ព្រះមហាក្សត្រ ចេញព្រះរាជក្រឹត្យផ្តល់គោរមងារ «ឧកញ៉ា» ជូនលោក ឈឿន ងន់អេង

ព្រះករុណាព្រះបាទ​សម្ដេច​ព្រះ​បរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានចេញ​ព្រះរាជក្រឹត្យ​ត្រាស់បង្គាប់ផ្តល់គោរមងារ លោក ឈឿន ងន់អេង ជា «ឧកញ៉ា» នៅថ្ងៃទី១៤ ខែកុម្ភៈ ឆ្នាំ២០២៦។

ព្រះរាជក្រឹត្យ​ផ្តល់គោរមងារឧកញ៉ាខាងលើនេះ ធ្វើឡើងតាមសេចក្តីក្រាបបង្គំទូលថ្វាយរបស់ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។

លោក ឈឿន ងន់អេង ត្រូវបានគេស្គាល់ថាជាអ្នកជំនួញមួយរូបនៅភាគឦសាន។ លោកជាម្ចាស់ ជាងអេង រីសត ដែលមានទីតាំងនៅខេត្តរតនគិរី និងខេត្តកំពង់ចាម។ លោកក៏ជាម្ចាស់គម្រោងផ្ទះល្វែងជាងអេង នៅ​ខេត្តរតនគិរី និងជាម្ចាស់ស្ថានីយប្រេងឥន្ធនៈជាច្រើនខេត្តផងដែរ៕