ត្រឹមរយៈពេលមួយយប់ មានមហាសេដ្ឋីប្រាក់លាន ៣រូប ប្រកាសចូលរួមបរិច្ចាគនូវថវិកាជូនសម្តេចតេជោ ហ៊ុន សែន ចំនួន ៧.៥លានដុល្លារ ដើម្បីទិញមន្ទីរពេទ្យ “នគរទេព” ហើយប្តូរឈ្មោះថាជាមន្ទីរពេទ្យ «ហ្លួងម៉ែ» វិញ ដែលមានទីតាំងស្ថិតក្នុងសង្កាត់ព្រៃស ខណ្ឌដង្កោ រាជធានីភ្នំពេញ ខណៈពេលដែលមន្ទីរពេទ្យមួយនេះចាប់ផ្តើមទទួលព្យាបាលអ្នកជំងឺកូវីដ១៩កាលពីថ្ងៃទី២៧ ខែមីនាម្សិលមិញ។
![](https://i1.wp.com/oknha.news/wp-content/uploads/2021/03/165930641_3993093494088698_8570566135992997680_o.jpg?fit=640%2C360&ssl=1)
១.ក្រុមហ៊ុន ជីបម៉ុង របស់មហាសេដ្ឋី លាន ឃុន ឧបត្ថម្ភថវិកាចំនួន ២លានដុល្លារ
![](https://www.oknha.news/wp-content/uploads/2021/03/img-0.97314200-1573204759.jpg)
២.មហាសេដ្ឋី ឡេង ណាវ៉ាត្រា ម្ចាស់ក្រុមហ៊ុន ឡេង ណាវ៉ាត្រា ឧបត្ថម្ភថវិកាចំនួន ៣.៥ លានដុល្លារ
![](https://i1.wp.com/oknha.news/wp-content/uploads/2021/03/165737773_1564793840539567_389675407427047007_o.jpg?fit=640%2C961&ssl=1)
៣. មហាសេដ្ឋី លី យ៉ុងផាត់ ប្រធានក្រុមហ៊ុន L.Y.P គ្រុប ឧបត្ថម្ភថវិកាចំនួន ២លានដុល្លារ
![](https://www.oknha.news/wp-content/uploads/2021/03/premier-sensok-02.2e16d0ba.fill-960x540-1.jpg)
សូមបញ្ជាក់ថា មន្ទីរពេទ្យ «នគរទេព» មានផ្ទៃដីទំហំ១ហិកតា ៥០អា ដែលមានអគារទំហំ ២៥,០០០ម៉ែត្រការេ កំពស់៥ជាន់ មានប្រព័ន្ធ ទឹក ភ្លើងល្អដែលបំពាក់ដោយប្រព័ន្ធសទ្បា (solar) និងមានម៉ាស៊ីនភ្លើងបំរុងកម្លាំង ៣៥០ KWA បំពាក់ដោយម៉ាស៊ីនផ្លាស់ប្ដូរភ្លើងដោយស្វ័យប្រវត្តិទៀតផង។ មន្ទីរពេទ្យនគរទេពអាចដាក់គ្រែសម្រាប់អ្នកជំងឺបានប្រមាណ ៥០០គ្រែ ដែលអាចរៀបចំទៅតាមតម្រូវការនៃផ្នែកផ្សេងៗដូចជា ផ្នែកសង្គ្រោះបន្ទាន់បាន៨០គ្រែ និងផ្នែកជំងឺធម្មតាបាន៤២០គ្រែ៕