ថ្នាក់ដឹកនាំសមាគមឧកញ៉ាកម្ពុជា អមដំណើរសម្តេចធិបតី ហ៊ុន ម៉ាណែត សម្ពោធដាក់ឱ្យប្រើប្រាស់ជាផ្លូវការ​នូវអគាសិក្សាថ្មីចំនួន ៥ខ្នង នៅខេត្តកំពង់ធំ ដែលជាអំណោយរបស់សមាគមឧកញ៉ាកម្ពុជា

នាព្រឹកថ្ងៃអង្គារ ទី៣ ខែវិច្ឆិកា ឆ្នាំ២០២៦នេះ លោកអ្នកឧកញ៉ា លី យ៉ុងផាត់ ប្រធានសមាគមឧកញ៉ាកម្ពុជា ព្រមទាំង​ថ្នាក់ដឹកនាំ សមាជិក សមាជិកា​សមាគមជាច្រើនរូប បានអញ្ជើញអមដំណើរ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី​ នៃព្រះរាជាណាចក្រកម្ពុជា អញ្ជើញ​សម្ពោធដាក់ឱ្យប្រើប្រាស់ជាផ្លូវការ​នូវអគាសិក្សា​ថ្មី​ចំនួន ៥ខ្នង នៅខេត្តកំពង់ធំ សរុប ៥៥បន្ទប់ ដែលជាអំណោយរបស់សមាគមឧកញ៉ាកម្ពុជា។

សូមបញ្ជាក់ថា អំណោយជាអគារសិក្សាទាំងនេះ ត្រូវបានផ្តល់ជូនវិទ្យាល័យ ទ្រៀល, សាលាបឋមសិក្សា កកោះ, សាលាបឋមសិក្សា សមាគមឧកញ៉ាកម្ពុជា អូរសំបួរ, សាលាបឋមសិក្សា ហ៊ុន សែន ឈូកជីព្រះ និងសាលាបឋមសិក្សា ជន្លែង ភូមិថ្មី។