ឧកញ៉ា សួរ វិរៈ

នៅចាំអីទៀត! តោះ ធ្វើដំណើរតាមរថយន្តក្រុមហ៊ុន វីរៈប៊ុនថាំ ទៅកាន់កន្លែងកំពុងល្បីនៅឧទ្យានគីរីរម្យ

កូនចៅឧកញ៉ា — Wed, 28 Jun 2023 06:36:49 +0000

ចាប់ពេលនេះតទៅ សម្រាប់បងប្អូនដែលចង់ទៅកំសាន្ត ស្រូបខ្យល់អាកាស បោះតង់ នៅឧទ្យានបោះតង់ CampingPark Romdoul Kirirom Resort រំដួលគីរីរម្យ រីស៊ត ហើយខ្ជល់ចំណាយពេលជិះម៉ូតូ លោកអ្នកអាចប្រើប្រាស់មធ្យោបាយធ្វើដំណើរតាមរយៈរថយន្តរបស់ក្រុមហ៊ុនដឹកជញ្ជូន វីរៈប៊ុនថាំបាន។ នេះបើតាមការប្រកាសឱ្យដឹងពីក្រុមហ៊ុនដឹកជញ្ជូន វីរៈប៊ុនថាំ នារសៀលថ្ងៃទី២៨ ខែមិថុនា ឆ្នាំ២០២៣។

បើតាមក្រុមហ៊ុនដឹកជញ្ជូន វីរៈប៊ុនថាំ បានឱ្យដឹងថា ក្រុមហ៊ុន បានបន្ថែមជើងធ្វើដំណើរថ្មីរបស់ខ្លួន ពីភ្នំពេញទៅកាន់ឧទ្យានជាតិគីរីរម្យ ដែលចាប់បើកដំណើរការនៅថ្ងៃទី១ ខែកក្កដានេះតទៅហើយ។ ការបន្ថែមជើងធ្វើដំណើថ្មីនេះ គឺធ្វើឡើងតបតាមសំណូមពរអតិថិជនដែលចង់ធ្វើដំណើរកម្សាន្តទៅកាន់ ឧទ្យានបោះតង់ CampingPark Romdoul Kirirom Resort រំដួលគីរីរម្យ រីស៊ត ដែលជាកន្លែងល្បីល្បាញលើបណ្តាញសង្គម និងមានទេសភាពស្រស់ស្អាតឱ្យទាក់ទាញ។

ប្រភពដដែល បានបន្តថា សម្រាប់លោកអ្នកដែលចង់ធ្វើដំណើរតាមរថយន្តរបស់ក្រុមហ៊ុនដឹកជញ្ជូន វីរៈប៊ុនថាំ ដែលចំណាយពេលតិចដោយធ្វើដំណើរតាមផ្លូវល្បឿនលឿន និងចំណតរថយន្តទៀតនោះ គឺលោកអ្នកអាចមើលនៅវិធីដូចខាងក្រោមនេះ៖

ទាញយកកម្មវិធី VET Express ដើម្បីធ្វើការកក់សំបុត្រងាយស្រួល និងទទួលបាន 5ភាគរយបន្ថែម

-សម្រាប់ប្រព័ន្ធប្រតិបត្តិការ IOS: https://apple.co/2GG57Vq

-សម្រាប់ប្រព័ន្ធប្រតិបត្តិការ GooglePlay: https://bit.ly/2IhMiZ8

វេបសាយសម្រាប់កក់ : www.vireakbuntham.com

តេឡេក្រាម Link : https://t.me/vireak_buntham

យ៉ាងណាមិញ សម្រាប់ព័ត៌មានបន្ថែម និងចង់កក់ទុកមុន លោកអ្នកក៏អាចទំនាក់ទំនងទៅកាន់លេខទូរសព្ទ៖ 081 911 911 ។

សូមជម្រាបជូនដែរថា ក្រុមហ៊ុន វិរៈ ប៊ុនថាំ អេចប្រេស ជាក្រុមហ៊ុនល្បីឈ្មោះមួយ ដែលល្បីខាងដឹកជញ្ជូន និងបញ្ញើឈានមុខគេមួយនៅប្រទេសកម្ពុជា ដែលអាចធ្វើដំណើរ ឬផ្ញើទំនិញ ទៅកាន់ប្រទេសថៃ និងវៀតណាមបាន។ លើសពីនេះថ្មីៗនេះ ក្រុមហ៊ុន ក៏ទើបបានចេញ App ថ្មីមួយឈ្មោះថា VET Express ដែលអាចទាញយកបាននៅលើទូរសព្ទដៃទាំងប្រព័ន្ធ iOS និង Andriod ដើម្បីតាមដានប្រតិបត្តិការបញ្ញើទំនិញ ឬអាចកក់សំបុត្រក្នុងការធ្វើដំណើរបានផងដែរ៕

The post នៅចាំអីទៀត! តោះ ធ្វើដំណើរតាមរថយន្តក្រុមហ៊ុន វីរៈប៊ុនថាំ ទៅកាន់កន្លែងកំពុងល្បីនៅឧទ្យានគីរីរម្យ appeared first on .

ជិះទូកទំនើបល្បឿនលឿនក្រុមហ៊ុន វិរៈប៊ុនថាំ ទៅកាន់កោះរ៉ុង និងរ៉ុងសន្លឹម ត្រឹមតែ ៣០នាទី

ជំទាវឧកញ៉ាស្រីទីន — Thu, 23 Feb 2023 07:02:50 +0000

សម្រាប់បងប្អូនដែលចង់ទៅកំសាន្តនៅកោះរ៉ុង និងរ៉ុងសន្លឹម លែងលំបាក និងប្រើពេលធ្វើដំណើរយូរទៀតហើយ ខណៈត្រឹមតែ ៣០ នាទីប៉ុណ្ណោះ ទូកទំនើបល្បឿនលឿន របស់ក្រុមហ៊ុន ក្រុមហ៊ុន វីរៈប៊ុនថាំ នឹងនាំលោកអ្នកទៅកាន់តំបន់កោះរ៉ុង និងរ៉ុងសន្លឹម ដែលជាទីតាំងសម្រាប់អ្នកទេសចរណ៍ជាច្រើនប្រាថ្នាចង់ទៅទស្សនា។

បើតាមក្រុមហ៊ុន វិរៈប៊ុនថាំ បានឱ្យដឹងថា លោកអ្នកនឹងកាន់តែងាយស្រួ និងកាន់តែឆាប់រហ័សទ្វេដង ខណៈលោកអ្នកអាចប្រើមធ្យោបាយធ្វើដំណើរ ទៅកាន់កោះរ៉ុង និងរ៉ុងសន្លឹម តាមរយៈទូកទំនើបប្រភេទល្បឿនលឿន(Buva Sea Cambodia ) ត្រឹមតែ 30 នាទីតែប៉ុណ្ណោះ ខណៈក្នុងពេលឆាប់ៗនេះដែរ ក្រុមហ៊ុនក៏នឹងផ្ដល់ជូនសេវាកម្មទៅកាន់កោះស្ដេចផងដែរ។

សម្រាប់លោកអ្នកដែលចង់ធ្វើដំណើរតាមទូកទំនើបប្រភេទល្បឿនលឿននេះ គឺលោកអ្នកអាចមើលនៅវិធីដូចខាងក្រោមនេះ៖

☞︎ ទាញយកកម្មវិធី VET Express ឥឡូវនេះសម្រាប់ការកក់ទូក ៖
-សម្រាប់ប្រព័ន្ធប្រតិបត្តិការ IOS: https://apple.co/2GG57Vq
-សម្រាប់ប្រព័ន្ធប្រតិបត្តិការ GooglePlay: https://bit.ly/2IhMiZ8
Website: www.buvasea.com

យ៉ាងណាមិញ សម្រាប់ព័ត៌មានបន្ថែម និងចង់កក់សំបុត្រ លោកអ្នកក៏អាចទំនាក់ទំនងទៅកាន់លេខទូរសព្ទ៖ 015 888850, 089 971291, 098 888950, 097 8888950។

សូមជម្រាបជូនដែរថា ក្រុមហ៊ុន វិរៈ ប៊ុនថាំ អេចប្រេស ជាក្រុមហ៊ុនដឹកជញ្ជូន និងបញ្ញើឈានមុខគេមួយនៅប្រទេសកម្ពុជា ដែលអាចធ្វើដំណើរ ឬផ្ញើទំនិញ ទៅកាន់ប្រទេសថៃ និងវៀតណាមបាន។ លើសពីនេះថ្មីៗនេះ ក្រុមហ៊ុន ក៏ទើបបានចេញ App ថ្មីមួយឈ្មោះថា VET Express ដែលអាចទាញយកបាននៅលើទូរសព្ទដៃទាំងប្រព័ន្ធ iOS និង Andriod ដើម្បីតាមដានប្រតិបត្តិការបញ្ញើទំនិញ ឬអាចកក់សំបុត្រក្នុងការធ្វើដំណើរបានផងដែរ៕

The post ជិះទូកទំនើបល្បឿនលឿនក្រុមហ៊ុន វិរៈប៊ុនថាំ ទៅកាន់កោះរ៉ុង និងរ៉ុងសន្លឹម ត្រឹមតែ ៣០នាទី appeared first on .

ក្រុមហ៊ុន វិរៈប៊ុនថាំ ប្រកាសបញ្ចុះតម្លៃ៥% ជូនអតិថិជនដែលទិញសំបុត្រតាមកម្មវិធី VET និងគេហទំព័រ

ឧកញ៉ាដែនដី — Tue, 20 Dec 2022 05:45:50 +0000

ក្រុមហ៊ុន វិរៈ ប៊ុនថាំ អេចប្រេស របស់ឧកញ៉ា សួរ វីរៈ បានប្រកាសបញ្ចុះតម្លៃ៥% ភ្លាមៗតែម្តង ចាប់ពីថ្ងៃនេះតទៅ ចំពោះអតិថិជនដែលធ្វើការទិញសំបុត្ររថយន្ត និងសំបុត្រទូកទំនើប តាមរយៈកម្មវិធី VET Express និងគេហទំព័ររបស់ក្រុមហ៊ុន ( www.vireakbuntham.com និង www.buvasea.com)។

នេះជាការលើសទឹកចិត្តមួយសម្រាប់ភ្ញៀវ ឬអតិថិជន ដែលតែងតែគាំទ្រលើសេវាកម្មដឹកអ្នកដំណើររបស់ក្រុមហ៊ុន វិរៈ ប៊ុនថាំ អេចប្រេស។ ក្រុមហ៊ុនវិរៈ ប៊ុនថាំតែងតែផ្ដល់ភាពងាយស្រួលដល់អតិថិជន ហើយឥឡូវនេះលោកអ្នកមិនត្រឹមតែអាចស្វែងរកទិញសំបុត្ររថយន្តបានគ្រប់សាខាវិរៈ ប៊ុនថាំទាំងអស់ទូទាំងប្រទេសកម្ពុជាប៉ុណ្ណោះទេ ថែមទាំងអាចកក់សំបុត្រ ឬបញ្ជាទិញសំបុត្រតាមរយៈកម្មវិធី VET Express និងគេហទំព័រ ( www.vireakbuntham.com / www.buvasea.com) បានផងដែរ។

ក្នុងឱកាសបុណ្យគ្រីស្ទស្មាស់ និងពិធីបុណ្យឆ្លងឆ្នាំ២០២៣ខាងមុខនេះ លោកអ្នកអាចធ្វើការកក់សំបុត្រ រថយន្ត ឬទូក ទុកជាមុន សម្រាប់ការធ្វើដំណើរទៅកាន់ស្រុកកំណើត ឬដំណើរកម្សាន្តផ្សេងៗ ជាមួយនឹងកម្មវិធី VET Express ឬគេហទំព័ររបស់ក្រុមហ៊ុន វិរៈប៊ុនថាំ បានយ៉ាងឆាប់រហ័ស និងពុំចាំបាច់ទៅទិញសំបុត្រផ្ទាល់ ដែលត្រូវចំណាយពេលរង់ចាំយូរទៀតនោះទេ។

គួរបញ្ជាក់ថា ក្រុមហ៊ុន វិរៈ ប៊ុនថាំ អេចប្រេស គឺជាក្រុមហ៊ុនខ្មែរ ដែលឈានមុខគេតែមួយគត់ក្នុងប្រទេសកម្ពុជា សម្រាប់សេវាកម្មដឹកអ្នកដំណើរ និងសេវាកម្មបញ្ញើទំនិញ ទៅដល់គ្រប់កន្លែងទាំងអស់ មិនថាតំបន់ដាច់ស្រយាលនោះទេ។ ដោយគិតមកដល់សព្វថ្ងៃនៅក្នុងឆ្នាំ២០២២នេះ គឺក្រុមហ៊ុនបានពង្រីកសាខា បានច្រើនជាង ៧០០ សាខា នៅទូទាំងប្រទេសកម្ពុជា និងមានទាំងសាខានៅប្រទេសថៃ និងវៀតណាមផងដែរ៕

The post ក្រុមហ៊ុន វិរៈប៊ុនថាំ ប្រកាសបញ្ចុះតម្លៃ៥% ជូនអតិថិជនដែលទិញសំបុត្រតាមកម្មវិធី VET និងគេហទំព័រ appeared first on .

ក្រុមហ៊ុនវិរៈ ប៊ុនថាំ ដាក់ឱ្យទាញ App សម្រាប់អ្នកចង់ធ្វើដំណើរទៅទីក្រុងបាងកក និងទីក្រុងហូជីមិញ

ឧកញ៉ាដែនដី — Tue, 09 Aug 2022 04:13:52 +0000

សម្រាប់ភ្ញៀវទេសចរណ៍ ឬអ្នកដំណើរ ដែលចង់ធ្វើដំណើរទៅកាន់ទីក្រុងបាងកក ប្រទេសថៃ និងទីក្រុងហូជីមិញ ប្រទេសវៀតណាម ដោយទទួលបានទាំងទំនុកចិត្ត និងសុវត្ថិភាពខ្ពស់នោះ គឺអាចធ្វើដំណើរជាមួយនឹងក្រុមហ៊ុន វិរៈ ប៊ុនថាំ ខណៈដែលក្រុមហ៊ុន បានដាក់ឱ្យទាញយកកម្មវិធី VET Express ដើម្បីកាន់តែងាយស្រួលក្នុងការកក់សំបុត្រ។

សូមទាញយកកម្មវិធី VET Express ដើម្បីងាយស្រួលក្នុងការកក់សំបុត្រ ទាំងក្នុងប្រទេស ឬទៅទីក្រុងបាងកក និងទៅទីក្រុងហូជីមិញ ដូចខាងក្រោម៖

-សម្រាប់ប្រព័ន្ធប្រតិបត្តិការ IOS: https://apple.co/2GG57Vq
-សម្រាប់ប្រព័ន្ធប្រតិបត្តិការ GooglePlay: https://bit.ly/2IhMiZ8

គួររំឭកថា ដោយមើលឃើញស្ថានភាពកូវីដ១៩ នៅកម្ពុជា រួមទាំងនៅប្រទេសវៀតណាមបានធូរស្បើយបណ្តើរៗ ក្រុមហ៊ុន វីរៈ ប៊ុនថាំ របស់ឧកញ៉ា សួរ វិរៈ បើកដំណើរការដឹកអ្នកដំណើរ និងដឹកជញ្ជូនទំនិញសារឡើងវិញ នៅថ្ងៃទី១ ខែកក្កដា ឆ្នាំ២០២២។ ក្នុងនោះក្រុមហ៊ុននឹងទទួលដឹកបញ្ញើឆាប់រហ័ស និងសេវាកម្មដឹកជញ្ជូនអ្នកដំណើរ ដែលក្រុមការងារទាំងអស់តាំងចិត្តយ៉ាងម៉ឹងម៉ាត់ ក្នុងការផ្តល់នូវសេវាកម្មដឹកអ្នកដំណើរ និង បញ្ញើរឆាប់រហ័ស ប្រកបដោយគុណភាព ជាមួយស្នាមញញឹម។ ក្រុមហ៊ុន វីរៈប៊ុនថាំ សាខាហូជីមីញ មានទីតាំងស្ថិតផ្ទះលេខ 646o Nguyen Trai ខណ្ឌ11 សង្កាត់5 Hochimin ជិតមន្ទីរពេទ្យ ២១៥ (ពេទ្យជោរៃ)។

កាលពីថ្ងៃទី០៩ ខែមិថុនា ឆ្នាំ២០២២ ក្រុមហ៊ុនវិរៈ ប៊ុនថាំ ក៏បានប្រកាសបើកទីតាំងថ្មីនៅទីក្រុងបាងកក ដើម្បីឱ្យអតិថិជននៅទីក្រុងបាងកក ប្រទេសថៃមានភាពងាយស្រួល ជាមួយនឹងការប្រើប្រាស់សេវាកម្មដឹកអ្នកដំណើរ នឹងផ្ញើទំនិញគ្រប់ប្រភេទផងដែរ។

សូមទស្សនាវីដេអូខាងក្រោម៖

The post ក្រុមហ៊ុនវិរៈ ប៊ុនថាំ ដាក់ឱ្យទាញ App សម្រាប់អ្នកចង់ធ្វើដំណើរទៅទីក្រុងបាងកក និងទីក្រុងហូជីមិញ appeared first on .

ក្រុមហ៊ុន វិរៈ ប៊ុនថាំ របស់ឧកញ៉ា សួរ វិរៈ បង្ហាញខ្លួនជាមួយអក្សរខ្មែរធំៗនៅកណ្តាលក្រុងបាងកក

ឧកញ៉ាដែនដី — Fri, 01 Jul 2022 12:53:24 +0000

ក្រុមហ៊ុន វិរៈ ប៊ុនថាំ របស់ឧកញ៉ា សួរ វិរៈ បានបើកសាខាថ្មី និងបង្ហាញខ្លួននៅកណ្តាលទីក្រុងបាងកក នៃប្រទេសថៃ ជាមួយនឹងស្លាកយីហោមានអក្សរខ្មែរធំៗ។ នេះជាមោទនភាពមួយសម្រាប់កម្ពុជា ដែលមានក្រុមហ៊ុនលើវិស័យដឹកជញ្ជូន មានវត្តមាននៅក្រៅប្រទេស។

ឧកញ៉ា សួរ វិរៈ បានបង្ហោះសារលើបណ្តាញសង្គមហ្វេសប៊ុក នៅរសៀលថ្ងៃសុក្រនេះថា៖ “មោទនភាពជាតិខ្មែរ! ហើយយើងនៅតែបន្តលើកទង់ជាតិ និងភាសាខ្មែរលើទឹកដីបរទេស។ គ្រប់មុខជំនួញតែងតែចង់បានចំណូលសម្រាប់ក្រុមហ៊ុន តែវីរ:ប៊ុនថាំមិនត្រឹមតែរកចំណូលដល់ក្រុមហ៊ុននោះទេ តែបាននាំមកនូវមុខមាត់ ជូនដល់ប្រជាជនកម្ពុជា និងប្រទេសជាតិទៀតផង។ យើងទទួលការមើលងាយពីបរទេស និងប្រទេសជិតខាងយូរណាស់មកហើយ តែខ្ញុំនៅតែជឿជាក់ថា ប្រជាជនកម្ពុជាពិតជាមានចំណេះដឹង និងភាពវៃឆ្លាតមិនចាញ់បរទេសនោះឡើយ ទោះបីជាប្រទេសបានឆ្លងកាត់សង្គ្រាមដ៏ជូរចត់យ៉ាងណាក៏ដោយ”។

គួរបញ្ជាក់ថា ក្រុមហ៊ុន វិរៈ ប៊ុនថាំ ជាក្រុមហ៊ុនដឹកអ្នកដំណើរ និងបញ្ញើឆាប់រហ័ស ឈានមុខគេមួយនៅកម្ពុជា នាពេលបច្ចុប្បន្ន។ ថ្មីៗនេះក្រុមហ៊ុន ក៏ទើបតែបើកដំណើរការអាជីវកម្មដឹកអ្នកដំណើរ និងបញ្ញើឡើងវិញ ទៅកាន់សាខានៅទីក្រុងហូជីមិញ ប្រទេសវៀតណាម ផងដែរ បន្ទាប់ពីផ្អាកមួយរយៈ ដោយសារវិបត្តិកូវីដ-១៩។ ឧកញ៉ា សួរ វិរៈ ធ្លាប់បានបញ្ជាក់ថា ក្រុមហ៊ុន វិរៈ ប៊ុនថាំ ក៏ជាក្រុមហ៊ុនលេខ១ ដំបូងគេនៅប្រទេសវៀតណាមផងដែរ៕

The post ក្រុមហ៊ុន វិរៈ ប៊ុនថាំ របស់ឧកញ៉ា សួរ វិរៈ បង្ហាញខ្លួនជាមួយអក្សរខ្មែរធំៗនៅកណ្តាលក្រុងបាងកក appeared first on .

ក្រុមហ៊ុនអាមេរិកចូលទីផ្សារជប៉ុន គ្រោងបោះទុន ៧ ពាន់លានដុល្លារបង្កើតរោងចក្រផលិតឈីប

ឧកញ៉ាសំពៅ — Wed, 27 Oct 2021 09:55:06 +0000

កាលពីពេលថ្មីៗនេះ ក្រុមហ៊ុនផ្គត់ផ្គង់បន្ទះឈីបសហរដ្ឋអាមេរិក Micron Technology Inc បានប្រកាសថា នឹងគ្រោងបោះលុយធំ សម្រាប់ការវិនិយោគប្រមាណ ៨០០ ពាន់លានយ៉េន ឬ ៧ ពាន់លានដុល្លារ សម្រាប់ការសាងសង់រោងចក្រថ្មីនៅទីក្រុង Hiroshima ភាគខាងលិចប្រទេសជប៉ុន។

បើតាមការចុះផ្សាយពីសារព័ត៌មាន Nikkan Kogyo បានឲ្យដឹងថា រោងចក្រផលិតបន្ទះឈីបរបស់ Micron ថ្មីនេះនឹងចាប់ផ្ដើមសាងសង់ពីឆ្នាំ ២០២៤ ខណៈក្រុមហ៊ុនទំនងមានបំណងផលិតបន្ទះឈីបប្រភេទ DRAM ដែលជាអង្គចងចាំដែលត្រូវបានប្រើប្រាស់យ៉ាងទូលំទូលាយសម្រាប់ការផ្ទុកទិន្នន័យ។

ប្រភពដដែលបន្ថែមថា មូលហេតុដែល Micro ហ៊ានចំណាយលុយច្រើនសម្រាប់ការសាងសង់រោងចក្រនៅអាស៊ីគឺ ដោយសារតម្រូវការបន្ទះឈីបកំពុងមានការកកស្ទះទូទាំងពិភពលោក ព្រោះក្រុមហ៊ុនផលិតរថយន្ត និងក្រុមហ៊ុនបច្ចេកវិទ្យាជាច្រើនកំពុងសម្រុកបញ្ជាទិញឈីបគ្រប់ៗគ្នា។

យ៉ាងណា ក្រៅពី Micron របស់អាមេរិក ក៏នៅមានក្រុមហ៊ុនផលិតបន្ទះឈីបយក្ស TSMC របស់ Taiwan ផងដែរ ដែលបានប្រកាសកាលពីសប្ដាហ៍មុនថា នឹងបង្កើតរោងចក្រនៅប្រទេសជប៉ុនដូចគ្នា ស្របពេលរដ្ឋាភិបាលជប៉ុនក៏ត្រៀមខ្លួនរួចស្រេចក្នុងការជួយចំណាយលើគម្រោងវិនិយោគមួយនេះ៕

ប្រភព: Kelo

The post ក្រុមហ៊ុនអាមេរិកចូលទីផ្សារជប៉ុន គ្រោងបោះទុន ៧ ពាន់លានដុល្លារបង្កើតរោងចក្រផលិតឈីប appeared first on .

ឧកញ៉ា សួរ វីរៈ៖ យើងបានធ្វើអស់ពីលទ្ធភាពពិតមែន តែកត្តាឧបសគ្គជាច្រើនធ្វើឲ្យការប្រតិបត្តិការក្នុងក្រុមហ៊ុនមិនមានភាពរលូន ក្នុងបរិបទនេះ

ឧកញ៉ាកោះក្របី — Sun, 25 Apr 2021 09:46:26 +0000

នៅប៉ុន្មានថ្ងៃចុងក្រោយនេះ អតិថិជនដែលបានផ្ញើឥវ៉ាន់តាមរយៈក្រុមហ៊ុនដឹកជញ្ជួន វីរៈ ប៊ុនថាំ មានការរអ៊ូរទាំនិងបង្ហោះសារពេញបណ្តាញសង្គមហ្វេសបុកដោយឥវ៉ាន់របស់ពួកគាត់ខូចខ្ទិចខ្ទីយឺតពេលជាហេតុបណ្តាលឲ្យទំនិញខ្លះខូចគុណភាពអស់។

សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ

ភ្លាមៗនាយកប្រតិបត្តិក្រុមហ៊ុន វីរៈ ប៊ុនថាំ អេចប្រេស ឧកញ៉ា សួរ វីរៈ បានមានប្រសាសន៍ថា៖ ខ្ញុំពិតជាមានការសោកស្តាយ និង សូមអភ័យទោសចំពោះអតិថិជន ទាំងអស់ចំពោះកង្វះខាតដែលកើតមានឡើងក្នុងរយៈពេលប៉ុន្មានថ្ងៃនេះ និង សូមអរគុណចំពោះអតិថិជនដែលបានយោគយល់ក្នុងកាល:ទេស:ដ៏លំបាកនេះ។

លោកឧកញ៉ាថ្លែងថា ក្រុមការងារយើងខ្ញុំពិតជាបានធ្វើអស់ពីលទ្ធភាពពិតមែន តែកត្តាជាច្រើនដែលជាឧបសគ្គធ្វើអោយការប្រតិបត្តិការក្នុងក្រុមហ៊ុនមិនមានភាពរលូន ក្នុងបរិបទកូវីដនេះ មានដូចជា៖

១. ក្រុមការងារតែងតែជួយសម្រួលបន្តទទួលបញ្ញើរដែលមានលក្ខណ:ងាយខូចគុណភាព ដូចជា បន្លែ ផ្លែឈើ ម្ហូបអាហារ និងគ្រឿងសមុទ្រ ជាដើមដែលជាតម្រូវការចាំបាច់ក្នុងការរស់នៅ ។ ព្រោះក្នុងដំណាក់កាលនោះ

២. ប្រជាពលរដ្ធពិតជាលំបាកក្នុងការស្វែងរកក្រុមហ៊ុនណាផ្សេងទៀត ក្នុងការផ្ញើរទំនិញទៅកាន់អតិថិជន ក៏ដូចជាសាច់ញាតិ ដោយការបិទខ្ទប់តំបន់ជាច្រើនក្នុងប្រទេស និងរាជធានីភ្នំពេញ។

បើតាមនាយកប្រតិបត្តិរូបនេះ ក្រុមហ៊ុនព្យាយាមសម្របសម្រួលនិងទទួលទំនិញរបស់អតិថិជន ប៉ុន្តែដោយក្នុងស្ថានភាពដែលមានការបិទខ្ទប់តំបន់ជាច្រើនក្នុងភាពបន្ទាន់ ធ្វើអោយក្រុមហ៊ុនមិនអាចបញ្ជួនទំនិញទាន់ពេលវេលា ដោយសំរេចចិត្តធ្វើការផ្អាកទទួលបញ្ញើរដើម្បីរៀបចំប្រព័ន្ធការងារខាងក្នុងចំនួនពីរថ្ងៃកន្លងមក។ លោកបន្តថា បរិបទកូវីដ បុគ្គលិកភាគច្រើនមិនអាចមកបន្តធ្វើការងារបាន ខ្លះមានការភ័យខ្លាចមិនបានមកធ្វើការ ការបិទផ្លូវឆ្លងកាត់ខេត្តមួយចំនួន ការបិទគោចរនៅរាជធានីភ្នំពេញ ជាមូលហេតុធ្វើអោយការផ្តល់សេវាកម្មមានភាពរអាក់រអួល។ ក្រុមការងារដែលនៅសេសសល់ បានព្យាយាមធ្វើការស្ទើរតែ ១៦ម៉ោង ក្នុងមួយថ្ងៃ ហាលថ្ងៃខ្លះ ហាលភ្លៀងខ្លះ ប្រឈមនឹងជំងឺឆ្លងខូវីតខ្លះ ថ្ងៃខ្លះ បុគ្គលិក ការងារមួយចំនួនរបស់យើងគាត់ត្រូវស្នាក់នៅកន្លែងធ្វើការព្រោះការបិទគោចរ របស់រាជធានីភ្នំពេញ។ ដើម្បីផ្តល់សេវាកម្មដល់អតិថិជនដែលបានគាំទ្រសេវាកម្មក្រុមហ៊ុនកន្លងមក ប៉ុន្តែវានៅតែមិនអាចបំពេញនូវសេវាដូចការរំពឹងទុករបស់អតិថិជនគ្រប់ៗគ្នាបាន។

លោកឧកញ៉ា សួរ វីរៈ បានបញ្ជាក់ថា ក្រុមហ៊ុនធានាថានឹងដោះស្រាយបញ្ហាទាំងឡាយដល់អតិថិជនទាំងអស់អោយបានឆាប់បំផុត។ ខ្ញុំបាទបានបង្កើតក្រុមការងារ ដើម្បីជួយដោះស្រាយរាល់បញ្ហាតាមរយៈលេខទូរស័ព្ទ : 015634688012634688 ចាប់ពីម៉ោង8ព្រឹក ដល់ ៥ល្ងាច សូមជនឆ្លៀតឱកាសមួយចំនួនដែលបានឆ្លៀតឱកាសយកប្រជាប្រិយភាព ផ្សព្វផ្សាយពត៌មានមិនពិតបញ្ឍប់ការបង្ហោះ និងចែកចាយពត៌មានមិនពិតតទៅទៀត។ ក្រុមហ៊ុនសន្យាថាយើងនឹងបន្តផ្តល់សេវាកម្មឆាប់រហ័សដល់អតិថិជនបន្តទៀត។ សូមចូលរួមទាំងអស់គ្នាការពារខ្លួនអ្នកពីការឆ្លងនូវ ជំងឺកូវីដ-១៩៕

សូមចុចអានអត្ថបទខាងក្រោម៖

រដ្ឋអនុញ្ញាតឲ្យឧកញ៉ាម្នាក់ត្រៀមរថយន្ត ៦៤គ្រឿងបើកចល័តលក់បន្លែ ត្រីសាច់ និងគ្រឿងទេសទូទាំងរាជធានីភ្នំពេញ

The post ឧកញ៉ា សួរ វីរៈ៖ យើងបានធ្វើអស់ពីលទ្ធភាពពិតមែន តែកត្តាឧបសគ្គជាច្រើនធ្វើឲ្យការប្រតិបត្តិការក្នុងក្រុមហ៊ុនមិនមានភាពរលូន ក្នុងបរិបទនេះ appeared first on .

ឯកឧត្តម ទៀ សុខា រួមនឹងឧកញ៉ា សួរ វីរៈ នាំអង្ករ១០តោន និងគ្រឿងឧបភោគបរិភោគមួយចំនួនជូនរដ្ឋបាលខេត្តសៀមរាប

ឧកញ៉ាកោះក្របី — Sun, 01 Nov 2020 04:09:09 +0000

នៅថ្ងៃទី៣០ ខែតុលា ឆ្នាំ២០២០ ឯកឧត្តម ទៀ សុខា និងលោកជំទាវ ព្រមទាំងលោកឧកញ៉ា សួរ វីរៈ អគ្គនាយកក្រុមហ៊ុនវីរៈប៊ុនថាំ និងក្រុមគ្រួសារ បានយកគ្រឿងឧបភោគបរិភោគមួយចំនួនរួមមាន៖ អង្ករ១០តោន មី១០កេសធំ ទឹកត្រី៥០យួរ ទឹកសុីអុីវ៥០យួរ ទឹកបរិសុទ្ធម៉ាកក្រុមហ៊ុនវីរះប៊ុនថាំ ៣០០យួរ និងថវិកាមួយចំនួន ប្រគល់ជូនរដ្ឋបាលខេត្តសៀមរាប ។

ទំព័រហ្វេសបុកផ្លូវការ អភិបាលខេត្តសៀមរាប លោក ទៀ សីហា បានឲ្យដឹងថា ទឹកចិត្តនិងកាយវិការប្រកបអត្ថន័យនេះ បានឆ្លុះបញ្ជាំងពីការចូលរួមរបស់បងប្អូនប្រជាពលរដ្ឋជាមួយរាជរដ្ឋាភិបាលកម្ពុជា ក្នុងពេលដែលប្រជាពលរដ្ឋនៅតាមបណ្តាលរាជធានីខេត្តជួបនូវគ្រោះជំនន់ទឹកភ្លៀងក្នុងរយៈពេលប៉ុន្មានថ្ងៃមកនេះ បានធ្វើឲ្យខូចខាតនូវហេដ្ឋរចនាសម្ព័ន្ធផ្លូវថ្នល់លិចលង់លំនៅដ្ឋានរបស់ប្រជាពលរដ្ឋដែលធ្វើឲ្យបងប្អូន ជួបនូវការខ្វះខាតជាស្បៀងអាហារប្រចាំថ្ងៃផងដែរ។

The post ឯកឧត្តម ទៀ សុខា រួមនឹងឧកញ៉ា សួរ វីរៈ នាំអង្ករ១០តោន និងគ្រឿងឧបភោគបរិភោគមួយចំនួនជូនរដ្ឋបាលខេត្តសៀមរាប appeared first on .