សេចក្តីប្រកាសដដែល បានឱ្យដឹងថា ដើម្បីឆ្លើយតបនឹងវិបត្តិដែលកើតឡើងផ្ទួនៗ រាជរដ្ឋាភិបាលកម្ពុជា ​បានអនុម័ត និងត្រៀមដាក់ឱ្យអនុវត្តនូវ «កម្មវិធីអន្តរាគមន៍គ្រប់ជ្រុងជ្រោយ ឆ្លើយតបនឹងសភាពការណ៍ពហុវិបត្តិ ក្នុងគោលដៅបង្កើតមុខរបរ និងការងារ, ធានាលំនឹងជីវភាពប្រជាជន និងពង្រឹងភាពធន់នៃសេដ្ឋកិច្ចនិងសង្គមកម្ពុជា សម្រាប់រយៈពេលខ្លី និងមធ្យមខាងមុខ» ដើម្បីធានាបាននូវលំនឹងជីវភាពរបស់ប្រជាជន និងជនងាយរងគ្រោះ។

ជុំវិញរឿងនេះ លោក អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ ដែល បានដឹកនាំកិច្ចប្រជុំនេះ បានឱ្យដឹងថា «កម្មវិធីអន្តរាគមន៍» នេះ ត្រូវបានប៉ាន់ស្មានចំណាយសរុបក្នុងរង្វង់ ១ ២៤៤ លានដុល្លារអាម៉េរិក ដែលប្រភពធនធាននឹងត្រូវបានបែងចែកតាមប្រភពហិរញ្ញប្បទានចំនួន ៤ គឺថវិការដ្ឋ, ធនធានរបស់ស្ថាប័នពាក់ព័ន្ធនៃរាជរដ្ឋាភិបាល, ចំណាយសារពើពន្ធ និងថវិកាដៃគូអភិវឌ្ឍន៍។

តាមរយៈការអនុវត្តកម្មវិធីអន្តរាគមន៍នេះ រដ្ឋាភិបាលបញ្ជាក់ថា គឺប្រកាន់យកអភិក្រមគាំពារប្រជាជនក្រីក្រ (Pro-Poor) និងរៀបចំជា៣ កញ្ចប់អន្តរាគមន៍​ រួមបញ្ចូល វិធានការដែលមាន កម្មវិបាកភ្លាមៗ និង វិធានការដែលមានកម្មវិបាកក្នុងរយៈពេលខ្លី និងមធ្យម​ ។ កញ្ចប់វិធានការទី១ ផ្តោត​លើការ-រក្សាលំនឹងជីវភាព ដោយផ្សារភ្ជាប់នឹងការបង្កើតការងារ, កញ្ចប់វិធានការ ទី២ ផ្តោតលើការផ្តល់ការបណ្តុះបណ្តាលជំនាញបចេ្ចកទេស និងវិជ្ជាជីវៈ ដោយផ្សារភ្ជាប់នឹងការបង្កើតមុខរបរ និង កញ្ចប់អន្តរាគមន៍ទី ៣ ផ្តោតលើការ-គ្រប់គ្រង, ការធ្វើអន្តរកម្ម និងការបំប្លែងថាមពល៕ អត្ថបទ៖ហ្សាលីន

The post កម្ពុជា គ្រោងចំណាយថវិកាជាង ១២០០លានដុល្លារ ដើម្បីឆ្លើយតបនឹងសភាពការណ៍ពហុវិបត្តិ appeared first on .

សេចក្តីប្រកាសដដែល បានបញ្ជាក់ថា ផ្អែកតាមការវាយតម្លៃរបស់មូលនិធិរូបិយវត្ថុអន្តរជាតិ, សេដ្ឋកិច្ចកម្ពុជាក្នុងឆ្នាំ ២០២៦ ត្រូវបានប៉ាន់ស្មាន ថានឹងសម្រេចបានកំណើនថមថយ ធៀបនឹងការវាយតម្លៃនៅដើមឆ្នាំ ពោលគឺស្ថិតក្នុងរង្វង់ ៣% ។ កំណើននេះ បានឆ្លុះបញ្ចាំអំពី ភាពមិនប្រកដប្រជា និងបរិការណ៍ដែលកម្ពុជាទទួលរងនូវផលប៉ះពាល់ ដែលបន្តសាយ ភាយពីពហុវិបត្តិផ្ទួនៗ (multiple shocks) រួមមាន សង្គ្រាមនៅមជ្ឈិមបូព៌ាដែលបង្កឱ្យមានការឡើងថ្លៃប្រេង ឥន្ធនៈ, បញ្ហាជម្លោះព្រំដែនកម្ពុជា-ថៃ, ការបង្ក្រាបសកម្មភាពឆបោកតាមប្រព័ន្ធបច្ចេកវិទ្យា និងភាពមិនប្រាកដ ប្រជានៃសេដ្ឋកិច្ចសកល ។

ជាមួយគ្នានេះ លោក Kenichiro Kashiwase ក៏បានគូសបញ្ជាក់អំពីភាពចាំបាច់នៃការកែទម្រង់ជារចនាសម្ព័ន្ធ ដើម្បីទ្រទ្រង់កំណើនសេដ្ឋកិច្ចកម្ពុជាក្នុងរយៈពេលមធ្យម តាមរយៈការកែលម្អបរិយាកាសធុរកិច្ច និងវិនិយោគ, ការពង្រឹងអភិបាលកិច្ច, ការធ្វើពិពិធកម្មទីផ្សារនាំចេញ, ការពង្រឹងសន្តិសុខថាមពល, និងការពង្រឹងការរក្សា និងចែករំលែកទិន្នន័យ ជាដើម ។

ជាមួយការវាយតម្លៃខ្ពស់ចំពោះលទ្ធផលការងាររបស់មូលនិធិរូបិយវត្ថុអន្តរជាតិ, លោកឧបនាយករដ្ឋមន្ត្រីអូន ព័ន្ធមុនីរ័ត្ន រដ្ឋ បានគូសបញ្ជាក់ថា, ក្នុងឆ្នាំ ២០២៦ នេះ, សេដ្ឋកិច្ចកម្ពុជា អាចនឹងសម្រេចបាន កំណើនក្នុងរង្វង់ ៤,២% ដោយផ្អែកលើវឌ្ឍនភាពនៃសូចនាករសេដ្ឋកិច្ចសំខាន់ៗ ក្នុងរយៈពេល ៥ ខែដើមឆ្នាំ ២០២៦ គួបផ្សំនឹងការពិគ្រោះយោបល់ជាមួយក្រសួង-ស្ថាប័នវិស័យឯកជន ក្នុងនោះវិស័យបម្រើការនាំចេញ ពិសេសវិស័យកម្មន្តសាលមិនមែនកាត់ដេរ មានកំណើនល្អប្រសើរជាងរំពឹងទុក។

សកម្មភាពចាយវាយក្នុងស្រុកក៏នៅបន្តរក្សាបាននូវនិន្នាការវិជ្ជមាន ដែលឆ្លុះបញ្ចាំងតាមរយៈ និន្នាការវិជ្ជមាននៃអាករលើតម្លៃបន្ថែមក្នុងស្រុក និងការនាំចូលទំនិញប្រើប្រាស់ ។ យ៉ាងណាមិញ, វិស័យទេសចរណ៍ត្រូវបានវាយតម្លៃឡើងវិញថា នឹងធ្លាក់ចុះ ជាងការរំពឹងទុក ដែលឆ្លុះបញ្ចាំងតាមរយៈធ្លាក់ចុះនៃភ្ញៀវទេសចរអន្តរជាតិ បើទោះបីអាចប៉ះប៉ូវមួយផ្នែក ពី និន្នាការកើនឡើងនៃភ្ញៀវទេសចរជាតិក្តី ។

ក្នុងបរិការណ៍ដែលកម្ពុជាទទួលរងនូវកម្មវិបាកផ្ទួនៗនេះ, រាជរដ្ឋាភិបាលកម្ពុជា បានដាក់ចេញនូវវិធានការ អន្តរាគមន៍ចំពោះមុខជាបន្តបន្ទាប់ ដើម្បីធានាបាននូវលំនឹងជីវភាពរបស់ប្រជាជន និងជនងាយរងគ្រោះ ដែល រួមមានយន្តការអនុគ្រោះពន្ធលើមុខទំនិញនាំចូលមួយចំនួនដូចជា ប្រេងសាំង ម៉ាស៊ូត និងឧបករណ៍អគ្គិសនីមួយចំនួន សំដៅចូលរួមកាត់បន្ថយសម្ពាធនៃការកើនឡើងថ្លៃ និងជំរុញកាត់បន្ថយការពឹងផ្អែកលើប្រេងឥន្ធនៈជាដើម៕ អត្ថបទ៖ហ្សាលីន

The post IMF៖ សេដ្ឋកិច្ចកម្ពុជាក្នុងឆ្នាំ ២០២៦ ត្រូវបានប៉ាន់ស្មានថានឹងសម្រេចបានកំណើនក្នុងរង្វង់ ៣% appeared first on .

ជំនួបនេះ ធ្វើឡើងរវាងលោកស្រី ជា សិរី ទេសាភិបាល ធនាគារជាតិនៃកម្ពុជា និងក្រុមបេសកកម្មរបស់មូលនិធិរូបិយវត្ថុអន្តរជាតិ (IMF) ដឹកនាំដោយលោក Kenichiro Kashiwase ប្រធានក្រុមបេសកកម្មសម្រាប់កម្ពុជា នាថ្ងៃទី៥ ខែមីនា ឆ្នាំ២០២៦ នៅធនាគារជាតិនៃកម្ពុជា អគារវត្តភ្នំ។

លោក Kenichiro Kashiwase ប្រធានក្រុមបេសកកម្មសម្រាប់កម្ពុជា បានឱ្យដឹងថា បេសកកម្មនេះ ធ្វើឡើងក្នុងគោលបំណងពិភាក្សាជាមួយអាជ្ញាធរ និងវិស័យឯកជន ដើម្បីស្វែងយល់ពីស្ថានភាពម៉ាក្រូសេដ្ឋកិច្ច ស្ថានភាពហិរញ្ញវត្ថុ ទស្សនវិស័យនាពេលអនាគត និងគោលនយោបាយនានា។

លើសពីនេះ លោកបានបន្ថែមថា  គោលបំណងរបស់ក្រុមការងារដែលមកបំពេញបេសកកម្មនាពេលនេះ ក៏ជាពិសេសការគាំទ្ររបស់ IMF ក្នុងការចូលរួមអភិវឌ្ឍវិស័យធនាគារ ក៏ដូចជាការផ្តល់ជំនួយបច្ចេកទេស អាហារូបករណ៍ និងវគ្គបណ្តុះបណ្តាលនានាសម្រាប់អភិវឌ្ឍសមត្ថភាពមន្រ្តី-បុគ្គលិកឱ្យបានកាន់តែប្រសើរថែមទៀត។

ជាមួយគ្នានេះ លោកស្រី ជា សេរី ទេសាភិបាលធនាគារជាតិ បានជម្រាបជូនពីស្ថានភាពសេដ្ឋកិច្ចកម្ពុជាក្នុងឆ្នាំ២០២៥ ដោយបានគូសបញ្ជាក់ពីការរក្សាបានស្ថិរភាពអត្រាប្តូរប្រាក់ល្អប្រសើរ និងកម្រិតទាបនៃអត្រាអតិផរណា។ លើសពីនេះ លោកស្រីក៏បានលើកឡើងពីការដាក់ចេញវិធានការនានាជាបន្តបន្ទាប់ សំដៅផ្តល់ជាដំណោះស្រាយលើបញ្ហាប្រឈមចម្បងៗ ដូចជាបញ្ហាកើតចេញពីជម្លោះព្រំដែន ការឆបោកតាមប្រព័ន្ធបច្ចេកវិទ្យា និងការដាក់ឱ្យជម្រះបញ្ជីសម្រាប់គ្រឹះស្ថានធនាគារស្របតាមច្បាប់នៃកម្ពុជា ជាដើម។

គួររំលេចថា បន្ទាប់ពីជំនួបពិភាក្សាជាមួយធនាគារជាតិ ក្រុមបេសកកម្មមូលនិធិរូបិយវត្ថុអន្តរជាតិ ក៏បានជួបពិភាក្សាថ្នាក់បច្ចេកទេសជាមួយថ្នាក់ដឹកនាំធនាគារជាតិនៃកម្ពុជា ទៅលើស្ថានភាពនិងទស្សនវិស័យសេដ្ឋកិច្ចកម្ពុជា វឌ្ឍនភាពប្រព័ន្ធធនាគារ និងបញ្ហាប្រឈមនានាផងដែរ៕ អត្ថបទ៖ ហ្សាលីន

The post មូលនិធិរូបិយវត្ថុអន្តរជាតិ មកស្វែងយល់ពីស្ថានភាពម៉ាក្រូសេដ្ឋកិច្ច និងស្ថានភាពហិរញ្ញវត្ថុនៅកម្ពុជា appeared first on .

ការអំពាវនេះត្រូវបានធ្វើឡើង បន្ទាប់ពីប្រធានាធិបតីអាមេរិក លោក ដូណាល់ ត្រាំ បានបញ្ចេញពន្ធគយយ៉ាងទូលំទូលាយលើសម្ព័ន្ធមិត្ត និងដៃគូប្រកួតប្រជែង ខណៈពេលដែលលោកបានស្វែងរកការកាត់បន្ថយឱនភាពពាណិជ្ជកម្មរបស់សហរដ្ឋអាមេរិក និងជំរុញការផលិតក្នុងស្រុក ពោលគឺចាប់តាំងពីឡើងកាន់អំណាចនៅក្នុងសេតវិមានជាថ្មីមក។

មិនតែប៉ុណ្ណោះ IMF បានកត់សម្គាល់ថា ក្នុងអំឡុងឆ្នាំនេះ រដ្ឋបាលរបស់លោក ត្រាំ ក៏បានស្វែងរកការកាត់បន្ថយការពឹងផ្អែកលើកម្មករអន្តោប្រវេសន៍ដែលគ្មានការអនុញ្ញាត និងកាត់បន្ថយតួនាទីរបស់រដ្ឋាភិបាលសហព័ន្ធនៅក្នុងប្រព័ន្ធសេដ្ឋកិច្ច ផងដែរ។

ប៉ុន្តែទោះជាយ៉ាងណាក៏ដោយ IMF បាននិយាយថា ទីក្រុងវ៉ាស៊ីនតោនគួរតែធ្វើការប្រកបដោយស្ថាបនាជាមួយដៃគូ ដើម្បីដោះស្រាយការព្រួយបារម្ភអំពីការអនុវត្តពាណិជ្ជកម្មអយុត្តិធម៌ និងយល់ព្រមលើការកាត់បន្ថយការរឹតបន្តឹងពាណិជ្ជកម្ម និងការបង្ខូចទ្រង់ទ្រាយគោលនយោបាយឧស្សាហកម្មដែលមានផលប៉ះពាល់អវិជ្ជមានឆ្លងកាត់ព្រំដែន។

ជម្រាបជូនផងដែរថា ពិភពលោកបច្ចុប្បន្នកំពុងទទួលរងនូវពន្ធគយថ្មីពីសំណាក់ប្រធានាធិបតីលោក ដូណាល់ ត្រាំ បន្ទាប់ពីលោកបានប្រើប្រាស់ច្បាប់ផ្សេងមួយដើម្បីដាក់ពន្ធគយសកលថ្មី ១០% ហើយអាចនឹងកើនឡើងដល់ ១៥% បន្ថែមទៀតផងដែរ ចាប់តាំងពីតុលាការកំពូលអាមេរិក សម្រេចលុបចោលគោនយោបាយពន្ធគយជាច្រើនរបស់ប្រធានាធិបតីរូបនេះ កាលពីសប្តាហ៍មុន៕​

The post IMF ទទូចឲ្យសហរដ្ឋអាមេរិកធ្វើការជាមួយប្រទេសដៃគូដើម្បីបន្ធូរបន្ថយការរឹតបន្តឹងពាណិជ្ជកម្ម appeared first on .

IMF បាននិយាយនៅក្នុងសេចក្តីថ្លែងការណ៍ចុងក្រោយមួយរបស់ខ្លួនថា​៖”​ អាជ្ញាធរគួរតែចៀសវាងការកាត់បន្ថយពន្ធលើការប្រើប្រាស់ ដែលជាវិធានការមិនមានគោលដៅច្បាស់លាស់ ហើយវានឹងធ្វើឲ្យប៉ះពាល់យ៉ាងខ្លាំងដល់លំហសារពើពន្ធ និងបន្ថែមហានិភ័យហិរញ្ញវត្ថុផងដែរ”។

ទន្ទឹមនឹងនេះ លោក Rahul Anand ប្រធានបេសកកម្មរបស់ IMF ប្រចាំប្រទេសជប៉ុន បានប្រាប់អ្នកយកព័ត៌មាន បន្ទាប់ពីការចេញផ្សាយសេចក្តីថ្លែងការណ៍នេះថា ប្រទេសជប៉ុនមិនគួរបន្ធូរបន្ថយគោលនយោបាយសារពើពន្ធរបស់ខ្លួនទេ នៅពេលដែលថ្លៃសេវាបំណុល និងសុខុមាលភាព ទំនងជាបន្តកើនឡើង ហើយនៅទីបំផុតវានឹងបន្ថែមកម្រិតបំណុលខ្ពស់របស់ប្រទេស។

ជុំវិញការលើកឡើងនេះ បានកើតឡើងបន្ទាប់ពីលោកស្រី Takaichi កំពុងរៀបចំដើម្បីពន្លឿនការពិភាក្សាអំពីការផ្អាកពន្ធលើការលក់អាហាររយៈពេលពីរឆ្នាំ ស្របតាមការសន្យា ខណៈដែលលោកស្រីបានដឹកនាំគណបក្សប្រជាធិបតេយ្យសេរីរបស់លោកស្រី ឆ្ពោះទៅរកជ័យជម្នះដ៏ធំបំផុតមិនធ្លាប់មានពីមុនមក កាលពីដើមខែនេះ។

ជម្រាបជូនផងដែរថា បើទោះបីជាការកាត់ពន្ធត្រូវបានកំណត់ត្រឹមតែទំនិញចាំបាច់ និងមានលក្ខណៈបណ្តោះអាសន្ន ដែលអាចជួយកាត់បន្ថយថ្លៃចំណាយរបស់រដ្ឋាភិបាលក៏ដោយ ប៉ុន្តែ IMF បានបញ្ជាក់ថា ជប៉ុនត្រូវការរឹតត្បិតផ្នែកហិរញ្ញវត្ថុ ដើម្បីជួយរក្សាស្ថិរភាពទីផ្សារប័ណ្ណបំណុល ឲ្យនៅមានស្ថេរភាព៕​

The post IMF ទទូចឲ្យជប៉ុន ឈប់កាត់បន្ថយពន្ធលក់រាយ និងបន្តដំឡើងអត្រាការប្រាក់បន្ថែមទៀត appeared first on .

កាលពីថ្ងៃទី២២ ខែមេសា មូលនិធិរូបិយវត្ថុអន្តរជាតិ (IMF) បានចេញផ្សាយពីការធ្វើបច្ចុប្បន្នភាពនៃរបាយការណ៍ទស្សនវិស័យសេដ្ឋកិច្ចរបស់ខ្លួន។ នៅក្នុងនោះ ស្ថាប័ននេះបានបន្ទាបការព្យាកររបស់ខ្លួនសម្រាប់កំណើនសេដ្ឋកិច្ចពិភពលោកនៅឆ្នាំនេះពី ៣,៣% មកនៅត្រឹម ២,៨% ដែលជាកម្រិតទាបបំផុតចាប់តាំងពីការចាប់ផ្តើមនៃជំងឺរាតត្បាតកូវីដ-១៩ មក។ ជុំវិញហេតុផលនៃការបន្ទាប់នេះ គឺកើនឡើងដោយភាពមិនច្បាស់លាស់ខាងគោលនយោបាយ និងការកើនឡើងនៃភាពតានតឹងពាណិជ្ជកម្មនៅទូទាំងពិភពលោក។ កាលពីឆ្នាំមុន GDP ពិភពលោកបានកើនឡើង ៣,៣% ។

ដោយឡែកប្រទេសដែលមានសេដ្ឋកិច្ចធំជាងគេទាំងពីររបស់ពិភពលោក ក៏បានឃើញការព្យាករកំណើនសេដ្ឋកិច្ចរបស់ពួកគេ ធ្លាក់ចុះនៅឆ្នាំនេះផងដែរ។ GDP របស់អាមេរិក ឥឡូវនេះត្រូវបានគេព្យាករថានឹងកើនឡើងត្រឹមតែ ១,៨% ពោលគឺធ្លាក់ចុះពី ២,៨% កាលពីឆ្នាំមុន។

សម្រាប់ប្រទេសចិនវិញ IMF បានកាត់បន្ថយការព្យាករកំណើនរបស់ខ្លួនសម្រាប់ប្រទេសមហាអំណាចមួយនេះ មកត្រឹម ៤% សម្រាប់ទាំងឆ្នាំនេះ និងឆ្នាំក្រោយ ពោលគឺធ្លាក់ចុះពី ៤,៦% ដែលត្រូវបានព្យាករ កាលពីក្នុងខែមករាកន្លងទៅ។

ជម្រាបជូនផងដែរថា ចាប់តាំងពីចូលកាន់តំណែងមក ប្រធានាធិបតីអាមេរិក លោក ដូណាល់ ត្រាំ បានដាក់ពន្ធនាំចូល ១៤៥% លើទំនិញទាំងអស់របស់ចិន ខណ:ផលិតផលខ្លះអាចជាប់ពន្ធដល់ ២៤៥% ទៀតផង។ ហើយដើម្បីជាការឆ្លើយតបទៅវិញ ប្រទេសចិនបានដាក់ពន្ធ ១២៥% លើទំនិញរបស់សហរដ្ឋអាមេរិក ដែលបណ្តាលឲ្យនាក់ទំនងពាណិជ្ជកម្មរវាងប្រទេសដែលមានសេដ្ឋកិច្ចធំជាងគេទាំងពីររបស់ពិភពលោកស្ទើតែជាប់គាំង៕

The post IMF ទម្លាក់ការព្យាករកំណើនសេដ្ឋកិច្ចរបស់ពិភពលោកដល់កម្រិតទាបបំផុត appeared first on .

យោងតាមមូលនិធិរូបិយវត្ថុអន្តរជាតិ IMF បានឱ្យដឹងថា កំណើនសេដ្ឋកិច្ចត្រូវបានព្យាករក្នុងអត្រា ៥,៨ភាគរយនៅឆ្នាំ២០២៥ ប៉ុន្តែក៏បានព្រមានពីការធ្លាក់ចុះដែលអាចកើតមាន។ ដើម្បីដោះស្រាយបញ្ហានេះ ស្ថាប័នអន្តរជាតិមួយនេះបានលើកឡើងពីការពង្រឹងក្របខណ្ឌសារពើពន្ធ ការកែលម្អអភិបាលកិច្ច ការប្រកួតប្រជែង និងតម្លាភាពក៏ដូចជាការធ្វើពិពិធកម្មសេដ្ឋកិច្ច និងការប្រយុទ្ធប្រឆាំងនឹងការលាងលុយកខ្វក់ គឺជាកត្តាសំខាន់សម្រាប់កំណើនសេដ្ឋកិច្ចប្រកបដោយចីរភាព។

IMF បានព្យាករផលិតផលក្នុងស្រុកសរុបពិតប្រាកដ (GDP) នឹងកើនឡើងពី ៥,៥ភាគរយ ក្នុងឆ្នាំ២០២៤ ដល់ ៥,៨ភាគរយ ក្នុងឆ្នាំ២០២៥ ហើយអតិផរណានឹងកើនឡើងពី ០,៥ភាគរយ ក្នុងឆ្នាំ២០២៤ ដល់២ភាគរយ ក្នុងឆ្នាំ២០២៥ ហើយនៅតែបន្តទៀត។

គួរឱ្យដឹងថា សេដ្ឋកិច្ចកម្ពុជាបានបន្តងើបឡើងវិញ ទោះបីជាមានល្បឿនយឺតក៏ដោយ។ កំណើន GDP នឹងត្រូវបានជំរុញជាចម្បងដោយតម្រូវការពីខាងក្រៅ ជាមួយនឹងការស្ទុះងើបឡើងវិញយ៉ាងរឹងមាំនៃការនាំចេញសម្លៀកបំពាក់ និងកំណើនខ្ពស់នៃការនាំចេញកសិផល។

ទោះជាយ៉ាងណាក៏ដោយ សេដ្ឋកិច្ចមានភាពងាយរងគ្រោះទៅនឹងលក្ខខណ្ឌម៉ាក្រូសេដ្ឋកិច្ចសកល ការផ្លាស់ប្តូរគោលនយោបាយដោយដៃគូពាណិជ្ជកម្មសំខាន់ៗ ការបែងចែកភូមិសាស្ត្រសេដ្ឋកិច្ចដែលអាចរំខានដល់ពាណិជ្ជកម្ម និងការវិនិយោគផ្ទាល់ពីបរទេស (FDI) និងភាពទន់ខ្សោយបន្តនៅក្នុងវិស័យសំណង់ និងអចលនទ្រព្យ។

វិស័យសំណង់ និងអចលនទ្រព្យកំពុងស្ថិតក្នុងការកែតម្រូវ ជាមួយនឹងការកើនឡើងនៃប្រាក់កម្ចីមិនដំណើរការ សញ្ញាលេចឡើងនៃបំណុលរបស់វិស័យឯកជន និងការធ្លាក់ចុះគុណភាពឥណទាន និងលំហូរ FDI។

របាយការណ៍នេះ ក៏បានឱ្យដឹងថា ការផ្តាច់ខ្លួនពីស្ថានភាពប្រទេសមានការអភិវឌ្ឍតិចបំផុត (LDC) របស់កម្ពុជានៅឆ្នាំ២០២៧-២០៣០ នឹងធ្វើឱ្យបាត់បង់ការអនុគ្រោះលើការនាំចេញផងដែរ៕

The post IMF ព្យាករ GDP របស់កម្ពុជាកើន៥,៨ភាគរយ ក្នុងឆ្នាំ២០២៥ appeared first on .

IMF បាននិយាយទៀតថាបំណុលសាធារណៈទូទាំងពិភពលោក ត្រូវបានគេរំពឹងថានឹងឈានដល់ ៩៣% នៃផលិតផលក្នុងស្រុកសរុបពិភពលោក នៅឆ្នាំ២០២៤ ហើយអាចបន្តកើនឡើងដល់ ១០០% តែម្តង នៅចុងទសវត្សនេះ។

ទន្ទឹមនឹងនេះ អ្នកឃ្លាំមើលហិរញ្ញវត្ថុពិភពលោក បានសរសេរនៅក្នុងរបាយការណ៍ចុងក្រោយមួយនៃការត្រួតពិនិត្យសារពើពន្ធពាក់កណ្តាលឆ្នាំរបស់ខ្លួនថា ៖”ការបង្កើនបំណុលប្រកបដោយនិរន្តរភាព អាចបង្កើនប្រូបាប៊ីលីតេ (Probability) នៃវិបត្តិបំណុល ឬវិបត្តិហិរញ្ញវត្ថុកាន់តែទូលំទូលាយ” ។

មិនតែប៉ុណ្ណោះ ស្ថាប័នមូលនិធិរូបិយវត្ថុអន្តរជាតិ IMF ដែលបានបើកកិច្ចប្រជុំប្រចាំឆ្នាំរបស់ខ្លួន នៅថ្ងៃទី២១ ខែតុលា បានលើកឡើងរួចហើយអំពីបញ្ហាសំខាន់ៗដែលខ្លួនសង្ឃឹមថា នឹងបញ្ចេញការព្យាករសេដ្ឋកិច្ចពិភពលោក នៅត្រឹមប៉ុន្មានថ្ងៃខាងមុខ។

ស្ថាប័នហិរញ្ញវត្ថុដ៏ធំនេះ ក៏បានចេញមុខព្រមានផងដែរថា បំណុលសាធារណៈរបស់ពិភពលោកទាំងមូល នឹងកើនឡើងរហូតដល់១០០ទ្រីលានដុល្លារអាមេរិក នៅត្រឹមចុងឆ្នាំ២០២៤ នេះ ដែលភាគច្រើនដោយសារតែការកើនឡើងបំណុលរបស់មហាយក្សចិន និងសហរដ្ឋអាមេរិក។

ជុំវិញបញ្ហានេះ IMF ប៉ាន់ប្រមាណថា នៅទូទាំងពិភពលោក បណ្តាប្រទេសនានា នឹងត្រូវរឹតបន្តឹងគោលនយោបាយសារពើពន្ធ ឬអាចនិយាយម្យ៉ាងទៀតថាជាការដំឡើងពន្ធ ឬកាត់បន្ថយការចំណាយ ពី ៣% ទៅ ៤,៥% នៃផលិតផលក្នុងស្រុកសរុបរបស់ខ្លួន ដើម្បីមានឱកាសល្អក្នុងការគ្រប់គ្រងស្ថិរភាពសមាមាត្របំណុលរបស់ពួកគេ៕

The post IMF ចេញការព្រមានចំៗ ខណ:បំណុលពិភពលោក អាចកើនឡើងលើស ១០០ទ្រីលានដុល្លារ appeared first on .

IMF ក៏បាននិយាយទៀតថា៖ កំណើនសេដ្ឋកិច្ចចិន គឺត្រូវបានសន្និដ្ឋានថា នឹងសម្រេចបាន ៥%នៅឆ្នាំ២០២៤ ហើយវានឹងថយចុះមកត្រឹម ៤,៥% នៅឆ្នាំ២០២៥។ កំណើន GDP នាត្រីមាសទីមួយ និងគោលនយោបាយថ្មីៗ គឺបានបង្កើនការព្យាករណ៍របស់យើង។

គួររំលឹកបន្តិចថា កាលពីត្រីមាសទីមួយ ចិនសម្រេចបានកំណើនសេដ្ឋកិច្ច ៥,៣% ច្រើនជាងការរំពឹងទុក និងបានធ្វើឲ្យក្រុមអ្នកវិភាគសេដ្ឋកិច្ច បង្កើនការព្យាករណ៍កំណើនសេដ្ឋកិច្ចប្រចាំឆ្នាំ ខ្ពស់ជាងមុន ០,៤%។

សូមជម្រាបដែរថា បើទោះជា IMF បង្កើនការព្យាករណ៍កំណើនសេដ្ឋកិច្ចប្រចាំឆ្នាំរបស់ចិន ក៏ពិតមែន ក៏ប៉ុន្តែពួកគេក៏បានព្រមានដែរថា កំណើនសេដ្ឋកិច្ចចិននឹងអាចថយចុះមកនៅត្រឹម ៣,៣%វិញ ត្រឹមឆ្នាំ២០២៩ ដោយសារតែអត្រាប្រជាជនថយចុះ និងសង្វាក់ផលិតកម្មមានកំណើនយឺត៕

The post IMF ព្យាករណ៍កំណើនសេដ្ឋកិច្ចចិន អាចសម្រេចបាន ៥%នៅក្នុងឆ្នាំនេះ appeared first on .

នៅដើមខែមីនា ​ប្រទេសអ៊ុយក្រែនធ្លាប់ទទួលបានជំនួយជាលើកដំបូងចំនួន ៤,៩ពាន់លានដុល្លារក្រោមកម្មវិធីហិរញ្ញវត្ថុរបស់សហភាពអឺរ៉ុប។ ក្នុងនោះនាយករដ្ឋមន្ត្រីអ៊ុយក្រែនលោក ដេនីស ស្ម៊ីហាល់ (Denys Shmyhal) ធ្លាប់បានសរសេរនៅលើបណ្តាញសង្គម X ថា៖ ជំនួយចំនួន ៩៨៤លានដុល្លារគឺបានមកពីប្រទេសជប៉ុន ហើយជំនួយ ៥១៦លានដុល្លារឯទៀតបានមកពីចក្រភពអង់គ្លេស។

មិនត្រឹមតែប៉ុណ្ណោះ កាលពីចុងខែមីនា អ៊ុយក្រែនក៏ទទួលបានជំនួយមូលនិធិចំនួន ១,៥ពាន់លានដុល្លារបន្ថែមទៀតផងដែរ ក្រោមកម្មវិធីរបស់ធនាគារពិភពលោក ដើម្បីទុកចំណាយលើបញ្ហាសង្គមផ្សេងៗ។

គួរជម្រាបថា ចាប់តាំងពីសង្គ្រាមរវាងរុស្ស៊ី និងអ៊ុយក្រែនបានចាប់ផ្តើមឡើងកាលពីខែកុម្ភៈ ឆ្នាំ២០២២ រហូតមកដល់ពេលបច្ចុបន្ន អ៊ុយក្រែនបានទទួលជំនួយពីបរទេសរហូតដល់ទៅចំនួន ៨៣,៨ពាន់លានដុល្លាររួចមកហើយ៕

The post ក្នុងខែមីនា អ៊ុយក្រែន​ទទួល​បាន​ថវិកា ៩ពាន់​លាន​ដុល្លារ​ពីម្ចាស់ជំនួយធំៗ appeared first on .