បើតាមរដ្ឋមន្ត្រីក្រសួងសាធារណការ និងលំនៅឋាន លោក Basuki Hadimuljono បានបង្ហើបប្រាប់ឲ្យដឹងកាលពីថ្ងៃចន្ទ ទី៣ ខែមិថុនា ថា លោក វីដូដូ នឹងផ្លាស់ប្តូរកន្លែងធ្វើការរបស់លោក ទៅកាន់ការិយាល័យរដ្ឋាភិបាល នៅក្នុងរដ្ឋធានីថ្មី នៅពេលដែលប្រព័ន្ធទឹកស្អាតត្រូវបានតភ្ជាប់រួចរាល់។

គួរឲ្យដឹងផងដែរថា ការប្រកាសផ្លាស់ប្តូរទីតាំងធ្វើការរបស់ប្រធានាធិបតីរូបនេះ បានកើតឡើង ចំពេលមានការលាលែងពីតំណែងរបស់លោក Bambang Susantono ដែលជាប្រធានគម្រោងរដ្ឋធានីថ្មី និងអនុប្រធានគម្រោង លោក Dhony Rahajoe ។

ប៉ុន្តែទោះជាយ៉ាងណាក៏ដោយ លោក វីដូដូ បានធ្វើការបញ្ជាក់យ៉ាងច្បាស់ថា ការអភិវឌ្ឍរបស់រដ្ឋធានី Nusantara នឹងមិនត្រូវបានបញ្ឈប់នោះឡើយ បើទោះបីជាប្រធានាធិបតីរូបនេះ នៅមិនទាន់បានលើកឡើងអំពីមូលហេតុច្បាស់លាស់នៃការចាកចេញរបស់ លោក Bambang ឬ Dhony ជុំវិញស្ថានភាពនៃគម្រោងរដ្ឋធានីថ្មីដែលមានតម្លៃប្រមាណ ៣២ពាន់លានដុល្លារអាមេរិក នេះក៏ដោយ។

ជម្រាបជូនផងដែរថា លោក វីដូដូ បានធ្វើដំណើរទៅកាន់ទីក្រុង Nusantara នៅថ្ងៃទី៤ ខែមិថុនានេះ ដើម្បីសម្ពោធគម្រោងជាច្រើន រួមទាំងសាលារៀន ខណៈការប្រារព្ធពិធីបុណ្យឯករាជ្យរបស់ប្រទេសឥណ្ឌូណេស៊ី ក៏ត្រូវបានគ្រោងទុកថាធ្វើឡើងទីក្រុងនេះ នាថ្ងៃទី១៧ ខែសីហាខាងមុខផងដែរ៕

The post ប្រធានាធិបតីឥណ្ឌូណេស៊ី គ្រោងប្តូរទៅធ្វើការនៅរដ្ឋធានីថ្មី​ មុនដាច់ខែនេះ appeared first on .

រដ្ឋមន្ត្រីសម្របសម្រួលកិច្ចការសមុទ្រ និងវិនិយោគលោក Luhut Pandjaitan ដែលមានទំនាក់ទំនងយ៉ាងជិតស្និទ្ធនឹងប្រធានាធិបតី Joko Widodo បានលើកឡើងថា លោក Musk នឹងមកសម្ពោធបើកដំណើរការសេវាកម្ម ជាមួយមេដឹកនាំឥណ្ឌូណេស៊ី នៅលើកោះបាលី។

ជាមួយគ្នា រដ្ឋមន្ត្រីក្រសួងទំនាក់ទំនងលោក Budi Arie Setiadi បាននិយាយដែរថា​ ការសម្ពោធ Starink នឹងធ្វើឡើងនៅគ្លីនិកមួយក្នុងរដ្ឋធានី Denpasar នៃដែនកោះបាលី មួយវិញទៀតវាក៏ជាកន្លែងដែលលោក Musk គ្រោងនឹងចុះហត្ថលេខាលើកិច្ចព្រមព្រៀងនៅទីនោះផងដែរ។

គួរឲ្យដឹងថា កាលពីសប្តាហ៍មុន ក្រុមហ៊ុនផ្កាយរណប Starlink របស់មហាសេដ្ឋី Elon Musk ទទួលបានអាជ្ញាប័ណ្ណអាជីវកម្ម ដើម្បីធ្វើប្រតិបត្តិការនៅក្នុងប្រទេសឥណ្ឌូណេស៊ី។ ជាពិសេស សេវាកម្មនេះនឹងមានសមត្ថភាពខ្ពស់ក្នុងការផ្តល់ប្រព័ន្ធអ៊ីនធឺណេត ទៅកាន់ទីតាំងដាច់ស្រយាល ឬតំបន់ដែលមិនអាចតភ្ជាប់ហេដ្ឋារចនាសម្ព័ន្ធទំនាក់ទំនងទៅដល់បាន៕

The post Elon Musk គ្រោងធ្វើដំណើរទៅកាន់ឥណ្ឌូណេស៊ី ដើម្បីសម្ពោធសេវាកម្មផ្គត់ផ្គង់អ៊ីនធឺណេត Starlink appeared first on .

យោងតាមការចុះផ្សាយពីសារព័ត៌មាន Reuters បានបង្ហាញថា ការចាកចេញពីគណបក្សនយោបាយធំបំផុតនៅឥណ្ឌូណេស៊ី របស់លោក ចូកូ បានធ្វើឲ្យមានភាពរង្គោះរង្គើនៅឆាកនយោបាយក្នុងប្រទេស ដោយសារទង្វើរបស់មេដឹកនាំឥណ្ឌូណេស៊ី បង្ហាញពីការក្រាញអំណាច និងចង់គ្រប់គ្រងប្រទេសពីក្រោយខ្នង។

ជាមួយគ្នា លោក Komarudin Watubun ដែលជាប្រធានផ្នែកសីលធម៌នៃគណបក្សប្រជាធិបតេយ្យនៃការតស៊ូ បានអះអាងថា ឪពុកកូន ២រូបនេះ គឺមិនត្រូវបានបណ្ដេញចេញពីបក្សឡើយ តែពួកគេបាត់បង់សមាសភាពជាសមាជិកបក្ស បន្ទាប់ពីពួកគេសម្រេចចិត្ត មិនគាំទ្របេក្ខភាពតំណាងបក្ស លោក Ganjar Pranowo។

រំលឹកបន្តិចថា ដោយសារទទួលបានការគាំទ្រពីលោក ចូកូ វីដូដូ លោក Prabowo ទទួលបានសម្លេងគាំទ្ររហូតដល់ ៥៨% ឈ្នះគូប្រជែងលោក Ganjar ដែលទទួលបានត្រឹម ១៦% សម្រាប់ការបោះឆ្នោតជ្រើសរើសប្រធានាធិបតីឥណ្ឌូណេស៊ី ដែលបានធ្វើឡើងកាលពីថ្ងៃទី១៤ ខែកុម្ភៈកន្លងទៅ។

សូមជម្រាបដែរថា លោក Prabowo នឹងធ្វើពិធីសម្បថចូលកាន់តំណែងជាប្រធានាធិបតីឥណ្ឌូណេស៊ី នៅថ្ងៃទី២០ ខែតុលាខាងមុខ សម្រាប់អាណត្តិរយៈពេល ៥ឆ្នាំ៕

The post ប្រធានាធិបតី ចូកូ វីដូដូ បាត់បង់សមាសភាពជាសមាជិកគណបក្សធំបំផុតនៅឥណ្ឌូណេស៊ី appeared first on .

សារព័ត៌មាន Reuters បានចុះផ្សាយថា ក្រោយជំនួបនោះលោក Tim Cook បានបង្ហាញអំពីបំណងចង់ឲ្យរោងចក្ររបស់ខ្លួន មានវត្តមាននៅលើទឹកដីឥណ្ឌូណេស៊ី ហើយកំពុងតែពិចារណាឲ្យបានដឹតដល់លើរឿងទាំងអស់នេះ។

ជាមួយគ្នា រដ្ឋមន្ត្រីក្រសួងឧស្សាហកម្មលោក Agus Gumiwang Kartasasmita ដែលបានចូលរួមក្នុងការប្រជុំផងដែរ បានប្រាប់ទៅកាន់អ្នករាយការណ៍យ៉ាងដូច្នេះថា ប្រសិនបើ Apple សម្រេចចិត្តសាងសង់រោងចក្រនៅប្រទេសឥណ្ឌូណេស៊ីពិតប្រាកដមែន វានឹងមានសមត្ថភាពផលិតសម្រាប់ការនាំចេញ។ ម្យ៉ាងវិញទៀត រដ្ឋាភិបាលក៏បានលើកថា បើទោះបីជា Apple សម្រចមិនសាងសង់រោងចក្រក៏ដោយ វាក៏អាចជាដៃគូរកស៊ីជាមួយក្រុមហ៊ុនរបស់ឥណ្ឌូស៊ី ចាំទទួលយកគ្រឿងបន្លាស់ក៏បាន។

គួរបញ្ជាក់ថា ថ្វីត្បិត Apple មិនទាន់មានរោងចក្រនៅក្នុងប្រទេសឥណ្ឌូណេស៊ីក្តី តែចាប់តាំងពីឆ្នាំ២០១៨ មកក្រុមហ៊ុនបានចូលរួមចំណែកបង្កើតសាលាបង្រៀនអំពីការអភិវឌ្ឍន៍កម្មវិធី ដែលមានតម្លៃសរុបរហូតដល់ទៅ ៩៩លានដុល្លារឯណោះ៕

The post Apple កំពុងពិចារណាសាងសង់រោងចក្រនៅឥណ្ឌូណេស៊ី appeared first on .

លោក ប្រាបូវ៉ូ ស៊ូប៊ីយ៉ាន់តូ បានលើកឡើងយ៉ាងដូច្នេះថា រដ្ឋាភិបាលថ្មីរបស់ឥណ្ឌូណេស៊ីនឹងជំរុញយុទ្ធសាស្ត្រអភិវឌ្ឍន៍រវាងប្រទេសទាំងពីរ ហើយជំរុញឲ្យមានលទ្ធផលបន្ថែមទៀត នៅក្នុងកិច្ចសហប្រតិបត្តិការលើវិស័យដូចជា សេដ្ឋកិច្ច ពាណិជ្ជកម្ម និងកាត់បន្ថយភាពក្រីក្រ។

លើសពីនោះ លោកបាននិយាយនៅក្នុងសេចក្តីថ្លែងការណ៍មួយថា ខ្ញុំចាត់ទុកប្រទេសចិនជាដៃគូដ៏សំខាន់មួយក្នុងការធានាសន្តិភាព និងស្ថិរភាពក្នុងតំបន់។ ខ្ញុំប្តេជ្ញាបំពេញនូវតម្រូវការផ្នែកយោធារបស់ប្រទេសឥណ្ឌូនេស៊ី ជំរុញកិច្ចសហប្រតិបត្តិការក្នុងឧស្សាហកម្មការពារជាតិ និងបង្កើតការសន្ទនាប្រកបដោយផលិតភាពផងដែរ។

ជាមួយគ្នា ប្រធានាធិបតីចិនលោក ស៊ី ជិនពីង ក៏បានលើកឡើងដែរថា ប្រទេសចិនចាត់ទុកទំនាក់ទំនងរបស់ខ្លួនជាមួយឥណ្ឌូណេស៊ី ជាទស្សនវិស័យយុទ្ធសាស្ត្រ និងរយៈពេលវែង ដោយនឹងត្រៀមខ្លួននៅក្នុងកិច្ចសហប្រតិបត្តិការយុទ្ធសាស្ត្រគ្រប់ជ្រុងជ្រោយឲ្យកាន់តែស៊ីជម្រៅ។

មិនត្រឹមតែប៉ុណ្ណោះ ទូរទស្សន៍ CCTV ក៏បានដកស្រង់សម្តីលោក ស៊ី ដែលបាននិយាយនៅក្នុងកិច្ចប្រជុំថា គន្លិះនៃសមិទ្ធិផលដ៏មានតម្លៃនៃទំនាក់ទំនងរវាងចិន និងឥណ្ឌូណេស៊ី គឺស្ថិតទៅលើការប្រកាន់ខ្ជាប់ស្វ័យភាព ការជឿទុកចិត្តគ្នាទៅវិញទៅមក និងផ្តល់ជំនួយឲ្យគ្នាទៅវិញទៅមក។

គួរជម្រាបផងដែរថា លោក ប្រាបូវ៉ូ ត្រូវបានឈ្នះឆ្នោតជាប់ជាប្រធានាធិបតីឥណ្ឌូណេស៊ីថ្មីតាំងតែពីខែកុម្ភៈមកម្លេះ ប៉ុន្តែលោកនៅមិនទាន់បានចូលកាន់តំណែងជាផ្លូវការនោះទេ ពោលលោកត្រូវរង់ចាំស្បថចូលកាន់តំណែងនាខែតុលាជាមុនសិន ខណៈបច្ចុបន្នមានលោក ចូកូ វីដូដូ ជាអ្នកកាន់តំណែងប្រធានាធិបតីបណ្តោះអាសន្នសិន៕

The post អនាគតប្រធានាធិបតីឥណ្ឌូណេស៊ី ស្កាត់ទៅជួបលោក ស៊ី ជិនពីង នៅប្រទេសចិន appeared first on .

នៅមុនដំណើរទស្សនកិច្ចទៅក្រៅប្រទេសរបស់លោក Widodo នេះ រដ្ឋមន្ត្រីការបរទេសឥណ្ឌូនេស៊ី លោក Retno Marsudi បាននិយាយថា ប្រទេសខ្លួន បានត្រៀមខ្លួនរួចជាស្រេចក្នុងការធ្វើការជាមួយប្រទេសអាស៊ីអាគ្នេយ៍ផ្សេងទៀត ដើម្បីបញ្ចប់ការពន្យារពេលជាយូរមកហើយសម្រាប់ការដោះស្រាយបញ្ហានៅសមុទ្រចិនខាងត្បូង ចំពេលមានភាពតានតឹងជាមួយរដ្ឋាភិបាលទីក្រុងប៉េកាំង ក្នុងដែនផ្លូវទឹកដែលមានជម្លោះ។

ប្រទេសទាំងពីរ ធ្លាប់បានព្រមព្រៀងគ្នានៅឆ្នាំ២០២២ ដើម្បីទទួលស្គាល់ព្រំដែននៃតំបន់សេដ្ឋកិច្ចផ្តាច់មុខរបស់ពួកគេ នៅក្នុងសមុទ្រចិនខាងត្បូង ដែលជាវិធានការមួយត្រូវបានគេមើលឃើញថាជាឆ្អឹងទទឹងករបស់ប្រទេសចិន ដែលពួកគេទាមទារស្ទើរតែគ្រប់ផ្លូវពាណិជ្ជកម្មយុទ្ធសាស្ត្រទាំងមូល នៅក្នុងតំបន់នោះ។

គួរឲ្យដឹងថា ដំណើរទស្សនកិច្ចរបស់លោក Widodo ទៅកាន់ទីក្រុងហាណូយនេះ គឺជាផ្នែកមួយនៃដំណើរទៅកាន់ប្រទេសក្នុងតំបន់អាស៊ីអាគ្នេយ៍ដ៏ធំមួយ ដែលរួមបញ្ចូលទាំងការធ្វើដំណើរទៅកាន់ប្រទេសហ្វីលីពីន និងដំណើរទស្សនកិច្ចដែលរំពឹងទុកទៅកាន់ប្រ៊ុយណេ នៅចុងសប្តាហ៍នេះ មុនពេលមានការបោះឆ្នោតនៅក្នុងប្រទេសឥណ្ឌូនេស៊ីនាខែក្រោយ។

ទន្ទឹមនឹងនេះ អ្នកនាំពាក្យក្រសួងការបរទេសវៀតណាម លោក Pham Thu Hang បានប្រាប់អ្នកយកព័ត៌មានកាលពីថ្ងៃព្រហស្បតិ៍ ទី១១ ខែមករាថា មេដឹកនាំវៀតណាម ត្រូវបានគេរំពឹងថានឹងពិភាក្សាជាមួយលោក Widodo អំពីកិច្ចសហប្រតិបត្តិការលើវិស័យពាណិជ្ជកម្ម សន្តិសុខ ការពារជាតិ និងកសិកម្ម ផងដែរ។

ជម្រាបជូនផងដែរថា ចាប់តាំងពីឆ្នាំ២០២២ មក វៀតណាម បានបន្តយុទ្ធសាស្ត្រជំរុញទំនាក់ទំនងជាមួយប្រទេសមហាអំណាច និងដៃគូនានា ហើយគេរំពឹងទៀតថារដ្ឋាភិបាលទីក្រុងហាណូយ នឹងបន្តស្វែងរកទំនាក់ទំនងកាន់តែរឹងមាំ ជាមួយឥណ្ឌូនេស៊ីបន្ថែមផងដែរ៕

The post ប្រធានាធិបតីឥណ្ឌូនេស៊ី ធ្វើដំណើរបំពេញទសន្សកិច្ចទៅកាន់ប្រទេសវៀតណាម appeared first on .

Gibran ជាកូនប្រុសច្បងរបស់ប្រធានាធិបតីបច្ចុប្បន្ន លោក Joko Widodo ហើយនៅក្នុងការបោះឆ្នោតប្រធានាធិបតី ដែលនឹងត្រូវធ្វើឡើងនៅឆ្នាំ ២០២៤ ខាងមុខនេះ លោកក៏កំពុងឈរឈ្មោះជាបេក្ខភាពដ៏សំខាន់មួយរូប ផងដែរ។

លោក Gibran បានកើតនៅថ្ងៃទី១ ខែតុលា ឆ្នាំ ១៩៨៧ នៅទីក្រុង Surakarta ខេត្ត Central Java ដោយលោកបានបញ្ចប់ការសិក្សារយៈពេលប្រាំបួនឆ្នាំ នៅស្រុកកំណើតផ្ទាល់ មុនពេលផ្លាស់ទៅកាន់់ប្រទេសសិង្ហបុរី ដែលជាកន្លែងលោកបន្តការសិក្សានៅសាលាអនុវិទ្យាល័យ Orchid Park ។ នៅទីនោះ ក៏ទទួលបានបរិញ្ញាបត្រពីវិទ្យាស្ថានអភិវឌ្ឍការគ្រប់គ្រងនៃប្រទេសសិង្ហបុរី នៅក្នុងឆ្នាំ ២០០៧ ផងដែរ។

ក្រោយបញ្ចប់ការសិក្សានិងបានវិលត្រលប់មកកាន់ប្រទេសឥណ្ឌូនេស៊ីវិញ នៅឆ្នាំ ២០១០ Gibran បានបង្កើតក្រុមហ៊ុនមួយឈ្មោះថា Chilli Pari ដែលជាអាជីវកម្មផ្តោតទៅលើម្ហូបអាហារ ស្ថិតនៅក្នុងទីក្រុង Surakarta ។

បើទោះបីជាមានការជំទាស់ពីឪពុក លោក Widodo ចំពោះការបើកអាជីវកម្មនេះក៏ដោយ តែ Gibran នៅតែបន្ត​ពុះពារ​ រហូតដល់ក្រុមហ៊ុនខ្លួនទទួលបានការរីកចម្រើនខ្លាំង និងចាប់ផ្តើមបន្តផ្តោតទៅលើការផ្តល់សេវាកម្មសម្រាប់ពិធីជប់លៀងអាពាហ៍ពិពាហ៍។

បន្ទាប់មក Gibran បានចាប់ផ្តើមបើកអាជីវកម្មថ្មីមួយទៀត ឈ្មោះថា Markobar ដែលជាខ្សែសង្វាក់ហាងលក់នំ Martabak ក្នុងឆ្នាំ ២០១៥។ ហើយអាជីវកម្មនេះបានបន្តរីកចម្រើនយ៉ាងខ្លាំង រហូតពង្រីកបានដល់ទៅ ២៩ ទីតាំង ក្នុងប្រទេសឥណ្ឌូនេស៊ី គិតត្រឹមឆ្នាំ ២០១៧។

ងាកមកមើលផ្នែកនយោបាយវិញ នៅក្នុងខែកក្កដា ឆ្នាំ ២០១៩ លោក Gibran ត្រូវបានគេដាក់ឈ្មោះជាបេក្ខភាពដ៏សំខាន់ម្នាក់ សម្រាប់ការបោះឆ្នោតជ្រើសរើសអភិបាលក្រុង Surakarta នៅក្នុងឆ្នាំ ២០២០ ដែលជាមុខតំណែងចាស់របស់ឪពុកខ្លួន មុនពេលលោកក្លាយជាអភិបាលទីក្រុង Jakarta និងក្រោយមកឡើងកាន់តំណែងជាប្រធានាធិបតីឥណ្ឌូនេស៊ី។

រហូតដល់ខែកញ្ញា Gibran បានចុះឈ្មោះចូលរួមជាសមាជិកនៃបក្ស PDI-P ដែលជាគណបក្សនយោបាយតែមួយទៅនឹងឪពុករបស់ខ្លួន ដើម្បីឈរឈ្មោះពេញលេញ នៅក្នុងការបោះឆ្នោតជាអភិបាលក្រុង។ ហើយបន្ទាប់មកគណបក្សនេះ បានអនុម័តជាផ្លូវការ ដើម្បីតែងតាំង Gibran ជាបេក្ខជនអភិបាលក្រុងរបស់ពួកគេ នៅក្នុងខែកក្កដា ឆ្នាំ ២០២០ ។

ហើយរហូតដល់ថ្ងៃបោះឆ្នោត Gibran បានយកឈ្នះក្នុងការឡើងកាន់តំណែងជាអភិបាលក្រុង Surakarta ដោយទទួលបានសំឡេងគាំទ្រភ្លូកទឹកភ្លូកដី រហូតដល់ ៨៦,៥៣% នៃសម្លេងឆ្នោតសរុបប្រមាណ ២២៥ ៤៥១ សម្លេងឯណោះ៕

The post កូនប្រុសច្បងលោក Widodo មានឈាមជ័រជាអ្នករកស៊ី មុនក្លាយជាបេក្ខភាពប្រធានាធិបតី appeared first on .

ការជ្រើសរើសយកលោក Gibran Rakabuming Raka ដែលបច្ចុប្បន្នមានវ័យ ៣៦ ឆ្នាំ​ ជាដៃគូប្រជែង អាចជាការជំរុញដ៏ធំមួយ សម្រាប់យុទ្ធនាការស្វែងរកសន្លឹងឆ្នោតរបស់ លោក Prabowo ដោយសារតែប្រជាប្រិយភាពរបស់លោក Widodo បើទោះបីជាមានការរិះគន់ជាច្រើន ជុំវិញការសម្រេចចិត្តរបស់តុលាការ ក្នុងការផ្លាស់ប្តូរលក្ខខណ្ឌតម្រូវមួយចំនួន ដើម្បីអាចឱ្យលោក Gibran ឈរឈ្មោះបានក៏ដោយ។

បន្ទាប់ពីកិច្ចប្រជុំគណបក្សរបស់លោក និងគណបក្សដែលជាដៃគូចម្រុះ លោក Prabowo បានប្រាប់សន្និសីទសារព័ត៌មានមួយថា មានកិច្ចព្រមព្រៀងពិសេសមួយ ដើម្បីអាចតែងតាំងលោកជាបេក្ខភាពប្រធានាធិបតី និងលោក Gibran Rakabuming Raka ជា​បេក្ខភាព​អនុប្រធានាធិបតី។

ជម្រាបជូនផងដែរថា ឥណ្ឌូនេស៊ី ជាប្រទេសប្រជាធិបតេយ្យធំជាងគេបំផុតទីបីរបស់ពិភពលោក ដែលនឹងរៀបចំការបោះឆ្នោតជ្រើសរើសប្រធានាធីបតី និងសភា ក្នុងពេលដំណាលគ្នា នៅថ្ងៃទី១៤ ខែកុម្ភៈ ឆ្នាំ ២០២៤ ខាងមុខ ដោយមានប្រជាជនជិត ២០៥ លាននាក់ ក្នុងចំណោមប្រជាជនសរុប ២៧០ លាននាក់ មានសិទ្ធិបោះឆ្នោត៕

The post បេក្ខភាពប្រធានាធិបតីឥណ្ឌូនេស៊ី លោក Prabowo ចាត់ទុកកូនប្រុសច្បងលោក Widodo ជាគូប្រជែងធំរបស់ខ្លួន appeared first on .

ទន្ទឹមនឹងនេះ ប្រទេសចិនក៏មានឆន្ទៈក្នុងការជំរុញការនាំចូលផលិតផលកសិកម្ម និងនេសាទរបស់ឥណ្ឌូនេស៊ីផងដែរ ខណ:ពេលដែលលោក ស៊ី បានជួបពិភាក្សាជាមួយប្រធានាធិបតីឥណ្ឌូនេស៊ី ចូកូ វីដូដូ នៅ​​ឯខាងក្រៅវេទិកាខ្សែក្រវ៉ាត់ និងផ្លូវ ក្នុងសប្តាហ៍នេះ។

លោក ស៊ី បន្ថែមទៀតថា ភាគីប្រទេសទាំងពីរ គួរតែធ្វើឱ្យកាន់តែមានភាពស៊ីជម្រៅនូវការរួមបញ្ចូលនៃខ្សែសង្វាក់ឧស្សាហកម្ម និងខ្សែសង្វាក់ផ្គត់ផ្គង់ ហើយរួមគ្នាជំរុញដល់ការកសាងច្រករបៀងសេដ្ឋកិច្ចទូលំទូលាយ ក្នុងតំបន់។

ដោយឡែក លោក វីដូដូ វិញក៏បាននិយាយផងដែរថា ប្រទេសឥណ្ឌូណេស៊ី ចាត់ទុកប្រទេសចិនជាដៃគូយុទ្ធសាស្ត្រដ៏សំខាន់ ក្នុងការអភិវឌ្ឍសេដ្ឋកិច្ចជាតិ និងការកសាង ហើយ ទន្ទឹងរង់ចាំការពង្រឹងទំនាក់ទំនង និងកិច្ចសហប្រតិបត្តិការបន្ថែមទៀត ជាមួយប្រទេសចិន។

ជម្រាបជូនផងដែរថា កាលពីដើមខែតុលានេះ លោក វីដូដូ បានដាក់សម្ពោធផ្លូវរថភ្លើងល្បឿនលឿនតម្លៃ ៧,៣ពាន់លានដុល្លារ ដែលតភ្ជាប់ពីរដ្ឋធានីហ្សាកាតា ទៅកាន់ទីក្រុង Bandung ខណ:ផ្លូវដែកថ្មីនេះ ស្ថិតនៅក្រោមគម្រោងហេដ្ឋារចនាសម្ព័ន្ធដ៏លេចធ្លោមួយរបស់ប្រធានាធិបតីចិន លោក ស៊ី ជិនពីង និងជាផ្នែកមួយនៃគំនិតផ្តួចផ្តើមខ្សែក្រវ៉ាត់ និងផ្លូវរបស់ប្រទេសចិន ៕

The post លោក ស៊ី ជិនពីង ថាចិន ចង់ពង្រីកកិច្ចសហប្រតិបត្តិការជាមួយឥណ្ឌូនេស៊ី នៅក្នុងវិស័យសំខាន់ៗមួយចំនួន appeared first on .

យោងតាមការចុះផ្សាយពីសារព័ត៌មាន Xinhua បានរាយការណ៍ថា មេដឹកនាំអាស៊ានដែលមាន​វត្តមាននៅវេទិកា «ខ្សែក្រវាត់ និងផ្លូវ» គឺមានដូចជា សម្ដេចធិបតី ហ៊ុន ម៉ាណែត ប្រធានាធិបតីឥណ្ឌូណេស៊ី លោក ចូកូ វីដូដូ ប្រធានាធិបតីវៀតណាម លោក Vo Van Thuong ប្រធានាធិបតីឡាវ លោក Thongluon Sisoulith និងនាយករដ្ឋមន្ត្រីថៃ លោក Srettha Thavisin។

បន្ថែមពីនេះ វេទិកា «ខ្សែក្រវាត់ និងផ្លូវ» រៀបចំឡើងលើកទី៣ សារនេះ ក៏មានការចូលរួមពី​ប្រទេសច្រើនជាង ១៣០ប្រទេស និងអង្គការអន្តរជាតិចំនួន ៣០ ជុំវិញពិភពលោក សរុបចំនួនអ្នកចូលរួមច្រើនជាង ៤ ០០០នាក់ ខណៈមេដឹកនាំសំខាន់ៗដែលមានបង្ហាញវត្តមាននៅទីនោះ មានដូចជា អគ្គលេខាធិការអង្គការសហប្រជាជាតិ លោក Antonio Gutteres ប្រធានាធិបតីរុស្ស៊ី លោក វ៉្លាឌីមៀ ពូទីន នាយករដ្ឋមន្ត្រីហុងគ្រី លោក Viktor Orban និងប្រធានាធិបតីអាហ្សង់ទីន លោក Alberto Fernandez ជាដើម។

សូមជម្រាបដែរថា វេទិកា «ខ្សែក្រវាត់ និងផ្លូវ» លើកទី៣នេះ ធ្វើឡើងចំពេលគម្រប់ខួប ១០ឆ្នាំ នៃការបង្កើតគំនិតផ្ដួចផ្ដើម «ខ្សែក្រវាត់ និងផ្លូវ» ដែលបានប្រកាសដោយមេដឹកនាំកំពូលចិន លោក ស៊ី ជិនពីង កាលពីឆ្នាំ២០១៣ ជាមួយគោលបំណងអភិវឌ្ឍយ៉ាងសកម្ម នូវទំនាក់ទំនងភាពជាដៃគូសហប្រតិបត្តិការសេដ្ឋកិច្ច ជាមួយបណ្ដាប្រទេសនានា​ជុំវិញពិភពលោក៕

The post តើមេដឹកនាំអាស៊ានរូបណាខ្លះ ចូលរួមវេទិកា «ខ្សែក្រវាត់ និងផ្លូវ» នៅប្រទេសចិន? appeared first on .