កាលពីព្រឹកថ្ងៃពុធទី ៣០ ខែកក្កដា ឆ្នាំ ២០២៥ ក្រុមហ៊ុន PICG ទទួលសិទ្ធផ្ដាច់មុខផ្គត់ផ្គង់និងចែកចាយសំបកកង់ឡានខ្មែរ និងប្រេងរំអិលម៉ាក ប៉េត្រូណាស់ បានប្រកាសជាសាធារណៈផ្ដល់អាហារូបករណ៍និងផ្ដល់ឱកាសការងារដល់កូនៗរបស់យោធិនខ្មែរពលីតស៊ូប្រយុទ្ធនៅសមរភូមិមុខដ៏អង់អាចក្លាហាន។
តាមរយៈបណ្ដាញសង្គមផ្លូវការរបស់ ក្រុមហ៊ុន PICG កាលពីថ្ងៃទី ៣០ ខែកក្កដា ឆ្នាំ ២០២៥ ថា៖ ”ក្រុមហ៊ុន PICG នឹងជួយសម្រាលបន្ទុកកូនៗរបស់វីរកងទ័ពពលីឲ្យទទួលបានការងារធ្វើ ក្រោយពួកគេប្រឡងចប់បាក់ឌុប តែបើពួកគេគ្មានបាក់ឌុបទេ ក្រុមហ៊ុននឹងផ្ដល់ការងារឲ្យធ្វើនៅក្នុងរោងចក្រផលិតសំបកកង់ឡានសៃលុន។”
សម្រាប់ព័ត៌មានលម្អិតបន្ថែមពីការប្រកាសនេះ សូមទំនាក់ទំនងតាមលេខទូរសព្ទ 097 444 4128
សូមជម្រាបថា កាលពីថ្ងៃចន្ទទី ២៨ ខែកក្កដា ឆ្នាំ ២០២៥ ក្រុមហ៊ុន PICG ទទួលសិទ្ធផ្ដាច់មុខផ្គត់ផ្គង់និងចែកចាយសំបកកង់ឡានខ្មែរ និងប្រេងរំអិលម៉ាក ប៉េត្រូណាស់ បានប្រកាសចូលរួមបរិច្ចាគថវិកា ១ម៉ឺនដុល្លារដល់វីរកងទ័ពខ្មែរ ព្រមទាំងបានបង្កើត «មូលនិធិជួយដល់កងទ័ពខ្មែរជួរមុខដ៏អង់អាច» ដើម្បីជួយទ្រទ្រង់ដល់វីរៈកងទ័ពកម្ពុជាកំពុងឈរជើងយ៉ាងស្វាហាប់ក្នុងការពារដែនអធិបតេយ្យភាពនិងជនភៀសសឹកកម្ពុជាផងដែរ។
ការចូលរួមឧបត្ថម្ភថវិការបស់ក្រុមហ៊ុន PICG ទទួលសិទិ្ធចែកចាយផ្តាច់មុខនូវផលិតផលសំបកកង់ឡានខ្មែរ ក្នុងគ្រាដ៏លំបាកនេះជាការចូលរួមចំណែកលើកទឹកចិត្តដល់កងទ័ពកម្ពុជាដ៏អង់អាចក្លាហានរបស់កម្ពុជា ដែលកំពុងឈរជើងជាប់ជាប្រចាំដើម្បីការពារបូរណភាពទឹកដីនៅតាមបណ្តោយព្រំដែនកម្ពុជា-ថៃ។
បើបងប្អូនចង់លើកស្ទួយ និងគាំទ្រផលិតផលដែលផលិតនៅក្នុងស្រុក ជ័រកៅស៊ូខ្មែរ ១០០% កុំភ្លេចសំបកកង់ឡានម៉ាក Sailun !!!
