នៅក្នុងអំឡុងពេលបិទនៃការជួញដូរចុងក្រោយនៅថ្ងៃទី៣ ខែកុម្ភៈ ភាគហ៊ុនរបស់ Walmart បានកើនឡើងជិត ៣%​ ដោយនេះបានជំរុញឲ្យតម្លៃមូលធនទីផ្សាររបស់ខ្លួនឈានដល់ ១,០២ទ្រីលានដុល្លារ។

យ៉ាងណាមិញ​ Walmart ត្រូវបានចាត់ទុកថាជាក្រុមលក់ទំនិញរាយដំបូងគេនៅក្នុងប្រវត្តិសាស្រ្តដែលបានឈានដល់ចំណុចទីផ្សារមូលធនដ៏សំខាន់នេះ ដោយបានចូលរួមជាមួយក្រុមហ៊ុនខ្នាតយក្សផ្សេងទៀត ដែលជាធម្មតាសុទ្ធសឹងតែជាក្រុមហ៊ុនបច្ចេកវិទ្យាប៉ុណ្ណោះ។

ជម្រាបជូនផងដែរថា យោងតាមក្រុមអ្នកវិភាគ បានបង្ហាញឲ្យដឹងថា ជុំវិញការហក់ឡើងខ្ពស់នេះ បានកើតឡើងបន្ទាប់ពី Walmart កំពុងចូលរួមនៅក្នុងវិស័យ AI ដោយបានចាក់លុយវិនិយោគរាប់ពាន់លានដុល្លារ ក្នុងការធ្វើស្វ័យប្រវត្តិកម្មខ្សែសង្វាក់ផ្គត់ផ្គង់របស់ខ្លួន៕​

The post ក្រុមហ៊ុនលក់រាយខ្នាតយក្ស Walmart កើនតម្លៃមូលធនទីផ្សារលើស ១ទ្រីលានដុល្លារ appeared first on .

ទ្រព្យសម្បត្តិរបស់លោក Rob Walton ដែលជាកូនប្រុសច្បងរបស់ស្ថាបនិក Walmart លោក Sam Walton បានធ្លាក់ចុះអស់ ៤៥០លានដុល្លារ។ នេះបើតាមការចុះផ្សាយពីទស្សនាវដ្តី Forbes។ បុរសអាយុ ៨០ឆ្នាំរូបនេះ នៅតែតែជាអ្នកមានបំផុតក្នុងគ្រួសារ ដែលមានទ្រព្យសម្បត្តិសរុបចំនួន ១១៤,៥ពាន់លានដុល្លារ។

ទន្ទឹមនឹងនេះ ទ្រព្យសម្បត្តិរបស់កូនទីពីរ លោក Jim Walton ក៏បានធ្លាក់ចុះអស់ ៤៤៨លានដុល្លារ ខណ:ពេលដែលប្អូនស្រីពៅ គឺលោកស្រី Alice Walton ក៏បានឃើញទ្រព្យសម្បត្តិរបស់ខ្លួនធ្លាក់ចុះអស់ ៤៣៩លានដុល្លារ។ ហើយសមាជិកគ្រួសារពីរនាក់ផ្សេងទៀត ក៏បានខាតបង់អស់ប្រមាណ ២៦១លានដុល្លារ នៅថ្ងៃនោះ ផងដែរ ។

ជម្រាបជូនផងដែរថា ការធ្លាក់ចុះនេះ បានកើតឡើងបន្ទាប់ពីនាយកប្រតិបត្តិ Walmart លោក Doug McMillon បានប្រកាសពីផែនការដំឡើងតម្លៃលក់រាយនៅចុងខែនេះ ដោយសារតែតម្លៃពន្ធគយខ្ពស់ពេក ដែលជាសញ្ញាច្បាស់លាស់មួយ បង្ហាញថាសង្រ្គាមពាណិជ្ជកម្មរបស់ប្រធានាធិបតី លោក ដូណាល់ ត្រាំ កំពុងវាយប្រហារទៅលើសេដ្ឋកិច្ចរបស់អាមេរិកវិញ។ នេះបើយោងតាម ​​Reuters៕

The post ​ទាយាទ​ស្នងមរតក Walmart ខាតលុយអស់សរុប ១,៦ពាន់លានដុល្លារ ដោយសារពន្ធគយអាមេរិក appeared first on .

កាលពីដើមខែនេះ ក្រុមហ៊ុនអេឡិចត្រូនិកខ្នាតយក្ស Amazon បានចេញផ្សាយរបាយការណ៍ហិរញ្ញវត្ថុរបស់ខ្លួន សម្រាប់ត្រីមាសចុងក្រោយនៃឆ្នាំ២០២៤ ដោយបានកត់ត្រាប្រាក់ចំណូលសរុបជិត ១៨៨ពាន់លានដុល្លារ។ ទន្ទឹមនឹងនេះដែរ ក្រុមហ៊ុនលក់រាយខ្នាតយក្ស Walmart ដែលជាដៃគូប្រកួតប្រជែងដ៏ធំរបស់ Amazon បាននិយាយថា ប្រាក់ចំណូលសម្រាប់ត្រីមាសដែលបញ្ចប់ទៅក្នុងខែមករា ឆ្នាំ២០២៥ គឺមានត្រឹមតែ ១៨០,៥ពាន់លានដុល្លារប៉ុណ្ណោះ។

ជុំវិញតួលេខនេះ បានបញ្ជាក់យ៉ាងច្បាស់ថា ក្រុមហ៊ុន Amazon បានវ៉ាដាច់ Walmart ដើម្បីក្លាយជាក្រុមហ៊ុនដែលមានប្រាក់ចំណូលប្រចាំត្រីមាសច្រើនជាងគេ នៅសហរដ្ឋអាមេរិក ជាលើកដំបូង។

គួរបញ្ជាក់ផងដែរថា Walmart បានកាន់ជាក្រុមហ៊ុនដែលទទួលបានប្រាក់ចំណូលប្រចាំត្រីមាសច្រើនជាងគេបំផុតរបស់អាមេរិក គិតចាប់តាំងពីឆ្នាំ២០១២ មកម្លេះ ខណ:នៅពេលនោះពួកគេបានវ៉ាដាច់ក្រុមហ៊ុនប្រេងលំដាប់កំពូល Exxon Mobil ។

ការលក់រាយនៅតែជាកត្តាជំរុញប្រាក់ចំណូលធំបំផុតរបស់ Amazon ។ ប៉ុន្តែទន្ទឹមនឹងនោះ សេវាកម្ម Cloud computing (AWS) ការផ្សាយពាណិជ្ជកម្ម និងសេវាកម្មអាជីវករ ក៏ត្រូវបានមើលឃើញថាសន្ទុះកំណើនយ៉ាងខ្លាំងផងដែរ។

គួរឲ្យដឹងផងដែរថា Walmart នៅតែនាំមុខគេនៅក្នុងប្រាក់ចំណូលប្រចាំឆ្នាំ។ យោងតាមស្ថាប័នវាយតម្លៃ FactSet បានប៉ាន់ប្រមាណថា ក្រុមហ៊ុនលក់រាយលំដាប់កំពូលមួយនេះ អាចនឹងកត់ត្រាប្រាក់ចំណូលសរុបជិត ៧០៩ពាន់លានដុល្លារ ក្នុងឆ្នាំសារពើពន្ធនេះ (ដែលបញ្ចប់ទៅនាខែមីនា ឆ្នាំ២០២៥) ស្របពេលក្រុមហ៊ុន Amazon អាចរកបានត្រឹមតែ ៧០១ពាន់លានដុល្លារប៉ុណ្ណោះ។

ទោះបីជាយ៉ាងណាក៏ដោយ ទាក់ទងនឹងតម្លៃមូលធនទីផ្សារ Amazon បានវ៉ាដាច់ Walmart គិតចាប់តាំងពីខែកក្កដា ឆ្នាំ២០១៥ មកម្លេះ។ នៅពេលនោះ តម្លៃទីផ្សាររបស់ Amazon បានឈានដល់ជិត ២៤៨ពាន់លានដុល្លារ ពោលខ្ពស់ជាង Walmartដែលមានចំនួនត្រឹមប្រមាណ ២៣១ពាន់លានដុល្លារ។ បច្ចុប្បន្នតម្លៃទីផ្សាររបស់ Amazon បានឈានដល់ជាង ២,៣ទ្រីលានដុល្លារអាមេរិក ខណៈពេលដែលក្រុមហ៊ុន Walmart មានត្រឹម ៧៨០ពាន់លានដុល្លារ៕

The post Amazon វ៉ាដាច់ Walmart ជាលើកដំបូង ក្នុងនាមជាក្រុមហ៊ុនរកប្រាក់ចំណូលច្រើនបំផុតនៅអាមេរិក appeared first on .

ទ្រព្យសរុបរបស់លោក Rob Walton និងគ្រូសារ ត្រូវបានគេរាយការណ៍ថាបានកើនឡើងដល់ចំនួន ១២១,៧ពាន់លានដុល្លារ ដែលធ្វើឲ្យលោកឈរនៅចំណាត់ថ្នាក់ទី១០ នៃបញ្ជីនេះ។

ខាងក្រោមនេះ គឺជាបញ្ជីឈ្មោះមហាសេដ្ឋីមានបំផុតលើលោកទាំង ១០រូប គិតត្រឹមថ្ងៃទី១៥ ខែកុម្ភ: ឆ្នាំ២០២៥ ដោយផ្នែកតាមទិន្នន័យទទួលបានពី Forbes៖

1.Elon Musk ប្រធានក្រុមហ៊ុន Tesla មានទ្រព្យសម្បត្តិសរុបប្រមាណ ៣៩៤,២ពាន់លានដុល្លារ

2.Mark Zuckerberg ស្ថាបនិកក្រុមហ៊ុន Meta Platforms មានទ្រព្យសម្បត្តិសរុបប្រមាណ ២៥៤,១ពាន់លានដុល្លារ

3.Jeff Bezos ស្ថាបនិកក្រុមហ៊ុន Amazon មានទ្រព្យសម្បត្តិប្រមាណ ២៤១,៩ពាន់លានដុល្លារ

4.Larry Ellison ស្ថាបនិកក្រុមហ៊ុន Oracle មានទ្រព្យសម្បត្តិសរុបប្រមាណ ២១៥,៩ពាន់លានដុល្លារ

5.Bernard Arnault ប្រធានក្រុមហ៊ុន LVMH មានទ្រព្យសម្បត្តិសរុបប្រមាណ ១៩១,៦ពាន់លានដុល្លារ

6.Larry Page សហស្ថាបនិកក្រុមហ៊ុន Google មានទ្រព្យសម្បត្តិប្រមាណ ១៥៣,១ពាន់លានដុល្លារ

7.Warren Buffett ស្ថាបនិកក្រុមហ៊ុន Berkshire Hathaway មានទ្រព្យសម្បត្តិសរុបប្រមាណ ១៤៩,៦ពាន់លានដុល្លារ

8.Sergey Brin សហស្ថាបនិកក្រុមហ៊ុន Google មានទ្រព្យសម្បត្តិប្រមាណ ១៤៦,២ពាន់លានដុល្លារ

9.Amancio Ortega ស្ថាបនិកក្រុមហ៊ុន Zara មានទ្រព្យសម្បត្តិប្រមាណ ១២៦,៥ពាន់លានដុល្លារ

10.Rob Walton និងគ្រួសារ ស្ថាបនិកក្រុមហ៊ុន Walmart មានទ្រព្យសម្បត្តិប្រមាណ ១២១,៧ពាន់លានដុល្លារ៕

The post មេធំក្រុមហ៊ុន Walmart លេចមុខក្នុងបញ្ជីកំពូលអ្នកមានដាច់គេទាំង១០ ជាលើកដំបូង appeared first on .

បើយោងតាមសារព័ត៌មាននិយាយពីមហាសេដ្ឋី Bloomberg បានបង្ហាញឲ្យដឹងថា លោក Jim Walton វ័យ ៧៦ឆ្នាំ បានមើលឃើញទ្រព្យសម្បត្តិរបស់ខ្លួនឈានដល់ចំនួន ១០២ពាន់លានដុល្លារ គិតត្រឹមថ្ងៃចន្ទ ខណៈពេលដែលបងប្រុសរបស់គាត់ ដែលមានឈ្មោះថា Rob Walton វ័យ ៧៩ឆ្នាំ ក៏បានកើនទ្រព្យដល់ ១០០,៤ពាន់លានដុល្លារ ផងដែរ។

ចំណែកឯប្អូនស្រីរបស់មហាសេដ្ឋីទាំងពីររូបខាងលើ ឈ្មោះ Alice វ័យ ៧៤ឆ្នាំ បច្ចុប្បន្នត្រូវបានគេរាយការណ៍មកថា មានទ្រព្យសម្បត្តិសរុបប្រមាណជាង ៩៩ពាន់លានដុល្លារ ពោលគឺនៅមិនទាន់ឆ្លងផុត ១០០ពាន់លានដុល្លារ នៅឡើយ។

ជម្រាបជូនផងដែរថា ភាគហ៊ុនរបស់ក្រុមហ៊ុន Walmart បានកើនឡើងជាលំដាប់ ក្នុងប៉ុន្មានសប្តាហ៍ថ្មីៗនេះ ដែលជាហេតុធ្វើឲ្យគ្រួសារត្រកូលWaltons នៅតែជាប់តំណែងក្នុងចំណោមគ្រួសារអ្នកមានបំផុតរបស់ពិភពលោក ជាមួយនឹងទ្រព្យសម្បត្តិសរុបលើសពី ៣៥០ពាន់លានដុល្លារ៕

The post ទាយាទស្នងមរតករបស់ក្រុមហ៊ុន Walmart ពីររូប កើនទ្រព្យសម្បត្តិលើស ១០០ពាន់លានដុល្លារ ជាលើកដំបូង appeared first on .

យោងតាមការចុះផ្សាយពីសារព័ត៌មាន Bloomberg បានបង្ហាញថា ក្រុមហ៊ុនលក់រាយខ្នាតយក្សអាមេរិក បានលក់ភាគហ៊ុនប្រមាណ ១៤៤,៥លានហ៊ុន ក្នុងតម្លៃជិត ២៥ដុល្លារក្នុងមួយហ៊ុន។

ការបញ្ចេញភាគហ៊ុនដ៏ច្រើនរបស់ក្រុមហ៊ុន Walmart បានជះឥទ្ធិពលយ៉ាងខ្លាំង ដល់ក្រុមហ៊ុន JD ពោលត្រឹមរយៈពេលមួយថ្ងៃប៉ុណ្ណោះ តម្លៃហ៊ុនរបស់ក្រុមហ៊ុនចិន បានថយចុះរហូតដល់ ១២% ឯណោះ។

សូមជម្រាបដែរថា ដើម្បីទប់ស្កាត់កុំឲ្យតម្លៃហ៊ុនបន្តថយចុះបែបនេះ ក្រុមហ៊ុន JD ក៏បានដកលុយជិត ៤០០លានដុល្លារ ដើម្បីទិញភាគហ៊ុនពីក្រុមវិនិយោគិនមកវិញផងដែរ៕

The post Walmart កើបលុយជាង ៣ពាន់លានដុល្លារ ក្រោយលក់ភាគហ៊ុនក្នុងក្រុមហ៊ុនចិន JD appeared first on .

យោងតាមការចុះផ្សាយពីសារព័ត៌មាន Business Insider បានបង្ហាញថា ដោយសារតម្លៃហ៊ុន Walmart ឡើងដល់ចំណុចខ្ពស់បំផុតតាំងពីឆ្នាំ២០១៦ ធ្វើឲ្យ លោក Rob លោក Jim និងអ្នកស្រី Alice កើនទ្រព្យសម្បត្តិសរុបលើសពី ១០០ពាន់លានដុល្លារហើយ។

ទ្រព្យសម្បត្តិសរុបរបស់មហាសេដ្ឋីទាំង៣រូបនេះ គឺមានចំនួនសរុបរហូតដល់ ២២៤ពាន់លានដុល្លារ ខណៈទ្រព្យសម្បត្តិរបស់បុគ្គលម្នាក់ៗវិញ គឺមានចន្លោះពី ៧០ ទៅ ៧៧ពាន់លានដុល្លារ។

គួសរំលឹកបន្តិចថា តម្លៃហ៊ុនរបស់ក្រុមហ៊ុន Walmart មានការហក់ឡើងខ្ពស់បំផុតតាំងពីឆ្នាំ២០១៦ ពីតម្លៃក្រោម ៧៥ដុល្លារក្នុងមួយហ៊ុន រហូតដល់តម្លៃ ១៨១ដុល្លារក្នុងមួយហ៊ុន កាលពីសប្ដាហ៍មុន។

សូមជម្រាបដែរថា ក្រុមហ៊ុន Walmart គឺជាផ្សារទំនើបខ្នាតយក្សលក់ទំនិញរាយក្នុងសហរដ្ឋអាមេរិក ដែលមានទីតាំងរាប់រយសាខា ស្របពេលបច្ចុប្បន្នក្រុមហ៊ុនមួយនេះមានមូលធនទីផ្សារប្រហែល ១៥៧,៥៥ពាន់លានដុល្លារ៕

The post បងប្អូនត្រកូល Waltons សំងំកើបលុយរាប់សិបពាន់លានដុល្លារ ក្រោយភាគហ៊ុន Walmart ឡើងថ្លៃ appeared first on .

“ដើម្បីបង្ហាញពីការគាំទ្រសម្រាប់មនុស្សគ្រប់គ្នា ដែលរងគ្រោះដោយសារបញ្ហាកំពុងកើតមាន Walmart Foundation សន្យាផ្ដល់ជំនួយ ១លានដុល្លារ ជូនទីភ្នាក់ងារ Magen David Adom សម្រាប់ប្រើប្រាស់ ក្នុងករណីបន្ទាន់ និងជួយជីវិតមនុស្ស”។ នេះបើតាមលិខិតចេញផ្សាយដោយ Walmart។

គួររំលឹកដែរថា ក្រៅពី Walmart នៅមានក្រុមហ៊ុនខ្នាតយក្សអាមេរិកជាច្រើនទៀត ដែលបានផ្ដល់ជំនួយទៅកាន់ប្រជាជននៅតំបន់ Gaza ដូចជា ក្រុមហ៊ុន SpaceX របស់​មហាសេដ្ឋី Elon Musk ដែលបានផ្ដល់សេវាកម្ម Starlink សម្រាប់បង្កើតការទំនាក់ទំនងរវាងប្រជាជន​នៅតំបន់នោះ ទៅកាន់ពិភពលោកជាដើម។

សូមជម្រាបដែរថា សង្គ្រាមរវាងអ៊ីស្រាអែល និងក្រុមសកម្មប្រយុទ្ធហាម៉ាស របស់ប៉ាឡេស្ទីន កើតឡើងកាលពី០៧ ខែតុលា ខណៈមកទល់ពេលនេះ សង្គ្រាមនៅតែអូសបន្លាយ និងសម្លាប់មនុស្សរាប់ពាន់នាក់ ស្របពេលក្រុមមហាអំណាចលោកខាងលិច​នាំគ្នាចេញលិខិតថ្កោលទោស ចំពោះទង្វើដ៏ឃោរឃៅរបស់​ក្រុមឧទ្ទាមហាម៉ាស៕

The post ក្រុមហ៊ុនខ្នាតយក្សអាមេរិកWalmart ប្រកាសផ្ដល់ជំនួយ ១លានដុល្លារ សម្រាប់អ៊ីស្រាអែល appeared first on .

លោក ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្មបានឱ្យដឹងថា គោលបំណងនៃជំនួបនេះ គឺដើម្បីស្វែងយល់បន្ថែមអំពីសក្តានុពលពាណិជ្ជកម្ម និងវិនិយោគនៅកម្ពុជា និងដើម្បីពង្រីកអាជីវកម្មរបស់ខ្លួនដោយផ្តល់នូវកិច្ចសហប្រតិបត្តិការរវាងក្រុមហ៊ុន Walmart និងក្រសួងពាណិជ្ជកម្មនាពេលអនាគត។

ជាមួយគ្នានេះ លោកក៏បានស្នើសុំការសហការពីក្រសួងពាណិជ្ជកម្មនៅក្នុងការពង្រីកធុរកិច្ចរបស់ខ្លួននៅក្នុងប្រទេសកម្ពុជា និងបានវាយតម្លៃខ្ពស់នូវការបញ្ជាទិញរបស់ក្រុមហ៊ុន Walmart នូវផលិតផលសម្លៀកបំពាក់ និងសម្ភារៈធ្វើដំណើរពីកម្ពុជាផងដែរ។

លើសពីនេះ រដ្ឋមន្រ្តីក្រសួងកសិកម្មរូបនេះ ក៏បានសម្តែងនូវសេចក្តីរីករាយ និងគាំទ្រពេញទំហឹង ចំពោះគោលបំណងរបស់ក្រុមហ៊ុន Walmart ក្នុងការទិញទំនិញពីកម្ពុជាបន្ថែមទៀត ដូចជាផលិតផលគ្រឿងសង្ហារឹម អេឡិចត្រូនិក និងជាពិសេសផលិតផលកសិកម្មសំខាន់ៗពីកម្ពុជា ដែលបំពេញបានតាមស្តង់ដារអន្តរជាតិ។

លោកបញ្ជាក់ដូច្នេះថា៖« ការជំរុញទិញផលិតផលបន្ថែមពីកម្ពុជាគឺសំដៅរួមចំណែកក្នុងការបង្កើតការងារ កាត់បន្ថយភាពក្រីក្រ និងអភិវឌ្ឍន៍សេដ្ឋកិច្ចកម្ពុជា ខណៈក្រសួង នឹងបន្តកិច្ចសហការជាមួយក្រុមហ៊ុន Walmart វិស័យឯកជន និងក្រសួង-ស្ថាប័ន ពាក់ព័ន្ធនានា ដើម្បីជំរុញការនាំចេញផលិតផលកសិកម្មពីកម្ពុជា ទៅកាន់ទីផ្សារសហរដ្ឋអាម៉េរិក ឱ្យកាន់តែរីកចម្រើនបន្ថែមទៀត»។

ជាការឆ្លើយតប លោកស្រី Anbinh Phan ក៏បានជម្រាបផងដែរថា ក្រុមហ៊ុន Walmart មានបំណងពង្រីកអាជីវកម្មរបស់ខ្លួន និងធ្វើកិច្ចសហប្រតិបត្តិការពង្រឹងភាពជាដៃគូ ក្នុងសកម្មភាពធុរកិច្ច វិនិយោគ ក្នុងប្រទេសកម្ពុជា ដើម្បីបង្កើតការងារជូនប្រជាជនកម្ពុជា ជាពិសេសស្រ្តី ជំរុញកំណើនសេដ្ឋកិច្ច និងកាត់បន្ថយភាពក្រីក្រ។ ក្រុមហ៊ុន Walmart នៅតែជាដៃគូពាណិជ្ជកម្មដ៏ល្អ ជាមួយអ្នកផលិតនៅកម្ពុជា លើវិស័យសម្លៀកបំពាក់ វាយនភ័ណ្ឌ និងកសិកម្ម។

គួរបញ្ជាក់ដែរថា គិតត្រឹមរយៈពេល៨ខែ ក្នុងឆ្នាំ២០២២នេះ ការដោះដូរពាណិជ្ជកម្មរវាងកម្ពុជា ជាមួយទីផ្សារអន្តរជាតិ សម្រេចបានទំហំទឹកប្រាក់សរុបជាង ៣៧ពាន់លានដុល្លារសហរដ្ឋអាមេរិក មានការកើនឡើងជាង២១% បើធៀបនឹងរយៈពេលដូចគ្នានៅឆ្នាំ២០២១។ ក្នុងនោះ ទំហំពាណិជ្ជកម្មកម្ពុជា-អាមេរិក មានជាង៦ពាន់៦រយលានដុល្លារកើនឡើងជាង៣៥%។

យ៉ាងណាមិញ តាមរយៈជំនួបរវាងក្រុមហ៊ុនអាមេរិក និងក្រសួងពាណិជ្ជកម្មកម្ពុជា ភាគីទាំងពីរក៏បានប្តេជ្ញាថា នឹងខិតខំសហការនិងគាំទ្ររាល់គោលបំណងពង្រីកប្រតិបត្តិការអាជីវកម្ម និងធុរកិច្ចដើម្បីផ្តល់ផលប្រយោជន៍ជូនប្រជាពលរដ្ឋទ្វេភាគី៕ អត្ថបទ៖ ឧកញ៉ា រង្សី

The post អាមេរិក នឹងបង្កើនការទិញផលិតផលគ្រឿងសង្ហារឹមអេឡិចត្រូនិក និងផលិតផលកសិកម្មសំខាន់ៗពីកម្ពុជា appeared first on .

លោករដ្ឋមន្រ្តី បានសម្តែងនូវការស្វាគមន៍យ៉ាងកក់ក្តៅចំពោះ លោកស្រី Anbinh Phan តំណាងក្រុមហ៊ុន Walmart និងសហការី ដែលមានចំណាប់អារម្មណ៍ក្នុងការពង្រីកការធ្វើធុរកិច្ចនៅក្នុងប្រទេសកម្ពុជា។

បន្ថែមពីនេះ លោករដ្ឋមន្រ្តី ក៏បានជម្រាបអំពីសមិទ្ធផលថ្មីៗ និងកិច្ចខិតខំប្រឹងប្រែងរបស់ក្រសួងពាណិជ្ជកម្មក្នុងការធ្វើឱ្យប្រសើរឡើងនូវបរិយាកាសធុរកិច្ចនៅកម្ពុជា ដូចជា ការចរចាបង្កើតទីផ្សារថ្មីៗបន្ថែមទៀតតាមរយៈកិច្ចព្រមព្រៀងពាណិជ្ជកម្មសេរីថ្មីៗ ការកសាងច្បាប់ និងលិខិតបទដ្ឋានគតិយុត្តបន្ថែម ព្រមទាំងការបន្តធ្វើទំនើបកម្មសេវាសាធារណៈ ការកាត់បន្ថយនីតិវិធីនិងកិច្ចសម្រួលពាណិជ្ជកម្មនានា ដែលបានជួយសម្រួលយ៉ាងច្រើនដល់ការធ្វើធុរកិច្ចនិងពាណិជ្ជកម្មនៅកម្ពុជាកាន់តែប្រសើរឡើង។

ជាមួយគ្នានេះ លោក ប៉ាន សូរស័ក្តិ ក៏បានជម្រាបអំពីស្ថានភាពល្អប្រសើរនៃការគ្រប់គ្រងជំងឺកូវីដ-១៩ ក្រោមការដឹកនាំប្រកបដ៏ឈ្លាសវៃ និងចក្ខុវិស័យវែងឆ្ងាយរបស់ សម្តេចតេជោនាយករដ្ឋមន្រ្តី ដែលនាំឱ្យសេដ្ឋកិច្ចកម្ពុជាស្ទុះងើបឡើងវិញយ៉ាងឆាប់រហ័សពីវិបត្តិជំងឺកូវីដ-១៩។

ក្នុងឱកាសនោះដែរ លោកស្រី Anbinh Phan បានវាយតម្លៃខ្ពស់ចំពោះសមត្ថភាពក្នុងការគ្រប់គ្រងស្ថានភាពនៃជំងឺកូវីដ-១៩ ដ៏មានប្រសិទ្ធភាពរបស់កម្ពុជា ក៏ដូចជាអបអរសាទរចំពោះការសម្រេចបានកិច្ចព្រមព្រៀងពាណិជ្ជកម្មសេរីថ្មីៗ ព្រមទាំងជម្រាបជូនអំពីចំណាប់អារម្មណ៍ក្នុងការនាំចូលផលិតផលរបស់កម្ពុជាបន្ថែមទៀត ដូចជា គ្រឿងសង្ហារឹម ផ្លែឈើ ម្ហូបអាហារ និងគ្រឿងអេឡិចត្រូនិក ជាដើម។

ទន្ទឹមនឹងនេះ លោកស្រី ក៏បានជម្រាបផងដែរ អំពីបំណងក្នុងការពង្រីកកិច្ចសហប្រតិបត្តិការ ការពង្រឹងភាពជាដៃគូក្នុងសកម្មភាពធុរកិច្ចនិងវិនិយោគ ដែលនឹងចូលរួមចំណែកក្នុងការបង្កើតឱកាសការងារសម្រាប់ប្រជាជនកម្ពុជា ជាពិសេសស្រ្តី ការជំរុញកំណើនសេដ្ឋកិច្ច និងកាត់បន្ថយភាពក្រីក្រ។

លើសពីនេះ លោករដ្ឋមន្រ្តី ប៉ាន សូរស័ក្តិ ក៏បានស្នើឱ្យក្រុមហ៊ុន Walmart ពិនិត្យលទ្ធភាពក្នុងការពង្រីកប្រតិបត្តិការធុរកិច្ចនៅកម្ពុជា និងវិនិយោគលើវិស័យដែលមានសក្តានុពលនានាបន្ថែមទៀតនៅកម្ពុជាផងដែរ និងបង្ហាញពីការត្រៀមខ្លួនរបស់ក្រសួងពាណិជ្ជកម្មក្នុងការសហការ និងជួយសម្រួលដល់ការធ្វើពាណិជ្ជកម្ម និងវិនិយោគនៅកម្ពុជា៕

The post ក្រុមហ៊ុន​លក់​ទំនិញ​រាយ​ធំ​បំផុត​លើ​លោក Walmart ពិនិត្យលទ្ធភាពវិនិយោគនៅកម្ពុជា appeared first on .