ឧកញ៉ា តាន់ មុនីវណ្ណ អនុប្រធានសភាពាណិជ្ជកម្មកម្ពុជា និងជាសហប្រធានក្រុមការងារ “ឌ” “ផ្នែកសំណង់ និងអចលនទ្រព្យ” ផ្នែកឯកជន កាលថ្ងៃទី១៩ ខែកុម្ភៈ ឆ្នាំ២០២៦ បាននាំយកកុំព្យូទ័រជាច្រើនគ្រឿង ប្រគល់ជូន ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ នៅទីស្តីការក្រសួង ដើម្បីជួយលើការងារអភិវឌ្ឍធនធានមនុស្ស និងការអភិវឌ្ឍជំនាញ។
តាមរយៈសារលើបណ្តាញសង្គម កាលថ្ងៃព្រហស្បតិ៍ ឧកញ៉ា តាន់ មុនីវណ្ណ បានលើកឡើងបែបនេះថា៖ “ខ្ញុំបាទមានឱកាសបានចូលរួមប្រគល់កុំព្យូទ័រជូន ឯកឧត្តមឧបនាយករដ្ធមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់”។
លោកឧកញ៉ាអគ្គនាយករងក្រុមហ៊ុន ម៉ុង ឬទ្ធី គ្រុប បានឱ្យដឹងបន្ថែមផងដែរថា ឯកឧត្តមឧបនាយករដ្ឋមន្ត្រី បានគិតគូរយ៉ាងខ្លាំងលើវិស័យអប់រំនៅកម្ពុជា។ កន្លងលោកឧកញ៉ា បានចូលរួមកម្មវិធីជាមួយ ឯកឧត្តមឧបនាយករដ្ឋមន្ត្រី ច្រើនលើកច្រើនសារ ហើយឯកឧត្តមឧបនាយករដ្ឋមន្ត្រី តែងតែលើកឡើងពីការអភិវឌ្ឍធនធានមនុស្ស និងការអភិវឌ្ឍជំនាញមិនដែលខានឡើយ៕
