Weekly Business Recap

សរុបព័ត៌មានអាជីវកម្មសំខាន់ៗប្រចាំសប្ដាហ៍

ឧកញ៉ាមហាសម្បត្តិ — Sat, 27 Aug 2022 23:36:00 +0000

ជារៀងរាល់សប្តាហ៍ ក្រុមផលិតព័ត៌មានឧកញ៉ាញូសន៍ផ្នែកអាជីវកម្ម បានចុះស្រាវជ្រាវដើម្បីនាំព័ត៌មានពីអាជីវកម្មផ្សេងៗ ដើម្បីចូលរួមបំផុសចលនាគាំទ្រផលិតផលក្នុងស្រុក។

សប្តាហ៍នេះដែរ ក្រុមការងាររបស់យើងក៏បានសម្ភាសន៍ពីសហគ្រាសក្នុងស្រុកមួយចំនួន ដែលបានកែច្នៃផលិតផលលក់លើទីផ្សារ និងទទួលបានការចាប់អារម្មណ៍ពីមហាជន ក៏ដូចជាថ្នាក់ដឹកនាំរហូតដល់តារាល្បីនៅហូលីវូដ៕

សហគ្រាសច្នៃអាហារសម្រន់មួយ ល្បីដល់ចៅហ្វាយខេត្តបាត់ដំបង មានចំណុចពិសេសអីខ្លះ?

ឃើញគម្រោងធំ ៣ ទើបដឹងថាជប៉ុន កំពុងបោះទុនរយលានដុល្លារវិនិយោគនៅប្រទេសកម្ពុជា

ប្រវត្តិនំស្រួយលីលីរបស់ខ្មែរ បង្កើតបានជាង ២០ ឆ្នាំ សាងកេរ្តិ៍ឈ្មោះល្បីខ្ទរខ្ទារ រហូតនាំចេញទៅ ១៣ ប្រទេស

ស្បែកជើង កម្រាលជូតជើងច្នៃពីស្រកីដូងសិប្បកម្មជនពិការនៅខេត្តតាកែវ ល្បីដល់តារាហូលីវូដ អែនជេលីណា ជូលី

មកដល់ពេលនេះ ផ្សារទំនើបអ៊ីអនទាំង ៣ កន្លែង ចាយទុនអស់ជាង ៧០០ លានដុល្លារ

AEON Mall 1 reopened on Dec. 2 following the country’s first community infection. Photo by K/T Pann Rachana

The post សរុបព័ត៌មានអាជីវកម្មសំខាន់ៗប្រចាំសប្ដាហ៍ appeared first on .

សរុបព័ត៌មានអាជីវកម្មសំខាន់ៗប្រចាំសប្តាហ៍

ឧកញ៉ាមហាសម្បត្តិ — Sun, 21 Aug 2022 03:31:51 +0000

នៅសប្តាហ៍នេះ មានព័ត៌មានជុំវិញអាជីវកម្មជាច្រើនបានកើតឡើង ហើយសុទ្ធតែដំណឹងគួរឲ្យចាប់អារម្មណ៍សម្រាប់មិត្តអ្នកអាន។

ព័ត៌មានដំបូងគេនេះ គឹឧកញ៉ាញូសន៍បានបង្ហាញពីប្រវត្តិសមាគមពាណិជ្ជកម្មកម្ពុជា-ចិន (CCCA) ដែលជាសមាគមមួយក្នុងចំណោមសមាគមចិនឈានមុខគេ ដែលបានបើកសម្ពោធការិយាល័យតំណាងប្រចាំនៅកម្ពុជា។

សមាគមពាណិជ្ជកម្មកម្ពុជាចិន ហៅកាត់ថា CCCA គឺដើម្បីផ្សារភ្ជាប់ទំនាក់ទំនងរវាងសហគ្រិន អ្នកវិនិយោគដែលមានបទពិសោធន៍វិនិយោគក្នុងប្រទេសកម្ពុជា ជាមួយសហគ្រិន និងអ្នកវិនិយោគមកពីបណ្តាប្រទេសក្នុងទ្វីបអាស៊ី ដែលមានបំណងចង់មកវិនិយោគក្នុងប្រទេសកម្ពុជា។

បេសកកម្មរបស់ CCCA រួមមានការលើកកម្ពស់ពាណិជ្ជកម្ម និងការអភិវឌ្ឍន៍ឧស្សាហកម្ម ព្រមទាំងគាំទ្រក្រុមហ៊ុនចាប់ផ្តើមអាជីវកម្ម និងបំពេញទំនួលខុសត្រូវសង្គមឲ្យកាន់តែប្រសើរឡើង។

ព័ត៌មានដ៏សំខាន់មួយទៀត គឺអគ្គនាយកដ្ឋានជំរុញពាណិជ្ជកម្មអន្តរជាតិនៃក្រសួងពាណិជ្ជកម្មថៃ បានអញ្ជើញសហគ្រិនខ្មែរទៅចូលរួមកម្មវិធីពិព័រណ៍គ្រឿងអលង្ការ និងត្បូងពេជ្រលើកទី ៦៧ នាទីក្រុងបាងកក ប្រទេសថៃចាប់ពីថ្ងៃទី ៧ – ១១ ខែ កញ្ញា ឆ្នាំ ២០២២។

នៅក្នុងពិព័រណ៍នេះ នឹងមានការដាក់បង្ហាញទំនិញគ្រឿងអលង្ការ ត្បូងពេជ្រមានតម្លៃ និងឧបករណ៍សម្ភារៈសម្រាប់ផលិតគ្រឿងអលង្ការជាច្រើនប្រភេទ ដែលផលិតនៅប្រទេសថៃ និងនៅបរទេស។

នៅសប្តាហ៍នេះដែរ ព័ត៌មានដ៏គួរឲ្យចាប់អារម្មណ៍មួយទៀត គឺវត្តមានផ្សារទំនើបដ៏ធំពីររបស់ក្រុមហ៊ុនជីបម៉ុង និងអីអន នឹងបង្ហាញវត្តមាននៅតំបន់ខាងត្បូងរាជធនីភ្នំពេញ។

គម្រោងផ្សារទំនើបដ៏ធំដែលចាយទុនវិនិយោគជាង ៣០០ លានដុល្លារ កំពុងដំណើរសាងសង់គ្រោងបញ្ចប់និងដាក់ឲ្យដំណើកការនៅចុងឆ្នាំ២០២២ ឬដើមឆ្នាំ២០២៣។

ក្រៅពីព័ត៌មានសំខាន់ទាំងនេះ ឧកញ៉ាញូស៍ក៏នាំព័ត៌មានពីសហគ្រាសតាមបណ្តាខេត្ត និងអាជីវកម្មតាមដងផ្លូវមួយចំនួនផងដែរ។

លម្អិតបន្ថែម សូមចុចតាមតំណងលីងខាងក្រោមនេះ

១/មកដឹងប្រវត្តិសមាគមពាណិជ្ជកម្មកម្ពុជា-ចិន ទើបបើកការិយាល័យនៅកម្ពជា ដាក់គោលដៅជួយសហគ្រាស SME

២/ថៃរៀបចំពិព័រណ៍គ្រឿងអលង្ការ និងត្បូងពេជ្រ អញ្ជើញពាណិជ្ជករខ្មែរ ដោយផ្តល់កន្លែងស្នាក់នៅ ៣ យប់

៣/ ចេញរូបរាង ឆាប់ៗនេះជិតមានផ្សារទំនើបធំពីរ ចាយទុនជាង ៣០០ លានដុល្លារ នៅខាងត្បូងរាជធានីភ្នំពេញ

៤/ ទឹកត្រីអ៊ីឆេ ង៉ូវហេង ល្បីបំផុតនៅកំពត បង្កើតបានជាង ២៧ ឆ្នាំ ប្រើរូបមន្តផលិតពិសេសតជំនាន់

៥/ យុវតីវ័យក្មេងមួយរូប មួយខែអាចរកចំណូលបានពី ៥០០ ទៅ ៦០០ ដុល្លារ ដោយសាររបរលក់ទឹកឃ្មុំធម្មជាតិ

៦/ ស្ងាត់ៗប្រជាកសិករនៅខេត្តសៀមរាប ប្រមូលផលផ្លែល្មើលើផ្ទៃដីប្រមាណជាង ១៥ ហិចតា

៧/ អ្នកលក់ដំឡូងមីស្ងោរនៅផ្សារបឹងត្របែក មួយព្រឹកលក់ដាច់ជាង ៥០ គីឡូក្រាម

The post សរុបព័ត៌មានអាជីវកម្មសំខាន់ៗប្រចាំសប្តាហ៍ appeared first on .

សរុបព្រឹត្តិការណ៍អាជីវកម្មសំខាន់ៗនៅសប្តាហ៍នេះ

ឧកញ៉ាមហាសម្បត្តិ — Sun, 14 Aug 2022 02:28:51 +0000

នៅសប្តាហ៍នេះ មានព័ត៌មានអាជីវកម្មជាច្រើនដែលបានកើតឡើង។ ព័ត៌មានដ៏គួរឲ្យចាប់អារម្មណ៍បំផុតគឺគម្រោងផ្សារទំនើបអ៊ីអនទី ៣ កំពុងលេចរូបរាង ឈានទៅបញ្ចប់តាមការគ្រោងទុកនៅឆ្នាំ ២០២២។

ហាងកាហ្វេយីហោដ៏ល្បីរបស់អាមេរិក Starbucks ក៏បានប្រកាសពង្រីកសាខាថ្មីមួយទៀតនៅផ្លូវ ២០០៤ មានទីតាំងជាប់សាលាអន្តរជាតិ CIA FIRST (ទល់មុខបូរី អ័រគីដេ) ផ្លូវ ២០០៤ ភូមិ ស្លែងរលើង សង្កាត់ អូរបែកក្អម ខណ្ឌ សែនសុខ។

Starbucks គឺជាហាងកាហ្វេប្រេនដ៏ល្បីមួយរបស់អាមេរិកបង្កើតឡើងដោយលោក Howard Schultz ហើយដែលគេដឹងថាជាប្រេនកាហ្វេយីហោសម្រាប់អ្នក high-class។

ក្នុងសន្និសីទពីវឌ្ឍនភាពក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ដែលរៀបចំឡើងនៅសប្តាហ៍នេះ បានបង្ហាញពីវឌ្ឍនៈភាពរយៈពេល ៥ ឆ្នាំ។ ពីឆ្នាំ ២០១៧ ដល់ ២០២១ ក្រសួងបានចុះបញ្ជីសហគ្រាសអាជីវកម្មបង្កើតថ្មីមានចំនួន ៣,៩៥៣ មូលដ្ឋាន និងផ្តល់វិញ្ញាបនបត្របន្តដំណើរការចំនួន ២,៧១២ មូលដ្ឋាន។

គិតមកដល់ខែតុលា ឆ្នាំ២០២១នេះ ក្រសួងបានចុះបញ្ជីមូលដ្ឋានសហគ្រាសធុនតូច មធ្យម និង សិប្បកម្មសរុបមានចំនួន ៤៣,២៧៦មូលដ្ឋាន និងបង្កើតការងារបានចំនួន ៤៣៥,៩០៥ នាក់៕

ដោយឡែកនៅសប្តាហ៍នេះ ឧកញ៉ាញូស៍ក៏បានណែនាំភោជនីយដ្ឋានខ្មែរ ៣ កន្លែង ដែលបម្រើអាហារសុវត្ថិភាព ច្នៃប្រឌិតម្ហូបអាហារថ្មីៗ ព្រមទាំងគិតដល់សុខភាពអ្នកបរិភោគ។ ភោជនីយដ្ឋានទាំង ៣ នោះរួមមាន ភោជនីយដ្ឋានអូក្រា ភោជនីយដ្ឋានមាតុភូមិ និងភោជនីយដ្ឋាន ផាកកាហ្វេ។

ព័ត៌មានផ្សេងៗទៀតនិងលម្អិតបន្ថែម សូមចុចលីងខាងក្រោមនេះ៖

–រូបភាពថ្មីចុងក្រោយ ផ្សារទំនើបអ៊ីអន ៣ សាងសង់ជិតរួច ១០០% គ្រោងបញ្ចប់ទាន់ផែនការ

–រដ្ឋសម្រេចលើកលែងការស្នើសុំចំណាត់ថ្នាក់សណ្ឋាគារ និងសេវាកម្មស្នាក់ជាសហគ្រាស ធុនតូច និងមធ្យម

–មកដឹងតម្លៃបន្ទប់ស្នាក់នៅប៊ូទិកមួយកន្លែង ទើបបើកថ្មី នៅជិតផ្សារអូឡាំពិក

–Starbucks យីហោកាហ្វេអាមេរិក ពង្រីកខ្លួនបន្ថែមមួយសាខាទៀតនៅផ្លូវ ២០០៤

–ស្ថានីយប្រេងឥន្ធនៈ ២៦៥០ កន្លែង កំពុងដំណើរការទូទាំងប្រទេស

–តម្រូវចិត្តអតិថិជន សហគ្រិនមួយដេរអាវពាក់ក្រៅលក់បាន ១៥ ដុល្លារទៅដល់ ៣៥ ដុល្លារ

–៥ ក្រុមឡើងទៅវគ្គបន្ត កម្មវិធីអ្នកច្នៃប្រឌិតវ័យក្មេង ក្នុងដំណើរឆ្ពោះទៅអភិវឌ្ឍអាជីវកម្មឌីជីថល

–ត្រឹមឆ្នាំ ២០២១ សហគ្រាសធុនតូច មធ្យម និង សិប្បកម្មចំនួន ៤៣,២៧៦ មូលដ្ឋាន បានចុះបញ្ជីក្នុងក្រសួងឧស្សាហកម្ម

–មិនទុកដីចោល ដាំម្នាស់ទឹកឃ្មុំកន្លះហិកតា មួយរដូវទទួលបានចំណូល ៣ លានទៅ ៥ លានរៀល

–ជំនួបឈុតធំ! ម្ចាស់ក្រុមហ៊ុនអាជីវកម្មជាង១៧០០ នឹងចូលរួមក្នុងមហាសន្និបាត BNI ប្រចាំឆ្នាំ ២០២២

–ចង់សាកអាហារសុវត្ថិភាពគ្មានគីមី ភោជនីយដ្ឋានខ្មែរ ៣ កន្លែង ធានាម្ហូបអាហារគិតសុខភាពអតិថិជន

The post សរុបព្រឹត្តិការណ៍អាជីវកម្មសំខាន់ៗនៅសប្តាហ៍នេះ appeared first on .

តាមដានជ្រុងព័ត៌មានសំខាន់ៗ ជុំវិញអាជីវកម្មសប្តាហ៍នេះ

ឧកញ៉ាមហាសម្បត្តិ — Sun, 07 Aug 2022 00:15:00 +0000

ជារៀងរាល់សប្តាហ៍ ក្រុមព័ត៌មានផ្នែកអាជីវកម្មរបស់ឧកញ៉ាញូស៍ បានផលិតព័ត៌មានពីសហគ្រាសអាជីវកម្មនានា ក្នុងប្រទេសកម្ពុជា ដើម្បីចូលរួមផ្សព្វផ្សាយនិងបំផុសចលនាគាំទ្រផលិតផលក្នុងស្រុក។

សប្តាហ៍នេះ យើងបានផ្តោតលើជ្រុងព័ត៌មានពីអាជីវកម្មផ្នែកចំណីអាហារ និងកែច្នៃផលិតផលប្រើប្រាស់។ លម្អិតបន្ថែម សូមចុចលើតំណងលីងខាងក្រោម៕

១/ ម្ចាស់សិប្បកម្មនៅសៀមរាប ច្នៃត្រីងៀតឲ្យមានស្ដង់ដា ដើម្បីនាំចេញទៅក្រៅប្រទេស

២/ អ្នកភូមិជាង ១៥ គ្រួសារច្នៃស្លឹកខុនមារដុះលើខ្នងភ្នំធ្វើដំបូល ជញ្ជាំង ពិដានផ្ទះ រកចំណូលដោះស្រាយជីវភាព

៣/ ភោជនីយដ្ឋានអូក្រា ល្បីធានាប្រើបន្លែគ្មានជាតិគីមី បន្ថែមម្ហូបថ្មីប្លែក ត្រូវចិត្តអ្នកចូលចិត្តអាហារសុខភាព

៤/ ស្រ្តីខ្មែរមួយរូប សូនរមៀតទឹកឃ្មុំប្រើក្នុងគ្រួសារ រហូតទទួលការគាំទ្រខ្លាំងបើកជាសិប្បកម្ម រកចំណូលមួយខែរាប់ពាន់ដុល្លារ

៥/ ក្រុមហ៊ុន ស៊ីភី ខេមបូឌា ពង្រីកខ្លួនប្រកាសស្វែងរកដៃគូសហការ ប្រកបអាជីវកម្មលក់ចំណីសត្វ និងចិញ្ចឹមសត្វ

The post តាមដានជ្រុងព័ត៌មានសំខាន់ៗ ជុំវិញអាជីវកម្មសប្តាហ៍នេះ appeared first on .

សរុបព្រឹត្តិការសំខាន់ៗពីអាជីវកម្មនៅសប្តាហ៍នេះ

ឧកញ៉ាសម្រែ — Sun, 24 Jul 2022 02:25:56 +0000

ពេញមួយសប្តាហ៍នេះ មានព្រឹត្តិការណ៍សំខាន់ៗជាច្រើនកើតឡើងជុំវិញអាជីវកម្ម។ រឿងសំខាន់ដំបូងគេនៅសប្តាហ៍នេះ គឺក្រុមហ៊ុន Coca-Cola ក្នុងប្រទេសកម្ពុជាបានសម្រេចលក់ហ៊ុនទៅឲ្យក្រុមហ៊ុន Swire Coca-Cola Limited ដែលជាបុត្រសម្ព័ន្ធរបស់ក្រុមហ៊ុនមេ Swire Pacific Limited។

បើតាមសេចក្តីប្រកាសរបស់ក្រុមហ៊ុន កាលពីថ្ងៃទី ១៨ ខែកក្កដា ឆ្នាំ២០២២ ប្រតិបត្តិការទិញលក់នេះ គឺជាការវិនិយោគដំបូងរបស់ក្រុមហ៊ុន Swire Coca-Cola ក្នុងតំបន់អាស៊ីអាគ្នេយ៍។ បន្ទាប់ពីការបញ្ចប់កិច្ចព្រមព្រៀងទិញនេះ Swire Coca-Cola នឹងគ្រប់គ្រងនិងដំណើរការរបស់ក្រុមហ៊ុន Cambodia Beverage Company Ltd. ដែលមានរោងចក្រនៅកម្ពុជា។

សប្តាហ៍នេះដែរ ក្រសួងពាណិជ្ជកម្មក៏បានធ្វើសន្និសីទបង្ហាញពីវឌ្ឍនភាពសម្រេចបានក្នុងរយៈពេល ៥ ឆ្នាំ។ គិតត្រឹមឆមាសទី ១ ឆ្នាំ ២០២២ ក្រសួងពាណិជ្ជកម្មបានចុះបញ្ជីផលិតផលជាម៉ាកសម្គាល់ភូមិសាស្ត្រទំនិញ ជាសមូហភាព និងម៉ាកវិញ្ញាតកម្ម ដើម្បីការពារការក្លែងបន្លំ និងលើកកម្ពស់តម្លៃ និងកេរ្តិ៍ឈ្មោះលើទីផ្សារ។

ដោយឡែកក្រុមផលិតព័ត៌មានរបស់ឧកញ៉ាញូសន៍ផ្នែកអាជីវកម្មនៅសប្តាហ៍នេះ ក៏បានស្រាវជ្រាវចងក្រងពីប្រវត្តិផ្សារទំនើបឡាក់គី ដែលជាផ្សារទំនើបដំបូងគេបើកដំណើការអាជីវកម្មជាង ៣០ ឆ្នាំមកហើយ។

ផ្សារទំនើបឡាក់គី ត្រូវបានទទួលស្គាល់ពីជនបរទេស និងភ្ញៀវខ្មែរលំដាប់ខ្ពស់ជាហាងលក់រាយឈានមុខគេនៅកម្ពុជាដែលបើកដំណើរការតាំងពីឆ្នាំ១៩៩៣ ដែលមានលក់ប្រភេទអាហារស្រស់ គ្រឿងទេស និងផលិតផលជាច្រើនប្រកបដោយគុណភាព។

សម្រាប់ព្រឹត្តិការណ៍ និងព័ត៌មានលម្អិតផ្សេងទៀតជុំវិញអាជីវកម្ម ដែលក្រុមការងារឧកញ៉ាញូសន៍ផលិតនៅសប្តាហ៍នេះ សូមចុចតាមតំណលីងខាងក្រោមនេះ

>ភេសជ្ជៈ Coca-Cola នៅកម្ពុជាសម្រេចលក់ភាគហ៊ុនទៅឱ្យក្រុមហ៊ុនហុងកុង
>មកដល់ពេលនេះ មានផលិតផលណាខ្លះបានចុះបញ្ជីម៉ាកសម្គាល់ភូមិសាស្រ្តទំនិញរបស់ក្រសួងពាណិជ្ជកម្ម
>កម្ពុជាមានរោងចក្រផលិតមីក្នុងស្រុកចំនួន ៣ កំពុង សាងយីហោ ប្រកួតប្រជែងមីនាំចូលពីក្រៅប្រទេស
>ផ្សារទំនើបឡាក់គី បង្កើតដំបូងតាំងពីឆ្នាំ១៩៩៣ ជិត ៣០ ឆ្នាំពង្រីកសាខា ៥៥ ទីតាំងទូទាំងប្រទេស
>បុរសម្នាក់បោះបង់ការងារធនាគារ ១៨ឆ្នាំ បែរមកចាប់មុខរបរកសិកម្មតាមបេះដូង
>ហាងម៉ាស្សាមួយកន្លែង ដែលសម្តេចតេជោ ហ៊ុន សែន ចុះជួបសំណេះសំណាលមានប្រវត្តិបែបណា?

The post សរុបព្រឹត្តិការសំខាន់ៗពីអាជីវកម្មនៅសប្តាហ៍នេះ appeared first on .

សរុបព្រឹត្តិការណ៍អាជីវកម្មសំខាន់ៗប្រចាំសប្តាហ៍

ឧកញ៉ាមហាសម្បត្តិ — Sun, 17 Jul 2022 00:31:00 +0000

ពេញមួយសប្តាហ៍នេះ ឧកញ៉ាញូសន៍បានផលិតព័ត៌មានជុំវិញអាជីវកម្ម ជាផ្នែកមួយដើម្បីចូលរួមបំផុសចលនាគាំទ្រផលិតផលក្នុងស្រុក។

សប្តាហ៍នេះយើងបានស្រាវជ្រាវចងក្រងពីប្រវត្តិសហគ្រាសក្នុងស្រុកដ៏លេចធ្លោចំនួនពីរ ដែលដំណើរការអាជីវកម្មលើវិស័យផ្នែកអាហារ។

ចាប់ផ្តើមដំបូងគឺភោជនីយដ្ឋាន ផាក កាហ្វេ ដែលបង្កើតឡើងដោយសហគ្រិនខ្មែរមួយក្រុមជាភោជនីយដ្ឋានប្រេនក្នុងស្រុកនាំមុខគេមួយ ដែលបានចាប់ផ្តើមអាជីវកម្មតាំងពីឆ្នាំ ២០០៤។ កេរ្តិ៍ឈ្មោះរបស់ផាក កាហ្វេ ត្រូវបានការទទួលស្គាល់ពីមហាជន ក្រៅពីជាស្លាកយីហោអាជីវកម្មអាហារក្នុងស្រុក គឺជាភោជនីដ្ឋានខ្មែរទី១ ដែលបម្រើអាហារគ្មានប៊ីចេងលើគ្រប់មុខម្ហូប។

បន្តមកទៀតគឺសហគ្រាសផលិតមីជាតិរបស់ក្រុមហ៊ុន វ័នម៉រ មេនូហ្វេកឆឺរីង ដែលជាយីហោមីក្នុងស្រុកមួយទៀត ដែលចេញចរាចរលើទីផ្សារជាង ៣ ឆ្នាំ។

ក្រៅពីនេះក្រុមផលិតព័ត៌មានផ្នែកអាជីវកម្មរបស់ឧកញ៉ាញូសន៍ ក៏បានសម្ភាសន៍អ្នកជំនួញ និងម្ចាស់សហគ្រាសតាមបណ្តាខេត្តមួយចំនួនលើដំណើរការអាជីវកម្មផ្សេងៗ។

យើងបានសម្ភាសន៍ម្ចាស់កសិដ្ឋានមួយនៅខេត្តមណ្ឌលគីរី លើការចិញ្ចឹមសត្វសម្រាប់ផ្គត់ផ្គង់ទីផ្សារក្នុងស្រុក។

កសិដ្ឋាន ៤០០ មានទីតាំងនៅខេត្តមណ្ឌលគិរី ដែលក្រៅពីចិញ្ចឹមសត្វជាង ៤០០ ប្រភេទសម្រាប់លក់លើទីផ្សារ កសិដ្ឋាននេះក៏ផ្ដល់ដំណោះស្រាយសេវាកម្មបច្ចេកទេសកសិកម្ម ដំណោះស្រាយប្រឹក្សាយោបល់លើការបង្កើតអាជីវកម្មកសិកម្ម ដំណោះស្រាយផ្ដល់សេវាសម្ភារៈ ថ្នាំសត្វ និងម៉ាស៊ីនកសិកម្ម និងដំណោះស្រាយជួយរកទីផ្សារលើផលិតផលកសិកម្ម។

ក្រៅពីនេះ ក្រុមការងារក៏បានសម្ភាសន៍អ្នកជំនួញរកស៊ីបុកល្ហុកមួយកន្លែងនៅរាជធានីភ្នំពេញ ដែលមានបច្ចេកទេសអាចច្នៃទឹកប្រហុកដ៏ពិសេសគ្មានក្លិន ដែលកំពុងទទួលជោគជ័យហើយពង្រីកសាខាជាច្រើនកន្លែង។
លើសពីនេះទៀត ក្រុមការងារក៏បានសម្ភាសន៍អ្នកលក់បង្អែមនៅខេត្តបាត់ដំបង ដែលបង្កើតនំដង្កូវដែលមួយថ្ងៃអាចលក់បានរាប់រយចាន ក៏ដូចជាសិប្បកម្មមួយនៅខេត្តបាត់ដំបងនាដែលបានច្នៃចេកឆាប មួយខែអាចលក់បានពី ៥០០-៦០០ កេះ ដើម្បីផ្គត់ផ្គង់ទីផ្សារក្នុងស្រុក៕

លម្អិតបន្ថែមព័ត៌មានអាជីវកម្មខាងលើ សូមចុចលីងខាងក្រោមនេះ……..

១/ ផាក កាហ្វេ ភោជនីយដ្ឋានខ្មែរទីមួយបម្រើអាហារអត់ប្រើប៊ីចេង បង្កើតឡើងជិត ២០ ឆ្នាំ

២/ ស្គាល់ប្រវត្តលម្អិត មីជាតិយីហោមីខ្មែរទីពីរវាយលុកទីផ្សារកម្ពុជា

៣/ មកដឹងពីចំណុចពិសេសផ្សារហ្វេនប៊ីរបស់ឧកញ៉ាច័ន្ទ តារា

៤/ គ្រួសារមួយមានរូបមន្តធ្វើបង្អែមពិសេស មួយថ្ងៃលក់ដាច់ជាង ១ពាន់ចាន ចំណូលវិញមិនក្រោម ៣០០ ដុល្លារ

៥/ បុកល្ហុង TWO SISTERS ប្រើរូបមន្តពិសេសច្នៃទឹកប្រហុកគ្មានក្លិន អាចឲ្យគ្រប់គ្នាញាំគ្មានបារម្ភ

៦/ ចេកស្រស់មិនសូវមានទីផ្សារ ម្ចាស់សិប្បកម្មនៅបាត់ដំបងច្នៃចេកឆាប លក់បានពី ៥០០-៦០០ កេះក្នុងមួយខែ

៧/ ផ្អាកស្ថានីយប្រេងមួយកន្លែងនៅទួលទំពូង ក្រោយសាងសង់មិនស្របតាមប្លង់បច្ចេកទេស

៨/ កសិដ្ឋានមួយនៅខេត្តមណ្ឌលគីរី លក់ព្រាបមួយគូបានតម្លៃចន្លោះពី ១៥០០ ដុល្លារ ទៅ ២០០០ ដុល្លារ

The post សរុបព្រឹត្តិការណ៍អាជីវកម្មសំខាន់ៗប្រចាំសប្តាហ៍ appeared first on .