យោងតាមការចុះផ្សាយពីសារព័ត៌មាន AFP បានបង្ហាញឲ្យដឹងថា ស្ថិតនៅក្រោមការគ្រប់គ្រងរបស់លោក Lewis កន្លងមកបានធ្វើឲ្យមានការរិះគន់យ៉ាងខ្លាំងសំណាក់អ្នកអាន និងបុគ្គលិករបស់ស្ថាប័នកាសែតនេះផ្ទាល់ ក្នុងអំឡុងពេលកាន់តំណែងរយៈពេលពីរឆ្នាំរបស់លោកកន្លងមកនេះ នៅពេលដែលក្រុមហ៊ុនហាក់ទទួលរងនូវការខាតបង់ផ្នែកហិរញ្ញវត្ថុធ្ងន់ធ្ងរ។

លោក Lewis ដែលជាជនជាតិអង់គ្លេស ត្រូវបានជំនួសដោយលោក Jeff D’Onofrio អតីតនាយកប្រតិបត្តិនៃវេទិកាប្រព័ន្ធផ្សព្វផ្សាយសង្គម Tumblr ដែលបានចូលរួមជាមួយកាសែត Washington Post ក្នុងនាមជាប្រធានផ្នែកហិរញ្ញវត្ថុកាលពីឆ្នាំមុន។នេះបើយោងតាមការប្រកាសរបស់កាសែត។

ជម្រាបជូនថា ការចាកចេញរបស់លោក Lewis បានកើតឡើង បន្ទាប់ពីអ្នកកាសែតរបស់ Washington Post រាប់រយនាក់ រួមទាំងបុគ្គលិកបរទេស ក្នុងស្រុក និងផ្នែកព័ត៌មានកីឡាភាគច្រើនរបស់ខ្លួន ត្រូវបានបញ្ឈប់ពីការងារ នៅក្នុងការកាត់បន្ថយការងារទ្រង់ទ្រាយធំមួយ ដែលបានប្រកាសកាលពីថ្ងៃពុធ សប្តាហ៍មុន។

យ៉ាងណាក៏ដោយ កាសែត The Washington Post មិនបានបង្ហាញពីចំនួនការងារជាក់លាក់ដែលត្រូវបានជម្រុះចោលនោះទេ ប៉ុន្តែបើយោងតាមកាសែត The New York Times បានរាយការណ៍ថា អ្នកកាសែតប្រហែល ៣០០ នាក់ក្នុងចំណោមចំនួនសរុប ៨០០ នាក់ ត្រូវបានបញ្ឈប់ពីការងារ៕​

The post CEO ជាន់ខ្ពស់កាសែត Washington Post របស់មហាសេដ្ឋី ​Jeff Bezos ប្រកាសចុះចេញពីតំណែង appeared first on .

ក្នុងអំឡុុងពេលនៃការប្រគុំតន្ត្រី Coldplay ក្នុងទីក្រុង Foxborough រដ្ឋ Massachusetts កាលពីថ្ងៃពុធសប្តាហ៍មុន លោក Byron ត្រូវបានគេប្រទះឃើញកំពុងឈរឱបគ្នា ជាមួយនារីម្នាក់ និងត្រូវបានថតជាប់នៅក្នុងកាមេរ៉ា Kiss cam ដែលត្រូវបានបង្ហាញឲ្យឃើញទៅកាន់មនុស្សរាប់ម៉ឺននាក់។

ក្នុងរយៈពេលប៉ុន្មានម៉ោងក្រោយ អ្នកនិយមលេងបណ្តាញអ៊ីនធឺណែត បានតាមរកឃើញថាស្ត្រីដែលនៅជាមួយលោក Byron នោះគឺជាប្រធានផ្នែកធនធានមនុស្សរបស់ក្រុមហ៊ុន ដែលមានឈ្មោះថា Kristin Cabot ដោយចោទប្រកាន់ថាអ្នកទាំងពីរថាមានទំនាក់ទំនងស្នេហាលួចលាក់ ដោយសារតែពួកគេសុទ្ធសឹងតែមាន ប្តីនិងប្រពន្ធរៀងខ្លួន ទៅហើយ។

យ៉ាងណាមិញ បន្ទាប់ពីឃ្លីបវីអេដូនេះ ត្រូវបានបែកធ្លាយ លោក Byron ត្រូវបានដាក់ឲ្យសម្រាកពីការងារជាបណ្តោះអាសន្ន ដោយក្រុមប្រឹក្សាភិបាលរបស់ក្រុមហ៊ុន និងបានបើកការស៊ើបអង្កេតផ្ទៃក្នុង។ ក្រោយមកលោក ក៏សម្រេចចិត្តលាលែងចេញពីតំណែង CEO ជាផ្លូវការតែម្តង៕​

The post CEO ក្រុមហ៊ុន Astronomer ប្រកាសលាលែងពីតំណែង ក្រោយបែកឃ្លីបឱបបុគ្គលិកខ្លួន ក្នុងការប្រគុំតន្ត្រីមួយ appeared first on .

លោក ត្រាំ កាលពីថ្ងៃពុធ បានបង្កើនភាពតានតឹងពាណិជ្ជកម្មសកលបន្ថែមទៀត ជាមួយនឹងការដាក់ចេញពន្ធគយរហូតដល់ទៅ ១០% លើការនាំចូលទាំងអស់ រួមជាមួយនឹងការយកពន្ធបន្ថែមលើដៃគូពាណិជ្ជកម្មសំខាន់ៗ ផងដែរ។ នេះបើតាមការចុះផ្សាយពីសារព័ត៌មាន CNBC ។

យ៉ាងណាមិញ នាយកប្រតិបត្តិរបស់ The Business Roundtable លោក Joshua Bolten បាននិយាយថា “ពន្ធសកលចាប់ពី ១០-៥០% ជាហានិភ័យនៃការបង្កឲ្យមានគ្រោះថ្នាក់ធំដល់ក្រុមហ៊ុនផលិតកម្ម កម្មករ គ្រួសារ និងអ្នកនាំចេញរបស់អាមេរិក”។

មិនតែប៉ុណ្ណោះ លោក Bolten បានកត់សម្គាល់ទៀតថា ផលប៉ះពាល់សេដ្ឋកិច្ចរបស់ជាតិ នឹងកាន់តែអាក្រក់ទៅ ពេលដែលពន្ធគយជាបន្តបន្ទាប់ នៅតែជាចូលធរមាន ហើយអាចកាន់តែអាក្រក់ខ្លាំងឡើងបន្ថែមទៀត ដោយតែប្រទេសមួយចំនួន នឹងដាក់ចេញវិធានការពន្ធគយសងសឹក មកលើអាមេរិកវិញ ។

យ៉ាងណាមិញ ក្រុម he Business Roundtable កំពុងអំពាវនាវឲ្យរដ្ឋបាល លោក ត្រាំ និងដៃគូពាណិជ្ជកម្មសំខាន់ៗ ធ្វើការឲ្យបានលឿន ដើម្បីឆ្ពោះទៅរកកិច្ចព្រមព្រៀងមួយ ដែលនឹងអាចដកចេញនូវវិធានការពន្ធគយទាំងនេះវិញ។

ជម្រាបជូនផងដែរថា The Business Roundtable មានសមាជិកជានាយកប្រតិបត្តិប្រមាណជាង ២០០ នាក់ មកពីក្រុមហ៊ុនកំពូលៗ របស់សហរដ្ឋអាមេរិក ដោយក្នុងនោះមានក្រុមប្រឹក្សាភិបាល ដូចជានាយកប្រតិបត្តិក្រុមហ៊ុនផលិតរថយន្ត General Motors លោកស្រី Mary Barra នាយកប្រតិបត្តិ Apple លោក Tim Cook និងនាយកប្រតិបត្តិរបស់ក្រុមហ៊ុន JPMorgan លោក Jamie Dimon ជាដើម៕

The post CEO កំពូលៗរបស់អាមេរិក ព្រមានថាពន្ធគយរបស់លោក ត្រាំ អាចប៉ះពាល់ខ្លាំងដល់សេដ្ឋកិច្ចជាតិ appeared first on .

បើតាមលោក Bill Herzog នាយកប្រតិបត្តិនៃក្រុមហ៊ុនសេវាកម្មសន្តិសុខ LionHeart ដែលមានមូលដ្ឋាននៅរដ្ឋ Arizona បានប្រាប់សារព័ត៌មាន Fortune ថាវាមានសារៈសំខាន់ខ្លាំងណាស់សម្រាប់ក្រុមហ៊ុនក្នុងការវិនិយោគដើម្បីការពារ CEO របស់ពួកគេ ជាពិសេសប្រសិនបើពួកគេស្ថិតក្នុងចំណោមអ្នកមានបំផុតនៅលើពិភពលោក ដូចជាស្ថាបនិកក្រុមហ៊ុន Meta លោក Mark Zuckerberg និងស្ថាបនិកក្រុមហ៊ុន Tesla លោក Elon Musk នោះ។

ដោយឡែកខាងក្រោមនេះគឺជាក្រុមហ៊ុនបច្ចេកវិទ្យាកំពូលៗមួយចំនួនដែលហ៊ានចំណាយលុយដ៏ច្រើនបំផុតទៅលើកងការពារ CEO របស់ខ្លួន៖

ក្រុមហ៊ុន Meta

Meta ត្រូវបានគេរាយការណ៍ថាបានចំណាយលុយច្រើនជាង ៣ដង បើធៀបទៅនឹងក្រុមហ៊ុនបច្ចេកវិទ្យាផ្សេងទៀតដើម្បីការពារនាយកប្រតិបត្តិ និងស្ថាបនិករបស់ពួកគេ គឺលោក Mark Zuckerberg។ នៅឆ្នាំ២០២៣ ក្រុមហ៊ុននេះបានចំណាយសរុបចំនួន ២៣,៤លានដុល្លារ សម្រាប់ធានាសន្តិសុខផ្ទាល់ខ្លួនដល់លោក Mark ។

ក្រុមហ៊ុន Alphabet

នាយកប្រតិបត្តិក្រុមហ៊ុន Alphabet លោក Sundar Pichai តែងតែបាននិយាយច្រើនអំពីសុវត្ថិភាពតាមអ៊ីនធឺណិត ខណ:សុវត្ថិភាពផ្ទាល់ខ្លួនរបស់លោកវិញ ក៏ជាគំនិតដ៏សំខាន់សម្រាប់ក្រុមហ៊ុនដែលត្រូវគិតគូផងដែរ។ នៅឆ្នាំ២០២៣ ក្រុមហ៊ុនបច្ចេកវិទ្យាខ្នាតយក្សមួយនេះ បានចំណាយដល់ជាង ៦,៨លានដុល្លារ ដើម្បីការពារលោក Pichai ។ នេះបើយោងតាមឯកសារពី SEC ។

ក្រុមហ៊ុន Telsa

វាមិនជារឿងគួរភ្ញាក់ផ្អើលនោះឡើយ ដែលក្រុមហ៊ុន Tesla ហ៊ានចំណាយយ៉ាងច្រើន ដើម្បីធានាសុខសុវត្ថិភាពដល់នាយកប្រតិបត្តិលោក Elon Musk ដែលជាមហាសេដ្ឋីមានដាច់គេលើលោកនោះ។ Tesla បានបង់ប្រាក់ចំនួន ២,៤លានដុល្លារ ក្នុងឆ្នាំ២០២៣ ដល់ក្រុមហ៊ុនសន្តិសុខមួយដែលគ្រប់គ្រងដោយលោក Musk ផ្ទាល់ សម្រាប់សេវាកម្មសន្តិសុខ។

ក្រុមហ៊ុន Nvidia

Nvidia ហាក់មានការចំណាយតិចជាង បើធៀបទៅនឹងក្រុមហ៊ុនដៃគូបច្ចេកវិទ្យាផ្សេងទៀត ដើម្បីធានាលើសុវត្ថិភាពនាយកប្រតិបត្តិលោក Jensen Huang ។ នៅក្នុងឆ្នាំសារពើពន្ធ ២០២៤ កន្លងទៅ ក្រុមហ៊ុនបានចំណាយប្រហែល ២,២លានដុល្លារលើថ្លៃសន្តិសុខលំនៅដ្ឋាន និងបង់ថ្លៃប្រឹក្សាសម្រាប់លោក Huang បូករួមទាំងលុយរាប់សែនដុល្លារផ្សេងទៀត សម្រាប់សេវាត្រួតពិនិត្យសន្តិសុខផ្សេងៗ សេវាកម្មរថយន្ត និងអ្នកបើកបរផងដែរ។

ក្រុមហ៊ុន Apple

ទោះបីជា Tim Cook មិនមានភាពល្បីល្បាញដូចអ្នកកាន់តំណែងមុន Steve Jobs ក៏ដោយ ប៉ុន្តែលោកនៅតែត្រូវបានចាត់ទុកថាជា CEO ដ៏ជោគជ័យបំផុតរបស់ Apple ហើយក្រុមហ៊ុនតែងតែផ្តល់ការធានាផ្នែកសុវត្ថិភាពដល់រូបលោកជានិច្ច។ ទន្ទឹមនឹងនេះ Apple បានបង់លុយជាង ៨សែនដុល្លារ សម្រាប់ការចំណាយទាក់ទងនឹងសន្តិសុខរបស់ Tim Cook ក្នុងឆ្នាំ២០២៣៕

The post ក្រុមហ៊ុនបច្ចេកវិទ្យាធំៗទាំងនេះ ហ៊ានចាយលុយខ្ទង់លានដុល្លារជួលកងអង្គរក្សការពារ CEO របស់ខ្លួន appeared first on .

យោងតាមក្រុមហ៊ុនស្រាវជ្រាវទីផ្សារ Equilar និង AP បានឲ្យដឹងថា CEO ដែលមានក្រុមហ៊ុនចុះបញ្ជីនៅលើផ្សារហ៊ុនអាមេរិក S&P 500 មានប្រាក់ឈ្នួលកើនឡើងដល់ទៅ១២,៦% កាលពីឆ្នាំមុន ហើយបើធៀបទៅនឹងឆ្នាំ២០២២ ក៏មានការកើនឡើងផងដែរ តែត្រឹមចំនួន០,៩% ប៉ុណ្ណោះ។

នាយកប្រតិបត្តិក្រុមហ៊ុនផលិតបន្ទះឈីប Broadcom លោក Hock E. Tan គឺជា CEO ដែលមានប្រាក់ឈ្នួលខ្ពស់ជាងគេបំផុតនៅទឹកដីសហរដ្ឋអាមេរិក ដោយរូបលោកទទួលបានដល់ទៅចំនួន ១៦១,៨លានដុល្លារឯណោះ។

យ៉ាងណា បើធៀបនឹងបុគ្គលិកដែលធ្វើការឲ្យបណ្តាក្រុមហ៊ុនចុះបញ្ជីនៅផ្សារហ៊ុន S&P 500 ដូចគ្នាវិញ ជាមធ្យមទទួលបានប្រាក់ឈ្នួលចំនួន ៨១ ៥០០ដុល្លារកាលពីឆ្នាំមុន តែចំនួននេះក៏មានការកើនឡើង៥,២% ផងដែរកាលពីឆ្នាំ២០២២។ នេះមានន័យថា អនុបាតប្រាក់ខែរបស់នាយកប្រតិបត្តិ ឬនិយោជិតបានកើនឡើងពី១៨៥ ក្នុងឆ្នាំ២០២២ ដល់១៩៦ ក្នុងឆ្នាំ២០២៣ ។

ទន្ទឹមនឹង​នេះ របាយការណ៍ក៏បានរកឃើញដែរថា CEO ដែលជាស្ត្រីទទួលបានប្រាក់ឈ្នួលជាមធ្យម ១៧,៦លានដុល្លារកាលពីក្នុងឆ្នាំ២០២៣ កើនឡើង៧,៧% ច្រើនជាងសន្ទស្សន៍មធ្យមធម្មតា។ ភ្ជាប់នឹងរបាយការណ៍មួយនេះ លោកស្រី Lisas T. Su នាយកប្រតិបត្តិក្រុមហ៊ុនផ្តល់ដំណោះស្រាយកុំព្យូទ័រ Advanced Micro Devices គឺជា CEO ស្រីដែលមានប្រាក់ឈ្នួលខ្ពស់បំផុត ពោលរហូតដល់ទៅ ៣០,៣៥លានដុល្លារ។

គួរឲ្យដឹងដែរថា ប្រាក់ឈ្នួលរបស់ CEO មានចំនួនដ៏ច្រើនសម្បើមដូច្នេះ គឺកើតឡើងនៅពេលណាដែលសេដ្ឋកិច្ចបង្ហាញពីភាពធន់ ប្រាក់ចំណេញក៏មានការកើនឡើងកប់ពពក រី​ឯភាគហ៊ុនមានការកើនឡើងខ្ពស់ជាដើម៕

The post CEO នៅអាមេរិក ទទួលបានប្រាក់ឈ្នួលលើសបុគ្គលិកដល់ទៅជិត ២០០ដង appeared first on .

នៅសហរដ្ឋអាមេរិក CEO ដែលមានសក្តានុពលក្នុងការដឹកនាំក្រុមហ៊ុនធំៗលំដាប់ពិភពលោក កំពុងទទួលបាននូវប្រាក់បៀវត្ស៍ប្រចាំឆ្នាំយ៉ាងច្រើនសន្ធឹក ដោយក្នុងនោះសារព័ត៌មាន South China Morning Post បានបង្ហាញថា CEO ទាំង ១០រូបដែលមានប្រាក់បៀវត្ស៍ច្រើនដាច់គេនៅទឹកដីសហរដ្ឋអាមេរិកមានដូចជា៖

១. លោក Hock Tan នាយកប្រតិបត្តិនៃក្រុមហ៊ុន Broadcom ទទួលបានប្រាក់បៀវត្ស៍ប្រចាំឆ្នាំចំនួន ១៦១,៨លានដុល្លារ

២. លោក Nikesh Arora នាយកប្រតិបត្តិក្រុមហ៊ុន Palo Alto Networks ទទួលបានប្រាក់បៀវត្ស៍ប្រចាំឆ្នាំចំនួន ១៥១,៤លានដុល្លារ

៣. លោកស្រី Sue Y. Nabi នាយកប្រតិបត្តិក្រុមហ៊ុន Coty ទទួលបានប្រាក់បៀវត្ស៍ប្រចាំឆ្នាំចំនួន ១៤៩,៤លានដុល្លារ

៤. លោក Christopher Winfrey នាយកប្រតិបត្តិក្រុមហ៊ុន Charter Communications ទទួលបានប្រាក់បៀវត្ស៍ប្រចាំឆ្នាំចំនួន ៨៩,១លានដុល្លារ

៥. លោក Will Lansing នាយកប្រតិបត្តិក្រុមហ៊ុន Fair Isaac Corporation ទទួលបានប្រាក់បៀវត្ស៍ប្រចាំឆ្នាំចំនួន ៦៦,៣លានដុល្លារ

៦. លោក Tim Cook នាយកប្រតិបត្តិក្រុមហ៊ុន Apple ទទួលបានប្រាក់បៀវត្ស៍ប្រចាំឆ្នាំចំនួន ៦៣,២លានដុល្លារ

៧. លោក Jay Chaudhry នាយកប្រតិបត្តិក្រុមហ៊ុន Zscaler ទទួលបានប្រាក់បៀវត្ស៍ប្រចាំឆ្នាំចំនួន ៥៧,៨លានដុល្លារ

៨. លោក Hamid Moghadam នាយកប្រតិបត្តិក្រុមហ៊ុន Prologis ទទួលបានប្រាក់បៀវត្ស៍ប្រចាំឆ្នាំចំនួន ៥០,៩លានដុល្លារ

៩. លោក Satya Nadella នាយកប្រតិបត្តិក្រុមហ៊ុន Microsoft ទទួលបានប្រាក់បៀវត្ស៍ប្រចាំឆ្នាំចំនួន ៤៨,៥លានដុល្លារ

១០. លោក Shantanu Narayen នាយកប្រតិបត្តិក្រុមហ៊ុន Adobe ទទួលបានប្រាក់បៀវត្ស៍ប្រចាំឆ្នាំចំនួន ៤៤,៩លានដុល្លារ៕

The post មកស្គាល់ CEO ទាំង ១០រូបមានប្រាក់បៀវត្ស៍ច្រើនដាច់គេនៅអាមេរិក appeared first on .

បើទោះជា​មាន​ងារ​ជា​មហាសេដ្ឋី​មាន​ដាច់គេ​លើលោក​ក្ដី ប៉ុន្តែ​មហាសេដ្ឋី​អាមេរិក​រូប​នេះ​មិន​បាន​ជាប់​ឈ្មោះ​ជា​នាយក​ប្រតិបត្តិ (CEO) ល្អ​បំផុត​នោះ​ឡើយ ពោល​គឺ​លោក​នៅ​ពាក់កណ្ដាល​តារាង​នៃ​បញ្ជី​ CEO ល្អ​បំផុត​លើលោក​ទាំង ១០ រូប។

យោង​តាម​ការ​ចុះផ្សាយ​ពី CEOWORLD បាន​បង្ហាញ​ថា មេធំ Apple លោក Tim Cook គឺ​ជាប់​នៅ​ចំណុច​កំពូល​នៃ​បញ្ជី CEO ល្អ​បំផុត​លើលោក ខណៈ Elon Musk ស្ថិត​នៅលេខ ៥។

ខាងក្រោម​នេះ​គឺជា​បញ្ជី​ឈ្មោះ CEO ល្អ​បំផុត​ទាំង ១០ រូប​ប្រចាំ​ឆ្នាំ ២០២២ ផ្អែក​តាម​ទិន្នន័យ​ពី CEOWORLD៖

១/ Tim Cook នាយកប្រតិបត្តិ​ក្រុមហ៊ុន Apple នៅសហរដ្ឋអាមេរិក

២/ Satya Nadella នាយកប្រតិបត្តិ​ក្រុមហ៊ុន Microsoft នៅសហរដ្ឋអាមេរិក

៣/ Sundar Pichai នាយកប្រតិបត្តិ​ក្រុមហ៊ុន Alphabet នៅសហរដ្ឋអាមេរិក

៤/ Andy Jassy នាយកប្រតិបត្តិ​ក្រុមហ៊ុន Amazon នៅសហរដ្ឋអាមេរិក

៥/ Elon Musk នាយកប្រតិបត្តិ​ក្រុមហ៊ុន Tesla នៅសហរដ្ឋអាមេរិក

៦/ Mark Zuckerberg នាយកប្រតិបត្តិ​ក្រុមហ៊ុន Meta នៅសហរដ្ឋអាមេរិក

៧/ Warren Buffett នាយកប្រតិបត្តិ​ក្រុមហ៊ុន Berkshire Hathaway នៅសហរដ្ឋអាមេរិក

៨/ Dr. C.C. Wei នាយកប្រតិបត្តិ​ក្រុមហ៊ុន TSMC នៅកោះតៃវ៉ាន់

៩/ Jensen Huang នាយកប្រតិបត្តិ​ក្រុមហ៊ុន Nvidia នៅសហរដ្ឋអាមេរិក

១០/ Alfred F Kelly Jr នាយកប្រតិបត្តិ​ក្រុមហ៊ុន Visa Inc. នៅសហរដ្ឋអាមេរិក៕

The post Elon Musk ខ្ទាតមកពាក់កណ្ដាលតារាង CEO ល្អបំផុតលើលោកប្រចាំឆ្នាំ ២០២២ appeared first on .

ចុះ​ធ្លាប់​ឆ្ងល់​ទេ​ថា តើ​ប្រាក់ខែ​រវាង​បុគ្គលិក​ធម្មតា និង​នាយក​ប្រតិបត្តិ​នៃ​ក្រុមហ៊ុន​ធំៗ​នៅ​សហរដ្ឋអាមេរិក មាន​ភាព​ខុសគ្នា​កម្រិត​ណា? អាន​អត្ថបទ​មួយ​នេះ​ដល់​ចប់ ចម្ងល់​មួយ​នេះ​ នឹង​ដោះស្រាយ​បាន​ជាក់​ជាមិនខាន។

បើ​តាម​ការ​ស្រាវជ្រាវ​ពី​គេហទំព័រ Lensa ដែល​សិក្សា​ពី​ប្រាក់ចំណូល​ប្រចាំឆ្នាំ​របស់​ CEO នៃ ១០០​ក្រុមហ៊ុន​ធំៗ​ប្រចាំ​ប្រទេស បាន​ផ្ដល់​លទ្ធផល​ថា ជា​មធ្យម​នាយក​ប្រតិបត្តិ​ប្រចាំ​ក្រុមហ៊ុន​ធំ​មួយ គឺ​អាច​រក​បាន ១,២៨ លាន​ដុល្លារ/ឆ្នាំ ​ច្រើនជាង​បុគ្គលិក​ដែល​មាន​ប្រាក់ខែ​មធ្យម។​

ក្នុង​ចំណោម​ការ​ប្រៀបធៀប​ទាំងអស់ គេ​សង្កេត​ឃើញ​ថា​នាយក​ប្រតិបត្តិ​ Coca-Cola មាន​អតុល្យភាព​ប្រាក់ចំណូល​ប្រចាំឆ្នាំ​ជាមួយ​បុគ្គលិក​ច្រើនជាង​គេ ពោល​ខុសគ្នា ១,៦ លាន​ដុល្លារ​កាលពី​ឆ្នាំ ២០២០ ដែល​គិត​ទៅ​ច្រើនជាង​ប្រាក់​ប្រចាំ​ឆ្នាំ​បុគ្គលិក​ជា​មធ្យម​ ១៤០០៧%។

ខាងក្រោម​គឺ​ជា​បញ្ជី​ប្រៀបធៀប​ប្រាក់ចំណូល​ប្រចាំ​ឆ្នាំ​រវាង CEO និង​បុគ្គលិក​ក្រុមហ៊ុន​ធំៗ​ទាំង ១០ គិត​ជា​ភាគរយ​កាលពី​ឆ្នាំ​ ២០២០ នៃ​សហរដ្ឋអាមេរិក៖

1/ នាយក​ប្រតិបត្តិ​ Coca-Cola, James Quincey ទទួល​បាន​ប្រមាណ ១,៦ លាន​ដុល្លារ​ប្រចាំឆ្នាំ ខណៈ​បុគ្គលិក​ជា​មធ្យម​ទទួល​បាន ១១ ៣៤២ ដុល្លារ ខុសគ្នា ១៤ ០០៧%។

2/ នាយក​ប្រតិបត្តិ​ Starbucks, Kevin Johnson ទទួល​បាន​ប្រមាណ ១,៥៤ លាន​ដុល្លារ​ប្រចាំឆ្នាំ ខណៈ​បុគ្គលិក​ជា​មធ្យម​ទទួល​បាន ១២ ១១៣ ដុល្លារ ខុសគ្នា ១២ ៦១៧%។

3/ នាយក​ប្រតិបត្តិ​ Chipotle Mexican Grill, Brian Niccol ទទួល​បាន​ប្រមាណ ១,២ លាន​ដុល្លារ​ប្រចាំឆ្នាំ ខណៈ​បុគ្គលិក​ជា​មធ្យម​ទទួល​បាន ១៤ ១៥៥ ដុល្លារ ខុសគ្នា ៨ ៣៧៨%។

4/ នាយក​ប្រតិបត្តិ​ Viacom, Robert Bakishទទួល​បាន​ប្រមាណ ៣ លាន​ដុល្លារ​ប្រចាំឆ្នាំ ខណៈ​បុគ្គលិក​ជា​មធ្យម​ទទួល​បាន ៣៩ ១១០ ដុល្លារ ខុសគ្នា ៧ ៥៧១%។

5/ នាយក​ប្រតិបត្តិ​ Walmart, Doug McMillon ទទួល​បាន​ប្រមាណ ១,២៧ លាន​ដុល្លារ​ប្រចាំឆ្នាំ ខណៈ​បុគ្គលិក​ជា​មធ្យម​ទទួល​បាន ២០ ៩៤២ ដុល្លារ ខុសគ្នា ៥ ៩៧៤%។

6/ នាយក​ប្រតិបត្តិ​ Lowe’s Companies, Marvin Ellison ទទួល​បាន​ប្រមាណ ១,៤៥ លាន​ដុល្លារ​ប្រចាំឆ្នាំ ខណៈ​បុគ្គលិក​ជា​មធ្យម​ទទួល​បាន ២៤ ៥៥៤ ដុល្លារ ខុសគ្នា ៥ ៨០៥%។

7/ នាយក​ប្រតិបត្តិ​ Target, Brian Cornell ទទួល​បាន​ប្រមាណ ១,៤ លាន​ដុល្លារ​ប្រចាំឆ្នាំ ខណៈ​បុគ្គលិក​ជា​មធ្យម​ទទួល​បាន ២៤ ៥៣៥ ដុល្លារ ខុសគ្នា ៥ ៦០៦%។

8/ នាយក​ប្រតិបត្តិ​ Kroger, W. Rodney McMullen ទទួល​បាន​ប្រមាណ ១,៣៤ លាន​ដុល្លារ​ប្រចាំឆ្នាំ ខណៈ​បុគ្គលិក​ជា​មធ្យម​ទទួល​បាន ២៤ ៦១៧ ដុល្លារ ខុសគ្នា ៥ ៣៤៨%។

9/ នាយក​ប្រតិបត្តិ​ Apple, Tim Cookទទួល​បាន​ប្រមាណ ៣ លាន​ដុល្លារ​ប្រចាំឆ្នាំ ខណៈ​បុគ្គលិក​ជា​មធ្យម​ទទួល​បាន ៥៧ ៧៨៣ ដុល្លារ ខុសគ្នា ៥ ០៩២%។

10/ នាយក​ប្រតិបត្តិ​ Home Depot, Craig Menearទទួល​បាន​ប្រមាណ ១,៣ លាន​ដុល្លារ​ប្រចាំឆ្នាំ ខណៈ​បុគ្គលិក​ជា​មធ្យម​ទទួល​បាន ២៧ ៣៨៩ ដុល្លារ ខុសគ្នា ៤ ៦៤៦%។

ប្រភព: cnbc

The post ប្រៀប​ធៀប​ប្រាក់ខែ​មេធំៗ និងកូន​ចៅ​នៅក្រុមហ៊ុន​លំដាប់ខ្ពស់​ ខុស​គ្នា​យ៉ាងណា? appeared first on .

ចូល​ធ្វើការ​ដំបូង​នៅ​ក្រុមហ៊ុន​ Twitter បុរស​ជនជាតិ​ឥណ្ឌា​រូបនេះ​គឺ​ជា​បុគ្គលិក​ផ្នែក​វិស្វករ​បច្ចេកវិទ្យា ដែល​បាន​បញ្ចប់​ថ្នាក់​សិក្សា​បរិញ្ញាបត្រ​ពី​សកល​វិទ្យាល័យ IIT Bombay និង​ជា​បណ្ឌិត PhD ផ្នែក​វិទ្យាសាស្ត្រ​កុំព្យូទ័រ​ពី​សាកល​វិទ្យាល័យ Stanford University។

ក្នុង​តំណែង​ជា​វិស្វករ​បច្ចេកវិទ្យា​ប្រចាំ​ក្រុមហ៊ុន Agrawal រ៉ាប់រង​ និង​ខិតខំ​អភិវឌ្ឍន៍​ប្រព័ន្ធ​ផ្សព្វផ្សាយ Twitter Ads និង​ព្យាយាម​បង្កើន​កំណើន​អ្នក​ប្រើប្រាស់​ឲ្យ​បាន​កាន់តែ​ច្រើន​ ជាពិសេស​គឺ​អ្នកប្រើប្រាស់​តាម​ផ្ទះ​តែ​ម្ដង។

ដោយឡែក​តំណែង​ថ្មី​ជា​នាយក​ប្រតិបត្តិ​ប្រចាំ​ Twitter បាន​ជួយ​ឲ្យ​បុរស​វ័យ ៣៧ ឆ្នាំ​ទទួល​បាន​ប្រាក់​បៀវត្ស​ប្រចាំឆ្នាំ ១ លាន​ដុល្លារ​អាមេរិក និង​បន្ត​ជា​បេក្ខភាព​នៃ​ផែនការ​ប្រាក់​លើកទឹកចិត្ត​សម្រាប់​ថ្នាក់​ដឹកនាំ​កំពូល​ប្រចាំ​ក្រុមហ៊ុន​ជាមួយ​គម្រោង​បន្ថែម​ប្រាក់​លើក​ទឹកចិត្ត ១៥០% នៃ​ប្រាក់បៀវត្ស​ប្រចាំ​ឆ្នាំ​គោល​ផង​ដែរ។ នេះ​បើ​តាម​ការ​ឲ្យ​ដឹង​ពី​គេហទំព័រ​ផ្លូវការ​របស់ Twitter ទៅកាន់ US SEC។

បន្ថែម​ពី​ប្រាក់បៀវត្ស​ប្រចាំ​ឆ្នាំ​ដ៏​ច្រើន​សន្ធឹក បុរស​ជនជាតិ​ឥណ្ឌា​ក៏​ទទួល​បាន​អត្ថប្រយោជន៍​ដ៏​អស្ចារ្យ​មួយ​ទៀត​ ដែល​នោះ​គឺ​ក្រុមប្រឹក្សាភិបាល​ប្រចាំ​ក្រុមហ៊ុន​នឹង​ផ្ដល់​ចំណែក​ភាគហ៊ុន​ដែល​នឹង​មាន​តម្លៃ​រហូត​ដល់ ១២,៥ លាន​ដុល្លារ​អាមេរិក​ទៅ​កាន់​លោក Agrawal ផង​ដែរ។

ប្រភព​ដដែល​បន្ថែម​ថា ថវិកា​ ១២,៥ លាន​ដុល្លារ​អាមេរិក​​ នឹង​ផ្ដល់​ឲ្យ​ក្នុង​រយៈពេល ១៦ ត្រីមាស​​ស្មើៗគ្នា គិត​ចាប់ពី​ថ្ងៃទី ០១ ​ខែ​កុម្ភៈ ២០២២​តទៅ ហើយ​នៅ​ខែ​មេសា ២០២២ ក្រុមប្រឹក្សាភិបាល​នឹង​សម្រេច​ប្រគល់​ប្រាក់​នោះ​ទៅ​ឲ្យ Agrawal តាម​រយៈ​ការ​បញ្ចេញ​​សមត្ថភាព​របស់​លោក ថា​មិន​ត្រូវ​លោក​អាច​នឹង​ទទួល​បាន​ប្រាក់​ទាំងអស់​នោះ​មុន​កាល​កំណត់​ប្រសិន​បើ​លោក​ដឹកនាំ​ក្រុមហ៊ុន​បាន​ល្អ។

បញ្ជាក់​ដែរ​ថា Agrawal បាន​ចូល​រួម​នៅ​ក្នុង​បញ្ជី​ឈ្មោះ​ CEO ជនជាតិ​ឥណ្ឌា​សម្រាប់​ក្រុមហ៊ុន​ធំៗ​នៅ​អាមេរិក​ដែល​មាន​ដូចជា លោក Sundar Pichai (GOOGLE), Satya Nadella (Microsoft), Arvind Krishna (IBM), Shantanu Narayen (Adobe CEO) និង Rangarajan Raghuram (Vmware) ជាដើម៕

ប្រភព: livemint

The post ចាយ​ពេល ១០ បុរសឥណ្ឌា​ឡើង​តំណែង​​ជា CEO ក្រុមហ៊ុន Twitter មួយ​​ឆ្នាំ​រក​ចំណូល​ខ្ទង់​លាន​ដុល្លារ appeared first on .

Ford Motor Company ជាក្រុមហ៊ុនផលិតរថយន្តដ៏ធំបំផុតមួយលើពិភពលោកកំពុងពេញនិយម ដែលមានទីស្នាក់ការកណ្តាលនៅទីក្រុង Dearborn រដ្ឋ Michigan សហរដ្ឋអាមេរិក។

ក្រុមហ៊ុន Ford ត្រូវបានបង្កើតឡើងដោយលោក Henry Ford ដែលបានចុះបញ្ជីជាផ្លូវការនៅថ្ងៃទី ១៦ ខែ មិថុនាឆ្នាំ ១៩០៣។ ភាពជោគជ័យឥតឈប់ឈរក្នុងវិស័យ​ឧស្សាហកម្ម​យានយន្ត ដោយផលិតរថយន្តស៊េរីទំនើបគុណភាពជាចម្បងសម្រាប់ផ្គត់ផ្គង់ទីផ្សារប្រមាណជាង ១១៨ ឆ្នាំមកនេះ Ford មានឈ្មោះល្បីល្បាញ ខណៈពេលបច្ចុប្បន្នក្រុមហ៊ុនបានពង្រីកខ្លួន ជាមួយនឹងការបង្កើតរោងចក្រជាច្រើននៅទូទាំងពិភពលោក ដូចជា សហរដ្ឋអាមេរិក កាណាដា ម៊ិចស៊ិកកូ ចិន ឥណ្ឌា អង់គ្លេស អាល្លឺម៉ង់ និងប្រទេសជាច្រើន ។

ជាមួយគ្នានេះ ក្រុមហ៊ុនរថយន្តដ៏ល្បីល្បាញ Ford ក៏មានវត្តមាននៅក្នុងទីផ្សារប្រទេសកម្ពុជារួចមកហើយតាមរយៈក្រុមហ៊ុន RMA Cambodia ដែលជាក្រុមហ៊ុន ដៃគូយូរអង្វែង របស់ខ្លួនអស់រយ:ពេលជាច្រើនឆ្នាំ។ ថ្មីៗនេះ Ford បានបង្ហាញពីគម្រោងច្បាស់លាស់ គ្រោងមកបោះទីតាំង រោងចក្រផ្គុំនិងដំឡើងរថយន្ត Ford ដោយបោះទុនវិនិយោគប្រមាណ ២១ លានដុល្លារអាមេរិក ដែលគ្រោងនឹងបញ្ចប់ការសាងសង់នៅឆ្នាំ ២០២២ នៅក្នុងភូមិសាស្រ្តខេត្តពោធិសាត់ ។

លោក ងន សាំង នាយកប្រតិបត្តិក្រុមហ៊ុន RMA ថ្លែងក្នុងកិច្ចប្រជុំថា៖ ” ទីផ្សាររថយន្តថ្មី Ford លក់ចេញសរុបបានចំនួន ៤៦៧៩ គ្រឿងកើនជាង ៤៥% ក្នុងឆ្នាំ ២០២១ ។ ជាមួយនឹង ចំណែកទីផ្សារធំជាងគេនៅកម្ពុជា បែបនេះក៏ជាកត្តាធ្វើឲ្យក្រុមហ៊ុន RMA សម្រេចចិត្តសង់រោងចក្រដំឡើងរថយន្ត Ford ដើម្បីផ្គត់ផ្គង់ទីផ្សារក្នុងស្រុកតែមួយគត់ផងដែរ “ ។

បើតាមការបញ្ជាក់របស់នាយកប្រតិបត្តិ Ford នៅកម្ពុជា រោងចក្រនេះ នឹងតំឡើងរថយន្តពីរម៉ូឌែលមុនគេគឺ រថយន្ត Ford Ranger (XLT, Wildtrack) និងរថយន្ត Ford Everest ។ ការដំឡើងនោះទៀតសោត ផ្តោតតែម៉ូឌែលណាដែលគេអនុញ្ញាតសិន (លក់ដាច់ខ្លាំង) ទើបឆ្នាំបន្តបន្ទាប់ទើបដំឡើងគ្រប់ម៉ូឌែលទាំងអស់។

ជុំវិញភាពជោគជ័យរបស់ក្រុមហ៊ុន Ford ឧកញ៉ាញូស៍ សូមលើកទុកដោយឡែក ប៉ុន្តែម៉ោងនេះចង់បង្វែអារម្មណ៍ប្រិយមិត្តមកស្គាល់ CEO របស់ក្រុមហ៊ុនផលិតរថយន្តធំបំផុតមួយនៅលើលោកមួយនេះ ដូចតទៅ៖

លោក Jim Farley Jr ជានាយកប្រតិបត្តិ (Chief Executive Officer)ក្រុមហ៊ុន Ford Motor Company ដែលបានចូលកាន់តំណែងជំនួសលោក Jim Hackett អ្នកជំនួញជនជាតិអាមេរិកមានទ្រព្យសម្បត្តិសរុប ៥០ លានដុល្លារ កាលពីថ្ងៃទី ១ ខែតុលា ឆ្នាំ ២០២០ កន្លងទៅ ស្របពេលដែលលោកក៏កាន់តួនាទីជាសមាជិកក្រុមប្រឹក្សាភិបាលរបស់ក្រុមហ៊ុនយក្សផលិតរថយន្ត Ford នេះផងដែរ។

កន្លងមក Ford បានរាយការណ៍ថា CEO លោក Farley ទទួលបានប្រាក់បៀវត្សរ៍ប្រចាំឆ្នាំចំនួន ១២.៤៩១.៥៤០ ដុល្លារ។ ខណៈដែលទ្រព្យសម្បត្តិសុទ្ធប៉ាន់ស្មានរបស់លោកសរុបមានប្រមាណ ៧១.៣ លានដុល្លារអាមេរិក ដោយគិតត្រឹមថ្ងៃទី ១៩ ខែមីនា ឆ្នាំ ២០២១ ។

ក្នុងនាមជានាយកប្រតិបត្តិ លោក Farley បានប្តេជ្ញាផ្តោតជាសំខាន់លើការពន្លឿនការផ្លាស់ប្តូររបស់ Ford តាមរយៈឧត្តមភាពនៃការប្រតិបត្តិការដែលផ្តល់អត្ថប្រយោជន៍ដល់អតិថិជន និងផ្តល់នូវកំណើនប្រាក់ចំណេញប្រកបដោយនិរន្តរភាព។

លោក Jim Farley Jr កើតនៅឆ្នាំ ១៩៦២ លោកបានបញ្ចប់ការសិក្សាថ្នាក់បរិញ្ញាបត្រផ្នែកសេដ្ឋកិច្ចពីសាកលវិទ្យាល័យ Georgetown នៅទីក្រុង វ៉ាស៊ីនតោន ឌីស៊ី និងសាកលវិទ្យាល័យ កាលីហ្វ័រញ៉ា រដ្ឋ Los Angeles (UCLA) ផ្នែកគ្រប់គ្រង។

នៅមុនពេលចូលរួមជាមួយ Ford នឹងក្តោបដំណែងធំជា CEO ក្នុងឆ្នាំ ២០០៧ លោក Farley គឺជាអនុប្រធានក្រុម ហើយក្រោយមកត្រូវបានតែងតាំជាអ្នកគ្រប់គ្រងទូទៅរបស់ក្រុមហ៊ុនផលិតរថយន្តរបស់ប្រទេសជប៉ុន Toyota ដែលដឹកនាំការលក់ និងគ្រប់គ្រងផ្នែកទីផ្សារសម្រាប់ម៉ាកយីហោ Lexus ។

តែទោះជាយ៉ាងណា ធ្វើការមិនបានប៉ុន្មានផង លោក Farley ក៏ត្រូវបានបញ្ចុះបញ្ចូលឲ្យចាកចេញពីក្រុមហ៊ុន Toyota វិញ ដែលចរចារនាយកប្រតិបត្តិក្រុមហ៊ុន Ford លោក Bill Ford ក្នុងឆ្នាំ ២០០៧ ។ ទីបំផុតលោកត្រូវបានតែងតាំងជាប្រធានផ្នែកលក់ និងសេវាកម្មទីផ្សារពិភពលោក សម្រាប់ក្រុមហ៊ុន Ford នៅក្នុងឆ្នាំ ២០១០ ខណ:គាត់ក៏បានក្លាយជាប្រធានផ្នែកគ្រប់គ្រងការផលិតរថយន្ត Ford ទូទាំងពិភពលោកផងដែរ ។

លើសពីនេះ លោកក៏ជាអ្នកទទួលខុសត្រូវផ្នែកប្រតិបត្តិការជាសកលសម្រាប់ក្រុមហ៊ុន Lincoln  ចាប់តាំងពីឆ្នាំ ២០១២ រហូតដល់ឆ្នាំ ២០១៤ ផងដែរ មុនពេលទទួលខុសត្រូវក្នុងការត្រួតពិនិត្យប្រតិបត្តិការអន្តរជាតិ នៅខាងប៉ែកអឺរ៉ុប របស់ក្រុមហ៊ុន។

ជាមួយគ្នានេះ ក្រោយពីទទួលតំណែងបន្តពីលោក Hackett នាយកប្រតិបត្តិថ្មីសញ្ជាតិអាមេរិករូបនេះ បានដាក់ចេញយុទ្ធសាស្រ្តសំខាន់ៗ ដោយរួមបញ្ចូលទីផ្សារពិភពលោករបស់ក្រុមហ៊ុន ក៏ដូចជាការបណ្តាក់ទុនអាជីវកម្មថ្មីៗ តម្លៃ ២៩ ពាន់លានដុល្លារក្នុងការផលិតរថយន្តបើកដោយស្វយ័ត និងរថយន្តអគ្គិសនី រហូតដល់ឆ្នាំ ២០២៥ ។

លោក Jim Farley Jr បានបង្ហាញពីទស្សន:ថា ៖ “ ក្នុងរយ:ពេល ៣ ឆ្នាំចុងក្រោយ ក្រោមការដឹកនាំរបស់លោក Jim Hackett យើងទទួលបានភាពជោគជ័យដ៏មានន័យ និងបានក្លាយជាក្រុមហ៊ុនមួយយ៉ាងសកម្ម និងរីកចម្រើនបំផុត។ ឥឡូវនេះ ដល់ពេលដែលយើងត្រូវធ្វើតាមគោលការណ៍ទាំងនោះបន្ត។ យើងនឹងប្រកួត បែងចែកធនធានដើម្បីរកភាពរីកចម្រើន និងស្វែងរកឱកាសជោគជ័យ និងបង្កើនចំនួនអតិថិជនតាមរយ:ផលិតផល និងបទពិសោធល្អៗ “ ។

សូមបញ្ជាក់ថា ក្រុមហ៊ុន Ford & Tesla គឺជាក្រុមហ៊ុនផលិតរថយន្តអាមេរិកតែមួយគត់ ដែលគ្មានបទពិសោធនក្ស័យធនក្នុងចំណោមក្រុមហ៊ុនចាប់ផ្តើមផលិតរថយន្តចំនួន ១០០០ គ្រឿង និយាយជារួម គឺលំហូរសាច់ប្រាក់វិជ្ជមានជានិច្ច។

ក្រុមហ៊ុន Ford បានរាយការណ៍ថា ប្រាក់ចំណូលនៅត្រីមាសទី ១ ឆ្នាំនេះមុនពេលបង់ពន្ធដែលបានតម្រូវ EBIT សរុបមានចំនួន ៤,៨ ពាន់លានដុល្លារ ដោយចំនួននេះមានការកើនឡើងបើធៀបនឹងឆ្នាំ ២០២០ កន្លងទៅ ចំនួន ៦៣២ លានដុល្លារ ចំណែកឯឆ្នាំ ២០១៩ វិញ មាន ២,៤ ពាន់លានដុល្លារ នៅត្រីមាសទី ១ ដូចគ្នា៕

The post CEO Ford បច្ចប្បន្នលោក Farley ត្រូវបានចរចារទិញទឹកចិត្ត ១២ លានដុល្លារ មុនចូលកាន់តំណែងធំនេះ appeared first on .