យ៉ាងណាមិញ​ ប្រសិនបើរឿងនេះកើតឡើង វានឹងជាការវាយប្រហារមួយផ្សេងទៀតចំពោះ OPEC បន្ទាប់ពីការចាកចេញរបស់ប្រទេសរ៉ាប់រួម (UAE) កាលពីក្នុងខែឧសភាកន្លងទៅ។

ហើយមិនតែប៉ុណ្ណោះ វាក៏នឹងក្លាយការផ្លាស់ប្តូរនយោបាយដ៏សំខាន់មួយសម្រាប់ប្រទេសនៅអាមេរិកខាងត្បូង បន្ទាប់ពីសហរដ្ឋអាមេរិក បានចាប់ខ្លួនប្រធានាធិបតីវេណេស៊ុយអេឡា លោក Nicolas Maduro កាលពីដើមឆ្នាំនេះ និងបានដាក់ការគ្រប់គ្រងលើការលក់ប្រេងរបស់ប្រទេស។ បច្ចុប្បន្នប្រទេសវេណេស៊ុយអេឡា មានទុនបំរុងប្រេងឆៅធំជាងគេបំផុតរបស់ពិភពលោក។

គួរឲ្យដឹងថា វេណេស៊ុយអេឡាបានបរាជ័យក្នុងការបំពេញតាមកូតាផលិតកម្ម OPEC របស់ខ្លួនអស់រយៈពេលជាច្រើនឆ្នាំមកហើយ ដោយសារតែខ្វះការវិនិយោគ នៅក្នុងឧស្សាហកម្មប្រេង។ សហរដ្ឋអាមេរិក ក៏មានជម្លោះដ៏យូរអង្វែងជាមួយ OPEC ផងដែរ។

ប៉ុន្តែទោះជាយ៉ាងណាក៏ដោយ ប្រភពពី​ Bloomberg ក៏បានបញ្ជាក់ផងដែរថា នេះគ្រាន់តែជាបញ្ហាដែលកំពុងត្រូវបានពិភាក្សាជាមួយភាគីសហរដ្ឋអាមេរិកប៉ុណ្ណោះ ហើយមិនទាន់មានការសម្រេចចិត្តចុងក្រោយណាមួយត្រូវបានធ្វើឡើងនៅឡើយទេ។ ប្រទេសវេណេស៊ុយអេឡា គឺជាសមាជិកស្ថាបនិកមួយក្នុងចំណោមសមាជិកស្ថាបនិកទាំងប្រាំ ដែលបានបង្កើតអង្គការ OPEC ជាលើកដំបូង ក្នុងឆ្នាំ១៩៦០ នៅទីក្រុងបាកដាដ រួមជាមួយប្រទេសអ៊ីរ៉ាក់ អ៊ីរ៉ង់ គុយវ៉ែត និងអារ៉ាប៊ីសាអូឌីត។

តួលេខចុងក្រោយបំផុតបង្ហាញថា គិតត្រឹមឆ្នាំ២០២៤ ទុនបម្រុងប្រេងរបស់ប្រទេសវេណេស៊ុយអេឡា មានចំនួន ៣០៣ ពាន់លានបារ៉ែល ឬស្មើនឹង ១៧% នៃចំនួនសរុបទូទាំងពិភពលោក។ តួលេខនេះ គឺធំជាងទុនប្រេងរបស់ប្រទេសអារ៉ាប៊ីសាអូឌីត ដែលជាប្រទេសមានផលិតកម្មឈានមុខគេក្នុងអង្គការ OPEC ដែលមានចំនួន ២៦៧ ពាន់លានបារ៉ែលផងដែរ៕​

The post វេណេស៊ុយអេឡា ពិចារណាដកខ្លួនចេញពីអង្គការនាំចេញប្រេងកំពូលលើពិភពលោក OPEC appeared first on .

សង្គ្រាមនៅមជ្ឈិមបូព៌ាកំពុងប៉ះពាល់យ៉ាងខ្លាំងដល់សមត្ថភាពនាំចេញប្រេងរបស់តំបន់នេះ ព្រមទាំងបង្កការខូចខាតដល់ហេដ្ឋារចនាសម្ព័ន្ធថាមពលនៃបណ្តាប្រទេសមួយចំនួនដែលជាសមាជិកអង្គការនៃប្រទេសនាំចេញប្រេង (OPEC) ផងដែរ។ សង្គ្រាមនេះបានកាត់បន្ថយទីផ្សាររបស់ក្រុមនេះ និងធ្វើឱ្យសមត្ថភាពរបស់ពួកគេក្នុងការជះឥទ្ធិពលលើតម្លៃប្រេងធ្លាក់ចុះយ៉ាងខ្លាំង។ នាពេលនេះ ការប្រកាស និងការសម្រេចចិត្តគោលនយោបាយរបស់ OPEC និងសម័្ពន្ធមិត្ត (OPEC+) ស្ទើរតែមិនអាចធ្វើឱ្យទីផ្សារប្រេងមានការប្រែប្រួលទៀតនោះឡើយ។

ផ្ទុយទៅវិញ ការកាត់បន្ថយការនាំចូលប្រេងឆៅរបស់ប្រទេសចិន បានក្លាយជាកត្តាមួយក្នុងចំណោមកត្តាដ៏សំខាន់បំផុតដើម្បីកំណត់ទីផ្សារប្រេងឆៅពិភពលោក នៅក្នុងឆ្នាំ២០២៦ នេះ។ សកម្មភាពនេះបានរួមចំណែកដល់ការរក្សាតុល្យភាពទីផ្សារប្រេង ក្នុងអំឡុងពេលមានការរំខានដល់ការផ្គត់ផ្គង់ដ៏ធ្ងន់ធ្ងរបំផុតក្នុងប្រវត្តិសាស្ត្រដែលបណ្តាលមកពីការបិទច្រកសមុទ្រ Hormuz ។

យ៉ាងណាមិញ យោងតាមការគណនារបស់ទីភ្នាក់ងារសារព័ត៌មាន Reuters ដោយផ្អែកលើទិន្នន័យពីទីភ្នាក់ងារថាមពលអន្តរជាតិ (IEA) បានឱ្យដឹងថា OPEC+ បានរួមចំណែក ៤០% ប៉ុណ្ណោះនៃផលិតកម្មប្រេងសរុបសកល ក្នុងខែកក្កដា។ តួលេខនេះបានថយចុះពីជាង ៤៨% មុនពេលសង្គ្រាមផ្ទុះឡើងនៅចុងខែកុម្ភៈ។ តែទោះជាយ៉ាងណាក៏ដោយ ប្រហែល ៤% ទៅ ៥% នៃកម្រិតធ្លាក់ចុះនេះ គឺដោយសារតែការដកខ្លួនរបស់ប្រទេសអារ៉ាប់រួម (UAE) ចេញពីអង្គការ OPEC កាលពីខែឧសភា។

គួរឲ្យដឹងថា ប្រទេសស្នូលចំនួន ៧ នៅក្នុង OPEC+ រួមទាំងអារ៉ាប៊ីសាអ៊ូឌីត និងរុស្ស៊ី បានរួមចំណែកត្រឹមតែ ២៥% នៃផលិតកម្មប្រេងពិភពលោក ក្នុងខែកក្កដា។ សង្គ្រាមបានកាត់បន្ថយសមត្ថភាពក្នុងការដំឡើង ឬកាត់បន្ថយការផ្គត់ផ្គង់យ៉ាងឆាប់រហ័សរបស់ OPEC+ នៅពេលដែលច្រកសមុទ្រ Hormuz ត្រូវបានបិទ។ ច្រកនេះគឺជាផ្លូវនាំចេញដ៏សំខាន់សម្រាប់អារ៉ាប៊ីសាអ៊ូឌីត ដែលជាប្រទេសផលិតធំបំផុតរបស់ OPEC ក៏ដូចជាសមាជិកផ្សេងទៀតដូចជា អ៊ីរ៉ាក់ និងកុវ៉ែតជាដើម។

ជម្រាបជូនថា ចាប់តាំងពីខែមីនាមក OPEC+ បានប្រកាសពីការបង្កើនផលិតកម្មប្រេងរបស់ខ្លួនដល់ទៅ ៦ លើក។ តែទោះជាយ៉ាងណាក៏ដោយ ដោយសារតែការបិទច្រកសមុទ្រ Hormuz ការបង្កើននៃចំនួននេះ គឺមានតែនៅលើក្រដាសប៉ុណ្ណោះ។ ការសម្រេចចិត្តទាំងនោះស្ទើរតែមិនមានផលប៉ះពាល់ដល់តម្លៃប្រេងទៀតនោះឡើយ លើកលែងតែការសម្រេចចិត្តក្នុងខែកក្កដា នៅពេលដែលអាមេរិក និងអ៊ីរ៉ង់កំពុងស្ថិតក្នុងកិច្ចព្រមព្រៀងបទឈប់បាញ់៕​

The post OPEC+ កាន់តែបាត់បង់អំណាចរបស់ខ្លួន នៅក្នុងទីផ្សារប្រេងរបស់ពិភពលោក ក្រោយសង្គ្រាមអ៊ីរ៉ង់ appeared first on .

ជុំវិញការបង្កើនផលិតកម្មនៅខែកញ្ញាដែលបានព្រមព្រៀងគ្នានេះ គឺធ្វើឡើងដោយសមាជិកសំខាន់ៗរបស់ OPEC+ ដូចជា អារ៉ាប៊ីសាអូឌីត រុស្ស៊ី អ៊ីរ៉ាក់ គុយវ៉ែត អាល់ហ្សេរី កាហ្សាក់ស្ថាន និងអូម៉ង់ ដែលបានបញ្ចប់ការកាត់បន្ថយការផ្គត់ផ្គង់ជាដំណាក់កាលចំនួន ១,៦៥ លានបារ៉ែលក្នុងមួយថ្ងៃ ដែលបានព្រមព្រៀងគ្នាជាលើកដំបូងក្នុងឆ្នាំ២០២៣។

គួរឲ្យដឹងថា មុនពេលមានកិច្ចប្រជុំចុងក្រោយនេះ OPEC+ ធ្លាប់ត្រូវបានគេរំពឹងទុកថាទំនងជានឹងផ្អាកការបង្កើនផលិតកម្មប្រេងរបស់ខ្លួន សម្រាប់ត្រីមាសទី៤ ឆ្នាំ២០២៦។ ប៉ុន្តែបើតាមកិច្ចប្រជុំចុងក្រោយ អង្គការមិនបានបញ្ជាក់អំពីផែនការនៃការផ្អាកបង្កើនផលិតកម្ម សម្រាប់រយៈពេល ៣ខែចុងក្រោយនៃឆ្នាំនេះនោះឡើយ។

ជម្រាបជូនថា ជុំវិញការសម្រេចចិត្តចុងក្រោយរបស់ OPEC+ នេះ ត្រូវបានធ្វើងឡើង ដើម្បីផ្តោតលើការគ្រប់គ្រងហានិភ័យនៃការផ្គត់ផ្គង់ ជាពិសេសចំពោះការព្រួយបារម្ភទៅនឹងការវាយប្រហារណាមួយលើហេដ្ឋារចនាសម្ព័ន្ធថាមពលក្នុងអំឡុងពេលសង្គ្រាមរវាងសហរដ្ឋអាមេរិក និងអ៊ីរ៉ង់៕​

The post អង្គការប្រេង OPEC ព្រមព្រៀងបង្កើនផលិតកម្មដល់កម្រិតខ្ពស់បំផុត ចាប់ពីខែកញ្ញាតទៅ​ appeared first on .

បន្ទាប់ពីកិច្ចប្រជុំតាមរយៈប្រព័ន្ធអ៊ីនធឺណិតនៅថ្ងៃទី៥ ខែកក្កដា អង្គការនៃប្រទេសនាំចេញប្រេង និងសម្ព័ន្ធមិត្តរបស់ខ្លួន (OPEC+) បានប្រកាសថា ការផលិតប្រេងនឹងកើនឡើង ១៨៨ ០០០ បារ៉ែលក្នុងមួយថ្ងៃដោយចាប់ផ្តើមពីខែសីហា។ ការកើនឡើងនេះគឺស្រដៀងគ្នាទៅនឹងអ្វីដែលបានឃើញនៅក្នុងខែមិថុនា និងខែកក្កដាកន្លងទៅដែរ។

គួរឲ្យដឹងថា ក្នុងរយៈពេលបីខែកន្លងមកនេះ សមាជិកសំខាន់ៗទាំងប្រាំពីររបស់ OPEC+ បានបង្កើនការផលិតប្រេងជិត ៨០០ ០០០ បារ៉ែលក្នុងមួយថ្ងៃ រៀងៗខ្លួន ខណៈពេលដែលជម្លោះនៅមជ្ឈិមបូព៌ាបានរំខានដល់លំហូរប្រេងឆ្លងកាត់ច្រកសមុទ្រ Hormuz ដែលប៉ះពាល់ដល់សមាជិកសំខាន់ៗរបស់ OPEC+ រូួមមានអារ៉ាប៊ីសាអូឌីត គុយវ៉ែត និងអ៊ីរ៉ាក់។

យ៉ាងណាមិញ យោងតាមទិន្នន័យពីទីភ្នាក់ងារដដែលនេះ បានបង្ហាញថា ការផលិតសរុបក្នុងខែឧសភាបានធ្លាក់ចុះពីខែមុនៗ មកនៅត្រឹម ៣៣,១៣ លានបារ៉ែលក្នុងមួយថ្ងៃ។ មុនពេលមានជម្លោះ តួលេខនេះគឺមានចំនួន ៤២,៧ លានបារ៉ែលក្នុងខែកុម្ភៈ។ ផលិតកម្មបានចាប់ផ្តើមងើបឡើងវិញនៅក្នុងខែមិថុនា ដោយសារកិច្ចខិតខំប្រឹងប្រែងរបស់សហរដ្ឋអាមេរិកក្នុងការជួយអារ៉ាប់រួម និងប្រទេស OPEC+ ផ្សេងទៀតបង្កើនការនាំចេញ។ ទោះជាយ៉ាងណាក៏ដោយ សកម្មភាពនេះនៅតែទាបជាងកម្រិតមុនជម្លោះដដែល។

គួរជម្រាបជូនថា OPEC+ បានចាប់ផ្តើមកាត់បន្ថយផលិតកម្មរបស់ខ្លួននៅឆ្នាំ២០២២ ដើម្បីទប់ស្កាត់ការផ្គត់ផ្គង់លើសនៅក្នុងទីផ្សារ ដែលនឹងជំរុញឱ្យតម្លៃប្រេងធ្លាក់ចុះ និងប៉ះពាល់ដល់សមាជិកដែលពឹងផ្អែកលើប្រាក់ចំណូលពីប្រេង។ ប៉ុន្តែនៅខែមេសា ឆ្នាំ២០២៥ ផលិតកម្មរបស់អង្គការនេះត្រូវបានគេរំពឹងថានឹងកើនឡើងបន្តិចម្តងៗ ដើម្បីទទួលបានចំណែកទីផ្សារឡើងវិញពីគូប្រជែង ដូចជាសហរដ្ឋអាមេរិកជាដើម៕​

The post អង្គការ OPEC សម្រេចបង្កើនការផលិតប្រេងរបស់ខ្លួន សម្រាប់ខែទី៥ ជាប់ៗគ្នា appeared first on .

នេះគឺជាលើកទីបួនជាប់ៗគ្នាដែលអង្គការនេះ បានបង្កើនការផលិត ទោះបីជាជម្លោះនៅមជ្ឈិមបូព៌ា បានរារាំងការផលិតនៅក្នុងប្រទេសជាសមាជិកជាច្រើនក៏ដោយ។ សរុបមក ក្នុងអំឡុងពេលខែមេសា-មិថុនា OPEC+ បានបង្កើនការផលិតប្រេងសរុបជិត ៦០០ ០០០ បារ៉ែលក្នុងមួយថ្ងៃ។

តែទោះជាយ៉ាងណាក៏ដោយ ទិន្នន័យរបស់ពួកគេក៏បង្ហាញផងដែរថា ការនាំចេញពីប្រទេសឈូងសមុទ្រ មានមធ្យមភាគត្រឹមតែ ៣៣,១៩ លានបារ៉ែលក្នុងមួយថ្ងៃ នៅក្នុងខែមេសា ដែលជាការថយចុះយ៉ាងខ្លាំងពីចំនួន ៤២,៧ លានបារ៉ែលនៅក្នុងខែកុម្ភៈ ពោលគឺមុនពេលជម្លោះចាប់ផ្តើម។

គួរឲ្យដឹងថា តម្លៃប្រេងឆៅពិភពលោកបានកើនឡើងបន្ថែមទៀត គិតនៅត្រឹមព្រឹកថ្ងៃទី៨ ខែមិថុនា បន្ទាប់ពីការវាយប្រហារដោយមីស៊ីលរបស់អ៊ីរ៉ង់ទៅលើអ៊ីស្រាអែល ដើម្បីសងសឹកចំពោះការវាយប្រហារលើរដ្ឋធានីលីបង់។ ប្រេងឆៅប្រភេទ Brent បច្ចុប្បន្នកើនឡើង ៣,៦% ដល់ ៩៦,៥០ដុល្លារ ក្នុងមួយបារ៉ែល។ មុនពេលមានជម្លោះ តម្លៃប្រេងដ៏សំខាន់នេះ គឺប្រហែល ៧២ដុល្លារ។

ជម្រាបជូនថា OPEC+ មានសមាជិកសរុុបចំនួន ២១ ប្រទេស។ តែទោះជាយ៉ាងណាក៏ដោយ ក្នុងពេលប៉ុន្មានឆ្នាំថ្មីៗនេះ មានតែប្រទេសសំខាន់ៗប៉ុណ្ណោះ ដូចជាអារ៉ាប៊ីសាអូឌីត អ៊ីរ៉ាក់ គុយវ៉ែត អាល់ហ្សេរី កាហ្សាក់ស្ថាន រុស្ស៊ី អូម៉ង់ និងអារ៉ាប់រួម ដែលបានចូលរួមក្នុងការកំណត់គោលនយោបាយផលិតកម្ម។ អារ៉ាប់រួម ដែលជាសមាជិកសំខាន់បំផុតមួយ បានប្រកាសចាកចេញពីអង្គការនេះ នៅក្នុងខែឧសភាកន្លងទៅ៕​

The post OPEC+ បន្តបង្កើនការផលិតប្រេងរបស់ខ្លួនជាលើកទី៤ ជាប់ៗគ្នា ចំពេលជម្លោះអ៊ីរ៉ង់មិនទាន់ស្ងប់ appeared first on .

អារ៉ាប់រូម បានសម្រេចចិត្តចាកចេញពីអង្គការប្រទេសនាំប្រេងដ៏ធំបំផុត OPEC កាលពីដើមខែឧសភាកន្លងទៅ​ ខណៈពួកគេជាសមាជិករបស់អង្គការនេះ ចាប់តាំងពីឆ្នាំ១៩៦៧ មក។ កន្លងមក អ្នកវិភាគជឿថា មូលហេតុនៃការចាកចេញរបស់អារ៉ាប់រួមពី OPEC គឺដោយសារតែភាពខុសគ្នានៃទស្សនៈជាមួយសម្ព័ន្ធភាពប្រេង ក៏ដូចជាទំនាក់ទំនងសេដ្ឋកិច្ច និងនយោបាយជាមួយប្រទេសជាសមាជិក។

ប៉ុន្តែទោះជាយ៉ាងណាក៏ដោយ នៅថ្ងៃទី១៦ ខែឧសភា រដ្ឋមន្ត្រីថាមពលអារ៉ាប់រួម លោក Al Mazrouei បានសរសេរនៅលើបណ្តាញសង្គមថា ការសម្រេចចិត្តនេះ ត្រូវបានធ្វើឡើងបន្ទាប់ពីមានការវាយតម្លៃយ៉ាងទូលំទូលាយអំពីគោលនយោបាយផលិតកម្មរបស់ប្រទេស និងសមត្ថភាពនាពេលអនាគត។

លោក Al Mazrouei បានអះអាងទៀតថា ការសម្រេចចិត្តនេះគឺផ្អែកទាំងស្រុងលើផលប្រយោជន៍ជាតិរបស់អារ៉ាប់រួម ការទទួលខុសត្រូវរបស់ខ្លួនជាអ្នកផ្គត់ផ្គង់ថាមពលដែលអាចទុកចិត្តបាន និងការប្តេជ្ញាចិត្តរបស់ខ្លួនក្នុងការរក្សាស្ថិរភាពទីផ្សារ។ ហើយនេះ គឺមិនផ្អែកលើការពិចារណាផ្នែកនយោបាយទេ ដោយវាក៏មិនឆ្លុះបញ្ចាំងជម្លោះណាមួយរវាងអារ៉ាប់រួម និងដៃគូរបស់ខ្លួនផងដែរ។

គួរជម្រាបជូនថា នៅមុនពេលមានជម្លោះនៅមជ្ឈិមបូព៌ា អារ៉ាប់រួមបានផលិតប្រេងជាង ៣ លានបារ៉ែលក្នុងមួយថ្ងៃ ដោយសម្រេចបាននូវគោលដៅរបស់អង្គការ OPEC+ ។ តែទោះជាយ៉ាងណាក៏ដោយ ជម្លោះជាបន្តបន្ទាប់បានកាត់បន្ថយការផលិតរបស់ប្រទេសនេះ មកនៅត្រឹម ១,៨-២,១ លានបារ៉ែលក្នុងមួយថ្ងៃប៉ុណ្ណោះ។ អារ៉ាប់រួមមានគោលបំណងផលិតឲ្យបាន ៤,៩លានបារ៉ែលនៅឆ្នាំក្រោយ ដើម្បីផ្គត់ផ្គង់តម្រូវការក្នុងស្រុក៕​

The post អារ៉ាប់រួម លើកឡើងពីមូលហេតុច្បាស់ៗ ជុំវិញការចាកចេញពីអង្គការប្រេង OPEC appeared first on .

យោងតាមការចុះផ្សាយពីទីភ្នាក់ងារសារព័ត៌មាន Reuters បានបង្ហាញឲ្យដឹងថា អង្គការ OPEC+ បានយល់ព្រមបង្កើនផលិតកម្មប្រេងប្រហែល ១៨៨ ០០០ បារ៉ែលក្នុងមួយថ្ងៃ នៅក្នុងខែមិថុនា បន្ទាប់ពីមានកិច្ចប្រជុំរបស់សមាជិកសំខាន់ៗទាំង៧ របស់ខ្លួន កាលពីថ្ងៃទី៣ ខែឧសភាកន្លងទៅនេះ។

គួរឲ្យដឹងថា នេះជាកើនឡើងនៃផលិតកម្មលើកទីបីជាប់ៗគ្នាហើយ ក្នុងចំណោមប្រទេសជាសម្ព័ន្ធមិត្ត គិតចាប់តាំងពីជម្លោះនៅជម្ឈិមបូព៌ាបានចាប់ផ្តើមឡើង នៅចុងខែកុម្ភៈមក។ កាលពីមុន OPEC+ បានអនុម័តផែនការពង្រីកផលិតកម្មពីរដង ដើម្បីបង្កើនការផលិតប្រេងដល់ចំនួន ២០៦ ០០០ បារ៉ែលក្នុងមួយថ្ងៃ ក្នុងមួយលើក។

យ៉ាងណាមិញ តួលេខទាំងនេះបច្ចុប្បន្នមានអត្ថន័យតែនៅលើក្រដាសប៉ុណ្ណោះ ខណៈពេលដែលជម្លោះដែលកំពុងបន្ត កំពុងផ្តល់ការរំខានដល់ការផ្គត់ផ្គង់ពីតំបន់ឈូងសមុទ្រ។ តែទោះជាយ៉ាងណាក៏ដោយ ចលនានេះត្រូវបានគេមើលឃើញថាជាសញ្ញាថ្មីមួយដែលបង្ហាញថា OPEC+ បានត្រៀមខ្លួនរួចជាស្រេចហើយ ដើម្បីបូមប្រេងបន្ថែមទៀតចូលទៅក្នុងទីផ្សារ នៅពេលដែលជម្លោះបញ្ចប់ បើទោះបីជាអារ៉ាប់រួម (UAE) បានចាកចេញពីក្រុមនេះ នៅថ្ងៃទី១ ខែឧសភាក៏ដោយ។

បច្ចុប្បន្ន OPEC+ មានសមាជិកចំនួន ២១ ប្រទេស ប៉ុន្តែមានតែប្រទេសចំនួន ៧ ប៉ុណ្ណោះ ដែលចូលរួមក្នុងការសម្រេចចិត្តបង្កើនការផលិតប្រចាំខែរបស់សម្ព័ន្ធមិត្ត។

ជម្រាបជូនថា ការបិទច្រកសមុទ្រ Hormuz ក្នុងរយៈពេលប្រាំបួនសប្តាហ៍កន្លងមកនេះ បានបណ្តាលឱ្យមានការធ្លាក់យ៉ាងខ្លាំងនៃការនាំចេញប្រេងពីប្រទេសអារ៉ាប៊ីសាអូឌីត អ៊ីរ៉ាក់ គុយវ៉ែត និងអតីតសមាជិក UAE៕​

The post អង្គការប្រេងពិភពលោក OPEC+ ប្រកាសបង្កើនផលិតកម្មបន្ថែមទៀត appeared first on .

នៅថ្ងៃទី២៨ ខែមេសា អារ៉ាប់រួម បានប្រកាសដោយមិននឹកស្មានដល់មួយថា ខ្លួននឹងចាកចេញពីអង្គការប្រទេសនាំចេញប្រេងធំបំផុតរបស់ពិភពលោក (OPEC) ដែលនឹងមានប្រសិទ្ធភាពភ្លាមៗ នៅថ្ងៃទី១ ខែឧសភា។

ក្រសួងថាមពលរបស់ប្រទេសនេះ បាននិយាយថា ការសម្រេចចិត្តរបស់ខ្លួន ត្រូវបានធ្វើឡើងបន្ទាប់ពីការពិនិត្យឡើងវិញយ៉ាងទូលំទូលាយអំពីគោលនយោបាយផលិតកម្មរបស់ប្រទេស ក៏ដូចជាសមត្ថភាពបច្ចុប្បន្ន និងអនាគត ដែលផ្តល់ឱ្យ UAE នូវភាពបត់បែនកាន់តែច្រើនក្នុងការឆ្លើយតបទៅនឹងការប្រែប្រួលទីផ្សារ ចំពេលមានវិបត្តិថាមពលដោយសារសង្គ្រាមនៅអ៊ីរ៉ង់។

យោងតាមរដ្ឋមន្ត្រីក្រសួងថាមពលអារ៉ាប់រួម លោក Suhail Al Mazrouei ក៏បានសង្កត់ធ្ងន់ថា ការចាកចេញរបស់ប្រទេសខ្លួន នឹបង្កឱ្យមានការរំខានតិចតួច ដល់ប្រទេសដទៃទៀត។ លោកបាននិយាយថា ការចាកចេញរបស់ UAE នៅពេលនេះគឺជាការសម្រេចចិត្តត្រឹមត្រូវព្រោះវានឹងមានផលប៉ះពាល់តិចតួចប៉ុណ្ណោះ លើតម្លៃ និងដៃគូនៅក្នុង OPEC និង OPEC+។

ទន្ទឹមនឹងនេះ ក្រុមអ្នកវិភាគ ក៏បានបង្ហាញការយល់ស្របថា វានឹងមានផលប៉ះពាល់រយៈពេលខ្លីប៉ុណ្ណោះ ដោយសារការផលិត និងការនាំចេញរបស់ OPEC ត្រូវបានរារាំងរួចហើយដោយជម្លោះនៅមជ្ឈិមបូព៌ា។ កាលពីខែមីនា ទិន្នផលរបស់ប្លុកនេះ បានធ្លាក់ចុះ ២៧% មកត្រឹម ២០,៧៩ លានបារ៉ែលក្នុងមួយថ្ងៃ។

ដោយឡែក លោក Jorge Leon ប្រធានផ្នែកវិភាគភូមិសាស្ត្រនយោបាយនៅ Rystad Energy បានបង្ហាញការយល់ស្របផងដែរ ប៉ុន្តែព្រមានអំពីផលវិបាករយៈពេលវែងសម្រាប់ OPEC។ មុនពេល UAE ចាកចេញ អង្គការនេះមានសមាជិកចំនួន ១២ រួមមាន អារ៉ាប៊ីសាអូឌីត អាល់ហ្សេរី កុងហ្គោ ហ្គីណេអេក្វាទ័រ ហ្គាបុង អ៊ីរ៉ង់ អ៊ីរ៉ាក់ គុយវ៉ែត លីប៊ី នីហ្សេរីយ៉ា និងវេណេស៊ុយអេឡា។

ជម្រាបជូនថា UAE បានដើរតួនាទីយ៉ាងសំខាន់ក្នុងការសម្រេចចិត្តរបស់ OPEC អស់រយៈពេលជិតប្រាំមួយទសវត្សមកហើយ។ ប្រទេសក្នុងតំបន់ឈូងសមុទ្រនេះ បានចូលរួមជាមួយ OPEC នៅឆ្នាំ១៩៦៧ ពោលគឺរយៈប្រាំពីរឆ្នាំបន្ទាប់ពីការបង្កើតអង្គការនេះត្រូវបានបង្កើតឡើង។ ដូច្នេះ អ្នកសង្កេតការណ៍បានព្រមានថា ការអវត្តមានរបស់ UAE អាចបង្កើតភាពវឹកវរ និងធ្វើឲ្យ OPEC ចុះខ្សោយ៕​

The post តើនឹងមានបញ្ហាអ្វីកើតឡើងនៅពេលដែលអារ៉ាប់រួម ដកខ្លួនចេញពីអង្គការប្រេង OPEC? appeared first on .

ប្រទេសអារ៉ាប់រួម បាននិយាយថា ខ្លួននឹងចាកចេញពីអង្គការទាំងនេះ ចាប់ពីថ្ងៃទី១ ខែឧសភាតទៅ។

គួរឲ្យដឹងថា ជុំវិញការបាត់បង់ដ៏គួរឲ្យភ្ញាក់ផ្អើលរបស់អារ៉ាប់រួម ដែលជាសមាជិករបស់អង្គការ OPEC ដ៏យូរអង្វែង អាចបង្កើតឲ្យមានភាពច្របូកច្របល់ និងធ្វើឱ្យក្រុមនេះចុះខ្សោយ ដែលជាធម្មតាតែងតែស្វែងរកការរួបរួមគ្នា បើទោះបីជាមានការខ្វែងគំនិតផ្ទៃក្នុងលើបញ្ហាជាច្រើន រាប់ចាប់ពីភូមិសាស្ត្រនយោបាយរហូតដល់កូតាផលិតកម្មក៏ដោយ។

យ៉ាងណាមិញ រដ្ឋមន្ត្រីក្រសួងថាមពលអារ៉ាប់រួម លោក Suhail Mohamed al-Mazrouei បានប្រាប់ទៅសារព័ត៌មាន Reuters ថា ការសម្រេចចិត្តនេះ ត្រូវបានធ្វើឡើងបន្ទាប់ពីមានការពិនិត្យដោយប្រុងប្រយ័ត្នលើយុទ្ធសាស្ត្រថាមពលរបស់មហាអំណាចក្នុងតំបន់។

នៅពេលត្រូវបានគេសួរថា តើអារ៉ាប់រួមបានពិគ្រោះយោបល់ជាមួយអារ៉ាប៊ីសាអូឌីត ដែលជាដៃគូប្រទេសដ៏សំខាន់បំផុតរបស់ខ្លួនឬអត់ ជុំវិញការចាកចេញនេះ លោក Mazrouei បាននិយាយថា អារ៉ាប់រួមមិនបានលើកឡើងពីបញ្ហានេះ ជាមួយប្រទេសផ្សេងទៀតទេ ពោលគឺជាការសម្រេចចិត្តដោយខ្លួនឯងផ្ទាល់។

មិនតែប៉ុុណ្ណោះ រដ្ឋមន្ត្រីក្រសួងថាមពលរូបនេះ បានបន្ថែមថា នេះគឺជាការសម្រេចចិត្តគោលនយោបាយ វាត្រូវបានធ្វើឡើងបន្ទាប់ពីការពិនិត្យដោយប្រុងប្រយ័ត្នលើគោលនយោបាយបច្ចុប្បន្ន និងអនាគតទាក់ទងនឹងកម្រិតផលិតកម្ម។ ហើយការដែលធ្វើជាប្រទេសដែលគ្មានកាតព្វកិច្ចក្រោមអង្គការទាំងនេះ នឹងផ្តល់ឱ្យ UAE នូវភាពបត់បែន៕

The post អារ៉ាប់រួម ប្រកាសដកខ្លួនចេញពីអង្គការ OPEC និង OPEC+ បង្កក្តីបារម្ភដល់ក្រុមអ្នកផលិតប្រេងសកល appeared first on .

ជុំវិញការប្រកាសនេះ ត្រូវបានធ្វើឡើង បន្ទាប់ពីមានកិច្ចប្រជុំ នៅថ្ងៃទី៥ ខែមេសា របស់បណ្តាប្រទេសនាំចេញប្រេងធំៗ OPEC និងសម្ព័ន្ធមិត្តិរបស់ខ្លួន ដែលហៅថា OPEC+ ដែលកំពុងបង្ហាញពីក្តីបារម្ភចំពោះស្ថានភាពទីផ្សារសកល។

គួរឲ្យដឹងផងដែរថា ក្នុងចំណោមសមាជិកទាំងនោះរួមមានប្រទេស អារ៉ាប៊ីសាអូឌីត អារ៉ាប់រួម គុយវ៉ែត និងអ៊ីរ៉ាក់ បានទទួលរងផលប៉ះពាល់ខ្លាំងបំផុត ដោយសារតែជម្លោះដែលបាននាំឲ្យមានការបិទច្រកសមុទ្រ Hormuz ស្ទើតែទាំងស្រុង គិតចាប់តាំងពីចុងខែកុម្ភៈមក។

ជម្រាបជូនថា អ៊ីរ៉ង់គឺជាសមាជិកមួយក្នុងចំណោមសមាជិកទាំង ២២ របស់ OPEC+។ អង្គការនេះបានចាប់ផ្តើមកាត់បន្ថយផលិតកម្មនៅឆ្នាំ២០២២ ដើម្បីការពារការផ្គត់ផ្គង់លើសកម្រិត និងតម្លៃទាប។ ហើយចាប់ពីខែមេសា ឆ្នាំ២០២៥ មក ផលិតកម្មរបស់ក្រុមនេះបានកើនឡើងបន្តិចម្តងៗ ដើម្បីទទួលបានចំណែកទីផ្សារឡើងវិញពីគូប្រជែងដូចជាសហរដ្ឋអាមេរិក។ រហូតមកដល់បច្ចុប្បន្ន ពួកគេបានបង្កើនផលិតកម្មបន្ថែមចំនួន ២,៩ លានបារ៉ែលក្នុងមួយថ្ងៃ៕​

The post បណ្តាប្រទេសរបស់អង្គការ OPEC+ នឹងបន្តបង្កើនផលិតកម្មប្រេង នៅក្នុងខែឧសភា​ appeared first on .