រាជធានីភ្នំពេញ, នាព្រឹកថ្ងៃទី០១ ខែកញ្ញា ឆ្នាំ២០២៦ នេះ នៅអគារធនាគារ កម្ពុ មានការរៀបចំកម្មវិធីរ៉ូដសូ (Roadshow) យ៉ាងអធិកអធម ស្តីពី «ការបោះផ្សាយលក់មូលបត្រកម្មសិទ្ធិជាសាធារណៈលើកដំបូង (IPO)» ក្រោមការសហការរៀបចំឡើងរវាង បុរី វិមានសំណាង និង ក្រុមហ៊ុនមូលបត្រកម្ពុ ម.ក។
កម្មវិធីនេះបានប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ លោកឧកញ៉ាបណ្ឌិត គីម ហ៊ាង ប្រធានក្រុមប្រឹក្សាភិបាលប្រតិបត្តិនៃ បុរី វិមានសំណាង និង Mr. Ong Ming Teck នាយកប្រតិបត្តិនៃធនាគារកម្ពុជាសាធារណៈ Plc និងជាអភិបាលរបស់ក្រុមហ៊ុនមូលបត្រកម្ពុ ម.ក ព្រមទាំងមានការចូលរួមពីសំណាក់វិនិយោគិន បុគ្គលិកលក្ខណៈជាន់ខ្ពស់ និងភ្ញៀវកិត្តិយសយ៉ាងច្រើនកុះករ។
ទិសដៅចម្បងនៃកម្មវិធី Roadshow នេះ គឺដើម្បីបង្ហាញពីកាសវិនិយោគដ៏មានប្រៀប និងការផ្តល់ជូននូវអត្ថប្រយោជន៍ពិសេសមិនធ្លាប់មាន សម្រាប់វិនិយោគិនដែលបានចូលរួម និងសម្រេចចិត្តវិនិយោគភ្លាមៗក្នុងព្រឹត្តិការណ៍នេះ៖
ទទួលបានប្រាក់ត្រឡប់មកវិញ (Cash Back) 5%: សម្រាប់វិនិយោគិនដែលចូលរួម និងបញ្ជាទិញចាប់ពី ១០,០០០ ភាគហ៊ុន ឡើងទៅ នឹងទទួលបាន Cash Back ៥% ភ្លាមៗ នៅពេលដែលក្រុមហ៊ុនចុះបញ្ជីឡើងផ្សារមូលបត្រកម្ពុជា (CSX) ជាផ្លូវការ។
ការធានាភាគលាភប្រចាំឆ្នាំ (Guaranteed Annual Dividend): ទទួលបានការធានាប្រាក់ភាគលាភខ្ពស់រហូតដល់ ៨% ប្រចាំឆ្នាំ ផ្តល់ជូននូវប្រភពចំណូលប្រកបដោយស្ថិរភាព និងភាពជឿជាក់ខ្ពស់។
ការសហការរវាងក្រុមហ៊ុនអភិវឌ្ឍន៍អចលនទ្រព្យឈានមុខ បុរី វិមានសំណាង និង ក្រុមហ៊ុនមូលបត្រកម្ពុ ម.ក នាពេលនេះ គឺជាជំហានយុទ្ធសាស្ត្រដ៏សំខាន់ក្នុងការបើកឱកាសឱ្យសាធារណជន និងវិនិយោគិនបានចូលរួមចំណែកក្នុងកំណើនសេដ្ឋកិច្ច និងទទួលបានផលចំណេញខ្ពស់ពីទីផ្សារដើមទុនកម្ពុជា។
