ជំទាវឧកញ៉ា ចាប ច័ន្ទម៉ានីកា ទទួលបានគោរមងារ «មហាឧបាសិកាពុទ្ធសាសនូបត្ថម្ភក៍» ពីគណៈសង្ឃពុទ្ធ​សាសនាកម្ពុជា

លោកជំទាវឧកញ៉ា ចាប ច័ន្ទម៉ានីកា ភរិយារបស់ឧកញ៉ា ជា ចំរើន ត្រូវបានសម្តេចព្រះមហាសុមេធាធិបតី អំ លីមហេង សម្តេចព្រះសង្ឃនាយក និងសម្តេចព្រះអគ្គមហាសង្ឃរាជាធិបតី នន្ទ ង៉ែត សម្តេចព្រះមហាសង្ឃរាជ ចេញ​ព្រះរាជប្រកាសនីយប័ត្រ ត្រាស់សម្រេចផ្តល់គោរមងារជូនជា «មហាឧបាសិកាពុទ្ធសាសនូបត្ថម្ភក៍» នៅ​ថ្ងៃទី១២ ខែមករា ឆ្នាំ២០២៦។

សូមជម្រាបថា លោកជំទាវឧកញ៉ា ចាប ច័ន្ទម៉ានីកា និងឧកញ៉ា ជា ចំរើន តែងតែបរិច្ចាគធនធានផ្ទាល់ខ្លួន​ចូលរួម​​ជាមួយរាជរដ្ឋាភិបាល ក្នុងការជួយអភិវឌ្ឍសង្គមជាតិ ព្រមទាំងជួយសាងសង់សមិទ្ធផលតាមវត្តអារ៉ាមមួយចំនួន​ផងដែរ។ លោកជំទាវ ចាប ច័ន្ទម៉ានីកា ត្រូវបានព្រះមហាក្សត្រ ចេញព្រះរាជក្រឹត្យផ្តល់គោរមងារ «ឧកញ៉ា» នៅ​ថ្ងៃទី០៧ ខែមិថុនា ឆ្នាំ២០១០៕