ផ្អែកលើបទពិសោធជាង ៣០ ឆ្នាំក្នុងវិស័យអប់រំឯកជន ឧកញ៉ា វេជ្ជបណ្ឌិត ជា សុខឃាង បានបញ្ជាក់ថា ស្ថាប័នអប់រំ អេជី (AG) ដែលមានបុត្រសម្ព័ន្ធដូចជា សាលារៀនអារីហ្សូន, សាលាអន្តរជាតិហ្គេនម៉ោន, មជ្ឈមណ្ឌលបណ្តុះបណ្តាលអេជី និង Global Student Cambodia បានចូលរួមចំណែកយ៉ាងសកម្មក្នុងការអភិវឌ្ឍមូលធនមនុស្សស្របតាមគោលនយោបាយរាជរដ្ឋាភិបាល ដោយឈរលើគោលការណ៍គ្រឹះបីគឺ «គ្រប់គ្រងល្អ បង្រៀនល្អ និងរៀនល្អ»។

លោកឧកញ៉ា វេជ្ជបណ្ឌិត បានបញ្ជាក់ថា សាលារៀនអារីហ្សូន គឺជាសាលាជម្រើសទី១ ដែលផ្តល់ការអប់រំគុណភាពខ្ពស់ តាមបែបទំនើបកម្មវិធីសិក្សានាសតវត្សទី២១ ជូនដល់សិស្សចាប់ពីអាយុ ៣ ឆ្នាំឡើងទៅ។ សាលារៀនមានកម្មវិធីសិក្សាបីភាសា (ជាតិ សឹង្ហបុរី និងចិន) ពីកម្រិតមត្តេយ្យដល់ថ្នាក់ទី១២ ដោយផ្តោតអាទិភាពលើកម្មវិធី STEM ព្រមទាំងមានវគ្គបណ្តុះបណ្តាលភាសាអង់គ្លេស និងចិនទូទៅ ទាំងពេញម៉ោងនិងក្រៅម៉ោងផងដែរ។ សាលាអន្តរជាតិ ហ្គេនម៉ោន (GMIS) គឺជាសាលាចំណេះទូទៅត្រីភាសា ដែលផ្តល់កម្មវិធីសិក្សាជាតិ, កម្មវិធីអន្តរជាតិស្តង់ដារចក្រភពអង់គ្លេស (Cambridge IGCSE) និងភាសាចិន រួមទាំងមុខវិជ្ជាបន្ថែមដូចជា ព័ត៌មានវិទ្យា សិល្បៈ និងកីឡា។ សាលាផ្តោតលើការបណ្តុះបណ្តាលសិស្សឱ្យមានសមត្ថភាពពេញលេញ ដើម្បីត្រៀមខ្លួនបន្តការសិក្សាថ្នាក់ឧត្តមសិក្សា និងក្លាយជាអ្នកដឹកនាំឆ្នើមប្រកបដោយស្មារតីសហគ្រិនភាព នាពេលអនាគត។

លោកឧកញ៉ាក៏បានប្តេជ្ញាពង្រឹងគោលការណ៍ «គ្រប់គ្រង បង្រៀន និងរៀនល្អ» ដើម្បីបណ្តុះបណ្តាលសិស្សឱ្យទទួលបាន វិជ្ជាសម្បទា បំណិនសម្បទា និងចរិយាសម្បទា ស្របតាមយុគសម័យសកលភាវូនីយកម្ម និងឧស្សាហកម្ម 4.0 ព្រមទាំងត្រៀមខ្លួនបង្កើតគ្រឹះស្ថានឧត្តមសិក្សានៅចុងទសវត្សរ៍នេះ។

សូមបញ្ជាក់ដែរថា ស្ថាប័នអប់រំ អេជី (AG) គឺជាគ្រឹះស្ថានអប់រំស្តង់ដារខ្ពស់ដ៏រឹងមាំមួយនៅកម្ពុជា ដែលបច្ចុប្បន្នមាន ១០ ទីតាំង/សាខា និងមានបុត្រសម្ព័ន្ធល្បីៗដូចជា៖ សាលារៀនអារីហ្សូន, សាលាអន្តរជាតិហ្គ្រេនម៉ោន, មជ្ឈមណ្ឌលបណ្តុះបណ្តាលអេជី និង Global Student Cambodia។ ជាមោទនភាពក្នុងការប្រឡងបាក់ឌុបឆ្នាំ២០២៦នេះ ស្ថាប័នអប់រំ អេជី ទទួលបានសិស្សនិទ្ទេស A ចំនួន ១១ នាក់ ក្នុងនោះយុវសិស្ស សេន កេតរ៍ស័កធនិន មកពីសាលារៀនអារីហ្សូន សាខាខេត្តសៀមរាប សម្រេចបានលំដាប់ពិន្ទុល្អឥតខ្ចោះ ១០០.០០%៕

The post ឧកញ៉ា វេជ្ជបណ្ឌិត ជា សុខឃាង ប្រកាសបើកបវេសនកាលថ្មី ឆ្នាំសិក្សា ២០២៦-២០២៧ និងប្រគល់វិញ្ញាបនបត្រជាតិ-អន្តរជាតិ ព្រមទាំងពានរង្វាន់មេដាយកិត្តិយសជូនដល់សិស្សឆ្នើម និងសិស្សជ័យលាភីនិទ្ទេស A របស់ស្ថាប័នអប់រំ អេជី appeared first on .

ជាមួយនឹងភាពជោគជ័យនេះ នាយកសាលាអារីហ្សូន សាខាខេត្តសៀមរាបបានសម្តែងនូវក្តីរំភើប និងអបអរសាទរយ៉ាងក្លៀវក្លាចំពោះ យុវសិស្ស សេន កេតរ៍ស័កធនិន ដែលបានខិតខំប្រឹងប្រែងសិក្សារហូតទទួលបានជោគជ័យយ៉ាងត្រចះត្រចង់ ដោយប្រឡងជាប់សញ្ញាបត្រមធ្យមសិក្សាទុតិយភូមិ ទទួលបាននិទ្ទេស A ជាមួយនឹងលំដាប់ពិន្ទុដ៏ខ្ពស់បំផុត។
 
ជោគជ័យដ៏ត្រចះត្រចង់នេះ គឺជាសាក្សីបញ្ជាក់យ៉ាងច្បាស់ពីស្តង់ដារ និងគុណភាពអប់រំរបស់ស្ថាប័នអប់រំ អេជី ក្រោមការដឹកនាំ និងចក្ខុវិស័យវែងឆ្ងាយរបស់ ឧកញ៉ា ជា សុខឃាង ដែលតែងតែយកចិត្តទុកដាក់ខ្ពស់លើការកសាងបរិយាកាសសិក្សាប្រកបដោយគុណភាព និងប្រសិទ្ធភាព។
 
គួរបញ្ជាក់ផងដែរថា ស្ថាប័នអប់រំ អេជី គឺជាគ្រឹះស្ថានអប់រំដ៏រឹងមាំមួយ ជាមួយនឹងសាលាល្បីៗជាបុត្រសម្ព័ន្ធរួមមាន៖ សាលារៀនអារីហ្សូន (Arizon School), សាលាអន្តរជាតិហ្គ្រេនម៉ោន (Grandmount International School) និង មជ្ឈមណ្ឌលបណ្តុះបណ្តាល អេជី (AG Training Center) ដែលបាន និងកំពុងរួមចំណែកយ៉ាងសំខាន់ក្នុងការអភិវឌ្ឍវិស័យអប់រំនៅកម្ពុជាឲ្យកាន់តែរីកចម្រើន និងមានស្តង់ដារខ្ពស់៕

The post យុវសិស្សដែលប្រឡងជាប់បាក់ឌុប ២០២៦ ទទួលបាននិទ្ទេស A លំដាប់ពិន្ទុ ១០០.០០ រៀននៅសាលា របស់ឧកញ៉ាម្នាក់ appeared first on .

ជំនួបធុរកិច្ចរវាងអ្នកទិញនិងអ្នកលក់ក្នុងវិស័យវាយនភណ្ឌ ឆ្នាំ២០២៥ មានការចូលរួមពីតំណាងក្រសួង/ស្ថាប័នរដ្ឋ សភាពាណិជ្ជកម្ម សមាគម និងវិស័យឯកជន ជាច្រើនរូប។ ជំនួបធុរកិច្ចនេះ ត្រូវបានរៀបចំឡើងដោយ សហព័ន្ធឧស្សាហកម្មឥណ្ឌារដ្ឋតាមិល ណាឌូ និងស្ថានទូតឥណ្ឌាប្រចាំកម្ពុជា ក្នុងគោលបំណងចែករំលែក និងផ្សព្វផ្សាយអំពីភាពរីកចម្រើននៃវិស័យវាយនភណ្ឌដែលជាវិស័យលេចធ្លោនិងអាទិភាព នៃរដ្ឋតាមិល ណាឌូ ប្រទេសឥណ្ឌា ជាពិសេសផលិតកម្មអំបោះ និងក្រណាត់ ក៏ដូចជាស្វែងយល់ និងស្វែងរកឱកាសចាប់ដៃគូវិនិយោគក្នុងវិស័យវាយនភណ្ឌជាមួយធុរជនកម្ពុជា។

សូមជម្រាបផងដែរថា ក្នុងដំណើរបេសកកម្មធុរកិច្ចនេះ សហព័ន្ធឧស្សាហកម្មឥណ្ឌារដ្ឋ តាមិល ណាឌូ បានដឹកនាំគណៈប្រតិភូធុរជនឥណ្ឌា ១១ក្រុមហ៊ុន ដែលសុទ្ធសឹងជាអ្នកជួញដូរក្នុងវិស័យវាយនភណ្ឌប្រកបដោយសក្ដានុពល។ ក្នុងជំនួបធុរកិច្ចនេះ សមាជិកសមាគមឧកញ៉ាកម្ពុជា បានទស្សនាការដាក់តាំងបង្ហាញផលិតផលក្រណាត់ជាច្រើនប្រភេទនិងបានជួបផ្គូផ្គងធុរកិច្ច ផ្លាស់ប្ដូរព័ត៌មាន ក៏ដូចជាភ្ជាប់ទំនាក់ទំនងជាមួយភាគីឥណ្ឌាទៅវិញទៅមក សម្រាប់កិច្ចសហការធុរកិច្ចនាពេលអនាគតផងដែរ៕

The post ឧកញ៉ាវេជ្ជបណ្ឌិត ជា សុខឃាង ចូលរួមក្នុងជំនួបធុរកិច្ចរវាងអ្នកទិញនិងអ្នកលក់ក្នុងវិស័យវាយនភណ្ឌ ឆ្នាំ២០២៥ appeared first on .

ពិធី​​សម្ពោធ​ខាង​លើ​ បាន​ប្រារព្វ​ធ្វើ​ឡើង​នៅ​ទីតាំង​សាលារៀន អារីហ្សូន សាខាថ្មីនេះ ដែល​ស្ថិតនៅអគារលេខ ២៤២៥ ផ្លូវជាតិលេខ៥ ភូមិស្ពានខ្ពស់ សង្កាត់​គីឡូម៉ែត្​រលេខ៦ ខណ្ឌឫស្សីកែវ រាជធានីភ្នំពេញ ដោយមានវត្តមាន​គណៈអធិបតី ភ្ញៀវកិត្តិយសជាតិ និងអន្តរជាតិ គណៈគ្រប់គ្រងសាលា បុគ្គលិកសិក្សា លោកគ្រូ អ្នកគ្រូ សិស្សានុសិស្ស មាតាបិតា​អ្នក​អាណាព្យាបាលសរុបប្រមាណ ៨០០នាក់​ចូលរួម។ សាលារៀន អារីហ្សូនថ្មី ស្ថិតនៅ​ក្រោមស្ថាប័នអប់រំអេជី ហើយ​​ស្ថាប័ន​អប់រំមួយនេះ កំពុងគ្រប់គ្រងលើសាលាអន្តរជាតិហ្គ្រេនម៉ោន មជ្ឈមណ្ឌល​បណ្តុះ​បណ្តាល អេជី និងការិយាល័យ​តំណាង​ក្លូប៊លស្ទូដែនប្រចាំប្រទេសកម្ពុជា។

គួរបញ្ជាក់ថា ឧកញ៉ា ជា សុខឃាង បច្ចុប្បន្នជាអនុប្រធានសមាគមឧត្តមសិក្សាកម្ពុជា, ជាស្ថាបនិក និងប្រធាន​នាយក​ប្រតិបត្តិស្ថាប័នអប់រំ អេជី, សមាជិកទីប្រឹក្សាសភាពាណិជ្ជកម្មកម្ពុជា និង​ជា​សមាជិកទ្រទ្រង់នៃសមាគមឧកញ៉ាកម្ពុជា។ លោក ជា សុខឃាង ទទួលបានគោរមងារ «ឧកញ៉ា» ដែលប្រទានដោយព្រះមហាក្សត្រ តាម​រយៈ​ព្រះរាជក្រឹត្យលេខ នស/រកត/០១១៩/០៦៤ កាលពីថ្ងៃទី១២ ខែមករា ឆ្នាំ២០១៩៕

The post ឧកញ៉ា ជា សុខឃាង បើកសម្ពោធសាលារៀន អារីហ្សូនថ្មី សាខាឫស្សីកែវ ជាផ្លូវការ appeared first on .

លោកត្រូវបានគេស្គាល់ថា ជាវេជ្ជបណ្ឌិតផង និងជាគ្រូបណ្តុះបណ្តាលផង ដោយបច្ចុប្បន្នឧកញ៉ា ជា សុខឃាង ជាស្ថាបនិក និងប្រធាននាយកប្រតិបត្តិនៃស្ថាប័នអប់រំ អេជី ដែលមានសាលាល្បីៗជាបុត្តសម្ព័ន្ធ គឺសាលាររៀនអារីហ្សូន, សាលាអន្តរជាតិហ្គ្រេនម៉ោន និងមជ្ឈមណ្ឌលបណ្តុះបណ្តាល អេជី។

លោក ជា សុខឃាង ទទួលបានគោរមងារ«ឧកញ៉ា» ដែលប្រទានដោយព្រះមហាក្សត្រ កាលពីថ្ងៃទី១២ ខែមករា ឆ្នាំ២០១៩ តាមព្រះរាជក្រឹត្យលេខ នស/រកត/០១១៩/០៦៤។ ការទទួលបានគោរមងារ«ឧកញ៉ា» របស់លោក សុខឃាង តំណាលគ្នាជាមួយពាណិជ្ជករ២នាក់ផ្សេងទៀត តាមរយៈព្រះរាជក្រឹត្យដាច់ដោយឡែកពីគ្នា គឺលោក លី កញ្ញារិទ្ធិ និងលោក រស់ ឌីណែត។ នេះបើតាមសៀវភៅព្រះរាជកិច្ច ផ្សាយនៅត្រីមាសទី១ ឆ្នាំ២០១៩។

ឧកញ៉ា ជា សុខឃាង បច្ចុប្បន្នជាអនុប្រធានសមាគមឧត្តមសិក្សាកម្ពុជា និងជាសមាជិកទីប្រឹក្សាសភាពាណិជ្ជកម្មកម្ពុជា។ សម្តេចតេជោ ហ៊ុន សែន នាយករដ្ឋមន្ត្រី កាលពីថ្ងៃទី១ ខែកុម្ភៈ ឆ្នាំ២០២៣ ធ្វើការបំពាក់គ្រឿងឥស្សរិយយស «ជាតូបការ» ជូនដល់ឧកញ៉ា ជា សុខឃាង អំឡុងពេលសម្តេចតេជោជួបពិភាក្សាការងារលើវិស័យអប់រំថ្នាក់ឧត្តមសិក្សាជាមួយសមាគមឧត្តមសិក្សាកម្ពុជា៕

The post តើឧកញ៉ា ជា សុខឃាង ជានរណាហើយកំពុងធ្វើជំនួញអ្វី? appeared first on .