ជុំវិញរឿងនេះ ប្រធានសមាគមទេសចរណ៍កម្ពុជា ឧកញ៉ា ឆាយ ស៊ីវលីន មានប្រសាសន៍ថា ទាក់ទងនិងការបើកជើងហោះហើរត្រង់រវាងក្រុងភ្នំពេញនិងទីក្រុងណានជីងប្រទេសចិនថ្មីៗនេះ វាមិនមែនគ្រាន់តែជាការបន្ថែមផ្លូវហោះហើរមួយខ្សែទៀតនោះទេ ក៏ប៉ុន្តែការហោះហើរត្រង់នេះវាបានចូលរួមជាដង្ហើមសេដ្ឋកិច្ចដ៏សំខាន់សម្រាប់កម្ពុជា។

ឧកញ៉ា ឆាយ ស៊ីវលីន មានប្រសាសន៍សង្កត់ធ្ងន់ថា ការបើកជើងហោះហើរត្រង់នេះបានចូលរួម៖ ទី១) ការជំរុញវិស័យទេសចរណ៍ ព្រោះទីក្រុងណានជីង ជាទីក្រុងមួយធំ និងជាមជ្ឈមណ្ឌលសេដ្ឋកិច្ចដ៏រឹងមាំមួយនៅភាគខាងកើតនៃប្រទេសចិន។ ដូចនេះការហោះហើរត្រង់នេះវានឹងជួយដល់ភ្ញៀវទេសចរចិនដែលមានជីវភាពធូធា ពីខេត្តជាំងស៊ូ ឱ្យមកកម្សាន្តនៅកម្ពុជាកាន់តែងាយស្រួលនិងចំណាយតិច ហើយក៏បានចូលរួមនៃការងើបឡើងវិញវិស័យទេសចរចិន បន្ទាប់វិបត្តិជាសកល។

ជើងហោះហើរត្រង់នេះ គឺជាសញ្ញាវិជ្ជមានសម្រេចឱ្យបានគោលដៅទាក់ទាញភ្ញៀវទេសចរចិន ឱ្យត្រឡប់មកវិញស្របទៅតាមផែនការរបស់រាជរដ្ឋាភិបាល។ លើសពីនេះ បានទាក់ទាញដល់ការវិនិយោគ និងពាណិជ្ជកម្ម ព្រោះថាទីក្រុងណានជីងគឺជាមជ្ឈមណ្ឌលឧស្សាហកម្មបច្ចេកវិទ្យានិងការអប់រំ។ សម្រាប់វិនិយោគិនអាចធ្វើដំណើរស្វែងរកឱកាសវិនិយោគ ឬរកស៊ីនៅកម្ពុជាបានរហ័ស ថែមទាំងជួយជំរុញគម្រោងវិនិយោគថ្មីៗឱ្យកើតមានឡើង។
ទី២)ការហោះហើរត្រង់នេះអាចជួយសម្រួលដល់ការដឹកជញ្ជូនទំនិញតាមផ្លូវអាកាស កសិផលនិងទំនិញដែលមានតម្លៃខ្ពស់។

ទី៣)ជាការពង្រឹងទំនាក់ទំនងត្បូងពេជ្រ ព្រោះការបើកជើងហោះហើរត្រង់ថ្មីនេះ នឹងឆ្លុះបញ្ជាំងពីកិច្ចសហប្រតិបត្តិការត្បូងពេជ្ររវាងកម្ពុជា ចិន។ ដូចនេះជាការរួមចំណែកក្នុងឆ្នាំនៃការផ្លាស់ប្តូរប្រជាជននិងប្រជាជនរបស់ប្រទេសទាំងពីរ ដើម្បីពង្រឹងចំណងមិត្តភាព និងការយល់ដឹងអំពីវប្បធម៌អំពីវប្បធម៌គ្នាទៅវិញទៅមក។ ទី៤) នឹងមានអត្ថប្រយោជន៍សម្រាប់ប្រជាពលរដ្ឋនិងនិស្សិតកម្ពុជា ព្រោះទីក្រុងណានជីងមានសកលវិទ្យាល័យល្បីៗជាច្រើន។ ដូចនេះការមានជើងហោះហើរត្រង់នេះនិងធ្វើឱ្យនិស្សិតកម្ពុជាទៅសិក្សានៅទីនោះធ្វើដំណើរបានងាយស្រួល និងចំណាយប្រាក់អស់តិចជាងមុន។

ឧកញ៉ា ឆាយ ស៊ីវលីន មានប្រសាសន៍ទៀតថា “តាមរយៈការដាក់ឱ្យដំណើរការជើងហោះហើរត្រង់នេះ សម្រាប់រយៈពេលមធ្យមក្នុងឆ្នាំ២០២៦នេះ យើងរំពឹងថាអាចនឹងទទួលបានកំណើនភ្ញៀវទេសចរចិន មូលហេតុយើងបានបង្ហាញពីការបោសសម្អាតហ្គេមអនឡាញ និងកម្ពុជាមានសន្តិសុខនៅក្នុងប្រទេស។ ការលើកលែងសម្រាប់ទិដ្ឋាការដល់ពលរដ្ឋចិនដែលចង់ចូលមកកម្ពុជាចាប់តាំងពីខែមិថុនា កន្លងទៅ”។

បើតាមប្រធានសមាគមទេសចរណ៍កម្ពុជា គិតមកដល់ឆ្នាំ២០២៦នេះ រវាងកម្ពុជា ចិន មានក្រុមហ៊ុនអាកាសចរណ៍បើកការហោះហើរត្រង់ចំនួន៩ ហើយគោលដៅដែលបានហោះហើរត្រង់លើសពី១០ទីក្រុង៕

The post ឧកញ៉ា ឆាយ សីវលីន៖ ការបើកជើងហោះហើរត្រង់រវាងរាជធានីភ្នំពេញ និងទីក្រុងណានជីង ចូលរួមជាដង្ហើមសេដ្ឋកិច្ចដ៍សំខាន់សម្រាប់កម្ពុជា appeared first on .

ឧកញ៉ា ឆាយ ស៊ីវលីន មានប្រសាសន៍ថា “ពិធីបុណ្យអុំទូកនៅឆ្នាំ២០២៥នេះ យើងបានសង្កេតឃើញថាខេត្តដែលទាក់ទាញប្រជាពលរដ្ឋខ្មែរយើងទៅច្រើនជាងគេ គឺខេត្តសៀមរាប ដោយសារខេត្តសៀមរាប៖ ទី១) មានប្រាង្គប្រសាទច្រើនជាងគេបើប្រៀបធៀបនិងបណ្តាខេត្តនានា, ទី២) ខេត្តសៀមរាបមានផលិតផលនិងសេវាកម្មសំបូរបែប ,ទី៣) ខេត្តសៀមរាបមានហេដ្ឋារចនាសម្ព័ន្ធល្អ ការរៀបចំជាលក្ខណៈទេសចរមានការទាក់ទាញច្រើនជាងគេ,ទី៤)ខេត្តសៀមរាបមានបង្ហាញវប្បធម៌ច្រើន ក៏ដូចជាមានការៀបចំប្រណាំទូក។ ពិសេសម្ហូបអាហារនិងសេវាកម្មបដិសណ្ឋារកិច្ចសំបូរបែប ដែលធ្វើឱ្យប្រជាពលរដ្ឋក្នុងស្រុកទោះបីបានធ្លាប់ទៅលេងញឹកញាប់ក៏ដោយ ពលរដ្ឋខ្មែរភាគច្រើននូវតែចង់ទៅលេងម្តងទៀត”។

ទន្ទឹមនិងការខេត្តសៀមរាបបានទាក់ទាញពលរដ្ឋទៅលើលេងកម្សាន្តច្រើន, ឧកញ៉ា ឆាយ ស៊ីវលីន ក៏បានចាត់ទុកខេត្តជាប់សមុទ្រ ក៏ដូចជាតំបន់កម្សាន្តមួយចំនួននៅជុំវិញបឹងទន្លេសាបក៏ទទួលបានភ្ញៀវទេសចរក្នុងស្រុកទៅដើរកម្សាន្តច្រើនផងដែរ បើទោះបីមិនច្រើនដូចខេត្តសៀមរាប ហើយការងាកគាំទ្រសេវាកម្មទេសចរណ៍ពីពលរដ្ឋក្នុងស្រុកនេះច្រើននៅពេលថ្មីៗ បានចូលរួមចំណែកផ្តល់ឱកាសការងារដល់ពលរដ្ឋក្នុងស្រុក។ ខុសប្លែកកាលពីពេលមុនៗចូលចិត្តធ្វើដំណើរកម្សាន្តនៅក្រៅប្រទេស។

ទាក់ទងខេត្តសៀមរាបនេះដែរ, លោក ទួន រស្មី មគ្គទេសក៍ ទេសចរណ៍ប្រចាំខេត្តសៀមរាប បានកត់សម្គាល់ថា ប្រជាពលរដ្ឋខ្មែរមួយបានមកកម្សាន្តនៅខេត្តសៀមរាបតាំងពីថ្ងៃពុំទាន់ឈប់សម្រាប់នៃព្រះរាជពិធីបុណ្យអុំទូកម្លេះ ហើយចូលមកដល់ថ្ងៃបុណ្យអុំទូកទីមួយនេះ ឃើញថា ប្រជាពលរដ្ឋខ្មែរបានសម្រុកមកកម្សាន្តនៅខេត្តសៀមរាបច្រើនកុះករ។

លោកបន្តថា បរិមាណភ្ញៀវទេសចរក្នុងស្រុក ចូលមកទស្សនាក្នុងខេត្តសៀមរាបនេះ ពួកគាត់បានចូលរួមចំណែកលើកកម្ពស់សេដ្ឋកិច្ច ដល់ម្ចាស់ផ្ទះសំណាក់ សណ្ឋាគារ ភោជនីយដ្ឋាន និងកន្លែងលក់វត្ថុអនុស្សាវរីយ៍បានច្រើននៅក្នុងរយៈពេល៣ថ្ងៃនៃការឈប់សម្រាកបុណ្យអុំទូកឆ្នាំនេះ។

យោងតាមបណ្តាញទំនាក់ទំនិងសង្គមផ្លូវការរបស់មន្ទីរទេសចរណ៍ខេត្តសៀមរាបបានឱ្យដឹងថា រដ្ឋបាលខេត្តសៀមរាបបានរៀបចំនូវកម្មវិធីមួយចំនួនដូចជា៖ (១)-កម្មវិធីប្រណាំងទូកមិត្តភាពសៀមរាបផ្ទះខ្ញុំ (២)-កម្មវិធីប្រគុំតន្ត្រីស្គរដៃ (៣)-កម្មវិធីស្តង់ពិព័រណ៍ (៤)-កម្មវិធិប្រដាល់គុណខ្មែរ (៥)-ល្ខោនបាសាក់ (៦)-កម្មវិធីជិះទូកម្សាន្តតាមដងស្ទឹង និងកម្មវិធីផ្សេងៗទៀត ចាប់ពីថ្ងៃទី០៤-០៦ ខែ វិច្ឆិកា ឆ្នាំ២០២៥ នៅតាមបណ្តោយដងស្ទឹងសៀមរាប៕

The post ឧកញ៉ា ឆាយ ស៊ីវលីន៖ ខេត្តសៀមរាបទាក់ទាញពលរដ្ឋទៅកម្សាន្តច្រើនជាងគេ ក្នុងឱកាសថ្ងៃឈប់សម្រាកពេលបុណ្យអុំទូក appeared first on .

ឧកញ៉ា ឆាយ ស៊ីវលីន ប្រធានសមាគមទេសចរណ៍កម្ពុជាមានប្រសាសន៍ថា “តាមទស្សនៈរបស់លោកជំទាវអាកាសយានដ្ឋានអន្តរជាតិតេជោនេះនឹងចូលរួមលើកកម្ពស់កេរ្ដិ៍ឈ្មោះកម្ពុជាឱ្យស្មើមុខស្មើមាត់ជាមួយនិងបណ្ដាលប្រទទេសនៅក្នុងតំបន់និងពិភពលោក ដោយសារអាកាសយានដ្ឋានថ្មីនេះគឺជាគម្រោងដ៏ធំមួយបង្ហាញអំពីការរីកចម្រើននិងសក្ដានុពុលរបស់កម្ពុជា។ ជាភស្ដុតាងមួយដែលបានបង្ហាញឱ្យឃើញថាកម្ពុជាមានសមត្ថភាពនៅក្នុងការភិវឌ្ឍហេដ្ឋារចនាសម្ព័ន្ធខ្នាតយក្សនិងមានលទ្ធភាពក្នុងការក្លាយជាមជ្ឈមណ្ឌលទេសចរណ៍និងពាណិជ្ជកម្មដ៏សំខាន់មួយនៅក្នុងតំបន់”។

ឧកញ៉ាបន្តទៀតថា ផ្អែកទៅលើវត្តមានអាកាសយានដ្ឋានថ្មីនេះ វិស័យទេសចរណ៍កម្ពុជាអាចនិងមានលទ្ធភាពទាក់ទាញការវិនិយោគពីក្រុមហ៊ុនអន្តរជាតិធំៗបានច្រើន ហើយដើម្បីផ្ដល់ទំនុកចិត្តដល់អ្នកវិនិយោគខាងក្រៅ៖ទី១)កម្ពុជាគួរតែបន្តរដាក់នៅគោលនរយោបាយដែលមានតម្លាភាពនិងភាពងាយស្រួល, ទី២)ការលើកទឹកចិត្តទៅលើពន្ធដារគួរតែផ្ដល់ការលើកលែងពន្ធនិងការលើកទឹកចិត្តផ្សេងៗទៀតទៅដល់អ្នកវិនិយោគ, ទី៣) ការការពារអ្នកវិនិយោគដោយត្រូវធានាផ្នែកច្បាប់ទៅលើក្រុនហ៊ុនបរទេសនិងទី៤)ពង្រឹងកិច្ចសហប្រតិបត្តិការរវាងស្ថាប័នរដ្ឋនិងឯកជនដើម្បីបង្កើតបរិយាកាសវិនិយោគប្រកបដោយភាពងាយស្រួល។

ឧកញ៉ា ឆាយ ស៊ីវលីន មានប្រសាសន៍ថា “ស្របពេលអាកាសយានដ្ឋានអន្តរជាតិតេជោថ្មីឈានជិតទៅដល់ថ្ងៃបើកសម្ពោធជាផ្លូវការនាពេលដ៏ខ្លីខាងមុខនេះ, ខ្ញុំសូមលើកទឹកចិត្តដល់បងប្អូនដែលប្រកបរបរនៅក្នុងវិស័យទេសចរណ៍ទាំងអស់សូមបន្តពង្រឹងគុណភាពសេវាកម្មឱ្យកាន់តែល្អប្រសើរនិងមានវិជ្ជាជីវៈផ្ដល់នូវភាពរស់រាយរាក់ទាក់ដែលជាចំណុចពិសេសរបស់ប្រជាជនកម្ពុជា ដោយបង្កើតនូវផលិតផលសេវាកម្មថ្មីៗដើម្បីទាក់ទាញភ្ញៀវ និងផ្ដល់បទពិសោធន៍ប្លែកៗជូនពួកគាត់បានចូលរូមក្នុងវគ្គបណ្ដុះបណ្ដាលបន្ថែមដើម្បីបង្កើនសមត្ថភាពនិងចំណេះដឹង។ លើសនេះចូលរួមផ្សព្វផ្សាយអំពីភាពវិជ្ជមានរបស់ប្រទេសកម្ពុជានៅក្នុងបណ្ដាញទំនាក់ទំនងសង្គមនានាដែលកំពុងប្រើប្រាស់ ដើម្បីឱ្យពិភពលោកបានដឹងអំពីកម្ពុជាជាគោលដៅទេសចរណ៍ដែលមានសុវត្ថិភាព៕

The post ឧកញ៉ា ឆាយ ស៊ីវលីន៖ ព្រលានយន្តអន្តរជាតិតេជោនឹងលើកស្ទួយកេរ្តិ៍ឈ្មោះកម្ពុជាឱ្យស្មើមុខស្មើមាត់ជាមួយប្រទេសក្នុងតំបន់និងពិភពលោក appeared first on .

ឧកញ៉ា ឆាយ ស៊ីវលីន ប្រធានសមាគមទេសចរណ៍កម្ពុជាបានឱ្យដឹងថា ម្ចាស់អាជីវកម្មនៅក្នុងវិស័យទេសរណ៍រួមទាំងសមាជិកនៃសមាគមន៍ទេសចរណ៍កម្ពុជាបាននិងកំពុងត្រៀមខ្លួនយ៉ាងសកម្មទាំងផ្នែកសេវាកម្មនិងផលិតផលច្នៃប្រឌិតដើម្បីឆ្លើយតបទៅនិងការកើនឡើងនៃភ្ញៀវទេសចរណ៍ជាតិនិងអន្តរជាតិ ដោយយើងបាននិងកំពុងផ្ដោតទៅលើការបណ្ដុះបណ្ដាលធនធានមនុស្សលើកកម្ពស់គុណភាពសេវាកម្មនិងរៀបចំកញ្ចប់ដំណើរកម្សាន្តថ្មីៗប្រកបដោយភាពច្នៃប្រឌិតដើម្បីផ្ដល់បទពិសោធន៍ល្អៗជូនទៅដល់ភ្ញៀវទេសរណ៍ ស្របពេលដែលអាកាសយានដ្ឋានអន្តរជាតិតេជោត្រៀមបើកឱ្យដំណើរការនៅពេលខាងមុខនេះ។

ឧកញ៉ា ឆាយ ស៊ីវលីន មានប្រសាសន៍ថា “ក្នុងនាមខ្ញុំជាប្រធានសមាគមន៍ទេសរណ៍កម្ពុជា ខ្ញុំមានទំនុកចិត្តខ្ពស់និងមានភាពជឿជាក់ថាអាកាសយានដ្ឋានថ្មីមួយនេះនិងអាចជួយស្ដារអាជីវកម្មដែលពាក់ព័ន្ធទៅនិងវិស័យទេសចរណ៍ឱ្យមានភាពប្រសើរឡើងវិញ ព្រោះអាកាសយានដ្ឋានថ្មីមួយនេះគឺអាចមានសមត្ថភាពទទួលប្រភេទយន្តហោះខ្នាតធំគឺដែលអាចផ្ទុកអ្នកដំណើរបានច្រើននិងអនុញាតឱ្យមានជើងហោះហើរត្រង់ពីបណ្ដាលប្រទេសគោលដៅសំខាន់ៗជាច្រើន។ ភាពទាន់សម័យបំពាំក់បច្ចេកវិទ្យាទំនើបនិង ហេដ្ឋារចនាសម្ព័ន្ធល្អប្រសើរនិងធ្វើឱ្យការធ្វើដំណើររបស់ភ្ញៀវមានភាពងាយស្រួលនិងទាក់ទាញ ។ អាកាសយានដ្ឋានថ្មីនេះនិងក្លាយទៅជាមជ្ឈមណ្ឌលសម្រាប់ការដឹកជញ្ជូនទំនិញដែលជួយនិងសម្រួលការនាំចេញផលិតផលរបស់កម្ពុជាទាំងផ្នែកវាយនភណ្ឌ កសិកម្ម ផលិតផលកែច្នៃក្នុងស្រុក។ជារួមអាកាសយានដ្ឋានអន្តរជាតិតេជោនឹងក្លាយជាច្រកទ្វារថ្មីរបស់កម្ពុជា ដែលជានិមិ្មតរូបនៃវឌ្ឍនភាពនិងការអភិវឌ្ឍ អាកាសយានដ្ឋានមួយនេះនិងដើរតួនាទីសំខាន់ក្នុងការលើកស្ទួយមុខមាត់កម្ពុជាលើឆាកអន្តរជាតិដែលធ្វើឱ្យកម្ពុជាក្លាយជាទិសដៅដ៏សំខាន់សម្រាប់ការធ្វើដំណើរកម្សាន្ត ការធ្វើអាជីវកម្មនិងការផ្លាស់ប្ដូរវប្បធម៌”។

ឧកញ៉ាប្រធានសមាគមទេសចរណ៍កម្ពុជា លើកឡើងថាដើម្បីទាក់ទាញភ្ញៀវអន្តរជាតិចូលមកទស្សនានៅកម្ពុជានាពេលខាងមុខយើងត្រូវផ្ដោតលើការរៀបចំយុទ្ធសាស្រ្ដ៖ទី១)ត្រូវបង្កើនកាផ្សព្វផ្សាយអំពីសក្ដានុពុលទេសចរណ៍តំបន់ថ្មីៗរបស់កម្ពុជាទៅកាន់ពិភពលោកតាមរយៈការប្រើប្រាស់បណ្ដាញអនឡាញ តាមបច្ចេកវិទ្យាទំនើប ការចូលរួមដោយផ្ទាល់នៅក្នុងវេទិការធំៗ ទាំងពិពរណ៍ទេសចរណ៍អន្តរជាតិឱ្យបានច្រើន ហើយធ្វើការអញ្ជើញទីភ្នាក់ងារទេសរណ៍ដែលធ្វើទីផ្សារទេសចរណ៍កម្ពុជាឬធ្វើទីផ្សារឥណ្ឌូចិនឱ្យមកធ្វើទស្សនៈកិច្ចសិក្សារនៅកម្ពុជាឱ្យបានច្រើន ដើម្បីបានមើលឃើញផ្ទាល់ថាកម្ពុជាពិតជាសាកសម និងចូលរួមនៅក្នុងការជួយផ្សព្វផ្សាយ ពេលបានមើលឃើញនូវស្ថានភាពជាក់ស្ដែងថាកម្ពុជាគឺជាគោលដៅទេសចរណ៍ដែលមានសុវត្ថភាព។

ទី២)ច្នៃប្រឌិតនូវផលិតផលទេសចរណ៍, ត្រូវបង្កើតនិងអភិវឌ្ឍផលិតផលទេសចរណ៍ថ្មីៗដូចជាទេសសចណ៍ធម្មជាតិ ទេសចរណ៍វប្បធម៌ ទេសចរណ៍សហគមន៍ ទេសចរណ៍សាសនា ទេសចរណ៍សន្និសីទ ទេសចរណ៍ម្ហូបអាហារ ដើម្បីឆ្លើយតបទៅនិងចំណង់ចំណូលចិត្តរបស់ភ្ញៀវនៅពេលបច្ចុប្បន្ន។ទី៣) ហេត្ថារចនាសម្ព័ន្ធ,យើងបានមើលឃើញថារដ្ឋាភិបាលកសាងច្រើនទៅលើហេដ្ឋារចនាសម្ព័ន្ធ ប៉ុន្តែត្រូវការបន្ថែមដោយសារផ្លូវលំមួយចំនួនទៅកាន់តំបន់ទេសចរណ៍ទាមទារឱ្យមានការជួសជុលរៀបចំឡើងវិញ។ ទី៤)ផលិតផលក្នុងស្រុក,យើងឃើញថាផលិតផលហាក់នៅមានកម្រិតនៅឡើយដែលមិនទាន់ឆ្លើយតបទៅនិងតម្រូវការរបស់ភ្ញៀវនៅពេលដែរទៅដល់ទីណាគេតែងតែចង់នាំយកនូវផលិតផលក្នុងស្រុករបស់ប្រទេសនោះត្រឡប់ទៅវិញដើម្បីចែកជូនជាជាអនុស្សាវរីយ៍បងប្អូននិងមិត្តភ័ក្ត្ររបស់គេ។ដូចនេះត្រូវទាមទារឱ្យបានច្រើនជាងនេះដើម្បីឱ្យភ្ញៀវមកដើរលេងមានការសប្បាយរីរាយក្នុងការទិញផលិតផលផង ធ្វើឱ្យភ្ញៀវមកម្ដងហើយចង់ម្ដងទៀត។

ទី៥)ធនធានមនុស្ស, យើងគួរតែត្រៀមនូវធនធានមនុស្សក្នុងវិស័យទេសចរណ៍ឱ្យបានច្រើនជាងនេះ។ យើងបានជួបប្រទះនិងការខ្វះខាតជាពិសេសនៅតាមបណ្ដាលខេត្តឆ្ងាយៗ ដើម្បីឱ្យវិស័យទេសចរណ៍កាន់តែមានភាពរីកចម្រើនទើបអាចទាក់ទាញភ្ញៀវទេសចរណ៍បានច្រើននិងទី៦)ការជួយជ្រុំជ្រែងរៀបចំទៅដល់សហគមន៍ទេសចរណ៍ឱ្យមានសុវត្ថភាពគ្រប់គ្រាន់នៅក្នុងការទទួលភ្ញៀវទេសចរណ៍ផងដែរ៕

The post ឧកញ៉ា ឆាយ ស៊ីវលីន៖ ព្រលានយន្តហោះអន្តរជាតិតេជោនឹងជួយស្តារអាជីវកម្មក្នុងវិស័យទេសចរណ៍ឱ្យមានភាពល្អប្រសើរឡើងវិញ appeared first on .

បើតាមម្ចាស់អាជីវកម្មមួយកន្លែងមាន យីហោ ស៊ីមន្តកោះទន្សាយផ្ទះសំណាក់អាហារដ្ឋាន និងទូកកម្សាន្តបានឱ្យដឹងថា សព្វថ្ងៃមានកន្លែងសម្រាប់ភ្ញៀវមកកម្សាន្តចំនួន២០កន្លែង និងផ្ទះសម្រាប់ស្នាក់នៅមានចំនួន២០ផ្ទះ ហើយពីថ្ងៃទិវាសិទ្ធនារីអន្តរជាតិ៨មីនាកន្លងទៅនេះ ភ្ញៀវចូលមកស្នាក់និងកម្សាន្តពេញគ្រប់កន្លែងទាំងអស់។
លោកស៊ីមន្ត បញ្ជាក់ថា នៅលើកោះទន្សាយឬ នៅតំបន់របស់ខ្ញុំមានម្ចាស់អាជីវកម្មផ្តល់សេវាជូនភ្ញៀវជាតិនិងអន្ដរជាតិចំនួន៧បឹងកាឡូ ហើយពលរដ្ឋក្នុងស្រុកនៅពេលបច្ចុប្បន្ននេះ ពួកគាត់មានសេចក្តីក្លាហាន ក្នុងការជិះទូកមកលេងនៅទីនេះ និងម្យ៉ាងទៀតសហគមន៍កោះទន្សាយនៅពេលដែលមានខ្យល់ឬមេឃអ៊ូអាប់
ខ្លំាងអត់ឱ្យមានការចេញទូកទៅខាងក្រៅនោះទេ។

ពាក់ព័ន្ធនឹងកោះទន្សាយនេះផងដែរ, ប្រធានសមាគមទេសចរណ៍កម្ពុជា បានកត់សម្គាល់ឃើញថាមកដល់ឥឡូវនេះទេសចរក្នុងស្រុក ចាប់ផ្តើមចេញដើរកម្សាន្តទៅតំបន់ឆ្ងាយៗ ហើយសម្រាប់កោះទន្សាយ គឺជាកោះមានទំហំធំ ហើយសហគមន៍ទេសចរណ៍ ប្រជាពលរដ្ឋដែលបានរស់នៅទីនោះ មានការយល់ដឹងអំពីការផ្តល់នៅសេវាកម្មទៅដល់ភ្ញៀវទេសចរបានល្អ ហើយម្ហូបអាហារក៏មានអនាម័យអាចទទួលបាន។

ឧកញ៉ា ឆាយ ស៊ីវលីន ប្រធានសមាគមទេសចរណ៍កម្ពុជា មានប្រសាសន៍ថា «ការចេញដើររបស់ភ្ញៀវទេសចរក្នុងស្រុកនេះ បានធ្វើឱ្យពលរដ្ឋដែលរស់នៅទីកន្លែងនោះទទួលបានអត្ថប្រយោជន៍ ជួយឱ្យសេដ្ឋកិច្ចគ្រួសារប្រសើរជាងមុន»។

បើយោងតាម ប្រធានសមាគមទេសចរណ៍កម្ពុជា ស្របពេលនិន្នាការនៃការចេញដើររបស់ពលរដ្ឋក្នុងស្រុកទៅកម្សាន្តនៅកោះទន្សាយនេះមានច្រើន លើកោះទន្សាយនឹងចេញជារូបរាងនៅកំពង់ផែស្តង់ដារមួយនៅពេលខាងមុខ ហើយកំពង់ផែនេះនឹងមានការទាក់ទាញការវិនិយោគ ការដឹកជញ្ជូនពីកម្ពុជាទៅប្រទេសវៀតណាម ពិសេសទាញភ្ញៀវមកពីកោះត្រល់បានច្រើន។

ឧកញ៉ា ឆាយ ស៊ីវលីន មានប្រសាសន៍សង្កត់ធ្ងន់ថា «នៅពេលយើងមានប្រព័ន្ធហេដ្ឋារចនាសម្ព័ន្ធដឹកជញ្ជូនតាមផ្លូវទឹកមានភាពល្អប្រសើរ យើងអាចទាក់ទាញភ្ញៀវទេសចរបរទេស។ កន្លងមកយើងទទួលបានភ្ញៀវបរទេសពិតមែន តែនៅមានកម្រិតនៅឡើយ ដោសារមិនទាន់មានកំពង់ផែ អីចឹងទូកដឹកជញ្ជូនភ្ញៀវមានលក្ខណៈតូចៗ មិនទាន់មានទូកមានលក្ខណៈស្តង់ដារចេញ ចូលដឹកភ្ញៀវអន្តរជាតិល្អៗ។ ដូចនេះបើកំពង់ផែកើតឡើងហើយនិងមានការវិនិយោគទៅលើទូកដឹកភ្ញៀវល្អៗ យើងនឹងរៀបចំឱ្យមាននៅក្នុងខ្សែទស្សនៈកិច្ចតំបន់កោះនេះដាក់បញ្ចូលទៅក្នុងខ្សែទស្សនៈកិច្ចរបស់ទីភ្នាក់ងារទេសចរណ៍ អាចស្រូបទាញភ្ញៀវទេសចរល្អទៅកម្សាន្តច្រើន វានឹងជួយឱ្យសហគមន៍នៅលើកោះទន្សាយ ក៏ដូចជាប្រជាពលរដ្ឋរស់នៅកោះនេះទទួលបានចំណូលកាន់តែច្រើនពីភ្ញៀវទេសចរអន្តរជាតិ៕តាកែវ

The post កោះទន្សាយកំពុងទទួលបានការចាប់អារម្មណ៍ពីប្រជាពលរដ្ឋក្នុងស្រុកទៅកម្សាន្តកាន់តែច្រើន appeared first on .

ប្រសិនបើកម្ពុជានៅមានរូបភាពព ឬការផ្សព្វផ្សាយអំពីព័ត៌មានអសន្តិសុខពីសង្គមវាជះឥទ្ធិពលបែបណាខ្លះទៅដល់វិស័យទេសចរណ៍ ពិសេសសម្រាប់ភ្ញៀវអន្តរជាតិ?

ឧកញ៉ា ឆាយ ស៊ីវលីន មានប្រសាសន៍ថា រូបភាពដែលបង្ហាញពីភាពអវិជ្ជមានសុទ្ធតែជះឥទ្ធិពលមិនល្អទៅដល់វិស័យទេសចរណ៍។ ព្រោះភ្ញៀវទេសចរចេញដើរកម្សាន្ត គេមិនមែនមកធ្វើបេសកម្មនោះទេ គេចូលកម្ពុជាគឺចង់លំហែរដើម្បីទទួលបានបទពិសោធន៍ថ្មីៗនិងមានអនុស្សាវរីយ៍ល្អ។ ដូចនេះកន្លែងលំហែរ ឬកន្លែងកម្សាន្ត ទាមទារឱ្យមានសុវត្ថិភាព សន្តិភាព និងពោពេញទៅដោយសេចក្តីសប្បាយរីករាយ។

ឧកញ៉ាលើកឡើងថា ប្រសិនបើភ្ញៀវទេសចរមើលឃើញនៅព័ត៌មានសំបូរទៅដោយភាពអវិជ្ជមានច្រើន ក៏គេអត់ប្រថុយប្រថានចូលទៅប្រទេសនោះទេ ព្រោះមកដល់សម័យកាលនេះគេមានជម្រើសច្រើន ក្នុងការសម្រេចចិត្ត ដោយនៅក្នុងមួយឆ្នាំគេមានគម្រោងដើរចេញក្រៅយ៉ាងច្រើន២ដងប៉ុណ្ណោះ។ ដូចនេះគេចង់បានកន្លែងដែលពោពេញទៅដោយទំនុកចិត្តក្នុងការដើរកម្សាន្តនៅទីនោះ។

ក្នុងប្រទេសមួយមានការបង្ហាញរូបភាពឬព័ត៌មានល្អៗនៅក្នុងសង្គម នឹងទទួលបានការចាប់អារម្មណ៍ពីភ្ញៀវទេសចរចូលមកកម្សាន្តច្រើន តែបើប្រទេសនោះសំបូរទៅដោយរូបភាពមិនល្អនៅក្នុងសង្គមប្រាកដជាមានការខាត់បង់ផលប្រយោជន៍ក្នុងការទទួលបានភ្ញៀវទេសចរបរទេសមិនខាន ស្របពេលនៅលើពិភពលោកចំនួនកំពុងធ្វើការប្រកួតប្រជែងអំពីគុណភាព សុវត្ថិភាព សន្តិសុខរបស់ខ្លួន ក្នុងគោលបំណងបង្ហាពីការយកចិត្តទុកដាក់ទៅលើភ្ញៀវទេសចរ។

ឧកញ៉ាសង្កត់ធ្ងន់ដូច្នេះថា «កាលណាយើងអត់មានការផ្សព្វផ្សាយនៅរូបភាពដែលបង្ហាញពីភាពអវិជ្ជមានឬភាពអសន្តិសុខរបស់ក្នុងសង្គម ហើយឈានទៅរឹតត្បិតមិនឱ្យមានការបាញ់កាំភ្លើងនៅតាមក្លឹបផ្នែក ឯកជនថែមទៀតនោះ វាជាព័ត៌មានល្អសម្រាប់ទាក់ទាញភ្ញៀវទេសចរ ដែលគេគិតថាកម្ពុជាគឺជាប្រទេសប្រទេសមួយដែលពោពេញទៅដោយស្នាមញញឹមច្រើន ហើយប្រជាពលរដ្ឋមានបុគ្គលិកលក្ខណៈស្លូតបូត»។

បើតាមឧកញ៉ា ឆាយ ស៊ីវលីន បើប្រទេសកម្ពុជាអាចអាចឈានទៅលុបបំបាត់បាននៅភាពអវិជ្ជមានការបាញ់បោះភ្ញៀវទេសចរនិងជ្រើសរើសកម្ពុជាជាគោលដៅទេសចរណ៍ ហើយកម្ពុជាក៏ទទួលបានផលចំណេញមួយចំណែកផ្សេងទៀត តាមរយៈការផ្សព្វផ្សាយពីមនុស្សម្នាក់ទៅមនុស្សម្នាក់ផ្សេងទៀត៕តាកែវ

The post ឧកញ៉ា ឆាយ ស៊ីវលីន ៖ការផ្សព្វផ្សាយពីរូបភាពអសន្តិសុខក្នុងសង្គម ធ្វើឱ្យប៉ះពាល់ទៅដល់ការទាក់ទាញ់ភ្ញៀវបរទេស appeared first on .

នៅក្នុងពិធីប្រគល់វិញ្ញាបនបត្រវគ្គបណ្ដុះបណ្ដាលជំនាញទេសចរណ៍ ដល់សិក្ខាកាមចំនួន៩០នាក់ កាលពីថ្ងៃទី២០ ខែមករា ឆ្នាំ២០២៤ លោកស្រីឧកញ៉ា ឆាយ ស៊ីវលីន មានប្រសាសន៍ថា ដោយសារកត្តាសុខសន្តិភាព ទើបធ្វើឱ្យយើងបង្កើននូវសេវាកម្មទេសចរណ៍ជាច្រើន។ បើយើងមិនមានសុខសន្តិភាពទេ ទេសចរក៏មិនមានភាពជឿជាក់ក្នុងការមកទស្សនា និងមកកម្សាន្តនោះដែរ។

លោកស្រីបានគូសបញ្ជាក់ថា សម្រាប់ទេសចរ ប្រាកដជាជ្រើសរើសតំបន់ដែលមានសុវត្ថិភាពបំផុត ហើយបច្ចុប្បន្ននេះ យើងអាចនាំភ្ញៀវចូលទៅព្រៃជ្រៅៗ ដើម្បីទស្សនានូវទេសភាព និងសម្បត្តិធម្មជាតិដ៏សំបូរបែបរបស់កម្ពុជា នេះបញ្ជាក់ឱ្យឃើញពីសុខសន្តិភាពរបស់កម្ពុជាទាំងមូលផងដែរ។

ទន្ទឹមនឹងនោះដែរ លោកស្រីក៏បានណែនាំអ្នកជំនាញខាងទេសចរណ៍ទាំងអស់ ត្រូវប្រកាន់ខ្ជាប់នូវអាកប្បកិរិយា សុភាពរាបសារ និងរួសរាយរាក់ទាក់ មិនត្រូវមានការរើសអើងជាតិសាសន៍ ពណ៌សម្បុរ ឬក៏ប្រទេសណាមួយឡើយ។ លោកស្រីថ្លែងថា យើងមានធនធានល្អៗច្រើនណាស់ ដូចជាប្រាសាទអង្គរវត្ត ក៏ប៉ុន្តែប្រសិនបើយើងមានអ្នកបម្រើសេវាកម្មទេសចរណ៍មិនមានគុណភាព ដូច្នេះ ទេសចរគេស្រឡាញ់អង្គវត្ត ប៉ុន្តែគេមិនស្រឡាញ់អ្នកបម្រើក្នុងវិស័យទេសចរណ៍នោះទេ។

របាយការណ៍ក្រសួងទេសចរណ៍ បានឱ្យដឹងថា ឆ្នាំ២០២៣ កម្ពុជាទទួលបានភ្ញៀវទេសចរបរទេសចំនួន ៥,៤៥៣,២៣១នាក់ កើនឡើង ១៣៩.៥ភាគរយ បើធៀបនឹងឆ្នាំ២០២២​។ ចំនួនភ្ញៀវទេសចរបរទេសជាង៥លាន៤សែននាក់នោះ គឺចូលមកតាមជើងហោះហើរចំនួន ១,៨៦៦,២៣១នាក់ មកតាមផ្លូវគោកចំនួន ៣,៥២០,៧៣០នាក់ និងមកតាមផ្លូវទឹកចំនួន ៦៦,២៧០នាក់។

របាយការណ៍ដដែលឱ្យដឹងថា ក្នុងចំណោមភ្ញៀវទេសចរបរទេសដែលចូលមកទស្សនាកម្ពុជា ៥,៤៥៣,២៣១នាក់នេះដែរ គឺបានចាកចេញពីកម្ពុជាវិញចំនួន ៥,២៥៤,៦១៩នាក់។ ក្នុងឆ្នាំ២០២៣ដូចគ្នានេះ ប្រជាពលរដ្ឋកម្ពុជាក៏បានចេញទៅក្រៅប្រទេសចំនួន ១,៨១៩,៥០៤នាក់ផងដែរ ក្នុងអត្រាកំណើន ១៥២.៣ភាគរយ។

ស្ថិតិនេះបានបង្ហាញថា កម្ពុជាបានស្ដារវិវិស័យទេសចរណ៍ឡើងវិញបានជាង៨០ភាគរយនៃឆ្នាំ២០១៩ហើយ ខណៈក្រសួងទេសចរណ៍ក៏បានខិតខំក្នុងស្ដារនិងលើកស្ទួយវិស័យទេសចរណ៍យ៉ាងសកម្មផងដែរ៕

អត្ថបទ៖ សុកធា

The post ឧកញ៉ា ឆាយ ស៊ីវលីន៖ ដោយសារកត្តាសុខសន្ដិភាព ទើបធ្វើឱ្យយើងបង្កើននូវសេវាកម្មទេសចរណ៍ជាច្រើន appeared first on .

ឧកញ៉ា ឆាយ ស៊ីវលីន មានប្រសាសន៍ចាត់ទុកថា «ដំណឹងនេះបានធ្វើឱ្យវិស័យឯកជនមានការសាទរខ្លាំងមែនទែន ដោយសារតែយើងចង់បានឱ្យប្រព័ន្ធហេដ្ឋារចនាសម្ព័ន្ធតភ្ជាប់ សម្រាប់ការធ្វើដំណើរគ្រប់មធ្យោបាយ សម្រាប់ទាក់ទាញទៅដល់ការវិនិយោគនិងភ្ញៀវទេសចរ បង្កើតជាជម្រើសដល់ភ្ញៀវទេសចរនៅពេលណាដែលគេមិនចង់ចំណាយច្រើន ធ្វើដំណើរតាមរថយន្ត»។

បើតាមប្រធានសមាគមទេសចរណ៍កម្ពុជា បើគម្រោងសិក្សាខាងលើទទួលបានជោគជ័យ គម្រោងនេះក្រៅពីចូលរួមផ្តល់ការងារធ្វើពលរដ្ឋ, ខេត្តមណ្ឌលគិរីនាំមកនូវការរីកចម្រើនដល់វិស័យផ្សេងទៀតនៅពេលមានការដឹកជញ្ជូនតាមផ្លូវអាកាស។

ឧកញ៉ា ឆាយ ស៊ីវលីន សង្កត់ធ្ងន់ថា «ក្នុងនាមខ្ញុំជាអ្នកតាក់តែងនៅខ្សែទស្សនៈកិច្ចឱ្យភ្ញៀវទេសចរនេះ គឺយើងតែងតែទន្ទឹងរងចាំនៅការកសាងអាកាសយានដ្ឋានមណ្ឌលគិរីនេះមានការផុសឡើង ដើម្បីយើងបានធ្វើការផ្សព្វផ្សាយទៅដល់ភ្ញៀវទេសចរ ។ប្រសិនបើជាគម្រោងនេះ អាចក្លាយជាការពិតវានឹងចូលរួមចំណែកយ៉ាងច្រើននៅក្នុងសេដ្ឋកិច្ចជាតិ ហើយខេត្តមណ្ឌលគិរីនឹងត្រូវចាត់ទុកមជ្ឈមណ្ឌលពហុបំណងផង មិនតែវិស័យទេសចរណ៍នោះទេវានិងធ្វើចលនាលំហូរមុខទំនិញនានាកើតឡើង ស្របពេលខេត្តមួយនេះក៏មានសក្តានុពលលើវិស័យកសិកម្ម»។

ឧកញ៉ាលើកឡើងថា ខេត្តមណ្ឌលគិរី មានទេសភាពស្រស់ស្អាត ហើយអ្វីដែលកាន់តែល្អទៀតនោះមានអាកាសធាតុល្អ ហើយប្រជាពលរដ្ឋក្នុងស្រុកតែងតែចង់ទៅកម្សាន្ត តែដោយសារចំណាយពេលធ្វើដំណើរយូរ ធ្វើឱ្យពលរដ្ឋភាគច្រើនត្រូវបានខកខាន ។ប៉ុន្តែបើប្រជាពលរដ្ឋមានជម្រើសរើស តាមផ្លូវអាកាសបាន នឹងផ្តល់ឱកាសដល់ពលរដ្ឋទៅកម្សាន្តគ្រប់ៗគ្នា។

ឧកញ៉ា បន្តថា« យើងកំពុងតែតាមដានមើលអំពីការវិវត្តន៍របស់គម្រោងសិក្សានេះ ហើយយើងមានការរំពឹងខ្ពស់។បើសិនជោគជ័យសម្រាប់វិស័យទេសចរណ៍មានភាពខ្លំាងបន្ថែមទៀត ហើយផ្អែកទៅលើអាកាសធាតុល្អរបស់ខេត្តមណ្ឌលគិរី ក្នុងពេលបច្ចុប្បន្ន អាចទាក់ទាញបាននៅភ្ញៀវលំដាប់ខ្ពស់គ្រប់ជាតិសាស្ត្រចាប់អារម្មណ៍ និងចំណាយប្រាក់ទៅកម្សាន្តច្រើន ហើយចង់វិនិយោគ បើសិនគម្រោងអាកាសយាន្តនេះកើតមានឡើង»៕ តាកែវ

The post ឧកញ៉ា ឆាយ ស៊ីវលីន៖ វិស័យឯកជនទន្ទឹងរងចំាគម្រោងអាកាសយានដ្ឋានមណ្ឌលគិរីផុសឡើង appeared first on .

ឧកញ៉ា ឆាយ ស៊ីវលីន ប្រធានសមាគមទេសចរណ៍កម្ពុជាមើលឃើញថា សម្រាប់វិស័យទេសចរណ៍កម្ពុជានៅឆ្នាំ២០២៤គឺយើងរំពឹងថានឹងទទួលបានអត្ថប្រយោជន៍តាមរយៈវត្តមាននាវាទេសចរ Westerdam ដែលបានចូលមកកម្ពុជាកន្លងទៅថ្មីៗនេះ  ហើយមានសារព័ត៌មានជាតិនិងអន្តរជាតិជាច្រើនបានផ្សព្វផ្សាយពីនាវាWesterdam ។

បើតាមប្រធានសមាគមទេសចរណ៍កម្ពុជារំពឹងថា តាមរយៈការផ្សព្វផ្សាយទំាងនៅលើបណ្តាញទំនាក់ទំនិងសង្គម និងស្ថាប័នជាតិអន្តរជាតិពីវត្តមាននាវា Westerdam ក៏ដូចជាផ្សព្វផ្សាយពីប្រទេសកម្ពុជានៅពេលកន្លងមកនេះ និងធ្វើឱ្យប្រទេសកម្ពុជាទទួលបានការទាក់ទាញភ្ញៀវបន្ថែមទៀត ហើយភ្ញៀវទេសចរបរទេស និងជ្រើសរើសកម្ពុជា ជាគោលដៅទេសចរណ៍របស់ពួកគេ ដោយគិតថាកម្ពុជាជាប្រទេសដែលស្អាត ហើយមានការទទួលរាក់ទាក់ទៅដល់ភ្ញៀវទេសចរគ្រប់ជាតិសាស្ត្រ។

លោក ធឿន វុឌ្ឍី មគ្គុទេសក៍ទេសចរណ៍ប្រចំាខេត្តសៀមរាប បានឱ្យដឹងថា«ផ្អែកទៅលើនាវា Westerdam ខ្ញុំមានសេក្តីរំពឹងថា ពួកគាត់នឹងនំាផ្សព្វផ្សាយពីកម្ពុជាពីមនុស្សម្នាក់ទៅមនុស្សម្នាក់ ដែលផ្តល់នូវផលចំណេញសម្រាប់កម្ពុជា ហើយគាត់និងព្យាយាមមកលេងនៅកម្ពុជាបានកាន់តែច្រើនជាឆ្នាំ២០២៣។ដូចនេះ សកម្មភាពរបស់នាវា Westerdam និងជំរុញភ្ញៀវទេសចរបរទេសមកកម្ពុជាកាន់តែច្រើន»។

អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា មើលឃើញនាវាWesterdam ចូលមកកម្ពុជាកាលពីចុងឆ្នាំ២០២៣កន្លងមកនេះគឺ ជាការនាំសារមួយដ៏ល្អសម្រាប់ទេសចរណ៍កម្ពុជា បន្ទាប់ពីនាវា Westerdam ទទួលបានការអនុញ្ញាតពីរាជរដ្ឋាភិបាលចូលចតនៅកម្ពុជា ស្របពេលពិភពលោកប្រឈមនិងជំងឺកូវីដ១៩។លើសពីនេះព្រឹត្តិការណ៍របស់នាវា Westerdam ចូលមកកាន់កម្ពុជាថ្មីៗនេះវាជាសញ្ញាមួយក្នុងការទាក់ទាញភ្ញៀវទេសចរបរទេសផងដែរឱ្យចូលមកទស្សនាកម្ពុជា ស្របពេលដែលព្រលានយន្តហោះអន្តរជាតិសៀមរាប អង្គរបានដាក់ឱ្យដំណើរការ។

អ្នកឧកញ៉ា លឹម ហេង មានប្រសាសន៍ថា «សម្រាប់វិស័យទេសចរណ៍កម្ពុជា អាចទាក់ទាញភ្ញៀវទេសចរបានពីប្រទេសជាមិត្ត ពិសេសភ្ញៀវទេសចរជនជាតិចិន តាមរយៈសម្តេចធិបតី ហ៊ុន ម៉ាណែត ទៅទស្សនៈកិច្ចនទៅទីក្រុងប៉េកំាង  ដោយថ្នាក់ដឹកនាំនៃប្រទេសទំាងពីរបានតម្លើងទំនាក់ទំនងពីមិត្តដែកថែប ទៅជាមិត្តត្បូងពេជ្រ។លើសពីនេះនៅមានកិច្ចព្រមព្រៀងមួយផ្សេងទៀត ទាក់ទងនិងការផ្លាស់ប្តូររវាងប្រជាជននិងប្រជាជន។ដូច្នេះខ្ញុំជឿថានៅឆ្នាំ២០២៤នេះនិងចាប់ផ្តើមអនុវត្ត បន្ទាប់ពីក្រោយចូលឆ្នំាចិនខាងមុខនេះនឹងមានភ្ញៀវទេសចរជនជាតិចិន និងអ្នកវិនិយោគចូលមកកម្ពុជាច្រើន»៕ តាកែវ

The post ឆ្នាំ២០២៤កម្ពុជារំពឹងថាទទួលបានការចាប់អារម្មណ៍ពីភ្ញៀវទេសចរបរទេសកើនឡើងច្រើន តាមរយៈWesterdam appeared first on .

ប្រធានសមាគមទេសចរណ៍កម្ពុជាបានឱ្យដឹងថា Qatar Airways សម្រាប់កម្ពុជាមិនមែនជាក្រុមហ៊ុនដំបូងទេ ដែលបើកការហោះហើរឡើងវិញ ព្រោះកន្លងមកមានការហោះហើរជាហូរហែផងដែរ ប៉ុន្តែប៉ែកខាងអារ៉ាប់រួមនេះ គឺក្រុមហ៊ុនអាកាសចរណ៍ Qatar Airwaysនេះគឺជាក្រុមហ៊ុនដំបូងគេ ដែលបានធ្វើការហោះហើរឡើងវិញរវាងរាជធានីភ្នំពេញនិងប្រទេសកាតា ក្នុងចំណោមប្រទេសអារ៉ាប់រួម។

ឧកញ៉ា ឆាយ ស៊ីវលីន ប្រធានសមាគមទេសចរណ៍កម្ពុជាមានប្រសាសន៍ថា “ ទោះបីការហោះហើរត្រឡប់មកវិញនៃក្រុមហ៊ុននេះ មិនមែនជាការហោះហើរមកវិញជាលើកដំបូងសម្រាប់កម្ពុជាក្តី ប៉ុន្តែការហោះហើររបស់ Qatar Airwaysនៅនេះ វាបានចូលរួមចំណែកក្នុងការផ្សព្វផ្សាយគោលដៅរបស់កម្ពុជានិងចូលរួមចំណែកដឹកជញ្ជូនភ្ញៀវទេសចរចូលមកកាន់កម្ពុជា ដោយសារកាតាគឺជាក្រុមហ៊ុនអាកាសចរណ៍ដ៏ធំមួយ ដែលមានការហោះហើរត្រង់ទៅប្រទេសធំៗជាច្រើនរួមមាន សហរដ្ឋអាមេរិក សហគមអឺរ៉ុបនិងប្រទេសអារ៉ាប់រួម ដែលគេមានទំនុកចិត្តខ្លំាង”។

ប្រធានសមាគមទេសរណ៍កម្ពុជា សង្កត់ធ្ងន់ថា ផ្អែកលើក្រុមហ៊ុនអាកាសចរលំដាប់ខ្ពស់ បើកឱ្យហោះហើរត្រង់ វានឹងធ្វើការទាក់ទាញទៅដល់ក្រុមហ៊ុនអាកាសចរផ្សេងៗទៀតដែលមិនទាន់បានធ្វើការហោះហើរឡើងវិញ ឱ្យក្រុមហ៊ុនទំាងនោះមានការពិចារណាគោលដៅកម្ពុជា។

ឧកញ៉ា ឆាយ ស៊ីវលីន មានប្រសាសន៍ថា “យើងនៅមានក្រុមហ៊ុនអាកាសចរលំដាប់ខ្ពស់ជាច្រើនទៀត ដែលមិនទាន់ធ្វើការហោះហើរឡើងវិញ ហើយអ្វីដែលយើងទន្ទឹងរងចំានោះគឺ មានក្រុមហ៊ុនអាកាចរ Emirates Airlines ដែលជាក្រុមហ៊ុនមានលំដាប់ខ្ពស់ហើយអាចតភ្ជាប់ជើងហោះហើរទៅដល់បណ្តាប្រទេសធំៗ យើងនៅមានក្រុមហ៊ុន អាកាសចរ ANA Airline ដែលធ្វើការហោះហើរត្រង់ទៅកាន់ប្រទេសជប៉ុន។យើងសង្ឃឹមថា តាមរយៈការហោះហើរឡើងវិញរបស់ Qatar Airwaysនេះនឹងធ្វើឱ្យមានការទាក់ទាញទៅដល់ក្រុមហ៊ុនធំៗទំាងអស់ដែលមិនទាន់ធ្វើការហោះហើរឡើងវិញ ឱ្យមានទំនុកចិត្តក្នុងការត្រឡប់មកវិញ ដើម្បីចូលរួមដឹកជញ្ជូនភ្ញៀវទៅវិញទៅមក សម្រាប់កម្ពុជា”។

បើតាមប្រធានសមាគមលើខាងរូបនេះ បានចាត់ទុកក្រុមហ៊ុនអាកាសចរគឺជាអ្នកដើរតួនាទីយ៉ាងសំខាន់ក្នុងការផ្តល់នូវមធ្យោបាយធ្វើដំណើរដល់ភ្ញៀវគ្រប់កន្លែង បើមិនមានមធ្យោបាយធ្វើដំណើរល្អនោះទេ ភ្ញៀវក៏ពិបាកចូលមកទស្សនាកម្ពុជាផងដែរ៕ សារេត

The post អ្នកជំនាញរំពឹងថា Qatar Airways នឹងដាស់ក្រុមហ៊ុនអាកាសចរធំៗក្រោករៀបចំខ្លួនបើកការហោះហើរឡើងវិញ appeared first on .