គម្រោងអគារកប់ពពកកម្ពស់ ៩១ ជាន់នេះ នឹងត្រូវសាងសង់ឡើងនៅតំបន់ឆ្នេរដ៏ពេញនិយម Gold Coast ក្នុងរដ្ឋ Queensland ប្រទេសអូស្ត្រាលី ខណៈពេលដែលក្រុមហ៊ុនអភិវឌ្ឍនិយាយថា វានឹងក្លាយជាអគារខ្ពស់ជាងគេបំផុតរបស់ប្រទេសផងដែរ។

យ៉ាងណាមិញ បើតាមលោក David Young នាយកប្រតិបត្តិក្រុមហ៊ុនអភិវឌ្ឍអចលនទ្រព្យក្នុងស្រុក Altus Property Group បាននិយាយថា គម្រោងអភិវឌ្ឍនេះមានរយៈពេលជិត ២០ឆ្នាំមកហើយ ​ប៉ុន្តែកិច្ចព្រមព្រៀងចុងក្រោយ ទើបតែត្រូវបានចុះហត្ថលេខា នៅរីសត Mar-a-Lago កាលពីថ្ងៃទី១៤ ខែកុម្ភៈកន្លងទៅនេះ។

ជម្រាបជូនផងដែរថា បច្ចុប្បន្នក្រុមហ៊ុន Trump Organization កំពុងស្ថិតនៅក្នុងដំណើរការនៃការរចនា វិស្វកម្ម សាងសង់ និងការងារដំឡើងផ្សេងៗ ដោយអគារនេះនឹងត្រូវបានគ្រប់គ្រងការសាងសង់ទាំងស្រុងដោយក្រុមហ៊ុនរបស់អូស្ត្រាលីផ្ទាល់៕​

The post ក្រុមហ៊ុនលោក ត្រាំ ចុះកិច្ចព្រមព្រៀងសង់អគារខ្ពស់កប់ពពកតម្លៃជាង ១ពាន់លានដុល្លារ នៅអូស្ត្រាលី appeared first on .

គម្រោងដ៏ធំបំផុតមួយ ដែលលាតសន្ធឹងលើផ្ទៃដី ៩៩០ ហិកតា ស្ថិតនៅក្នុងខេត្ត Hung Yen ដោយក្នុងនោះរួមមានការសាងសង់សណ្ឋាគារ ​រមណីយដ្ឋាន​ ទីលានវាយកូនហ្គោល និងលំនៅឋានបែបទំនើបផងនោះ ទើបតែត្រូវបានរដ្ឋាភិបាលវៀតណាម សម្រេចអនុម័ត កាលពីថ្ងៃទី១៧ ខែឧសភា។

យ៉ាងណាមិញ បើតាមប្រព័ន្ធផ្សព្វផ្សាយវៀតណាម បានរាយការណ៍កាលពីថ្ងៃចន្ទថា លោក Eric Trump ដែលជាកូនប្រុសរបស់ប្រធានាធិបតី លោក​ ត្រាំ និងគណៈប្រតិភូមកពីក្រុមហ៊ុន Trump Organization ផ្សេងទៀត ត្រូវបានគេរំពឹងថានឹងធ្វើដំណើរទៅកាន់ទីក្រុងហូជីមិញ ដើម្បីចូលរួមក្នុងពិធីបើកការដ្ឋាន និងពិភាក្សាជាមួយមន្ត្រីក្នុងតំបន់ លើសំណើសាងសង់ប៉មនៅក្នុងតំបន់ Thu Thiem នៃរដ្ឋធានីពាណិជ្ជកម្មរបស់ប្រទេស។

ជម្រាបជូនផងដែរថា កិច្ចព្រមព្រៀងរវាង Trump Organization និងគណៈកម្មាធិការប្រជាជនខេត្ត Hung Yen រួមជាមួយក្រុមហ៊ុនអភិវឌ្ឍន៍វៀតណាម Kinh Bac City ដែលជាដៃគូវិនិយោគក្នុងស្រុក ត្រូវបានប្រកាសឡើងកាលពីឆ្នាំមុនមកម្លេះ សម្រាប់ការអភិវឌ្ឍរមណីយដ្ឋានដែលនឹងរួមបញ្ចូលទាំងសណ្ឋាគារលំដាប់ផ្កាយប្រាំ ទីលានវាយកូនហ្គោល និងលំនៅដ្ឋានបែបប្រណីតៗ៕

The post កូនម្នាក់របស់លោក ត្រាំ នឹងបង្ហាញវត្តមានក្នុងពិធីបើកការដ្ឋានគម្រោងតម្លៃ ១,៥ពាន់លានដុល្លារ នៅវៀតណាម appeared first on .

គម្រោងដ៏ធំនេះ នឹងត្រូវលាតសន្ធឹងលើផ្ទៃដី ៩៩០ ហិចតា ដោយក្នុងនោះនឹងមានទីលានវាយកូនហ្គោល រមណីយដ្ឋាន សណ្ឋាគារ និងគម្រោងលំនៅដ្ឋានបែបទំនើប។ កាសែត Tuoi Tre បាននិយាយទៀតថា ការវិនិយោគនេះ ត្រូវបានគេរំពឹងថានឹងចាប់ផ្តើមនៅត្រីមាសនេះ ហើយដំណើរការរហូតដល់ត្រីមាសទីពីរនៃឆ្នាំ២០២៩ ដោយផ្អែកទៅលើឯកសារដែលត្រូវបានចុះហត្ថលេខា ដោយឧបនាយករដ្ឋមន្ត្រីវៀតណាម លោក Tran Hong Ha ។

គួរឲ្យដឹងផងដែរថា គម្រោងនេះ គឺត្រូវបានស្នើឡើងដោយក្រុមហ៊ុនអភិវឌ្ឍន៍អចលនទ្រព្យក្នុងស្រុក Kinhbac City និង Trump Organization ដែលជាក្រ៊ុមហ៊ុនវិនិយោគពហុវិស័យរបស់ប្រធានាធិបតីអាមេរិក លោក ដូណាល់ ត្រាំ ដែលត្រូវបានប្រកាសដំបូងកាលពីខែតុលា មកម្លេះ។

ជម្រាបជូនថា ការអនុម័តនេះ បានកើតឡើងចំពេលដែលការចរចាពាណិជ្ជកម្មរវាងវៀតណាម និងសហរដ្ឋអាមេរិក ត្រូវបានធ្វើឡើង ខណៈពេលដែលប្រទេសនៅអាស៊ីអាគ្នេយ៍ ដែលជាមជ្ឈមណ្ឌលឧស្សាហកម្មដ៏ធំបំផុតមួយក្នុងតំបន់នោះ កំពុងស្វែងរកការចៀសវាងពន្ធគយនាំចូល ៤៦% ពីសហរដ្ឋអាមេរិក៕

The post ទីបំផុត វៀតណាម អនុម័តផែនការវិនិយោគតម្លៃ ១,៥ពាន់លានដុល្លារ របស់ក្រុមហ៊ុនលោក ត្រាំ appeared first on .

បើតាមអ្នកនាំពាក្យរបស់ក្រុមហ៊ុន បាននិយាយថា Trump Organization ជាមួយនឹងដៃគូរបស់ខ្លួន គ្រោងនឹងវិនិយោគទឹកប្រាក់រាប់ពាន់លានដុល្លារ នៅក្នុងប្រទេសវៀតណាម ដោយក្នុងនោះ គម្រោងទី១ នឹងត្រូវចាប់ផ្តើមដំណើរការនៅក្នុងខែឧសភា ពោលគឺត្រឹមតែពេលប៉ុន្មានខែប៉ុណ្ណោះ បន្ទាប់ពីភាគីទាំងពីរបានសម្រេចកិច្ចព្រមព្រៀងជាមួយគ្នា ហើយចំពោះគម្រោងទី២ វិញ អាចត្រូវប្រកាសនៅឆ្នាំនេះ ផងដែរ។

គួរឲ្យដឹងផងដែរថា ការប្រកាសបើកការដ្ឋានសាងសង់គម្រោងដំបូងដែលមានតម្លៃប្រមាណ ១,៥ពាន់លានដុល្លារ និងមានទីតាំងនៅជិតរដ្ឋធានីហាណូយរបស់វៀតណាមនេះ ត្រូវបានធ្វើឡើងត្រឹមតែប៉ុន្មានសប្តាហ៍ប៉ុណ្ណោះ មុនពេលវិធានការពន្ធទៅវិញទៅមក របស់ប្រធានាធិបតីអាមេរិក លោក ដូណាល់ ត្រាំ នឹងត្រូវចូលជាធរមាន នាថ្ងៃទី២ ខែមេសាខាងមុខ ខណ:ពន្ធថ្មីនេះ នឹងដាក់លើប្រទេសណាដែលមានអតុល្យភាពពាណិជ្ជកម្ម ជាមួយអាមេរិក។

ជម្រាបជូនផងដែរថា ដំបូងឡើងគម្រោងនេះ ត្រូវបានប្រកាសកាលពីខែតុលា ដោយក្រុមហ៊ុនអភិវឌ្ឍអចលនទ្រព្យ Kinhbac City ដែលជាដៃគូវៀតណាមរបស់ Trump Organization ប៉ុន្តែពេលវេលាពិតប្រាកដនៃគម្រោងសាងសង់ទាំងនោះ មិនត្រូវបានរាយការណ៍ឲ្យដឹងពីមុនមកនោះទេ៕

The post ក្រុមហ៊ុនប្រធានាធិបតីអាមេរិក មានផែនការវិនិយោគរាប់ពាន់លានដុល្លារ នៅវៀតណាម appeared first on .