កាលពីពេលថ្មីៗកន្លងទៅនេះ ក្រុមហ៊ុន សុខាអចលនទ្រព្យ របស់ អ្នកឧកញ៉ា សុខ គង់ បានរៀបចំកម្មវិធីមួយឈ្មោះថា Sokha Real Estate Networking Night ក្រោមការចូលរួមពីសំណាក់ភ្ញៀវកិត្តិយសជាច្រើនរូប ជាពិសេសក៏មានវត្តមានរបស់ កញ្ញា ស្រីនា ដែលទើបនឹងបានសម្រេចក្ដីស្រមៃជូនលោកអ្នកមានគុណ គឺការទិញផ្ទះវីឡាដ៏ស្រស់ស្អាតមួយក្នុង បុរី មរកតឋានសួគ៌ របស់ក្រុមហ៊ុន សុខា រៀល អុីស្តេត នាទីក្រុងឋានសួគ៌បូកគោ ។
ថ្លែងក្នុងកម្មវិធីជំនួប Sokha Real Estate Networking Night កញ្ញា ស្រីនា ដែលមហាជនជាច្រើនស្គាល់ច្បាស់ថា ជាតារាសម្ដែងដ៏មានប្រជាប្រិយភាពនៅតាមបណ្ដាញសង្គម បានបញ្ជាក់ថា កញ្ញា បានសម្រេចចិត្តទិញផ្ទះវីឡាមួយ ទុកជូនជាកាដូដ៏ពិសេស និងជាការដឹងគុណចំពោះប៉ាម៉ាក់ជាទីស្រលាញ់របស់ខ្លួន ក៏ដោយសារតែមើលឃើញពីសក្ដានុពល និងចំណុចទាក់ទាញដ៏ពិសេស របស់បុរី មរកតឋានសួគ៌។
ស្រីនា បានបញ្ជាក់ថា៖ “ប៉ារបស់ខ្ញុំ គាត់ធ្លាប់ប្រាប់ខ្ញុំថា ទីក្រុងបូកគោ ជាទឹកដីធម្មជាតិដ៏ស្រស់ត្រកាលមួយប្រចាំប្រទេសកម្ពុជា ប្រៀបបានឱសថ អាចព្យាបាលអារម្មណ៍ហត់នឿយ ពេលបានទៅកម្សាន្ត ឬស្នាក់នៅទីនោះ។ ហើយទីបំផុតពួកខ្ញុំ ក៏បានសម្រេចបំណងជូនលោកប៉ា និងអ្នកម៉ាក់ ពិតប្រាកដមែន”។
កម្មវិធី Sokha Real Estate Networking Night គឺបង្កើតឡើង ដើម្បីថ្លែងអំណរគុណចំពោះអតិថិជន ដែលបានគាំទ្រ ដល់គម្រោងអភិវឌ្ឍលំនៅឋានរបស់ក្រុមហ៊ុន សុខាអចលនទ្រព្យ ក៏ដូចជាបង្កើនទំនាក់ទំនង ចំណេះដឹង និងឱកាសនៃការវិនិយោគនៅក្នុងវិស័យអចលនទ្រព្យ ព្រមទាំងចូលរួមចែករំលែកចំណេះដឹង និងបទពិសោធន៍ពីការមានផ្ទះនៅលើកំពូលភ្នំបូកគោ ដ៏ស្រស់ស្អាត។
លោកឧកញ៉ា សាយ សុភ័ត្រា នាយកផ្នែកលក់ និងទីផ្សារ ក្រុមហ៊ុន សុខា រៀល អុីស្តេត មានប្រសាសន៍ថា៖ ចាប់តាំងពីមានប្រព័ន្ធហេដ្ឋារចនាសម្ព័ន្ធផ្លូវល្បឿនលឿន ភ្នំពេញ-ខេត្តព្រះសីហនុ ដែលអនុញ្ញាតឱ្យមានការធ្វើដំណើរចេញពីផ្លូវល្បឿនលឿន កាត់ផ្លូវជាតិជាតិលេខ៤ សំដៅមកផ្លូវបេតុងធ្វើថ្មី ឆ្ពោះមកទីក្រុងបូកគោ ក៏ដូចជាផ្លូវជាតិលេខ ៣ បានរួមចំណែកឱ្យប្រជាពលរដ្ឋធ្វើដំណើរមកកម្សាន្ត និងអ្នកវិនិយោគអចលនទ្រព្យទិញផ្ទះលម្ហែ និងទុកវិនិយោគ ជាមួយក្រុមហ៊ុន សុខា រៀល អុីស្តេត នាទីក្រុងឋានសួគ៌បូកគោ កាន់តែច្រើន។
លោកឧកញ៉ា បន្ថែមថា៖ ខ្ញុំអាចនិយាយបានថា គម្រោងអភិវឌ្ឍន៍ទីក្រុងបូកគោ ក្រុមហ៊ុន សុខា រៀល អុីស្តេត ជាតំបន់ទេសចរណ៍ប្រវត្តិសាស្ត្រមានទេសភាពខ្យល់អាកាសដ៏ល្អបរិសុទ្ធ និងជាគម្រោងអចលនទ្រព្យដ៏ល្អឥតខ្ចោះតែមួយគត់នៅកម្ពុជា ដែលមានសក្ដានុពលនៅក្បែរផ្លូវទឹក ផ្លូវអាកាស ហេដ្ឋារចនាសម្ព័ន្ធផ្លូវជាតិខ្វាត់ខ្វែងគួរឱ្យចង់រស់នៅ និងវិនិយោគរយៈពេលវែង។
ក្រុមហ៊ុន សុខាអចលនទ្រព្យ មានប្រភេទផ្ទះជាច្រើនជម្រើស ដើម្បីបំពេញតម្រូវការរបស់អតិថិជន ដូចជា ប្រភេទផ្ទះល្វែង វីឡាព្រីនស៏ វីឡាឃ្វីន និងវីឡាឃីងជាដើម។ សម្រាប់ព័ត៌មានបន្ថែម៖ Metfone: 067 200 777, 066 200 777 Smart: 098 200 777 Cellcard: 099 200 777, 061 200 777៕
