ប្រភពដដែល បានរាយការណ៍កាលពីថ្ងៃទី២៤ ខែមីនាថា តំណាងអ៊ីរ៉ង់ បានជូនដំណឹងដល់រដ្ឋបាលរបស់លោក ត្រាំ ថា ពួកគេមិនចង់បន្តការចរចាជាមួយបេសកជនពិសេស លោក Steve Witkoff និង Jared Kushner ទេ ប៉ុន្តែផ្ទុយទៅវិញពួកគេចង់និយាយជាមួយអនុប្រធានាធិបតី លោក JD Vance ជាង។

សារបានបញ្ជូនតាមរយៈបណ្តាញក្រៅផ្លូវការទៅកាន់ទីក្រុងវ៉ាស៊ីនតោននេះ បានបង្ហាញថា ទីក្រុងតេអេរ៉ង់ជឿថា ការចូលរួមរបស់លោក Witkoff និង Kushner នឹងគ្មានប្រសិទ្ធភាពទេ ដោយសារកម្រិតនៃការមិនទុកចិត្តដែលកើតចេញពីការចរចាដែលខូចមុនពេលការវាយប្រហាររវាងសហរដ្ឋអាមេរិក និងអ៊ីស្រាអែលលើអ៊ីរ៉ង់។

យោងតាមប្រភពនៅក្នុងតំបន់ បានបង្ហាញទៀតថា អនុប្រធានាធិបតីអាមេរិក លោក Vance ត្រូវបានគេមើលឃើញថាមានទំនោរចង់បញ្ចប់អរិភាពច្រើនជាងនរណាៗទាំងណស់។ ហើយថ្នាក់ដឹកនាំអ៊ីរ៉ង់ជាច្រើនយល់ឃើញថា លោក Vance មានការប្តេជ្ញាចិត្តខ្ពស់ក្នុងការបញ្ចប់ជម្លោះនេះ។

តែទោះជាយ៉ាងណាក៏ដោយ ភាគីពាក់ព័ន្ធក៏បានទទួលស្គាល់ផងដែរថា ការចូលរួមរបស់លោក Vance ក្នុងការចរចានៅតែមានហានិភ័យ ព្រោះវាមិនងាយស្រួលក្នុងការចរចាបញ្ចប់ការប្រយុទ្ធភ្លាមៗនោះទេ ខណៈពេលដែលលោក Witkoff នឹងនៅតែតំណាងឲ្យសហរដ្ឋអាមេរិក និងចូលរួមយ៉ាងសកម្មក្នុងបញ្ហាពាក់ព័ន្ធដដែល៕​

The post អ៊ីរ៉ង់ បង្ហាញជំហរចង់ចរចាជាមួយអនុប្រធានាធិបតីអាមេរិក ដើម្បីបញ្ចប់ជម្លោះ appeared first on .

នៅពេលត្រូវបានអ្នកសារព័ត៌មានសួរនាំថាតើលោក Vance អាចនឹងក្លាយជាអ្នកស្នងតំណែងជាប្រធានាធិបតីអាមេរិក នាពេលអនាគតដែរឬទេ ខណ:លោក ត្រាំ បានឆ្លើយតបវិញថា ៖”​ ពិតមែនហើយ ខ្ញុំគិតថាគាត់នឹងក្លាយជាបេក្ខភាព។ បើនិយាយឲ្យយុត្តិធម៌ទៅ លោក Vance គឺជាអនុប្រធានាធិបតីរបស់ខ្ញុំ”។

មិនតែប៉ុណ្ណោះ លោក ត្រាំ ក៏បានស្នើឲ្យលោក Vance និងរដ្ឋមន្ត្រីការបរទេសលោក Marco Rubio ចូលរួមជាកម្លាំង សម្រាប់ការឈរឈ្មោះជាមេដឹកនាំរបស់បក្សសាធារណរដ្ឋ នៅក្នុងការបោះឆ្នោតនាពេលអនាគត ផងដែរ។

គួរឲ្យដឹងផងដែរថា លោក ត្រាំ ធ្លាប់បាននិយាយបដិសេធកាលពីមុន ក្នុងការផ្តល់យោបល់ចំពោះអ្នកណាដែលអាចស្នងតំណែងរបស់លោកបាន សម្រាប់ការបោះឆ្នោតនៅឆ្នាំ២០២៨។ អំឡូងពេលនោះ លោកបានបន្ថែមថា លោក Vance មានសមត្ថភាពខ្លាំង ប៉ុន្តែវាហាក់ដូចជាលឿនពេក ក្នុងការដាក់ឈ្មោះលោកជាអ្នកបន្តវេន។

ជម្រាបជូនថា លោក Vance ដែលធ្លាប់ជាទាហានម៉ារីន បានចូលរួមបម្រើការនៅក្នុងតួនាទីជាច្រើន សម្រាប់រដ្ឋបាលរបស់លោក ត្រាំ ដោយលោកក៏ធ្លាប់បានធ្វើជាអ្នកការទូតដ៏សំខាន់ និងជាអ្នកតំណាងកំពូលមួយរូប ក្នុងការលើកកម្ពស់គោលនយោបាយក្នុងស្រុក របស់លោក ត្រាំ ទាំងនៅអាមេរិក និងនៅបរទេស ផងដែរ៕​

The post លោក ត្រាំ​ បង្ហើបថាអនុប្រធានាធិបតី JD Vance ទំនងអាចស្នងតំណែងបន្តពីលោក នៅឆ្នាំ២០២៨ appeared first on .

លោក Vance បាននិយាយនៅក្នុងផតឃែសមួយដែលបង្ហោះបានបង្ហោះកាលពីថ្ងៃទី៧ ខែមិថុនាកន្លងទៅ ដោយសំដៅលើទៅលើថៅកែក្រុមហ៊ុន Tesla និងប្រធានាធិបតីលោក ត្រាំ ថា៖” ខ្ញុំគិតថាបុរសដែលមានដាច់គេលើពិភពលោក បានសាងកំហុសដ៏ធំមួយ ដោយការប៉ះ​ទង្គិច​ពាក្យសម្តីជាមួយបុរសដែលមានអំណាចបំផុត នៅក្នុងពិភពលោក”។

លោក Vance បានបន្ថែមទៀតថា វានឹងពិបាកសម្រាប់លោក Musk ដើម្បីទទួលបានការពេញចិត្តពីសំណាក់លោក ត្រាំ ឡើងវិញ បន្ទាប់ពីមានភាពប្រេះឆាដែលបណ្តាលមកពីការទាស់ទែងពាក្យសម្តីគ្នាបែកផ្សែង នៅលើបណ្តាញសង្គម កាលពីថ្ងៃទី៥ ខែមិថុនា។

អនុប្រធានាធិបតីសហរដ្ឋអាមេរិករូបនេះ បាននិយាយថា ៖ “បើជាខ្ញុំ ខ្ញុំនឹងស្មោះត្រង់នឹងលោកប្រធានាធិបតីជានិច្ច ហើយសង្ឃឹមថានៅទីបំផុត Elon នឹងត្រលប់មកវិញ ប៉ុន្តែវាប្រហែលជាមិនកើតឡើងនៅពេលនេះទេ ដោយសារតែគាត់បាននិយាយជ្រុលហួសហេតុពេក។ ជម្លោះរវាងអ្នកទាំងពីរ អាចនឹងមិនល្អសម្រាប់ប្រទេស ប៉ុន្តែខ្ញុំគិតថាវារឹតតែមិនល្អសម្រាប់លោក Musk និងអាជីវកម្មរបស់គាត់ ផងដែរ”។

គួរឲ្យដឹងផងដែរថា លោក Elon Musk គឺជាម្ចាស់ជំនួយដ៏ធំបំផុតសម្រាប់យុទ្ធនាការរបស់លោក ត្រាំ។ បន្ទាប់ពីចូលកាន់តំណែងកាលពីខែមករា ប្រធានាធិបតីអាមេរិករូបនេះ បានសម្រេចជ្រើសរើសលោក Musk ឲ្យដឹកនាំការិយាល័យប្រសិទ្ធភាពរដ្ឋាភិបាល (DOGE) ក្នុងកិច្ចខិតខំប្រឹងប្រែងដើម្បីធ្វើកំណែទម្រង់រដ្ឋាភិបាល និងសន្សំសំចៃការចំណាយ។

តែទោះជាយ៉ាងណាក៏ដោយ ភាពប្រេះឆារវាងទំនាក់ទំនងដ៏ស្អិតរមួតរបស់អ្នកទាំងពីរ បានលេចឡើង បន្ទាប់ពីលោក Musk បានដកខ្លួនចេញពីតំណែងជាបុគ្គលពិសេសនៅក្នុងជួររដ្ឋាភិបាល ហើយបានចាប់ផ្តើមវាយប្រហារលើផែនការចំណាយដ៏ខ្ពស់របស់បក្សសាធារណរដ្ឋដែលផ្តោតលើកញ្ចប់កាត់បន្ថយពន្ធចំនួន ៤,៥ពាន់ពាន់លានដុល្លារ។ ក្រោយមកអ្នកទាំងពីរ បានចាប់ផ្តើមឈ្លោះគ្នាយ៉ាងក្តៅគគុក នៅលើបណ្តាញសង្គម ដោយបានលើកឡើងពីបញ្ហាផ្ទាល់ខ្លួនជាច្រើនរបស់គ្នា ទៅវិញទៅមក៕

The post JD Vance ថា Elon Musk សាងកំហុសធំ ដែលឈ្លោះជាមួយបុរសមានអំណាចបំផុតលើលោក appeared first on .

នៅក្នុងការប្រកាសមួយលើបណ្តាញសង្គម X កាលពីថ្ងៃទី២៥ ខែមីនា លោក JD Vance បានបង្ហើបឲ្យដឹងថា ដំណើរទស្សនកិច្ចទៅកាន់កោះ Greenland នឹងចាប់ផ្តើមពីថ្ងៃព្រហស្បតិ៍ រហូតដល់ថ្ងៃសៅរ៍ សប្តាហ៍នេះ ដោយក្នុងនោះក៏រួមមានការអមដំណើរដោយភរិយារបស់លោក និងគណៈប្រតិភូអាមេរិកផ្សេងទៀត ដូចជាទីប្រឹក្សាសន្តិសុខជាតិលោក Mike Waltz រដ្ឋមន្ត្រីក្រសួងថាមពល លោក Chris Wright និងប្រមុខការទូតលោក Marco Rubio ផងដែរ។

មិនតែប៉ុណ្ណោះ​ ការធ្វើ​ដំណើរ​លើក​នេះ គឺ​ដើម្បីយល់​ពី​ស្ថានភាព​សន្តិសុខ​នៅ Greenland បន្ថែមទៀត ស្របពេលអនុប្រធានាធិបតី លោក JD Vance បាននិយាយថាកោះស្វយ័តដែលជាកម្មសិទ្ធិរបស់ដាណឺម៉ាកនេះ បានក្លាយទៅជា គោលដៅកំពូលនៃប្រទេសអរិភាពជាច្រើន ដែលគំរាមកំហែងដល់ទាំងសហរដ្ឋអាមេរិក និងកាណាដា។

គួរឲ្យដឹងផងដែរថា ការប្រកាសពីដំណើរទស្សនកិច្ចរបស់លោក JD Vance នេះ បានកើតឡើងត្រឹមតែមួយថ្ងៃប៉ុណ្ណោះ បន្ទាប់ពីប្រធានាធិបតី ដូណាល់ ត្រាំ បាននិយាយថា មន្ត្រីអាមេរិកត្រូវបានអញ្ជើញឲ្យទៅធ្វើទស្សនកិច្ចដោយប្រជាជនជាច្រើននៅ Greenland ហើយថាការធ្វើដំណើរទស្សនកិច្ចរបស់មន្ត្រីធំៗរបស់អាមេរិកកន្លងមក គឺមានបំណងផ្ញើសារជាមិត្ត ទៅកាន់ប្រជាជននៃកោះនេះប៉ុណ្ណោះ។

ប៉ុន្តែទោះជាយ៉ាងណាក៏ដោយ នាយករដ្ឋមន្ត្រី Greenland លោក Mute Bourup Egede បានទទូចថា រដ្ឋាភិបាលរបស់កោះនេះ មិនបានផ្ញើការអញ្ជើញណាមួយទៅកាន់ទីក្រុងវ៉ាស៊ីនតោនទេ។ លោក Egede បាន​ហៅ​ដំណើរ​ទស្សនកិច្ច​របស់​គណៈប្រតិភូ​អាមេរិក​ថា​ជា​ការ​បង្ហាញ​សាច់ដុំរបស់ខ្លួន ជាការ​បង្កហេតុ​ និងផ្តល់ភាព​គ្រោះថ្នាក់​បំផុត៕

The post អនុប្រធានាធិបតីអាមេរិក នឹងធ្វើដំណើរទស្សនកិច្ចនៅកោះ Greenland ទោះកំពុងរងការរិះគន់ខ្លាំង appeared first on .