សិក្ខាសាលាបណ្តុះបណ្តាលនេះ ទទួលបានការចូលរួមយ៉ាងច្រើនកុះករ ពីអ្នកដឹកនាំ និងម្ចាស់អាជីវកម្មពីវិស័យនានា ដែលមានបំណងពង្រឹងប្រព័ន្ធគ្រប់គ្រងអង្គភាពឱ្យកាន់តែមានប្រសិទ្ធភាព និងស្ថិរភាពយូរអង្វែង។ វគ្គនេះមិនមែនគ្រាន់តែបង្រៀនទ្រឹស្តីទេ ប៉ុន្តែជាគន្លឹះអនុវត្តពិត សម្រាប់អ្នកដឹកនាំដែលចង់ឈ្នះចិត្តមនុស្ស និងឈ្នះក្នុងអាជីវកម្ម។

សិក្ខាសាលាខាងលើ បានផ្តោតលើគន្លឹះចិត្តសាស្ត្រក្នុងការរៀបចំ និងបែងចែកផលប្រយោជន៍ឱ្យមានយុត្តិធម៌ តុល្យភាព និងតម្លាភាព ដើម្បីបង្កើតទំនាក់ទំនងល្អរវាងថ្នាក់ដឹកនាំ និងបុគ្គលិក។ មាតិកាផ្អែកលើបទពិសោធន៍ជាក់ស្តែង និងករណីសិក្សាអាជីវកម្ម បានផ្តល់ជាគន្លឹះអនុវត្តសម្រាប់បង្កើតទឹកចិត្តការងារ បង្កើនការចូលរួម និងកសាងវប្បធម៌អង្គភាពដែលរឹងមាំ។

សិក្ខាសាលានេះបានបញ្ជាក់យ៉ាងច្បាស់ថា ការបែងចែកផលប្រយោជន៍យ៉ាងត្រឹមត្រូវ មិនមែនធ្វើឱ្យអង្គភាពខាតបង់ឡើយ ប៉ុន្តែជាវិនិយោគសម្រាប់ការកសាងភាពជឿទុកចិត្ត កាត់បន្ថយភាពខ្វែងគំនិត និងជំរុញកំណើនអាជីវកម្មឱ្យរីកចម្រើនយូរអង្វែង និងមាននិរន្តរភាព។

សូមបញ្ជាក់ថា សិក្ខាកាមដែលចូលរួមសិក្ខាសាលានេះទទួលបាន៖

១. ការពង្រឹងសមត្ថភាពដឹកនាំដោយផ្អែកលើចិត្តសាស្ត្រ និងការយល់ដឹងពីធម្មជាតិមនុស្ស ធ្វើឱ្យការដឹកនាំមានប្រសិទ្ធភាព និងទទួលបានការគោរពពិតប្រាកដ។

២. បង្កើតក្រុមការងារដែលជឿជាក់ ស្មោះត្រង់ និងមានអារម្មណ៍ជាម្ចាស់អាជីវកម្មរួមជាមួយអ្នក ដោយបង្កើតបរិយាកាសការងារដែលមានទំនាក់ទំនងល្អ និងការគាំទ្រគ្នាទៅវិញទៅមក។

៣. ដោះស្រាយបញ្ហាបុគ្គល និងបញ្ហាក្រុមការងារ ដោយប្រើវិធីសាស្ត្រចិត្តសាស្ត្រដែលជួយកាត់បន្ថយជម្លោះ និងបង្កើនការសហការ។

៤. បង្កើតប្រព័ន្ធប្រាក់រង្វាន់ និងអត្ថប្រយោជន៍ដែលមានយុត្តិធម៌ ជួយឱ្យក្រុមការងាររីកចម្រើនជាមួយអាជីវកម្ម មិនមែនធ្វើការដើម្បីប្រាក់ខែប៉ុណ្ណោះទេ ប៉ុន្តែធ្វើការដោយចិត្ត និងគោលបំណង។

៥. បម្លែងអ្នកដឹកនាំធម្មតា ទៅជាអ្នកដឹកនាំដែលបំផុសកម្លាំងចិត្ត ទាក់ទាញមនុស្សដោយចិត្ត មិនមែនដោយអំណាច។

៦. បង្កើនការលក់ និងប្រាក់ចំណេញ យ៉ាងតិច ២ ដង តាមរយៈប្រព័ន្ធលើកទឹកចិត្ត និងការចូលរួមពេញលេញរបស់ក្រុមការងារ។

៧. ជួយឱ្យម្ចាស់អាជីវកម្ម សុខកាយ សប្បាយចិត្ត និងមានជីវិតដែលមានសេរីភាព ព្រោះអាជីវកម្មដំណើរការដោយប្រព័ន្ធ មិនមែនពឹងផ្អែកលើម្ចាស់តែម្នាក់ឯង៕

The post ឧកញ៉ាបណ្ឌិត សេង វណ្ណារិទ្ធ បានរៀបចំ និងដឹកនាំសិក្ខាសាលាបណ្ដុះបណ្ដាលសម្រាប់ម្ចាស់អាជីវកម្ម និងអ្នកដឹកនាំអង្គភាព ក្រោមប្រធានបទ«ចិត្តសាស្ត្របែងចែកផលប្រយោជន៍» appeared first on .

លោកឧកញ៉ា បណ្ឌិត សេង វណ្ណារិទ្ធ អគ្គនាយកសាលាអន្តរជាតិ ចុងអ៊ីង បានលើកឡើងថា៖ “ក្តីស្រឡាញ់អាចជាអាវុធមុខពីរ ប៉ុន្តែមានតែក្តីស្រឡាញ់ដ៏បរិសុទ្ធ និងគ្មានលក្ខខណ្ឌប៉ុណ្ណោះ ទើបអាចជួយឲ្យកូនៗរីកចម្រើន និងឈានដល់កំពូលសក្ដានុពលពេញលេញ។ ការសិក្សាក៏នឹងផ្តល់លទ្ធផលគ្មានព្រំដែន នៅពេលកូនៗរៀនដោយចិត្តស្រឡាញ់ និងចំណង់ចំណូលចិត្តពិតប្រាកដចំពោះវិស័យណា មួយ។”

លោកឧកញ៉ា បណ្ឌិត សេង វណ្ណារិទ្ធ ក៏បានលើកទឹកចិត្តឪពុកម្តាយ និងអ្នកអាណាព្យាបាលឲ្យយកចិត្តទុកដាក់ខ្ពស់លើកុមារក្រោមអាយុ ១២ ឆ្នាំ ដែលជាវ័យសំខាន់នៃការផ្លាស់ប្តូរផ្នែករាងកាយ ផ្លូវចិត្ត និងអត្តចរិតរួមមានដូចជា ជៀសវាងការដាក់សម្ពាធ ឬប្រៀបធៀបកូន ធ្វើជាមិត្ត ស្តាប់ ប្រឹក្សា និងលើកទឹកចិត្តលើចំណង់ចំណូលចិត្តរបស់កូន ជំរុញឱ្យកូនបន្តសិក្សា និងអភិវឌ្ឍគំនិតច្នៃប្រឌិត។

ចំពោះហេតុផលដែលឪពុកម្តាយ និងអ្នកអាណាព្យាបាល គួរជ្រើសរើសសាលាអន្តរជាតិ ចុងអ៊ីង គឺ ១.បរិយាកាសសិក្សា៖ មានសុវត្ថិភាព ផាសុកភាព និងបំពាក់សម្ភារទំនើប ២. ការអប់រំស្តង់ដារអន្តរជាតិ៖ សិស្សបញ្ចប់ការសិក្សានៅ សាលាអន្តរជាតិចុងអ៊ីង ទទួលបានសញ្ញាបត្រវិទ្យាល័យដែលទទួលស្គាល់ដោយ OxfordAQA និងមានសមមូលជាមួយសញ្ញាបត្រវិទ្យាល័យជាតិ ដែលចេញដោយក្រសួងអប់រំ យុវជន និងកីឡា។ ការទទួលស្គាល់នេះបញ្ជាក់ពីការប្តេជ្ញាខ្ពស់របស់ សាលាអន្តរជាតិ ចុងអ៊ីង ក្នុងការផ្តល់អាជ្ញាបណ្ណសិក្សាដែលទទួលស្គាល់ជាសកលដោយបើកទ្វារឱកាសអន្តរជាតិ ដល់សិស្សលើកម្មវិធីសិក្សាបីភាសា៖ ខ្មែរ – អង់គ្លេស – ចិន រួមបញ្ចូល STEAM បច្ចេកវិទ្យា AI និងជំនាញប្រកួតប្រជែងសកល។ សាលាអន្តរជាតិ ចុងអ៊ីង បានដាក់គោលដៅរៀបចំសិស្សឱ្យឆ្នើមទាំងផ្នែកសិក្សា និងការអភិវឌ្ឍផ្ទាល់ខ្លួន ដើម្បីក្លាយជាពលរដ្ឋសកល អ្នកដឹកនាំគំរូ និងសហគ្រិនឆ្នើមលំដាប់ពិភពលោក។

សូមជម្រាបជូនថា សាលាអន្តរជាតិ ចុងអ៊ីង ប្តេជ្ញាបណ្តុះបណ្តាលសិស្សដោយផ្អែកលើគុណតម្លៃស្នូល ដើម្បីឲ្យកូនៗរីកចម្រើនជាមួយក្តីស្រឡាញ់ និងសក្តានុពលពេញលេញ គឺ ១.សីលធម៌៖ លើកស្ទួយសុចរិតភាព ទំនួលខុសត្រូវ និងការដឹងគុណ​ ២. សុខុមាលភាព៖ គាំទ្រសុខភាពផ្លូវកាយ ផ្លូវចិត្ត និងអារម្មណ៍ និង ៣.សមត្ថភាព បំពាក់ចំណេះដឹង ជំនាញ និងទំនុកចិត្តសម្រាប់ភាពជោគជ័យនាថ្ងៃអនាគត។

The post លោកឧកញ៉ា បណ្ឌិត សេង វណ្ណារិទ្ធ អគ្គនាយកសាលាអន្តរជាតិ ចុងអ៊ីង (ZYIS) ចែករំលែកបទពិសោធន៍ក្នុងការចិញ្ចឹមកូនដោយ ក្តីស្រឡាញ់ដ៏បរិសុទ្ធ នៅក្នុងពិធីប្រគល់វិញ្ញាបនបត្របញ្ចប់ការសិក្សា appeared first on .

ការបរិច្ចាគដ៏មានតម្លៃនេះ មានគោលបំណងចម្បងក្នុងការគាំទ្រដល់បេសកកម្មរបស់មូលនិធិគន្ធបុប្ផា ក្នុងការផ្ដល់សេវាសុខភាពពិនិត្យ និងព្យាបាលដល់ទារក និងកុមារកម្ពុជាទូទាំងប្រទេស ដោយឥតគិតថ្លៃ មិនរើសអើង និងមានគុណភាពខ្ពស់ជាប្រចាំ។ នេះជាកិច្ចសហការមនុស្សធម៌មួយ ដែលបង្ហាញពីទឹកចិត្ត និងស្មារតីសង្គមរបស់សាលាអន្តរជាតិចុងអ៊ីង។

សាលាអន្តរជាតិចុងអ៊ីង សូមថ្លែងអំណរគុណយ៉ាងជ្រាលជ្រៅចំពោះមូលនិធិគន្ធបុប្ផា ក្រុមការងារ មាតាបិតា អ្នកអាណាព្យាបាលសិស្សានុសិស្សទាំងអស់ ដែលបានឧបត្ថម្ភដល់បេសកកម្មដ៏មានតម្លៃនេះដើម្បីការពារជីវិតកុមារ និងស្ថាបនាអនាគតដ៏រីកចម្រើនសម្រាប់កម្ពុជា។

សូមជម្រាបថា សាលាអន្តរជាតិចុងអុីង គឺជាសាលាអន្តរជាតិឈានមុខគេដែលផ្តល់ការអប់រំចំណេះទូទៅ បីភាសាគឺ ខ្មែរ អង់គ្លេស និងចិន ទទួលសិស្សចាប់ពីអាយុ២ឆ្នាំ ដល់ថ្នាក់ទី១២ ។​ ចុងអុីង ផ្តល់បរិយាកាសសិក្សាដែលមានសុវត្ថិភាព ផាសុខភាព និងសម្ភារៈបរិក្ខារទំនើបទាន់សម័យ។កាន់តែពិសេសនោះ សាលាអន្តរជាតិ ចុងអុីង ផ្តល់ការអប់រំលំដាប់ពិភពលោក សញ្ញាប័ត្រទទួលស្គាល់ដោយចក្រភពអង់គ្លេស កម្មវិធីសិក្សា៣ភាសា ដែលផ្តោតសំខាន់លើសុខុមាលភាព ជំនាញទំនាក់ទំនង បច្ចេកវិទ្យាAI គំនិតច្នៃប្រឌិត និងសមត្ថភាពប្រកួតប្រជែងកម្រិតពិភពលោក។ អ្វីដែលជាចំនុចសំខាន់នោះគឺ ចុងអុីង បណ្តុះបណ្តាលបុត្រធីតាលោកអ្នកឱ្យក្លាយទៅជាមនុស្សល្អ អ្នកដឹកនាំគំរូ និងសហគ្រិនឆ្នើមនៅថ្ងៃអនាគត៕

The post ឧកញ៉ាបណ្ឌិត សេង វណ្ណារិទ្ធ អគ្គនាយកសាលាអន្តរជាតិ ចុងអុីង បានបរិច្ចាគទឹកប្រាក់ចំនួន ១២ លានរៀល ជូនមូលនិធិគន្ធបុប្ផាកម្ពុជា appeared first on .

ពិធីចុះហត្ថលេខាអនុស្សរណៈនៃការយោគយល់គ្នាដ៏មានសារ:សំខាន់រវាងភាគីទាំងពីរគឺជា កិច្ចសហប្រតិបត្តិការរួមដែលមានគោលបំណងផ្តល់អត្ថប្រយោជន៍ជាច្រើនដល់សមាជិករបស់ស្ថាប័នទាំងពីរ ដោយបុគ្គលិក និងអតិថិជនរបស់អម្រឹត នឹងទទួលបានអាហារូបករណ៌ពិសេស សម្រាប់ការចុះឈ្មោះបុត្រធីតាចូលរៀននៅសាលាអន្តរជាតិ ចុងអុីង។

លើសពីនេះទៀត អ្នកអាណាព្យាបាល បុគ្គលិក និងលោកគ្រូអ្នកគ្រូនៃសាលាអន្តរជាតិ ចុងអុីង ក៏អាចប្រើប្រាស់សេវាហិរញ្ញវត្ថុសមរម្យពី អម្រឹត ដើម្បីគាំទ្រការសិក្សារបស់កូនៗបានយ៉ាងងាយស្រួល និងមានប្រសិទ្ធភាព។

សាលាអន្តរជាតិចុងអុីង គឺជាសាលាអន្តរជាតិឈានមុខគេដែលផ្តល់ការអប់រំចំណេះទូទៅ ៣ភាសាគឺ ខ្មែរ អង់គ្លេស និងចិន ទទួលសិស្សចាប់ពីអាយុ២ឆ្នាំ ដល់ថ្នាក់ទី១២ ។​ ចុងអុីង ផ្តល់បរិយាកាសសិក្សាដែលមានសុវត្ថិភាព ផាសុខភាព និងសម្ភារៈបរិក្ខារទំនើបទាន់សម័យ។កាន់តែពិសេសនោះ សាលាអន្តរជាតិ ចុងអុីង ផ្តល់ការអប់រំលំដាប់ពិភពលោក សញ្ញាប័ត្រទទួលស្គាល់ដោយចក្រភពអង់គ្លេស កម្មវិធីសិក្សា៣ភាសា ដែលផ្តោតសំខាន់លើសុខុមាលភាព ជំនាញទំនាក់ទំនង បច្ចេកវិទ្យាAI គំនិតច្នៃប្រឌិត និងសមត្ថភាពប្រកួតប្រជែងកម្រិតពិភពលោក។អ្វីដែលជាចំនុចសំខាន់នោះគឺ ចុងអុីង បណ្តុះបណ្តាលបុត្រធីតាលោកអ្នកឱ្យក្លាយទៅជាមនុស្សល្អ អ្នកដឹកនាំគំរូ និងសហគ្រិនឆ្នើមនៅថ្ងៃអនាគត។

អម្រឹត គឺជាគ្រឹះស្ថានមីក្រូហិរញ្ញវត្ថុឈានមុខគេមួយនៅក្នុងចំណោមគ្រឹះស្ថានហិរញ្ញវត្ថុធំៗចំនួន១០ នៅក្នុងប្រទេសកម្ពុជា ដែលផ្តល់ផលវិជ្ជមានដល់សង្គម។ Bank SinoPac (ធនាគារ សាយណូផេក)គឺជាភាគទុនិកធំនៅក្នុងអម្រឹត រួមជាមួយនឹងភាគទុនិកចំនួន០២ផ្សេងទៀតដែលជា ស្ថាប័នអន្តរជាតិ មានកិត្តិនាម និងត្រូវបានទទួលស្គាល់ថាជាស្ថាប័នដែលមានភាពច្នៃប្រឌិត និងទំនួលខុសត្រូវខ្ពស់ផ្នែកសង្គម ។ ក្នុងដំណើរវិវត្តន៍ និងការរីកចម្រើនរបស់ខ្លួន អម្រឹត បន្តបំពេញបេសកកម្មក្នុងការផ្តល់សេវាហិរញ្ញវត្ថុដែលស្របតាមតម្រូវការចាំបាច់របស់អតិថិជន៕

The post ឧកញ៉ាបណ្ឌិត សេង វណ្ណារិទ្ធ និងលោក ដុស ឌីន ចុះហត្ថលេខាលើអនុស្សរណៈនៃការយោគយល់គ្នាផ្ដើមកិច្ចសហការរវាង សាលាអន្តរជាតិ ចុងអុីង និងគ្រឹះស្ថានមីក្រូហិរញ្ញវត្ថុ អម្រឹត appeared first on .

លោក សេង វណ្ណារិទ្ធ បច្ចុប្បន្នជាអគ្គនាយក​សាលាអន្តរជាតិចុងអ៊ីង (Zhong Ying International School)។ ម្ចាស់សាលាអន្តរជាតិ​មួយ​នេះ​ ធ្លាប់​ទទួល​បាន​ពាន Outstanding Accounting Award (ពានគណនេយ្យ​ឆ្នើម) ដែល​ប្រគល់​ផ្ទាល់ដោយ​ឯកឧត្តម​បណ្ឌិត ​ហ៊ុន​ ម៉ាណែត​ អគ្គមេបញ្ជាការ​រង​កងយោធពលខេមរភូមិន្ទ​និងជាមេ​បញ្ជាការ​កងទ័ពជើងគោក កាលឆ្នាំ២០១៩។ ពាននេះបានបង្ហាញពីការទទួលស្គាល់ និងលើក​ទឹកចិត្ត​ដល់​សហគ្រិន​ឆ្នើមរបស់ CEO Master Club ដែលបានរៀបចំរបៀបរបប និងស្តង់ដារគ្រប់គ្រងគណនេយ្យ និងហិរញ្ញវត្ថុ បានល្អ រឹងមាំ សម្រាប់ក្រុមហ៊ុនរបស់ខ្លួន។

សាលាអន្តរជាតិ ចុងអ៊ីង ជាសាលា​ផ្តល់ការអប់រំចំណេះទូទៅ ៣ភាសាគឺ ចិន អង់គ្លេស និង​ខ្មែរ ចាប់ពីអាយុ២ឆ្នាំ ដល់ថ្នាក់ទី១២ និងទទួលស្គាល់ដោយក្រសួងអប់រំ យុវជន និងកីឡា។ សាលាអន្តរជាតិ ចុងអ៊ីង ត្រូវបាន​បង្កើត​ឡើងដោយសហគ្រិនឆ្នើម២រូប ដែលមានបេះដូងស្រឡាញ់វិស័យអប់រំនៅព្រះរាជាណាចក្រកម្ពុជា ដោយមាន​លោក អោម សេងបូរា ជាស្ថាបនិកនៃវិទ្យាស្ថាន CEO និង CEO Master Club រួមសហការជាមួយលោក សេង វណ្ណារិទ្ធ។

គួរ​បញ្ជាក់​ថា អន្តរជាតិ ចុងអ៊ីង ​បានចាប់ផ្តើមដំណើរការដំបូង នៅថ្ងៃទី៩ ខែកញ្ញា ឆ្នាំ២០១៨។ បច្ចុប្បន្ន ដោយមានការគាំទ្រពីសំណាក់សិស្សានុសិស្ស រួមទាំងអ្នកអាណាព្យាបាលផងដែរនោះ សាលាបាន​ពង្រីកខ្លួន​រហូតដល់៦សាលា រួមមាន សាខាឈូកមាស(ពោធិ៍ចិនតុង) សាខាអ៊ីអន២ សាខាក្រុងតាខ្មៅ សាខាផ្សារដេប៉ូ សាខាទួលទំពូង (ទំនប់ទឹក) និង​សាខា​ ពេទ្យ​លោកសង្ឃ ​​​​ដែល​ទើប​នឹង​បើក​ជាផ្លូវការនៅ​ដើមខែ​ឧសភា ឆ្នាំ២០២៣​នេះ៕

The post ព្រះមហាក្សត្រ ចេញព្រះរាជក្រឹត្យផ្តល់គោរមងារអគ្គនាយកសាលាអន្តរជាតិចុងអ៊ីង ជា «ឧកញ៉ា» appeared first on .