ប្រធានាធិបតីអាមេរិក លោក ដូណាល់ ត្រាំ បានបង្ហើបឲ្យដឹងកាលពីថ្ងៃទី២៥ ខែវិច្ឆិកាថា លោកបានជំរុញឲ្យប្រធានាធិបតីចិន ស៊ី ជិនពីង ពន្លឿន និងបង្កើនការទិញរបស់អាមេរិក ក្នុងអំឡុងពេលនៃការសន្ទនាតាមទូរស័ព្ទ កាលពីថ្ងៃចន្ទ។ នេះបើតាមការចុះផ្សាយពីសារព័ត៌មាន Reuters។
ក្នងអំឡុងពេលប្រាប់ទៅកាន់អ្នកសារព័ត៌មាន នៅលើយន្តហោះ Air Force One លោក ត្រាំ បាននិយាយថា ៖” ខ្ញុំបានស្នើសុំគាត់ ដោយខ្ញុំចង់ឲ្យគាត់ឆាប់ទិញទំនិញរបស់អាមេរិកលឿងជាងមុនបន្តិច។ ខ្ញូំចង់ឲ្យគាត់បង្កើនការទិញបន្ថែមទៀត។ ហើយគាត់ក៏បានយល់ព្រមច្រើនដែរ ក្នុងការធ្វើដូច្នេះ”។
យ៉ាងណាមិញ ជុំវិញការលើកឡើងរបស់លោក ត្រាំនេះ ត្រូវបានធ្វើឡើងក្នុងពេលពេលការពិភាក្សាតាមទូរស័ព្ទជាមួយមេដឹកនាំចិន លោក ស៊ី បន្ទាប់ពីមានភាពតានតឹងកាន់តែខ្លាំងឡើងរវាងទីក្រុងប៉េកាំង និងជប៉ុន ជុំវិញបញ្ហាកោះតៃវ៉ាន់ ។
ជម្រាបជូនផងដែរថា ប្រទេសចិន បានបន្តការទិញចូលសណ្តែកសៀងរបស់សហរដ្ឋអាមេរិកឡើងវិញ និងបានដកចេញការរឹតបណ្តឹងលើការនាំចេញរ៉ែកម្រផងដែរ ប៉ុន្តែយ៉ាងណាក៏ដោយ ល្បឿននៃការទិញទំនិញរបស់ចិន ពីអាមេរិក ហាក់យឺតជាងការរំពឹងទុកពីដំបូង៕
