ពលរដ្ឋវៀតណាមចាយលុយជិត ៤លានដុល្លារជារៀងរាល់ថ្ងៃ ក្នុងការទិញម្ហូបអាហារអនឡាញ

យោងតាមការចុះផ្សាយពីសារព័ត៌មាន VNExpress បានបង្ហាញថា ការបញ្ជាទិញម្ហូបអាហារតាម​ប្រព័ន្ធអនឡាញនៅប្រទេសវៀតណាម មានចំនួនសរុបរហូតដល់ ៣៥ទ្រីលានដុង ឬប្រហែល ១,៤ទ្រីលានដុល្លារ ស្មើនឹង ៣,៨លានដុល្លារក្នុងមួយថ្ងៃ។

ប្រជាជនវៀតណាម មានទំនោរទៅរកការបញ្ជាទិញម្ហូបអាហារអនឡាញ ដោយសារមានភាពងាយស្រួល និងសន្សំពេលវេលា ដោយពួកគេច្រើនប្រើកម្មវិធីពេញនិយម​នៅតំបន់អាស៊ានគឺ Grab និង Shopee Food។

គួសបញ្ជាក់ដែរថា ថ្វីបើវៀតណាមចំណាយលុយជាង ១ពាន់លានដុល្លារ លើការបញ្ជាទិញ​ម្ហូបអាហារអនឡាញមែន តែបើធៀបនឹងប្រទេសផ្សេងទៀតនៅអាស៊ាន គឺនៅមានចំនួនតិចនៅឡើយ ពោលឥណ្ឌូណេស៊ីចំណាយអស់ ៤,៦ពាន់លានដុល្លារ ថៃ ៣,៧ពាន់លានដុល្លារ សិង្ហបុរី និងហ្វីលីពីន ២,៥ពាន់លានដុល្លារ និងម៉ាឡេស៊ីចំណាយ ២,៤ពាន់លានដុល្លារ កាលពីឆ្នាំមុន ទៅលើការទិញម្ហូបអាហារអនឡាញ។

សូមជម្រាបបន្ថែមថា កម្មវិធីកម៉្មង់ម្ហូបពេញនិយមបំផុតនៅអាស៊ានគឺ Grab ដែលក្ដោបក្ដាប់ទីផ្សារ​បញ្ជាទិញម្ហូបអនឡាញនៅអាស៊ានសរុប ៩,៤ពាន់លានដុល្លារ តាមពីក្រោយ Foodpanda ២,៧ពាន់លានដុល្លារ ខណៈក្រុមហ៊ុនសិង្ហបុរី Shopee Food មានចំណែក ១,៥ពាន់លានដុល្លារ៕