លោក Wang Yi បាននិយាយនៅក្នុងសន្និសីទសារព័ត៌មានមួយនៅទីក្រុងប៉េកាំង ប្រទេសចិនថា ៖”នេះជាសង្គ្រាមដែលមិនគួរកើតឡើងតាំងពីដំបូងឡើយ ជាសង្គ្រាមដែលមិនផ្តល់ផលប្រយោជន៍ដល់អ្នកណាម្នាក់នោះឡើយ”។ លោកក៏បានអំពាវនាវឲ្យបញ្ឈប់សកម្មភាពយោធាជាបន្ទាន់ និងបានសង្កត់ធ្ងន់លើតម្រូវការក្នុងការទប់ស្កាត់ការកើនឡើង និងចៀសវាងជម្លោះកាន់តែរីកធំ។

មិនតែប៉ុណ្ណោះ ប្រមុខការទូតចិន បានសង្កត់ធ្ងន់ទៀតថា អធិបតេយ្យភាព សន្តិសុខ និងបូរណភាពទឹកដីរបស់អ៊ីរ៉ង់ ក៏ដូចជាប្រទេសទាំងអស់នៅក្នុងតំបន់ឈូងសមុទ្រពែរ្ស ត្រូវតែគោរព និងមិនត្រូវរំលោភបំពានឡើយ។ ហើយអំណាចមិនបង្កើតយុត្តិធម៌នោះទេ។ ជនស៊ីវិលក៏មិនត្រូវអនុញ្ញាតឲ្យក្លាយជាជនរងគ្រោះទេផងដែរ។

ជម្រាបជូនថា ទីក្រុងប៉េកាំងបានរិះគន់យ៉ាងខ្លាំងចំពោះសកម្មភាពយោធារបស់សហរដ្ឋអាមេរិក និងអ៊ីស្រាអែលនៅក្នុងប្រទេសអ៊ីរ៉ង់ ដែលជាប្រទេសដែលខ្លួនមានទំនាក់ទំនងការទូត និងពាណិជ្ជកម្ម ហើយបានថ្កោលទោសជាពិសេសចំពោះការធ្វើឃាតមេដឹកនាំកំពូលអ៊ីរ៉ង់លោក អាលី ខាមេនី ផងដែរ៕​

The post ចិន ប្រកាសប្រឆាំងដាច់ខាតចំពោះការប្រើប្រាស់កងកម្លាំងនៅមជ្ឈិមបូព៌ា appeared first on .

អ្នកនាំពាក្យក្រសួងការបរទេសចិនបានលើកឡើងថា៖ ពីថ្ងៃទី១៦ រហូតដល់ថ្ងៃទី២១ ខែកុម្ភៈ រដ្ឋមន្ត្រីការបរទេស លោក Wang Yi នឹងចូលរួមសន្និសីថសន្តិសុខក្រុង Munich លើកទី៦០ ដែលលោកនឹងឡើងថ្លែងសន្ទរកថានៅទីនោះ។

បន្ទាប់ពីបញ្ចប់ភារកិច្ចនៅប្រទេសអាល្លឺម៉ង់ ប្រមុខការទូតចិនរូបនេះ នឹងបន្តដំណើរទស្សនកិច្ចទៅកាន់ប្រទេសអេស្ប៉ាញ និងបារាំង ដែលលោក Wang នឹងរៀបចំកិច្ចសន្ទនាយុទ្ធសាស្ត្រចិន-បារាំង។

គួសបញ្ជាក់ដែរថា កិច្ចប្រជុំសន្តិសុខប្រចាំឆ្នាំនៅទីក្រុង Munich ប្រមូលផ្តុំឥស្សរជនយោធាមកពីជុំវិញពិភពលោក ហើយត្រូវបានគេមើលឃើញថាជារង្វាស់នៃទំនាក់ទំនងឆ្លងអាត្លង់ទិក ខណៈដំណើរទស្សនកិច្ចទៅអេស្ប៉ាញ គឺជាការបំពេញទស្សនកិច្ចលើកដំបូងរបស់លោក Wang ក្នុងរយៈពេល ៦ឆ្នាំចុងក្រោយ៕

The post ប្រមុខការទូតចិន គ្រោងបំពេញទស្សនកិច្ចនៅប្រទេសចំនួន០៣ ក្នុងតំបន់អឺរ៉ុប appeared first on .

ប្រមុខការទូតចិនបានលើកឡើងបែបនេះ អំឡុងពេលជួបពិភាក្សាការងារជាមួយ​រដ្ឋមន្ត្រីការ​បរទេស​អេហ្ស៊ីប លោក Sameh Shoukry នៅទីក្រុង Cairo ដោយបានសង្កត់ធ្ងន់ថា សង្គ្រាមនៅតំបន់ហ្កាហ្សា បានបង្កឲ្យមានមនុស្សបាត់បង់ជីវិតជាច្រើន ធ្វើឲ្យកើតមានវិបត្តិមនុស្សធម៌ និងជះឥទ្ធិពលអវិជ្ជមានទូទាំងពិភពលោក។

លោក Wang ថែមទាំងបានលើកឡើងទៀតថា សមាគមអន្តរជាតិគួរតែយកចិត្តទុកដាក់ ចំពោះបញ្ហាមួយនេះ ព្រោះវាបានធ្វើឲ្យប្រទេសនៅក្នុងតំបន់ជាច្រើនរងផលប៉ះពាល់ ហើយអនាគតតំបន់ហ្កាហ្សា គឺកំពុងធ្លាក់ចុះក្នុងរណ្ដៅយ៉ាងជ្រៅ ពិបាកក្នុងការស្រោចស្រង់ឡើងវិញណាស់។

សូមជម្រាបដែរថា គិតមកទល់ពេលនេះ សង្គ្រាមនៅតំបន់ហ្កាហ្សារវាងប្រទេសអ៊ីស្រាអែល និងក្រុមសកម្មប្រយុទ្ធហាម៉ាស របស់ប៉ាឡេស្ទីន បានអូសបន្លាយរយៈពេល ១០០ថ្ងៃ ហើយបានធ្វើឲ្យមនុស្សរាប់ពាន់នាក់បាត់បង់ជីវិត និងធ្វើឲ្យសេដ្ឋកិច្ចទូទាំងពិភពលោកខាតបង់រាប់រយលានដុល្លារផងដែរ ស្របពេលមហាអំណាចជាច្រើន កំពុងរិះរកវីធីសាស្ត្រដើម្បីដោះស្រាយបញ្ហាមួយនេះ៕

The post ប្រមុខការទូតចិនអំពាវនាវឲ្យមានកិច្ចប្រជុំសន្តិភាពទ្រង់ទ្រាយធំ ជុំវិញបញ្ហាសង្គ្រាមនៅតំបន់ហ្កាហ្សា appeared first on .

យោងតាមការចុះផ្សាយពីសារព័ត៌មាន Reuters បានរាយការណ៍ថា រដ្ឋមន្ត្រីការបរទេសចិន នឹងចាប់ផ្ដើមដំណើរទស្សនកិច្ច ដោយជួបជាមួយប្រមុខការទូតអាមេរិក លោក Antony Blinken ហើយក្រោយបញ្ចប់កិច្ចពិភាក្សា រដ្ឋមន្ត្រីជាន់ខ្ពស់ទាំង ២រូប ក៏នឹងទទួលទានអាហារពេលល្ងាច​ជាមួយគ្នាផងដែរ។

នាថ្ងៃទី២៧ ខែតុលា លោក Wang នឹងជួបជាមួយទីប្រឹក្សាសន្តិសុខជាតិ លោក Jake Sullivan នៅសេតវិមាន ខណៈមិនមានការបញ្ជាក់ពីជំនួបរវាងលោក និងមេដឹកនាំអាមេរិកឡើយ ប៉ុន្តែ​មានក្ដីរំពឹងខ្ពស់ថា រដ្ឋមន្ត្រីការបរទេសចិន នឹងទទួលបានឱកាសជួបជជែកជាមួយលោក ចូ បៃដិន ដូចទៅនឹងមេដឹកនាំចិន លោក ស៊ី ជិនពីង ស្វាគមន៍ប្រមុខការទូតអាមេរិក Blinken កាលពីខែមិថុនា នៅទីក្រុងប៉េកាំង។

សូមជម្រាបដែរថា មេដឹកនាំកំពូលចិន អាចនឹងបំពេញទស្សនកិច្ចទៅកាន់សហរដ្ឋអាមេរិក នាពេលឆាប់ៗខាងមុខ បន្ទាប់ពីទទួលបានការអញ្ជើញពីប្រធានាធិបតីអាមេរិក សម្រាប់ការចូលរួមវេទិកាកិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក ហៅកាត់ APEC ធ្វើឡើងនាខែក្រោយ នៅទីក្រុង San Francisco៕

The post ប្រមុខការទូតចិន ចាប់ផ្ដើមបំពេញទស្សនកិច្ចទៅអាមេរិក ខណៈជំនួបជាមួយលោក បៃដិន នៅស្រពេចស្រពិល appeared first on .

ក្នុងដំណើរទស្សនកិច្ចលើកដំបូង បន្ទាប់ពីខកខានជិត ៥ឆ្នាំ ប្រមុខការទូតចិន នឹងចំណាយពេលពីថ្ងៃព្រហស្បតិ៍ ដល់ថ្ងៃសៅរ៍ ជជែកទល់មុខជាមួយភាគីអាមេរិក ជុំវិញបញ្ហា​ការធ្វើពាណិជ្ជកម្ម សង្គ្រាមនៅអ៊ុយក្រែន សង្គ្រាមនៅតំបន់មជ្ឈិមបូព៌ា បញ្ហាកោះតៃវ៉ាន់ និងសកម្មភាពនៅតំបន់សមុទ្រចិនខាងត្បូង។

“ពួកយើងជឿថា ការជជែកទល់មុខគ្នា គឺជាមធ្យោបាយល្អបំផុត ក្នុងការរកដំណោះស្រាយ​សម្រាប់បញ្ហាដែលកំពុងកើតមាន ជៀសវៀងការយល់ច្រលំ និងខ្វែងគំនិតគ្នា ខណៈវាក៏នឹង​ជួយឲ្យប្រទេសទាំង ២ អាចធ្វើការជាមួយគ្នាផងដែរ”។ នេះបើតាមសម្ដីរបស់មន្ត្រីជាន់ខ្ពស់​អាមេរិកមួយរូបបាននិយាយ។

សូមជម្រាបដែរថា ប៉ុន្មានខែចុងក្រោយនេះ ទាំងអាមេរិក និងចិន ហាក់ព្យាយាមមិន​បង្កជម្លោះ ខណៈកាលពីខែមុន​មេដឹកនាំសភាភាគច្រើន លោក Chuck Schumer បានជួបជជែកជាមួយ​មេដឹកនាំកំពូលចិន ដោយបានសង្កត់ធ្ងន់ថា ទំនាក់ទំនងរវាងអាមេរិក និងចិន នឹងកំណត់ជោគវាសនា របស់មនុស្សជាតិនាពេលអនាគត៕

The post ប្រមុខការទូតចិន គ្រោងបំពេញទស្សនកិច្ចទៅអាមេរិកនាសប្ដាហ៍នេះ appeared first on .

សារព័ត៌មាន CNA បានដកស្រង់សម្ដីរបស់លោក Wang ដែលបានលើកឡើងថា៖ សកម្មដែលអ៊ីស្រាអែលបានធ្វើ គឺវាលើសពីអ្វីដែលពួកគេអះអាងថា ការពារខ្លួន។ ពួកគេគួរតែ​បើកចិត្តឲ្យទូលាយ ស្ដាប់ការសម្របសម្រួលពីសមាគមន៍អន្តរជាតិ និងអង្គការសហប្រជាជាតិ ហើយត្រូវតែបញ្ឈប់រាល់ការដាក់ទណ្ឌកម្មលើប្រជាជននៅតំបន់ Gaza។

គួររំលឹកដែរថា បន្ទាប់ពីរងការវាយឆ្មក់ពីក្រុមសកម្មប្រយុទ្ធប៉ាឡេស្ទីនកាលពីថ្ងៃសៅរ៍សប្ដាហ៍មុន កងកម្លាំងអ៊ីស្រាអែល បានបើកការវាយប្រហារវិញភ្លាមៗនៅតំបន់ Gaza ដែលជាមូលដ្ឋាន​របស់​ក្រុមឧទ្ទាមហាម៉ាស និងបានសម្លាប់ប្រជាជនច្រើនជាង ២ ២០០នាក់។

ជម្រាបបន្ថែមថា ស្ថានីយ៍ទូរទស្សន៍ជាតិចិន CCTV បានរាយការណ៍កាលពីថ្ងៃអាទិត្យម្សិលមិញ​ថា បេសកជនពិសេសរបស់ចិន លោក Zhai Jun នឹងបំពេញទស្សនកិច្ចទៅកាន់តំបន់​មជ្ឈិមបូព៌ា​នាសប្ដាហ៍ក្រោយ ដើម្បីពន្លឿនការចរចាសន្តិភាព និងសំណូមពរឲ្យឈប់បាញ់បោះ រវាង​ក្រុមហាម៉ាស និងកងកម្លាំងអ៊ីស្រាអែល៕

The post ប្រមុខការទូតចិន៖ អ៊ីស្រាអែលកំពុងតែធ្វើ លើសពីអ្វីដែលពួកគេអះអាងថា ការពារខ្លួន appeared first on .

ជាមួយគ្នានោះ ក្រសួងការបរទេសចិនក៏បាននិយាយនៅក្នុងសេចក្ដីថ្លែងការណ៍មួយថា លោក វ៉ាង នឹងអញ្ជើញទៅប្រទេសរុស្សី ដើម្បីរៀបចំការពិគ្រោះយោបល់សន្តិសុខជាយុទ្ធសាស្ត្រចិន-រុស្ស៊ី ហៅកាត់ SSCC លើកទី១៨ ពីថ្ងៃទី១៨ ដល់ថ្ងៃទី២១ ខែកញ្ញា ក្រោមការអញ្ជើញពីលេខាធិការនៃក្រុមប្រឹក្សាសន្តិសុខទីក្រុងម៉ូស្គូ លោក Nikolai Patrushev។

គួររំលឹកដែរថា កាលពីខែមុន រដ្ឋមន្ត្រីការពារជាតិចិន លោក Li Shangfu ក៏ធ្លាប់បំពេញទស្សនកិច្ច​ទៅកាន់រុស្ស៊ី និងបេឡារុស ដោយអំពាវនាវឲ្យបង្កើនកិច្ចសហប្រតិបត្តិការយោធាផងដែរ។

ជម្រាបបន្ថែមថា ចិន និងរុស្ស៊ី គឺជាដៃគូយុទ្ធសាស្ត្រដ៏ជិតស្និទ្ធ ដោយបានចាត់ទុកទំនាក់ទំនង​របស់ពួកគេ គឺគ្មានដែនកំណត់ឡើយ ទាំងកិច្ចសហប្រតិបត្តិការផ្នែកសេដ្ឋកិច្ច និងយោធា ខណៈ​កាលពីខែមីនាកន្លងទៅ ប្រធានាធិបតីចិន ស៊ី ជិនពីង បានបំពេញទស្សនកិច្ចទៅរុស្ស៊ី ស្របពេល​ប្រធានាធិបតីរុស្ស៊ី វ៉្លាឌីមៀ ពូទីន ក៏ធ្លាប់បង្ហើបកាលពីខែកក្កដាថា លោកនឹងធ្វើទស្សនកិច្ចទៅចិន​នាខែតុលាខាងមុខ៕

The post ប្រមុខការទូតចិន វ៉ាង យី នឹងបំពេញទស្សនកិច្ចទៅរុស្ស៊ីរយៈពេល ៤ថ្ងៃ appeared first on .

ជាមួយគ្នានោះ មន្ត្រីជាន់ខ្ពស់ទាំង ៤រូបនេះ ក៏បានជួបពិភាក្សាការងារជាមួយ​នឹងប្រមុខការទូតចិន លោក Wang Yi រៀងៗខ្លួនផងដែរ។

អំឡុងពេលជួបពិភាក្សាការងាររវាងនាយករដ្ឋមន្ត្រី Gunawardena និងរដ្ឋមន្ត្រីការបរទេសចិន នាយករដ្ឋមន្ត្រីស្រីលង្កានិយាយថា ស្រីលង្កានឹងធ្វើការជាមួយចិន ដើម្បីអនុវត្តជាស៊េរីនៃគំនិតផ្តួចផ្តើមជាសកលសំខាន់ៗ ដែលស្នើឡើងដោយប្រទេសចិន ហើយទន្ទឹងរង់ចាំការពង្រីកកិច្ចសហប្រតិបត្តិការទ្វេភាគី ក្នុងវិស័យផ្សេងៗដូចជាសេដ្ឋកិច្ច ពាណិជ្ជកម្ម និងការវិនិយោគ។

មួយវិញទៀត ឡាវក៏បានសន្យាថា នឹងព្យាយាមលើកកំពស់កិច្ចសហប្រតិបត្តិរវាងប្រទេសទាំង២ បង្កើន និងធ្វើឲ្យកាន់តែស៊ីជម្រៅនូវការជឿទុកចិត្តគ្នាខាងនយោបាយ ក៏ដូចជាពង្រឹងកំណើនពាណិជកម្មរវាងឡាវ និងចិន។ នេះបើតាមសម្ដដីរបស់លោកស្រី Pany បានលើកឡើង។

ចំពោះនេប៉ាល់វិញ បានចាត់ទុកចិនជាអាទិភាពសម្រាប់គោលនយោបាយបរទេស ហើយក៏សន្យា​នឹង​បន្តគាំទ្រដល់គោលនយោបាយ “ចិនតែមួយ” ដូចដើម ខណៈពេលជួប​ជាមួយភាគីវៀតណាម លោក Wang និយាយថា វៀតណាម និងចិនគួរតែការរៀបចំសម្រាប់ការផ្លាស់ប្តូរកម្រិតខ្ពស់ ធ្វើឱ្យស៊ីជម្រៅ ទុកចិត្តគ្នាទៅវិញទៅមកជាយុទ្ធសាស្រ្ត និងរួមគ្នាការពារសន្តិសុខនយោបាយ និងស្ថាប័ននានា។

The post ឥស្សរជនកំពូលៗណាខ្លះជួប Wang Yi ក្នុងវេទិកាពិព័រណ៍ចិន-អាស៊ីខាងត្បូង? appeared first on .

យ៉ាងណាមិញ បើតាមការបញ្ជាក់ពីសារព័ត៌មានធំៗ បានបង្ហាញថា លោក Wang Yi នឹងចាប់ផ្តើមធ្វើដំណើទស្សនកិច្ចទៅកាន់ប្រទេសិង្ហបុរីមុនគេ បន្ទាប់មកនៅប្រទេសម៉ាឡេស៊ី និងចុងក្រោយនៅកម្ពុជា ខណ:ការមកកាន់ប្រទេសនៅតំបន់អាស៊ាននេះ ត្រូវបានគេរាយការណ៍ថា រដ្ឋមន្ត្រីការបរទេសជើងរូបនេះ មានគោលបំណងចង់ពង្រឹងទំនាក់ទំនងទ្វេភាគី រវាងចិន និងប្រទេសទាំងបី ក៏ដូចជាចង់អភិវឌ្ឍនូវគោលនយោបាយ និងការវិនិយោគ បន្ថែមទៀត។

ជុំវិញវត្តមានប្រមុខការទូតចិនដ៏មានឥទ្ធពលរូបនេះ នៅលើទឹកដីព្រះរាជាណាចក្រកម្ពុជា នាពេលខាងមុខ ឧកញ៉ាញូស៍ សូមលើកយកប្រវត្តិទាក់ទងខ្លះៗ ក៏ដូចជាស្មាដៃធំៗ របស់លោក Wang Yi មកបង្ហាញជូញដូចតទៅ ៖

លោក Wang Yi បានកើតនៅខែតុលាឆ្នាំ ១៩៥៣ នៅទីក្រុងប៉េកាំង ប្រទេសចិន ដោយគាត់បានចាប់ផ្តើមការងារដំបូងរបស់ខ្លួន នៅក្នុងខែកញ្ញាឆ្នាំ ១៩៦៩ និងបានចូលរួមជាមួយបក្សកុម្មុយនីស្តចិន (CPC) នៅខែឧសភាឆ្នាំ ១៩៨១។

ចំពោះប្រវត្តិសិក្សា លោក Wang បានបញ្ចប់ការសិក្សាពីនាយកដ្ឋានអាស៊ី និង ភាសាអាហ្វ្រិក នៃវិទ្យាស្ថានភាសាបរទេសទី ២ របស់ទីក្រុងប៉េកាំង ដោយលោកបានបញ្ចប់កម្មវិធីសិក្សាថ្នាក់បរិញ្ញាបត្រភាសាជប៉ុន ខណ: លោកក៏ទទួលបានសញ្ញាប័ត្រអនុបណ្ឌិតផ្នែកសេដ្ឋកិច្ចផងដែរ ។

ក្រឡេកទៅមើលបទពិសោធការងាររបស់លោក Wang ពិតជាមិនធម្មតានោះទេ ឧកញ៉ាញូស៍សូមលើកយកបទពិសោធនការងារសំខាន់ៗ ដូចខាងក្រោម៖

-នៅឆ្នាំ ១៩៨២-១៩៨៩ ជាអនុប្រធាននាយកដ្ឋានក្រសួងការបរទេស និងនាយកដ្ឋានកិច្ចការអាស៊ី

-ឆ្នាំ ១៩៨២-១៩៨៩ ជាប្រធាននាយកដ្ឋានក្រសួងការបរទេស និងនាយកដ្ឋានកិច្ចការអាស៊ី

-ក្នុងឆ្នាំ ១៩៨២-១៩៨៩ ជាមន្ត្រីក្រសួងការបរទេស នាយកដ្ឋានកិច្ចការអាស៊ី

-ឆ្នាំ ១៩៨៩-១៩៩៤ ជាទីប្រឹក្សាស្ថានទូតចិនជប៉ុន តូក្យូ

-ឆ្នាំ ១៩៩៤-១៩៩៥ ជាអនុប្រធានក្រសួងការបរទេស នាយកដ្ឋានកិច្ចការអាស៊ី

-ឆ្នាំ ១៩៩៥-១៩៩៨ ជាប្រធានក្រសួងការបរទេស នាយកដ្ឋានកិច្ចការអាស៊ី

-ឆ្នាំ ១៩៩៨-២០០១ ជានាយកក្រសួងការបរទេស និងការិយាល័យស្រាវជ្រាវគោលនយោបាយ

-ឆ្នាំ ១៩៩៨-២០០១ ជាជំនួយការរដ្ឋមន្ត្រីក្រសួងការបរទេស ឆ្នាំ ២០០១-២០០៤ ជាអនុរដ្ឋមន្រ្តីក្រសួងការបរទេសឆ្នាំ ២០០៤-២០០៧ ជាឯកអគ្គរដ្ឋទូតចិន ប្រចាំស្ថានទូតជប៉ុនក្នុងទីក្រុងតូក្យូ

-ឆ្នាំ ២០០៧-២០១២ ជាសមាជិកកម្មាធិការកណ្តាលបក្សកុម្មុយនីស្តចិន CPC ទី ១៧

-ឆ្នាំ ២០០៨-១៣ ជាមន្ត្រីការិយាល័យកិច្ចការកោះតៃវ៉ាន់ នៃក្រុមប្រឹក្សារដ្ឋ

-ឆ្នាំ ២០១២-២០១៧ ជាសមាជិកកម្មាធិការកណ្តាលបក្សកុម្មុយនីស្តចិន CPC ទី ១៨

-ឆ្នាំ ២០១៣-២០១៨ ជារដ្ឋមន្ត្រីក្រសួងការបរទេស

-ចាប់តាំងពីឆ្នាំ ២០១៨ រហូតដល់បច្ចុប្បន្ន ជាសមាជិកនៃគណៈកម្មាធិការកណ្តាល CPCទី ១៩ ទីប្រឹក្សារដ្ឋ សមាជិកមន្ត្រីជាន់ខ្ពស់របស់ CPC និងជារដ្ឋមន្តីក្រសួងការបរទេស ។

តទៅនេះ សូមបង្ហាញស្នាដៃធំៗមួយចំនួន ដែលលោក Wang អាចសម្រេចបាន នាពេលកន្លងមក ៖

• ពង្រឹងកិច្ចសហប្រតិបត្តិការវ៉ាក់សាំង ដើម្បីកសាងជញ្ជាំងដ៏ធំប្រឆាំងនឹងកូវីដ ១៩

• លើកកម្ពស់សាមគ្គីភាព និងកិច្ចសហប្រតិបត្តិការក្នុងការស្វែងរកពហុភាគីនិយម

• បញ្ចប់ការប្រើប្រាស់អំពើហឹង្សាជាបន្ទាន់ ដើម្បីរក្សាភាពស្មើគ្នា និងយុត្តិធម៌

• ផ្តោតលើកិច្ចសហប្រតិបត្តិការ និងការគ្រប់គ្រងភាពខុសគ្នា៖ នាំចិន-អាមេរិក វិលមកចាប់ដៃគ្នាឆ្ពោះទៅរកការអភិវឌ្ឍដោយសំឡេង និងស្ថិរភាព

ទោះជាយ៉ាងណា នៅមានស្នាដៃធំៗជាច្រើនផ្សេងទៀត របស់លោក Wang Yi ដែលយើងមិនអាចរៀបរាប់អស់ ៕

The post មកដឹងប្រវត្តិ និងស្មាដៃធំៗរបស់ប្រមុខការទូតចិន ដែលនឹងមកបំពេញទស្សនកិច្ចនៅកម្ពុជា appeared first on .

យោងតាមការចុះផ្សាយពីសារព័ត៌មាន Malaymail បានបង្ហាញថា ប្រមុខការទូតចិន នឹងបំពេញទស្សនកិច្ចទៅកាន់ប្រទេសម៉ាឡេស៊ី រយៈពេល ២ថ្ងៃ ពីថ្ងៃទី ១១ ដល់ថ្ងៃទី ១២ ខែសីហា មុនបន្តមកកាន់ប្រទេសកម្ពុជា ដែលជាសម្ព័ន្ធមិត្តដែកថែប។

ដោយឡែក ក្នុងដំណើរទស្សនកិច្ចផ្លូវការលើកទី ០៦ ដែលលោក វ៉ាង មកកាន់ប្រទេសម៉ាឡេស៊ី លោកនឹងជួបជជែកជាមួយនាយករដ្ឋមន្ត្រី Anwar Ibrahim ហើយនឹងជជែកគ្នាឲ្យកាន់តែ​ស៊ីជម្រៅ ពីទំនាក់ទំនងទ្វេភាគី ទាំងបញ្ហាក្នុងតំបន់ និងអន្តរជាតិ ដើម្បីផលប្រយោជន៍ប្រទេសទាំង ២។

សូមជម្រាបបន្ថែមថា បន្ទាប់ពីបញ្ចប់ភារកិច្ចនៅប្រទេសម៉ាឡេស៊ីរួចរាល់ មិត្តជិតស្និទ្ធរបស់កម្ពុជា​រូបនេះ នឹងធ្វើដំណើរ​មកកាន់​កម្ពុជាភ្លាមៗ ហើយនឹងបញ្ចប់​ដំណើរទស្សនកិច្ច​នៅប្រទេស ៣ ក្នុងតំបន់អាស៊ានត្រឹមថ្ងៃទី ១៣ ខែសីហានេះតែម្ដង៕

The post ប្រមុខការទូតចិន ចាប់ផ្ដើមបំពេញទស្សនកិច្ចទៅម៉ាឡេស៊ី មុនចូលមកកម្ពុជា appeared first on .