អភិបាលខេត្ដកំពង់ធំ ចុះហត្ថលេខាបង្កើតសួនកសិ-ឧស្សាហកម្ម រំពឹងនឹងអាចកៀរគរអ្នកវិនិយោគជប៉ុនមកវិនិយោគបន្ថែម

លោក នួន ផារ័ត្ន អភិបាល នៃគណៈអភិបាលខេត្តកំពង់ធំ បានចុះហត្ថលេខាជាផ្លូវការជាមួយលោក Hiroshi UEMATSU តំណាងក្រុមហ៊ុន រ៉ូយ៉ាល់ គ្រុប ភ្នំពេញ អេសអ៉ីហ្សិត ម.ក (Royal Group Phnom Penh SEZ Plc.) លើការបង្កើតជាសួនកសិ-ឧស្សាហកម្ម ដែលតាមរយៈគម្រោងនេះ យើងរំពឹងថានឹងអាចកៀរគរអ្នកវិនិយោគជប៉ុនមកវិនិយោគបន្ថែមទៀតនៅក្នុងខេត្តកំពង់ធំ។

បើតាមការបញ្ជាក់របស់លោកអភិបាលខេត្ដ នៅលើបណ្ដាញសង្គមផ្ទាល់ខ្លួន បានឱ្យដឹងថា ការចុះហត្ថលេខានេះ ធ្វើឡើងកាលពីថ្ងៃទី១៣ ខែមិថុនា ឆ្នាំ២០២៦ នៅទីក្រុងអូសាកា ប្រទេសជប៉ុន។

លោក នួន ផារ័ត្ន បានបញ្ជាក់ថា រដ្ឋបាលខេត្ដកំពង់ធំបានប្រឹងប្រែងអស់ជិត ២ឆ្នាំ ទើបអាចឈានមកដល់ចំណុចនេះ ដែលជាចំណុចចាប់ផ្តើមនៃដំណើរវែងឆ្ងាយថ្មីមួយទៀត សម្រាប់ការលើកកម្ពស់ជីវភាពរស់នៅរបស់ប្រជាជន និងសេដ្ឋកិច្ចរបស់ខេត្ត៕