ក្នុងនោះស្ថាបនិកក្រុមហ៊ុន Tesla លោក Elon Musk នៅតែបន្តជាប់ចំណាត់ថ្នាក់កំពូល ជាមួយទ្រព្យសម្បត្តិដ៏ច្រើនមហាសាល រហូតដល់ជាង ៨៣០ពាន់លានដុល្លារ។

ខាងក្រោមនេះជាបញ្ជីឈ្មោះមហាសេដ្ឋីមានដាច់គេបំផុតលើលោកទាំង១០ គិតនៅត្រឹមថ្ងៃទី១៥ ខែមីនា ឆ្នាំ២០២៦៖

1.Elon Musk ប្រធានក្រុមហ៊ុន Tesla មានទ្រព្យសម្បត្តិសរុបប្រមាណ ៨៣០,៩ពាន់លានដុល្លារ

2.Larry Page សហស្ថាបនិកក្រុមហ៊ុន Google មានទ្រព្យសម្បត្តិប្រមាណ ២៤៩,៤ពាន់លានដុល្លារ

3.Sergey Brin សហស្ថាបនិកក្រុមហ៊ុន Google មានទ្រព្យសម្បត្តិប្រមាណ ២៣០,២ពាន់លានដុល្លារ

4.Jeff Bezos ស្ថាបនិកក្រុមហ៊ុន Amazon មានទ្រព្យសម្បត្តិប្រមាណ ២២១,៦ពាន់លានដុល្លារ

5.Mark Zuckerberg ស្ថាបនិកក្រុមហ៊ុន Meta Platforms មានទ្រព្យសម្បត្តិសរុបប្រមាណ ២១០,៦ពាន់លានដុល្លារ

6.Larry Ellison ស្ថាបនិកក្រុមហ៊ុន Oracle មានទ្រព្យសម្បត្តិសរុបប្រមាណ ១៩៨,៣ពាន់លានដុល្លារ

7.Jensesn Huang នាយកប្រតិបត្តិក្រុមហ៊ុន Nvidia មានទ្រព្យសម្បត្តិប្រមាណ ១៥៦,១ពាន់លានដុល្លារ

8.Bernard Arnault ប្រធានក្រុមហ៊ុន LVMH មានទ្រព្យសម្បត្តិសរុបប្រមាណ ១៤៥,៨ពាន់លានដុល្លារ

9.Warren Buffett អតីតនាយកប្រតិបត្តិក្រុមហ៊ុន Berkshire Hathaway មានទ្រព្យសម្បត្តិសរុបប្រមាណ​ ១៤៥ពាន់លានដុល្លារ

10.Rob Walton នាយកប្រតិបត្តិក្រុមហ៊ុន Walmart មានទ្រព្យសម្បត្តិសរុបប្រមាណ ១៤៤,៧ពាន់លានដុល្លារ៕

The post វែកមុខឲ្យស្គាល់កំពូលអ្នកមានដាច់គេទាំង១០ នៅលើពិភពលោក របស់ទស្សនាវដ្តី Forbes appeared first on .

យោងតាមការចាត់ចំណាត់ថ្នាក់របស់ Forbes នេះ បានបង្ហាញឲ្យដឹងទៀតថា ស្ត្រីដែលទទួលបានតំណែងជាស្ត្រីមានឥទ្ធិពលបំផុតរបស់ពិភពលោក គឺប្រធានគណៈកម្មការអឺរ៉ុប លោកស្រី​ Ursula von der Leyen និងចំណាត់ថ្នាក់បន្ទាប់គឺប្រធានធនាគារកណ្តាលអឺរ៉ុប លោកស្រី​ Christine Lagarde។ នេះជាឆ្នាំទីបួនជាប់ៗគ្នាហើយដែលមេដឹកនាំស្រ្តីអឺរ៉ុបទាំងពីររូប បានកាន់នៅតំណែងកំពូលនេះ។

យ៉ាងណាមិញ បើក្រឡេកទៅមើលលោកស្រី Takaichi គឺជានាយករដ្ឋមន្ត្រីស្រ្តីទីដំបូងគេរបស់ប្រទេសជប៉ុន ដែលត្រូវបានដាក់បញ្ចូលទៅក្នុងបញ្ជីនេះ។ ហើយនេះគឺជាបញ្ជីប្រចាំឆ្នាំដែលបោះពុម្ពផ្សាយដោយ Forbes ដើម្បីផ្តល់កិត្តិយសដល់ស្ត្រីដែលមានឥទ្ធិពលយ៉ាងសំខាន់លើសេដ្ឋកិច្ចពិភពលោក នយោបាយ វិទ្យាសាស្ត្រ បច្ចេកវិទ្យា វប្បធម៌ និងសង្គម។

ជម្រាបជូនផងដែរថា ទស្សនាវដ្តី Forbes បានធ្វើការវាយតម្លៃឥទ្ធិពលរបស់បេក្ខជននីមួយៗ ដោយផ្អែកលើលក្ខណៈវិនិច្ឆ័យដូចជា អំណាច ឥទ្ធិពលហិរញ្ញវត្ថុ វិសាលភាពនៃផលប៉ះពាល់ សមត្ថភាពក្នុងការបង្កើតការផ្លាស់ប្តូរ និងកម្រិតនៃវត្តមានលើកឆាកអន្តរជាតិ ជាដើម៕​

The post នាយករដ្ឋមន្ត្រីជប៉ុន ជាប់ក្នុងបញ្ជីឈ្មោះស្រ្តីមានឥទ្ធិពលបំផុតរបស់ទស្សនាវដ្តី Forbes ជាលើកដំបូង appeared first on .

ជាមួយនឹងប្រាក់ចំណូលទាំងក្នុង និងក្រៅទីលានសរុបប្រមាណ ២៨០លានដុល្លារក្នុងមួយឆ្នាំ តារាឆ្នើមរបស់ក្រុម Al Nassr កីឡាករ Ronaldo ត្រូវបានគេរាយការណ៍ថាអាចរកបានច្រើនជាងពីរដង លើគូប្រជែងស្វិតស្វាញ គឺកីឡាករ Lionel Messi ជាមួយចំណូលប៉ាន់ស្មានសរុប្រមាណ ១៣០លានដុល្លារ។

យ៉ាងណាមិញ​ ចំពោះចំណាត់ថ្នាក់លេខ៣ វិញបានទៅលើអតីតម្ចាស់ពានរង្វាន់ Ballon d’Or កីឡាករ Karim Benzema ដែលអាចរកប្រាក់ចំណូលបាន ១០៤លានដុល្លារ ក្នុងមួយឆ្នាំ ដោយសារតែរូបគេមានកុងត្រាដ៏ធំបំផុត ជាមួយក្លិប Al Ittihad របស់ប្រទេសអារ៉ាប៊ីសាអូឌីត។

ជម្រាបជូនផងដែរថា ចំពោះចំណាត់ថ្នាក់កំពូលរបស់ Ronaldo ដែលត្រូវបានប្រកាសដោយ Forbes នេះ គឺបានកើតឡើតត្រឹមតែមួយសប្តាហ៍ប៉ុណ្ណោះ បន្ទាប់ពីខ្សែប្រយុទ្ធសញ្ជាតិព័រទុយហ្គាល់ ត្រូវបាន Bloomberg ប្រកាសជាកីឡាករបាល់ទាត់ដំបូងគេបង្អស់ ដែលទទួលបានងារជាមហាសេដ្ឋីលុយពាន់លានដុល្លារ៕​

The post Cristiano Ronaldo បន្តជាប់កំពូលតារាងជាកីឡាករបាល់ទាត់មានដាច់គេលើលោករបស់ Forbes សារជាថ្មី appeared first on .

គេហទំព័រ Forbes ក៏បានបង្ហាញទៀតថា ទ្រព្យសម្បត្តិរបស់លោក Arnault មានកំណើនប្រហែល ១០% បើធៀបនឹងឆ្នាំទៅ ពោលកើនឡើង ២៣៣ពាន់លានដុល្លារ ស្របពេលមហាសេដ្ឋី Elon Musk ជាប់នៅលេខ២ ជាមួយទ្រព្យសម្បត្តិ ១៩៥ពាន់លានដុល្លារ និងស្ថាបនិក Amazon លោក Jeff Bezos មានទ្រព្យសម្បត្តិ ១៩៤ពាន់លានដុល្លារ ស្ថិតនៅលេខរៀងទី៣។

ចំណែកឯមហាសេដ្ឋីមានលុយច្រើនបំផុតនៅតំបន់អាស៊ី គឺធ្លាក់ទៅលើកំពូលអ្នកមានឥណ្ឌា Mukesh Ambani ដែលមានទ្រព្យសម្បត្តិ ១១៦ពាន់លានដុល្លារ ជាកំពូលមហាសេដ្ឋីមានលុយ​ច្រើនបំផុតនៅឥណ្ឌា និងនៅអាស៊ី ហើយក៏ជាប់នៅលេខរៀងទី០៩ ក្នុងបញ្ជីឈ្មោះកំពូល​មហាសេដ្ឋីលើលោកផងដែរ។

សូមជម្រាបបន្ថែមថា ទិន្នន័យទទួលបានពីគេហទំព័រ Forbes គឺបានបង្ហាញឲ្យឃើញថា នៅឆ្នាំ២០២៤ នេះ ចំនួនមហាសេដ្ឋីពិភពលោកមានកំណើនរហូតដល់ ២ ៧៨១នាក់ ស្របពេលទំហំទ្រព្យសម្បត្តិរបស់ពួកគេ ក៏មានចំនួន ១៤,២ទ្រីលានដុល្លារ កើនឡើង ២ទ្រីលានដុល្លារពីឆ្នាំ២០២៣ ខណៈទាំងតួលេខមហាសេដ្ឋី និងទំហំទ្រព្យសម្បត្តិ សុទ្ធតែកើនដល់ចំណុចខ្ពស់បំផុតមួយ មិនធ្លាប់មានពីមុនមក៕

The post Forbes គាស់កកាយរហស្សនាមកំពូលមហាសេដ្ឋីមានបំផុត សម្រាប់ឆ្នាំ២០២៤ appeared first on .

យោងតាមការចុះផ្សាយពីសារព័ត៌មាន PressGazette បានបង្ហាញថា ក្រុមវិនិយោគ​ដឹកនាំ​ដោយ​មហាសេដ្ឋីអាមេរិកម្នាក់នេះ បរាជ័យក្នុងការបង់ប្រាក់តាមថ្ងៃកំណត់ ជាមួយក្រុមហ៊ុន Forbes ប្រមាណ ៨០០លានដុល្លារ ដែលធ្វើឲ្យកិច្ចព្រមព្រៀងត្រូវបានលុបចោល។

ជាមួយគ្នា លោក Federle បាននិយាយថា ការលុបចោលនៃកិច្ចព្រមព្រៀងមួយនេះ មិនបានធ្វើឲ្យ​ប៉ះពាល់ដល់ប្រតិបត្តិការប្រចាំថ្ងៃរបស់ក្រុមហ៊ុនឡើយ ប៉ុន្តែក្រុមហ៊ុននៅតែប្រកាន់ជំហររឹងមាំ និងធ្វើឲ្យក្រុមហ៊ុនលំដាប់អន្តរជាតិមួយនេះ កាន់តែតម្លៃលើសមុនថែមទៀត។

គួររំលឹកបន្តិចថា កាលពីពាក់កណ្ដាលខែឧសភា មហាសេដ្ឋីវ័យក្មេង Austin Russell ធ្លាប់បានបង្ហើបថា លោកមានបំណងទិញយកភាគហ៊ុន Forbes ដើម្បីក្លាយជាអ្នកសម្រេចចិត្តធំ​ប្រចាំក្រុមហ៊ុន ពោលបើសិនជាកិច្ចព្រមព្រៀងតម្លៃ ៨០០លានដុល្លារនេះ អាចជោគជ័យ នោះលោកនឹងកាន់កាប់ភាគហ៊ុនសរុប ៨២% នៅក្រុមហ៊ុន Forbes Global Media Holdings។

យ៉ាងណា បច្ចុប្បន្នកិច្ចព្រមព្រៀងមួយនោះត្រូវបានលុបចោល ខណៈបច្ចុប្បន្ន​ម្ចាស់ក្រុមហ៊ុន ដែលមានអាយុកាល ១០៦ឆ្នាំ គឺជាក្រុមហ៊ុនមានមូលដ្ឋាននៅហុងកុង ឈ្មោះថា Integrated Whale Media Investments ដែលបានទិញយកភាគហ៊ុនក្រុមហ៊ុន Forbes ប្រមាណ ៩៥% តាំងពីឆ្នាំ២០១៤៕

The post មហាសេដ្ឋីវ័យក្មេង បរាជ័យក្នុងការទិញភាគហ៊ុនមួយចំណែកធំនៅក្រុមហ៊ុន Forbes appeared first on .

គួរឱ្យដឹងថាលោក Hoang បានដាក់អចលនទ្រព្យរបស់ខ្លួន ដែលមានតម្លៃ ៣,៨ពាន់លានដុល្លារ ទៅកាន់ធនាគារមួយ ដើម្បីជាប្រាក់​តម្កល់​ ក្នុងការខ្ចីប្រាក់ចំនួន ១ពាន់លានដុល្លារ។ ហើយបន្ទាប់មកលោកបានប្រើលុយនោះ ដើម្បីទិញយកភាគហ៊ុនរបស់ក្រុមហ៊ុន Shanghai RAAS Blood Products។

ប៉ុន្តែទោះជាយ៉ាងណាក៏ដោយ នៅពេលដែលភាគហ៊ុនរបស់ Shanghai RAAS បានធ្លាក់ចុះខ្លាំង ក្នុងឆ្នាំ ២០១៧ ទ្រព្យសម្បត្តិសុទ្ធរបស់លោក Hoang ត្រូវបានគេប៉ាន់ស្មានថាបានធ្លាក់ចុះដល់ ៧០%។ ស្របពេលលោកក៏ត្រូវដល់ពេលបង្វិលសងធនាគារវិញទាំងប្រាក់ដើម និងប្រាក់ការ ដែលមានចំនួនប្រហែល ៣ ពាន់​លាន​ដុល្លារ​ នៅពេលនោះ ដែល​ធ្វើ​ឱ្យ​លោកត្រូវខាតបង់​ប្រាក់សរុបដល់ទៅ ៦,៨ ពាន់​លាន​ដុល្លារ។

យ៉ាងណាមិញ បុរសដើមកំណើតវៀតណាមរូបនេះ បាននិយាយប្រាប់ទៅកាន់ NgoiiSao ថា ៖ “​វាជាការពិត ដែលខ្ញុំលែងជាប់ចំណាត់ថ្នាក់លេខ ១៤៨ ក្នុងបញ្ជី Forbes 400 តទៀត។ ខ្ញុំបានខាតបង់ ៦,៨ពាន់លានដុល្លារ ដោយសារការវិនិយោគភាគហ៊ុន។ ប៉ុន្តែវាជារឿងធម្មតា ក្នុងការក្លាយជាមហាសេដ្ឋីនៅថ្ងៃនេះ តែអ្នកអាចនឹងបាត់តំណែងនៅថ្ងៃស្អែកក៏ថាបាន នៅពេលតម្លៃភាគហ៊ុន ដែលអ្នកបានវិនិយោគនោះធ្លាក់ចុះ ” ។

មិនតែប៉ុណ្ណោះ លោក Hoang បានបន្តទៀតថា ៖” ខ្ញុំមិនមែនជាមហាសេដ្ឋីក្នុងបញ្ជី Forbes ទៀតទេ ប៉ុន្តែជាមូលដ្ឋានគ្មានអ្វីផ្លាស់ប្តូរ នៅក្នុងជីវិតរបស់ខ្ញុំឡើយ។ ខ្ញុំនៅតែមានសាច់ប្រាក់ និងអចលនទ្រព្យក្នុងដៃ។ ខ្ញុំកំពុងព្យាយាមដណ្តើមយកតំណែងមហាសេដ្ឋីរបស់ខ្ញុំមកវិញ ហើយសារនេះខ្ញុំនឹងយកតំណែងខ្ពស់ជាងមុន នៅលើ Forbes”។

ជម្រាបជូនផងដែរថា លោក Hoang Kieu ត្រូវបាន Forbes ចុះបញ្ជីជាមហាសេដ្ឋី ក្នុងឆ្នាំ ២០១៤ នៅពេលដែលទ្រព្យសម្បត្តិរបស់គាត់ ត្រូវបានគេប៉ាន់ប្រមាណថាមានប្រហែល ១,៧ ពាន់លានដុល្លារ។ ហើយបន្ទាប់មក ទ្រព្យសម្បត្តិសរុបរបស់គាត់ត្រូវបានគេប៉ាន់ប្រមាណថា បានកើនឡើងប្រហែល ៣,៨ ពាន់លានដុល្លារក្នុងឆ្នាំ ២០១៥ ដែលធ្វើឱ្យគាត់ក្លាយជាអ្នកមានបំផុតទី១៤៨ របស់អាមេរិក៕

The post មហាសេដ្ឋីដើមកំណើតវៀតណាមម្នាក់ បាត់មុខពីបញ្ជី Forbes ក្រោយខាតបង់លុយជិត ៧ពាន់លានដុល្លារ appeared first on .

តួយ៉ាង ​ទស្សនាវដ្ដី Forbes បាន​រាយការណ៍​ថា គិតត្រឹមឆ្នាំ ២០២២ ទ្រព្យសម្បត្តិ​មហាសេដ្ឋីអាមេរិក​បាន​បាត់បង់​អស់​ប្រហែល ៦៦០ ពាន់លានដុល្លារ ហើយក្នុងនោះ Elon Musk ខាតបង់ច្រើនបំផុត ស្របពេលលោក Phil Knight សហស្ថាបនិក​ក្រុមហ៊ុន Nike របូតលុយច្រើនបន្ទាប់ ១៨,៣ ពាន់លានដុល្លារ។

ដោយឡែក មហាសេដ្ឋីចិនវិញ​ក៏​ខាតបង់​មិនចាញ់គ្នា​ប៉ុន្មានឡើយ ពោល​ពួកគេ​បាន​របូតលុយ​សរុប ៦២០ ពាន់លានដុល្លារ ដោយសារ​វិបត្តិ​អចលនទ្រព្យ​រ៉ាំរ៉ៃ​ គួបផ្សំ​នឹង​សេដ្ឋកិច្ចសកល​មិន​អំណោយផលផង។

ក្នុងចំណោម​មហាសេដ្ឋីចិន​ទាំងអស់ Jack Ma របូតលុយ​ច្រើន​បំផុត ១៣,១ ពាន់​លាន​ដុល្លារ អតីត​មហាសេដ្ឋី​ស្រី​មាន​បំផុត​នៅអាស៊ី Yang Huiyan របូង ១១,៦ ពាន់​លាន​ដុល្លារ។ នេះ​បើតាម​របាយការណ៍​ចុះផ្សាយ​ដោយ Forbes៕

The post មហាសេដ្ឋីអាមេរិករបូតលុយ ៦៦០ ពាន់លានដុល្លារ ខណៈស្ដេចត្រាញ់ចិនក៏ខាតបង់មិនណយ appeared first on .

បញ្ហាចំបងទាំងប៉ុន្មានខាងលើ បានធ្វើឲ្យមហាសេដ្ឋីរាប់រយនាក់ជួបការខាតបង់រាប់ពាន់លានដុល្លារ ហើយបើតាមស្ថិតិផ្ដល់ឲ្យដោយ Forbes បានទម្លាយថា តែក្នុងឆ្នាំ ២០២២ នេះ មហាសេដ្ឋីទូទាំងពិភពលោក របូតលុយអស់ប្រហែល ១,៩ ទ្រីលានដុល្លារ។

ប្រភពដដែលបន្ថែមទៀតថា គិតតាំងពីដើមឆ្នាំ រហូតដល់ថ្ងៃទី ០៩ ធ្នូ ទំហំទ្រព្យសម្បត្តិ​សរុប​របស់ពួកគេ ធ្លាក់ពី ១៣,៨ ទ្រីលានដុល្លារ មកនៅត្រឹម ១១,៩ ទ្រីលានដុល្លារ ខណៈ​ចំនួន​មហាសេដ្ឋី​ថយ​ពី ២ ៦៧១ នាក់​ មកនៅត្រឹម ២ ៥២៣ នាក់​ប៉ុណ្ណោះ។

ក្នុងចំណោម​មហាសេដ្ឋី​ជាង ២ នាក់​ អ្នកដែលខាតបង់​ខ្លាំង​បំផុត គឺ​មហាសេដ្ឋី​មានបំផុត ៣០០ នាក់ ដែល​ទ្រព្យសម្បត្តិ​របស់​ពួកគេ ខាតបង់​ច្រើនជាង ១ ​ទ្រីលានដុល្លារឯណោះ​ក្នុង​ឆ្នាំ ២០២២ ខណៈ​មហាសេដ្ឋី​ថយទ្រព្យ​ច្រើន​បំផុត​គឺ Elon Musk ដែល​របូត​លុយ​អស់​ច្រើនជាង ១១៥ ពាន់​លានដុល្លារ៕

The post មហាសេដ្ឋីទូទាំងពិភពលោក របូតទ្រព្យសម្បត្តិសរុបជិត ២ ទ្រីលានដុល្លារក្នុងឆ្នាំ ២០២២ appeared first on .

គិតត្រឹមថ្ងៃទី ២១ ធ្នូ ២០២២ ទ្រព្យសម្បត្តិ​របស់​ស្ដេចត្រាញ់អឺរ៉ុប​មាន ១៧៩ ពាន់​លាន​ដុល្លារ ខណៈ​ម្ចាស់ក្រុមហ៊ុន Twitter មាន​ប្រមាណ ១៥៥,៨ ពាន់​លាន​ដុល្លារ។ នេះបើតាម​ការ​ចុះ​ផ្សាយពី Forbes។

យ៉ាងណា ទិន្នន័យខាងលើ​គឺ​មាន​ចំនួន​តិចជាង​ឆ្ងាយ បើធៀប​នឹង​ទំហំទ្រព្យសម្បត្តិ​មហាសេដ្ឋី​មាន​បំផុត​កាល​ពីឆ្នាំ ២០២១ ខណៈគ្រានោះ​បញ្ជី​អ្នកមាន​បំផុត​លើលោក សុទ្ធតែ​មាន​ទំហំ​ទឹកប្រាក់​ច្រើនជាង ២០០ ពាន់លានដុល្លារ ហើយ Elon Musk ធ្លាប់​មាន​រហូតដល់​ជាង ៣០០ ពាន់​លាន​ដុល្លារ​ឯណោះ។

ក្រឡេក​មក​មើល​ស្ថានការណ៍​បច្ចុប្បន្ន ក្នុងបញ្ជី​មហាសេដ្ឋី​មានបំផុត​គឺ មិនមានបុគ្គល​ណា​ម្នាក់​ដែល​មាន​ទ្រព្យសម្បត្តិ​លើស ២០០ ពាន់​លាន​ដុល្លារ​ឡើយ ដ្បិត​ហានិភ័យ​នៃ​វិបត្តិ​សេដ្ឋកិច្ច សង្គ្រាម​នៅ​អ៊ុយក្រែន គួបផ្សំ​នឹង​វិស័យ​បច្ចេកវិទ្យា​ទទួល​រង​ផល​ប៉ះពាល់​ផង ធ្វើ​ឲ្យ​ទ្រព្យសម្បត្តិ​របស់​មហាសេដ្ឋី​ទាំងនោះ មាន​ការ​ខាតបង់​ខ្លាំង​សឹង​មិនគួរ​ឲ្យ​ជឿ៕

The post ទ្រព្យសម្បត្តិមហាសេដ្ឋីមានបំផុតលើលោកឆ្នាំនេះ មានតិចជាងឆ្នាំទៅដាច់ឆ្ងាយ appeared first on .

យោងតាម​ការ​របាយការណ៍​ផ្សាយ​ដោយ Forbes Real Time Billionaires បាន​បង្ហាញ​ថា គម្លាត​ទ្រព្យសម្បត្តិ​រវាង​ស្ដេចត្រាញ់​ទាំង ២ បច្ចុប្បន្នមានតែ​ជាង ១ ពាន់​លាន​ដុល្លារ​ប៉ុណ្ណោះ ដោយមេធំ Tesla មាន ១៨៥ ពាន់​លាន​ដុល្លារ ខណៈ​មហាសេដ្ឋី​បារាំងមាន ១៨៦,២ ពាន់​លាន​ដុល្លារ។

សូមជម្រាបដែរថា តំណែងជា​អ្នកមានបំផុត​លើលោក​ពេលនេះ នៅ​មិនទាន់​អាចកំណត់ជាផ្លូវការ​បាន​នៅឡើយ ដោយត្រូវ​រង់ចាំ​រហូតដល់​ផ្សារហ៊ុន​អាមេរិក​បិទទ្វារ​សិន ទើប​អាច​កំណត់ជាផ្លូវការ​ថា​ អ្នកណា​ទើបជា​មហាសេដ្ឋីមានបំផុត​លើលោក​បាន៕

The post Breaking News: មហាសេដ្ឋីបារាំង ដណ្ដើមបានតំណែងអ្នកមានដាច់គេលើលោកពី Elon Musk appeared first on .