នាព្រឹកថ្ងៃទី២១ ខែកុម្ភៈ ឆ្នាំ២០២៦នេះ ឧកញ៉ា តាន់ មុនីវណ្ណ អនុប្រធានសភាពាណិជ្ជកម្មកម្ពុជា បានអញ្ជើញចូលរួមអមដំណើរ ឯកឧត្តម សុខ គាង រដ្ឋលេខាធិការក្រសួងរៀបចំដែនដី ជាប្រធានក្រុមការងារវិស័យអប់រំ យុវជន និងកីឡា នៃក្រុមការងាររាជរដ្ឋាភិបាល ចុះមូលដ្ឋានខេត្តព្រះសីហនុ និងឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ ចុះពិនិត្យការបិទបញ្ចប់ការងាររៀបចំកសាង និងកែលម្អបរិស្ថានសាលារៀនកម្ពុជា នៅបឋមសិក្សា ហ៊ុនសែន មិត្តភាព ក្រុងព្រះសីហនុ ខេត្តព្រះសីហនុ។
ក្នុងឱកាសនេះដែរ ក៏មានការចូលរួមពី ឯកឧត្តម លោកជំទាវ អនុប្រធានក្រុមការងារវិស័យអប់រំ យុវជន និងកីឡា សមាជិក សមាជិកា អង្គការ អេដ អេ អាកស្យុងប្រចាំនៅកម្ពុជា និងសប្បុរសជនក្នុងខេត្ត។
សូមជម្រាបថា បេសកកម្មខាងលើនេះ ក្រុមការងារបានអញ្ជើញចុះពិនិត្យការពង្រឹងប្រសិទ្ធិភាព គុណភាពអប់រំ និងបិទបញ្ចប់ការងាររៀបចំកសាង និងកែលម្អបរិស្ថានសាលារៀនកម្ពុជា សាលាមត្តេយ្យ ទាំង៣កម្រិត អាហារដ្ឋាន សួនកីឡា ច្បារដំណាំ ទីលានសភាកុមារ ទីលានចរិយាធម៌ សួនកុមារ តារាងពហុបំណង សួនសិល្បៈតន្ត្រី សួនអំណាន សួនជីវចម្រុះ បណ្ណាល័យ នៅបឋមសិក្សា ហ៊ុនសែន មិត្តភាព៕
