សម្តេចធិបតី ហ៊ុន ម៉ាណែត ចេញអនុក្រឹត្យតែងតាំង លោក ទឹម មុនីរតន្ន៍ ជាប្រធានមន្ទីរសុរិយោដីខេត្តមណ្ឌលគិរី

សម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានចេញអនុក្រឹត្យប្រគល់ភារកិច្ច​ជូន លោក ទឹម មុនីរតន្ន៍ អត្តលេខ ១៦៧១២០០៤១៧ ឋានន្តរស័ក្តិនាយក្រមការ ថ្នាក់លេខ៦ នៃក្របខណ្ឌមន្ត្រីក្រមការ ឱ្យ​បំពេញមុខងារជា ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តមណ្ឌលគិរី នៃក្រសួង​រៀបចំ​ដែនដី នគរូបនីយកម្ម និងសំណង់ នៅថ្ងៃទី២១ ខែកក្កដា ឆ្នាំ២០២៦។

សូមជម្រាបថា លោក ទឹម មុនីរតន្ន៍ ឡើងកាន់តួនាទីជាប្រធានមន្ទីរសុរិយោដីខេត្តមណ្ឌលគិរី គឺជំនួសតំណែង លោក លឹម ចាន់ សូភី ដែលបានចូលនិវត្តន៍ កាលដើមឆ្នាំ២០២៦។ មុនទទួលបានការតែងតាំងមុខតំណែងនេះ លោក ទឹម មុនីរតន្ន៍ មានតួនាទីជាអនុប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តរតនគិរី៕