ថ្ងៃនេះ ឧកញ៉ាញូស៍ សូមដកស្រង់សារសំខាន់ៗរបស់ថ្នាក់ដឹកនាំកំពូល មន្ត្រីជាន់ខ្ពស់ និងអ្នកសារព័ត៌មានមួយចំនួន ដូចខាងក្រោម៖

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានអំពាវនាវឲ្យអ្នកសារព័ត៌មានគោរពក្រមសីលធម៌ វិជ្ជាជីវៈរបស់ខ្លួនឲ្យបានត្រឹមត្រូវ ក្នុងការរាយការណ៍ព័ត៌មាន រាប់ទំាងការរាយការណ៍ក្នុងព្រឹត្តិការណ៍ស៊ីហ្គេម ដែលជាប្រវត្តិសាស្រ្តរបស់កម្ពុជា។

សម្តេចបញ្ជាក់ថា ទាំងអ្នកសារព័ត៌មានជាតិ និងអន្តរជាតិ «ត្រូវមានការទទួលខុសត្រូវខ្ពស់ ក្នុងការចូលយកព័ត៌មាន និងផ្សព្វផ្សាយព័ត៌មាន ដោយរក្សាសណ្តាប់ធ្នាប់ របៀបរៀបរយនៅតាមទីលានប្រកួត និងតាមទីតាំងផ្សេងៗ ដើម្បីឲ្យការរៀបចំការប្រកួតបានប្រព្រឹត្តិទៅដោយភាពរលូន គ្មានការរំខានដល់ការប្រកួត»។

ទន្ទឹមនឹងការអំពាវនាវ សម្តេចតេជោនាយករដ្ឋមន្ត្រី ក៏បានបញ្ជាក់ជំហររបស់រាជរដ្ឋាភិបាលសារជាថ្មីថា គឺបន្តការប្ដេជ្ញាចិត្តក្នុងការគាំពារសិទ្ធិសេរីភាពនៃការបញ្ចេញមតិ និងសេរីភាពខាងសារព័ត៌មាននៅកម្ពុជា ស្របតាមរដ្ឋធម្មនុញ្ញ និងច្បាប់ស្តីពីរបបសារព័ត៌មានផងដែរ។

ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន បានលេីកឡេីងនៅថ្ងៃទិវាសេរីភាពសារព័ត៌មានលេីហ្វេសប៊ុករបស់ឯកឧត្តមថា៖ «ស្អប់ ឬស្រឡាញ់ រាជរដ្ឋាភិបាលនេះយ៉ាងណាក្ដី កុំភ្លេច ថាស៊ីហ្គេមទី៣២ នេះជាមោទកភាពជាតិខ្មែរទាំងមូល»។

ចំណែកឯកឧត្តម នេត្រ ភក្ត្រា រដ្ឋលេខាធិការក្រសួងបរិស្ថាន បានបង្ហោះសារសូមអបអរសាទរទិវាសេរីភាពសារព័ត៌មាន ភ្ជាប់នឹងសារថា៖ «អនុវត្តក្រមសីលធម៌វិជ្ជាជីវៈ ទំនើបកម្មស្ថាប័ន កសាងសមត្ថភាព
ផ្នែកជំនាញបច្ចេកទេស ការផលិត និងផ្សព្វផ្សាយព័ត៌មាន»។

ដោយឡែករដ្ឋលេខាធិការក្រសួងព័ត៌មាន ឯកឧត្តម ប៉ែន បូណា សរសេរក្នុងបណ្តាញសង្គមហ្វេសប៊ុនៅថ្ងៃនេះថា «ជារៀងរាល់ឆ្នាំ ជាពិសេសនៅថ្ងៃ៣ឧសភា គេតែងលឺរបាយការណ៍រិះគន់ស្ថានភាពសេរីភាពសារព័ត៌មានក្នុងប្រទេសនេះ ប្រទេសនោះ ជាពិសេសប្រទេសតូចតាច និងទន់ខ្សោយ។ ពាក្យដែលគេលឺញឹកញាប់បំផុតគឺ”សារព័ត៌មានឯករាជ្យ”»។

ឯកឧត្តមក៏បានចោទជាសំនួរថា តើអ្វីជាសារព័ត៌មានឯករាជ្យ? តើប្រទេសណាដែលមាន “សារព័ត៌មានឯករាជ្យ” ពិតប្រាកដសម្រាប់ធ្វើជាគំរូស្តង់ដា? ឯកឧត្តម ក៏បានភ្ជាប់នូវរូបត្លុក ដែលមានន័យរិះគន់សារព័ត៌មានលោកខាងលិចដែលជាមហាប្រទេសប្រជាធិបតេយ្យជឿនលឿនក្នុងលោក នឹងបានផ្តាំផ្ញើសូមបងប្អូនពិចារណាតាមការគួរ។

ចំណែកឯកឧត្តម ហ៊ុយ វណ្ណៈ រដ្ឋលេខាធិការក្រសួងមហាផ្ទៃ និងជាប្រធានសហភាពសហព័ន្ធអ្នកសារព័ត៌កម្ពុជា បានបង្ហោះសារលើហ្វេសប៊ុកថា៖ «ខ្ញុំលើកទឹកចិត្តសារព័ត៌មាន បន្តប្រឹងអភិវឌ្ឍខ្លួនឱ្យខ្លាំង ឱ្យមានតម្លៃ នោះមិនពិបាកសុំគេ ហើយអ្នកអាចជំនះបានការរើសអើង និងការមើលងាយ»។

រីឯលោក ពុយ គា ប្រធានក្លិបអ្នកកាសែតកម្ពុជាវិញ ដែលកំពុងនៅក្រៅប្រទេសបានសរសេរសារលើបណ្តាញសង្គមហ្វេសប៊ុកថ្ងៃនេះដែរថា៖ «កិច្ចប្រជុំកំពូលនៅទីក្រុង Seoul ដែលមានមេដឹកនាំ និងតំណាងមកពី១៥៧ប្រទេសរួមទាំងអតីតរដ្ឋមន្រ្តីការបរទេសអាម៉េរិកលោក Pompeo និងប្រធានសភា លោក Newton បានឱ្យតម្លៃខ្ពស់ដល់វិស័យសារព័ត៌មាន និងយកសារព័ត៌មានជាដៃគូដែលមិនអាចខ្វះបានដើម្បីសន្តិភាពពិភពលោក»។

ចំណែកឯលោកសាស្រ្តាចារ្យ មឿន ឈានណារិទ្ធ បានបង្ហោះសារលើបណ្តាញសង្គមហ្វេសប៊ុកថ្ងៃនេះដែថា៖ «សេរីភាពសារព័ត៌មាន គឺជាអភ័យឯកសិទ្ធិដ៏ថ្លៃថ្លាដែលគ្មានប្រទេសណាអាចអត់វាបាននោះឡើយ។ មហាត្មៈ គន្ធី រីករាយទីវាសេរីភាពសារព័ត៌មានពិភពលោក ៣ឧសភា!»។

ក្រៅពីនោះ អ្នកសារព័ត៌មានជាច្រើនទៀត ដែលកំពុងប្រកបអាជីពក្នុងវិជ្ជាជីវៈ ក៏បានបង្ហោះសារអបអរសារទរទិវាសេរីភាពសារព័ត៌មានពិភពលោក ៣ ឧសភា នៅលើបណ្តាញសង្គមរបស់ខ្លួនផងដែរ។ អ្នកខ្លះលើកឡើងថា៖ «មិនមែនជា អ្នកកាសែតកីឡា តែខ្ញុំនឹងចូលរួមផ្សព្វផ្សាយ ព្រឹត្តិការណ៍កីឡាស៊ីហ្គេម ដែលកម្ពុជាធ្វើជាម្ចាស់ផ្ទះ តាមលទ្ធភាពរបស់ខ្ញុំ»។ «អ្នកសារព័ត៌មានគ្មានទេឥទ្ធិពល តែមនុស្សនឹងពុលបើទទួលបាន និងជឿតាមពត៌មានខុស»។

អ្នកសារព័ត៌មានមួយចំនួនទៀត ក៏បង្ហាញពីមោទនភាពដែលអាចជួយសង្គមជាតិតាមរយៈវិស័យព័ត៌មាន និងបានចាត់ទុកគុណភាពព័ត៌មានគឺជាផ្នែកមួយដែលធ្វើឲ្យវិស័យព័ត៌មាន មានអំណាចពិតប្រាកដ។ ស្ថិតឱកាសទិវាសេរីភាពសារព័ត៌មានពិភពលោកឆ្នាំ២០២៣នេះ ស្របពេលនៃព្រឹត្តិការណ៍ប្រវត្តុិសាស្រ្ត៦៤ឆ្នាំដែលខ្មែររងចាំក្នុងភាពជាម្ចាស់ផ្ទះ កីឡាសុីហ្គេមលើកទី៣២ និងអាស៊ានប៉ារ៉ាហ្គេមលើកទី១២ អ្នកសារព័ត៌រឹតតែមានតួនាទីសំខាន់ និងពង្រឹងឆន្ទៈវិជ្ជាជីវៈឲ្យរឹងមាំផ្សព្បផ្សាយព័ត៌ពីកីឡាសុីហ្គេម ដែលមានវត្តមាននៅលើទឹកដីអច្ឆរិយៈ ឲ្យពិភពលោកបានស្គាល់ខ្មែរកាន់តែទូលំទូលាយ។

ទន្ទឹមនេះ អ្នកសារព័ត៌មានក៏គោរពដោយស្មោះស ចំពោះវីរភាពដ៏មោះមុតរបស់ចាស់ទុំ និងរៀមច្បងអ្នកសារព័ត៌មានជាតិ និងអន្តរជាតិ គ្រប់ជំនាន់ គ្រប់សម័យកាលដែលបានបន្សល់ទុកនូវចំណេះដឹងល្អៗប្រកបដោយវិជ្ជាជីវៈ ព្រមទាំងប្តេជ្ញាពង្រីក និងពង្រឹងស្មារតីទទួលខុស ចំពោះវិជ្ជាជីវៈព័ត៌មានរបស់ខ្លួនផងដែរ៕

អត្ថបទ៖ អក្ខរា

The post ទិវាសេរីភាពសារព័ត៌មាន ៣ឧសភា! ថ្នាក់ដឹកនាំកំពូល មន្ត្រីជាន់ខ្ពស់ និងអ្នកសារព័ត៌មាន មានសារសំខាន់ៗអ្វីខ្លះ? appeared first on .

លោក សុខ ប្រសិទ្ធ បច្ចុប្បន្នកំពុងកាន់តួនាទីជារដ្ឋលេខាធិការក្រសួងព័ត៌មាន និងជាប្រធានឧត្តមមន្ត្រីទទួលបន្ទុកព័ត៌មានអាស៊ាន-កម្ពុជា ហើយក៏សមាជិក គណៈកម្មាធិការពិសេស តាមដានការអនុវត្ត កម្មវិធីសកម្មភាព នៃសន្និសីទអន្តរជាតិ ស្ដីពីប្រជាជននិងអភិវឌ្ឍន៍។

ចំណែកឯ លោក លី វ៉ាន់ហុង ជាប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គនាយក នៃអគ្គនាយកដ្ឋាន រដ្ឋបាលនិងហិរញ្ញាវត្ថុ ក្រសួងព័ត៌មាន។

សូមជម្រាបថា បច្ចុប្បន្នក្រសួងព័ត៌មានកម្ពុជា ដឹកនាំដោយលោក ខៀវ កាញារីទ្ធ ដែលបាននឹងកំពុងកាន់តួនាទីជារដ្ឋមន្ត្រីជាច្រើនឆ្នាំមកហើយ ក៏ជាឥស្សរៈជាន់ខ្ពស់មួយរបស់គណបក្សប្រជាជនកម្ពុជា និងជាប្រធានក្រុមការងារចុះជួយស្រុកកោះសូទិន ខេត្តកំពង់ចាម៕

The post មន្រ្តីជាន់ខ្ពស់ក្រសួងព័ត៌មានពីររូប តែងតាំងជាទីប្រឹក្សាផ្ទាល់សម្តេចតេជោនាយករដ្ឋមន្ត្រី ឋានៈស្មើរដ្ឋមន្ត្រី appeared first on .

សេចក្តីសម្រេចរបស់ក្រសួងព័ត៌មាន បានបញ្ជាក់ថា មជ្ឈមណ្ឌលកម្ពុជា ដើម្បីប្រព័ន្ធផ្សព្វផ្សាយឯករាជ្យ CCIM បានរំលោភយ៉ាងធ្ងន់ធ្ងរលើវិជ្ជាជីវៈសារព័ត៌មានធ្វើឲ្យប៉ះពាល់ដល់កិត្តិយស និងកិត្យានុភាពរបស់រាជរដ្ឋាភិបាលកម្ពុជា ហើយមិនព្រមធ្វើការកែសម្រួលតាមបទបញ្ញត្តិច្បាប់ស្តីពីរបបសារព័ត៌មាន។

សូមជម្រាបជូនថា សម្តេចតេជោ ហ៊ុន សែន នាយករដ្ឋមន្រ្តី នៅយប់ថ្ងៃទី១២ កុម្ភៈម្សិលមិញ បានសម្តែងការសោយស្តាយ និងមិនអាចទទួលយកបានឡើយចំពោះលិខិតរបស់វិទ្យុ VOD ចំនួនពីរទំព័រ ផ្ញើជូនសម្តេច ដោយប្រើប្រាស់ពាក្យសោកស្តាយ និងសូមអធ្យាស្រ័យជំនួសឲ្យពាក្យសុំទោស ក្នុងរឿងអត្ថបទព័ត៌មានពាក់ព័ន្ធឧត្តមសេនីយឯកល ហ៊ុន ម៉ាណែត ដែល VOD ចុះផ្សាយថា «ឧត្តមសេនីយ៍ឯក ហ៊ុន ម៉ាណែត ចុះហត្ថលេខាជំនួសម្តេចតេជោនាយករដ្ឋមន្រ្តីក្នុងការផ្តល់ជំនួយដល់ប្រទេសតួកគី ក្រោយរងគ្រោះធម្មជាតិ នាពលេថ្មីៗនេះ»។

សម្តេចតេជោ ហ៊ុន សែន លើទំព័រហ្វេសប៊ុកផ្ទាល់ខ្លួនបានសរសេរថា «តើការប្រើពាក្យសោកស្តាយនិងសូម អធ្យាស្រ័យវាជំនួសឲ្យពាក្យសុំទោសបានដែរឬទេ? សម្រាប់ខ្ញុំមិនអាចទទួលយកបានឡើយ។ តើការបកស្រាយបំភ្លឺនៅទីនេះមានចេតនាទម្លាក់កំហុសឲ្យមន្ត្រីរាជរដ្ឋាភិបាលមែនទេ? ទុកជូនឯកឧត្តមផៃ សុីផាន ពិនិត្យលទ្ធភាពប្តឹងទៅតុលាការ»។

សម្តេចតេជោ ហ៊ុន សែន គូសបញ្ជាក់ថា សម្តេចបានកាន់តំណែងក្នុងរដ្ឋរយៈពេលជាង៤៤ឆ្នាំហើយក្នុងនោះតំណែងនាយករដ្ឋមន្ត្រីរយៈពេលជាង៤៤ឆ្នាំ សម្តេចពិតជាយល់ដឹងល្មមគ្រប់គ្រាន់នូវពាក្យពេចន៍ដែលត្រូវបានប្រើរាប់ទាំងពាក្យសំដីវាគ្មិនមួយចំនួនដែលចូលមកសម្ភាសក្នុងរឿងផ្លូវច្បាប់ទាក់ទងដល់ការផ្តល់ជំនួយដល់ប្រទេសតួកគីដែលវាគ្មិនខ្លះព្យាយាមវាយទាំងឪវាយទាំងកូនដែលកូននោះគឺ លោក ហ៊ុន ម៉ាណែត ដែលលោកពុំបានដឹងរឿងអ្វីសោះ។ សម្តេចតេជោដាក់ជាសំនួរថា តើនេះឬជាវិជ្ជាជីវៈដែលអស់លោកចង់ផ្សាយដោយអចេតនានោះ?។

ជាមួយគ្នានោះ ដើម្បីកុំឲ្យវែងឆ្ងាយសម្តេចតេជោ ហ៊ុន សែន បានសម្រេចមិនទទួលយកការសំដែងការសោកស្តាយនិងសូមការអធ្យាស្រ័យជំនួសឲ្យការសុំទោសរបស់អស់លោក (វិទ្យុ VOD) ដែលជាសេចក្តីថ្លៃថ្នូរនិងកិត្តិយសរបស់អស់លោកនោះឡើយ។

សម្តេចតេជោ បញ្ជាក់បន្ថែមទៀតថា ក្នុងនាមរាជរដ្ឋាភិបាលដែលត្រូវការពារកិត្តិយសរបស់ខ្លួន សម្តេចសម្រេចបញ្ចប់រឿងនេះដោយឲ្យក្រសួងព័ត៌មានលុបចោលអាជ្ញាប័ណ្ណវិទ្យុវីអូឌី (VOD) ចាប់ពីពេលនេះតទៅនិងត្រូវបញ្ចប់ការផ្សាយនៅត្រឹមម៉ោង ១០.០០នាទីថ្ងៃ១៣ កុម្ភៈ ២០២៣ ជាកំហិត។

ទន្ទឹមនឹងនោះ សម្តេចតេជោក៏បានឲ្យសាលារាជធានីភ្នំពេញនិងស្ថាប័នពាក់ពន្ធ័ជួយការពារសណ្តាប់ធ្នាប់និងទ្រព្យសម្បត្តិនៃវិទ្យុនេះឲ្យបានគង់វង្ស។ សម្តេចបញ្ជាក់ថា បិទតែការផ្សាយគ្រប់ប្រភេទនៃវិទ្យុនេះប៉ុណ្ណោះ តែមិនប៉ៈពាល់ទ្រព្យសម្បត្តិរបស់គេទេ។ សូមមិត្តភក្តិបរទេសដែលផ្តល់លុយឲ្យវិទ្យុនេះបង្វិលលុយទៅប្រទេសវិញឬជួយទៅប្រទេសផ្សេង។ សូមបុគ្គលិកដែលធ្វើការនៅវិទ្យុនេះស្វែងរកការងារធ្វើនៅកន្លែងផ្សេងទៀត៕

The post លោក ខៀវ កាញារិទ្ធ សម្រេចលុបអាជ្ញាបណ្ណវិទ្យុ VOD ជាផ្លូវការ appeared first on .

ការដែលលោក ខៀវ កាញារីទ្ធ ប្រគល់ភារកិច្ចជូនលោក ប៉ែន បូណា នេះទំនងធ្វើឡើងបន្ទាប់ពីអ្នកសារព័ត៌មានមួយក្រុមនាពេលថ្មីៗនេះ បានព្រឹត្តខុសក្រមសីលធម៌វិជ្ជាជីវៈសារព័ត៌មាន ក្នុងករណីគ្រោះចរាចរណ៍មួយកើតឡើងនៅលើស្ពានជ្រោយចង្វារ ដែលធ្វើឱ្យមានការវែកញែកពេញបណ្តាញសង្គម និងអ្នកសារព័ត៌មានមួយចំនួនទៀតកំពុងតែប្រព្រឹត្តិខុសពីក្រមសីលធម៌ វិជ្ជាជីវៈសារព័ត៌មាន ហើយធ្វើឲ្យមហាជនរិះគន់មកលើអ្នកសារព័ត៌មានទាំងមូលនៅប្រទេសកម្ពុជា។

លើទំព័រហ្វេសប៉ុកនាព្រឹកថ្ងៃសុក្រទី៣ កុម្ភៈនេះ លោក ប៉ែន បូណា ប្រកាសថាលោកនឹងខិតខំឲ្យអស់លទ្ធភាពដើម្បីរួមចំណែកជាមួយរាមច្បងទាំងអស់នៃក្រសួងព័ត៌មានក្នុងការលើកកម្ពស់គុណតម្លៃវិជាជីវៈសារព័ត៌មាននៅកម្ពុជា ស្របតាមអនុសាសន៍ដ៏ខ្ពង់ខ្ពស់របស់សម្តេចតេជោ ហ៊ុន សែន ប្រមុខដឹកនាំនៃរាជរដ្ឋាភិបាល។

នាពេលកន្លងទៅថ្មីៗនេះ លោក ប៉ែន បូណា ក៏ធ្លាប់បានស្នើសុំចិត្តទៅអ្នកលេងហ្វេសប៊ុក បើគាំទ្រវិជ្ជាជីវៈសារព័ត៌មាន សូមកុំចូលមើលអ្នកគ្មានវិជ្ជាជីវៈ។ លោកថា «តម្លៃអ្នកសារព័ត៌មានយើង មិនមែនស្ថិតនៅធ្វើអ្វីដែលខុសឆ្គង ច្រង៉ែងច្រង៉ាងដើម្បីឱ្យគ មកមើលយើងច្រើនទេ។ តម្លៃរបស់យើងគឺមហាជនជឿទុកចិត្ត ប្រភពព័ត៌មានជឿទុកចិត្ត ហើយយើងផ្តល់ព័ត៌មានពិត ដែល មហាជនអាចយកជាការបាន» ។

គួររំលឹកថា ព្រះករុណា ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រកម្ពុជា ត្រាស់បង្គាប់តែងតាំងលោក ប៉ែន បូណា ជារដ្ឋលេខាធិការក្រសួងព័ត៌មាន ដោយព្រះរាជក្រឹត្យលេខ នស/រកត/១២២២/១៥២៤ ចុះថ្ងៃទី៣ ខែធ្នូ ឆ្នាំ២០២២។ លោកបច្ចុប្បន្នជាបុគ្គលិកជាន់ខ្ពស់ កំពុងកាន់តួនាទីជានិពន្ធនាយកផ្នែកព័ត៌មានទូរទស្សន៍ PNN ដ៏ធំប្រចាំកម្ពុជា ដែលវិនិយោគពីអ្នកឧកញ៉ា លី យ៉ុងផាត់ អគ្គនាយកក្រុមហ៊ុន Y.L.P Group ។

លោក បូណា ត្រូវបានចាត់ទុកជាអ្នកកាសែតចាស់វស្សាប្រកបដោយសក្តានុពល ទេពកោសល្យ ចំណេះដឹងជ្រាលជ្រៅក្នុងវិស័យព័ត៌មាន។ លោកក៏ជាអ្នកតាមដានព្រឹត្តុិការណ៍សង្គម នយោបាយទាំងក្នុងស្រុក និងអន្តរជាតិ ហើយធ្វើការវិភាគអធិប្បាយប្រកបដោយតម្លាភាពកំពុងទទួលបានប្រជាប្រិយភាព។

លោកគឺជាអតីតប្រធានក្លិបអ្នកកាសែតកម្ពុជា ចំនួន ២ អាណត្តិ រយៈពេល៨ឆ្នាំ ដែលប្រមូលផ្តុំដោយអ្នកសារព័ត៌មាន ហើយធ្វើការបណ្តុះបណ្តាល ដើម្បីជាអាវុធអាវក្រោះក្នុងអាជីពអ្នកកាសែត។ មានប្រសាសន៍ក្នុងកម្មវិធីនានាពេលកន្លងទៅ លោក ប៉ែន បូណា ធ្លាប់បានឡើងរឿយៗថា ​«វិជ្ជាជីវៈ​សារព័ត៌មាន ​គឺ​ជា​អាវ​ក្រោះ​របស់​អ្នក​កាសែត​»។

លោក ប៉ែន បូណា អតីតអ្នកសារព័ត៌មានកាសែតរស្មីកម្ពុជា និងអតីតនិពន្ធនាយកវិទ្យុបារាំងអន្តរជាតិ RFI ជាខេមរភាសា អស់ជាច្រើនឆ្នាំមុនឈានជើងមកកាន់មុខដំណែងនិពន្ធនាយកព័ត៌មានទូរទស្សន៍ PNN ៕

The post រដ្ឋមន្រ្តីព័ត៌មាន ប្រគល់ភារកិច្ចជូនលោក ប៉ែន បូណា ឲ្យពង្រឹងប្រសិទ្ធភាពវិជ្ជាជីវៈសារព័ត៌មាន appeared first on .

នាឱកាសនោះសម្តេចតេជោ ហ៊ុន សែន នាយករដ្ឋមន្រ្តីកម្ពុជា បានឱ្យដឹងថា នាជំនួបរវាងសម្តេច ជាមួយអ្នកសារព័ត៌មានលើកទី៥ ឆ្នាំ២០២៣ នឹងមានអ្នកសារព័ត៌មាន ចូលរួមប្រមាណជាង ៤ពាន់នាក់ ដែលបានបង្ហាញឱ្យឃើញពីការគិតគូរ និងជាការបង្កើនទំនាក់ ទំនងរវាង អ្នកសារព័ត៌មាននិងអ្នកនាំពាក្យមកពីគ្រប់ក្រសួងស្ថាប័ន អភិបាលរាជធានី។

ទន្ទឹមគ្នានេះ សម្តេចតេជោ បានឱ្យដឹងដូច្នេះថា៖ «នៅក្នុងឱកាសកិច្ចប្រជុំត្រៀមជំនួបនោះនាពេលឆាប់ៗនេះ ខ្ញុំនឹងទុកឱកាសឱ្យអ្នកសារព័ត៌មានសួរសំនួរផ្សេងៗទៅកាន់ខ្ញុំ ដើម្បីឈ្វេងយល់ពីបញ្ហា និងឆ្លើយឆ្លងគ្នាបាន»។

សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានឱ្យដឹងថា ជំនួបជាមួយនឹងអ្នកសារព័ត៌មានលើកទី៥ នៅឆ្នាំ២០២៣ គឺបានធ្វើឡើងបន្ទាប់ពីអាក់ខានអស់រយៈពេលពេល២ ឆ្នាំមកហើយ ដោយសារការឆ្លងរីករាលដាលជំងឺកូវីដ-១៩។

គួរបញ្ជាក់ដែរថា កាលពីពេលថ្មីៗនេះ ឯកឧត្តម ខៀវ កាញារីទ្ធ រដ្ឋមន្ត្រី ក្រសួងព័ត៌មាន ធ្លាម់មានប្រសាសន៍លើកឡើងថា ជំនួបរវាងសម្តេចតេជោនាយករដ្ឋមន្រ្តីនិងអ្នកសារព័ត៌មាន គឺមានសារសំខាន់ណាស់ ដើម្បីជំរុញការលើកកម្ពស់វិស័យព័ត៌មានឱ្យកាន់តែរីកចម្រើនតាមរយៈការបង្កើនទំនាក់ ទំនងរវាង អ្នកសារព័ត៌មាននិងអ្នកនាំពាក្យមកពីគ្រប់ក្រសួង ស្ថាប័ន អភិបាលរាជធានី ខេត្ដ និងអ្នកនាំពាក្យតាមមន្ទីររាជធានី ខេត្ដ ដែលអាចធ្វើការផ្ទៀងផ្ទាត់ ឬពិភាក្សាពាក់ព័ន្ធនឹងវិស័យព័ត៌មាន ដើម្បីធ្វើឱ្យព័ត៌មានកាន់តែមានភាពសុក្រឹត្យ ព័ត៌មានពិត និងជាព័ត៌មានផ្ដល់ប្រយោជន៍ដល់សង្គម៕ អត្ថបទ៖ រង្សី

The post អ្នកសារព័ត៌មាន នឹងមានឱកាសសួរសំណួរទៅសម្តេចតេ ជោ នាជំនួបប្រចាំឆ្នាំថ្ងៃទី១៤ ខែមករា appeared first on .

រដ្ឋមន្ត្រីរូបនេះ បានលើកឡើងថា នៅថ្ងៃ ៣ សីហា ២០២២ ក្រោយពីសម្តេចនាយករដ្ឋមន្ត្រី​ចេញពីប្រជុំ​ហើយ លោកបានដើរមើលពិព័រណ៌ផលិតផលខ្មែរ ដែលក្រសួងពាណិជ្ជកម្មបានរៀបចំនៅក្នុងសណ្ឋាគារ សុខា ជ្រោយចង្វា ។ លោកឃើញមានផលិតផលខ្មែរច្រើនណាស់ដែលដាក់តាំងបង្ហាញ ហើយមួយចំនួន​ធំមាននៅតាមខេត្តទៅទៀត ប៉ុន្តែលោកបានដឹងតិចបំផុតពីផលិតកម្មមួយចំនួនធំ ព្រោះមន្ទីរព័ត៌មាន​នៅ​តាម​ខេត្តរវល់តែបញ្ជូនសកម្មភាពរបស់ថ្នាក់ដឹកនាំខេត្ត ហើយមិនយកចិត្តទុកដាក់​បង្ហាញពីសក្តានុពល​របស់ខេត្តខ្លួន។

ឯកឧត្តម ខៀវ កាញារីទ្ធ បាន​សង្កត់​ធ្ងន់​ថា៖ “ផ្នត់គំនិតនេះ ល្មមដូរហើយ។ ថ្នាក់ដឹកនាំខេត្តល្អ គឺថ្នាក់​ដឹកនាំ​ ដែលចេះបង្កើតការងារដល់ពលរដ្ឋក្នុងខេត្តខ្លួនទៅវិញទេ”។

សូមបញ្ជាក់ថា កិច្ចប្រជុំរដ្ឋមន្ត្រីការបរទេសអាស៊ាន និងកិច្ចប្រជុំពាក់ព័ន្ធ ​​ត្រូវ​បាន​ធ្វើ​ឡើង​នៅ​សណ្ឋាគារ​សុខា រាជធានីភ្នំពេញ ចាប់ពីថ្ងៃទី៣១ ខែកក្កដា ដល់ថ្ងៃទី០៦ ខែសីហា ឆ្នាំ២០២២។ ក្នុង​ពិធី​ដ៏​ធំ​នេះ​ ក្រសួង​ពាណិជ្ជកម្ម ក៏​បាន​រៀបចំ​ឱ្យ​​មាន​ការ​តាំង​ពិព័រណ៌ផលិតផលខ្មែរ​ជា​ច្រើនផង​ដែរ ​​ដើម្បី​ជួយ​ផ្សព្វផ្សាយ​​​ដល់​ភ្ញៀវ​ជាតិ ជាពិសេស​ភ្ញៀវ​អន្តរជាតិ បាន​​យល់ដឹង​អំពី​ផលិត​ផល​ក្នុង​ស្រុក៕

The post រដ្ឋមន្ត្រីក្រសួងព័ត៌មាន៖ ល្មមដូរផ្នត់គំនិតហើយ ថ្នាក់ដឹកនាំខេត្តនីមួយៗ គួរយកចិត្តទុកដាក់ផលិតផលខ្មែរ appeared first on .

ដោយមើលឃើញពីកការលំបាកនេះ លោក រីយ៉ូយិ បានបង្កើតជាសហគមមួយឡើង កាលពីឆ្នាំ២០០៨ ដោយមានការគាំទ្រ និងជួយឧបត្តម្ភ ពីអ្នកជំនាញញនិងមន្រ្តីបច្ចេកទេសពី ប្រទេសជប៉ុន ដើម្បីប្រមូលយក កសិផលរបស់ប្រជាកសិករ ដូចជា ចេក ស្វាយ មកចូលរោងចក្រធ្វើការសម្ងួត វេចខ្ចប់ និងផលិតជាស្រា សម្រាប់លក់ ។

ដោយការងារនេះបានដំណើរការទៅដោយរលូន ទើបលោក បានបង្កើតជាក្រុមហ៊ុន ខ្មែរ យូរីយូ ដែលមានការគ្រប់គ្រងដោយ លោក ហុង សុខមាន ជាជនជាតិខ្មែរ។ លោក តាកាយ៉ាម៉ា រីយ៉ូយិ ជាប្រធានអង្គការបោះសម្អាតមីន និងអភិវឌ្ឍសហគមអន្តរជាតិ និងជាស្ថាបនិក្រុមហ៊ុន ខ្មែរ យ៉ូរីយូ ស្ថិតក្នុងភូមិអូរអន្លក់ ឃុំតាសែន ស្រុកកំរៀង ខេត្តបាត់ដំបង ដែលកំពុងដំណើរការលើខ្សែសង្វាក់ផលិតកម្មរបស់ខ្លួន ដើម្បីបង្កើតបាននូវទីផ្សារការងារ ក្នុងការបង្កើនសេដ្ឋកិច្ចរបស់ប្រជាពលរដ្ឋ ក្នុងមូលដ្ឋាន ។ 

លោក រីយ៉ូយិ បានតស៊ីខិតខំជម្នះរាល់ឧបសគ្គដើម្បីធ្វើឱ្យកសិផលិតផលរបស់កសិករខ្មែរ មានទីផ្សារដូចជាដំណាប់ចេក និងស្វាយស្ងួត ហើយនិង ស្រាខ្មុរ និងស្រាលចេកជាដើម។ បច្ចុប្បន្ននេះ ក្រុមហ៊ុន ខ្មែរ យ៉ូរីយូ បានផលិត ជាស្រាដែលមានគុណភាពល្អ ហើយបាននាំយទៅលក់នៅប្រទេសជប៉ុន ក្នុងចំណោមស្រាទាំងនោះ មាន ស្រាខ្មុរ ស្រាស្វាយ ត្រូវបានផលិតឡើងនៅលើទឹដី សន្តិភាពដែលពីមុនជាចំការមីន។

ថ្លែងក្នុងជំនួបជាមួយរដ្ឋមន្ត្រីក្រសួងព័ត៌មាន លោក ខៀវ កាញារីទ្ធ នៅថ្ងៃទី៧ ខែឧសភា ឆ្នាំ២០២២នេះ លោក តាកាយ៉ាម៉ា រីយ៉ូយិ បានបញ្ជាក់ថា ការព្យាយាមជំរុញផ្នែកឧស្សាហ៍កម្មថ្នាក់តំបន់អោយប្រសើរឡើងសម្រាប់អភិវឌ្ឍន៍ និងនិរន្តភាពជីវភាពសហគមន៍ទៅថ្ងៃអនាគត ដោយក្រុមហ៊ុន បានផលិតស្រាស្វាយ និងស្រាខ្មុរ ដ៏ល្អ និងមានរសជាតិយ៉ាងពិសេសប្លែកពីគេ។ ដូច្នេះអ្វីដែលក្រុមហ៊ុន បន្តប្រឹងប្រែងជួយដល់ប្រជាកសិករខ្មែរ អោយកាន់តែមានជីវភាពល្អប្រសើរបន្ថែមទៀតនោះ គឺការពង្រឺងគុណភាពនូវរាល់ផលិតផលទាំងអស់ រួមទាំងការវិចខ្ចប់ ពិសេសផ្សព្វផ្សាយ ម៉ាក ស្រាដែលមានគុណភាពល្អនេះ ដើម្បីលក់ទៅកាន់ទីផ្សារអន្តរជាតិ។

លោករដ្ឋមន្រ្តី ខៀវ កាញារីទ្ធ បានវាយតំលៃខ្ពស់ំពោះ លោក រីយ៉ូយិ ស្ថាបនិក ក្រុមហ៊ុន ខ្មែរ យ៉ូរីយូ ដែលបានប្រឹងប្រែង ក្នុងការជួយដល់ប្រជាកសិករខ្មែរ មួយចំនួនអោយមានមុខរបរស្ថិតស្ថេរ និងមានប្រាក់ចំណូល ពីការលក់ផលដំណាំ ដែលបានដាំដុះ ដូចជាស្វាយ ខ្មុរ ជាដើម ។

ទន្ទឹមនឹងនោះ លោករដ្ឋមន្រ្តីបានទទួលស្គាល់ស្រា ស ដែលថ្លាល្អ ហើយមានគុណភាព ដែលផលិតដោយ លោក យ៉ូរីយូ កាលពីជាង ១០ ឆ្នាំមុនម្ល៉េះ ហើយឥឡូវក៏ បានផលិតជាស្រា ខ្មុរ និង ស្រាចេក ដែលកាន់តែមានរសជាតិ និងគុណភាពខ្ពស់។ តាមរយៈនេះ លោក ខៀវ កាញារីទ្ធ នឹងជួយធ្វើការផ្សព្វផ្សាយអោយបានទូលំទូលាយ ពីផលិតផលរបស់ ក្រុមហ៊ុន ខ្មែរ យ៉ូរីយូ បានផលិតឡើង ប្រកបដោយគុណភាព និងស្តង់ដាខ្ពស់ ។

ជាមួយគ្នានេះ លោករដ្ឋមន្រ្តី ក៍នឹងត្រៀមរៀបចំស្នើសុំទៅប្រមុខរាជរដ្ឋាភិបាលកកម្ពុជា ផ្តល់ជូននូវមេដាយកិត្តិយសជូនដល់ លោក តាកាយ៉ាម៉ា រីយ៉ូយិ ដែលបានជួយដល់ប្រជាកសិករខ្មែរមួយចំនួនក្នុងខេត្តបាត់ដំបង អោយមានការងារធ្វើ និងប្រាក់ចំណូល លើកកម្ពស់ជីវភាពរស់នៅប្រចាំថ្ងៃកាន់តែប្រសើរ៕

The post លោក ខៀវ កាញារីទ្ធ ត្រៀមស្នើសុំទៅរដ្ឋាភិបាលផ្តល់មេដាយកិត្តិយសដល់ស្ថាបនិក្រុមហ៊ុន ខ្មែរ យ៉ូរីយូ appeared first on .

លោក ជា ឌីណា សហស្ថាបនិកនិងជាប្រធាន ក្រុមហ៊ុន IDEA 3MS និងបណ្ណាល័យអេឡិកត្រូនិក KUMNIT APP បានឱ្យដឹងថា APP គំនិតជំនាន់ទី១ ត្រូវបានបង្កើតឡើងតាំងពីឆ្នាំ២០២០ ហើយសម្រាប់ជំនាន់ទី២ នេះ កាន់តែធ្វើអោយអ្នកអានកាន់តែងាយស្រួលជាងមុន មានមុខងារច្រើនជាងមុន មានមុខងារនិងចំណុចពិសេសច្រើនជាងមុន ដែលធ្វើអោយអ្នកអានអាចសិក្សាស្រាវជ្រាវ រៀនសូត្របាន អាចស្វែងរកកម្រងសៀវភៅព័ត៌មាន និងមេរៀនល្អៗ យកមកអាន ដើម្បីបង្កើនចំណេះដឹង ចំណេះធ្វើ បទពិសោធន៍ ព្រមទាំងភាពប្រឈម និងដំណោះស្រាយផ្សេងៗក្នុងស្មាតហ្វូន ទាំងអស់គ្នា ដែលស្របទៅនឹងភាពជឿនលឿន នៃសម័យកាលបច្ចេកវិទ្យា ។

លោកបន្តថា គោលបំណងនៃការបង្កើត APP គំនិត គឺដើម្បីជម្រុញលើកទឹកចិត្ត និងបំផុសបំផុលប្រជាពលរដ្ឋខ្មែរ ពិសេស សិស្ស និសិ្សត យុវជន ក៏ដូចជសសហគ្រិន ទូទៅអោយចាប់ផ្តើមចូលចិត្តការអានសៀវភៅ ចាប់ផ្តើមការស្រលាញ់សៀវភៅ ចាប់ផ្តើមការអភិវឌ្ឍខ្លួនឯង តាមរយៈការអានសៀវភៅ ឬមើលសៀវភៅ ជាលក្ខណៈ Digital Book ដែលផ្តល់ភាពងាយស្រួល។

ជាមួយនេះក៏ជាការជួយលើកស្នាដៃអ្នកនិពន្ធ ក្នុងស្រុកអោយមានប្រភពចំណូលមួយផ្នែកទៀតអាជីវកម្ម តាមរយៈការដាក់លក់សៀវភៅក្នុង App គំនិតនេះ។ ជាងនេះទៅទៀត ក៏ជាការចូលរួមជាផ្នែកមួយក្នុងការអភិវឌ្ឍវិស័យអប់រំបែប ឌីជីថល និងចូលរួមអភិវឌ្ឍធនធានមនុស្សនៅកម្ពុជាកាន់តែប្រសើរឡើងមួយកំរិតទៀតផងដែរ។

ទន្ទឹមនឹងនោះ អ្នកឧកញ៉ា ម៉ុង ឬទ្ធី បានរំលឹកពីដំណើរនៃការសរសេរសៀវភៅ តាំងពីជំនាន់ការលំបាក ហើយក្រោយមករាល់អត្ថន័យ ក្នុងសៀវភៅបានជួយកែសម្រួលពីសាស្រ្តាចារ្យ ទើបចេញជាសៀវភៅជាច្រើននេះឡើង ទុកជាចំណេះដឹងសម្រាប់អ្នកជំនាន់ក្រោយ បានដឹង ហើយរៀនសូត្រតាមគំនិតរបស់ដែលថាត្រឹមត្រូវ។

លោកបានកាត់ទុកការបង្កើតApp គំនិតនេះឡើងជាការល្អបំផុត ហើយសង្ឃឹមថាអ្នកដែលគ្រប់គ្រង App នេះ មានគំនិតជាតិនិយម មានវប្បធម៍ខ្មែរនិយម ដើម្បីអោយជាតិរីកចំរើនរុងរឿង ហើយអោយក្មេងៗជំនាន់ក្រោយយកគំរូតាម ក្លាយជាទំពាំងស្នងឬស្សី រួមគ្នាអភិវឌ្ឍប្រទេសជាតិកាន់តែរីកចំរើន ។

លោករដ្ឋមន្រ្តីក្រសួងព័ត៌មាន ខៀវ កាញារីទ្ធ បានសំដែងការរីករាយដែលបានមកសម្ពោធបណ្ណាល័យអេឡិកត្រូនិក KUMNIT APP ជំនាន់ទី២ ដោយសារថានៅកម្ពុជា ការបោះពុម្ពសៀវភៅ ការទិញសៀវភៅ មានការលំបាក តែបើនៅប្រទេសគេ នៅពេលអ្នកនិពន្ធធ្វើការសរសេរចប់ហើយយកទៅគ្រឹះស្ថានោះពុម្ពអោយគេពិនិត្យ បើត្រូវហើយ គេនឹងអោយលុយមុនតែម្តង ជាក់ស្តែង អតីតប្រធានាធិបតីអាមេរិក អូបាម៉ា និងភរិយា គេអោយលុយកក់មុន ៦០ លានដុល្លា សម្រាប់ការសរសេរសៀវភៅ ប៉ុន្មានក៏ដោយ អោយតែលក់អោយគេ។

ដូច្នេះការដែលបង្កើតApp ដែលដាក់បញ្ជូលសៀវភៅនេះឡើងជាការល្អ ហើយការមើលត្រូវបង់ប្រាក់ទោះបីតិចក្តី តែបើមានអតិថិជនមើលច្រើន និងទទួលបានចំណូលច្រើន អាចជួយដល់អ្នកតែងនិពន្ធសៀវភៅ ហើយជាយុទ្ធសាស្រ្ត ឈ្នះៗ ទាំង ៣ ។ លោក ខៀវ កាញារិទ្ធ បន្ថែម។

លោកគូសបញ្ជាក់ថា ការមើលសៀវភៅ និងការមើលទូរទស្សន៍ គឺមានការខុសគ្នា ដោយការមើលទូរទស្សន៍ ជាការទទួល តែបើមើលសៀវភៅគឺខួរក្បាលរត់ មានភាពសកម្មជាងការមើល ហើយមានពេលគិតច្រើន។ សម្រាប់បណ្ណាល័យអេឡិកមានលក្ខណៈល្អជាង ការទុកសៀវភៅ គរច្រើន នាំអោយខូច និងបោះចោល ។ បណ្ណាល័យអេឡិកត្រូនិកនេះ គឺជាការឈានចូលសតវត្សទី២១ ប្រកបដោយភាពជឿនលឿន។

លោក ខៀវ កាញារីទ្ធ បានលើកឡើងថា បើប្រៀបធៀបជំនាន់មុន និងជំនាន់នេះ គឺសៀវភៅមានភាពខុសគ្នា ១ ពាន់ដង ដែលមុនមានតិច ឥឡូវច្រើនណាស់ ហើយក្មេងៗជំនាន់ថ្មីនេះ មានចំណេះដឹងច្រើនទៀតផង តែសំខាន់ការប្រើចំណេះដឹងនេះអោយត្រូវ ក្នុងនោះគឺការចេះអត់អោនអោយគ្នា ទាមទារការរៀនសូត្រ ការស្វែងយល់គ្នា ការអានអោយបានច្រើន និងការពិភាក្សាផ្តាស់ប្តូរមតិយោបល់គ្នាជាក្រុម លើចំណុចនីមួយៗដែលជាការជួយជម្រុញអោយសង្គមមានការវិវឌ្ឍ។

លោកមានភាពជឿជាក់ថា សង្គមដែលមានអ្នកចេះដឹងច្រើនប៉ុណ្ណឹងហើយ គឺមិនងាយស្រុតនោះទេ ហើយអ្វីដែលសំខាន់ត្រូវយល់អ្វីដែលជាសន្តិភាព៕

The post រដ្ឋមន្ត្រីព័ត៌មាន និងអ្នកឧកញ៉ា ម៉ុង ឫទ្ធី សម្ពោធដាក់ឱ្យប្រើប្រាស់ជាផ្លូវការនៃបណ្ណាល័យអេឡិកត្រូនិក KUMNIT APP appeared first on .

ថ្លែងក្នុងពិធីបិទកិច្ចប្រជុំផ្សព្វផ្សាយស្ដីពី «ព័ត៌មានជាអំណាច នាយុគសម័យឌីជីថល» ដល់មន្ត្រីនាំពាក្យរដ្ឋបាលរាជធានី-ខេត្ត និងក្រសួងស្ថាប័នពាក់ព័ន្ធ កាលពីថ្ងៃទី២ ខែឧសភា ឆ្នាំ២០២២ លោក ខៀវ កាញារីទ្ធ បានលើកឡើងថា ការផ្ដល់ព័ត៌មានពិត និងទាន់ពេលវេលា គឺជារឿងចាំបាច់ដែលមន្ត្រីនាំពាក្យត្រូវធ្វើ ដើម្បីបន្សាបព័ត៌មានមិនពិត។

លោករដ្ឋមន្រ្តីសង្កត់ធ្ងន់ថា ការសហការគ្នានៅតាមបណ្តាមន្ទីរស្ថាប័នពាក់ព័ន្ធ ហើយប្រមូលទិន្និន័យព័ត៌មាន ឆ្លើយតបទាន់ពេលទៅកាន់អ្នកព័ត៌មានដែលបានចោទសួរ គឺជារឿងល្អមួយ ក្នុងការផ្ដល់ព័ត៌មានពិត សុក្រឹត ត្រឹមត្រូវតាមវិជ្ជាជីវៈ ជាជាងទៅឈ្លោះជាមួយអ្នកសារព័ត៌មាន ដែលទង្វើនេះនឹងធ្វើឱ្យកាន់តែខូចប្រយោជន៍ប៉ុណ្ណោះ។

រដ្ឋមន្ដ្រីប្រតិភូអមនាយករដ្ឋមន្ដ្រី និងជាប្រធានអង្គភាពអ្នកនាំពាក្យរាជរដ្ឋាភិបាល លោក ផៃ ស៊ីផាន ក៏បានលើកឡើងដែរថា ដោយសារបច្ចុប្បន្ន វិស័យឌីជីថលមានការអភិវឌ្ឍកាន់តែខ្លាំងក្លា ការបង្ហោះព័ត៌មាននៅលើបណ្តាញសង្គម ក៏កាន់តែសម្បូរណ៍បែប ដោយមានទាំងផលវិជ្ជមាន និងអវិជ្ជមាន ទន្ទឹមគ្នា ដូច្នេះ ក្នុងនាមជាមន្ត្រីនាំពាក្យតាមបណ្តាស្ថាប័នរដ្ឋ និងក្រសួងពាក់ព័ន្ធត្រូវមានការវិវត្តខ្លួន ដើរឱ្យទាន់សម័យបច្ចេកវិជ្ជាទំនើបនេះ និងដើម្បីទប់ស្កាត់ការផ្សព្វផ្សាយព័ត៌មានមិនពិតពីក្រុមបំពុលសង្គម និងក្រុមប្រឆាំងដែលមាននិន្នាការផ្តួលរំលំរាជរដ្ឋាភិបាល ដោយការផ្សាយព័ត៌មានបង្កាច់បង្ខូច បំភ្លៃ បំប៉ោង បំផ្លើស ដើម្បីបម្រើមហិច្ឆតារបស់ពួកគេ។

បន្ថែមលើនេះ លោក ផៃ ស៊ីផាន ក៏បានបញ្ជាក់ផងដែរ ពីការអនុវត្តគោលនយោបាយកែទម្រង់មុតស្រួច លើវិស័យព័ត៌មាននៅថ្នាក់ក្រោមជាតិ និងថ្នាក់ជាតិ ដើម្បីរក្សាបាននូវសុខសន្តិភាព ដែលកម្ពុជាប្រឹងរកបានយ៉ាងលំបាក ខណៈដែលក្រុមជនមាននិន្នាការប្រឆាំង ក៏កំពុងប្រជែងយកមធ្យោបាយលំហព័ត៌មាន តាមប្រព័ន្ធឌីជីថលនេះ មកធ្វើការវាយប្រហារលើរាជរដ្ឋាភិបាលដូចគ្នាផងដែរ។

ថ្លែងក្នុងទិវាសេរីភាពសារព័ត៌មានពិភពលោក កាលពីថ្ងៃទី ៣ ខែឧសភាម្សិលមិញ ក្រោមមូលបទ «ព័ត៌មានក្រោមសម្ពាធឌីជីថល» លោក ហ៊ុន ម៉ាណែត តំណាងសម្ដេចនាយករដ្ឋមន្ដ្រី ហ៊ុន សែន ជាអធិបតីនៅក្នុង បានថ្លែងថា អ្នកសារព័ត៌មាន ដើរតួនាទីសំខាន់ណាស់ ជាកញ្ចក់ឆ្លុះបញ្ចាំង និងបង្ហាញការពិតលើព្រឹត្តិការណ៍ដែលបានកើតឡើងក្នុងសង្គម។

លោកបន្តថា អ្នកសារព័ត៌មាន ត្រូវបំពេញការងារក្នុងសិរីភាពសារព័ត៌មាន ដោយគោរពក្រមសីលធម៌វិជ្ជាជីវៈ និងគោរពច្បាប់ស្តីពីសារព័ត៌មាន ក៏ដូចជាច្បាប់នានារបស់ប្រទេស ដើម្បីទទួលបានទំនុកចិត្ត និងការគោរពស្រឡាញ់ពីសាធារណជន។

បើតាមលោក ហ៊ុន មា៉ណែត អ្នកសារព័ត៌មានមានតួនាទីសំខាន់ណាស់ក្នុងការចូលរួមតាមដានសកម្មភាពជាក់ស្ដែងរបស់គ្រប់ភាគីពាក់ព័ន្ធ ដែលក្នុងនោះមានទាំងអាជ្ញាធរ ប្រជាពលរដ្ឋ និងអ្នកសារព័ត៌មានខ្លួនឯង។ លោកថា បើចង់ឲ្យប្រទេសយើងរីកចម្រើន មានប្រជាធិបតេយ្យដោយផ្អែកលើមូលដ្ឋានច្បាប់ ត្រូវតែចូលរួមទាំងអស់គ្នា គ្មាននិទណ្ឌភាពសម្រាប់អ្នកណាទេ៕

The post រដ្ឋមន្ត្រីព័ត៌មាន ស្នើឱ្យមន្ត្រីនាំពាក្យរដ្ឋបាលរាជធានី-ខេត្ត ពង្រឹងលើការអនុវត្តតួនាទីភារកិច្ចរបស់ខ្លួន appeared first on .

ឯកឧត្ដម រដ្ឋមន្ត្រី បានរៀបរាប់លើបណ្ដាញសង្គមហ្វេសប៊ុករបស់ខ្លួនថា៖ “ម្សិលមិញ ពីថ្ងៃទី៣០ ខែមីនា ខ្ញុំបានទទួលការវះកាត់ដោយជោគជ័យប្តូរកែវភ្នែកទាំង ២ របស់ខ្ញុំហើយ តែពេលនេះពេទ្យនៅបិទភ្នែកខ្ញុំនៅឡើយ ដោយទុកតែមុំគំហើញប្រហែល ១០អង្សា ល្មមនឹងមើលផ្លូវឃើញ និងចំណាំមុខអ្នកគ្រូពេទ្យស្អាតដែលមើលថែខ្ញុំតែប៉ុននោះ”។

ឯកឧត្ដម ខៀវ កាញារីទ្ធ ក៏បានអរគុណមិត្តភក្តិជិតឆ្ងាយដែលបារម្ភ និងសួរសុខទុក្ខ។លោករដ្ឋមន្ត្រីថា ព្រឹកនេះពេទ្យនឹងដករបាំងភ្នែក បើអ្វីៗបានល្អ ឯកឧត្ដម នឹងត្រលប់ចូលស្រុកវិញនៅថ្ងៃទី១ មេសា ឆ្នាំ២០២២នេះ៕

The post រយៈពេលត្រឹមមួយម៉ោង រដ្ឋមន្ត្រីក្រសួងព័ត៌មាន ទទួលការវះកាត់ប្ដូរកែវភ្នែកទាំង២ ដោយជោគជ័យ appeared first on .