យោងតាមកាសែតក្នុងស្រុក Nikkei បានរាយការណ៍នៅថ្ងៃទី១៩ ខែមីនាថា ប្រទេសជប៉ុន ត្រូវបានគេរំពឹងទុកថានឹងចំណាយទឹកប្រាក់ប្រហែល ១០ទ្រីលានយ៉េន (៦២,៧ពាន់លានដុល្លារ) ក្នុងដំណាក់កាលទីពីរនៃការសន្យាវិនិយោគសរុប ៥៥០ពាន់លានដុល្លារ នៅសហរដ្ឋអាមេរិក ដោយផ្តោតលើគម្រោងសំខាន់ៗ ដូចជារ៉េអាក់ទ័រនុយក្លេអ៊ែរជំនាន់ក្រោយ និងការផលិតថាមពលដើរដោយឧស្ម័នជាដើម។
ប្រភពដដែលបានបង្ហាញឲ្យដឹងទៀតថា ការវិនិយោគនេះត្រូវបានគេរំពឹងទុកថានឹងត្រូវបានប្រកាសនៅក្នុងកិច្ចប្រជុំកំពូលរវាងនាយករដ្ឋមន្ត្រី លោកស្រី Sanae Takaichi និងប្រធានាធិបតីអាមេរិក លោក ដូណាល់ ត្រាំ នៅទីក្រុងវ៉ាស៊ីនតោន ។
យ៉ាងណាមិញ ជាផ្នែកនៃផែនការវិនិយោគនេះ ក្រុមហ៊ុន Mitsubishi Heavy Industries, Toshiba, IHI និងក្រុមហ៊ុនជប៉ុនធំៗផ្សេងទៀត កំពុងពិចារណាចូលរួមក្នុងការសាងសង់រ៉េអាក់ទ័រនុយក្លេអ៊ែរជំនាន់ក្រោយរបស់ក្រុមហ៊ុនអាមេរិក Westinghouse Electric។
ជម្រាបជូនទៀតាថា កាលពីដើមខែនេះ សារព័ត៌មាន Reuters បានរាយការណ៍ថា ប្រទេសទាំងពីរកំពុងធ្វើការដើម្បីរួមបញ្ចូលគម្រោងថាមពលនុយក្លេអ៊ែរ នៅក្នុងកិច្ចព្រមព្រៀងជុំទីពីរ ក្រោមការសន្យាវិនិយោគមានទឹកប្រាក់រហូតដល់ទៅរាប់ពាន់លានដុល្លារ៕
