𝐑𝐨𝐲𝐚𝐥 𝐁𝐞𝐚𝐜𝐡 𝐑𝐞𝐬𝐨𝐫𝐭 & 𝐑𝐞𝐬𝐢𝐝𝐞𝐧𝐜𝐞 របស់អ្នកឧកញ៉ា សួរ វីរៈ ជារីសតដ៏ប្រណិតសម្បូរបែប ស័ក្តិសមសម្រាប់ដំណើរកម្សាន្តលក្ខណៈក្រុមហ៊ុន ឬលក្ខណៈគ្រួសារ

រ៉ូយ៉ាល់ប៊ិច រីសត និងវីឡាលំហែ (𝐑𝐨𝐲𝐚𝐥 𝐁𝐞𝐚𝐜𝐡 𝐑𝐞𝐬𝐨𝐫𝐭 & 𝐑𝐞𝐬𝐢𝐝𝐞𝐧𝐜𝐞 𝐛𝐲 𝐄𝐇𝐌) របស់អ្នកឧកញ៉ា សួរ វីរៈ ជារីសតមួយដ៏ប្រណិតជាមួយបរិយាកាសស្រស់ស្រាយ ខ្យល់បរិសុទ្ធ នៅជាប់សមុទ្រខេត្តកោះកុង ព្រមទាំងមានទីតាំងកម្សាន្តសម្បូរបែប ស័ក្តិសមសម្រាប់ដំណើរកម្សាន្តលក្ខណៈក្រុមហ៊ុន ម្ចាស់អាជីវកម្ម ឬលក្ខណៈគ្រួសារបែបរ៉ូមែនទិក។

រ៉ូយ៉ាល់ប៊ិច រីសត និងវីឡាលំហែ មានកន្លែងគេងផាសុកភាពរួមជាមួយបរិយាកាសធម្មជាតិជាប់មាត់សមុទ្រ ជាច្រើនជម្រើសដូចជា វីឡាឯកជនបែបប្រណិតភាព, ផ្ទះលំហែជាប់មាត់សមុទ្រ អាចស្តាប់សម្លេងទឹករលក និងបន្ទប់គេងជាលក្ខណៈគ្រួសារ ដែលមានបន្ទប់សរុបចំនួន ២៨០បន្ទប់ស័ក្តិសមសម្រាប់ដំណើរកម្សាន្ដ ជាមួយមនុស្សជាទីស្រឡាញ់របស់អ្នក។

ជាមួយគ្នានេះ រីសតរ៉ូយ៉ាល់ប៊ិច ក៏មានភោជនីយដ្ឋានស្អាត អាហារឆ្ងាញ់ មានម្ហូបអាហារគ្រប់មុខទៅតាមតម្រូវការ រួមជាមួយអាងហែលទឹកដែលមានប្រវែងវែងជាងគេក្នុងប្រទេសកម្ពុជា ប្រវែងដល់ទៅ ២៥០ម៉ែត្រ, សាលប្រជុំ, កន្លែងហាត់ប្រាណ (Gym), ទីលានបាល់ទាត់ តារាងបាល់ទះ តុវាយតេនីស និងទីលានប្រណាំង Go-Kart ផងដែរ។

𝐑𝐨𝐲𝐚𝐥 𝐁𝐞𝐚𝐜𝐡 𝐑𝐞𝐬𝐨𝐫𝐭 & 𝐑𝐞𝐬𝐢𝐝𝐞𝐧𝐜𝐞 𝐛𝐲 𝐄𝐇𝐌 មានទីតាំងស្ថិតនៅតំបន់តារាសាគរ ខេត្តកោះកុង បានចាប់ផ្តើមបើកដំណើរការ ក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរ អំឡុងខែមេសា ឆ្នាំ២០២៥ កន្លងទៅថ្មីៗនេះ។ បើតាមអ្នកឧកញ៉ា សួរ វីរៈ អគ្គនាយកក្រុមហ៊ុន វិរៈ ប៊ុនថាំ អេចប្រេស ធ្លាប់បានថ្លែងប្រាប់ដល់ឧកញ៉ាញូស៍ ឱ្យដឹងថា រីសតថ្មីនេះវិនិយោគលើផ្ទៃដី ៦ហិកតា និងចំណាយថវិកាអស់ប្រមាណ ២៨លានដុល្លារ (សរុបទាំងថ្លៃដី)៕