រដ្ឋមន្ត្រីការពារជាតិអេស្ប៉ាញ លោកស្រី Margarita Robles បានលើកឡើងថា យន្តហោះ ដែលចូលរួមក្នុងប្រតិបត្តិការប្រឆាំងនឹងអ៊ីរ៉ង់ នឹងមិនត្រូវបានអនុញ្ញាតឱ្យហោះហើរក្នុងដែនអាកាសអេស្ប៉ាញឡើយ រួមទាំងយន្តហោះចម្បាំងអាមេរិក ដែលបោះជើងក្នុងប្រទេសសមាជិក NATO ផ្សេងទៀត ដូចជាអង់គ្លេស ឬបារាំងជាដើម។ ទីក្រុងម៉ាឌ្រីដ ក៏បានហាមឃាត់ការប្រើប្រាស់មូលដ្ឋានទ័ពរួមគ្នានៅប្រទេសអេស្ប៉ាញ សម្រាប់បេសកកម្មវាយប្រហារនៅអ៊ីរ៉ង់ដែរ។

លោកស្រី Robles បានបញ្ជាក់ថា ប្រទេសអេស្ប៉ាញនឹងមិនចូលរួម ឬរួមចំណែកក្នុងសង្រ្គាម ដែលត្រូវបានចាប់ផ្តើមឡើងជាឯកតោភាគី និងផ្ទុយនឹងច្បាប់អន្តរជាតិឡើយ។ ការលើកឡើងនេះ គឺស្របទៅនឹងការលើកឡើងរបស់នាយករដ្ឋមន្ត្រីអេស្ប៉ាញ លោក Pedro Sanchez ដែលបានហៅយុទ្ធនាការរបស់អាមេរិក-អ៊ីស្រាអែលថាជា «សង្រ្គាមខុសច្បាប់ ខ្វះការប្រុងប្រៀប និងអយុត្តិធម៌»។

យោងតាមការចុះផ្សាយរបស់សារព័ត៌មានអេស្ប៉ាញ យន្តហោះចាក់ប្រេងប្រភេទ KC-135 របស់អាមេរិកប្រហែល ១៥គ្រឿង ត្រូវបានផ្លាស់ប្តូរទីតាំងទៅកាន់មូលដ្ឋានទ័ពក្នុងប្រទេសបារាំង និងអាល្លឺម៉ង់។ ខណៈដែនអាកាសរបស់អេស្ប៉ាញបានបិទ យន្តហោះទម្លាក់គ្រាប់បែករយៈចម្ងាយឆ្ងាយប្រភេទ B-52 និង B-1 ដែលប្រតិបត្តិការចេញពីមូលដ្ឋានទ័ពអាកាស Fairford របស់អង់គ្លេស ឥឡូវនេះត្រូវហោះហើរក្នុងផ្លូវដែលឆ្ងាយជាងមុន ដែលធ្វើឱ្យប្រសិទ្ធភាពនៃប្រតិបត្តិការធ្លាក់ចុះ និងបង្ខំឱ្យមានការរៀបចំតុល្យភាពឡើងវិញរវាងការផ្ទុកប្រេង និងទម្ងន់អាវុធ។

កាសែត El Pais ដែលបានរាយការណ៍រឿងនេះមុនគេ បានសរសេរថា ការសម្រេចចិត្តរបស់ទីក្រុងម៉ាឌ្រីដ គឺជាការកាត់ផ្ដាច់ទំនាក់ទំនងជាសាធារណៈដ៏សំខាន់បំផុតជាមួយទីក្រុងវ៉ាស៊ីនតោន ក្នុងចំណោមសម្ព័ន្ធមិត្តលោកខាងលិច រាប់ចាប់តាំងពីការឈ្លានពានអ៊ីរ៉ាក់ក្នុងឆ្នាំ ២០០៣ មក ដែលកាលនោះអេស្ប៉ាញបានអនុញ្ញាតឱ្យអាមេរិកប្រើប្រាស់ទឹកដីរបស់ខ្លួន បើទោះបីជាមានការជំទាស់ពីសំណាក់ប្រជាជនក្នុងប្រទេសក៏ដោយ។

គួរបញ្ជាក់ដែរថា ប្រទេសអេស្ប៉ាញស្ថិតក្នុងចំណោមបណ្ដាប្រទេសនៃសហភាពអឺរ៉ុប ដែលបានចេញមុខខ្លាំងជាងគេ ក្នុងការប្រឆាំងនឹងសង្រ្គាមអ៊ីរ៉ង់ ដោយបានសម្រេចដកឯកអគ្គរដ្ឋទូតរបស់ខ្លួនចេញពីប្រទេសអ៊ីស្រាអែល និងកាត់បន្ថយកម្រិតនៃទំនាក់ទំនងការទូត។ លោក Sanchez បានអំពាវនាវដដែលៗ ឱ្យមានការបញ្ឈប់រាល់អរិភាពទាំងឡាយ ដោយកាលពីសប្តាហ៍មុន លោកបានព្រមានថា សង្រ្គាមនេះ អាចនឹងបង្កជាផលវិបាកអាក្រក់ខ្លាំង បើធៀបនឹងយុទ្ធនាការយោធានៅក្នុងប្រទេសអ៊ីរ៉ាក់៕

The post អេស្ប៉ាញ បិទដែនអាកាសមិនឱ្យអាម៉េរិកហោះឆ្លងកាត់វាយប្រហារអ៊ីរ៉ង់ appeared first on .

យោធាអ៊ីរ៉ង់បានបញ្ជាក់ពីការស្លាប់របស់មេបញ្ជាការកងទ័ពជើងទឹកកងឆ្មាំបដិវត្តន៍គឺលោក Alireza Tangsiri បន្ទាប់ពីរងរបួសធ្ងន់ធ្ងរពីការវាយប្រហាររបស់អ៊ីស្រាអែល និងសហរដ្ឋអាម៉េរិកនៅតំបន់ច្រកសមុទ្រហ័រមូស។

យោងតាមរដ្ឋមន្ត្រីក្រសួងការពារជាតិអ៊ីស្រាអែល លោក Israel Katz បានប្រកាសកាលពីថ្ងៃទី២៦ ខែមីនាថា នៅក្នុងប្រតិបត្តិការដ៏ច្បាស់លាស់ និងសាហាវមួយ IDF បានកម្ចាត់មេបញ្ជាការកងទ័ពជើងទឹក IRGC គឺលោក Tangsiri រួមជាមួយមន្ត្រីជាន់ខ្ពស់នៃបញ្ជាការកងទ័ពជើងទឹករបស់អ៊ីរ៉ង់ជាច្រើននាក់។ លោកបន្តថា លោក Tangsiri ទទួលខុសត្រូវចំពោះប្រតិបត្តិការទម្លាក់គ្រាប់បែកដែលបានរារាំងកប៉ាល់មិនឱ្យឆ្លងកាត់ច្រកសមុទ្រ ហ័រមូស៕

The post មេទ័ពជើងទឹករបស់អ៊ីរ៉ង់ ត្រូវអាម៉េរិក-អ៊ីស្រាអែលសម្លាប់នៅច្រកសមុទ្រហ័រមូស appeared first on .

ប្រធានាធិបតីអាមេរិករូបនេះ បានថ្លែងថ្ងៃទី៣០ ខែមីនាថា «ប្រសិនបើក្នុងហេតុផលណាមួយ ដែលកិច្ចព្រមព្រៀងមិនអាចសម្រេចបានក្នុងពេលឆាប់ៗនេះ ហើយប្រសិនបើច្រកសមុទ្រ Hormuz មិនត្រូវបានបើកដំណើរការជាធម្មតាភ្លាមៗទេនោះ យើងនឹងបំផ្ទុះ និងកម្ទេចចោលទាំងស្រុងនូវរោងចក្រផលិតអគ្គិសនី, អណ្តូងប្រេង និងកោះ Kharg ហើយអាចរួមបញ្ចូលទាំងរោងចក្រចម្រោះទឹកស្អាតទាំងអស់ផងដែរ»។

ទន្ទឹមគ្នានេះ អ្នកនាំពាក្យសេតវិមាន លោកស្រី Karoline Leavitt បានបញ្ជាក់សាជាថ្មីនូវការទទូចដល់រដ្ឋបាលអាម៉េរិកថា សង្គ្រាមរបស់សហរដ្ឋអាម៉េរិកប្រឆាំងនឹងអ៊ីរ៉ង់ គួរតែត្រូវបានបញ្ចប់ក្នុងរយៈពេលពីរសប្តាហ៍ទៀត។ លោកស្រីបន្តថា លោក ត្រាំ តែងតែបញ្ជាក់ថា កាលវិភាគដែលបានប៉ាន់ប្រមាណទុក គឺចន្លោះពី ៤ ទៅ ៦សប្តាហ៍ដើម្បីបញ្ចប់សង្គ្រាម ប៉ុន្តែថ្ងៃនេះគឺជាថ្ងៃទី ៣០ហើយ ដូច្នេះ អ្នកអាចគណនាដោយខ្លួនឯងបាន៕

The post លោក ត្រាំ គំរាមកម្ទេចកោះ Kharg របស់អ៊ីរ៉ង់ បើគ្មានកិច្ចព្រមព្រៀងបញ្ចប់សង្គ្រាម appeared first on .

ក្រសួងការបរទេសឥណ្ឌូណេស៊ីបានបញ្ជាក់ថា ការបង្កគ្រោះថ្នាក់ដល់កងរក្សាសន្តិភាពអង្គការសហប្រជាជាតិ គឺជាទង្វើដែលមិនអាចទទួលយកបានឡើយ ហើយបានអំពាវនាវឱ្យគ្រប់ភាគីជម្លោះគោរពអធិបតេយ្យភាពរបស់លីបង់ និងធានាសុវត្ថិភាពដល់បុគ្គលិកអន្តរជាតិ។

ព្រឹត្តិការណ៍ដ៏សោកសៅនេះបានកើតឡើងចំពេលដែលភាពតានតឹងរវាងកងទ័ពអ៊ីស្រាអែល និងក្រុមហេសបូឡា (Hezbollah) កំពុងផ្ទុះឡើងយ៉ាងខ្លាំងនៅតាមបណ្តោយព្រំដែន ដែលធ្វើឱ្យកងកម្លាំង UNIFIL តែងតែរងគ្រោះថ្នាក់ដោយប្រយោលពីការបាញ់ប្លោងដាក់គ្នាទៅវិញទៅមក។

គួរបញ្ជាក់ថា នេះមិនមែនជាលើកទីមួយទេដែលកងរក្សាសន្តិភាពរងគ្រោះ ជាក់ស្តែងកាលពីដើមខែមីនា កងទ័ពហ្គាណា (Ghana) ពីររូបក៏បានរងរបួសធ្ងន់ដោយសារការបាញ់រថក្រោះរបស់អ៊ីស្រាអែលផងដែរ។ ខណៈដែលសង្គ្រាមនៅមជ្ឈិមបូព៌ាកាន់តែរីករាលដាល បេសកកម្មរក្សាសន្តិភាពនេះត្រូវបានគេរំពឹងថានឹងត្រូវបញ្ចប់នៅដាច់ឆ្នាំ២០២៦ ខាងមុខនេះ៕ 

The post កងកម្លាំងរក្សាសន្តិភាពរបស់ឥណ្ឌូណេស៊ីនៅ UN ម្នាក់បានស្លាប់នៅតំបន់មជ្ឈិមបូព៌ា appeared first on .

សេចក្តីព្រាងច្បាប់ស្តីពី ការប្រឆាំងការឆបោកតាមប្រព័ន្ធបច្ចេកវិទ្យា និង ២. ពិភាក្សា និងអនុម័តសេចក្តីស្នើច្បាប់ស្តីពី វិសោធនកម្មច្បាប់ស្តីពីការបោះឆ្នោតជ្រើសតាំងសមាជិកព្រឹទ្ធសភា ត្រូវបានអនុម័តក្នុងសំឡេង១១២ លើ១១២សំឡេង។

រដ្ឋសភាជាតិ បានផ្តល់ខ្លឹមសារលម្អិតថា៖ 

១) សេចក្តីព្រាងច្បាប់ស្តីពីការប្រឆាំងការឆបោកតាមប្រព័ន្ធបច្ចេកវិទ្យា

សេចក្តីព្រាងច្បាប់នេះ មាន ៥ជំពូក និង ២៤មាត្រា នឹងរួមចំណែកយ៉ាងសំខាន់ក្នុងការដោះស្រាយបញ្ហាប្រឈម តាមរយៈការបង្កើតវិធានព្រហ្មទណ្ឌ ដើម្បីបំពេញចន្លោះខ្វះខាតនៃច្បាប់បច្ចុប្បន្ន ក៏ដូចជាលើកកម្ពស់ប្រសិទ្ធភាពនៃការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា សំដៅចូលរួមថែរក្សា និងការពារសន្តិសុខ សណ្តាប់ធ្នាប់សាធារណៈ ព្រមទាំងលើកកម្ពស់ប្រសិទ្ធភាពនៃកិច្ចសហប្រតិបត្តិការក្នុងការប្រយុទ្ធប្រឆាំងនឹងឧក្រិដ្ឋកម្មនេះ។

២) សេចក្តីស្នើច្បាប់ស្តីពីវិសោធនកម្មច្បាប់ស្តីពីការបោះឆ្នោតជ្រើសតាំងសមាជិកព្រឹទ្ធសភា

ដោយហេតុថា ច្បាប់ស្តីពីការបោះឆ្នោតជ្រើសតាំងសមាជិកព្រឹទ្ធសភា ដែលបានប្រកាសឱ្យប្រើប្រាស់ កាលពីឆ្នាំ២០០៥ បានកំណត់មណ្ឌលបោះឆ្នោតជាភូមិភាគ ដែលមានខេត្តច្រើនបញ្ចូលគ្នា មានវិសាលភាពដែនដីធំទូលាយ បង្កើតជាឧបសគ្គសម្រាប់ទំនាក់ទំនងរវាងសមាជិកព្រឹទ្ធសភាជាមួយអង្គបោះឆ្នោត ពោលគឺ គណនេយ្យភាព និងប្រសិទ្ធភាពការងាររបស់សមាជិកព្រឹទ្ធសភា នៅមានកម្រិត។

ដោយមើលឃើញនូវបញ្ហាចំពោះមុខ និងគោលបំណងពង្រឹងប្រសិទ្ធភាពនៃការអនុវត្តមុខងារតំណាង បង្កើនគណនេយ្យភាព ព្រមទាំងបង្ខិតសមាជិកព្រឹទ្ធសភាឱ្យកាន់តែជិតស្និទ្ធជាមួយអង្គបោះឆ្នោត និងប្រជាពលរដ្ឋនៅមូលដ្ឋាន។

ខ្លឹមសារនៃសេចក្តីស្នើច្បាប់នេះ ត្រូវធ្វើវិសោធនកម្មលើមាត្រា ដូចជា មាត្រា ៨ ថ្មី មាត្រា ៩ មាត្រា ១០ មាត្រា ១៤ មាត្រា ១៧ មាត្រា ១៨ មាត្រា ២៣ និងមាត្រា ២៨ ដើម្បីធានាភាពសមស្រប គណនេយ្យភាព និងប្រសិទ្ធភាពក្នុងការអនុវត្តមុខងារតំណាងរបស់សមាជិកព្រឹទ្ធសភា៕ 

The post រដ្ឋសភាបានអនុម័តសេចក្តីព្រាងច្បាប់ ស្តីពីការប្រឆាំងការឆបោកតាមប្រព័ន្ធបច្ចេកវិទ្យា និងវិសោធនកម្មច្បាប់ ស្តីពីការបោះឆ្នោតជ្រើសតាំងសមាជិកព្រឹទ្ធសភា appeared first on .

ជាមួយគ្នានេះ ឯកឧត្តម ឃឹម លាត ទេសាភិបាលរង ធនាគារជាតិនៃកម្ពុជា បានវាយតម្លៃខ្ពស់ និងថ្លែងអំណរគុណចំពោះកម្មវិធីអភិវឌ្ឍន៍សហប្រជាជាតិ ដែលបានរួមចំណែកយ៉ាងសំខាន់ ក្នុងការគាំទ្រការស្រាវជ្រាវ និងការដាក់ចេញវិធានការគោលនយោបាយ សំដៅពង្រឹងតួនាទីប្រាក់រៀល ក្នុងការរក្សាស្ថិរភាពម៉ាក្រូសេដ្ឋកិច្ច និងគាំទ្រការអភិវឌ្ឍសេដ្ឋកិច្ចប្រកបដោយចីរភាព។

បន្ថែមពីនោះលោក អេនរីកូ ហ្គាវេលីយ៉ តំណាង យូអិនឌីភី ប្រចាំកម្ពុជា បានលើកឡើងដែលថា ខណៈដែលលំហូរ ជំនួយអភិវឌ្ឍន៍ផ្លូវការក្នុងទសវត្សរ៍ ១៩៩០ បានរួមចំណែកដល់ដុល្លារូបនីយកម្ម ពេលនេះគឺជាពេលដែល យើងទាំងអស់គ្នាត្រូវប្តេជ្ញាចិត្ត ក្នុងការកាត់បន្ថយការប្រើប្រាស់ប្រាក់ដុល្លានៅកម្ពុជា។

លោកបានគូសបញ្ជាក់ថា យូអិនឌីភី នឹងបន្តលើកកម្ពស់ការប្រើប្រាស់ប្រាក់រៀល ឱ្យកាន់តែទូលំទូលាយនៅក្នុងប្រតិបត្តិការរបស់ខ្លួន និងអំពាវនាវ ដល់ដៃគូអភិវឌ្ឍន៍ផ្សេងទៀតទាំងនៅក្នុង និងក្រៅប្រព័ន្ធអង្គការសហប្រជាជាតិឱ្យចូលរួមដូចគ្នា៕

The post ធនាគារជាតិនៃកម្ពុជា និងកម្មវិធីអភិវឌ្ឍន៍សហប្រជាជាតិ ដាក់ឱ្យប្រើប្រាស់ «ដុល្លារូបនីយកម្ម និងការទូទាត់ប្រាក់ឈ្នួលក្នុងវិស័យនាំចេញសំខាន់ៗ» appeared first on .

យោងតាមសេចក្តីថ្លែងការណ៍របស់ អ្នកនាំពាក្យក្រសួងការបរទេស បានបញ្ជាក់នាថ្ងៃទី៣០ ខែមីនា ឆ្នាំ២០២៦នេះថា មានក្រុមជន ដែលមានរបៀបវារៈនយោបាយទុច្ចរិត បានយកប្រសាសន៍របស់ ឯកឧត្តមឧបនាយករដ្ឋមន្ត្រី ទៅធ្វើអត្ថាធិប្បាយបំភ្លៃខុសខ្លឹមសារពិត ដោយមួលបង្កាច់ថា កម្ពុជា «សុខចិត្តកាត់ដី ឱ្យតែថៃឈប់ឈ្លាន័ពាន តែថៃមិនព្រម»។ អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ ប្រកាសបដិសេធ និងច្រានចោលទាំងស្រុងចំពោះការបំភ្លៃ និងចេតនាទុច្ចរិតរបស់ក្រុមនេះ។

តាមអ្នកនាំពាក្យក្រសួងការបរទេស និងសហប្រតិបត្តិការអន្តរជាតិ បានបញ្ជាក់ជូនបន្ថែមថា នៅគ្រប់វេទិកាជាតិ និងអន្តរជាតិ ឯកឧត្តមឧបនាយករដ្ឋមន្ត្រី តែងរំលឹកថា ប្រទេសកម្ពុជា និងថៃមានព្រំដែនអន្តរជាតិ កំណត់តាមផែនទីគូសដោយគណៈកម្មការកំណត់ព្រំដែនឥណ្ឌូចិន-សៀម ដែលបង្កើតឡើងតាមអំណាច នៃអនុសញ្ញាឆ្នាំ១៩០៤ និងសន្ធិសញ្ញាឆ្នាំ១៩០៧ រវាងបារាំងនិងសៀម។

ឯកឧត្តមឧបឧបនាយករដ្ឋមន្តី ក៏តែងបានបញ្ជាក់អំពីជំហរជាគោលការណ៍របស់រាជរដ្ឋាភិបាលកម្ពុជា ក្នុងការដោះស្រាយបញ្ហាព្រំដែនតាមសន្តិវិធី ដោយផ្អែកលើច្បាប់អន្តរជាតិ សន្ធិសញ្ញា កិច្ចព្រមព្រៀងដែលមានស្រាប់។ ក្នុងការវាស់វែង និងផ្ទៀងផ្ទាត់ខ្សែព្រំដែនលើដីជាក់ស្តែង ប្រសិនបើរកឃើញថាមានការកាន់កាប់ហួសខ្សែព្រំដែន ភាគីកម្ពុជាក៏ដូចជាភាគី ថៃត្រូវតែប្រគល់ដីទៅវិញទៅមកទាំងសងខាងដូចគ្នា ដែលនេះគឺជាឆន្ទៈត្រឹមត្រូវស្របតាម់ច្បាប់អន្តរជាតិ និងស្របតាមមរតកព្រំដែនដែលបន្សល់ទុកពីបារាំង៕ 

The post អ្នកនាំពាក្យក្រសួងការបរទេស ប្រកាសបដិសេធលើការធ្វើត្ថាធិប្បាយ ដោយយកប្រសាសន៍របស់ឯកឧត្តមរដ្ឋមន្ត្រី ទៅបំភ្លៃខុសខ្លឹមសារពិត ថា កម្ពុជា«សុខចិត្តកាត់ដី ឱ្យតែថៃឈប់ឈ្លាន័ពាន តែថៃមិនព្រម» appeared first on .

ព័ត៌មានទី១៖ ក្នុងគ្រាដ៏លំបាកដែលបណ្តាលមកពីតម្លៃប្រេងឥន្ធនៈកើនឡើងខ្ពស់នៅលើទីផ្សារអន្តរជាតិ រាជរដ្ឋាភិបាលក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី បានចេញវិធានការអន្តរាគមន៍បន្ថែមមួយចំនួនទៀតសំដៅជួយកាត់បន្ថយបន្ទុកចំណាយរបស់ប្រជាពលរដ្ឋ តាមរយៈការកែសម្រួលអត្រាពន្ធគយលើទំនិញនាំចូល និងអត្រាអាករលើមុខទំនិញនាំចេញមួយចំនួនដូចខាងក្រោម៖

១- បញ្ចុះអត្រាពន្ធនាំចូលពី ៧% មក ០% លើមុខទំនិញឧបករណ៍សាកអាគុយរថយន្តអគ្គិសនី, ឆ្នាំងដាំបាយអគ្គិសនី និងចង្កៀងសូឡាចំនួន ០៩ បន្ទាត់ពន្ធ។

២- បញ្ចុះអត្រាពន្ធនាំចូលពី ១៥% មក ០% លើមុខទំនិញម៉ូទ័រសម្រាប់យានយន្តអគ្គិសនី, ប្រព័ន្ធថាមពលសូឡា, អាគុយលីចូម (មានដូចជា អាគុយកុំព្យូទ័រយួរដៃ អាគុយយន្តហោះ, អាគុយយានយន្ត អាគុយសូឡា និងឧបករណ៍ផ្ទុកថាមពលដូចជា Power bank, Power station និងថ្មទូរស័ព្ទ ជាដើម), ចង្ក្រានកម្ដៅអគ្គិសនី, កំសៀវអគ្គិសនី, រថយន្តដឹកអ្នកដំណើរ និងរថយន្តដឹកទំនិញប្រភេទ HEV, PHEV និង EV ចំនួន ១៧៩ បន្ទាត់ពន្ធ។

៣- បញ្ចុះអត្រាពន្ធនាំចូលពី ៣៥% មក ៧% លើមុខទំនិញរថយន្តគ្រួសារប្រភេទ PHEV ចំនួន ៩២ បន្ទាត់ពន្ធ។

៤- បញ្ចុះអត្រាពន្ធនាំចូលពី ៣៥% មក ០% លើមុខទំនិញចង្ក្រានអគ្គិសនី ចង្ក្រានអាំងនំប៉័ង និងរថយន្តគ្រួសារប្រភេទ EV ចំនួន ១២ បន្ទាត់ពន្ធ។

៥- បញ្ចុះអត្រាអាករនាំចេញពី ២៥% មក ១០% លើមុខទំនិញរ៉ែបុកស៊ីត (រ៉ែអាលុយមីញ៉ូម) ចំនួន ០១ បន្ទាត់ពន្ធ។

អត្រាពន្ធគយនិងអត្រាអាករនាំចេញកែសម្រួលថ្មីនេះ នឹងចូលជាធរមានចាប់ពីថ្ងៃទី១ ខែមេសា ឆ្នាំ២០២៦ តទៅ។

សូមបញ្ជាក់ជូនថា វិធានការថ្មីបន្ថែមនេះ បានធ្វើឡើងបន្ទាប់ពីរាជរដ្ឋាភិបាលបានដាក់ចេញវិធានការជាច្រើនរួចហើយរយៈពេលចុងក្រោយនេះសំដៅជួយទប់តម្លៃប្រេងឥន្ធនៈនិងជួយសម្រួលជីវភាពប្រជាពលរដ្ឋមានដូចជា៖

បន្តបញ្ចុះតម្លៃប្រេងចំនួន ៦.៥ សេនដុល្លារក្នុង១លីត្រ ដែលជាការជួយឧបត្ថម្ភផ្ទាល់របស់រាជរដ្ឋាភិបាលទៅលើតម្លៃប្រេងឥន្ធនៈដើម្បីបន្ធូរបន្ទុកប្រជាពលរដ្ឋ។

បន្តបញ្ចុះតម្លៃ១សេនដុល្លារបន្ថែមទៀតក្នុង១លីត្រនៅពេលដែលប្រេងសាំងអន្តរជាតិកើនលើសពី៩០ដុល្លារក្នុង១បារ៉ែល និងប្រេងម៉ាស៊ូតអន្តរជាតិកើនលើសពី១០០ ដុល្លារក្នុង១បារ៉ែល។ បញ្ចុះពន្ធគយដល់ ០ ពោលគឺរដ្ឋមិនយកពន្ធនាំចូលប្រេងតែម្តង។ បញ្ចុះអាករបន្ថែមលើប្រេងសាំងនិងប្រេងម៉ាស៊ូតដល់ ០ (សូន្យ) ដុល្លារ។ បញ្ចុះអាករពិសេសលើប្រេងម៉ាស៊ូតពី ៤% មក ០% និងបញ្ចុះអាករលើតម្លៃបន្ថែមប្រេងសាំងនិងម៉ាស៊ូតពី ១០% មកត្រឹម ៤% តែប៉ុណ្ណោះ ដោយរាជរដ្ឋាភិបាលជាអ្នកទទួលបន្ទុកជំនួសចំពោះអាករលើតម្លៃបន្ថែមចំនួន ៦% ដែលត្រូវបានកាត់ចេញ។

ព័ត៌មានទី២៖ នៅថ្ងៃអាទិត្យ ទី២៩ ខែមីនា ឆ្នាំ២០២៦ ក្រុមសម្របសម្រួល (CLG) នៃព្រះរាជាណាចក្រកម្ពុជា បានសម្របសម្រួលដល់ក្រុមអ្នកសង្កេតការណ៍អាស៊ាន (AOT) ចុះសង្កេតការណ៍ ផ្ទៀងផ្ទាត់ និងរាយការណ៍ អំពីស្ថានភាពព្រំដែននៅតំបន់ច្រកអូរស្មាច់ ក្រុងសំរោង ខេត្តឧត្តរមានជ័យ ដោយផ្តោតលើការគោរពនិងអនុវត្តវិធានការទាំងអស់ក្នុងសេចក្តីប្រកាសរួមថ្ងៃទី២៧ ខែធ្នូ ឆ្នាំ២០២៥ ក្រោយបទឈប់បាញ់ចូលជាធរមាន។ កាលពីថ្ងៃសៅរ៍ ទី២៨ ខែមីនា ឆ្នាំ២០២៦ ក្រុមអ្នកសង្កេតការណ៍អាស៊ាន (AOT) ក៏បានចុះទៅសង្កេតការណ៍ ផ្ទៀងផ្ទាត់ និងរាយការណ៍ អំពីស្ថានភាពព្រំដែននៅតំបន់ច្រកបឹងត្រកួននិងតំបន់ភូមិព្រៃចាន់ ខេត្តបន្ទាយមានជ័យ។ ដោយឡែក នៅថ្ងៃអាទិត្យ ទី២៩ ខែមីនា ឆ្នាំ២០២៦ ដដែល ប្រទេសវៀតណាមបានបញ្ជូននាយទាហានបន្តវេនពីររូបកមចូលរួមជាមួយក្រុម AOT ប្រចាំកម្ពុជាក្រោមការដឹកនាំរបស់ហ្វីលីពីនក្នុងនាមជាប្រធានប្តូរវេនអាស៊ានឆ្នាំ២០២៦។

ព័ត៌មានទី៣៖ នៅថ្ងៃអាទិត្យ ទី២៩ ខែមីនា ឆ្នាំ២០២៦ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញសួរសុខទុក្ខវីរៈកងទ័ពដែលកំពុងសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត ក្រោយបានរងរបួសអំឡុងពេលបំពេញការងារ កាលពីថ្ងៃទី២៦ ខែមីនា ឆ្នាំ២០២៦។ លោកជំទាវបណ្ឌិត ក៏បានពាំនាំនូវសារសួរសុខទុក្ខពីសំណាក់ សម្តេចតេជោ ហ៊ុន សែន ប្រធានព្រឹទ្ធសភា និងសម្តេចកិត្តិព្រឹទ្ធបណ្ឌិត ព្រមទាំងសម្តេចមហាបវរធិបតី នាយករដ្ឋមន្ត្រី ជូនដល់សាមីខ្លួន និងក្រុមគ្រួសារ ដើម្បីជាការលើកទឹកចិត្ត និងជូនពរដល់យោធិនដែលកំពុងសម្រាកព្យាបាលឱ្យឆាប់ជាសះស្បើយ និងក៏បានស្នើឱ្យក្រុមគ្រូពេទ្យមើលថែទាំពួកគាត់ឱ្យបានដិតដល់ជាទីបំផុតដើម្បីពួកគាត់អាចត្រឡប់ទៅកាន់គេហដ្ឋានវិញឆាប់ៗ។សកម្មភាព និងវិធានការ ដូចបានលើកឡើងខាងដើម បានបង្ហាញយ៉ាងច្បាស់ពីការយកចិត្តទុកដាក់គ្រប់ជ្រុងជ្រោយរបស់រាជរដ្ឋាភិបាលនិងថ្នាក់ដឹកនាំចំពោះបូរណភាពទឹកដី និងសុខទុក្ខរបស់វីរកងទ័ពជួរមុខ ក៏ដូចជាសុខទុក្ខរបស់ប្រជាពលរដ្ឋគ្រប់មជ្ឈដ្ឋាន ជាពិសេសនៅក្នុងកាលៈទេសៈដែលពួកគេជួបការលំបាក។ សម្តេចមហាបវរធិបតី ហ៊ុន ម៉ាណែត មានប្រសាសន៍ថា «ការការពារបូរណភាពទឹកដីនិងប្រជាជន គឺជាអាទិភាពខ្ពស់បំផុតរបស់រាជរដ្ឋាភិបាល»។ ចំណែកសម្តេចតេជោ ហ៊ុន សែន ក៏បានមានប្រសាសន៍ថា «គោលដៅឆ្ពោះទៅមុខរបស់កម្ពុជា គឺការបញ្ចប់ទុក្ខលំបាករបស់ប្រជាពលរដ្ឋ និងដើរលើមាគ៌ាសន្តិភាព តែមិនអាចធ្វើសម្បទានបូរណភាពទឹកដី និងសេចក្តីថ្លៃថ្នូររបស់ជាតិបានឡើយ»៕ 

The post អ្នកនាំពាក្យរាជរដ្ឋាភិបាល៖ ក្នុងគ្រាដ៏លំបាកបណ្តាលមកពីតម្លៃប្រេងឥន្ធនៈកើនឡើង រាជរដ្ឋាភិបាលចេញវិធានការអន្តរាគមន៍បន្ថែមមួយចំនួនទៀត សំដៅជួយកាត់បន្ថយបន្ទុកចំណាយរបស់ប្រជាពលរដ្ឋ appeared first on .

អំណះអំណាងនេះ ធ្វើឡើងក្នុងសន្និសីទសារព័ត៌មាន ក្រោយបិទបញ្ចប់ព្រឹត្តិការណ៍ទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍ លើកទី៤ ឆ្នាំ២០២៦ ដែលធ្វើនៅមជ្ឈមណ្ឌលសន្និបាត និងពិព័រណ៍កោះពេជ្រ រាជធានីភ្នំពេញ ពីថ្ងៃទី២៦ ដល់ថ្ងៃទី២៨ ខែមីនា ដែលបានទាក់ទាញអ្នកទស្សនាប្រមាណ៣ម៉ឺននាក់ មកពីក្រសួងស្ថាប័នរដ្ឋ វិស័យឯកជន ស្ថាប័នសិក្សាស្រាវជ្រាវ គ្រឹះស្ថានហិរញ្ញវត្ថុ សិស្សនិស្សិត ជាដើម។

ឯកឧត្តមរដ្ឋមន្ត្រី ហែម វណ្ណឌី បានថ្លែងថា «កម្ពុជាមិនមែនគ្រាន់តែជាប្រទេសដែលចេះប្រើបច្ចេកវិទ្យាប៉ុណ្ណោះទេ ប៉ុន្តែកម្ពុជាកំពុងក្លាយជាប្រទេសដែលបង្កើតបច្ចេកវិទ្យា។យើងឃើញហើយ គឺមានបច្ចេកវិទ្យាមួយចំនួនបង្កើតឡើងដោយកូនខ្មែរ។ ជានវានុវត្តន៍កម្មដែលបង្កើតដោយកូនខ្មែរយកទៅលក់ទៅឱ្យប្រទេសគេផ្សេងទៀត។ នេះចំណុចខ្លាំងរបស់កម្ពុជាយើង។ យើងសង្ឃឹមថា យុវជនយើងជំនាន់ក្រោយនឹងចាប់យកវិទ្យាសាស្ត្រ បច្ចេកវិទ្យា គណិតវិទ្យា វិស្វកម្មនេះ ជាមូលដ្ឋាន ក្នុងការបង្កើតនូវសមិទ្ធផលថ្មីៗ ដើម្បីទាក់ទាញវិនិយោគិនមកកាន់កម្ពុជាបន្ថែមទៀត»។ ឯកឧត្តម បន្តថា ដើម្បីកសាងសេដ្ឋកិច្ចកម្ពុជាឱ្យមានការរីកចម្រើនខ្លាំង គឺទាមទារនូវធនធានមនុស្សទៅលើផ្នែកវិទ្យាសាស្ត្រ បច្ចេកវិទ្យា និងនវានុវត្តន៍ ដោយសារផ្នែកទាំងនេះមានការរីកចម្រើនឥតឈប់ឈរទៅមុខជានិច្ច។

រាជរដ្ឋាភិបាលកម្ពុជា បានបង្កើតទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍ ជារៀងរាល់ឆ្នាំ ក្នុងគោលបំណងលើកកម្ពស់សមត្ថភាពវិទ្យាសាស្ត្រ បច្ចេកវិទ្យា និងនវានុវត្តន៍ ដើម្បីអភិវឌ្ឍសេដ្ឋកិច្ចសង្គមកម្ពុជា។ ពិសេសជំរុញការចូលរួមពីវិស័យឯកជន សហគ្រាសធុនតូច និងមធ្យម ក្នុងការស្វែងរកបច្ចេកវិទ្យាថ្មីៗ បង្កើតភាពជាដៃគូ កែលម្អខ្សែច្រវាក់ផលិតកម្ម និងលើកកម្ពស់សមត្ថភាពផលិត ដើម្បីបំពេញតាមតម្រូវការទីផ្សារ និងស្តង់ដាអន្តរជាតិ៕ 

The post កម្ពុជាមិនមែនគ្រាន់តែជាប្រទេស ដែលចេះប្រើបច្ចេកវិទ្យាប៉ុណ្ណោះទេ ប៉ុន្តែកម្ពុជាកំពុងក្លាយជាប្រទេសដែលបង្កើតបច្ចេកវិទ្យា appeared first on .

យោងតាមទីភ្នាក់ងារព័ត៌មាន BBC បានរាយការណ៍នៅថ្ងៃទី២៩ ខែមីនានេះថា បុគ្គលិកយោធាអាម៉េរិក ១២ នាក់បានរងរបួស ដែលពីរនាក់រងរបួសធ្ងន់ធ្ងរ ក្នុងការវាយប្រហារមិនធ្លាប់មានរបស់អ៊ីរ៉ង់នេះក៏បានបណ្តាលឲ្យមានយ៉ាងហោចណាស់យន្តហោះចាក់ប្រេងរបស់សហរដ្ឋអាម៉េរិកពីរគ្រឿងក៏ត្រូវបានខូចខាតផងដែរ។

យន្តហោះ E-3 Sentry ដែលគេស្គាល់ជាទូទៅថា AWACS (Airborne Warning and Control System) គឺជា «ភ្នែកនៅលើមេឃ»ដ៏សំខាន់បំផុតសម្រាប់សហរដ្ឋអាម៉េរិក និងអង្គការ NATO។ E-3 Sentry គឺយន្តហោះបញ្ជាការដែលមានប្រព័ន្ធរ៉ាដាដ៏ធំ (Rotating Radar Dome) ដែលមានអង្កត់ផ្ចិត ៩.១ ម៉ែត្រ នៅពីលើតួខ្លួនយន្តហោះ សមត្ថភាពរ៉ាដា អាចតាមដានគោលដៅនៅលើអាកាស និងលើផ្ទៃទឹកក្នុងចម្ងាយជាង ៤០០ គីឡូម៉ែត្រ វាអាចបែងចែករវាងយន្តហោះសត្រូវ និងយន្តហោះសម្ព័ន្ធមិត្តបានយ៉ាងច្បាស់ វាក៏ដើរតួជា «ប៉មបញ្ជាចរាចរណ៍អាកាសចល័ត» ដោយអាចបញ្ជាយន្តហោះចម្បាំងផ្សេងទៀតឱ្យចូលវាយប្រហារគោលដៅ។ វាបានបើកប្រតិបត្តិការដំបូងនៅឆ្នាំ ១៩៧២ យន្តហោះនេះធ្លាប់ប្រើប្រាស់ក្នុងសង្គ្រាមដូចជានៅអាហ្វហ្គានីស្ថាន និងអ៊ីរ៉ាក់ជាដើម វាក៏ត្រូវបានប្រើប្រាស់ដើម្បីការពារដែនអាកាសសហរដ្ឋអាម៉េរិក បន្ទាប់ពីព្រឹត្តិការណ៍ថ្ងៃទី១១ ខែកញ្ញា ២០០១ ផងដែរ៕

The post អ៊ីរ៉ង់បាញ់ទម្លាក់យន្តហោះបញ្ជាការអាម៉េរិកតម្លៃ ២៧០លានដុល្លារ appeared first on .