កូនប្រុសពៅលោក​ ត្រាំ កើបលុយបានជិត ៤០លានដុល្លារ ពីជំនួញកាក់គ្រីបតូរបស់គ្រួសារ

Barron Trump ដែលជាកូនប្រុសពៅរបស់ប្រធានាធិបតីអាមេរិក លោក​ ដូណាល់ ត្រាំ ត្រូវបានគេរាយការណ៍ថាអាចរកបានប្រាក់ចំណូលជិត ៤០លានដុល្លារ ពីការបណ្តាក់ទុនលើវិស័យកាក់គ្រីបតូ របស់គ្រួសារ។

តាមការចុះផ្សាយពីទស្សនាវដ្តី Forbes បានបង្ហាញឲ្យដឹងថា​ Barron អាចរកបានចំណូលបាន ២៥លានដុល្លារ​ បន្ទាប់ពីបង់ពន្ធរួច បន្ទាប់ពីគេបានបណ្តាក់ទុននៅក្រុមហ៊ុន World Liberty Financial ដែលជាក្រុមហ៊ុនផ្តោតរកស៊ីលើវិស័យរូបិយប័ណ្ណឌីជីថល ដែលបង្កើតដោយក្រុមគ្រួសារត្រកូល​​​ Trump កាលពីឆ្នាំមុន។​

​គួរឲ្យដឹងថា​ ចាប់តាំងពីការប្រកាសបង្កើតកាក់គ្រីបតូថ្មីមក លោក ត្រាំ​ ផ្ទាល់ត្រូវបានគេប៉ាន់ប្រមាណថា​ អាចរកប្រាក់ចំណូលបានប្រហែល ១ពាន់លានដុល្លាររួចមកហើយ តាមរយ:សកម្មភាពពាក់ព័ន្ធទៅនឹងវិស័យគ្រីបតូនេះ។​

ជម្រាបជូនថា​ Barron ត្រូវបានចុះបញ្ជីជាសហស្ថាបនិកនៃក្រុមហ៊ុន World Liberty Financial រួមជាមួយឪពុករបស់ខ្លួន លោក ដូណាល់ ត្រាំ និងបងប្រុស Eric Trump ។ បើតាម Forbes បានប៉ាន់ប្រមាណថា Barron ទំនងជាមានភាគហ៊ុន ៧,៥% នៅក្នុងក្រុមហ៊ុនដែលមានមូលដ្ឋាននៅរដ្ឋ Delaware​ មួយនេះ៕​