ប្រភពដដែលបានបង្ហាញឲ្យដឹងថាទៀតថា ក្រុមហ៊ុនវិនិយោគដ៏ធំ General Atlantic បានចាប់ផ្តើមលក់ភាគហ៊ុនរបស់ខ្លួនក្នុងរយៈពេលប៉ុន្មានសប្តាហ៍ថ្មីៗនេះ ហើយរំពឹងថានឹងបញ្ចាប់ការលក់ទាំងស្រុង នៅក្នុងខែមីនាខាងមុខ។

យ៉ាងណាមិញ ជុំវិញការកើនឡើងនេះ បានធ្វើឲ្យ ByteDance ក្លាយជាក្រុមហ៊ុនបច្ចេកវិទ្យាខ្នាតយក្សដំបូងគេបង្អស់របស់ចិន ដែលមានតម្លៃថ្លៃខ្លាំងបែបនេះ។ នៅក្នុងខែវិច្ឆិកា ឆ្នាំ២០២៥ ក្រុមហ៊ុននេះមានតម្លៃទីផ្សារប្រហែល ៤៨០ពាន់លានដុល្លារ។

ជម្រាបជូនថា ក្រុមហ៊ុន General Atlantic បានវិនិយោគជាលើកដំបូងនៅក្នុង ByteDance ក្នុងឆ្នាំ២០១៧ នៅពេលដែលក្រុមហ៊ុននេះមានតម្លៃទីផ្សារប្រហែល ២០ពាន់លានដុល្លារប៉ុណ្ណោះ។ ប៉ុន្តែសម្រាប់លក្ខខណ្ឌហិរញ្ញវត្ថុ និងភាគហ៊ុនរបស់ General Atlantic នៅក្នុង ByteDance បន្ទាប់ពីប្រតិបត្តិការលក់នេះ មិនត្រូវបានបង្ហាញឱ្យដឹងនោះឡើយ ខណៈលោក Bill Ford នាយកប្រតិបត្តិក្រុមហ៊ុន General Atlantic បច្ចុប្បន្នក៏ជាសមាជិកក្រុមប្រឹក្សាភិបាលរបស់ ByteDance ផងដែរ៕​

The post ក្រុមហ៊ុនមេរបស់ TikTok កើនតម្លៃមូលធនទីផ្សារដល់ ៥៥០ពាន់លានដុល្លារ appeared first on .

ក្រុមហ៊ុន ByteDance បានទិញក្រុមហ៊ុន Moonton ក្នុងឆ្នាំ២០២១ តាមរយៈអង្គភាពហ្គេមរបស់ខ្លួនគឺ Nuverse ដោយកិច្ចព្រមព្រៀងនេះមានតម្លៃប្រហែល ៤ពាន់លានដុល្លារ ខណៈពេលដែលក្រុមហ៊ុនដែលម្ចាស់កម្មវិធី TikTok មួយនេះ បានព្យាយាមបង្កើតអាជីវកម្មហ្គេមអន្តរជាតិដើម្បីប្រកួតប្រជែងជាមួយគូប្រជែងធំៗ។

ក្រុមហ៊ុន Moonton ត្រូវបានបង្កើតឡើងដំបូងក្នុងឆ្នាំ២០១៤ ដែលជាក្រុមហ៊ុនផ្តោតសំខាន់លើការអភិវឌ្ឍហ្គេម ការបោះពុម្ពផ្សាយ និងកីឡាអេឡិចត្រូនិក។ ក្រុមហ៊ុននេះបាននិយាយថា ខ្លួនមានបុគ្គលិកសរុបជាង ២ ០០០ នាក់ និងដំណើរការការិយាល័យនៅប្រទេសឥណ្ឌូណេស៊ី ម៉ាឡេស៊ី សិង្ហបុរី ហ្វីលីពីន អាមេរិកឡាទីន និងចិន។

នៅលើគេហទំព័រផ្លូវការរបស់ខ្លួន ក្រុមហ៊ុន Moonton ក៏បាននិយាយផងដែរថាហ្គេម Mobile Legends: Bang Bang មានការដំឡើងជាង ១,៥ ពាន់លានដង និងអ្នកប្រើប្រាស់សកម្មប្រចាំខែជាង ១១០ លាននាក់ ហើយជាប់ចំណាត់ថ្នាក់ក្នុងចំណោមហ្គេមដែលមានអ្នកលេងច្រើនជាងគេទាំង១០ នៅក្នុងប្រទេសជាង ៨០។

ជម្រាបជូនថា ក្រុមហ៊ុន Savvy Games Group ដែលជាកម្មសិទ្ធិរបស់មូលនិធិវិនិយោគសាធារណៈរបស់ប្រទេសអារ៉ាប៊ីសាអូឌីត គឺជាក្រុមហ៊ុនហ្គេម និងកីឡាអេឡិចត្រូនិកសកលមួយ ដែលកំពុងស្វែងរកការរីកចម្រើនតាមរយៈការទិញយក ការវិនិយោគ និងការបណ្តាក់ទុនពាណិជ្ជកម្ម៕​

The post ByteDance កំពុងចរចាលក់ក្រុមហ៊ុនបង្កើតហ្គេម Mobile Legends ក្នុងតម្លៃ ៦ពាន់លានដុល្លារ appeared first on .

ជុំវិញការប្រកាសនេះ ត្រូវបានចាត់ទុកថាជាផ្នែកមួយនៃយុទ្ធសាស្រ្តទូលំទូលាយរបស់ក្រុមហ៊ុនបច្ចេកិវិទ្យាកំពូលរបស់ចិន ByteDance ដើម្បីជំរុញទៅលើសមត្ថភាពបច្ចេកវិទ្យា AI របស់ពួកគេ ក្រោយមានការរឹតបន្តឹងទៅលើផ្នែកបន្ទះឈីបពីសំណាក់សហរដ្ឋអាមេរិក។

មិនតែប៉ុណ្ណោះ ក្រុមហ៊ុន ByteDance មានគម្រោងអភិវឌ្ឍគំរូបញ្ញាសិប្បនិម្មិតដែលមានប្រសិទ្ធភាពជាងមុន ដែលត្រូវការថាមពលកុំព្យូទ័រតិចជាងមុន ក្នុងគោលបំណងក្លាយជាអ្នកដឹកនាំក្នុងសេវាកម្មបញ្ញាសិប្បនិម្មិតឈានមុខគេ។

ជម្រាបជូនផងដែរថា បើទោះបីជាមានបញ្ហាប្រឈមមួយចំនួនក៏ដោយ ByteDance នៅតែមានមានគោលបំណងពង្រីកហេដ្ឋារចនាសម្ព័ន្ធរបស់ខ្លួនសម្រាប់ការអភិវឌ្ឍបញ្ញាសិប្បនិម្មិត ដើម្បីបង្កើនវត្តមានជាសកលរបស់ខ្លួនបន្ថែមទៀត៕​

The post ក្រុមហ៊ុនមេ TikTok គ្រោងចាក់លុយវិនិយោគជាង ២០ពាន់លានដុល្លារ លើ AI ដើម្បីប្រជែងអាមេរិក appeared first on .

ជុំវិញកិច្ចព្រមព្រៀងនេះ ត្រូវបានចាត់ទុកថាជំហានដ៏សំខាន់មួយឆ្ពោះទៅរកការដោះស្រាយភាពមិនប្រាកដប្រជាអស់រយៈពេលជាច្រើនឆ្នាំ​ អំពីអនាគតរបស់ TikTok នៅសហរដ្ឋអាមេរិក គិតចាប់តាំងពិខែសីហា ឆ្នាំ២០២០ មក នៅពេលដែលប្រធានាធិបតីអាមេរិក លោក ដូណាល់ ត្រាំ ព្យាយាមហាមឃាត់កម្មវិធីដែលកំពុងមានអ្នកប្រើប្រាស់អាមេរិក ប្រមាណជាង ១៧០ លាននាក់ ។

យ៉ាងណាមិញ បើតាមលោក Shou Zi Chew នាយកប្រតិបត្តិរបស់ TikTok បាននិយាយប្រាប់ទៅកាន់បុគ្គលិក កាលពីថ្ងៃទី១៨ ខែធ្នូថា ​ByteDance ដែលជាក្រុមហ៊ុនមេ បានចុះហត្ថលេខាលើកិច្ចព្រមព្រៀងមដែលមានសុពលភាពជាមួយវិនិយោគចំនួនបី ដូចជា Oracle , Silver Lake , និង MGX ដើម្បីបង្កើតក្រុមហ៊ុនបណ្តាក់ទុនរួមគ្នាថ្មីមួយ ដើម្បីគ្រប់គ្រងលើ TikTok នៅសហរដ្ឋអាមេរិក ដែលមានឈ្មោះថា TikTok USDS Joint Venture LLC។

ជម្រាបជូនផងដែរថា តាមរយៈក្រុមហ៊ុនបង្កើតថ្មីនេះ ភាគហ៊ុនចំនួន ៨០,១% នឹងត្រូវបានកាន់កាប់ដោយវិនិយោគិនអាមេរិក និងសកល ក្នុងនោះ​រួមមាន​ក្រុមហ៊ុន Oracle, Silver Lake ខណៈក្រុមហ៊ុន MGX មកពីទីក្រុងអាប៊ូដាប៊ី កាន់កាប់ ១៥%។ ដោយឡែកសម្រាប់ភាគហ៊ុននៅសេសសល់ នឹងត្រូវរក្សាទុកដោយក្រុមហ៊ុនមេ ByteDance ខណៈកិច្ចព្រមព្រៀងនេះត្រូវបានរំពឹងថានឹងត្រូវបញ្ចប់ជាស្ថាពរនៅថ្ងៃទី២២ ខែមករា ឆ្នាំ២០២៦ ខាងមុខនេះ​៕​

The post ទីបំផុត ByteDance យល់ព្រមលក់ភាគហ៊ុនភាគច្រើនរបស់ TikTok នៅអាមេរិក ដើម្បីចៀសវាងការបិទ appeared first on .

ជុំវិញការប្រកាសនេះ ត្រូវបានធ្វើឡើង នៅក្នុងអំឡុងកិច្ចពិភាក្សាមួយកាលពីថ្ងៃទី២៧ ខែកុម្ភៈកន្លងទៅ រវាងអនុប្រធានគោលនយោបាយសាធារណៈសម្រាប់ទីផ្សារកំពុងរីកចម្រើនរបស់ TikTok លោកស្រី Helena Lersch ឧបនាយករដ្ឋមន្រ្តី និងជារដ្ឋមន្ត្រីក្រសួងសេដ្ឋកិច្ចឌីជីថល និងសង្គមរបស់ថៃ លោក Prasert Chandrroungthong នៅឯវិមានរដ្ឋាភិបាល។

យ៉ាងណាមិញ នៅក្នុងអំឡុងពេលនៃកិច្ចប្រជុំនោះ ថ្នាក់ដឹកនាំទាំងពីរបានស្វែងយល់ពីការអភិវឌ្ឍហេដ្ឋារចនាសម្ព័ន្ធឌីជីថលយ៉ាងឆាប់រហ័សរបស់ប្រទេសថៃ និងសក្តានុពលសម្រាប់ក្រុមហ៊ុន TikTok ដើម្បីចូលរួមនៅក្នុងការបោះទុនវិនិយោគទឹកប្រាក់ដ៏ច្រើនសន្ធឹកសន្ធាប់នេះ។

ទន្ទឹមនឹងនេះ លោក Chandrrungthong បានសម្តែងនូវសុទិដ្ឋិនិយមរបស់លោក ដោយបញ្ជាក់ថា វេទិកា TikTok កំពុងមានប្រជាប្រិយភាពយ៉ាងខ្លាំងក្នុងចំណោមអ្នកប្រើប្រាស់ប្រចាំថ្ងៃ ហើយការពិភាក្សាដែលយើងកំពុងធ្វើនៅថ្ងៃនេះ នឹងជួយជំរុញសមត្ថភាពឌីជីថលរបស់ប្រទេសថៃ ឲ្យកាន់តែរីកចម្រើនបន្ថែមទៀត។

មិនតែប៉ុណ្ណោះ រដ្ឋមន្ត្រីរូបនេះ ថែមទាំងបានសង្កត់ធ្ងន់ទៀតថា ភាពរីកចម្រើននៃវិស័យឌីជីថលរបស់ប្រទេសថៃទាំងនេះ គឺកើតចេញឡើង ដោយសារតែមានការរួមចំណែកយ៉ាងខ្លាំងពីសំណាក់ Tiktok ។ បច្ចុប្បន្នកម្មវិធីកម្សាន្តនេះ ត្រូវបានគេព្យាករថាមានអ្នកប្រើប្រាស់សកម្មប្រមាណ ៥០លាននាក់ និងមានអាជីវកម្មរបស់ថៃប្រមាណ ៣ លាន កំពុងដាក់លក់ផលិតផលរបស់ពួកគេតាមរយ:វេទិកានេះ៕

The post ក្រុមហ៊ុនមេ TikTok គ្រោងបោះទុនជិត ៩ពាន់លានដុល្លារ សង់មជ្ឈមណ្ឌលផ្ទុកទិន្នន័យនៅថៃ appeared first on .

ប្រភពដដែលនេះ បានបង្ហាញឲ្យដឹងទៀតថា ក្រុមហ៊ុន ByteDance បានផ្តល់ជូនដំណឹងកាលពីពេលថ្មីៗនេះ ដោយស្នើសុំទិញចូលភាគហ៊ុនពីក្រុមអ្នកវិនិយោគវិញ ដោយផ្តល់ជូននូវតម្លៃប្រមាណជាង ១៨០ដុល្លារ ក្នុងមួយហ៊ុន ខណ:ចំនួននេះ គឺបានកើនឡើង ១២,៩% បើធៀបទៅនឹងការទិញចូលហ៊ុនលើកចុងក្រោយរបស់ពួកគេ។

គួរឲ្យដឹងផងដែរថា ជុំវិញផែនការក្នុងការទិញចូលភាគហ៊ុនត្រលប់មកវិញនេះ បានកើតឡើង នៅចំពេលដែលក្រុមហ៊ុន ByteDance កំពុងប្រឈមមុខទៅនឹងផ្លូវច្បាប់នៅសហរដ្ឋអាមេរិក ដែលស្ថិតក្រោមការត្រួតពិនិត្យដោយវិធានការនយោបាយថ្មីៗ នៅទីនោះ។

ជម្រាបជូនថា ប្រធានាធិបតីអាមេរិក លោក ចូ បៃដិន បានចុះហត្ថលេខាលើច្បាប់មួយ កាលពីថ្ងៃទី២៤ ខែមេសា ដោយទុកពេលឲ្យក្រុមហ៊ុន ByteDance ដល់ថ្ងៃទី១៩ ខែមករា ឆ្នាំក្រោយ ដើម្បីលក់ TikTok ចេញ បើមិនដូច្នេះទេពួកគេនឹងត្រូវប្រឈមមុខនឹងការហាមឃាត់មិនឲ្យដំណើរការអាជីវកម្មនៅលើទឹកដីសហរដ្ឋអាមេរិកទៀតនោះឡើយ៕

The post ក្រុមហ៊ុនមេ TikTok ហក់ឡើងតម្លៃខ្លួនដល់ ៣០០ពាន់លានដុល្លារ ជាលើកដំបូង appeared first on .

ក្រុមហ៊ុនចិនមួយនេះ មានតម្លៃលើទីផ្សារច្រើនជាង ២២៥ពាន់លានដុល្លារ ខណៈក្នុងនោះគ្រាន់តែរាប់ត្រឹមតម្លៃបណ្តាញសង្គម TikTok តែមួយគត់នោះ ត្រូវបានគេប៉ានស្មានថាមានតម្លៃដល់ទៅ ១០០ពាន់លានដុល្លារទៅហើយ។ នេះបើយោងតាមឈ្មួញកណ្តាល Wedbush Securities ដែលមានមូលដ្ឋាននៅសហរដ្ឋអាមេរិកបានបញ្ជាក់ប្រាប់។

យ៉ាងណាក៏ដោយ ភាពជោគជ័យរបស់មហាសេដ្ឋី Zhang Yiming មិនមែនដល់ចំណុចនេះត្រឹមរយៈពេលតែមួយយប់ ដូចការយល់សប្តិនោះឡើយ ដោយជីវិតក្នុងអាជីវកម្មរបស់លោកបានហែលឆ្លងកាត់ ក្នុងវាលទុក្ខផង ក្នុងវាលសុខផង ទម្រាំបានឆ្លងដល់ភាពជោគជ័យដូចពេលសព្វថ្ងៃ។

សារព័ត៌មាន VN Express បានចុះផ្សាយថា លោក Zhang Yiming កើតនៅឆ្នាំ១៩៨៣ ដែលមានម្តាយឳពុកសុទ្ធសឹងតែជាមន្ត្រីរាជការ។ ធំធាត់ឡើងនៅ Longyan ដែលជាទីក្រុងមួយស្ថិតនៅខេត្ត Fujian ភាគនិរតីនៃប្រទេសចិន។ លោកបានបញ្ចប់ការសិក្សាកម្រិតថ្នាក់បរិញ្ញាបត្រនៅសាកលវិទ្យាល័យ Nankai ក្នុងឆ្នាំ២០០៥ ជាកន្លែងដែលលោកសិក្សាដំបូងអំពីជំនាញ Microelectronics មុនពេលប្តូរជំនាញទៅចាប់យកជាវិស្វករសូហ្វវែរ (Software Engineering) វិញ។

អំឡុងរៀនថ្នាក់សាកលវិទ្យាល័យនោះ លោកបានរកលុយក្រៅម៉ោងបន្ថែម តាមរយៈការបង្កើតវែបសាយ និងជួសជុលកុំព្យូរទ័រឲ្យសិស្ស។ ក្រោយពីបញ្ចប់ការសិក្សា លោកបានចេញធ្វើការក្នុងក្រុមហ៊ុនជាលើកដំបូងបង្អស់ក្នុងជីវិតនៅឯ Kuxun ដែលជាក្រុមហ៊ុនកក់សំបុត្រធ្វើដំណើរតាមប្រព័ន្ធឌីជីថល ក្នុងនាមជាវិស្វករសូហ្វវែរ។ ព្រោះតែមានទេពកោសល្យខ្ពស់ ធ្វើការបានពីរឆ្នាំ លោកបានដឹកនាំក្រុមការងារមានគ្នាខ្ទង់ ៤០ទៅ៥០នាក់ ទទួលខុសត្រូវចំពោះបច្ចេកវិទ្យា Back-end និងភារកិច្ចទាក់ទងនឹងផលិតផល។

ភាពជាអ្នកដឹកនាំប្រកបដោយក្រមសីលធម៌ និងទំនួលខុសត្រូវខ្ពស់ចំពោះកាងារ បានបន្តខ្លួនឲ្យលោកចូលរួមជាមួយនឹងក្រុមហ៊ុន Microsoft បានរយៈពេល ៦ខែ មុនពេលដូរទៅធ្វើការនៅក្រុមហ៊ុន Fanfou ។ យ៉ាងណាក៏ដោយ ការងាររបស់លោកនៅ Microsoft ហាក់មិនទាក់ទងនឹងភាពប៉ិនប្រសព្វរបស់ខ្លួន ។ នេះបើតាមការលើកឡើងរបស់លោក Zhang Yiming នៅឆ្នាំ២០១៤ អំឡុងកិច្ចសម្ភាសន៍ជាមួយ Caishi Media ដោយបន្ថែមត្រង់ចំណុចនោះទៀតថា កាលនោះខ្លួនធ្វើការតែកន្លះថ្ងៃ ហើយចំណាយពេលដែលនៅសល់អានតែសៀវភៅ។

ដោយទទួលបានព័ត៌មានច្រើនពីសៀវភៅ រួមផ្សំជាមួយជំនាញដែលខ្លួនចេះជាវិស្វករសូហ្វវែរ និងមានចក្ខុវិស័យវែងឆ្ងាយផងនោះ លោក Zhang ក៏បែកគំនិតចង់បង្កើត App មួយដែលពោរពេញដោយការចែកចាយមាតិកាគួរឲ្យចាប់អារម្មណ៍នៅចុងឆ្នាំ២០១១ ។ នៅឆ្នាំដដែល លោកបានបង្កើតក្រុមហ៊ុន ByteDance ក្នុងផ្ទះល្វែងមួយកន្លែងមានបួនបន្ទប់ ស្ថិតនៅភាគខាងជើងទីក្រុង Beijing ដោយកាលនោះជួលមួយខែគេយក ២ ៧៨០ដុល្លារ។

ក្រុមហ៊ុនរបស់លោកបានបង្កើតស្នាដៃដំបូងគឺជា Toutiao ជាកម្មវិធីប្រមូលព័ត៌មានដែលដំណើរការដោយបញ្ញាសិប្បនិម្មិត (AI) ។ នៅឆ្នាំ២០១៤ App មួយនេះមានអ្នកប្រើប្រាស់កើនឡើងរហូតដល់ ២២០លាននាក់ ដែលក្នុងនោះមានមនុស្សចំនួន ២០លាននាក់ជាអ្នកប្រើប្រាស់ជារៀងរាល់ថ្ងៃ។

ដំណើរផ្លាស់ប្តូររបស់ក្រុមហ៊ុន ByteDance ទៅជាក្រុមហ៊ុនយក្សបានចាប់ផ្តើមបន្តិចម្តងៗជាមួយ Toutiao ប៉ុន្តែភាពជោគជ័យរបស់វា ក៏ត្រូវបានផ្សារភ្ជាប់ទៅនឹងការទិញយក និងពង្រីកយុទ្ធសាស្ត្រជាបន្តបន្ទាប់ ដែលបានរុញច្រានក្រុមហ៊ុនឲ្យកាន់តែចូលទៅក្នុងបណ្តាញវីដេអូ និងចេញមុខលើទីផ្សារអន្តរជាតិ។

នៅខែកញ្ញា ឆ្នាំ២០១៦ ក្រុមហ៊ុនបានបង្កើតជាមួយនឹង Douyin ដែលជាកម្មវិធីអាចអនុញ្ញាតឲ្យអ្នកប្រើប្រាស់អាចថត កែសម្រួលវីដេអូ និងអាចចែករំលែលើវេទិកាធំៗដូចជា Weibo និង WeChat ជាដើម។ ទម្រង់ជាវីដេអូខ្លីដូច្នេះ បានទាក់ទាញឲ្យមានការចាប់អារម្មណ៍ ហើយក្លាយជាការពេញនិយមយ៉ាងខ្លាំង។ មួយឆ្នាំក្រោយមកទៀត ក្រុមហ៊ុនយក្ស ByteDance ក៏បានបញ្ចេញនូវបណ្តាញសង្គមថ្មីមួយទៀតរបស់ខ្លួន TikTok ទៅកាន់ទីផ្សារអន្តរជាតិ។

TikTok បានកើនឡើងប្រជាប្រិយភាពខ្លាំងបំផុតនៅអំឡុងការរីករាលដាលជំងឺឆ្លងកូវីដ១៩ ដោយសម្រេចបានការទាញយកជាង ៣ពាន់លាននាក់នៅទូទាំងពិភពលោកក្នុងឆ្នាំ២០២២ និងមានអ្នកប្រើប្រាស់ប្រចាំខែលើសពីមួយពាន់លាននាក់នៅទូទាំងពិភពលោកក្នុងឆ្នាំ២០២៤ ដូចដែលបានប៉ាន់ស្មានដោយក្រុមហ៊ុនវិភាគអាជីវកម្ម DemandSage ។

សូមជម្រាបជូនថា បន្ទាប់ពីដឹកនាំក្រុមហ៊ុន ByteDance ជិតមួយទស្សវត្សកន្លងមក លោក Zhang Yiming ក៏បានសម្រេចចិត្តលាលែងពីតួនាទីជានាយកប្រតិបត្តិ នៅឆ្នាំ២០២១ ៕

The post ម្ចាស់បណ្តាញសង្គម TikTok លោក Zhang Yiming មហាសេដ្ឋីមានបំផុតនៅចិន គឺជានរណា? appeared first on .

យោងតាមប្រភពមិនបញ្ចេញឈ្មោះមួយ បានបង្ហាញឲ្យដឹងថា បុគ្គលិកដែលកំពុងធ្វើការផ្នែកសម្របសម្រួលមាតិការបស់ក្រុមហ៊ុន ByteDance នៅម៉ាឡេស៊ី ត្រូវបានគេជូនដំណឹងអំពីការបញ្ចប់តំណែងរបស់ពួកគេ តាមរយៈអ៊ីមែលមួយដែលបាន​ផ្ញើ​ទៅកាលពីល្ងាចថ្ងៃពុធ សប្តាហ៍នេះ។

គួរឲ្យដឹងផងដែរថា Bytedance មានបុគ្គលិកសរុបជាង ១១ម៉ឺននាក់ នៅក្នុងទីក្រុងជាង ២០០ ទូទាំងពិភពលោក។ ស្របពេលរបាយការណ៍មួយផ្សេងទៀត បានបង្ហាញថា​ក្រុមហ៊ុន​បច្ចេកវិទ្យា​យក្សរបស់ចិននេះ​ ក៏​កំពុង​រៀបចំ​ផែនការ​ដាក់បន្ថយបុគ្គលោក​បន្ថែម​ទៀត​ នៅ​ខែ​ក្រោយ​នេះ​ផងដែរ ប៉ុន្តែនៅមិនទាន់ច្បាស់ថានឹងត្រូវធ្វើឡើងនៅតំបន់ណានៅឡើយទេ។

ទន្ទឹមនឹងនេះ អ្នកនាំពាក្យ TikTok បាននិយាយនៅក្នុងសេចក្តីថ្លែងការណ៍មួយថា ៖”យើងកំពុងធ្វើការផ្លាស់ប្តូរទាំងនេះ ដើម្បីជាផ្នែកមួយនៃកិច្ចខិតខំប្រឹងប្រែងបន្តរបស់យើង ក្នុងការពង្រឹងបន្ថែមទៀតនូវគំរូប្រតិបត្តិការសកល សម្រាប់ជាការងាយស្រួលដល់ការសម្របសម្រួលមាតិកា” ។

អ្នកនាំពាក្យដដែលរូបនេះ ក៏បាននិយាយទៀតផងដែរថា ក្រុមហ៊ុន ByteDance គ្រោងនឹងធ្វើការវិនិយោគទឹកប្រាក់ ២ពាន់លានដុល្លារទូទាំងពិភពលោក ដើម្បីផ្តោតទៅលើប្រព័ន្ធសុវត្ថិភាពនៅឆ្នាំនេះ៕

The post ក្រុមហ៊ុនមេ TikTok ប្រកាសកាត់បន្ថយបុគ្គលិកជិត ១ ពាន់នាក់ ក្នុងប្រទេសម៉ាឡេស៊ី appeared first on .

ថ្វីត្បិតថា លោក Zhang Yiming បានលាលែងចេញពីតំណែងជាប្រធានក្រុមហ៊ុន និងជានាយកប្រតិបត្តិ ByteDance កាលពីអំឡុងឆ្នាំ២០២១ក្តី ក៏ប៉ុន្តែទ្រព្យសម្បត្តិរបស់លោកពីមួយថ្ងៃទៅមួយថ្ងៃមានការប្រែប្រួលជានិច្ច ដោយសារតែមហាសេដ្ឋីមានវ័យ ៤០ឆ្នាំរូបនេះ ក៏មានចំណែកភាគហ៊ុនធំនៅក្នុងក្រុមហ៊ុន ByteDance ផងដែរ។

គួរឲ្យដឹងថា ម្ចាស់ក្រុមហ៊ុនផលិតភេសជ្ជៈ Nongfu Spring លោក Zhong Shanshan គឺជាអតីតមហាសេដ្ឋីមានដាច់គេបង្អស់នៅចិនរយៈពេលបីឆ្នាំជាប់ៗគ្នា ក៏ប៉ុន្តែបានធ្លាក់មកនៅត្រឹមលេខរៀងទីពីរវិញ បន្ទាប់ពីមានបញ្ហាមួយចំនួនទាក់ទងនឹងការពង្រីកអាជីវកម្ម Nongfu Spring របស់ខ្លួន។ ម្យ៉ាងវិញទៀត សន្ទស្សន៍ភាគហ៊ុនរបស់ក្រុមហ៊ុនមហាសេដ្ឋីវ័យ ៦៩ឆ្នាំនៅផ្សារហ៊ុនហុងកុង បានធ្លាក់ចុះ៧,៥%  ចាប់តាំងពីការរាយការណ៍នូវលទ្ធផលបណ្តោះអាសន្ននាថ្ងៃទី២៨ ខែសីហា ឆ្នាំ២០២៤ និងនៅអំឡុងពេលដែលលោក Zhong ខាតបង់ប្រាក់អស់ ៤,៤ពាន់លានដុល្លារ ដោយសារតែការលក់ទឹកសុទ្ធមានសញ្ញាណថយចុះ១៨,៥% ៕

The post ម្ចាស់ក្រុមហ៊ុន TikTok ក្លាយជាមហាសេដ្ឋីមានទ្រព្យដាច់គេនៅចិន appeared first on .

យោងតាមការចុះផ្សាយពីសារព័ត៌មាន Technode បានបង្ហាញថា ខុសប្លែកពីសមាជិកក្រុមប្រឹក្សាភិបាលដទៃទៀត លោក Niel មិនមានកាន់កាប់ចំណែកភាគហ៊ុន នៅក្នុងក្រុមហ៊ុនឯកជនដ៏ធំបំផុតមួយ ប្រចាំប្រទេសចិននេះឡើយ។

គួររំលឹកបន្តិចថា លោក Xavier Niel គឺជាមហាសេដ្ឋីជនជាតិបារាំង ដែលមានទ្រព្យសម្បត្តិប្រហែល ១០ពាន់លានដុល្លារ និងម្ចាស់ក្រុមហ៊ុនទូរគមនាគមន៍ដ៏ធំ មានឈ្មោះថា Free នៅប្រទេសបារាំង។

បច្ចុប្បន្ន លោកគឺមានតំណែងជាសមាជិកក្រុមប្រឹក្សាចំនួន២ សម្រាប់ក្រុមអន្តរជាតិ គឺក្រុមហ៊ុនចិន ByteDance និងក្រុមហ៊ុនវិនិយោគអាមេរិក KKR ដែលលោកបានកាន់តួនាទីមួយនេះ តាំងពីឆ្នាំ២០១៨៕

The post ក្រុមហ៊ុនមេ TikTok ចាត់តាំងមហាសេដ្ឋីបារាំងម្នាក់ ជាសមាជិកក្រុមប្រឹក្សាភិបាលថ្មី appeared first on .