ុន ឃីយ៉ូ អូម៉ាកាសេ ​​​មាន​វត្តមាន​នៅ​កម្ពុជា​រយៈពេល ៣​ឆ្នាំ​មក​ហើយ។ ក្នុងរយៈពេលបីឆ្នាំកន្លងមកនេះ ឃីយ៉ូ អូម៉ាកាសេ ដែលជាភោជនីយដ្ឋានជប៉ុនបែប​អូម៉ាកាសេ​ដ៍ប្រណិត មានកិត្តិយសយ៉ាង​ក្រៃលែង​ ដែលបានបម្រើជូន​នូវម្ហូប​របស់ខ្លួនទៅកាន់ភ្ញៀវកិត្តិយសជាច្រើន រួមទាំង ឯកអគ្គរាជទូត ឥស្សរជនល្បីៗ និងអតិថិជន​ជាច្រើននាក់​ នាពេលកន្លងមក។

ដើម្បីអបអរសាទរដល់ព្រឹត្តិការណ៍ដ៏ពិសេសនេះ ឃីយ៉ូ អូម៉ាកាសេ បានសម្រឹតសម្រឹង​យកចិត្តទុកដាក់​យ៉ាងខ្ពស់​បំផុតទៅលើ ម៉ឺនុយ ថ្មី ដែលផ្តោតសំខាន់លើ ភាពស្រស់ស្អាត អស្ចារ្យ និងរសជាតិ​ដែលមិនអាចប្រៀបផ្ទឹម​បាន​ជូនទៅកាន់អតិថិជនរបស់ខ្លួន។ នៅក្នុងម៉ឺនុយ​ថ្មី​ពិសេស​នេះ ត្រូវបានបំផុសគំនិតចេញទ្បើងពីការ ប្រមូលផ្ដុំ​គ្រឿង​ផ្សំល្អ​កម្រៗ​ប្លែក មកពីប្រទេសផ្សេងៗនៅជុំវិញពិភពលោក ដូចជា ពងត្រី Caviar ដែលមកពីប្រទេស​បារាំង ផ្សិតត្រាហ្វល មកពីប្រទេសអ៊ីតាលី ប៉ាតាណេហ្គ្រាហាំមកពីប្រទេសអេស្ប៉ាញ អំបិលមកពីប្រទេស​អង់គ្លេស និងគ្រឿងសមុទ្រស្រស់ៗជាច្រើនមកពីប្រទេសជប៉ុនផ្ទាល់។

ដោយ ឃីយ៉ូ អូម៉ាកាសេ បានមើលឃើញនៃការរីកចម្រើនដ៍ខ្លាំងខ្លា ពីទីតាំងបច្ចុប្បន្នរួមជាមួយនឹងការគាំទ្រ​ឥត​ឈប់ឈរពីសំណាក់អតិថិជនគ្រប់មជ្ឈដ្ធាន។ នាពេលអនាគត ឃីយ៉ូ អូម៉ាកាសេ មានគោលបំណង​ក្នុងការ​នាំ​យកបទពិសោធន៍ម្ហូបជប៉ុនអូម៉ាកាសេរបស់ខ្លួន ទៅកាន់ប្រទេសផ្សេងៗទៀត នៅក្នុងពិភពលោក អោយបាន​សាក​ល្បង​នូវមុខម្ហូបដ៏ឈ្ងុយឆ្ងាញ់ជាមួយនិងសេវាកម្មដែលមិនអាចបំភ្លេចបាន ទៅកាន់អតិថិជនគ្រប់គ្នា។ ឃីយ៉ូ អូម៉ាកាសេ សន្យានឹងបន្តខិតខំក្នុងការនាំយកនូវបទពិសោធន៏ប្លែកៗ ជាមួយភាពច្នៃប្រឌិត​ខ្ពស់​ជាបន្តបន្ទាប់នៅ​ក្នុង​ម៉ឺនុយរួមទាំងគ្រឿងផ្សំកម្រ​ល្អ​ជាច្រើន ជូនទៅកាន់អតិថិជន។

អ្វីកាន់តែពិសេស​ ដើម្បីអបអរឱកាសដ៏ពិសេសនេះ ឃីយ៉ូ អូម៉ាកាសេ មានការផ្តល់ជូននូវកម្មវិធីដ៏ពិសេស និង​មិន​ធ្លាប់មានពីមុនមក។ រាល់ការអញ្ជើញ ៣ឈុត អតិថិជននិងទទួលបាន ១ឈុតភ្លាមៗឥតគិតថ្លៃ ការផ្តល់ជូន​ដែលមិនធ្លាប់មានពីមុនមកនេះ គឺជាសក្ខីភាពមួយចំពោះការប្តេជ្ញាចិត្តបន្តខិតខំប្រឹងប្រែងបន្ថែមរបស់ ឃីយ៉ូ អូម៉ាកាសេ ក្នុងការបម្រើនិងផ្តល់ជនូវបទពិសោធន៍ម្ហូបដ៏អស្ចារ្យជូនទៅកាន់អតិថិជនគ្រប់គ្នា។

សូម​ជម្រាប​ថា ឃីយ៉ូ អូម៉ាកាសេ គឺជាភោគជនីដ្ធានជប៉ុនដ៏ប្រណិត បែបអូម៉ាកាសេ​និងល្បីល្បាញ​មួយក្នុង​រាជធានីភ្នំពេញ ដែលបានបំម្រើជូននូវសេវាកម្មនិងមុខម្ហូបរបស់ខ្លួនចាប់តាំងពី ខែវិច្ឆិកា ឆ្នាំ២០២០ មក។ ឃីយ៉ូ អូម៉ាកាសេ បម្រើជូនអតិថិជនគ្រប់គ្នា​នូវបទពិសោធន៍​នៃទទួលទានម្ហូបអាហារ​បែបប្រពៃណីជប៉ុន​យ៉ាងសម្បូរ​បែប​ជាមួយភាពច្នៃប្រណិត ស្រស់ស្អាតនិងរស់ជាតិដ៏ឆ្ងាញ់មិនអាចបំភ្លេចបាន ពីសំណាក់មេចុងភៅជនជាតិ​ជប៉ុនដ៏ពិនប្រសព្វ ដែលមានបទពិសោធន៏ជាង ៣០ឆ្នាំ និងបានធ្លាប់បម្រើការនៅ​ភោគជនីដ្ឋានល្បីៗ​ជាច្រើន​នៅលើពិភពលោក៕

The post ឧកញ៉ា ឃន ឈុនដារ៉ា ប្រារព្ធពិធីគម្រប់ខួប ៣ឆ្នាំ ភោជនីយដ្ឋាន ឃីយ៉ូ អូម៉ាកាសេ ជាមួយប្រូម៉ូសិនពិសេសមិនធ្លាប់មានពីមុន appeared first on .