(ភ្នំពេញ)៖ គុណភាពផលិតផលខ្មែរកាន់តែខ្លាំងឡើងៗហើយ! មិនត្រឹមតែអាចបំពេញតម្រូវការក្នុងស្រុកទេ ថែមទាំងអាចនាំចេញទៅបណ្តាទីផ្សារធំៗលើពិភពលោកទៀត ដូចជាផលិតផលរបស់ក្រុមហ៊ុន ខ្មែរ ប៊ែវើរីជីស ដែលបាននាំចេញផលិតផលរបស់ខ្លួនទៅកាន់ទីផ្សារប្រទេសចិន, ម៉ាឡេស៊ី, សិង្ហបុរី, និងវៀតណាម កន្លងមក។
ថ្មីៗនេះ ខ្មែរ ប៊ែវើរីជីស បានចាប់ដៃសហការជាមួយក្រុមហ៊ុន HANWOLBIZ ដែលជាក្រុមហ៊ុននាំចូល និងចែកចាយដ៏ល្បីល្បាញមួយនៅកូរ៉េខាងត្បូង ដើម្បីនាំយកម៉ាកផលិតផល CAMBODIA BEER ២ ប្រភេទគឺ CAMBODIA PREMIUM និង CAMBODIA BLACK ទៅកាន់ទីផ្សារនៃប្រទេសកូរ៉េខាងត្បូង។
ក្រុមហ៊ុន HANWOLBIZ គឺជាក្រុមហ៊ុនឈានមុខគេក្នុងការនាំចូលនូវស្រាបៀរ ដែលមានគុណភាពខ្ពស់ ដើម្បីចែកចាយយ៉ាងទូលំទូលាយក្នុងប្រទេសកូរ៉េខាងត្បូង ដោយកន្លងមក ក្រុមហ៊ុន HANWOLBIZ បានធ្វើការសហការជាមួយប្រទេសនេប៉ាល់, ស្រីលង្កា, និងវៀតណាមជាដើម។
ក្រុមហ៊ុន ខ្មែរ ប៊ែវើរីជីស គឺជាក្រុមហ៊ុនផលិតស្រាបៀរ និងភេសជ្ជៈធំមួយក្នុងស្រុក ដែលគ្រប់គ្រងដោយវិនិយោគិនខ្មែរ ដែលផ្តោតសំខាន់លើគុណភាពជាចម្បង ជាមួយនឹងការផលិតស្របតាមស្តង់ដាអន្តរជាតិ ដែលធ្វើឱ្យក្រុមហ៊ុន ខ្មែរ ប៊ែវើរីជីស មានសមត្ថភាពអាចផលិតបានគ្រប់ប្រភេទភេសជ្ជៈ ព្រមជាមួយម៉ាកផលិតផល CAMBODIA BEER ដែលមានរសជាតិប្លែកគេ និងមានជម្រើសច្រើនប្រភេទ តម្រូវតាមបរិយាកាសជួបជុំដែលអតិថិជនចង់បាន។
តាមរយៈការសហការនាំចេញនេះ នឹងកាន់តែជួយបង្កើនភាពលេចធ្លោដល់ផលិតផលខ្មែរលើទីផ្សារអន្តរជាតិ ប្រៀបដូចជាផលិតផល MADE IN CAMBODIA របស់ ខ្មែរ ប៊ែវើរីជីស ហើយក៏អាចជាយុទ្ធសាស្រ្តទាក់ទាញបរទេស ឱ្យកាន់តែចាប់អារម្មណ៍លើការវិនិយោគនៅក្នុងស្រុក ដើម្បីជំរុញភាពរីកចម្រើននៃសេដ្ឋជាតិ។
ខ្មែរ ប៊ែវើរីជីស រោងចក្រស្តង់ដាលំដាប់ពិភពលោក!
