ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានចេញព្រះរាជក្រឹត្យត្រាស់បង្គាប់ផ្តល់គោរមងារ ឧកញ៉ា ទី ពិសិដ្ឋ ជា «អ្នកឧកញ៉ា» នៅថ្ងៃទី ១១ ខែសីហា ឆ្នាំ២០២៣ តាមសេចក្តីក្រាបបង្គំទូលថ្វាយរបស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។
![](https://www.oknha.news/wp-content/uploads/2023/08/2023-08-18-12-54-53-0-724x1024.jpg)
លោកឧកញ៉ា ទី ពិសិដ្ឋ កើតនៅឆ្នាំ១៩៥៧ នៅស្រុកស្អាង ខេត្តកណ្តាល។ លោកឧកញ៉ា ជាអគ្គនាយក និងជាប្រធានប្រតិបត្តិក្រុមហ៊ុន ឈុន ហុង គ្រុប ដែលជាក្រុមហ៊ុនដ៏ធំមួយនៅកម្ពុជា មានបុត្រសម្ព័ន្ធពហុវិស័យដូចជា ក្រុមហ៊ុន អាហ័រណនីហ័រណ ក្រុមហ៊ុនដឹកជញ្ជូន ក្រុមហ៊ុនកសិកម្មដំណាំកៅស៊ូ ក្រុមហ៊ុនជ្រើសរើសពលករទៅបម្រើការងារនៅក្រៅប្រទេស និងសួនឧស្សាហកម្ម។ លោកឧកញ៉ា ក៏មានតួនាទីជាសមាជិកក្រុមប្រឹក្សាភិបាលនៃសមាគមឧកញ៉ាកម្ពុជាផងដែរ។
![](https://www.oknha.news/wp-content/uploads/2023/08/2023-08-18-12-55-01-1-750x1024.jpg)
កន្លងមក អ្នកឧកញ៉ា ទី ពិសិដ្ឋ បានចូលរួមយ៉ាងសកម្មនៅក្នុងសកម្មភាពសង្គម និងសកម្មភាពមនុស្សធម៌ តាមរយៈការបរិច្ចាគទ្រព្យធនជាច្រើន ព្រមទាំងកម្លាំងកាយចិត្ត ប្រាជ្ញាស្មារតី និងពេលវេលា។ អ្នកឧកញ៉ា ត្រូវបានទទួលស្គាល់ និងផ្តល់តម្លៃតាមរយៈគ្រឿងឥស្សរិយយសជាច្រើនពីសំណាក់រាជរដ្ឋាភិបាលកម្ពុជា៕
![](https://www.oknha.news/wp-content/uploads/2023/08/2023-08-18-12-55-01-0-682x1024.jpg)