លោក Powell បានថ្លែងនៅថ្ងៃទី២៩ ខែមេសា ក្នុងអំឡុងពេលសន្និសីទសារព័ត៌មានមួយបន្ទាប់ពីកិច្ចប្រជុំគោលនយោបាយរបស់ Fed ថា ៖”បន្ទាប់ពីអាណត្តិរបស់ខ្ញុំជាប្រធានបញ្ចប់នៅថ្ងៃទី១៥ ខែឧសភា ខ្ញុំនឹងនៅតែជាក្រុមប្រឹក្សាភិបាលរបស់ធនាគារមួយរយៈពេលវែងទៀត”។

គួរឲ្យឹងថា អាណត្តិរបស់លោក Powell នៅក្នុងក្រុមប្រឹក្សាភិបាលរបស់ Fed នៅតែបន្តរហូតដល់ឆ្នាំ២០២៨។ ជាធម្មតា ប្រធាន Fed នឹងត្រូវចាកចេញពីក្រុមប្រឹក្សាភិបាល នៅចុងបញ្ចប់នៃអាណត្តិរបស់ខ្លួន។ ប៉ុន្តែទោះជាយ៉ាងណា សម្រាប់លោក Powell លោកបានសង្កត់ធ្ងន់ថា ការដែលលោកមិនទាន់ចាកចេញភ្លាមៗ គឺចង់បញ្ចប់ការស៊ើបអង្កេតផ្នែកច្បាប់ប្រឆាំងនឹងរូបលោកជាមុនសិន។

​ជម្រាបជូនថា នៅថ្ងៃទី២៩ ខែមេសា លោក Powell បានបញ្ជាក់សារជាថ្មីអំពីក្តីបារម្ភរបស់លោកថា បញ្ហាប្រឈមផ្នែកច្បាប់ពីរដ្ឋបាលរបស់ប្រធានាធិបតីអាមេរិក លោក ដូណាល់ ត្រាំ កំពុងគំរាមកំហែងដល់សមត្ថភាពរបស់ធនាគារកណ្តាលសហរដ្ឋអាមេរិកក្នុងការធ្វើការសម្រេចចិត្តដោយឯករាជ្យលើគោលនយោបាយរូបិយវត្ថុ៕​

The post លោក Powell នឹងបន្តកាន់តំណែងធំក្នុងធនាគារកណ្តាលអាមេរិក ទោះបីលែងជាប្រធានក៏ដោយ appeared first on .

នៅក្នុងបទសម្ភាសមួយនៅលើ Fox Business លោក ត្រាំ បានបញ្ជាក់ជាថ្មីអំពីការស៊ើបអង្កេតព្រហ្មទណ្ឌទៅលើលោក Jerome Powell ដោយបញ្ជាក់ទៀតថានេះគឺជាមធ្យោបាយមួយ ដើម្បីបញ្ជាក់ថាប្រធានរបស់ Fed រូបនេះ គ្មានសមត្ថភាពគ្រប់គ្រាន់ ហើយថែមទាំងបានគំរាមបណ្តេញលោក Powell ចេញពីតំណែងភ្លាមៗទៀតផង។

គួរឲ្យដឹងថាអាណត្តិរបស់លោក Powell ក្នុងនាមជាប្រធានធនាគារកណ្តាល Fed នឹងត្រូវបញ្ចប់នៅខែឧសភា ឆ្នាំ២០២៦។ តែទោះជាយ៉ាងណាក៏ដោយ អាណត្តិរបស់លោកនៅក្នុងក្រុមប្រឹក្សាភិបាលធនាគារកណ្តាលនេះ នឹងនៅតែបន្តរហូតដល់ឆ្នាំ២០២៨។

ក្រុមប្រឹក្សាភិបាល Fed គឺជាស្ថាប័នគ្រប់គ្រងខ្ពស់បំផុតរបស់ធនាគារកណ្តាលសហរដ្ឋអាមេរិក ដែលមានសមាជិកប្រាំពីររូបទទួលខុសត្រូវក្នុងការកំណត់គោលនយោបាយរូបិយវត្ថុ ត្រួតពិនិត្យធនាគារ និងធានាស្ថិរភាពហិរញ្ញវត្ថុជាតិ។

ជម្រាបជូនថា ការមិនចុះសម្រុងគ្នារវាងលោក ត្រាំ និងលោក Powell បានកើតឡើងអស់រយៈពេលជាច្រើនឆ្នាំមកហើយ ទោះបីជាលោក ត្រាំ ខ្លួនឯងផ្ទាល់ជាអ្នកតែងតាំងលោក Powell ឲ្យកាន់តំណែងជាប្រធានធនាគារកណ្តាល Fed នេះក៏ដោយ។

លោក ត្រាំ បានសំដែងការមិនពេញចិត្តនឹងលោក Powell ជារឿយៗ ដោយសារតែធនាគារកណ្តាលសហរដ្ឋអាមេរិក បានដំឡើងអត្រាការប្រាក់ម្តងហើយម្តងទៀត ហើយបរាជ័យក្នុងការបន្ទាបអត្រាការប្រាក់ទាំងនោះ នៅពេលខ្លះដែលប្រធានាធិបតីអាមេរិក ចាត់ទុកថាជាពេលសមរម្យដើម្បីគាំទ្រដល់កំណើនសេដ្ឋកិច្ច៕

The post លោក ត្រាំ បន្តគំរាមបណ្តេញប្រធានធនាគារកណ្តាលអាមេរិក ជាថ្មីម្តងទៀត appeared first on .

លោក ត្រាំ បានសរសេរនៅលើបណ្តាញសង្គម Truth Social របស់ខ្លួនថា៖” ខ្ញុំស្គាល់លោក Kevin ជាយូរមកហើយ ហើយខ្ញុំមិនមានការសង្ស័យទេថា គាត់នឹងក្លាយជាប្រធានធនាគារកណ្តាលអាមេរិកដ៏អស្ចារ្យបំផុតម្នាក់ ហើយក៏ប្រហែលជាឆ្លាតបំផុត ផងដែរ”។

ប៉ុន្តែទោះជាយ៉ាងណាក៏ដោយ ការតែងតាំងប្រធានធនាគារកណ្តាលអាមេរិកថ្មី ចាំចាប់ត្រូវតែទទួលការបញ្ជាក់ដោយព្រឹទ្ធសភាសហរដ្ឋអាមេរិក។

យ៉ាងណាមិញ ជុំវិញការសម្រេចចិត្តដាក់ឈ្មោរបស់លោក Kevin ជាបេក្ខភាពនេះ បានកើតឡើងនៅពេលចំពេលធនាគារ Fed កំពុងមានភាពប្រចូកប្របល់ខ្លាំង ក្នុងរយៈពេលជាច្រើនឆ្នាំកន្លងមកនេះ។ ការដោះស្រាយអតិផរណានៅមិនទាន់ស្ថិតនៅក្រោមការគ្រប់គ្រងពេញលេញនៅឡើយ ខណៈពេលដែលបំណុលសាធារណៈកំពុងតែកើនឡើអជាបន្តបន្ទាប់ ហើយធនាគារកណ្តាលសហរដ្ឋអាមេរិកក៏កំពុងប្រឈមមុខនឹងសម្ពាធនយោបាយដ៏កម្រទាក់ទងនឹងការសម្រេចចិត្តលើការកាត់បន្ថយអត្រាការប្រាក់ផងដែរ។

ជម្រាបជូនផងដែរថា នៅក្នុងរយៈពេលចុងក្រោយនេះ ប្រធានាធិបតី លោក ត្រាំ តែងតែបានបង្ហាញការរិះគន់ខ្លាំងលើធនាគារកណ្តាលសហរដ្ឋអាមេរិក និងលោក Powell ចំពោះការមិនព្រមកាត់បន្ថយអត្រាការប្រាក់យ៉ាងសកម្ម តាមអ្វីដែលលោកចង់បាននោះឡើយ៕​

The post លោក ត្រាំ ដាក់ឈ្មោះលោក Kevin Warsh ឲ្យឡើងជាប្រធានធនាគារកណ្តាលអាមេរិក ជំនួសលោក Powell appeared first on .