មហាសេដ្ឋីលំដាប់កំពូលរបស់ឥណ្ឌា និងជាប្រធានក្រុមហ៊ុន Adani Group លោក Gautam Adani ត្រូវបានគេរាយការណ៍ថា បានត្រលប់មកជាប់ក្នុងបញ្ជីឈ្មោះកំពូលអ្នកមានបំផុតទាំង២០ របស់ពិភពលោកវិញហើយ បន្ទាប់ពីទ្រព្យសម្បត្តិរបស់ខ្លួនមានការកើនឡើងយ៉ាងខ្លាំង។
យោងតាមការចុះផ្សាយពី Bloomberg Billionaires Index បានបង្ហាញឲ្យដឹងថា ទ្រព្យសម្បត្តិរបស់លោក Adani ឥឡូវនេះ មានចំនួនសរុបដល់ ៧៩,៧ពាន់លានដុល្លារ ដែលត្រូវបានជំរុញដោយការកើនឡើងនៃភាគហ៊ុន របស់ Adani Group។
ប្រភពដដែលនេះ បានបង្ហាញឲ្យដឹងថាទៀតថា ខណៈពេលដែលទីផ្សារហ៊ុនពិភពលោកមានការកើនឡើង បានធ្វើឲ្យធ្វើឲ្យ Adani ក្លាយអ្នកជារកប្រាក់ចំណូលបានច្រើនជាងគេបំផុត ក្នុងពេលត្រឹមតែមួយថ្ងៃ រហូតដល់ប្រមាណ ៥,៧៤ពាន់លានដុល្លារ តាមពីក្រោយតែស្ថាបនិកក្រុមហ៊ុន Tesla លោក Elon Musk ប៉ុណ្ណោះ ដែលទ្រព្យសម្បត្តិរបស់លោក មានការកើនឡើងដល់ ៦,៦៩ពាន់លានដុល្លារ។
ជម្រាបជូនផងដែរថា លោក Musk នៅតែបន្តជាប់ក្នុងតំណែងអ្នកមានដាច់គេរបស់ពិភពលោក ជាមួយទ្រព្យសម្បត្តិសរុប ៣៧៨ពាន់លានដុល្លារ តាមពីក្រោយដោយមេធំ Oracle លោក Larry Ellison មានទ្រព្យសរុប ៣០៥ពាន់លានដុល្លារ និងមេធំក្រុមហ៊ុន Meta លោក Mark Zuckerberg ជាមួយទ្រព្យសរុប២៦៩ពាន់លានដុល្លារ៕
