កាលពីពេលកន្លងទៅ មានចចាមអារ៉ាមថា រដ្ឋាភិបាលឥណ្ឌូណេស៊ីមានបំណងចង់ទិញប្រេងពីរុស្ស៊ី បើទោះជាត្រូវប្រឈមនឹងការដាក់ទណ្ឌកម្មសេដ្ឋកិច្ចពីលោកខាងលិចក៏ដោយ។
![](https://www.oknha.news/wp-content/uploads/2022/09/2022-09-16t093409z_2_lynxmpei8f0f6_rtroptp_3_indonesia-pertamina.jpg)
ទាក់ទងនឹងចចាមអារ៉ាមខាងលើ រដ្ឋាភិបាលឥណ្ឌូណេស៊ីក៏មិនបានចេញមុខច្រានចោលព័ត៌មាននេះដែរ ហើយពួកគេថែមទាំងប្រកាសក្ដែងៗថា នឹងយល់ព្រមទិញប្រេងពីគ្រប់ប្រទេសឲ្យតែលក់ក្នុងតម្លៃធូរថ្លៃ ហើយរុស្ស៊ីក៏ជាជម្រើសល្អបំផុតរបស់ឥណ្ឌូណេស៊ីផងដែរ។
យោងតាមការចុះផ្សាយពី CNA បានឲ្យដឹងថា ពួកគេនឹងទិញប្រេងពីរុស្ស៊ីក្នុងពេលឆាប់ៗ ដោយសារតម្រូវការក្នុងប្រទេសកំពុងចាំបាច់ខ្លាំង ហើយមូលហេតុដែលការបញ្ជាទិញមិនទាន់ចេញរូបរាង គឺព្រោះតែរុស្ស៊ីផលិតមិនទាន់ ដូច្នេះត្រូវរង់ចាំសិន។
![](https://www.oknha.news/wp-content/uploads/2022/09/10060000-0aff-0242-2364-08da5552905f_cx0_cy12_cw97_w1080_h608_s-1024x576.jpg)
សូមជម្រាបដែរថា កាលពីដើមខែនេះ ប្រធានាធិបតី Joko Widodo បានទម្លាយប្រាប់ Financial Times ថា លោកកំពុងពិចារណាក្នុងការចូលរួមជាមួយឥណ្ឌា និងចិនសម្រាប់ការទិញប្រេងពីរុស្ស៊ី បើទោះជាត្រូវប្រឈមនឹងការដាក់ទណ្ឌកម្មសេដ្ឋកិច្ចពីលោកខាងលិចក្ដី៕