ជុំវិញការសម្រេចចិត្តដកខ្លួនចេញឈប់រកស៊ី នៅក្នុងប្រទេសថៃនេះ គឺត្រូវបានធ្វើឡើង ដោយក្រុមហ៊ុនមេ Delivery Hero ដែលមានមូលដ្ឋាននៅទីក្រុងប៊ែកឡាំង ប្រទេសអាល្លឺម៉ង់ នៅក្នុងេហតុផលថា នេះជាការផ្លាស់ប្តូរយុទ្ធសាស្រ្ត និងដើម្បីបង្កើនប្រសិទ្ធភាពចំពោះវត្តមានជាសកលរបស់ខ្លួន នៅក្នុងតំបន់អាស៊ីប៉ាស៊ីហ្វិកផ្សេងទៀត។

គួរឲ្យដឹងផងដែរថា ការសម្រេចចិត្តរបស់ក្រុមហ៊ុន Delivery Hero ក្នុងការបិទអាជីវកម្ម Foodpanda នៅក្នុងប្រទេសថៃនេះ គឺត្រូវបានធ្វើឡើងក្នុងហេតុផលដូចគ្នា នៅក្នុងប្រទេសដូចជាដាណឺម៉ាក ហ្គាណា ស្លូវ៉ាគី និងស្លូវេនី ផងដែរ។

មិនតែប៉ុណ្ណោះ សេចក្តីថ្លែងការណ៍ខាងលើបានបន្ថែមទៀតថា ក្រុមហ៊ុន Delivery Hero បានបង្ហាញការអរគុណចំពោះបុគ្គលិក អតិថិជន ដៃគូ និងអ្នកដឹកជញ្ជូនក្នុងប្រទេសថៃ ដែលតែងតែគាំទ្រ Foodpanda ក្នុងពេលកន្លងមកនេះ។

ជម្រាបជូនផងដែរថា ជុំវិញការបញ្ឈប់អាជីវកម្មនេះ ដោយសារតែ Foodpanda បាននឹងកំពុងជួបការលំបាកខ្លាំងក្នុងទីផ្សារចែកចាយម្ហូបអាហារក្នុងប្រទេសថៃ ដែលមានការប្រកួតប្រជែងខ្លាំងដោយមានចំណែកអតិថិជនតិចជាង ១៥% ប៉ុណ្ណោះ និងជាប់ចំណាត់ថ្នាក់ទីបីដាច់ឆ្ងាយបន្ទាប់ពីក្រុមហ៊ុន Lineman Wongnai (មានចំណែក ៤៤%) និង GrabFood (មានចំណែក ៣៩,៤%)៕

The post ក្រុមហ៊ុនដឹកអាហារខ្នាតយក្ស Foodpanda ប្រកាសដកខ្លួនឈប់រកស៊ី នៅក្នុងប្រទេសថៃ appeared first on .

នៅក្នុងសន្និសីទសារព័ត៌មានមួយ គណៈកម្មាការបាននិយាយថា ផលប៉ះពាល់អវិជ្ជមាននៃការរួមបញ្ចូលគ្នានេះនឹងលើសពីផលប្រយោជន៍សេដ្ឋកិច្ចទាំងមូល ហើយវិធានការកែតម្រូវ នឹងមិនអាចដោះស្រាយកង្វល់នៃការប្រកួតប្រជែងនោះទេ។

លោក Chen Chih-min អនុប្រធាន FTC របស់តៃវ៉ាន់បាននិយាយថា ៖”នៅក្នុងទីផ្សារវេទិកាដឹកជញ្ជូនម្ហូបអាហារ សម្ពាធប្រកួតប្រជែងចម្បងរបស់ UberEats គឺមកពី Foodpanda ។ ហើយកិច្ចព្រមព្រៀងទិញយកនេះ នឹងលុបបំបាត់សម្ពាធនៃប្រកួតប្រជែង” ។

លោកបន្តទៀតថា៖”ក្រោយការច្របាច់បញ្ចូលគ្នា UberEats នឹងមានឧបសគ្គតិចជាងមុនក្នុងការប្រកួតប្រជែង ដោយវានឹងលើកទឹកចិត្តបន្ថែមទៀតក្នុងការបង្កើនតម្លៃសម្រាប់អ្នកប្រើប្រាស់ និងថែមទាំងបង្កើនកម្រៃជើងសារសម្រាប់ប្រតិបត្តិករភោជនីយដ្ឋានផងដែរ”។ លោក Chen បានបន្ថែមថាក្រោយការរួមបញ្ចូលគ្នាជាក្រុមហ៊ុនតែមួយ នោះចំណែកទីផ្សាររួមរបស់ក្រុមហ៊ុនទាំងពីរ នៅតៃវ៉ាន់នឹងលើសពី ៩០% ។

ជម្រាបជូនផងដែរថា Uber និង Delivery Hero បានប្រកាសពីការទិញយក Foodpanda កាលពីខែឧសភាកន្លងទៅ​ ក្នុងកិច្ចព្រមព្រៀងដែលមានតម្លៃដល់ទៅ ១,២៥ពាន់លានដុល្លារ ដោយក្នុងនោះ ៩៥០លានដុល្លារជាលុទ្ធសុទ្ធ និង ៣០០លានដុល្លារផ្សេងទៀតជាភាគហ៊ុន៕

The post តៃវ៉ាន់ រារាំងកិច្ចព្រមព្រៀងតម្លៃជិត ១ពាន់លានដុល្លាររបស់ Uber ក្នុងការទិញយក Foodpanda appeared first on .

យោងតាមការចុះផ្សាយពីសារព័ត៌មាន Reuters បានបង្ហាញថា មួយរយៈចុងក្រោយក្រុមហ៊ុនមេ​របស់ Foodpanda គឺក្រុមហ៊ុន Delivery Hero បានព្យាយាមលក់ក្រុមហ៊ុនបុត្រសម្ព័ន្ធ Foodpanda នៅក្នុងតំបន់អាស៊ី ដើម្បីស្វែងរកប្រាក់ចំណេញ។

គួររំលឹកបន្តិចថា សម្រាប់កិច្ចព្រមព្រៀងមួយនេះ ក្រុមហ៊ុន Uber បានចាយលុយ ៩០០លានដុល្លារ ដើម្បីគ្រប់គ្រងអាជីវកម្មរបស់ Foodpanda ទាំងស្រុងនៅតៃវ៉ាន់ និងសន្យាចាយជាង ៣០០លានដុល្លារទៀត ក្នុងការទិញយកភាគហ៊ុនរបស់ក្រុមហ៊ុនមេ Delivery Hero។

ជម្រាបបន្ថែមថា ក្រុមហ៊ុន Uber មានក្ដីរំពឹងខ្ពស់ថា ក្រោយការទិញយក Foodpanda នៅតៃវ៉ាន់ វានឹងជួយបង្កើនប្រាក់ចំណេញដល់ក្រុមហ៊ុន ប្រហែល ១៥០លានដុល្លារក្នុងមួយឆ្នាំបន្ថែមទៀត៕

The post ក្រុមហ៊ុន Uber ចាយលុយជាង ១ពាន់លានដុល្លារ ទិញ Foodpanda នៅតៃវ៉ាន់ appeared first on .

ប្រជាជនវៀតណាម មានទំនោរទៅរកការបញ្ជាទិញម្ហូបអាហារអនឡាញ ដោយសារមានភាពងាយស្រួល និងសន្សំពេលវេលា ដោយពួកគេច្រើនប្រើកម្មវិធីពេញនិយម​នៅតំបន់អាស៊ានគឺ Grab និង Shopee Food។

គួសបញ្ជាក់ដែរថា ថ្វីបើវៀតណាមចំណាយលុយជាង ១ពាន់លានដុល្លារ លើការបញ្ជាទិញ​ម្ហូបអាហារអនឡាញមែន តែបើធៀបនឹងប្រទេសផ្សេងទៀតនៅអាស៊ាន គឺនៅមានចំនួនតិចនៅឡើយ ពោលឥណ្ឌូណេស៊ីចំណាយអស់ ៤,៦ពាន់លានដុល្លារ ថៃ ៣,៧ពាន់លានដុល្លារ សិង្ហបុរី និងហ្វីលីពីន ២,៥ពាន់លានដុល្លារ និងម៉ាឡេស៊ីចំណាយ ២,៤ពាន់លានដុល្លារ កាលពីឆ្នាំមុន ទៅលើការទិញម្ហូបអាហារអនឡាញ។

សូមជម្រាបបន្ថែមថា កម្មវិធីកម៉្មង់ម្ហូបពេញនិយមបំផុតនៅអាស៊ានគឺ Grab ដែលក្ដោបក្ដាប់ទីផ្សារ​បញ្ជាទិញម្ហូបអនឡាញនៅអាស៊ានសរុប ៩,៤ពាន់លានដុល្លារ តាមពីក្រោយ Foodpanda ២,៧ពាន់លានដុល្លារ ខណៈក្រុមហ៊ុនសិង្ហបុរី Shopee Food មានចំណែក ១,៥ពាន់លានដុល្លារ៕

The post ពលរដ្ឋវៀតណាមចាយលុយជិត ៤លានដុល្លារជារៀងរាល់ថ្ងៃ ក្នុងការទិញម្ហូបអាហារអនឡាញ appeared first on .

Delivery Hero ដែលជាក្រុមហ៊ុនខ្នាតយក្សរបស់អាល្លឺម៉ង់ បានធ្វើការប្រកាសកាលពីថ្ងៃពុធ ទី២០ ខែកញ្ញាថា ការលក់នេះ គឺសម្រាប់អាជីវកម្មរបស់ខ្លួន នៅក្នុងប្រទេសសិង្ហបុរី ម៉ាឡេស៊ី ហ្វីលីពីន ថៃ កម្ពុជា មីយ៉ាន់ម៉ា និងឡាវ ។

ទស្សនាវដ្តីធុរកិច្ចអាឡឺម៉ង់ WirtchaftsWoche បានរាយការណ៍បឋមមកថា ក្រុមហ៊ុន Grab របស់សិង្ហបុរី អាចនឹងត្រូវចំណាយទឹកប្រាក់ច្រើនជាង ១,០៧ពាន់លានដុល្លារ ដើម្បីទិញយកអាជីវកម្មនេះ មកគ្រប់គ្រង។

ជាមួយគ្នានោះ ខាងតំណាងក្រុមហ៊ុន Foodpanda បាននិយាយប្រាប់សារព័ត៌មាន CNA ថា ៖ “Delivery Hero បានបញ្ជាក់ពីការចរចាជាមួយភាគីជាច្រើនរួចហើយ ទាក់ទងនឹងការលក់ផ្នែកខ្លះនៃអាជីវកម្ម foodpanda របស់ខ្លួន នៅក្នុងទីផ្សារអាស៊ីអាគ្នេយ៍។ ហើយចំពោះការពិភាក្សា ឬផែនការណាមួយ គឺស្ថិតនៅក្នុងដំណាក់កាលបឋមនៅឡើយ ” ៕

The post Delivery Hero កំពុងចរចាលក់ Foodpanda ទៅឱ្យ Grab ក្នុងតម្លៃជាង ១ពាន់លានដុល្លារ appeared first on .

លោក Patrice Vignes នាយកគ្រប់គ្រងក្រុមហ៊ុន ឌីលីវើរី ហេរ៉ូ (Foodpanda Cambodia) បាន​​ឲ្យ​ដឹង​ថា Foodpanda គឺជាកម្មវិធីដឹកជញ្ជូនចែកចាយអាហារ និងគ្រឿងទេសធំជាងគេនៅអាស៊ី ដែលប្រតិបត្តិការនៅក្នុងទីក្រុងជាង ៤០០។

Foodpanda បាន​បើក​ដំណើរការក្នុងប្រទេសកម្ពុជាក្នុងខែវិច្ឆិកា ឆ្នាំ២០១៩ ដោយបានចាប់ផ្តើមពីការិយាល័យតូចមួយ ដោយសព្វថ្ងៃនេះ Foodpanda ដំណើរការនៅក្នុង ១៥ ខេត្តក្នុងប្រទេសកម្ពុជា។ ក្នុងរយៈពេល ២ឆ្នាំកន្លះ Foodpanda បានរីកចម្រើនយ៉ាងឆាប់រហ័ស ហើយសព្វថ្ងៃនេះ មនុស្សរាប់ពាន់នាក់ដែលរួមមានអ្នកដឹកជញ្ជូន អ្នកជំនួញ និងអតិថិជន ធ្វើប្រតិបត្តិការជារៀងរាល់ថ្ងៃនៅលើកម្មវិធី Foodpanda តាមរយៈទូរស័ព្ទSmartphone។

លោក​ឈួន ដារ៉ា រដ្ឋលេខាធិការក្រសួងពាណិជ្ជកម្ម ក៏​បាន​សម្តែងការស្វាគមន៍យ៉ាងកក់ក្តៅ ចំពោះការមកដល់នៃក្រុមហ៊ុន ឌីលីវើរី ហេរ៉ូ (Foodpanda Cambodia) ដែលជាក្រុមហ៊ុនមានដើមកំណើតនៅប្រទេសអាល្លឺម៉ង់ និងបានពង្រីកអាជីវកម្មរបស់ខ្លួននៅតាមបណ្តាប្រទេសចំនួន៤០ប្រទេសជុំវិញពិភពលោក ក្នុងនោះមាន៧ប្រទេសក្នុងតំបន់អាស៊ានរួមមាន កម្ពុជា ថៃ ឡាវ សឹង្ហបុរី ហ្វីលីពីន ម៉ាឡេស៊ី និងមីយ៉ាន់ម៉ា។

នាឱកាសសម្ពោធការិយាល័យ​កណ្តាលក្រុមហ៊ុន ឌីលីវើរី ហេរ៉ូ (Foodpanda Cambodia) កាលពីពេល​ថ្មីៗ​នេះ លោក​លោក​ឈួន ដារ៉ា បាន​ឲ្យ​ដឹង​ថា វត្តមានរបស់ Foodpanda Cambodia បាន​រួមចំណែកយ៉ាងសំខាន់ក្នុងការបង្កើនការងារ និងប្រាក់ចំណូលជូនប្រជាជន ព្រមទាំងផ្តល់សេវាកម្មដឹកជញ្ជូនម្ហូបអាហារ និងគ្រឿងទេសផ្សេងៗទៀតជូនអតិថិជនតាមរយៈទូរស័ព្ទ Smartphone បានយ៉ាងឆាប់រហ័ស ដោយអតិថិជនអាចបញ្ជាទិញទំនិញពីភោជនីយដ្ឋាន និងហាងសម្ភារៈផ្សេងទៀតបានយ៉ាងងាយស្រួល។

បើ​តាម​មន្រ្តី​ក្រសួង​ពាណិជ្ជកម្ម​រូប​នេះ​ក៏​មើលឃើញ​ដែរ​ថា ការ​មក​ដល់​របស់ Foodpanda Cambodia បាន​ជួយ​សម្រួល​ដល់ភ្ញៀវទេសចរណ៍ជាតិ និងអន្តរជាតិ ដែលចូលមកកម្សាន្តនៅក្នុង​ប្រទេស​កម្ពុជា ជាពិសេសអាចជួយកាត់បន្ថយការឆ្លងជំងឺកូវីដ-១៩ ដែលកំពុងរីករាលដាលជាសកលផងដែរ។

លោក Patrice Vignes នាយកគ្រប់គ្រងក្រុមហ៊ុន Foodpanda បាន​បន្ថែម​ថា វត្តមានរបស់ Foodpanda នៅប្រទេសកម្ពុជាបានចូលរួមចំណែក ៣យ៉ាងសំខាន់ៗ រួមមាន៖ ទី១-ការជំរុញបច្ចេកវិទ្យា ការច្នៃប្រឌិត និងឌីជីថល (Driving Tech, Innovation and Digitalization), ទី២-ការពង្រឹង និងពង្រីកប្រព័ន្ធអេកូឡូស៊ីក្នុងស្រុក (Empowering and Growing Local Ecosystem) និងទី៣-ទំនួលខុសត្រូវសង្គម (Giving Back to Local Communities-CSR)៕

The post Foodpanda ចាប់ផ្តើមពីការិយាល័យតូចមួយ​នៅ​កម្ពុជា ជាង ២ ឆ្នាំ​ ពង្រីកសេវា​ដល់​ ១៥ ខេត្តក្រុង appeared first on .

កាលពី​ឆ្នាំ ២០១២ Lukas Nagel និង Rico Wyder បាន​ចាប់ផ្ដើម​បង្កើត Foodpanda នៅ​ក្នុង​ប្រទេស​សិង្ហបុរី​ និង​ក្រោយ​មក​ពង្រីក​សាខា​ដល់​ប្រទេស​ម៉ាឡេស៊ី ឥណ្ឌូណេស៊ី និង​ប្រទេស​ថៃ។ មួយឆ្នាំ​បន្ទាប់ Foodpanda មាន​វត្តមាន​នៅ​ប្រទេស​រ៉ូម៉ានី​ និង​នៅ​បង់ក្លាដេស​ ដែល​មាន​បុគ្គលិក​រហូត​ដល់ ២ ម៉ឺន​នាក់ និង​បច្ចុប្បន្ន​ជា​ក្រុមហ៊ុន​ដឹក​ជញ្ជូន​ចំណី​អាហារ​ធំ​បំផុត​ប្រចាំ​ប្រទេស​បង់ក្លាដេស​។

នៅ​ឆ្នាំ ២០១៤ Foodpanda មាន​នៅ​ហុងគ្រី​ ហើយ​ក៏​បាន​ពង្រីក​សាខា​ដល់​ប្រទេស​ប៉ាគីស្ថាន​ និង​ក្រោយ​មក​ដល់​ប្រទេស​ហ្វីលីពីន​។

៥​ឆ្នាំ​បន្ទាប់ គឺ​ ២០១៩ ដល់ ២០២០ Foodpanda ចាប់ផ្ដើម​វាយ​លុក​ទីផ្សារ​អាស៊ីអាគ្នេយ៍​សាជាថ្មី​ដោយ​ពង្រីក​សាខា​ចូល​ដល់​ប្រទេស​កម្ពុជា ភូមា និង​ឡាវ។ លុះ​ដល់​ខែ​កញ្ញា ២០២០ ក្រុមហ៊ុន​នេះ​ពង្រីក​វិសាលភាព​ដល់​ប្រទេស​ជប៉ុន​ថែមទៀត​ និង​គ្រប់គ្រង​ទីក្រុង​ ៦ ធំៗ​ដូចជា Kobe, Yokohama, Nagoya, Sapporo, Fukuoka and Hiroshima និង​ក្រោយមក​ថែម​បាន ២ ទីក្រុង​ទៀត​គឺ Osaka និង Kyoto។

វាយលុក​ទីផ្សារ​ជប៉ុន​ទើប​បាន ៣ ខែ នៅ​ចុងឆ្នាំ​ ២០២០ Delivery Hero ប្រកាស​​ទិញ​ភាគហ៊ុន​ក្រុមហ៊ុន​ដឹកជញ្ជូន​ចំណីអាហារ​ធំ​បំផុត​នៅ​កូរ៉េខាងត្បូង​ Woowa Brothers Corp., ក្នុង​តម្លៃ​ ៤ ពាន់​លាន​ដុល្លារ​ថែមទៀត។

ក្រៅពី​នោះ Foodpanda ក៏​ធ្លាប់​មាន​ទីតាំង​នៅ​ឥណ្ឌា​​ និង​រុស្ស៊ី​ផង​ដែរ​ តែ​ដោយសារ​មិន​អាច​សម្រប​ខ្លួន​បាន ក៏​ប្រកាស​លក់​ក្រុមហ៊ុន​នៅ​ទីនោះ។ បច្ចុប្បន្ន Foodpanda គឺ​ជា​ក្រុមហ៊ុន​ដឹកជញ្ជូន​ចំណីអាហារ​ធំ​បំផុត​នៅ​អាស៊ី​ ដោយ​មាន​ ១២ សាខា​ទូទាំង​ទ្វីបអាស៊ី និង ៣ សាខា​នៅ​តំបន់​អឺរ៉ុប៕

ប្រភព: Wikipedia

The post Foodpanda ចាយ​ពេល ៩ ឆ្នាំ ទីបំផុត​អាច​ក្ដោបក្ដាប់​ទីផ្សារ​ដឹក​ជញ្ជូន​ចំណី​អាហារ​ធំ​បំផុត​នៅ​អាស៊ី appeared first on .