គិតត្រឹមថ្ងៃទី០៥ ខែមីនា ស្ថាបនិកក្រុមហ៊ុន Amazon មហាសេដ្ឋី Jeff Bezos បានក្លាយខ្លួនជាកំពូលអ្នកមានដាច់គេលើលោកវិញ តាំងពីរបូតតំណែងមួយនេះអស់រយៈពេល ២ឆ្នាំ។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
យោងតាមការចុះផ្សាយពីគេហទំព័រ Bloomberg Billionaires Index បានបង្ហាញថា មហាសេដ្ឋីអាមេរិកម្នាក់នេះ បានក្លាយជាមហាសេដ្ឋីមានបំផុតលើលោក ជាមួយទំហំទ្រព្យសម្បត្តិច្រើនជាង ២០០ពាន់លានដុល្លារ។
មូលហេតុដែលធ្វើឲ្យស្ថាបនិកក្រុមហ៊ុនខ្នាតយក្ស Amazon ក្លាយជាកំពូលអ្នមានបំផុតលើលោក គឺដោយសារតម្លៃហ៊ុនរបស់ក្រុមហ៊ុនមួយនេះ មានការហក់ឡើងខ្ពស់ដល់ទៅ ១៧% រយៈពេល៣ខែនេះ ឬប្រហែល ៩០% ឯណោះ បើធៀបនឹងទិន្នន័យកាលពីឆ្នាំទៅ។
សូមជម្រាបដែរថា បច្ចុប្បន្ននេះ លោក Jeff Bezos គឺជាកំពូលអ្នកមានដាច់គេលើលោក តាមពីក្រោយដោយលោក Elon Musk និងមហាសេដ្ឋីមានបំផុតនៅអឺរ៉ុប Bernard Arnault។ នេះបើតាមបញ្ជីឈ្មោះមហាសេដ្ឋី រៀបរៀងដោយគេហទំព័រ Bloomberg៕
