លោក ហុង ឈាន តំណាង អ្នកឧកញ៉ា លី ឃុនថៃ ប្រធានក្រុមប្រឹក្សាភិបាល Alpha Group បានអញ្ជើញចូលរួមជាសក្ខីភាពក្នុងពិធីចុះហត្ថលេខាលើកិច្ចសន្យាជួលដីវិនិយោគ រវាងរដ្ឋបាលខេត្តពោធិ៍សាត់ និងក្រុមហ៊ុន SONAVITH Co., Ltd. ដោយសហការជាមួយ Farm Fresh Berhad (Malaysia) ដែលជាក្រុមហ៊ុនផលិតទឹកដោះគោឈានមុខមួយនៅប្រទេសម៉ាឡេស៊ី។
គម្រោងនេះ គឺជាកិច្ចសហការយុទ្ធសាស្ត្ររវាង Alpha Group, SONAVITH Co., Ltd. និង Farm Fresh Berhad (Malaysia) ដើម្បីអភិវឌ្ឍគម្រោង “FARM FRESH PURSAT” នៅស្រុកវាលវែង ខេត្តពោធិ៍សាត់ លើផ្ទៃដីប្រមាណ ១,០០០ ហិកតា ជាមួយទុនវិនិយោគសរុប ៦៨ លានដុល្លារអាមេរិក។
គម្រោងនេះនឹងផ្តោតលើការបង្កើតកសិដ្ឋានចិញ្ចឹមគោយកទឹកដោះតាមស្តង់ដារអន្តរជាតិ ព្រមទាំងសាងសង់រោងចក្រកែច្នៃទឹកដោះគោក្នុងស្រុក ដើម្បីពង្រឹងខ្សែសង្វាក់ផលិតកម្មទឹកដោះគោរបស់កម្ពុជា កាត់បន្ថយការនាំចូល និងបង្កើនសមត្ថភាពផ្គត់ផ្គង់ទីផ្សារក្នុងស្រុក និងការនាំចេញនាពេលអនាគត។
សូមជម្រាបជូនថា កិច្ចសហការរវាង Alpha Group, SONAVITH Co., Ltd. និង Farm Fresh Berhad (Malaysia) ត្រូវបានចាត់ទុកថា ជាជំហានដ៏សំខាន់មួយក្នុងការទាក់ទាញវិនិយោគអន្តរជាតិ និងជំរុញការអភិវឌ្ឍវិស័យកសិឧស្សាហកម្ម ដែលនឹងរួមចំណែកដល់កំណើនសេដ្ឋកិច្ច និងសន្តិសុខស្បៀងរបស់កម្ពុជាក្នុងរយៈពេលវែង៕
