តាមរយៈសារលើបណ្តាញសង្គមហ្វេសប៊ុក លោកឧកញ៉ាអគ្គនាយក បានលើកឡើងបែបនេះថា៖ “សូមអំពាវនាវ ដល់អាជីវករដែលមានតម្រូវការអង្ករដំណើបធ្វើនំ ឫ ម៉្សៅផ្សេងៗ សូមធ្វើការបញ្ជាទិញឱ្យបានមុនពេលច្រូតកាត់ ខែវិច្ឆិកា ព្រោះស្រូវដំណើបស្បៃមង្គលនេះ ច្រូតតែម្តងទេ ក្នុង ១ឆ្នាំ”។

សូមជម្រាបថា ស្រូវដំណើប «ស្បៃមង្គល» ដែលបានចុះបញ្ជីចុះម៉ាកអង្ករសមូហភាព កាលពីខែមិថុនា ឆ្នាំ២០២២ កំពុងតែមានតម្រូវការខ្លាំង នៅទីផ្សារចិន និងអឺរ៉ុប ខណៈកសិករកម្ពុជាបាននិងកំពុងបង្កើនការដាំដុះពូជស្រូវដំណើរប្រភេទនេះ សម្រាប់ការនាំចេញផងដែរ។

ឧកញ៉ា សុង សារ៉ន ធ្លាប់បានឱ្យដឹងថា ពូជអង្ករដំណើបស្បៃមង្គល ត្រូវបានកសិករ ដាំដុះច្រើននៅក្នុងខេត្តពោធិ៍សាត់ និងខេត្តបាត់ដំបង បន្ទាប់វិទ្យាស្ថានស្រាវជ្រាវនិងអភិវឌ្ឍន៍កសិកម្មកម្ពុជា ហៅកាត់ថា CARDI បានព្យាយាមបង្កើត ហើយជំរុញឱ្យកសិករ ចាប់ផ្តើមផលិត ដើម្បីនាំចេញ៕

The post ឧកញ៉ា សុង សារ៉ន អំពាវនាវដល់អាជីវករដែលមានតម្រូវការអង្ករដំណើប សូមបញ្ជាទិញឱ្យបានមុនពេលច្រូត appeared first on .

ក្នុងជំនួបសម្តែងការគួរសមនេះ មានការអញ្ជើញចូលរួមពី ឯកឧត្តម សុខ ពុទ្ធិវុធ ប្រធានកិត្តិយសសហព័ន្ធស្រូវអង្ករកម្ពុជា និងជារដ្ឋលេខាធិការក្រសួងប្រៃសណីយ៍និងទូរគមនាគមន៍ រួមជាមួយ អ្នកឧកញ៉ា ហ៊ុន ឡាក់ ប្រធានក្រុមប្រឹក្សាគោលនយោបាយសហព័ន្ធស្រូវអង្ករកម្ពុជា និងជាអគ្គលេខាធិការសមាគមឧកញ៉ាកម្ពុជា, ឧកញ៉ា សុង សារ៉ន ប្រធានក្រុមប្រឹក្សាភិបាលសហព័ន្ធស្រូវអង្ករកម្ពុជា និងឧកញ៉ា ចាន់ សុឃាំង ប្រធានសហព័ន្ធស្រូវអង្ករកម្ពុជា និងជាសមាជិកសមាគមឧកញ៉ាកម្ពុជា ព្រមទាំងសមាជិកក្រុមប្រឹក្សាគោលនយោបាយ និង សមាជិក សមាជិកា ក្រុមប្រឹក្សាភិបាលសហព័ន្ធស្រូវអង្ករកម្ពុជាចំនួន ១៦ រូប។

ក្រសួងពាណិជ្ជកម្ម បានបញ្ជាក់ឱ្យដឹងថា ក្នុងជំនួបសម្តែងការគួរសម និងពិភាក្សារការងារនេះ គឺបានពិភាក្សាអំពីការរៀបចំយុទ្ធសាស្ត្រលើការពង្រឹងគុណភាពពាណិជ្ជកម្ម ជំរុញការនាំចេញអង្ករ ការបង្កើតវេទិការជួញដូរស្រូវអង្ករ យន្តការនៃការដោះដូរមុខទំនិញផលិផល និងការបោះឆ្នោតជ្រើសរើសប្រធានសហព័ន្ធស្រូវអង្ករកម្ពុជា ប្រធានក្រុមប្រឹក្សា និងសមាជិកក្រុមប្រឹក្សាភិបាលសហព័ន្ធស្រូវអង្ករកម្ពុជាសម្រាប់អាណត្តិទី៥ នាពេលដ៏ខ្លីខាងមុខនេះ។

សូមជម្រាបថា សហព័ន្ធស្រូវអង្ករកម្ពុជា មានអាយុកាល១ទស្សវត្សរ៍ហើយ ខណៈកាលពីថ្ងៃទី១៦ ខែមិថុនា ឆ្នាំ២០២៥នេះ គឺជាខួប ១០ឆ្នាំនៃការបង្កើតស្ថាប័ននេះ។ ក្នុងរយៈពេល ១០ឆ្នាំកន្លងមកនេះ សហព័ន្ធស្រូវអង្ករកម្ពុជា បានដើរតួរយ៉ាងសំខាន់ និងភាពជាតំណាងឱ្យវិស័យ សម្រាប់ការចរចា និងការពារផលប្រយោជន៍ដល់វិស័យស្រូវអង្ករកម្ពុជា តាមរយៈការធ្វើការយ៉ាងជិតស្និទ្ធជាមួយក្រសួង អាណាព្យាបាលផ្នែកបច្ចេកទេស ក្រសួង ស្ថាប័នពាក់ព័ន្ធ និងការជំរុញការធ្វើពិពិធកម្មទីផ្សារ បច្ចេកវិទ្យា និងការធ្វើការជាមួយដៃគូអន្តរជាតិលើការអភិវឌ្ឍ ការពង្រឹងខ្សែច្រវាក់ផលិតកម្ម ខ្សែច្រវាក់តម្លៃ និងខ្សែច្រវាក់ផ្គត់ផ្គង់ របស់ វិស័យនេះឱ្យកាន់តែមានឧត្ដមភាពបន្ថែមទៀតផងដែរ ដែលជាហេតុធ្វើឱ្យផលិតកម្មស្រូវនៅកម្ពុជាបានកើនឡើងដល់ជិត ១៤លានតោន នៅឆ្នាំ២០២៤ និងការនាំចេញអង្ករកម្ពុជាប្រមាណជាជាង ៦០ម៉ឺនតោនប្រចាំឆ្នាំ៕

The post អ្នកឧកញ៉ា ឧកញ៉ាៗគណៈប្រតិភូសហព័ន្ធស្រូវអង្ករកម្ពុជា ចូលជួបសម្តែងការគួរសម និងពិភាក្សារការងារ ជាមួយលោកជំទាវរដ្ឋមន្ត្រីក្រសួងពាណិជ្ជកម្ម appeared first on .

ពិធីនេះធ្វើឡើង ក្រោមអធិបតីភាព លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម និងមានការអញ្ជើញចូលរួមពី ថ្នាក់ដឹកនាំ មន្រ្តីមកពីក្រសួង និងតំណាងមកពីស្ថាប័នពាក់ព័ន្ធ ប្រមាណជាង ១៥០ នាក់។

តាមការបញ្ជាក់ឱ្យដឹង ការចុះអនុស្សរណៈនៃការយោគយល់គ្នានេះ ធ្វើឡើងក្នុងគោលបំណង ជំរុញភាពជាដៃគូ ភ្ជាប់កិច្ចសហប្រតិបត្តិការលើការអភិវឌ្ឍវិស័យកសិកម្ម ពាណិជ្ជកម្ម និងជំរុញការប្រើប្រាស់ផលិតផល និងសេវារបស់គូភាគី។

សូមជម្រាបជូនថា ធនាគារអភិវឌ្ឍន៍ជនបទ និងកសិកម្ម (ធ.អ.ជ.ក.) ត្រូវបានបង្កើតឡើងដោយអនុក្រឹត្យលេខ ១២៤ អនក្រ.បក ចុះថ្ងៃទី២៧ ខែសីហា ឆ្នាំ២០១៩។ ជាមួយនឹងចក្ខុវិស័យ ជាស្ថាប័នហិរញ្ញវត្ថុឈានមុខ ដែលផ្តោតលើការអភិវឌ្ឍវិស័យកសិកម្ម និងជនបទ នៅប្រទេសកម្ពុជា៕

The post ឧកញ៉ា ចាន់ សុឃាំង និងឧកញ៉ា សុង សារ៉ន ចូលរួមក្នុងពិធីចុះអនុស្សរណៈនៃការយោគយល់គ្នា រវាងក្រសួងពាណិជ្ជកម្ម និងធនាគារអភិវឌ្ឍន៍ជនបទ appeared first on .

ពាក់ព័ន្ធនឹងការចំណាយវិនិយោគលើវិស័យកសិកម្មដ៏ធំនេះ ​លោកឧកញ៉ា សុង សារ៉ន បាន​បញ្ជាក់​លើ​ទំព័រ​ហ្វេសប៊ុក កាលពី​ថ្ងៃទី២២ ខែវិច្ឆិកា ឆ្នាំ២០២៤ ​​ថាទាំងនេះគឺជា​ដំណើរ​អាជីវកម្ម ប្រកបដោយ​បរិយាប័ន្ន និង​ចីរភាព។ កន្លងមក​ក្រុមហ៊ុនមួយនេះបានជួយកសិករច្រើនមកហើយ​ ដូចជានៅខេត្តកំពង់ធំ​ ព្រះវិហារ​ និង​មណ្ឌលគិរី​ តាមរយៈការបង្កើតកិច្ចសន្យាកសិកម្ម។ យ៉ាងណាមិញ លោកឧកញ៉ា សុង សារ៉ន មានគោលដៅ​ជំរុញ​បង្កើតជា ​”អង្ករសិរីរាង្គសម្គាល់ម៉ាកភូមិសាស្ត្រនៃស្រុកកោះញ៉ែក​ ខេត្តមណ្ឌលគិរី”​ ខណៈ​ដែល​កសិករ​ជាង ៦០ភាគរយ គឺជាបងប្អូនជនជាតិដើមភាគតិច។

ឧកញ៉ា សុង សារ៉ន បានលើកឡើងថា៖ “ក្នុងគម្រោងវិនិយោគ ក្រុមហ៊ុន​ អេមរុរ៉ាយស៍​ យើងនេះ បានធ្វើការ​បោះទុនវិនិយោគនៅ​ស្រុក​កោះញ៉ែក​នេះ​ចំនួន ៣លានដុល្លារ ហើយ​មក​ដល់​ពេលនេះ​ យើង​បាន​ចំណាយ​ជិត ២លាន​ដុល្លារ​ហើយ ទៅ​លើ​ការកសាង​ហេដ្ឋារចនាសម្ព័ន្ធ​រួមមាន ឡសម្ងួត ឃ្លាំងស្តុកស្រូវ ហើយ​ឆ្នាំ២០២៥ យើង​នឹង​​ដំឡើង​ម៉ាស៊ីនកិនស្រូវ ដូច្នេះ​ការ​វិនិយោគ​របស់​យើង​នឹង​រួច​រាល់​នៅឆ្នាំ២០២៥”។

សូមជម្រាបថា ក្រុមហ៊ុន​ អេមរុរ៉ាយស៍​ (Amru Rice Co., Ltd) ដែលជាក្រុមហ៊ុននាំចេញអង្ករ​ឈានមុខគេ​មួយ​នៅកម្ពុជា បាន​សម្ពោធ​ដាក់ឱ្យប្រើប្រាស់​ជាផ្លូវការ​នូវ​ឃ្លាំងនិងឡសម្ងួតស្រូវ​ដ៏​ទំនើបបំផុតមួយ កាលពី​ថ្ងៃទី១២ ខែវិច្ឆិកា ឆ្នាំ២០២៤ ដែលជាមុខមាត់ថ្មីរបស់​ខេត្តមណ្ឌលគិរី ក្នុងការជំរុញ​វិស័យកសិកម្ម​ឱ្យ​បាន​ជឿនលឿន ពិសេស​ប្រជាជន​ប្រមាណ ៧០% ក្នុង​ស្រុកកោះញ៉ែក ជាកសិករ នឹងកាន់តែមានភាពងាយស្រួល ដោយមិនបារម្ភពីកត្តាខ្វះទីផ្សារទៀតនោះទេ៕

The post ឧកញ៉ា សុង សារ៉ន ហ៊ានបោះទុន ៣លានដុល្លារ បង្កើតឃ្លាំងឡសម្ងួតស្រូវ ដើម្បីប្រមូលទិញស្រូវសរីរាង្គ​ពីប្រជាកសិករ​នៅខេត្តមណ្ឌលគិរី appeared first on .

តាមការបញ្ជាក់ឱ្យដឹង ដំណើរទស្សនកិច្ចរបស់ឯកអគ្គរដ្ឋទូតអូស្ត្រាលីប្រចាំកម្ពុជា ទៅកាន់រោងចក្រអេមរុរ៉ាយស៍ ធ្វើឡើងនៅក្នុងគោលបំណង សិក្សាស្វែងយល់ពីលទ្ធភាពក្នុងការបង្កើនការគាំទ្រដើម្បីលើកកម្ពស់ផលិតភាពរបស់កសិករ ការអនុលោមតាមបទដ្ឋានបរិស្ថាន សង្គម និងអភិបាលកិច្ច (ESG) ពាណិជ្ជកម្ម ការវិនិយោគ និងការអភិវឌ្ឍសួនឧស្សាហកម្មកសិ-អាហារ និងជាពិសេសដើម្បីត្រួសត្រាយផ្លូវការតភ្ជាប់ក្រុមហ៊ុននាំចេញអង្ករឈានមុខគេនៅកម្ពុជាមួយ ទៅកាន់ក្រុមហ៊ុនបញ្ជាទិញនៅលើសកលោក តាមរយៈការគាំទ្រពី “កម្មវិធីភាពជាដៃគូ កម្ពុជា-អូស្ត្រាលី សម្រាប់ការអភិវឌ្ឍសេដ្ឋកិច្ចប្រកបដោយភាពធន់ (CAPRED)”។

នៅក្នុងឱកាសនេះ លោកឯកអគ្គរាជទូត បានលើកឡើងអំពីការគាំទ្ររបស់រាជរដ្ឋាភិបាលអូស្រ្តាលីមកកាន់វិស័យស្រូវអង្ករកម្ពុជា ជាពិសេសតាំងពីការបង្កើតនូវកម្មវិធីខ្សែសង្វាក់តម្លៃកសិកម្មកម្ពុជា-អូស្រ្តាលី (CAVAC) តាមរយៈកិច្ចសហការជាមួយនឹងវិស័យឯកជន ដែលមានដូចជាអេមរុរ៉ាយស៍, សមាគមអាជីវកម្មដូចជា សហព័ន្ធស្រូវអង្ករកម្ពុជា ក្នុងការបង្កើតនិងអភិវឌ្ឍនូវពូជស្រូវថ្មីដែលមានភាពល្អប្រសើរឡើង ដើម្បីស្របតាមតម្រូវការរបស់ទីផ្សារអន្តរជាតិ និងពង្រីកទីផ្សារអង្ករកម្ពុជាលើឆាកអន្តរជាតិ។

លោកឯកអគ្គរាជទូត ក៏បានគូសបញ្ជាក់អំពីការបន្តនូវការគាំទ្រពីរាជរដ្ឋាភិបាលអូស្រ្តាលីមកកាន់វិស័យមួយនេះ និងការចូលរួមជាមួយរាជរដ្ឋាភិបាលកម្ពុជា ដើម្បីកសាងនូវនិរន្តរភាព ភាពធន់ និងកំណើនសេដ្ឋកិច្ចប្រកបដោយបរិយាបន្ន ជាពិសេសដើម្បីសម្រេចឱ្យបាននូវផែនការនាំចេញអង្ករឱ្យបាន១លានតោននៅឆ្នាំ២០២៥។

ជាការឆ្លើយតប ឧកញ៉ា សុង សារ៉ន បានបង្ហាញការស្វាគមន៍យ៉ាងកក់ក្តៅចំពោះវត្ដមានលោកឯកអគ្គរដ្ឋទូតមកកាន់អេមរុរ៉ាយស៍ និងបានកោតសរសើរចំពោះការគាំទ្រកន្លងមករបស់ប្រទេសអូស្ត្រាលីចំពោះវិស័យស្រូវអង្ករកម្ពុជា និងអេមរុរ៉ាយស៍។

លោកឧកញ៉ា ក៏បានកត់សម្គាល់ថា ភាពជាដៃគូជាមួយរាជរដ្ឋាភិបាលអូស្រ្តាលីលើវិស័យកសិកម្មកម្ពុជា តាំងពីកម្មវិធី CAVAC រហូតមកដល់ CAPRED នេះពិតជាមានសារៈសំខាន់សម្រាប់ជំរុញកំណើនឧស្សាហកម្មស្រូវអង្កររបស់កម្ពុជា និងធានាឱ្យកសិករទទួលបានអត្ថប្រយោជន៍ពីការធ្វើឱ្យប្រសើរឡើងនូវផលិតភាព និងការអនុវត្តពាណិជ្ជកម្មដោយយុត្តិធម៌៕

The post ឯកអគ្គរដ្ឋទូតអូស្ត្រាលីប្រចាំកម្ពុជា ស្កាត់ជួបឧកញ៉ា សុង សារ៉ន ស្វែងយល់លទ្ធភាពក្នុងការបង្កើនការគាំទ្រ លើកកម្ពស់ផលិតភាពរបស់កសិករខ្មែរ appeared first on .

ការចុះអនុស្សរណៈនេះ ធ្វើឡើងក្រោមអធិបតីភាពឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា នាថ្ងៃទី២៣ ខែកញ្ញា ឆ្នាំ២០២៤។

តាមការបញ្ជាក់ឱ្យដឹងអនុស្សារណៈដែលបានចុះហត្ថលេខានាឱកាសនេះ នឹងដើរតួនាទីជាមូលដ្ឋានសម្រាប់កិច្ចសហការនាពេលអនាគត លើការវិនិយោគបង្កើតរោងចក្រកែច្នៃកន្ទក់សរីរាង្គនៅកម្ពុជា ដោយប្រើប្រាស់គ្រឿងចក្រ និងបច្ចេកទេសរបស់សហរដ្ឋអាម៉េរិក។

គួររម្លឹកដែរថា នេះគឺជាអនុស្សារណៈទី២ ពាក់ព័ន្ធនឹងវិស័យស្រូវអង្ករ ដែលត្រូវបានចុះហត្ថលេខាក្រោមអធិបតីភាព ឯកឧត្តមឧបនាយករដ្ឋមន្រ្តី ក្នុងដំណើរបេសកកម្មទាក់ទាញ និងជំរុញវិនិយោគ នៅសហរដ្ឋអាម៉េរិក ៕

The post ឧកញ៉ា សុង សារ៉ន ចាប់ដៃជាមួយក្រុមហ៊ុនអាម៉េរិក បង្កើតរោងចក្រកែច្នៃកន្ទក់សរីរាង្គនៅកម្ពុជា នាពេលខាងមុខ appeared first on .

លោក​ឧកញ៉ា សុង សារ៉ន ប្រធានក្រុមប្រឹក្សាភិបាលសហព័ន្ធស្រូវអង្ករកម្ពុជា បានមានប្រសាសន៍ថា កម្មវិធីទិញលក់ស្រូវ​តាមទូរស័ព្ទដៃ ពិតជាមានសារៈសំខាន់សម្រាប់វិស័យកសិកម្ម ជាពិសេសគឺកសិករ ដោយសារ App នេះ នឹងដើរតួយ៉ាង​សំខាន់​ក្នុងការផ្គូផ្គង ឬជាកន្លែងជួបគ្នារវាងកសិករ និងម្ចាស់រោងម៉ាស៊ីនទិញស្រូវ។ លោកបន្តថា App នេះ នឹងផ្តោត​សំខាន់​ទៅលើការទិញលក់តែស្រូវ និងអង្ករតែប៉ុណ្ណោះ ហើយតាមរយៈ App នេះ នឹងធ្វើបច្ចុប្បន្នភាពនូវតម្លៃស្រូវជានិច្ច ដែល​នឹង​ផ្តល់ភាពងាយស្រួលអ្នកដែលស្វែងរកទិញស្រូវពីកសិករ។

លោកឧកញ៉ា​បន្ថែមថា ស្របពេលកសិករនៅមានកម្រិតលើការប្រើប្រាស់បច្ចេកវិទ្យា សហព័ន្ធស្រូវអង្ករកម្ពុជា និង​សហការ​ជាមួយក្រសួងកសិកម្ម ដើម្បីឱ្យនិស្សិតស្ម័គ្រចិត្ត និងនិស្សិតដែលបានប្រឡងជាប់ជា​មន្រ្តីកសិកម្មបម្រើការងារ​នៅតាមឃុំ​នីមួយៗ ចូលរួមក្នុងការជួយដល់កសិករឱ្យចេះប្រើប្រាស់ App នេះឱ្យកាន់តែច្បាស់។

លោក​ឧកញ៉ា ចាន់ សុឃាំង ប្រធានសហព័ន្ធស្រូវអង្ករកម្ពុជា ​​បាន​មាន​ប្រសាសន៍​ថា កម្មវិធីទិញលក់ស្រូវ តាមទូរស័ព្ទដៃ (Paddy App) មានសារៈសំខាន់​ខ្លាំងណាស់​សម្រាប់វិស័យស្រូវអង្ករនៅកម្ពុជា ជាពិសេសកម្មវិធីនេះ គឺសំដៅជួយលើក​កម្ពស់ដល់សហគមន៍កសិករ។

តាម​ឱ្យ​ដឹង​​ពី​លោក​ឧកញ៉ា ចាន់ សុឃាំង ប្រទេសកម្ពុជា ជាប្រទេសមួយប្រកបដោយ​អំណោយផលនៃធម្មជាតិ​ជាច្រើន​ទាំងសណ្ឋានដី អាកាសធាតុ តែដោយសារសង្គ្រោម បានធ្វើឱ្យកសិករកម្ពុជាចំនួន ជាង២៨% ឬប្រហាក់ប្រហែល​១.០៩លានគ្រួសារ មានដីស្រែតិចជាង ១ហិកតា និង កសិករចំនួន១១% ជាង ៤សែន៥ម៉ឺនគ្រួសារធ្វើស្រែ​ដោយការ​ជួលដី។ កសិករទាំងពីរប្រភេទនេះជាប្រភេទកសិករដែលងាយរងគ្រោះជាងគេព្រោះថ្លៃដើមផលិតខ្ពស់ ដែលមិនអាច​ផលិត​ស្រូវប្រភេទធម្មតាយកបរិមាណបានទេ មានតែការជំរុញនៃការផលិតដោយផ្តោតយកគុណភាព គុណតម្លៃ ដែល​អាចផ្តល់តម្លៃបន្ថែម លើការលក់កសិផលរបស់ខ្លួន។

លោក​ឧកញ៉ា ចាន់ សុឃាំង បាន​បញ្ជាក់​ថា សហព័ន្ធ​ស្រូវអង្គរកម្ពុជា កំពុង​ធ្វើ​យ៉ាងណា​ឱ្យ​ ទីផ្សារអង្ករកម្ពុជា​ឱ្យកាន់តែមាន​ភាព​ទាក់​ទាញ​បន្ថែមទៀត ទាំងទីផ្សារក្នុងស្រុក និង​ទីផ្សារអន្តរជាតិ លើបច្ចុប្បន្នភាពនៃកេរ្តិ៍ឈ្មោះអង្ករកម្ពុជា ដែលធ្លាប់​ទទួល​បាន​ពានរង្វាន់អង្ករល្អបំផុតលើពិភពលោកចំនួន ៥ដង នាឆ្នាំ​២០១២ ២០១៣ ២០១៤ ២០១៨ និង ២០២២ សម្រាប់​ពូជស្រូវ ផ្ការំដួល និងពានរង្វាន់មាសចិនអាស៊ាន ឆ្នាំ​២០២៣ សម្រាប់អង្ករពូជស្រូវសែនក្រអូប០១៕

The post សហព័ន្ធស្រូវអង្ករកម្ពុជា ប្រកាសដាក់ឱ្យដំណើរការកម្មវិធីទិញលក់ស្រូវតាមទូរស័ព្ទដៃ ជួយដោះស្រាយបញ្ហាកង្វះទីផ្សាររបស់កសិករ appeared first on .

លោក​ឧកញ៉ា បាន​លើកឡើង​លើ​ទំព័រហ្វេសប៊ុក​​​យ៉ាង​ដូច្នេះ​ថា សូមអបអរសាទរចំពោះលោក Ren Hau Ho នាយកក្រុមហ៊ុន និង​បុគ្គលិក​ទាំងអស់នៃក្រុមហ៊ុន TWPC Investment សម្រាប់ការបើកសម្ពោធជាដំណើររោងចក្រកែច្នៃដំឡូងមី ក្នុងប្រទេសកម្ពុជា។ យើង​ប្តេជ្ញាធ្វើការរួមគ្នាក្នុងខ្សែសង្វាក់ផ្គត់ផ្គង់ប្រកបដោយនិរន្តរភាព ទំនួលខុសត្រូវសង្គម និងភាពជាដៃគូយុទ្ធសាស្ត្រ។

«បន្ទាប់ពីភាពជាដៃគូ និងមិត្តអស់រយៈពេល ៧ឆ្នាំ ខ្ញុំសូមអរគុណលោក និង លោកឪពុករបស់លោក​ដែលបានបង្កើត​រោងចក្រកែច្នៃដំឡូងមីដ៏ទំនើបមួយនៅស្រុកអន្លង់វែង ខេត្តឧត្តរមានជ័យ។ ជាមួយនឹងការការដឹកនាំ និងប្រវត្តិរបស់លោក ខ្ញុំជឿថាលោកនឹងពង្រីករោងចក្របន្ថែមទៀត នៅទូទាំងប្រទេសកម្ពុជា។ យើងទន្ទឹងរង់ចាំធ្វើការ​ជាមួយគ្នា នៅឆ្នាំ២០៣០ និងលើសពីនេះ។ យើងសូមជូនពរឱ្យលោក និងក្រុមការងាររបស់ ថៃ វ៉ា ទទួលជោគជ័យ ភាពចម្រុងចម្រើន នៅក្នុង​បណ្តាក់ទុនថ្មីនេះ»។ លោក​ឧកញ៉ា សុង សារ៉ន ​បាន​បន្ថែម។

ក្រុមហ៊ុន​ធីដាប់ប៊លយូភីស៊ី អ៊ីនវេសមិន ដែលមាន​ប្រភព​មកពី​ប្រទេស​ថៃ ​​​ត្រូវ​បាន​ក្រុមប្រឹក្សាអភិវឌ្ឍន៍កម្ពុជា (CDC) ​​​​យល់ព្រម​លើ​សំណើសុំ​វិនិយោគ​រោងចក្រកែច្នៃ​ដំឡូងមី តម្លៃ ១០,៤លានដុល្លារ ​ស្ថិត​នៅ​​​ចម្ងាយ​ត្រឹម​ ១០គីឡូម៉ែត្រ​ ​ភាគ​ខាង​ត្បូង​ព្រំដែន​កម្ពុជា-ថៃ នៅ​ខេត្តឧត្តរមានជ័យ កាលពី​ថ្ងៃទី១៩ ខែមិថុនា ឆ្នាំ២០២៣។ រោងចក្រ ស្ថិតនៅ​ភូមិ​អូរស្រម៉ ឃុំត្រពាំងតាវ ស្រុកអន្លង់វែង ខេត្តឧត្តរមានជ័យ មួយនេះ ​មាន​សមត្ថភាព​ទទួលទិញ​ដំឡូងមីស្រស់ពីកសិករប្រមាណ ៦០០ តោនក្នុងមួយថ្ងៃ។

គួរបញ្ជាក់ថា បើ​តាម​របាយការណ៍​របស់​ក្រសួងកសិកម្ម រុក្ខាប្រមាញ់ និង​នេសាទ កម្ពុជានាំចេញដំឡូងមីស្រស់ ដំឡូមី​ក្រៀម និងម្សៅដំឡូងមី សរុបជាង ៣លានតោន នៅ​ក្នុង​ឆ្នាំ២០២៣។ ចំពោះ​តម្លៃដំឡូងមីនៅចុងឆ្នាំ២០២៣ និង​ដើមឆ្នាំ២០២៤ នៅរក្សាបានតម្លៃល្អប្រសើរក្នុងចន្លោះ ៣៥០-៣៨០រៀលក្នុងមួយគីឡូក្រាម ចំពោះដំឡូងមីស្រស់។ ចំណែកឯ​ដំឡូងមីក្រៀម មាន​តម្លៃ​ចន្លោះ​ពី ៧០០-៨០០រៀលក្នុងមួយគីឡូក្រាម ដែលជាតម្លៃ​មួយ​ប្រជា​កសិករ​អាច​ទទួល​យក​បាន៕

The post ឧកញ៉ា សុង សារ៉ន អបអរសាទរការសម្ពោធរោងចក្រកែច្នៃដំឡូងមី តម្លៃជាង ១០លានដុល្លារ នៅខេត្តឧត្តរមានជ័យ appeared first on .

តាម​ការ​ឱ្យ​ដឹង​ពី​ សហព័ន្ធស្រូវអង្ករកម្ពុជា ​​កិច្ចប្រជុំក្រុមប្រឹក្សាភិបាល​លើកទី៥ អាណត្តិទី៤ ដែល​ជាកិច្ចប្រជុំទីមួយ ក្នុងឆ្នាំ២០២៤នេះ បាន​ប្រព្រឹត្តទៅ​តាមរបៀបវារៈមួយចំនួន រួមមាន៖ ១)ត្រួតពិនិត្យទៅលើរបាយការណ៍​កិច្ចប្រជុំ​លើកទី៤ អាណត្តិទី៤, ២)ត្រួតពិនិត្យទៅលើរបាយការណ៍វឌ្ឍនភាព សម្រាប់រយៈពេល១២ខែ, ៣)ពិនិត្យ និង​អនុម័តទៅលើផែនការថវិកា និងផែនការសកម្មភាពឆ្នាំ២០២៤, ៤)ពិនិត្យ និងពិភាក្សាទៅលើបញ្ហាប្រឈម និងដំណោះស្រាយ​ដែលកើតមានក្នុង​វិស័យ​ស្រូវអង្ករកម្ពុជានាពេលបច្ចុប្បន្ន។

គួរ​បញ្ជាក់​ថា ​​តាម​រយៈ​ការបោះឆ្នោតជ្រើសរើសសមាសភាពថ្នាក់ដឹកនាំសារជាថ្មី អាណត្តិទី៤ ឆ្នាំ២០២៣-២០២៥ ​​កាលពី​ថ្ងៃទី២៣ ខែ​វិច្ឆិកា ឆ្នាំ២០២២ ​​​គឺ ឧកញ៉ា សុង សារ៉ន ជាប់ជាប្រធានក្រុមប្រឹក្សាភិបាល និង​ឧកញ៉ា ចាន់ សុឃាំង ជាប់ជា​ប្រធានសហព័ន្ធស្រូវអង្ករកម្ពុជា ដោយ​មាន​សមាសភាពសមាជិក-សមាជិកាក្រុមប្រឹក្សាភិបាលសហព័ន្ធស្រូវអង្ករកម្ពុជា ចំនួន ២១រូប​ទៀត​ រួមមាន៖ អ្នកឧកញ៉ា ភួ វាសនា, ឧកញ៉ា យិន វែងអាន, លោក ហេង ផេង, លោក រស់ សុផារិទ្ធ, លោក ហ៊ាង គីមហ៊ួរ, លោក ម៉េង បូរ៉ាន់, លោក ហុង តុង, លោក ចាន់ ពេជ្រ, លោក យន់ ហុង, លោក កាន់ គន្លី, លោក ថូវ វុទ្ធី, លោក ហ៊ី ហ៊ត, លោក ចាន់ វុទ្ធី, លោក ម៉ាក ចំរើន, លោកស្រី ឡ សេងលាភ, លោកស្រី ផាប រក្សា, លោកស្រី ថេ សុខា, កញ្ញា សៅ ខេមណ្ណារ័ត្ន, លោក ឈិត ប៊ុនថន, លោក និល សុភាព និងលោក ឆេង ថុង។

សហព័ន្ធស្រូវអង្ករកម្ពុជា បង្កើតឡើងក្រោមកិច្ចប្រឹងប្រែង​សម្របសម្រួលរបស់​ក្រសួង​ពាណិជ្ជកម្ម នៅឆ្នាំ២០១៤ ហើយ​បានទទួលស្គាល់ដោយរាជរដ្ឋាភិបាល តាមរយៈអនុក្រឹត្យលេខ​២២៨ អនក្រ.បក ចុះថ្ងៃទី៨ ខែសីហា ឆ្នាំ២០១៤ ដោយ​ស្ថិតក្រោមអាណាព្យាបាល​បច្ចេកទេសរបស់​ក្រសួង​ពាណិជ្ជកម្ម ដែលជាដៃគូរាជរដ្ឋាភិបាលតែមួយគត់ ក្នុងការអនុវត្តគោល​នយោបាយ​ស្តីពីការជំរុញ​ផលិតកម្មស្រូវ និងការនាំចេញអង្ករ ដែលរហូតដល់ពេលនេះមានរយៈពេល ១០ឆ្នាំ មក​ហើយ៕​

The post ឧកញ៉ា សុង សារ៉ន និងឧកញ៉ា ចាន់ សុឃាំង ដឹកនាំកិច្ចប្រជុំក្រុមប្រឹក្សាភិបាលសហព័ន្ធស្រូវអង្ករកម្ពុជា លើកទី៥ អាណត្តិទី៤ appeared first on .

អ្នកជំនួញក្នុងវិស័យស្រូវអង្កររូប​នេះ ​​​បាន​លើក​ឡើង​ក្នុង​ឱកាស​លោក​ចូលរួម​​ពិធី​អបអរសាទរខួប ២៥ឆ្នាំ នៃការបង្កើត​​ធនាគារ ARDB នៅសណ្ឋាគារហ្គាឌិន ស៊ីធី ភ្នំពេញ ​​កាលពី​ថ្ងៃទី១៣ ខែធ្នូ ថា ​​តម្លៃ​ស្រូវ​កម្ពុជា បាន​ចាប់​ផ្តើម​កើន​ឡើង​នៅ​ពាក់កណ្តាល​ឆ្នាំ២០២៣​នេះ ចាប់តាំង​ពី​ខែ​មិថុនា​មក និង​ជា​តម្លៃ​ខ្ពស់​មិន​ធ្លាប់​មាន ក្នុង​រយៈពេល ១០​ឆ្នាំ​ចុង​ក្រោយ។

លោក​ឧកញ៉ា បាន​​បន្តដូច្នេះ​ថា៖ “បច្ចុប្បន្ន​យើងដឹងហើយស្រូវអ្វី​ក៏ថ្លៃដែរ មកដល់ពេលនេះមិនមានស្រូវណាមួយ ដែល​តម្លៃអត់ល្អទេ ឥឡូវ​នេះតម្លៃស្រូវម្លិះមួយគីឡូក្រាម ១៥០០រៀល តម្លៃស្រូវសែនក្រអូប (ស្រូវសើម) ១៤០០​រៀល និងតម្លៃស្រូវដែលជាប្រភេទ​​អង្ករស ១៣០០រៀល ក្នុងមួយគីឡូក្រាម ហើយឆ្នាំក្រោយ​តម្លៃក៏​នៅតែល្អ​ដូច​គ្នា”។

តាម​ការ​យល់ឃើញ​របស់​ឧកញ៉ា សុង សារ៉ន ​តម្លៃ​​​ស្រូវ​​នៅ​កម្ពុជា ចាប់​ផ្តើម​កើន​ឡើង​ចាប់ពី​ពាក់កណ្តាល​ឆ្នាំ​២០២៣​នេះ គឺ​ដោយសារ​តែ​បញ្ហាប្រែប្រួលអាកាសធាតុ ដែលធ្វើឱ្យប្រទេសមួយចំនួន ក្នុងនៅអាស៊ី​ត្រូវការស្តុក​បម្រុង​ទុក ដើម្បីរក្សានូវស្ថេរភាពស្បៀង ក្នុងប្រទេសរបស់ពួកគេ ស្របពេលដែលប្រទេសឥណ្ឌា​បិទការនាំចេញ​អង្ករបណ្តោះអាសន្ន។

គួរ​បញ្ជាក់​ថា ប្រទេសឥណ្ឌា ដែលជាប្រទេសនាំអង្ករចេញច្រើនជាងគេ​លើពិភពលោក បានបិទមិនឱ្យ​មានការ​នាំចេញអង្ករប្រភេទអង្ករស និងអង្ករបាក់ ក្នុងគោលបំណងរក្សានូវសន្តិសុខ​ស្បៀង ​ក្នុងប្រទេសរបស់ខ្លួន ដែល​ជំរុញឱ្យតម្លៃអង្ករស នៅលើទីផ្សារតាមប្រទេសមួយចំនួនក្នុងតំបន់ មានការកើនឡើង ព្រម​ទាំង​​បានធ្វើឱ្យតម្លៃ​ស្រូវ​នៅក្នុងប្រទេសកម្ពុជា ក៏​កើនឡើង​មិនធ្លាប់មាន​ផង​ដែរ៕

The post ឧកញ៉ា សុង សារ៉ន៖ តម្លៃស្រូវគ្រប់ប្រភេទ នឹងបន្តកើនឡើងទៀត នៅឆ្នាំ២០២៤ appeared first on .