ចាប់ផ្ដើមអាណត្តិទី៣ លោក ស៊ី ជិនពីង ប្រកាសកញ្ចប់ការពារជាតិទឹកប្រាក់ជាង ២២០ពាន់លានដុល្លារ

អន្តរជាតិ

កាលពីថ្ងៃអាទិត្យកន្លងទៅ ប្រទេសចិនបានប្រកាសថា នឹងបង្កើនកញ្ចប់ទឹកប្រាក់លើកញ្ចប់​ការពារជាតិ​របស់ខ្លួនប្រមាណ ៧,២% រហូតដល់ ១,៥៥ ទ្រីលានយ៉ន់ ឬប្រហែល ២២៥ ពាន់លានដុល្លារ។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

យោងតាមការចុះផ្សាយពី Tribuneindia បានបង្ហាញទៀតថា នេះគឺជាការបង្កើនទឹកប្រាក់លើ​កញ្ចប់​ចំណាយយោធា ៨ ឆ្នាំជាប់ៗគ្នារបស់ចិន ខណៈឆ្នាំ ២០២៣ នេះទៀតសោត គឺជាការចាប់​ផ្ដើមថ្មីនៃអាណត្តិទី ៣ របស់​ប្រធានាធិបតី ស៊ី ជិនពីង។

កាលពីឆ្នាំទៅ ចិនបានចាយលុយលើកញ្ចប់ការពារជាតិរបស់ខ្លួនប្រមាណ ១,៤៥ ទ្រីលានយ៉ន់ ឬប្រហែល ២៣០ ពាន់លានដុល្លារ ប៉ុន្តែដោយសារអត្រាប្ដូរប្រាក់បច្ចុប្បន្នមានការប្រែប្រួល ដូច្នេះ​បើទោះជាចិន​ពង្រីកទំហំចំណាយដល់ ១,៥៥ ទ្រីលានយ៉ន់ ក៏គិតជាប្រាក់ដុល្លារ មានចំនួនតិច​ជាងឆ្នាំទៅ ត្រឹម ២២៥ ពាន់លានដុល្លារប៉ុណ្ណោះ។

គួររំលឹកដែរថា ចិនគឺជាប្រទេសចាយលុយច្រើនបំផុតលើកញ្ចប់យោធា បន្ទាប់ពីអាមេរិក​សម្រាប់ឆ្នាំ ២០២៣ ពោលអាមេរិកត្រៀមលុយប្រហែល ៨១៦ ពាន់លានដុល្លារឯណោះ ទៅលើ​កញ្ចប់ការពារជាតិ​របស់ពួកគេ៕