កិច្ចប្រជុំនេះ មានការចូលរួមផងដែរពីសំណាក់ ឯកឧត្តម ឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជា និងវត្តមានអនុសហប្រធានក្រុមការងារ “ច” តំណាងផ្នែកឯកជន, តំណាងសមាគមភស្តុភារកម្មកម្ពុជា, តំណាងសមាគមដឹកជញ្ជូនអ្នកដំណើរផ្លូវគោកកម្ពុជា, តំណាងសមាគមដឹកជញ្ជូនទំនិញផ្លូវគោកកម្ពុជា, តំណាងសមាគមពាណិជ្ជករដឹកជញ្ជូន និងខ្សែច្រវ៉ាក់ផ្គត់ផ្គង់នៅកម្ពុជា និងតំណាងក្រុមហ៊ុន ឯកជនពាក់ព័ន្ធក្នុងវិស័យដឹកជញ្ជូនជាច្រើនទៀត។

សភាពាណិជ្ជកម្មកម្ពុជា បានឱ្យដឹងថា កិច្ចប្រជុំនេះមានគោលបំណង ដើម្បីបន្តធ្វើការពិនិត្យ ពិភាក្សាលើបញ្ហាប្រឈមដែលនៅសេសសល់ និងបន្តលើកឡើងនូវបញ្ហាប្រឈមថ្មីៗបន្ថែមទៀត ក្នុងវិស័យហេដ្ឋារចនាសម្ព័ន្ធ និងដឹកជញ្ជូន ដើម្បីដាក់ស្នើសុំដំណោះស្រាយជាមួយនឹងដៃគូ គឺក្រសួងសាធារណការ និងដឹកជញ្ជូន នាពេលខាងមុខនេះ។

កិច្ចប្រជុំបានធ្វើការពិនិត្យ ពិភាក្សាលើបញ្ហាប្រឈមរបស់ផ្នែកឯកជនមួយចំនួនរួមមាន៖ ១.បញ្ហានៃការចំណាយនៅព្រំដែន និងការប្រើប្រាស់ប្រតិវេទន៍គយសំរាប់រថយន្តនៅច្រកម៉ុកបាយ, ២. បញ្ហាទាក់ទងនឹងលក្ខខណ្ឌ និងនីតិវិធីនៃការចេញលិខិតអនុញ្ញាត្តិឱ្យយានយន្តធ្វើអាជីវកម្មដឹកជញ្ជូនផ្លូវគោក្នុងប្រទេស, ៣. ការចុះធ្វើអធិការកិច្ច, ៤.ការចុះបញ្ជីតាមប្រព័ន្ធស្វ័យប្រវត្តិកម្ម, ៥. ច្បាប់ស្តីពីចរាចរណ៍ផ្លូវគោក, ៦. ចំណាយក្រៅផ្លូវការនៅតាមស្ថានីយជញ្ជឹងថ្លឹងរថយន្ត ៧. បញ្ហានៃការឆៀករថយន្ត រួមនឹងបញ្ហាប្រឈមមួយចំនួនផ្សេងទៀតផងដែរ៕

The post ឧកញ៉ា សូ ងួន ដឹកនាំកិច្ចប្រជុំក្រុមការងារផ្នែកឯកជន “ផ្នែកហេដ្ឋារចនាសម្ព័ន្ធ និងដឹកជញ្ជូន” នៃវេទិការាជរដ្ឋាភិបាល-ផ្នែកឯកជន appeared first on .

ឧកញ៉ា សូ ងួន តែងតែចូលរួមបរិច្ចាគថវិកាជារៀងរាល់ឆ្នាំ ជាមួយកាកបាទក្រហមកម្ពុជា ហើយក៏តែងតែបានចូលរួមឧបត្ថម្ភថវិកាជួយដល់យុទ្ធនាការផ្សេងៗ របស់ប្រមុខរាជរដ្ឋាភិបាល ព្រមទាំងបានចូលរួមជួយឧបត្ថម្ភដល់កម្មវិធីសប្បុរសជាច្រើនទៀត។ ជាក់ស្ដែង កាលពីឆ្នាំ២០២៣ ក្នុងឱកាសខួប១៦០ ទិវាពិភពលោកកាកបាទក្រហម និងអឌ្ឍចន្ទក្រហម លោកឧកញ៉ា ក៏បាននាំយកថវិកាចំនួន៣ម៉ឺនដុល្លារផងដែរជួយដល់កាកបាទក្រហមកម្ពុជា។

សូមជម្រាបថា ខួប១៦១ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៤ នឹងប្រារព្វឡើងក្រោមប្រធានបទ «រួមគ្នាជាមួយកាកបាទក្រហមកម្ពុជា ដើម្បីសហគមន៍មានសុខភាពល្អ និងមានភាពធន់នឹងអាកាសធាតុ»។ ថវិកាដែលទទួលបានពីសប្បុរសជន សមាគមជាតិមួយនេះនឹងប្រើប្រាស់ដើម្បីបន្តផ្តល់សេវាកម្មមនុស្សធម៌ ដោះស្រាយបញ្ហាប្រឈមនានា បន្តពង្រឹងភាពធន់សហគមន៍ និងជួយសម្រាលទុក្ខលំបាកប្រជាពលរដ្ឋរងគ្រោះ និងងាយរងគ្រោះបំផុត តាមគោលការណ៍គ្រឹះរបស់ចលនាអន្តរជាតិកាកបាទក្រហម និងអឌ្ឍចន្ទក្រហម៕

The post ឧកញ៉ា សូ ងួន បរិច្ចាគថវិកា ២ម៉ឺនដុល្លារ ជួយកាកបាទក្រហមកម្ពុជា appeared first on .

​តាមខ្លឹមសារ​លិខិត សិប្បកម្មផលិតសៀវភៅ ស្រ៊ុន ងួន ​​បាន​​បញ្ជាក់​ថា ​​ការ​បង្ហោះ​តាម​បណ្តាញ​សង្គម​ហ្វេសប៊ុក ដោយ​មាន​ឈ្មោះ និង​និមិត្តសញ្ញា​​របស់​ខ្លួន រួមបញ្ចូល​នឹង​រូបភាព​ឯកជន​​របស់​គ្រួសារ​លោកស្រី ទ្រី ដាណា នៅ​ថ្ងៃទី២៩ ខែកុម្ភៈ ឆ្នាំ២០២៤ គឺមិនមែន​ជា​ស្នាដៃ​ដើម​​របស់​សិប្បកម្ម​ផលិតសៀវភៅ “ស៊្រុន ងួន” ទេ។ បន្ថែមពីនេះ សិប្បកម្ម​ ក៏​សូម​បដិសេធ​ទាំង​ស្រុង​ចំពោះ​រូបភាព​ខាង​លើ និង​សូម​សាធារណៈជន ជាពិសេស​សិស្សានុសិស្ស មេត្តាជ្រាប​ថា សិប្បកម្ម​ផលិត​សៀវភៅ ស៊្រុន ងួន មិន​បាន​ប្រើប្រាស់ “រូបភាពម​ឯកជន​របស់​គ្រួសារ​លោកស្រី ទ្រី ដាណា” មក​ធ្វើជា​គម្រប​សៀវភៅ​នោះ​ទេ។

សិប្បកម្មផលិតសៀវភៅ ស្រ៊ុន ងួន ​​ក៏​ស្នើសុំ​ឱ្យ​អ្នក​លេង​បណ្តាញ​សង្គម​​មេត្តា​បញ្ឈប់​ការ​ចែក​រំលែក​បន្ត​នូវ​រូបភាព​កាត់ត​បែប​គម្រប​សៀវភៅ ដែលមាន​និមិត្តសញ្ញា (Logo) សៀវភៅ “ស៊្រុន ងួន” ដែល​ធ្វើ​ឱ្យ​សាធារណៈជន មានការ​ភាន់​ច្រឡំ​ជា​ខ្លាំង។

គួរបញ្ជាក់​ថា កាល​ថ្ងៃទី២៩ ខែកុម្ភៈ លោកស្រី​ឧកញ៉ា ទ្រី ដាណា បាន​បង្ហោះរូបភាព​លើ​ទំព័រហ្វេសប៊ុក ជាមួយ​នឹង​ស្វាមី​ លោក រស់ រាជ្ជសាល ​​ដោយ​ស្លៀកពាក់​បែប​ខ្មែរ​បុរាណ​ ឈរ​លើ​ផ្ទាំង​ថ្ម​នៅ​ឆ្នេរ​សមុទ្រ​មួយ​កន្លែង ភ្ជាប់​ជាមួយ​នឹង​សារ​ខ្លី​ថា “ព្រះថោងតោងស្បៃ”។ រូបភាព​នេះ​ បាន​ធ្វើ​ឱ្យ​ជន​ឆ្លៀត​ឱកាស​យក​ទៅ​កាត់ត​​បន្ថែម​ជាមួយ​នឹង​និមិត្តសញ្ញា “ស៊្រុនងួន-៣០០ទំព័រ” ធ្វើ​ឱ្យ​មាន​ការ​យល់​ច្រឡំ​​​យ៉ាង​ខ្លាំង​លើ​បណ្តាញ​សង្គម៕

The post សិប្បកម្មផលិតសៀវភៅ ស្រ៊ុន ងួន ចេញលិខិតបដិសេធ ជុំវិញនិមិត្តសញ្ញាខ្លួនមានរួមបញ្ចូលរូបភាពលោកស្រីឧកញ៉ា ទ្រី ដាណា appeared first on .

ក្រៅពី​មាន​ឧកញ៉ា សូ ងួន ជា​ស្ថាបនិក ក្រុមហ៊ុន ​សូ ងួន គ្រុប ​បច្ចុប្បន្ន​ក៏​មាន​លោកឧកញ៉ា សូ តារារ័ត្ន ដែល​កាន់​តួនាទី​ជា​ អគ្គនាយករង ផងដែរ។ អ្នកជំនួញ​​ សូ ងួន ​ត្រូវ​បាន​ព្រះមហាក្សត្រ ​​ត្រាស់​បង្គាប់​ផ្តល់​គោរមងារ​ជា «ឧកញ៉ា» នៅ​ថ្ងៃទី៧ ខែវិច្ឆិកា ឆ្នាំ២០០០។ បច្ចុប្បន្ន​ ឧកញ៉ា សូ ងួន ក៏​ជា​សហប្រធានក្រុមការងារ ច “ផ្នែកដឹក​ជញ្ជូន និងហេដ្ឋារចនាសម្ព័ន្ធ” ផ្នែកឯកជន របស់សភាពាណិជ្ជកម្មកម្ពុជា។

សូម​ជម្រាប​ថា ក្រុមហ៊ុន សូ ងួន គ្រុប មាន​​បុត្រសម្ព័ន្ធ​២​ផ្នែក​ធំៗ​គឺ ផែស្ងួត សូ ងួន ស្ថិត​នៅផ្លូវ​វេងស្រេង សង្កាត់​ចោមចៅ ខណ្ឌពោធិ៍សែនជ័យ​ រាជធានីភ្នំពេញ ហើយ​មួយ​ទីតាំង​ទៀត​ នៅ​ក្រុងបាវិត ខេត្តស្វាយរៀង និង​ក្រុមហ៊ុន សូ ងួន ដឹកជញ្ជូន & សេវា អាហរ័ណ នីហរ័ណ ជាក្រុមហ៊ុនឡានកុងតឺន័រ​ដ៏ធំ​ហើយមានចំនួនច្រើនជាងគេនៅកម្ពុជា ដែលដឹកទំនិញធុនធំចេញចូលប្រទេសកម្ពុជាជាមួយប្រទេសជិត​ខាង៕

The post ណែនាំឱ្យស្គាល់ឧកញ៉ា ២រូប ជាថ្នាក់ដឹកនាំជាន់ខ្ពស់ ផែស្ងួត សូ ងួន appeared first on .

ឧកញ៉ា សូ ងួន ជានាយកក្រុមហ៊ុន សូ ងួន ដឹកជញ្ជូន និងសេវា អាហរ័ណ និហរ័ណ ស្ថិតនៅលើផ្លូវវេងស្រេង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។ ក្រៅពីដឹកនាំអាជីវកម្មរបស់ខ្លួនឧកញ៉ា សូ ងួន ក៏ជាសហប្រធានក្រុមការងារ ច “ផ្នែកដឹកជញ្ជូន និងហេដ្ឋារចនាសម្ព័ន្ធ” ផ្នែកឯកជន របស់សភាពាណិជ្ជកម្មកម្ពុជា ដែលមានអនុប្រធានចំនួន ៤រូបគឺឧកញ៉ា គួច ផេង ឧកញ៉ា គុជ ស៊ីនិត ឧកញ៉ា ឈឹម សុកន និងឧកញ៉ា លី គង់។

ក្រុមហ៊ុនរបស់លោកមានផែស្ងួតជាច្រើនកន្លែងនៅទូទាំងប្រទេសកម្ពុជា គឺជាក្រុមហ៊ុនឡានកុងតឺន័រដ៏ធំហើយមានចំនួនច្រើនជាងគេនៅកម្ពុជា ដែលដឹកទំនិញធុនធំចេញចូលប្រទេសកម្ពុជាជាមួយប្រទេសជិត។ រថយន្តកុងតឺន័ររបស់ក្រុមហ៊ុននេះក៏ធ្លាប់រងការព្រមានបិទពីរដ្ឋាភិបាលផងដែរ ក្រោយធ្វើឲ្យបាក់ស្ពានព្រះមុនីវង្ស នៅរាជធានីភ្នំពេញ កាលពីពេលកន្លងទៅ។

ក្រុមហ៊ុននេះបានប្រើប្រាស់រថយន្តប្រហែល ២០០គ្រឿងសម្រាប់ដឹកជញ្ជូនទំនិញទៅមករវាងរាជធានីភ្នំពេញនិងគោលដៅមួយចំនួននៅខេត្តព្រះសីហនុ និងប្រទេសវៀតណាម។

ដោយឡែកជុំវិញការទូទាត់បំណុលជូនរដ្ឋវិញម្តង ក្រុមហ៊ុន សូ ងួន គ្រុប ក៏ធ្លាប់ទទួលបានលិខិតអញ្ជើញពីអគ្គនាយកដ្ឋានពន្ធដារ នៃក្រសួងសេដ្ឋកិច្ច និង ហិរញ្ញវត្ថុ ដើម្បីមកទូទាត់បំណុលពន្ធ ជូនរដ្ឋ។ ក្នុងលិខិតដដែលចុះហត្ថលេខាដោយលោក គង់ វិបុល ប្រតិភូរាជរដ្ឋាភិបាលទទួលបន្ទុកជាអគ្គនាយក នៃអគ្គនាយកដ្ឋានពន្ធដារ បញ្ជាក់ថា ការបង់ពន្ធអាករ គឺ ជាកាតព្វកិច្ចរបស់អ្នកជាប់ពន្ធគ្រប់រូបដើម្បីរួមចំណែកក្នុងថវិកា។

របាយការណ៍បែកធ្លាយមួយរបស់ក្រុមហ៊ុនបានឲ្យដឹងថា កាល​ពី​ឆ្នាំ​២០០៩ អាជីវ​កម្ម​ដឹក​ជញ្ជូន​ក្រុម​ហ៊ុន សូ ងួន គ្រុប រក​ចំណូល​បាន ៧,៥៦​លាន​ដុល្លារ​អាមេរិក។ កំណើននេះត្រូវ​ប្រធាន​ក្រុម​ហ៊ុន​នេះ ​ព្យាករ​ថា ប្រាក់​ចំណូល​របស់​ក្រុម​ហ៊ុន​ កាល​ពី​ឆ្នាំ​២០១០ នឹង​កើន​ដល់​១១​លាន​ដុល្លារ។ ប្រាក់​ចំណូល​របស់ក្រុមហ៊ុនបាន​កើន​ឡើងដោយ​សារ​កំណើន​នៃ​ការ​ដឹក​ជញ្ជូន​ផលិត​ផល​វាយ​នភណ្ឌ៕

The post តើថៅកែក្រុមហ៊ុនប្រាក់ពាន់លាន សូ ងួន ជានរណា? appeared first on .

The post ឧកញ៉ា សូ ងួន បរិច្ចាគទឹកប្រាក់ ៣ម៉ឺនដុល្លារជូនកាកបាទក្រហម appeared first on .