មេធំ JPMorgan បន្តធ្វើទស្សនកិច្ចនៅកោះតៃវ៉ាន់ ក្រោយចាកចេញពីចិន

អន្តរជាតិ

លោក Jamie Dimon នាយកប្រតិបត្តិ​ធនាគារ​កំពូលអាមេរិក​ JPMorgan Chase & Co កំពុង​បំពេញ​ទស្សនកិច្ច​នៅ​កោះតៃវ៉ាន់ បន្ទាប់ពីលោក​ទើប​នឹង​បញ្ចប់​ដំណើរទស្សនកិច្ចនៅប្រទេសចិន​នា​សប្ដាហ៍នេះ។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

យោងតាម​ការចុះផ្សាយពី CNA បានបង្ហាញថា លោក Dimon ខកខាន​ជាន់ដីកោះតៃវ៉ាន់ជិត​មួយ​ទសវត្ស​ហើយ បើទោះជា​ធនាគារ​អាមេរិក​មាន​វត្តមាននៅ​ដីកោះ​មួយ​នេះ​ តាំងពីឆ្នាំ ១៩៧០ ក្ដី។

ប្រភពមួយសុំមិនបញ្ចេញឈ្មោះបានអះអាងថា ក្នុងដំណើរទស្សនកិច្ចមួយនេះ លោក Dimon នឹង​ជួបសំណេះសំណាលជាមួយ​បុគ្គលិកធនាគារ និងអតិថិជន ប៉ុន្តែមិនមាន​គម្រោងជួបជាមួយ​រដ្ឋមន្ត្រីតៃវ៉ាន់នោះឡើយ។

គួររំលឹកថា JPMorgan មានបុគ្គលិកច្រើនជាង ៥០០នាក់នៅតៃវ៉ាន់ ជាកន្លែងដែលក្រុមហ៊ុនផ្តល់សេវាធនាគារសាជីវកម្ម វិនិយោគ និងធនាគារពាណិជ្ជ ព្រមទាំងការគ្រប់គ្រងទ្រព្យសម្បត្តិសោធននិវត្តន៍សាធារណៈផងដែរ។

ជម្រាបបន្ថែមថា លោក Dimon នឹងធ្វើដំណើរទៅកាន់ប្រទេសកូរ៉េខាងត្បូង បន្ទាប់ពី​បញ្ចប់​ដំណើរទស្សនកិច្ចនៅតៃវ៉ាន់៕