កាលពីពេលថ្មីៗនេះ រដ្ឋមន្ត្រីនៃក្រសួងការពារជាតិរបស់រុស្ស៊ីបានដាក់សំណើទៅកាន់ក្រុមយោធា និងទាហានស៊ីឈ្នួលនៅទីក្រុង Mariupol នៃប្រទេសអ៊ុយក្រែន ដើម្បីធ្វើការសុំចុះចាញ់ និងឈប់បើកការវាយប្រហារតទៀត។ នេះបើតាមការចុះផ្សាយពី Reuters។
![](https://www.oknha.news/wp-content/uploads/2022/04/TASS_52209887-1024x644.jpg)
រដ្ឋមន្ត្រីនៃក្រសួងការពារជាតិរបស់រុស្ស៊ីបាននិយាយថា៖ “កងកម្លាំងរបស់រុស្ស៊ីនឹងមិនធ្វើការវាយប្រហារ ហើយផ្អែកលើគោលជំហរមនុស្សធម៌ ពួកយើងស្នើឲ្យកងយោធា និងទាហានស៊ីឈ្នួលទម្លាក់អាវុធចុះ បញ្ឈប់ការវាយប្រហារចាប់ពីម៉ោង ១៤:០០ ម៉ោងនៅទីក្រុងមូស្គូ ថ្ងៃទី ២០ មេសានេះតទៅ”។
![](https://www.oknha.news/wp-content/uploads/2022/04/1650373336_Ukraine-Mariupol-1024x576.png)
រំលឹកបន្តិចថា កន្លងមកសំណើស្រដៀងគ្នានេះក៏ធ្លាប់ត្រូវបានរុស្ស៊ីផ្ដល់ជូនកងយោធាអ៊ុយក្រែនម្ដងដែរកាលពីថ្ងៃអង្គារ ប៉ុន្តែមិនមានទាហានណាម្នាក់យល់ព្រមចុះចាញ់ឡើយ។
![](https://www.oknha.news/wp-content/uploads/2022/04/123770493_a0ca510e-af44-4569-ba61-f12ca4be1762.jpg)
ដោយឡែក បើតាមការបង្ហោះសារឲ្យដឹងពីអាជ្ញាធរប្រចាំតំបន់ Mariupol បានឲ្យដឹងថា បច្ចុប្បន្នប្រជាជននៅទីក្រុងមួយនេះមានប្រមាណ ១០០ ០០០ នាក់ ហើយបើទោះជាទាហានរុស្ស៊ីហាក់មានប្រៀបជាងក្ដី ក៏ពួកគេមិនខ្លាចរអា និងមិនព្រមប្រគល់ទីក្រុងមួយនេះងាយៗដែរ។
បញ្ជាក់ដែរថា ម៉ោងនៅកម្ពុជាគឺមានរយៈពេលលឿនជាងម៉ោងនៅទីក្រុងមូស្គូ ៤ ម៉ោង៕
ប្រភព: Thesun